കറാച്ചി: പാകിസ്ഥാനി നടി ഹുമൈറ അസ്​ഗറിനെ (35) കറാച്ചിയിലെ അപ്പാർട്ട്മെന്റിൽ മരിച്ച നിലയിൽ കണ്ടെത്തി. എത്തിഹാദ് കൊമേഴ്‌സ്യല്‍ ഏരിയയിലെ ഫേസ് 6ലെ അപ്പാര്‍ട്ട്‌മെന്റിലാണ് മൃതദേഹം കണ്ടെത്തിയത്. കഴിഞ്ഞ ഏഴ് വർഷത്തോളമായി ഈ അപ്പാർട്ട്മെന്റിൽ ഒറ്റക്കാണ് നടി താമസിച്ചിരുന്നത്.
വീട്ടിൽ നിന്ന് ദുർ​ഗന്ധം വന്നതിനെ തുടർന്ന് സംശയം തോന്നിയ അയൽവാസികൾ പൊലീസിനെ വിവരം അറിയിക്കുകയായിരുന്നു. മരണകാരണം വ്യക്തമല്ല. സംഭവത്തിൽ പൊലീസ് അന്വേഷണം തുടങ്ങി. വസ്തുതകള്‍ സ്ഥിരീകരിക്കുന്നതുവരെ ഊഹാപോഹങ്ങള്‍ പ്രചരിപ്പിക്കരുതെന്ന് പൊലീസ് മുന്നറിയിപ്പ് നല്‍കിയിട്ടുണ്ട്.
സ്ഥലത്തുനിന്ന് തെളിവുകള്‍ ശേഖരിക്കാന്‍ ഫോറന്‍സിക് സംഘങ്ങളെ അയച്ചിട്ടുണ്ടെന്ന് ഡി.ഐ.ജി വ്യക്തമാക്കി. മരണം നടന്നിട്ട് ഏകദേശം രണ്ടാഴ്ചയോളമായതായി കരുതുന്നു. അയല്‍വാസികള്‍ വിവരം അറിയിച്ചതിനെത്തുടര്‍ന്ന് സ്ഥലത്തെത്തിയ പൊലീസ് വാതില്‍ തകര്‍ത്ത് അകത്ത് കയറിയതോടെയാണ് അസ്ഗറിന്റെ മൃതദേഹം കണ്ടെത്തിയത്. തുടര്‍ നടപടികള്‍ക്കായി മൃതദേഹം ജിന്ന പോസ്റ്റ്ഗ്രാജ്വേറ്റ് മെഡിക്കല്‍ സെന്ററിലേക്ക് മാറ്റി.

നടി ഹുമൈറ അസ്ഗറിനെ ഫ്ലാറ്റിൽ മരിച്ച നിലയിൽ കണ്ടെത്തി

വടകര: എടോടിയിൽ മുനിസിപ്പൽ പാർക്കിന് സമീപം ആരാമത്തിൽ വരുൺ വിനോദ് (34) ബാംഗ്ലൂരിൽ നിര്യാതനായി. അച്ഛൻ: ഏറാമല നടുക്കണ്ടിയിൽ വി പി വിനോദ് കുമാർ (റിട്ട. അസി.സോയിൽ കെമിസ്റ്റ് ) അമ്മ: ബിന്ദു കെ പി (പ്രധാനധ്യാപിക, ശ്രീവാനന്ദവിലാസം ജെ ബി സ്കൂൾ വടകര) ഭാര്യ: ശ്രീലക്ഷ്മി (കാഞ്ഞങ്ങാട്) സഹോദരൻ: വിവേക് വിനോദ് (ഹരിത കേരള മിഷൻ ,കോഴിക്കോട്) സംസ്കാരം ഞായറാഴ്ച കാലത്ത് 10 മണി വീട്ടുവളപ്പിൽ

വടകര സ്വദേശി  ബാംഗ്ലൂരിൽ നിര്യാതനായി.

Obituary

വടകര സ്വദേശി  ബാംഗ്ലൂരിൽ നിര്യാതനായി

ബത്തേരി സ്വദേശി ഇസ്രായേലിൽ ആത്മഹത്യ ചെയ്ത നിലയിൽ. കോളിയാടിയിലെ ജിനേഷ് പി സുകുമാരൻ ആണ് മരിച്ചത്. 80 വയസ്സുള്ള സ്ത്രീയെ കുത്തിക്കൊലപ്പെടുത്തിയ ശേഷം ഇയാൾ ആത്മഹത്യ ചെയ്തുവെന്നാണ് വിവരം. കുറച്ചുകാലമായി ജെറുസലേമിൽ കെയർഗിവർ ആയി ജോലി ചെയ്തുവരികയായിരുന്നു.

ബത്തേരി സ്വദേശി ഇസ്രായേലിൽ ആത്മഹത്യ ചെയ്ത നിലയിൽ;80 കാരിയെ കൊലപ്പെടുത്തിയ ശേഷം ജീവനൊടുക്കിയ​തെന്ന് വിവരം

കരിവെള്ളൂർ (കണ്ണൂർ): കരിവെള്ളൂർ ശിവക്ഷേത്രകുളത്തിൽ യുവാവ് മുങ്ങിമരിച്ചു.ചെറുതോണി മണിപ്പാറ ചേനാറ്റിൽ ഹൗസിൽ അഖിൽ അഗസ്റ്റിൻ (22) ആണ് മരിച്ചത്. ചൊവ്വാഴ്ച വൈകുന്നേരം ആറ് മണിക്കാണ് സംഭവം.
പഠനകാലത്ത് ബെംഗളൂരുവിലെ ഹോസ്റ്റലിൽ കൂടെയുണ്ടായിരുന്നവർ കരിവെള്ളൂരിലെ സുഹൃത്തിൻ്റെ വീട്ടിലെത്തിയതായിരുന്നു. വൈകുന്നേരം 5.30-ഓടെ ആറ് കൂട്ടുകാരോടൊത്ത് ക്ഷേത്രകുളത്തിൽ കുളിക്കാൻ ഇറങ്ങി. ഇതിനിടയിൽ അഖിൽ വെള്ളത്തിൽ മുങ്ങിത്താഴുകയായിരുന്നു.ഏറെനേരം കാണാത്തതിനെ തുടർന്ന് സുഹൃത്തുക്കളും നാട്ടുകാരും ചേർന്ന് നടത്തിയ തിരച്ചിലിലാണ് അഖിലിനെ കണ്ടെത്തിയത്. തുടർന്ന് പയ്യന്നൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അച്ഛൻ: റെജി, അമ്മ: സോഫി. പയ്യന്നൂർ പൊലീസ് സ്ഥലത്തെത്തി. മൃതദേഹം പരിയാരത്തെ കണ്ണൂർ ഗവ.മെഡിക്കൽ കോളേജിലേക്ക് മാറ്റി.

പയ്യന്നൂരിൽ യുവാവ് ക്ഷേത്രക്കുളത്തിൽ മുങ്ങിമരിച്ചു; അപകടം സുഹൃത്തിന്‍റെ വീട്ടിലെത്തിയപ്പോൾ

Kannur

എറണാകുളം : തൊടുപുഴയിൽ റബര്‍ തോട്ടത്തിലെ ഷെഡിന് സമീപം മദ്ധ്യവയസ്‌കനെ മരിച്ച നിലയില്‍ കണ്ടെത്തി. മേത്തൊട്ടി കൈതക്കണ്ടത്തില്‍ ജോസഫ് ( 57 )ആണ് മരിച്ചത്. ഇദ്ദേഹം പൂമാലയിലെ ഒരു പുരയിടം നോക്കി നടത്തുകയായിരുന്നു. തോട്ടത്തിലെ ഷെഡിലായിരുന്നു താമസം. പൂമാല ടൗണില്‍ എത്തിയിട്ട് തിരികെ ഷെഡിലേയ്‌ക്ക് നടന്ന് പോകുമ്പോള്‍ കുഴഞ്ഞു വീണതാകാമെന്ന് പൊലീസ് പറഞ്ഞു.
മൃതദേഹം തൊടുപുഴ ജില്ലാ ആശുപത്രിയില്‍ പോസ്റ്റ്മോര്‍ട്ടം നടത്തി. ഹൃദയാഘാതമാണ് മരണകാരണം. കാഞ്ഞാര്‍ എസ്‌ഐ ബൈജു പി ബാബുവിന്റെ നേതൃത്വത്തില്‍ ഇന്‍ക്വിസ്റ്റ് നടപടികള്‍ പൂര്‍ത്തിയാക്കി മൃതദേഹം ബന്ധുക്കള്‍ക്ക് വിട്ടുനല്‍കി.

റബർ തോട്ടത്തിലെ ഷെഡിൽ മധ്യവയസ്‌കൻ മരിച്ച നിലയിൽ; സംഭവം തൊടുപുഴയിൽ

Kerala

കോട്ടയം: ബാറിന്റെ പാർക്കിങ് ഗ്രൗണ്ടിൽ യുവാവിനെ മരിച്ച നിലയിൽ കണ്ടെത്തി. മണർകാട് സ്വദേശിയായ ശങ്കരശേരിൽ മാന്തറപ്പറമ്പിൽ എം.വി മഹേഷ് (42) നെയാണ് കാറിനുള്ളിൽ മരിച്ച നിലയിൽ കണ്ടെത്തിയത്.
മണർകാട് കെ.കെ റോഡരികിലുള്ള ബാറിൻ്റെ പാർക്കിങ് ഏരിയയിൽ തിങ്കളാഴ്ച വൈകീട്ട് 4.30 ഓടെയാണ് സംഭവം.ബാറിൽ നിന്നും പുറത്തെത്തിയ ശേഷം വിശ്രമിക്കുന്നതിനായിരുന്നു മഹേഷ് കാറിൽ കയറിയത്. എന്നാൽ ഏറെ നേരം കഴിഞ്ഞും പുറത്തേക്ക് വരാതായതോടെ ജീവനക്കാർ എത്തി പരിശോധിച്ചപ്പോഴാണ് അബോധാവസ്ഥയിൽ കണ്ടെത്തിയത്. വിവരം അറിയിച്ചതിനെ തുടർന്ന് മണർകാട് പോലീസ് സ്ഥലത്തെത്തിയാണ് കാറിൽ നിന്നും പുറത്തെടുത്ത് മണർകാട് സ്വകാര്യ ആശുപത്രിയിൽ എത്തിച്ചത്. അപ്പോഴേക്കും മരിച്ചിരുന്നു.പോലീസ് അസ്വാഭാവിക മരണത്തിന് കേസെടുത്തു. ഇൻഡസ് മോട്ടോഴ്‌സ് ജീവനക്കാരനായിരുന്ന മഹേഷ് അവിവാഹിതനാണ്.

ബാറിന്റെ പാർക്കിങ് ഗ്രൗണ്ടിൽ യുവാവിനെ മരിച്ച നിലയിൽ കണ്ടെത്തി

തിരുവനന്തപുരം: കിളിമാനൂരിൽ പനി ബാധിച്ച് രണ്ട് വയസ്സുള്ള കുട്ടി മരിച്ചു. കടവിള പുല്ലുതോട്ടം സ്വദേശി വസന്ത്-ദിവ്യ ദമ്പതികളുടെ മകൾ ഭാവയാമി ആണ് മരിച്ചത്. പനി ബാധിച്ച് എസ്എടി ആശുപത്രിയിൽ ചികിത്സയിലായിരുന്നു.

പനി ബാധിച്ച് രണ്ട് വയസ്സുള്ള കുട്ടി മരിച്ചു

പേരാമ്പ്ര : ബെെക്ക് യാത്രികൻ ലോറി കയറി മരിച്ചു. പേരാമ്പ്ര മഠത്തിക്കര വീട്ടിൽ ഷാജി (58) ആണ് മരിച്ചത്.&nbsp;
ദേശീയപാതയിൽ പേരാമ്പ്രയിൽ മേൽപ്പാല നിർമാണ സ്ഥലത്ത് വെച്ചായിരുന്നു അപകടം. അപ്പോളോ ടയേഴ്സിലെ കരാർ തൊഴിലാളിയാണ്. രാവിലെ ജോലിക്ക് പോകുന്നതിനിടെയായിരുന്നു അപകടം.

പേരാമ്പ്രയിൽ ബെെക്ക് യാത്രികൻ ലോറി കയറി മരിച്ചു

Perambra

നാഗപട്ടണം: കുടുംബത്തോടൊപ്പം വിനോദയാത്രയ്ക്ക് പോയ പത്തുവയസുകാരി മരിച്ചു. വടക്കഞ്ചേരി സ്വദേശികളായ മനോജിന്റെയും മായയുടെയും മകൾ ദേവികയാണ് മരിച്ചത്. ഇന്നലെ രാത്രിയായിരുന്നു സംഭവം. ദേഹാസ്വാസ്ഥ്യം ഉണ്ടായതോടെ കുട്ടിയെ നാഗപട്ടണത്തെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.
&nbsp;അവിടെ വച്ചാണ് മരണം സംഭവിച്ചത്.ശരീരത്തിൽ സോഡിയം കുറഞ്ഞുപോയതാണ് മരണത്തിന് കാരണമെന്നാണ് ആശുപത്രി അധികൃതർ അറിയിച്ചത്. മൃതദേഹം ഇന്ന് നാട്ടിലെത്തിക്കും.

വിനോദയാത്രയ്ക്കിടെ ദേഹാസ്വാസ്ഥ്യം, പത്തുവയസുകാരി മരിച്ചു

കോട്ടയം: അമ്മയും രണ്ട് പെൺമക്കളും പുഴയിൽ ചാടി മരിച്ചു. പാലാ മുത്തോലി സ്വദേശിനി അഡ്വ. ജിസ്‌മോൾ (34) മക്കളായ നേഹ (അഞ്ച്), പൊന്നു (രണ്ട്) എന്നിവരാണ് മരിച്ചത്. കുട്ടികളുമായി ജിസ്‌മോൾ പുഴയിൽ ചാടുകയായിരുന്നു എന്നാണ് വിവരം. മുത്തോലി ഗ്രാമപഞ്ചായത്ത് മുൻ പ്രസിഡന്റാണ് ജിസ്‌മോൾ.
ഇന്ന് ഉച്ചയ്‌ക്ക് ഒന്നരയോടെ ഏറ്റുമാനൂർ മീനച്ചിലാറ്റിൽ പുളിക്കുന്ന് കടവിന് സമീപമായിരുന്നു സംഭവം. സ്‌കൂട്ടറിൽ മക്കളുമായെത്തിയ യുവതി മീനച്ചിലാറിന്റെ സംരക്ഷണവേലി കടന്ന് ആഴംകൂടിയ അപകടമേഖലയായ പുളിങ്കുന്ന് കടവിലേക്ക് ഇറങ്ങുകയായിരുന്നു. ഇവർ ഇറങ്ങിപ്പോകുന്നത് മറ്റാരും കണ്ടിരുന്നില്ല. ഒരു മൃതദേഹം ആറ്റിലൂടെ ഒഴുകിവരുന്നത് ശ്രദ്ധയിൽപ്പെട്ട നാട്ടുകാർ ആറ്റിൽ തെരച്ചിൽ നടത്തിയപ്പോഴാണ് മറ്റ് രണ്ടുപേരെയും കണ്ടെത്തിയത്. അയർക്കുന്നം ഏറ്റുമാനൂർ സ്റ്റേഷനിൽ നിന്നും പൊലീസ് സംഘവും സ്ഥലത്തെത്തിയിരുന്നു. കുടുംബത്തിൽ പ്രശ്‌നങ്ങളുണ്ടായിരുന്നു എന്നാണ് വിവരമെന്ന് മുത്തോലി പഞ്ചായത്ത് പ്രസിഡന്റ് ര‌ഞ്ജിത്ത് പറഞ്ഞു.ഹൈക്കോടതിയിലും പാലായിലും അഭിഭാഷകയായി പ്രവർത്തിച്ചുവരികയായിരുന്നു ജിസ്‌മോൾ.&nbsp;

മുൻ പഞ്ചായത്ത് പ്രസിഡന്റും രണ്ട് പെൺമക്കളും പുഴയിൽ ചാടി ജീവനൊടുക്കി

കോട്ടയം: പാലാ ഇടപ്പാടിയിൽ ആറു വയസുകാരി കുഴഞ്ഞുവീണ് മരിച്ചു. ഇടപ്പാടി അഞ്ചാനിക്കൽ സോണി ജോസഫിന്‍റെയും മഞ്ജു സോണിയുടെയും മകൾ ജുവാന സോണിയാണ് മരിച്ചത്. ഉദര സംബന്ധമായ അസുഖങ്ങൾക്ക് കുട്ടി മരുന്ന് കഴിക്കുന്നുണ്ടായിരുന്നു.&nbsp;
കുഴഞ്ഞുവീണ കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. കോട്ടയം മെഡിക്കൽ കോളജിൽ പോസ്റ്റ്മോർട്ടത്തിനുശേഷം മൃതദേഹം സംസ്കരിക്കും.

പാലായിൽ ആറ് വയസുകാരി കുഴഞ്ഞുവീണ് മരിച്ചു

ബംഗളൂരു : മലയാളി വിദ്യാർത്ഥിനി ബംഗളൂരുവിൽ കെട്ടിടത്തിൽ നിന്ന് ചാടി ജീവനൊടുക്കി. കോഴിക്കോട് സ്വദേശിനി ലക്ഷ്‌മി മിത്ര (21) ആണ് മരിച്ചത്. ബംഗളൂരു സൊലദേവനഹള്ളിയിലെ ആചാര്യ ഇൻസ്റ്റിറ്റ്യൂട്ടിൽ ഇന്നലെയായിരുന്നു സംഭവം. ബിബിഎ ഏവിയേഷൻ മൂന്നാംവർഷ വിദ്യാർത്ഥിനിയായിരുന്നു ലക്ഷ്‌മി.
ഇന്നലെ ഉച്ചയ്ക്ക് ഒന്നേമുക്കാലോടെ കോളേജ് കെട്ടിടത്തിന്റെ നാലാം നിലയിൽ നിന്ന് ലക്ഷ്‌മി മിത്ര ചാടുകയായിരുന്നു. ഉടൻ തന്നെ സമീപത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആത്മഹത്യയുടെ കാരണം വ്യക്തമല്ല. വിദ്യാർത്ഥിനിയുടെ മാതാപിതാക്കളെ വിവരമറിയിച്ചിട്ടുണ്ടെന്നും അസ്വാഭാവിക മരണത്തിന് കേസെടുത്തതായും പൊലീസ് അറിയിച്ചു. പോസ്റ്റുമോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുനൽകും.

ബംഗളൂരുവിൽ കോഴിക്കോട് സ്വദേശിനിയായ വിദ്യാർത്ഥിനി കെട്ടിടത്തിൽ നിന്ന് ചാടി മരിച്ചു

National

പാലക്കാട്: പേസ്റ്റ് രൂപത്തിലുള്ള എലിവിഷം ഉപയോഗിച്ച് പല്ലുതേച്ച മൂന്നുവയസുകാരി ചികിത്സയിലിരിക്കെ മരിച്ചു. പാലക്കാട് അട്ടപ്പാടി ജല്ലിപ്പാറ ഒമ്മലയിൽ മുണ്ടാനത്ത് ലിതിൻ - ജോമറിയ ദമ്പതികളുടെ മകൾ നേഹ റോസ് ആണ് മരിച്ചത്. തിരുവനന്തപുരം എസ്എടി ആശുപത്രിയിൽ ചികിത്സയിലായിരുന്നു. ഫെബ്രുവരി 21നായിരുന്നു സംഭവം.
പേസ്റ്റ് രൂപത്തിലുള്ള എലിവിഷം ടൂത്ത് പേസ്റ്റാണെന്ന് കരുതി അബദ്ധത്തിൽ പല്ലുതേച്ചതോടെയാണ് മൂന്നുവയസുകാരിയുടെ ഉള്ളിൽ വിഷം ചെന്നത്. ഗുരുതരാവസ്ഥയിലായ മൂന്നുവയസുകാരിയെ പ്രാഥമിക ചികിത്സയ്ക്ക് ശേഷമാണ് തിരുവനന്തപുരത്തെ എസ്എടി ആശുപത്രിയിൽ എത്തിച്ചത്.&nbsp;

പേസ്റ്റ് രൂപത്തിലുള്ള എലിവിഷം ഉപയോഗിച്ച് പല്ലുതേച്ചു ; മൂന്നുവയസുകാരിയ്ക്ക് ദാരുണാന്ത്യം

സോഷ്യൽ മീഡിയ താരങ്ങളായ ഷെമി-ഷെഫി ദമ്പതികളുടെ കുഞ്ഞ് ജനനത്തിന് തൊട്ടുപിന്നാലെ മരണപ്പെട്ടു. ഇൻസ്റ്റഗ്രാം, യുട്യൂബ് കണ്ടന്റ് ക്രിയേറ്റർമാരായ ദമ്പതികൾ 'ടിടി ഫാമിലി' എന്നാണ് അറിയപ്പെട്ടിരുന്നത്. കുഞ്ഞിന്റെ മരണവിവരം ഇവർ തന്നെയാണ് അറിയിച്ചത്.
ഷെമി പ്രസവിച്ചു, പെൺകുഞ്ഞ് ആയിരുന്നു. അപ്പോൾ തന്നെ മരിച്ചു എല്ലാവരും ദുആ ചെയ്യണം' എന്നാണ് ഇരുവരും ഒന്നിച്ചുള്ള ഫോട്ടോ പങ്കുവച്ച് തങ്ങളുടെ ഔദ്യോഗിക ഇൻസ്റ്റാഗ്രാം പേജിൽ ടിടി ഫാമിലി കുറിച്ചത്. ഇവരുടെ രണ്ടാമത്തെ കുഞ്ഞാണ് മരണപ്പെട്ടത്. പ്രായത്തിന്റേതായ പ്രയാസങ്ങൾ പ്രസവസമയത്ത് നേരിടേണ്ടി വന്നേക്കാമെന്ന് മുൻപ് അപ്‌ലോഡ് ചെയ്ത വീഡിയോയിൽ ഷെമി സൂചിപ്പിച്ചിരുന്നു. ഇന്നലെ കുഞ്ഞിന്റെ നെഞ്ചിടിപ്പിൽ വ്യത്യാസമുള്ളതായി ചൂണ്ടിക്കാട്ടി പെട്ടെന്ന് ലേബർ റൂമിൽ പ്രവേശിപ്പിക്കുകയായിരുന്നു. ഗ‌ർഭകാലത്തെ വീഡിയോകൾ സമൂഹമാദ്ധ്യമത്തിൽ ഇരുവരും പങ്കുവച്ചിരുന്നു. ഇതിനുപിന്നാലെയാണ് ഇരുവരും ദുഃഖവാ‌ർത്ത പങ്കുവച്ചിരിക്കുന്നത്.സോഷ്യൽ മീഡിയയിൽ നിരവധി ആരാധകരുള്ള വ്‌ളോഗർമാരാണ് "ടിടി ഫാമിലി".&nbsp;

നാലുവർഷം മുൻപായിരുന്നു ഇവരുടെ വിവാഹം. ഷെഫിയേക്കാൾ ഷെമിക്ക് പ്രായക്കൂടുതൽ ഉള്ളതിനാൽ സമൂഹമാദ്ധ്യമങ്ങളിൽ നിന്നടക്കം ഇരുവരും ഏറെ വിമർശനങ്ങൾ നേരിടാറുണ്ട്. ഇരുവർക്കും നേരെ ബോഡി ഷെയ്മിംഗ് അടക്കം ഉണ്ടായിട്ടുണ്ട്.ഷെമിക്ക് ആദ്യ വിവാഹത്തിൽ രണ്ട് പെൺമക്കളാണുള്ളത്.

'പെൺകുഞ്ഞ് ആയിരുന്നു, ജനനത്തിന് തൊട്ടുപിന്നാലെ മരണപ്പെട്ടു'; ദുഃഖവാർത്ത പങ്കുവച്ച് ടിടി ഫാമിലി

ചെന്നൈ: ഡോക്‌ടറും കുടുംബവും വീട്ടിനുള്ളിൽ മരിച്ച നിലയിൽ. ചെന്നൈ അണ്ണാനഗറിലാണ് സംഭവം. ഡോ. ബാലമുരുകൻ, ഭാര്യ അഡ്വ. സുമതി, മക്കളായ ദശ്വന്ത് (17), ലിംഗേഷ് (15) എന്നിവരാണ് മരിച്ചത്. ഇന്ന് രാവിലെയാണ് വീടിനുള്ളിൽ നാലുപേരെയും തൂങ്ങിമരിച്ച നിലയിൽ കണ്ടെത്തിയത്.
ഡോക്‌ടർ ബാലമുരുകൻ സ്‌കാനിംഗ് സെന്റർ നടത്തിയിരുന്നുവെന്നാണ് വിവരം. സ്‌കാനിംഗ് സെന്റർ നടത്തിയതുമായി ബന്ധപ്പെട്ടുണ്ടായ ഭീമമായ നഷ്‌ടമാണ് കൂട്ട ആത്മഹത്യയ്‌ക്ക് കാരണമായതെന്നാണ് പ്രാഥമിക നിഗമനം. സുമതി ചെന്നൈയിലെ കോടതിയിൽ അഭിഭാഷകയായിരുന്നു. ദശ്വന്ത് പ്ലസ് ടുവിലും ലിംഗേഷ് പത്താം ക്ലാസിലും പഠിക്കുകയായിരുന്നു.ഇന്ന് രാവിലെ പതിവുപോലെ ഇവരുടെ ഡ്രൈവർ വീട്ടിലെത്തിയിരുന്നു. വിളിച്ചിട്ടും ആരെയും കാണാതായതോടെ ഇയാൾ അയൽക്കാരെ വിവരമറിയിച്ചു. തുടർന്ന് അയൽക്കാരെത്തി ജനൽവഴി പരിശോധിച്ചപ്പോഴാണ് ഒരു മുറിയിൽ ദമ്പതിമാരെ തൂങ്ങിമരിച്ച നിലയിൽ കണ്ടെത്തിയത്. മറ്റൊരു മുറിയിൽ മക്കളെയും നിലയിൽ കണ്ടെത്തി. ഉടൻതന്നെ നാട്ടുകാർ പൊലീസിൽ വിവരമറിയിക്കുകയായിരുന്നു.പൊലീസ് സ്ഥലത്തെത്തി പ്രാഥമിക പരിശോധന പൂർത്തിയാക്കി മൃതദേഹങ്ങൾ പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി. സംഭവത്തിൽ അസ്വാഭാവികത തോന്നുന്നില്ലെന്നും കുടുംബം ആത്മഹത്യ ചെയ്‌തത് തന്നെയാകാമെന്നുമാണ് പൊലീസിന്റെ പ്രാഥമിക വിലയിരുത്തൽ.&nbsp;

ചെന്നൈയിൽ ഡോക്‌ടറും കുടുംബവും വീട്ടിനുള്ളിൽ മരിച്ച നിലയിൽ

താമരശ്ശേരി∙ മധ്യവയസ്കനെ വീട്ടിൽ മരിച്ച നിലയിൽ കണ്ടെത്തി. പൂനൂർ കുണ്ടത്തിൽ പുളിയുള്ളകണ്ടി വീട്ടിൽ സുധാകരനാണു (62) മരിച്ചത്. രാവിലെ 11 മണിയോടെയാണു മൃതദേഹം കണ്ടത്. മുറികളിൽ നിലത്തു രക്തം ചിതറി കിടന്നിരുന്നു. വീടിന്റെ മുൻവശത്തെ വാതിൽ അകത്തുനിന്നു കുറ്റി ഇട്ടിട്ടില്ലായിരുന്നു.&nbsp;
പൊലീസും ഡോഗ് സ്ക്വാഡും സ്ഥലത്തെത്തി പരിശോധിച്ചു. വീടിനകത്തുവീണു മുറിവേറ്റതാവാം എന്നാണു ബന്ധുക്കളുടെ പ്രാഥമിക നിഗമനം. ഭാര്യ മഞ്ചേരിയിൽ ജോലി ചെയ്യുകയാണ്. ഏക മകന് എറണാകുളത്താണു ജോലി. വീട്ടിൽ മറ്റാരും ഇല്ലായിരുന്നെന്നു പൊലീസ് പറഞ്ഞു.

താമരശ്ശേരിയിൽ  മധ്യവയസ്കനെ വീട്ടിൽ മരിച്ച നിലയിൽ കണ്ടെത്തി

Kozhikode

കാസർകോട് : എൻമകജെ ഏൽകാനയിൽ അമ്മയും മകളും കുളത്തിൽ വീണുമരിച്ചു. പരമേശ്വരി (38), മകൾ പദ്മിനി(2) എന്നിവരെയാണ് വീടിനോട് ചേർന്ന കൃഷിയിടത്തിലെ കുളത്തിൽ മരിച്ച നിലയിൽ കണ്ടെത്തിയത്.&nbsp;
ഭർത്താവ് ഈശ്വര നായിക്കും മൂത്ത മകൻ ഹരിപ്രസാദും സംഭവസമയത്ത് സമീപത്തെ ടൗണിൽ സാധനങ്ങൾ വാങ്ങാൻ പോയിരിക്കുകയായിരുന്നു എന്നാണ് വിവരം. ഇവർ തിരിച്ചു വന്നപ്പോൾ ഇരുവരെയും വീട്ടിൽ കാണാത്തതിനെ തുടർന്നു നടത്തിയ പരിശോധനയിലാണ് കുളത്തിൽ മുങ്ങിയ നിലയിൽ കണ്ടെത്തിയത്.

കാസർകോട്ട് യുവതിയും രണ്ടു വയസ്സുകാരി മകളും കുളത്തിൽ മരിച്ച നിലയിൽ

കൽപറ്റ: ജിമ്മിൽ വ്യായാമം ചെയ്യുന്നതിനിടെ 20 വയസുകാരൻ കുഴഞ്ഞുവീണു മരിച്ചു. അമ്പലവയൽ കുപ്പക്കൊല്ലി സ്വദേശി സൽമാൻ ആണ് മരിച്ചത്.കുഴഞ്ഞുവീണ ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കോഴിക്കോട് സ്വകാര്യ ആശുപത്രിയിലേക്ക് ​കൊണ്ടുപോകും വഴിയാണ് മരണം സംഭവിച്ചത്. ഹൃദയാഘാതമാണ് മരണ കാരണമെന്നാണ് പ്രാഥമിക വിവരം. സൽമാന് മറ്റ് അസുഖങ്ങളൊന്നുമുണ്ടായിരുന്നില്ല.അമ്പലവയലിൽ പച്ചക്കറി വ്യാപാരം നടത്തുന്ന അഷ്റഫിന്റെ മകനാണ്.ഇദ്ദേഹത്തിനൊപ്പം പച്ചക്കറി കടയിൽ ജോലി ചെയ്യുകയായിരുന്നു സൽമാൻ.

ജിമ്മിൽ വ്യായാമം ചെയ്യുന്നതിനിടെ 20 വയസുകാരൻ കുഴഞ്ഞുവീണു മരിച്ചു

ലക്‌നൗ: മഹാകുംഭമേളയിലേയ്ക്കുള്ള യാത്രക്കിടെ വാഹനാപകടത്തിൽ പത്ത് തീർത്ഥാടകർക്ക് ദാരുണാന്ത്യം. ഉത്തർപ്രദേശിലെ പ്രയാഗ്‌രാജിൽ കാറും ബസും കൂട്ടിയിടിച്ചാണ് അപകടമുണ്ടായത്. പ്രയാഗ്‌രാജ്- മിർസാപൂ‌ർ ഹൈവേയിൽ ഇന്നലെ അർദ്ധരാത്രിയുണ്ടായ അപകടത്തിൽ 19 പേർക്ക് പരിക്കേൽക്കുകയും ചെയ്തു.
ഛത്തീസ്‌‌ഡഗിലെ കോർബ ജില്ലയിൽ നിന്നുള്ളവരാണ് അപകടത്തിൽപ്പെട്ടത്. തീർത്ഥാടകർ സഞ്ചരിച്ച ബൊലേറോ കാർ മദ്ധ്യപ്രദേശിലെ രാജ്‌ഗഡിൽ നിന്ന് വരികയായിരുന്ന ബസുമായി കൂട്ടിയിടിക്കുകയായിരുന്നു.

മഹാകുംഭമേളയിലേയ്ക്കുള്ള യാത്രക്കിടെ അപകടം; പത്ത് തീർത്ഥാടകർക്ക് ദാരുണാന്ത്യം,

ചെന്നെെ: ചെന്നെെയിൽ ഗോൾപോസ്റ്റ് മറിഞ്ഞ് വീണ് മലയാളിയായ ഏഴുവയസുകാരന് ദാരുണാന്ത്യം. തിരുവല്ല സ്വദേശി രാജേഷ് പണിക്കരുടെയും ശ്രീലക്ഷ്മിയുടെയും മകൻ അദ്വിക് ആണ് മരിച്ചത്. ആവഡിയിലെ സ്കൂളിലെ ഒന്നാം ക്ലാസ് വിദ്യാർത്ഥിയായിരുന്നു അദ്വിക്. ചെന്നെെ ആവഡിയിലെ വ്യോമസേനയുടെ സ്റ്റാഫ് ക്വാർട്ടേഴ്സിൽ വച്ചാണ് സംഭവം നടന്നത്.
കല്ലിൽ ചാരിയാണ് ഗോൾപോസ്റ്റ് നിർത്തിയിരുന്നത്. ക്വാർട്ടേഴ്സിൽ വെെകിട്ട് കളിക്കുന്നതിനിടെ പോസ്റ്റ് മറിയുന്നത് കണ്ട് കുട്ടി ഓടിമാറാൻ ശ്രമിച്ചെങ്കിലും തലയിൽ വീഴുകയായിരുന്നു. പരിക്കേറ്റ അദ്വികിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. ചെന്നെെ ആവഡിയിൽ വ്യോമസേന ജീവനക്കാരനാണ് അദ്വികിന്റെ അച്ഛൻ രാജേഷ്.

ഗോൾപോസ്റ്റ് തലയിൽ വീണു; ചെന്നെെയിൽ മലയാളിദമ്പതികളുടെ മകന്  ദാരുണാന്ത്യം

മലപ്പുറം : നിലമ്പൂരിൽ കളിക്കുന്നതിനിടെ ഗേറ്റ് ദേഹത്തു വീണു മൂന്നു വയസ്സുകാരി മരിച്ചു. വണ്ടൂർ സ്വദേശി ഏറാംതൊടിക സമീറിന്റെയും ഷിജിയയുടെയും ഇളയ മകൾ ഐറ ബിന്ദ് സമീറാണ് മരിച്ചത്. നിലമ്പൂർ മണലോടിയിലെ വാടക ക്വാർട്ടേഴ്‌സിൽ ഞായറാഴ്ച വൈകിട്ട് 5ന് ആണ് അപകടം.&nbsp;
പരുക്കുകളോടെ നിലമ്പൂർ ജില്ലാ ആശുപത്രിയിൽ എത്തിച്ച കുഞ്ഞിന് പ്രഥമ ചികിത്സ നൽകി കോഴിക്കോട് മെഡിക്കൽ കോളജ് ആശുപത്രിയിലേക്ക് അയച്ചു. മെഡിക്കൽ കോളജിലേക്ക് പോകും വഴിയാണ് മരിച്ചത്. തലയ്ക്കേറ്റ പരുക്കാണ് മരണകാരണമായത്. കബറടക്കം തിങ്കളാഴ്ച വല്ലപ്പുഴ ജുമാ മസ്ജിദിൽ നടത്തും. സഹോദരങ്ങൾ: ഷെസ, അഫ്സി.

കളിക്കുന്നതിനിടെ ഗേറ്റ് ദേഹത്തു വീണ് അപകടം;മൂന്നു വയസ്സുകാരിക്ക് ദാരുണാന്ത്യം

ഇടുക്കി: മൂന്നാർ ചിത്തിരപുരത്ത് റിസോർട്ടിന്റെ ആറാം നിലയിൽ നിന്ന് വീണ് ഒമ്പത് വയസുകാരൻ മരിച്ചു, മദ്ധ്യപ്രദേശ് സ്വദേശിയായ പ്രഭ ദയാലാലാണ് മരിച്ചത്. മൂന്നാർ ടി കാസ്റ്റിൽ റിസോർട്ടിലാണ് സംഭവം.ഇന്ന് പുലർച്ചയോടായിരുന്നു അപകടം. ഗുരുതര പരിക്കേറ്റ കുട്ടിയെ അങ്കമാലിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
റിസോർട്ടിന്റെ മുറിയിലെ സ്ലൈഡിംഗ് ജനൽ വഴി കുട്ടി താഴേക്ക് വീണെന്നാണ് വിവരം. സംഭവത്തിൽ ഇടുക്കി വെള്ളത്തൂവൽ പൊലീസ് അസ്വഭാവിക മരണത്തിന് കേസെടുത്തിട്ടുണ്ട്.

മൂന്നാറിൽ റിസോർട്ടിന്റെ ആറാം നിലയിൽ നിന്ന് വീണ് ഒമ്പതുവയസുകാരൻ മരിച്ചു

ആലപ്പുഴ: അപകടത്തിൽ പരിക്കറ്റ് ഒന്നര കൊല്ലമായി ചികിത്സയിലായിരുന്ന നിയമവിദ്യാർത്ഥിനി മരിച്ചു. മണി ജൂവലേഴ്സ് ഉടമ തോണ്ടൻകുളങ്ങര കൃഷ്ണകൃപയിൽ സോമശേഖരന്റെ മകൾ വാണി (24) ആണ് മരിച്ചത്. കോട്ടയം സി.എസ്.ഐ ലോ കോളേജ് വിദ്യാർത്ഥിനിയായിരുന്നു. 2023 സെപ്തംബർ 21ന് ഏറ്റുമാനൂർ സിഎസ്ഐ ലോ കോളജിന് മുന്നിലായിരുന്നു അപകടം. റോഡ് മുറിച്ചുകടക്കുമ്പോൾ ഇന്നോവ കാർ ഇടിക്കുകയായിരുന്നു. വീഴ്ചയിൽ തലച്ചോറിന് ഗുരുതരമായി പരിക്കേറ്റതിനെത്തുടന്ന് അബോധാവസ്ഥയിലായി.
തുടർന്ന് കോട്ടയം മെഡിക്കൽ കോളേജ് ആശുപത്രിയിലും പോണ്ടിച്ചേരിയിലെ ആശുപത്രിയിലും ചികിത്സയിലായിരുന്നു. മൂന്ന് മാസമായി വീട്ടിൽ വെന്റിലേറ്റർ സൗകര്യമൊരുക്കിയാണ് പരിചരിച്ചിരുന്നത്. ഇന്നലെ ഉച്ചയോടെയായിരുന്നു അന്ത്യം. സഹോദരൻ: വസുദേവ്.

റോഡ് മുറിച്ചുകടക്കുമ്പോൾ കാറിടിച്ചു; ഒന്നരവർഷമായി അബോധാവസ്ഥയിലായിരുന്ന നിയമവിദ്യാർത്ഥി മരിച്ചു

ആലപ്പുഴ: കഞ്ഞിപ്പാടത്ത് ആറ്റിൽ കുളിക്കാനിറങ്ങിയ വിദ്യാർഥി മുങ്ങിമരിച്ചു. പുകൈതയാറ്റിൽ കുളിക്കാനിറങ്ങിയ വട്ടയാൽ സക്കറിയ ബസാറിൽ മാഹിൻ (17) ആണ് മരിച്ചത്.
ലജ്നത്ത് ഹയർസെക്കൻഡറി സ്കൂളിലെ പ്ലസ് വൺ വിദ്യാർഥിയാണ്. സുഹൃത്തുക്കളോടൊപ്പം കുളിക്കാനിറങ്ങിയതായിരുന്നു മാഹിൻ. പ്രദേശവാസികളും അഗ്നിരക്ഷ സേനയും നടത്തിയ തിരച്ചിലിലാണ് മൃതദേഹം കണ്ടെത്തിയത്.

സുഹൃത്തുക്കളോടൊപ്പം ആറ്റിൽ കുളിക്കാനിറങ്ങിയ വിദ്യാർഥി മുങ്ങിമരിച്ചു

പ്രശസ്ത ചലച്ചിത്രകാരൻ ശ്യാം ബെനഗൽ (90) അന്തരിച്ചു. തിങ്കളാഴ്ച 6.30-ഓടെ മുംബൈയിലെ വോക്കാർഡ് ആശുപത്രിയിലായിരുന്നു അന്ത്യം. വൃക്ക സംബന്ധമായ പ്രശ്‌നങ്ങൾക്ക് ചികിത്സയിലായിരുന്നു അദ്ദേഹം. അദ്ദേഹത്തിൻ്റെ മരണവിവരം മകൾ പിയ ബെനഗൽ മാധ്യമങ്ങളോട് സ്ഥിരീകരിച്ചു.&nbsp;
അങ്കുർ (1973), നിശാന്ത് (1975), മന്ഥൻ (1976), ഭൂമിക (1977), മമ്മോ (1994), സർദാരി ബീഗം (1996), സുബൈദ (2001) തുടങ്ങിയ ഐതിഹാസിക ചിത്രങ്ങൾ സംവിധാനം ചെയ്തതിലൂടെ ശ്യാം ബെനഗൽ പ്രശസ്തനായിരുന്നു. ഇന്ത്യൻ സിനിമയ്ക്ക് നൽകിയ സംഭാവനകൾക്ക് 1976-ൽ പത്മശ്രീയും 1991-ൽ പത്മഭൂഷണും നൽകി രാജ്യം ബെനഗലിനെ ആദരിച്ചിരുന്നു.
1934 ഡിസംബർ 14-ന് ഹൈദരാബാദിൽ, ഒരു കൊങ്കണി സംസാരിക്കുന്ന കുടുംബത്തിലാണ് ശ്യാം ബെനഗൽ ജനിച്ചത്. കർണാടക സ്വദേശിയായ അദ്ദേഹത്തിൻ്റെ പിതാവ് ശ്രീധർ ബി. ബെനഗൽ ഒരു ഫോട്ടോഗ്രാഫറായിരുന്നു. വെറും 12 വയസ്സുള്ളപ്പോൾ, അച്ഛൻ സമ്മാനിച്ച ക്യാമറ ഉപയോഗിച്ചാണ് ശ്യാം തൻ്റെ ആദ്യ സിനിമ ചിത്രീകരിക്കുന്നത്. ഹൈദരാബാദിലെ ഒസ്മാനിയ സർവകലാശാലയിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം നേടിയ അദ്ദേഹം അവിടെ ഹൈദരാബാദ് ഫിലിം സൊസൈറ്റി സ്ഥാപിച്ചാണ് സിനിമയിലെ തൻ്റെ മഹത്തായ യാത്രയുടെ തുടക്കം കുറിക്കുന്നത്.
1959-ൽ ബോംബെ ആസ്ഥാനമായുള്ള ഒരു പരസ്യ ഏജൻസിയിൽ കോപ്പിറൈറ്റർ ആയിട്ടാണ്‌ ബെനഗലിന്റെ ജോലിയുടെ തുടക്കം. ക്രമേണ അദ്ദേഹം ഈ സ്ഥാപനത്തിന്റെ ക്രിയേറ്റീവ് തലവനായി ഉയർന്നു. 1962-ൽ ആദ്യ ഡോക്യുമെന്ററി ചിത്രം നിർമിച്ചു. അദ്ദേഹത്തിന്റെ ഫീച്ചർ ചിത്രമിറങ്ങാൻ പിന്നെയും ഒരു ദശാബ്ദമെടുത്തു. 1963-ൽ കുറച്ചു കാലം മറ്റൊരു പരസ്യകമ്പനിയുമായി ജോലിചെയ്തു. ഈ കലയളവിൽ ഡൊക്യുമെന്ററികളും പരസ്യ ചിത്രങ്ങളുമടക്കം 900 ചിത്രങ്ങൾ ചെയ്തു.
1966 മുതൽ 1973 വരെയുള്ള കാലത്ത് ബെനഗൽ പൂനെ ഫിലിം ഇൻസ്റ്റിറ്റ്യൂട്ടിൽ അധ്യപകനായി സേവനമനുഷ്ടിച്ചു. പൂനെ ഫിലിം ഇൻസ്റ്റിറ്റ്യൂട്ടിന്റെ അധ്യക്ഷനായി രണ്ട് പ്രാവശ്യം തിരഞ്ഞെടുക്കപ്പെട്ടു. 1974-ലാണ് ആദ്യത്തെ ഫീച്ചർ ഫിലിം അങ്കുർ പുറത്തിറങ്ങുന്നത്. തുടർന്ന് നിഷാന്ത്, ഭൂമിക, മന്ഥൻ, മേക്കിങ് ഓഫ് ദി മഹാത്മ, നേതാജി സുഭാഷ് ചന്ദ്രബോസ്- ദി ഫോര്‍ഗോട്ടണ്‍ ഹീറോ, സമര്‍ തുടങ്ങി ചരിത്രത്തില്‍ ഇടംനേടിയ ഒരുപിടി ചിത്രങ്ങള്‍. മിക്ക ചിത്രങ്ങൾക്കും ദേശീയ- അന്താരാഷ്ട്ര പുരസ്കാരങ്ങൾ ലഭിച്ചു.

പ്രശസ്ത ചലച്ചിത്രകാരൻ ശ്യാം ബെനഗൽ അന്തരിച്ചു

മനാമ: ഹൃദയാഘാതത്തെത്തുടർന്ന് വടകര സ്വദേശി ബഹ്‌റൈനിൽ മരണപ്പെട്ടു. തിരുവള്ളുർ സ്വദേശി നാറാണത്ത് അബ്ദുന്നാസർ ആണ് മരിച്ചത്. 20 വർഷമായി പ്രവാസിയായിരുന്നു. ശനിയാഴ്ച രാത്രി മുഹറഖിലെ താമസസ്ഥലത്തുവെച്ച് നെഞ്ചുവേദന അനുഭവപ്പെട്ടതിനെ തുടർന്ന് ആശുപത്രിയിലെത്തിച്ചെങ്കിലും മരണം സംഭവിച്ചു. മൃതദേഹം നാട്ടിലെക്ക് കൊണ്ടു പോകാനുള്ള നടപടി ക്രമങ്ങൾ കെ.എം.സി.സി മയ്യിത്ത് പരിപാലന വിങ്ങിന്റെ നേതൃത്വത്തിൽ നടന്നുവരുന്നു.

തിരുവള്ളുർ സ്വദേശി ബഹ്‌റൈനിൽ നിര്യാതനായി

Gulf

ന്യൂഡൽഹി: ഹരിയാന മുൻ മുഖ്യമന്ത്രിയും ഇന്ത്യൻ നാഷണൽ ലോക്‌ദൾ നേതാവുമായ ഓം പ്രകാശ് ചൗട്ടാല (89) അന്തരിച്ചു. ഗുരുഗ്രാമിലെ വസതിയിൽ വച്ചായിരുന്നു അന്ത്യം. ഏഴ് തവണ എംഎൽഎയായ ചൗട്ടാല നാല് തവണ ഹരിയാന മുഖ്യമന്ത്രിയായിട്ടുണ്ട്. 1999 മുതൽ 2005 വരെയുള്ള കാലഘട്ടത്തിലാണ് അവസാനം മുഖ്യമന്ത്രിയായത്. മുൻ ഉപപ്രധാനമന്ത്രി ദേവി ലാലിന്റെ മകനാണ്.
ജോലി തട്ടിപ്പുമായി ബന്ധപ്പെട്ട് ചൗട്ടാലയെ കോടതി ശിക്ഷിച്ചിരുന്നു. ഇതേത്തുടർന്ന് ഒമ്പതര വർഷത്തോളം തിഹാർ ജയിലിൽ തടവിൽ കഴിഞ്ഞിട്ടുണ്ട്. 2020ലാണ് ചൗട്ടാല ജയിൽ മോചിതനാകുന്നത്.

ഹരിയാന മുൻ മുഖ്യമന്ത്രി ഓം പ്രകാശ് ചൗട്ടാല അന്തരിച്ചു

കോഴിക്കോട്: കൊയിലാണ്ടിയിൽ യാത്രക്കാരൻ ട്രെയിനിൽ കുഴഞ്ഞുവീണ് മരിച്ചു. തിക്കോടി സ്വദേശി റൗഫ് (55) ആണ് മരിച്ചത്. രാവിലെ കോയമ്പത്തൂരിലേക്കുള്ള ട്രെയിനിൽ കൊയിലാണ്ടിയിൽ നിന്ന് കോഴിക്കോട് ഭാഗത്തേക്ക് പോവുന്നതിനായാണ് റൗഫ് കയറിയത്. തുടര്‍ന്ന് ദേഹാസ്വാസ്ഥ്യം ഉണ്ടാവുകയായിരുന്നു.
ട്രെയിനിൽ റൗഫ് കുഴഞ്ഞുവീണ ഉടനെ യാത്രക്കാര്‍ നൽകിയ വിവരത്തെ തുടര്‍ന്ന് കൊയിലാണ്ടിയിൽ നിന്ന് അഗ്നിരക്ഷാ സേനയെത്തി ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കൊയിലാണ്ടി താലൂക്ക് ആശുപത്രി മോര്‍ച്ചറിയിലേക്ക് മാറ്റി. ഹൃദയാഘാതമാണ് മരണകാരണമെന്നാണ് നിഗമനം.&nbsp;

കൊയിലാണ്ടിയിൽ തിക്കോടി സ്വദേശിയായ യാത്രക്കാരൻ ട്രെയിനിൽ കുഴഞ്ഞുവീണ് മരിച്ചു

Koyilandy

ബംഗളൂരു: സ്‌‌കൂളിൽ നിന്ന് വിനോദയാത്രയ്‌ക്ക് പോയ സംഘത്തിലെ നാല് വിദ്യാർത്ഥികൾ മുരുഡേശ്വറിലെ കടലിൽ മുങ്ങിമരിച്ചു. കോലാർ മുളബാഗിലു മൊറാർജി ദേശായി റെസിഡൻഷ്യൽ സ്‌കൂളിലെ ഒമ്പതാം ക്ലാസ് വിദ്യാർത്ഥിനികളായ ശ്രാവന്തി, ദീക്ഷ, ലാവണ്യ, ലിപിക എന്നിവരാണ് മരിച്ചത്. നാലുപേരുടെയും കുടുംബങ്ങൾക്ക് കർണാടക മുഖ്യമന്ത്രി സിദ്ധരാമയ്യ അഞ്ച് ലക്ഷം രൂപ വീതം ധനസഹായം പ്രഖ്യാപിച്ചു.
ചൊവ്വാഴ്‌ച വൈകിട്ട് 5.30നാണ് 46 വിദ്യാർത്ഥികളടങ്ങിയ സംഘം അദ്ധ്യാപകർക്കൊപ്പം മുരുഡേശ്വറിൽ എത്തിയത്. ലൈഫ് ഗാർഡിന്റെ മുന്നറിയിപ്പ് വകവയ്‌ക്കാതെ കടലിലിറങ്ങിയ ഏഴ് വിദ്യാർത്ഥിനികൾ മുങ്ങിത്താഴുകയായിരുന്നു. ഇതിൽ ഒരാളുടെ മൃതദേഹം ചൊവ്വാഴ്‌‌ച വൈകിട്ടും മൂന്നുപേരുടെ മൃതദേഹങ്ങൾ ഇന്നലെ രാവിലെയുമാണ് ലഭിച്ചത്. മറ്റ് മൂന്നുപേരെ ലൈഫ് ഗാർഡും പൊലീസും മത്സ്യത്തൊഴിലാളികളും ചേർന്ന് സുരക്ഷിതമായി കരയ്‌ക്കെത്തിച്ച് ആശുപത്രിയിൽ പ്രവേശിപ്പിച്ചു.വിദ്യാർത്ഥി സംഘത്തോടൊപ്പം ഉണ്ടായിരുന്ന ആറ് അധ്യാപകരെ അറസ്റ്റ് ചെയ്‌ത ശേഷം ജാമ്യത്തിൽ വിട്ടയച്ചതായി ഉത്തരകന്നഡ എസ്‌പി എം നാരായണ പറഞ്ഞു.&nbsp;

വിനോദയാത്രയ്‌ക്ക് പോയ സംഘത്തിലെ നാല് വിദ്യാർത്ഥികൾ കടലിൽ മുങ്ങിമരിച്ചു ;ആറ് അധ്യാപകർ അറസ്റ്റിൽ

തൃശ്ശൂര്‍: ആദിവാസി സ്ത്രീ കാടിനുള്ളില്‍ മരിച്ചനിലയില്‍. ശാസ്താംപൂവം ആദിവാസി നഗറിലെ കാടര്‍ വീട്ടില്‍ മീനാക്ഷി (71)യെയാണ് കാടിനുള്ളില്‍ മരിച്ചനിലയില്‍ കണ്ടെത്തിയത്. ആനയുടെ ആക്രമണമാണ് മരണകാരണമെന്നാണ് സംശയം. മൃതദേഹത്തിലെ പരിക്കുകള്‍ ആന ആക്രമിച്ചതിലേക്കാണ് സൂചിപ്പിക്കുന്നത്.
ആനപ്പാന്തം വനത്തിലെ കടുക്കാതോടിനു സമീപമാണ് മുതദേഹം കണ്ടെത്തിയത്. മാനസികാസ്വാസ്ഥമുള്ള മീനാക്ഷി വീട്ടില്‍ നിന്ന് കാട്ടിലേക്ക് പോയതാണെന്ന് കരുതുന്നു.

ആദിവാസി സ്ത്രീ കാടിനുള്ളില്‍ മരിച്ചനിലയില്‍; ആനയുടെ ആക്രമണമെന്ന് സംശയം

മലപ്പുറം: താനൂരിൽ അമ്മയെയും മകളെയും മരിച്ച നിലയിൽ കണ്ടെത്തി. താനൂർ സ്വദേശിനിയായ ലക്ഷ്മി ദേവിയും മാനസികവെല്ലുവിളി നേരിട്ടിരുന്ന മകൾ ദീപ്തിയുമാണ് മരിച്ചത്. ലക്ഷ്മിയെ തൂങ്ങിമരിച്ച നിലയിലും മകളെ കട്ടിലിൽ മരിച്ച നിലയിലുമാണ് കണ്ടെത്തിയത്. മകളെ കൊലപ്പെടുത്തി അമ്മ ജീവനൊടുക്കിയതാവാമെന്നാണ് പോലീസിന്റെ പ്രാഥമിക നിഗമനം.മരുമകൾ കുളിക്കാൻ പോയ സമയത്തായിരുന്നു സംഭവം. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

താനൂരിൽ അമ്മയെയും മകളെയും മരിച്ച നിലയിൽ കണ്ടെത്തി

Vadakara

കൊയിലാണ്ടി : നവജാത ശിശുവിന്റെ മൃതദേഹം പുഴയിൽ നിന്ന് കണ്ടെത്തി.കൊയിലാണ്ടി നെല്യാടി കളത്തിൻ കടവിലാണ് സംഭവം. പുലർച്ചെ ഒന്നരയോടെ മീൻ പിടിക്കാൻ പോയവരാണ് കുഞ്ഞിന്റെ മ‌ൃതദേഹം കണ്ടത്.
കമിഴ്‌ന്ന് കിടക്കുന്ന നിലയിലായിരുന്നു മൃതദേഹം. പൊക്കിൾകൊടി മുറിച്ച് മാറ്റിയിരുന്നില്ല. മത്സ്യത്തൊഴിലാളികൾ അറിയിച്ചതിനെത്തുടർന്ന് പൊലീസും ഫയർഫോഴ്‌സും സ്ഥലത്തെത്തി. പുഴയിൽ നിന്ന് മൃതദേഹം കരയ്ക്കെടുത്ത് കൊയിലാണ്ടി താലൂക്ക് ആശുപത്രിയിലേയ്ക്ക് മാറ്റി. സംഭവത്തിൽ അന്വേഷണം ആരംഭിച്ചതായി പൊലീസ് അറിയിച്ചു.

കൊയിലാണ്ടിയിൽ പുഴയിൽ നവജാതശിശുവിന്റെ മൃതദേഹം; പൊക്കിൾക്കൊടി മുറിച്ചുമാറ്റാത്ത നിലയിൽ

വാൻകോവർ: കാനഡയിലെ എഡ്മന്‍റണിൽ 20കാരനായ ഇന്ത്യൻ പൗരൻ വെടിയേറ്റു മരിച്ചു. ഹർഷൻദീപ് സിങ് ആണ് മരിച്ചത്. വാൻകോവറിന്‍റെ ഇന്ത്യൻ കോൺസുലേറ്റ് ആണ് വാർത്ത പുറത്തുവിട്ടത്.
ഡിസംബർ ആറിന് നടന്ന സംഭവത്തിൽ രണ്ടു പേരെ അറസ്റ്റ് ചെയ്തിട്ടുണ്ട്. ഇവാൻ റെയിൻ (30), ജൂഡിത്ത് സോൾട്ടോക്സ് (30) എന്നിവരെയാണ് അറസ്റ്റ് ചെയ്തത്. പ്രതികൾക്കെതിരെ കൊലപാതക കുറ്റം ചുമത്തി കേസെടുത്തിട്ടുണ്ട്.വെള്ളിയാഴ്ച സെൻട്രൽ എഡ്മന്‍റണിലെ അപാർട്ട്മെന്‍റ് കോംപ്ലസിലാണ് വെടിവെപ്പ് നടന്നത്. ഉടൻ തന്നെ ഹർഷൻദീപിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പ്രാദേശിക ഭരണകൂടുമായി ബന്ധം പുലർത്തുന്നതായും ഹർഷൻദീപിന്‍റെ കുടുംബത്തിന് ആവശ്യമായ സഹായം നൽകുമെന്നും കോൺസുലേറ്റ് അറിയിച്ചു.

കാനഡയിൽ ഇന്ത്യൻ പൗരൻ വെടിയേറ്റു മരിച്ചു; രണ്ടു പേർ അറസ്റ്റിൽ

വാണിമേൽ: പനി ബാധിച്ച് ചികിത്സയിലായിരുന്ന ബാലിക മരിച്ചു. വാണിമേൽ വില്ലേജ് ഓഫിസിന് സമീപം മബ്രോൽ വിജയന്റെയും ശ്രീജയുടെയും മകൾ നിവേദ്യ (5) ആണ് മരിച്ചത്. മറ്റു അസുഖങ്ങളൊന്നുമില്ലാത്ത കുഞ്ഞിന് പെട്ടെന്നാണ് പനി ബാധിച്ചത്. ഒരു മാസത്തിൽ ഏറെയായി കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. സഹോദരൻ: നിവേദ്.

വാണിമേലിൽ പനി ബാധിച്ച് ചികിത്സയിലായിരുന്ന ബാലിക മരിച്ചു

Nadapuram

നാദാപുരം : മാലിന്യം കത്തിക്കുന്നതിനിടെ തീ പടര്‍ന്ന് പൊള്ളലേറ്റ വീട്ടമ്മ മരിച്ചു. ചെക്യാട് തിരുവങ്ങോത്ത് താഴെകുനി കമല(62)യാണ് മരിച്ചത്.
കഴിഞ്ഞ ദിവസം വീട്ടുപറമ്പില്‍ മാലിന്യം കത്തിക്കുന്നതിനിടെ കമലയുടെ വസ്ത്രത്തിലേക്ക് തീ പടരുകയായിരുന്നു. ഗുരുതരമായി പൊള്ളലേറ്റ് കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന കമല ചൊവ്വാഴ്ച്ച രാവിലെയാണ് മരിച്ചത്.ഭർത്താവ്: കുഞ്ഞിരാമൻ, മകൾ: സുനിത,മരുമകൻ: അജയൻ.&nbsp;

ചെക്യാട് മാലിന്യം കത്തിക്കുന്നതിനിടെ തീ പടര്‍ന്ന് പൊള്ളലേറ്റ വീട്ടമ്മ മരിച്ചു

തിരുവനന്തപുരം: ചിറയിൻകീഴ് പുളിമൂട്ടിൽ കടവിനു സമീപം ആനത്തലവട്ടം ഗുരുമന്ദിരം ചൂണ്ടക്കടവിൽ യുവാവ് കുത്തേറ്റു മരിച്ചു. കടയ്ക്കാവൂർ തേവരുനടയ്ക്കു സമീപം തുണ്ടത്തിൽ സ്വദേശി വിഷ്ണു(32)വാണ്‌ മരിച്ചത്.
വെള്ളിയാഴ്ച വൈകീട്ട് 6.30-ഓടെയായിരുന്നു സംഭവം. മീൻ വാങ്ങുന്നതിനിടെയുണ്ടായ തർക്കമാണ് കത്തിക്കുത്തിൽ കലാശിച്ചതെന്നാണ്‌ സൂചന.ചൂണ്ടയിട്ടു പിടിച്ച മീൻ വാങ്ങാനെത്തിയതായിരുന്നു വിഷ്ണുവും സുഹൃത്തും. അവിടെയുണ്ടായിരുന്ന നിരവധി കേസിലെ പ്രതിയായ ജയനുമായി മീൻ വാങ്ങിയശേഷം വാക്കുതർക്കമുണ്ടായി.തുടർന്ന്‌ ജയൻ വിഷ്ണുവിനെ കുത്തുകയായിരുന്നു. കുത്തേറ്റ വിഷ്ണുവിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.എന്നാൽ, പെട്ടെന്നുണ്ടായ പ്രകോപനം മാത്രമല്ല കൊലപാതകത്തിനു പിന്നിലെന്ന സംശയം പോലീസിനുണ്ട്‌. വിദേശത്തുനിന്ന്‌ അവധിക്കു നാട്ടിലെത്തിയതായിരുന്നു വിഷ്ണു.&nbsp;

മീൻ വാങ്ങുന്നതി​നിടെ തർക്കം; യുവാവ് കുത്തേറ്റ് മരിച്ചു

കണ്ണൂർ : തളിപ്പറമ്പിൽ നഴ്‌സിങ് വിദ്യാർഥി ഹോസ്റ്റലിൽ മരിച്ച നിലയിൽ. എറണാകുളം തോപ്പുംപടി സ്വദേശി ആൻമരിയയാണ് (22) മരിച്ചത്. ശുചിമുറിയിൽ മരിച്ച നിലയിലാണ് വിദ്യാർഥിയെ കണ്ടെത്തിയത്.
തളിപ്പറമ്പ് ലൂർദ് നഴ്‌സിങ് കോളജിലെ നാലാം വര്‍ഷ ഫിസിയോ തെറപ്പി വിദ്യാർഥിയാണ് ആൻമരിയ. ചിറവക്കിലുള്ള കോളജ് ഹോസ്റ്റലിലെ ശുചിമുറിയിൽ തൂങ്ങിമരിച്ച നിലയിലാണ്​ കണ്ടെത്തിയത്.തളിപ്പറമ്പ് പൊലീസ് അന്വേഷണം തുടങ്ങി. മൃതദേഹം പരിയാരം ഗവ. മെഡിക്കൽ കോളജ് ആശുപത്രി മോർച്ചറിയിൽ.

തളിപ്പറമ്പിൽ നഴ്‌സിങ് വിദ്യാർഥി ഹോസ്റ്റലിൽ മരിച്ച നിലയിൽ

തിരുവനന്തപുരം: മുണ്ടേല രാജീവ് ഗാന്ധി റസിഡൻസ് വെൽഫെയർ സഹകരണ സംഘം പ്രസിഡന്റ് മോഹനകുമാരൻ നായർ(62) മരിച്ച നിലയിൽ. കാട്ടാക്കട അമ്പൂരി - തേക്ക് പാറ എന്ന സ്ഥലത്ത് റിസോർട്ടിന് പുറകിലാണ് ഇദ്ദേഹത്തെ തുങ്ങിമരിച്ച നിലയിൽ കണ്ടെത്തിയത്.
സഹകരണ സംഘത്തിലെ ക്രമക്കേടിനെക്കുറിച്ച് നിക്ഷേപകർ പരാതി നൽകിയിരുന്നു. ഇതിന് പിന്നാലെ മോഹനൻകുമാരൻ നായർ ഒളിവിലായിരുന്നു.

ഒളിവിലായിരുന്ന സഹകരണ സംഘം പ്രസിഡന്റ് തൂങ്ങിമരിച്ച നിലയിൽ

ബെംഗളൂരു: കര്‍ണാടകയില്‍ പോലീസുമായുണ്ടായ ഏറ്റുമുട്ടലില്‍ മാവോവാദി നേതാവ് വിക്രം ഗൗഡ കൊല്ലപ്പെട്ടു. ചിക്കമംഗളൂരു - ഉഡുപ്പി അതിര്‍ത്തിയിലുള്ള സീതാംബിലു വനമേഖലയില്‍ ഇന്നലെ ആയിരുന്നു ഏറ്റുമുട്ടലുണ്ടായത്. 2016 ല്‍ നിലമ്പൂര്‍ ഏറ്റുമുട്ടലില്‍ നിന്ന് രക്ഷപ്പെട്ട മാവോവാദി കമാന്‍ഡര്‍ ആണ് വിക്രം ഗൗഡ.
ആന്റി നക്‌സല്‍ ഫോഴ്‌സിന്റെ നേതൃത്വത്തിലായിരുന്നു ഓപ്പറേഷന്‍. മാവോവാദികള്‍ സീതാംബിലുവിലുണ്ടെന്ന രഹസ്യ സന്ദേശം ലഭിച്ചതിനെ തുടര്‍ന്നാണ് ആന്റി നക്‌സല്‍ ഫോഴ്‌സ്‌ പ്രദേശത്ത് എത്തിയത്. അവിടെ നടത്തിയ തിരച്ചിലില്‍ വിക്രം ഗൗഡയെയും സംഘത്തെയും കണ്ടെത്തി. വിക്രം ഗൗഡ ഒഴികെയുള്ളവര്‍ ഓടിരക്ഷപ്പെട്ടു. മുണ്ട്ഗാരു ലത, ജയണ്ണ, വനജാക്ഷി എന്നിവര്‍ ആണ് രക്ഷപ്പെട്ടത്
കേരളത്തില്‍ നിന്ന് രണ്ടു മാസം മുമ്പാണ് ഇവര്‍ ഉഡുപ്പി വനമേഖലയിലേക്ക് തിരിച്ചെത്തിയതെന്നാണ് ആന്റി നക്‌സല്‍ ഫോഴസ് പറയുന്നത്.&nbsp;

കര്‍ണാടകയില്‍ മാവോവാദി നേതാവ് വിക്രം ഗൗഡ കൊല്ലപ്പെട്ടു

ദുബായ്: ദുബായിൽ ബീച്ചിൽ കുളിക്കുന്നതിനിടെ കാണാതായ മലയാളി വിദ്യാർത്ഥിയുടെ മൃതദേഹം കണ്ടെത്തി. അപകടത്തിൽപ്പെട്ട സഹോദരിയെ രക്ഷിച്ചു.. കാസർഗോഡ് ചെങ്കള തൈവളപ്പ് സ്വദേശി അഷ്‌റഫിന്റെ മകൻ മഫാസ് ആണ് മരിച്ചത്. 15 വയസ്സായിരുന്നു.
അവധി ദിവസം ആഘോഷിക്കാൻ മംസാർ ബീച്ചിൽ എത്തിയതായിരുന്നു കുടുംബം. ദുബായിലെ സ്കൂൾ വിദ്യാർഥിയായിരുന്നു മഫാസ്. സംസ്കാര ചടങ്ങുകൾ ദുബായിൽതന്നെ നടത്തുമെന്ന് കെഎംസിസി പ്രവർത്തകരായ സലാം കന്യപ്പാടി, ബഷീർ, ഇബ്രാഹിം, സുഹൈൽ എന്നിവർ അറിയിച്ചു.

ദുബായിൽ കടലിൽ കുളിക്കുന്നതിനിടെ കാണാതായ മലയാളി വിദ്യാർഥിയുടെ മൃതദേഹം കണ്ടെത്തി

തിരുവനന്തപുരം: ക്രിക്കറ്റ് കളിക്കുന്നതിനിടെ അന്‍പതുകാരന്‍ കുഴഞ്ഞുവീണു മരിച്ചു. ആനയറ അരശുംമൂട് ബിന്ദു ഭവനില്‍ ആര്‍. ലക്ഷ്മണ കുമാര്‍ ആണ് മരിച്ചത്. ഓട്ടോ ഡ്രൈവറായിരുന്നു. ശനിയാഴ്ച ഉച്ചയ്ക്ക് ഒന്നോടെ വാഴമുട്ടത്തുളള സ്വകാര്യ ടര്‍ഫിലാണ് സംഭവം.
ബൗളിങ് ചെയ്യുന്നതിനിടെ നെഞ്ചുവേദനയുണ്ടായ ലക്ഷ്മണ കുമാറിനെ വിശ്രമമുറിയില്‍ എത്തിച്ച് വെള്ളവും ബിസ്‌ക്കറ്റും നല്‍കി. ശാരിരീക അസ്വസ്ഥത കൂടിയതോടെ ചാക്കയിലെ സ്വകാര്യ ആശുപത്രിയിലെത്തിച്ചുവെങ്കിലും രക്ഷിക്കാനായില്ല എന്ന് തിരുവല്ലം എസ്.എച്ച്.ഒ. ജെ. പ്രദീപ് പറഞ്ഞു.മൃതദേഹം മോര്‍ച്ചറിയില്‍. തിരുവല്ലം പോലീസ് കേസെടുത്തു. ഭാര്യ: സ്മിത. മക്കള്‍ അമല്‍കുമാര്‍, അതുല്‍ കുമാര്‍.

ക്രിക്കറ്റ് കളിക്കുന്നതിനിടെ ഓട്ടോഡ്രൈവര്‍ കുഴഞ്ഞുവീണ് മരിച്ചു

ചെന്നൈ: തമിഴ് യുവ സംവിധായകൻ സുരേഷ് സം​ഗയ്യ അന്തരിച്ചു. കരൾ സംബന്ധമായ അസുഖത്തെത്തുടർന്നാണ് അന്ത്യം. 2017-ൽ പുറത്തിറങ്ങിയ ഒരു കിടായിൻ കരുണൈ മനു എന്ന ചിത്രത്തിലൂടെ ശ്രദ്ധേയനായ സംവിധായകനാണ് സുരേഷ്. ഈ ചിത്രത്തിൽ പ്രവർത്തിച്ച ഛായാ​ഗ്രാഹകൻ ശരൺ ആണ് സുരേഷിന്റെ മരണവാർത്ത സ്ഥിരീകരിച്ചത്.
ചെന്നൈ രാജീവ് ​ഗാന്ധി ആശുപത്രിയിൽവെച്ചായിരുന്നു സുരേഷ് സം​ഗയ്യയുടെ അന്ത്യം. ഭാര്യയും രണ്ട് മക്കളുമുണ്ട്. യോ​ഗി ബാബുവിനെ നായകനാക്കി പുതിയ ചിത്രമൊരുക്കുന്നതിനിടയിലാണ് വെള്ളിയാഴ്ച മരണം സംഭവിച്ചത്. കാക്ക മുട്ടൈ എന്ന ചിത്രത്തിലൂടെ സംവിധായകൻ എം.മണികണ്ഠന്റെ സംവിധാന സഹായിയായാണ് സുരേഷ് സം​ഗയ്യ സിനിമയിലെത്തിയത്. വിദാർത്ഥിനെ നായകനാക്കി ഒരുക്കിയ ഒരു കിടായിൻ കരുണൈ മനു എന്ന ചിത്രത്തിലൂടെ സ്വതന്ത്ര സംവിധായകനുമായി. ചിത്രം ആ വർഷത്തെ തമിഴ് ഹിറ്റുകളിലൊന്നുമായി. സത്യ സോദനൈ എന്നൊരു ചിത്രം കൂടി സംവിധാനം ചെയ്തിട്ടുണ്ട്.

തമിഴ് യുവ സംവിധായകൻ സുരേഷ് സം​ഗയ്യ അന്തരിച്ചു

അംറേലി (ഗുജറാത്ത്): കളിക്കുന്നതിനിടെ കാറില്‍ കുടുങ്ങിയ നാല് കുട്ടികള്‍ മരിച്ചു. ആംറേലി ജില്ലയിലെ റന്തിയ ഗ്രാമത്തില്‍ ശനിയാഴ്ചയാണ് സംഭവമുണ്ടായത്. രണ്ട് വയസിനും ഏഴ് വയസിനും ഇടയില്‍ പ്രായമുള്ള കുട്ടികളാണ് മരിച്ചത്.
സംഭവത്തെ കുറിച്ച് പോലീസ് പറയുന്നത് ഇങ്ങനെ: കുട്ടികളുടെ മാതാപിതാക്കള്‍ രാവിലെ ഏഴരയോടെ സമീപത്തെ ഫാമില്‍ ജോലിക്കായി പോയി. ഇവരുടെ ഏഴ് മക്കളെ തനിച്ച് വീട്ടിലാക്കിയാണ് ജോലിക്ക് പോയത്. കുട്ടികളില്‍ നാലുപേര്‍ കളിക്കുന്നതിനിടെ വീടിന് സമീപം പാര്‍ക്ക് ചെയ്തിരുന്ന ഫാം ഉടമയുടെ കാറിനുള്ളില്‍ കയറുകയായിരുന്നു. പിന്നീട് ഫാം ഉടമയും കുട്ടികളുടെ മാതാപിതാക്കളും തിരികെ വന്നപ്പോഴാണ് കാറിനുള്ളില്‍ മൃതദേഹങ്ങള്‍ കണ്ടത്. അംറേലി പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.

കളിക്കുന്നതിനിടെ കാറില്‍ കുടുങ്ങി; നാല് കുട്ടികള്‍ ശ്വാസം മുട്ടി മരിച്ചു

ബം​ഗ​ളൂ​രു​:​ ​ക​ന്ന​ട​ ​സി​നി​മാ​ ​സം​വി​ധാ​യ​ക​നും നടനുമായ ​ ​ഗു​രു​പ്ര​സാ​ദി​നെ​ ​(52​)​ ​ഫ്ലാറ്റിൽ മ​രി​ച്ച​നി​ല​യി​ൽ​ ​ക​ണ്ടെ​ത്തി.​ ബംഗളുരുവിന് സമീപം ​മ​ദ​നാ​യ​ക​ന​ഹ​ള്ളി​യി​ലെ​ ​അ​പ്പാ​ർ​ട്‌​മെ​ന്റി​ൽ​ ​സീ​ലിം​ഗ് ​ഫാ​നി​ൽ​ ​തൂ​ങ്ങി​യ​ ​നി​ല​യി​ലാ​യി​രു​ന്നു​ ​മൃ​ത​ദേ​ഹം.​ ​മൃ​ത​ദേ​ഹം​ ​അ​ഴു​കി​യി​രു​ന്നു.​ ​ദി​വ​സ​ങ്ങ​ൾ​ക്ക് ​മു​മ്പ് ​ഗു​രു​പ്ര​സാ​ദ് ​ആ​ത്മ​ഹ​ത്യ​ ​ചെ​യ്ത​താ​കാ​മെ​ന്നാ​ണ് ​പൊ​ലീ​സി​ന്റെ​ ​പ്രാ​ഥ​മി​ക​ ​നി​ഗ​മ​നം. അ​പ്പാ​ർ​ട്‌​മെ​ന്റി​ൽ​നി​ന്ന് ​രൂക്ഷ​ ​ഗ​ന്ധം​ ​വ​രു​ന്നു​വെ​ന്ന​ ​അ​യ​ൽ​ക്കാ​രു​ടെ​ ​പ​രാ​തി​യെ​ത്തു​ട​ർ​ന്ന് ​പൊ​ലീ​സ് ​എ​ത്തി​ ​പ​രി​ശോ​ധി​ക്കു​ക​യാ​യി​രു​ന്നു.​ ​
ഗുരുപ്രസാദ് സാമ്പത്തിക പ്രതിസന്ധിയിലായിരുന്നുവെന്ന് റിപ്പോർട്ടുണ്ട്. ​സംഭവത്തിൽ പൊലീസ് കേസെടുത്ത് അ​ന്വേ​ഷ​ണം​ ​ആ​രം​ഭി​ച്ചു.​ ​കന്നഡ ചലച്ചിത്ര മേഖലയിലെ പ്രമുഖനായിരുന്നു ഗുരുപ്രസാദ്. മാ​ത,​ ​എ​ഡ്ഡെ​ലു​ ​മ​ഞ്ജു​നാ​ഥ,​ ​ഡ​യ​റ​ക്ടേ​ഴ്സ് ​സ്‌പെ​ഷ്യ​ൽ​ ​തു​ട​ങ്ങി​യ​വ​യാ​ണ് ​പ്ര​ധാ​ന​ ​സി​നി​മ​ക​ൾ.​ ​അ​ഡോമ​ ​എ​ന്ന​ ​ചി​ത്ര​ത്തി​ന്റെ​ ​പ്ര​വ​ർ​ത്ത​ന​ങ്ങ​ൾ​ ​ന​ട​ക്കു​മ്പോ​ഴാ​യി​രു​ന്നു​ ​അ​ന്ത്യം.​ പത്തോളം സിനിമകളിൽ അദ്ദേഹം അഭിനയിച്ചിട്ടുമുണ്ട്,ഗുരുപ്രസാദിന്റെ അപ്രതീക്ഷിത വിയോഗത്തിൽ കന്നഡ സിനിമാ ലോകം ദുഃഖം രേഖപ്പെടുത്തി.

നടനും സംവിധായകനുമായ ഗുരുപ്രസാദിനെ മരിച്ചനിലയിൽ കണ്ടെത്തി

ജയ്പൂര്‍: ജോധ്പൂരില്‍ രണ്ടുദിവസം മുമ്പ് കാണാതായ സ്ത്രീയുടെ മൃതദേഹം കഷ്ണങ്ങളാക്കി പ്ലാസ്റ്റിക് കവറില്‍ പൊതിഞ്ഞ നിലയില്‍ കണ്ടെത്തി. അനിത ചൗധരി (50)യുടെ മൃതദേഹമാണ് കണ്ടെത്തിയത്.
അനിത ബ്യൂട്ടി പാര്‍ലര്‍ നടത്തി വരികയായിരുന്നു. ഞായറാഴ്ച ഉച്ചയ്ക്ക് ബ്യൂട്ടി പാര്‍ലര്‍ അടച്ച അനിത രാത്രിയായിട്ടും വീട്ടില്‍ തിരിച്ചെത്താത്തതിനെ തുടര്‍ന്ന് ഭര്‍ത്താവ് പിറ്റേദിവസം പൊലീസില്‍ പരാതി നല്‍കുകയായിരുന്നു. തുടർന്ന് പൊലീസ് നടത്തിയ അന്വേഷണത്തിലാണ് കൊലപാതക വിവരം പുറത്തറിഞ്ഞത്. അനിതയുടെ ബ്യൂട്ടി പാര്‍ലര്‍ പ്രവര്‍ത്തിച്ചിരുന്ന കെട്ടിടത്തിലെ മറ്റൊരു കടയില്‍ ജോലി ചെയ്യുന്ന ഗുല്‍ മുഹമ്മദാണ് കൊലപാതകം നടത്തിയതെന്ന് പൊലീസ് പറഞ്ഞു. അനിതയുടെ ഫോൺ കേന്ദ്രീകരിച്ച് നടത്തിയ അന്വേഷണത്തിലാണ് പൊലീസ് പ്രതിയെ അറസ്റ്റ് ചെയ്തത്.അനിതയെ കാണാതാകുന്നതിന് മുന്‍പ് ഇവര്‍ ഓട്ടോറിക്ഷയില്‍ സഞ്ചരിച്ചതായി പൊലീസ് കണ്ടെത്തിയിരുന്നു. തുടര്‍ന്ന് അനിത പോയ ഓട്ടോറിക്ഷ ഡ്രൈവറെ കസ്റ്റഡിയിലെടുക്കുകയും ചോദ്യം ചെയ്യുകയും ചെയ്തു. പൊലീസ് ഓട്ടോ ഡ്രൈവറുമായി പ്രതിയുടെ വീട്ടിലെത്തി. അപ്പോൾ ഗുല്‍ മുഹമ്മദിന്റെ ഭാര്യ മാത്രമാണ് വീട്ടിലുണ്ടായിരുന്നത്. കഴിഞ്ഞ മൂന്ന് ദിവസമായി താന്‍ സഹോദരിയുടെ വീട്ടിലായിരുന്നെന്ന് ഗുല്‍ മുഹമ്മദിന്റെ ഭാര്യ പൊലീസിന് മൊഴി നല്‍കി.
പൊലീസ് നടത്തിയ പരിശോധനയിൽ യുവതിയുടെ ശരീരഭാഗങ്ങള്‍ കണ്ടെത്തുകയായിരുന്നു. രണ്ട് പ്ലാസ്റ്റിക് ബാഗുകളില്‍ വെവ്വേറെ പൊതിഞ്ഞ നിലയിലാണ് മൃതദേഹം കണ്ടെത്തിയത്. മൃതദേഹം പോസ്റ്റ്മോര്‍ട്ടത്തിനായി ആശുപത്രിയിലേക്ക് മാറ്റി.

കാണാതായ സ്ത്രീയുടെ മൃതദേഹം കഷ്ണങ്ങളാക്കി പ്ലാസ്റ്റിക് കവറില്‍ പൊതിഞ്ഞ നിലയില്‍

കൊയിലാണ്ടി: കണയങ്കോട് പുഴയിൽ ചാടി മരിച്ച യുവാവിനെ തിരിച്ചറിഞ്ഞു. ഉണ്ണികുളം ശാന്തിനഗർ കേളോത്ത് പറമ്പ് അലാവുദ്ധീൻ്റ മകൻ മുഹമ്മദ് ഉവൈസ്(20) ആണ് ഉച്ചയ്ക്ക് ഒരു മണിയോടെ കണയങ്കോട് പാലത്തിൽ നിന്നും പുഴയിലേ ക്ക് ചാടി മരിച്ചത്. കൈ ഞരമ്പ് മുറിച്ചാണ് ഇയാൾ പാലത്തിനു സമീപത്തുനിന്ന് ചാടിയത്. ഒരു ബൈക്ക് യാത്രകാരൻ ഇയാളെ പിടിക്കാൻ ശ്രമിച്ചെങ്കിലും കുതറിമാറി പുഴയിലേക്ക് ചാടുകയായിരുന്നു.
ഉടൻതന്നെ അഗ്നി രക്ഷാ സേനയും നാട്ടുകാരും ചേർന്ന് തിരച്ചിൽ നടത്തുന്നതിനിടെ മത്സ്യതൊഴിലാളികളുടെ വലയിൽ കുടങ്ങുകയായിരുന്നു. ഫയർഫോഴിസിൻ്റെ ആംബുലൻസിൽ താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മാതാവ്: മുംതാസ് . സഹോദരങ്ങൾ: അഭിഷർ, മുസവ്വിയർ.

കണയങ്കോട് പുഴയിൽ ചാടി മരിച്ചത്  ഉണ്ണികുളം സ്വദേശിയായ യുവാവ്

പാലാ : കടനാട് കാവുംകണ്ടത്തു ദമ്പതികളെ മരിച്ചനിലയിൽ കണ്ടെത്തിയ സംഭവത്തിൽ ഭാര്യയെ കഴുത്തുഞെരിച്ചു കൊലപ്പെടുത്തിയശേഷം ഭർത്താവ് തൂങ്ങി മരിച്ചെന്നാണു പ്രാഥമിക നിഗമനം. കാവുംകണ്ടം കണംകൊമ്പിൽ റോയി (60), ഭാര്യ ജാൻസി (55) എന്നിവരാണ് മരിച്ചത്.
റോയിയെ വീട്ടിൽ തൂങ്ങിമരിച്ച നിലയിലും ജാൻസിയെ വീടിനുള്ളിൽ നിലത്തു കമിഴ്ന്നുകിടക്കുന്ന നിലയിലുമാണു കണ്ടെത്തിയത്. ഇവരുടെ ഏക മകൻ (9 വയസ്സ്) സ്‌കൂളിലായിരുന്നു. 3–ാം ക്ലാസ് വിദ്യാർഥിയാണ്. വിവാഹം കഴിഞ്ഞ് 28 വർഷത്തിനു ശേഷമാണ് ദമ്പതികൾക്കു മകൻ പിറന്നത്.
ഇന്നലെ ഉച്ചയ്ക്ക് 12.30ന് ആണു സംഭവം പുറത്തറിഞ്ഞത്. സാമ്പത്തിക പ്രശ്‌നങ്ങളെച്ചൊല്ലി ഇരുവരും തമ്മിൽ കലഹം പതിവായിരുന്നുവെന്നു പൊലീസ് പറഞ്ഞു. തൊടുപുഴയിലുള്ള സഹോദരനെ വിളിച്ചു പറഞ്ഞശേഷമാണ് റോയി ജീവനൊടുക്കിയതെന്നു പൊലീസ് പറഞ്ഞു.

ഏകമകൻ സ്കൂളിൽ; ദമ്പതികൾ വീട്ടിൽ മരിച്ചനിലയിൽ

പാലക്കാട്: ഷൊർണൂരിൽ ട്രെയിനിൽ വച്ച് കൊല ചെയ്യപ്പെട്ട സൗമ്യയുടെ സഹോദരനെ കിടപ്പുമുറിയിൽ മരിച്ച നിലയിൽ കണ്ടെത്തി.ഷൊർണൂർ കാരക്കാട് മുല്ലക്കൽ വീട്ടിൽ സന്തോഷ് (34) ആണ് മരിച്ചത്. ഒറ്റപ്പാലം താലൂക്കോഫീസിലെ ഓഫീസ് അറ്റൻഡന്റാണ്. 
ഇന്ന് ഉച്ചയ്ക്ക് അമ്മ സുമതിയും പ്രദേശവാസികളും ചേർന്ന് വാതിൽ തുറന്ന് നോക്കിയപ്പോഴാണ് സന്തോഷിനെ മരിച്ച നിലയിൽ കണ്ടത്. ഇന്നലെ രാത്രി ഉറങ്ങാൻ കിടന്ന സന്തോഷ് പിന്നെ വാതിൽ തുറന്നിരുന്നില്ലന്ന് അമ്മ പറഞ്ഞു. ഷൊർണൂർ പൊലീസ് എത്തി തുടർന്ന് നടപടികൾ സ്വീകരിച്ചു. മൃതദേഹം ഒറ്റപ്പാലം താലൂക്ക് ആശുപത്രിയിലേക്ക് മാറ്റും.2011-ൽ സഹോദരി കൊല്ലപ്പെട്ടതിനെത്തുടർന്ന് സന്തോഷിന് സർക്കാർ റവന്യൂവകുപ്പിൽ ജോലി നൽകുകയായിരുന്നു. ഭാര്യ: നിമിഷ. മകൻ: നിഹാൻ&nbsp;
2011 ഫെബ്രുവരി ഒന്നിനാണ് കൊച്ചി-ഷൊർണ്ണൂർ പാസഞ്ചർ തീവണ്ടിയിൽ സഞ്ചരിച്ച കൊച്ചിയിലെ സ്വകാര്യ സ്ഥാപനത്തിലെ ജീവനക്കാരി സൗമ്യ (23) ക്രൂര പീഡനത്തിന് ഇരയായത്. ഫെബ്രുവരി ആറിന് തൃശ്ശൂർ മെഡിക്കൽ കോളേജിൽവച്ച് സൗമ്യ മരിച്ചു.&nbsp;

ഷൊർണൂരിൽ ട്രെയിനിൽ വച്ച് കൊല ചെയ്യപ്പെട്ട സൗമ്യയുടെ സഹോദരനെ മരിച്ച നിലയിൽ കണ്ടെത്തി

തൊടുപുഴ: പാമ്പുകടിയേറ്റ് ചികിത്സയിലിരുന്ന വീട്ടമ്മ മരിച്ചു. പെരുമ്പിള്ളിച്ചിറ പ്ലാത്തോട്ടത്തിൽ ആയിഷയാണ് (42) മരിച്ചത്. ശനിയാഴ്ച രാവിലെയായിരുന്നു സംഭവം.
വീട്ടിൽ അടുക്കിവെച്ചിരുന്ന വിറക് മാറ്റിയിടുന്നതിനിടെ പാമ്പിന്‍റെ കടിയേൽക്കുകയായിരുന്നു. തുടർന്ന് കോലഞ്ചേരി മെഡിക്കൽ കോളേജിൽ തീവ്ര പരിചരണ വിഭാഗത്തിൽ പ്രവേശിപ്പിച്ചു. ചികിത്സയിലിരിക്കെ തിങ്കളാഴ്ച വൈകിട്ടോടെയാണ് മരണം സംഭവിച്ചത്. കബറടക്കം നടത്തി. ഭർത്താവ്: നവാസ്. മക്കൾ: അസ്ലം, അൻസാം.

വിറക് മാറ്റിയിടുന്നതിനിടെ പാമ്പിന്‍റെ കടിയേറ്റു ; ചികിത്സയിലിരുന്ന വീട്ടമ്മ മരിച്ചു

ആലുവ: ജിം ട്രെയിനറെ വാടക വീട്ടിൽ മരിച്ച നിലയിൽ കണ്ടെത്തി. ആലുവ ചുണങ്ങംവേലിയിലാണ് സംഭവം. കണ്ണൂർ സ്വദേശിയായ സാബിത്തിനെയാണ് വീട്ടുമുറ്റത്ത് മരിച്ച നിലയിൽ കണ്ടെത്തിയത്. കൊലപാതകമാണെന്ന സംശയത്തിൽ നടത്തിയ അന്വേഷണത്തിൽ മണിക്കൂറുകൾക്കുള്ളിൽ പ്രതിയെ പൊലീസ് പിടിക്കൂടി.&nbsp;
ചുണങ്ങുംവേലിയിൽ ഫിറ്റ്‌നെസ് സെന്റർ നടത്തുന്ന കൃഷ്ണ പ്രതാപാണ് പിടിയിലായത്. സാബിത്തിനെ കൊന്നശേഷം ബന്ധുവീട്ടിൽ ഒളിവിൽ കഴിയുകയായിരുന്നു കൃഷ്ണ പ്രതാപ്.ജിം നടത്തിപ്പുക്കാരനായ കൃഷ്ണ പ്രതാപിന്റെ കൂടെയാണ് സാബിത്ത് ജോലി ചെയ്തിരുന്നത്. സാമ്പത്തിക ഇടപാടുകളെ ചൊല്ലി ഇരുവരും തമ്മിൽ തർക്കമുണ്ടായിരുന്നുവെന്നും ഇതാണ് കൊലപാതകത്തിൽ കലാശിച്ചതെന്നും പൊലീസ് പറയുന്നു. എടത്തല പൊലീസാണ് അന്വേഷണം നടത്തുന്നത്. സംഭവത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല.

ജിം ട്രെയിനറെ വാടക വീട്ടിൽ മരിച്ച നിലയിൽ കണ്ടെത്തി

മസ്‌കറ്റ്: ഹൃദയാഘാതത്തെ തുടർന്ന് മലയാളി യുവാവ് ഒമാനിലെ സലാലയിൽ മരിച്ചു. തലശേരി ചിരക്കര സ്വദേശി കാടൻ കണ്ടി മുഹമ്മദ് അജ്‌മൽ ആണ് മരിച്ചത്. 26 വയസായിരുന്നു. ഹസൻ ബിൻ താബിത് റസ്റ്ററന്റിലെ ജീവനക്കാരനായിരുന്നു അജ്‌മൽ.ചൊവ്വാഴ്‌ച ഉറങ്ങാൻ കിടന്ന അജ്‌മൽ ബുധനാഴ്‌ച ഉച്ചയായിട്ടും ജോലിക്കെത്താത്തതിനെ തുടർന്ന് നടത്തിയ അന്വേഷണത്തിലാണ് മരണവിവരം അറിയുന്നത്.
&nbsp;സുഹൃത്തുക്കൾ വന്ന് നോക്കിയപ്പോൾ ബെഡിൽ മരിച്ച നിലയിൽ കണ്ടെത്തുകയായിരുന്നു. ഉടൻതന്നെ ഇവർ റോയൽ ഒമാൻ പൊലീസിനെ വിവരമറിയിച്ചു. തുടർന്ന് പൊലീസെത്തി മൃതദേഹം ആശുപത്രിയിലേക്ക് മാറ്റി. മരണം സ്ഥിരീകരിച്ചതോടെ മറ്റ് നടപടികൾ സ്വീകരിച്ചു.പിതാവ് - പരേതനായ ഉമ്മർ പുത്തൻ പുരയ്‌ക്കൽ, മാതാവ് - ഷമീറ കാടൻ കണ്ടി. അവിവാഹിതനാണ്.

ഹൃദയാഘാതം ;തലശേരി സ്വദേശിയായ യുവാവ് ഒമാനിൽ മരിച്ചു

ഊട്ടി: കൂനൂരിൽ കനത്തമഴയിൽ വീടിനുമുകളിലേക്ക് മണ്ണിടിഞ്ഞുവീണ് മലയാളി അധ്യാപിക മരിച്ചു. പാലക്കാട് രാമശ്ശേരി സ്വദേശിനിയും കൂനൂരിൽ സ്വകാര്യ സ്കൂൾ അധ്യാപികയുമായ ജയലക്ഷ്മി (42) ആണ് മരിച്ചത്. കൂനൂർ കൃഷ്ണപുരത്തെ രവീന്ദ്രനാഥിന്റെ ഭാര്യയാണ്.
ഞായറാഴ്ചരാത്രി കൂനൂരിൽ കനത്തമഴ പെയ്തിരുന്നു. ഇതേത്തുടർന്ന് രാത്രി പത്തു മണിയോടെ രവീന്ദ്രനാഥിന്റെ വീട്ടിൽ വെള്ളംകയറാൻ തുടങ്ങി. ജയലക്ഷ്മി വീട്ടിനുള്ളിലെ വെള്ളം പുറത്തേക്ക് കളയാൻ ശ്രമിക്കുമ്പോൾ മുന്നിലുള്ള മൺതിട്ട ഇടിഞ്ഞു വിഴുകയായിരുന്നു. ജയലക്ഷ്മി ഉള്ളിലകപ്പെട്ടു.അഗ്നിരക്ഷാസേനയെത്തി ജയലക്ഷ്മിയെ പുറത്തെടുത്തെങ്കിലും മരിച്ചിരുന്നു. വീട്ടിനുള്ളിൽ അകപ്പെട്ട രവീന്ദ്രനാഥിനെയും രണ്ട് കുട്ടികളെയും അഗ്നിരക്ഷാസേനയും നാട്ടുകാരും ചേർന്ന് പുറത്തേക്കെത്തിച്ചു.&nbsp;

ഊട്ടി കൂനൂരിൽ വീടിനുമുകളിലേക്ക് മണ്ണിടിഞ്ഞ് മലയാളി അധ്യാപിക മരിച്ചു

കട്ടപ്പന: ഇരട്ടയാർ ശാന്തിഗ്രാമിൽ പിക്കപ് വാനിന്റെ അടിയിൽപെട്ടു നാലുവയസ്സുകാരൻ മരിച്ചു. ശാന്തിഗ്രാം നാലുസെന്റ് കോളനിയിൽ ഒഴത്തിൽ അനൂപ്-മാലതി ദമ്പതികളുടെ മകൻ ശ്രാവൺ ആണു മരിച്ചത്.&nbsp;
ഇന്നലെ വൈകിട്ട് നാലോടെയായിരുന്നു അപകടം. സമീപത്തെ വീട്ടിൽ കുടുംബശ്രീ യോഗം ചേരുന്നതിനിടെ ശ്രാവണിന്റെ അമ്മയ്ക്കു നൽകാനുള്ള പണവുമായി പിക്കപ് ഡ്രൈവർ എത്തി. വാഹനത്തിനരികിലേക്കു പോയ മാലതിക്കൊപ്പം കുട്ടിയും ഇറങ്ങിച്ചെന്നെങ്കിലും മറ്റാരും കണ്ടില്ല. പണം നൽകിയശേഷം ഡ്രൈവർ വാഹനം പിന്നോട്ടെടുത്തപ്പോൾ കുട്ടി അടിയിൽപെട്ടെന്നാണു വിവരം. ഉടൻ ആശുപത്രിയിലെത്തിച്ചെങ്കിലും മരിച്ചു. സഹോദരി: വൈഗ.

പിക്കപ് വാനിന്റെ അടിയിൽപെട്ട് നാലുവയസ്സുകാരന്  ദാരുണാന്ത്യം

ഗരുഡ കൊടുമുടി കയറി ഇറങ്ങുന്നതിനിടെ ശ്വാസംമുട്ടല്‍ അനുഭവപ്പെട്ട മലയാളി യുവാവ് കുഴഞ്ഞുവീണു മരിച്ചു.ഇടുക്കി കൊന്നത്തടി കമ്പിളികണ്ടം പൂവത്തിങ്കല്‍ (മുക്കുറ്റിയില്‍) അമല്‍ (34) ആണ് മരിച്ചത്. ഒപ്പമുണ്ടായിരുന്ന സുഹൃത്ത് ശൂരനാട് തെക്ക് അമ്പാടിയില്‍ വിഷ്ണു ജി.നായരാണ് അമലിന്റെ ആരോഗ്യസ്ഥിതി മോശമായെന്നും അടിയന്തര എയര്‍ലിഫ്ടിങ് വേണമെന്നുമുള്ള വിവരം വെള്ളിയാഴ്ച വൈകീട്ട് അധികൃതരെ അറിയിച്ചത്.
ഉത്തരാഖണ്ഡിലെ ചാമോളി ജില്ലയിലെ ദ്രോണഗിരിയി ഗരുഡ കൊടുമുടിയിലേക്ക് ആയിരുന്നു ട്രെക്കിങ്.സെപ്റ്റംബര്‍ ഇരുപതിനാണ് സംഘം ട്രെക്കിങ്ങിനായി ഇടുക്കിയില്‍നിന്ന് പോയത്. വെള്ളിയാഴ്ച ഉച്ചയോടെ മലമുകളില്‍ വെച്ച് ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്‍ന്ന് എയര്‍ ലിഫ്ട് ചെയ്ത് ബെയ്‌സ് ക്യാമ്പില്‍ എത്തിച്ചു. ഇവിടെവെച്ച് മരിച്ചു.കേദാര്‍നാഥില്‍നിന്ന് മൃതദേഹം ഹെലികോപ്ടറില്‍ ജോഷിമഠില്‍ എത്തിച്ചു. ജോഷിമഠ് ജനറല്‍ ആശുപത്രിയില്‍ പോസ്റ്റുമോര്‍ട്ടം നടപടി പൂര്‍ത്തിയാക്കി നാട്ടിലേക്ക് കൊണ്ടുവരും.ഐ.ടി. മേഖലയില്‍ എറണാകുളത്ത് ജോലിചെയ്യുകയായിരുന്നു. അച്ഛന്‍: മോഹനന്‍. അമ്മ: പരേതയായ ചന്ദ്രിക. സഹോദരന്‍: അരുണ്‍.&nbsp;

ഗരുഡ കൊടുമുടി ട്രെക്കിങ്ങിനിടെ മലയാളിയുവാവ് കുഴഞ്ഞുവീണ് മരിച്ചു

ചെന്നൈ: നിര്‍ത്തിയിട്ട കാറിനുള്ളില്‍ അഞ്ചംഗകുടുംബത്തെ മരിച്ചനിലയില്‍ കണ്ടെത്തി. സേലം സ്വദേശികളായ മണികണ്ഠന്‍(50) ഭാര്യ നിത്യ, ഇവരുടെ രണ്ട് മക്കള്‍, മണികണ്ഠന്റെ അമ്മ സരോജ എന്നിവരെയാണ് കാറിനുള്ളില്‍ മരിച്ചനിലയില്‍ കണ്ടത്. തിരുച്ചിറപ്പള്ളി-കാരക്കുടി ദേശീയപാതയില്‍ പുതുക്കോട്ട ജില്ലയിലെ നാമനസമുദ്രം ഭാഗത്തായിരുന്നു സംഭവം.
കഴിഞ്ഞദിവസം വൈകീട്ട് മുതല്‍ കാര്‍ ഇതേസ്ഥലത്തുണ്ടായിരുന്നതായി പരിസരവാസികള്‍ പറഞ്ഞു. തുടര്‍ന്ന് സംശയം തോന്നി പരിശോധിച്ചതോടെയാണ് അഞ്ച് പേരെയും മരിച്ചനിലയില്‍ കണ്ടത്. സംഭവം കൂട്ട ആത്മഹത്യയാണെന്നാണ് പോലീസിന്റെ പ്രാഥമിക കണ്ടെത്തല്‍. കാറില്‍നിന്ന് ആത്മഹത്യാക്കുറിപ്പും കണ്ടെടുത്തിട്ടുണ്ട്. ആത്മഹത്യയ്ക്കുള്ള കാരണം കുറിപ്പില്‍ വ്യക്തമാക്കിയിട്ടില്ലെന്നും പോലീസ് പറഞ്ഞു.
വിഷം ഉള്ളില്‍ച്ചെന്നാണ് അഞ്ച് പേരുടെയും മരണം സംഭവിച്ചതെന്നാണ് സംശയം. സേലത്ത് ലോഹവ്യാപാരിയായ മണികണ്ഠന് സാമ്പത്തികബാധ്യതകളുണ്ടായിരുന്നതായി സൂചനയുണ്ട്. ഇതാകാം ആത്മഹത്യയിലേക്ക് നയിച്ചതെന്ന് കരുതുന്നു.&nbsp;

അഞ്ചംഗകുടുംബം കാറിനുള്ളില്‍ മരിച്ച നിലയിൽ ;കൂട്ട ആത്മഹത്യയെന്ന് നിഗമനം

താമരശ്ശേരി : തിളച്ച പാൽ ദേഹത്ത് വീണ് പൊള്ളലേറ്റ് ചികിത്സയിലായിരുന്ന പിഞ്ചുകുഞ്ഞ് മരിച്ചു. ചുങ്കം കയ്യേലിക്കുന്നിൽ വാടക ഫ്ലാറ്റിൽ താമസിക്കുന്ന ഇല്ലിപ്പറമ്പിൽ നസീബ് - ജസ്ന ദമ്പതികളുടെ മകൻ അസ്‌ലൻ അബ്ദുല്ല (1) ആണ് മരിച്ചത്.&nbsp;
ശനിയാഴ്ച രാത്രിയാണ് പാൽപ്പാത്രം തട്ടി പാൽ കുഞ്ഞിന്റെ ദേഹത്ത് വീണത്. തുടർന്ന് താമരശ്ശേരിയിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും പ്രവേശിപ്പിച്ചു. ബുധനാഴ്ച ഉച്ചയോടെ മരിച്ചു. സഹോദരങ്ങൾ: നേഹ നസീബ്, അംദാൻ അബ്ദുല്ല, അൽഹാൻ അബ്ദുല്ല.&nbsp;

താമരശ്ശേരിയിൽ തിളച്ച പാൽ ദേഹത്ത് വീണ് പൊള്ളലേറ്റ് ചികിത്സയിലായിരുന്ന പിഞ്ചുകുഞ്ഞ് മരിച്ചു

ലഖ്നൗ: യുപിയിൽ ജോലിക്കിടെ ബാങ്ക് ജീവനക്കാരി മരിച്ചു. വിഭൂതി​ഖണ്ഡിലെ എച്ച്.ഡി.എഫ്.സി ശാഖയിലെ ജീവനക്കാരി സദാ ഫാത്തിമ(45) ആണ് ജോലിക്കിടെ കുഴഞ്ഞുവീണ് മരിച്ചത്.
മൃതദേഹം പോസ്റ്റുമോർട്ടത്തിന് അയച്ചെന്നും റിപ്പോർട്ട് വന്നശേഷമേ മരണകാരണം വ്യക്തമാകൂവെന്നും വിഭൂതി​ഖണ്ഡ് എ.സി.പി രാധാരമൺ സിങ് പറഞ്ഞു. സദയ്ക്ക് ജോലി സമ്മർദ്ദം ഉണ്ടായിരുന്നതായി സഹപ്രവർത്തകരെ ഉദ്ദരിച്ച് ദേശീയ മാധ്യമങ്ങൾ റിപ്പോർട്ടുചെയ്തു.

ജീവനക്കാരി ബാങ്കിനുള്ളിൽ കുഴഞ്ഞുവീണ് മരിച്ചു, ജോലി സമ്മർദ്ദമെന്ന് സഹപ്രവർത്തകർ

ബംഗളൂരു: മൈസൂരുവിൽ ഫ്ലാറ്റിൽനിന്നുവീണ് തിരൂർ സ്വദേശിയായ യുവാവ് മരിച്ചു.മംഗലം വളപ്പിൽ മേപ്പറമ്പത്ത് മുജീബ് റഹ്മാൻ-സുലൈഖ ദമ്പതികളുടെ മകൻ റബിൻ ഷാ മുസവ്വിർ (25) ആണ് മരിച്ചത്. ശനിയാഴ്ച രാത്രി 11.30ഓടെയാണ് അപകടം. ശാന്തിനഗറിലെ സുഹൃത്തിന്റെ ഫ്ലാറ്റിലെ ടെറസിൽ സംസാരിച്ചുനിൽക്കവേ അബദ്ധത്തിൽ തെന്നി താഴേക്ക് വീഴുകയായിരുന്നു. ചാര്‍ട്ടേഡ് അക്കൗണ്ടന്റും സി.എം.എ പരിശീലകനുമായ മുസവ്വിർ ബംഗളൂരുവിൽ പരിശീലനം നൽകാനായാണ് സുഹൃത്തായ അഫ് ലഹിനൊപ്പം ശനിയാഴ്ച നാട്ടിൽനിന്ന് ബൈക്കിൽ പുറപ്പെട്ടത്.
നേരം വൈകിയതോടെ മൈസൂരുവിലെ സുഹൃത്തിന്റെ ഫ്ലാറ്റിൽ തങ്ങാൻ തീരുമാനിച്ചു. സുഹൃത്തുക്കൾക്കൊപ്പം മൂന്നാം നിലയിലെ ടെറസിൽ സംസാരിച്ച ശേഷം റൂമിലേക്ക് മടങ്ങാൻ എഴുന്നേൽക്കുന്നതിനിടെ കാൽതെന്നി ടെറസിൽനിന്ന് വീഴുകയായിരുന്നു. വീഴ്ചക്കിടെ രണ്ടാം നിലയിലെ വാട്ടർടാങ്കിൽ തലയിടിച്ചത് ഗുരുതര പരിക്കിനിടയാക്കി. പുലർച്ച രണ്ടോടെ ഡോക്ടർമാർ മരണം സ്ഥിരീകരിച്ചു. പിതാവ് വി.എം. മുജീബ് റഹ്മാൻ പടിഞ്ഞാറെക്കര ജി.യു.പി സ്കൂൾ പ്രഥമാധ്യാപകനാണ്. മാതാവ് സുലൈഖ മംഗലം അക്ഷയകേന്ദ്രം ജീവനക്കാരിയാണ്. സഹോദരങ്ങള്‍: റെജിന്‍ഷ റഹ്മാന്‍, റെന മറിയം (ഇരുവരും ബി.ടെക് വിദ്യാർഥികൾ).

മൈസൂരുവിൽ ഫ്ലാറ്റിൽനിന്നുവീണ് മലയാളി യുവാവ് മരിച്ചു

ബെം​ഗളൂരു: ഹുൻസൂരിൽ സ്വകാര്യ ബസ് മറിഞ്ഞുണ്ടായ അപകടത്തിൽ യാത്രക്കാരനായ കോഴിക്കോട് സ്വദേശി മരിച്ചു. രാമനാട്ടുകര സ്വദേശി അമൽ ഫ്രാ​ഗ്ലിൻ ആണ് മരിച്ചത്. മൈസൂരിവിലെ സ്വകാര്യ ആശുപത്രിയിൽ ചികിത്സയിലായിരുന്നു.
മറിഞ്ഞ ബസിനടിയിൽ അമൽ അകപ്പെടുകയായിരുന്നു എന്നാണ് ബന്ധുക്കൾ പറയുന്നത്. പോസ്റ്റുമോർട്ടത്തിനുശേഷം മൃതദേഹം വിട്ടുനൽകും. ബെം​ഗളൂരുവിൽനിന്ന് മഞ്ചേരി വഴി പെരിന്തൽമണ്ണയിലേക്ക് പോവുകയായിരുന്ന എസ്.കെ.എസ് ട്രാവൽസിന്റെ എ.സി സ്ലീപ്പർ ബസാണ് അപകടത്തിൽപ്പെട്ടത്.

ബെം​ഗളൂരുവിലെ ബസപകടം; പരിക്കേറ്റ കോഴിക്കോട് സ്വദേശി മരിച്ചു

ഹരിപ്പാട്: ലോറിക്ക് പിന്നില്‍ കാറിടിച്ച് അച്ഛനും മകളും മരിച്ചു. വള്ളികുന്നം കാമ്പിശ്ശേരി വെങ്ങലത്ത് വിളയില്‍ അബ്ദുള്‍ സത്താര്‍ (49), മകള്‍ ആലിയ (19) എന്നിവരാണ് മരിച്ചത്. വിദേശത്തുനിന്നെത്തിയ അബ്ദുൾ സത്താറിനെ കുടുംബം വിമാനത്താവളത്തിൽനിന്ന് കൂട്ടിക്കൊണ്ടുവരുന്നതിനിടെയായിരുന്നു അപകടം. ഹരിപ്പാടിനടുത്ത് താമല്ലാക്കല്‍ കെ.വി. ജെട്ടി ജങ്ഷനില്‍ വ്യാഴാഴ്ച രാവിലെ ഏഴുമണിയോടെയായിരുന്നു അപകടം.
ബഹറിനില്‍ ജോലിചെയ്യുന്ന അബ്ദുള്‍ സത്താര്‍ വ്യാഴാഴ്ച പുലര്‍ച്ചെയാണ് നെടുമ്പാശ്ശേരി വിമാനത്താവളത്തിലെത്തിയത്. ഭാര്യ ഹസീനയും ബന്ധുക്കളും ചേര്‍ന്ന് അബ്ദുള്‍സത്താറിനെ കൂട്ടിക്കൊണ്ടുവരികയായിരുന്നു. അപകടത്തിൽ ആലിയ സംഭവസ്ഥലത്തുതന്നെ മരിച്ചു. അബ്ദുള്‍ സത്താര്‍ പരുമലയിലെ സ്വകാര്യ ആശുപത്രയിൽ വെച്ചാണ് മരിച്ചത്. ഭാര്യയുൾപ്പെടെ ഒപ്പമുണ്ടായിരുന്നവർക്ക് പരിക്കുണ്ട്.

ഗൾഫിൽനിന്നെത്തി വീട്ടിലേയ്ക്കുള്ള യാത്രാമധ്യേ അപകടം; പ്രവാസിയും മകളും മരിച്ചു

എറണാകുളം : ബന്ധുവിന്റെ വീട്ടിലെ നീന്തൽകുളത്തിൽ വീണ് മൂന്നു വയസ്സുകാരൻ മരിച്ചു. പായിപ്ര കക്ഷായിപടി പൂവത്തും ചുവട്ടിൽ ജിയാസിന്റെയും ഷെഫീലയുടെയും മകൻ അബ്രാം സെയ്ത് (3) ആണ് മരിച്ചത്. ചൊവ്വാഴ്ച വൈകിട്ട് നാല് മണിയോടെയാണ് അപകടം. ചികിത്സയിലിരിക്കെ ഇന്നു രാവിലെയാണ് കുഞ്ഞ് മരിച്ചത്.
ജിയാസിന്റെ വീടിനു തൊട്ടടുത്തുള്ള സഹോദരന്റെ വീട്ടിൽ വന്നതായിരുന്നു കുഞ്ഞ്. കളിക്കുന്നതിനിടെ വീട്ടിലെ നീന്തൽക്കുളത്തിൽ വീണ് മുങ്ങിപ്പോയ കുഞ്ഞിനെ ബന്ധുക്കൾ ഉടൻ പേഴയ്ക്കാപ്പിള്ളിയിലെ സ്വകാര്യ ആശുപത്രിയിലും തുടർന്ന് എറണാകുളത്തെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല.

കളിക്കുന്നതിനിടെ  നീന്തൽകുളത്തിൽ വീണു ;മൂന്നു വയസ്സുകാരനു ദാരുണാന്ത്യം

ഗുണ്ടല്‍പേട്ട: നിയന്ത്രണംവിട്ട ടിപ്പര്‍ ലോറി ബൈക്കിലിടിച്ച് ഒരു കുടുംബത്തിലെ മൂന്നുപേര്‍ക്ക് ദാരുണാന്ത്യം. ഗുണ്ടല്‍പേട്ടില്‍ ചൊവ്വാഴ്ച ഉച്ചയോടെയാണ് അപകടമുണ്ടായത്. വയനാട് പൂതാടി സ്വദേശികളായ ധനേഷ്, ഭാര്യ അഞ്ജു, ഇവരുടെ ആറുവയസുകാരനായ മകന്‍ ഇഷാന്‍ കൃഷ്ണ എന്നിവരാണ് മരിച്ചത്.
ടിപ്പര്‍ ലോറി അമിതവേഗത്തിലാണ് വന്നതെന്ന് ദൃക്‌സാക്ഷികള്‍ പറഞ്ഞു. ഡ്രൈവര്‍ മദ്യലഹരിയിലായിരുന്നുവെന്നും ദൃക്‌സാക്ഷികള്‍ പറയുന്നു. കുടുംബം സഞ്ചരിച്ച ബൈക്കിലേക്ക് ടിപ്പര്‍ ഇടിച്ച് കയറുകയായിരുന്നു. മൃതദേഹങ്ങള്‍ ആശുപത്രിയിലേക്ക് മാറ്റി.

ഗുണ്ടല്‍പേട്ടിൽ ടിപ്പർലോറി ബൈക്കിലിടിച്ച് അപകടം ; മലയാളി ദമ്പതിമാര്‍ക്കും മകനും ദാരുണാന്ത്യം

തിരുവനന്തപുരം: പോലീസ് ഉദ്യോഗസ്ഥയെ വീടിനുള്ളില്‍ മരിച്ചനിലയില്‍ കണ്ടെത്തി. ആറ്റിങ്ങല്‍ സ്‌റ്റേഷനിലെ സീനിയര്‍ സി.പി.ഒ. അനിത(43)യെയാണ് നാവായിക്കുളം പറകുന്നിലെ വീട്ടില്‍ ജീവനൊടുക്കിയനിലയില്‍ കണ്ടെത്തിയത്.
തിങ്കളാഴ്ച രാവിലെ അനിത സ്റ്റേഷനില്‍ ഡ്യൂട്ടിക്കെത്തിയിരുന്നു. തുടര്‍ന്ന് നൈറ്റ്ഡ്യൂട്ടി ആവശ്യപ്പെട്ടശേഷം തിരികെ വീട്ടില്‍ തിരിച്ചെത്തി. തുടര്‍ന്ന് ഭര്‍ത്താവ് സമീപത്തെ കുടുംബവീട്ടിലേക്ക് പോയി തിരികെ വന്നപ്പോഴാണ് അനിതയെ മരിച്ചനിലയില്‍ കണ്ടത്.അനിതയുടെ ഭര്‍ത്താവ് പ്രസാദ് റിട്ട. പോലീസ് ഉദ്യോഗസ്ഥനാണ്. ദമ്പതിമാര്‍ക്ക് രണ്ട് കുട്ടികളുണ്ട്. അനിതയ്ക്ക് നേരത്തെ വിഷാദരോഗമുണ്ടായിരുന്നു.

പോലീസ് ഉദ്യോഗസ്ഥ വീടിനുള്ളില്‍ മരിച്ചനിലയില്‍

ഡാലസ്: അമേരിക്കയിലെ ഡാലസിലുണ്ടായ വാഹനാപകടത്തില്‍ മലയാളി ദമ്പതിമാർക്ക് ദാരുണാന്ത്യം. എഴുമറ്റൂര്‍ മാന്‍കിളിമുറ്റം സ്വദേശി വിക്ടര്‍ വര്‍ഗ്ഗീസ് (45, സുനില്‍), ഭാര്യ ഖുശ്ബു വര്‍ഗീസ് എന്നിവരാണ് മരിച്ചത്. സ്പ്രിങ് ക്രീക്ക്-പാര്‍ക്കര്‍ റോഡിലുണ്ടായ വാഹനാപകടത്തില്‍ ഗുരുതരമായി പരിക്കേറ്റ് പ്ലേനോ മെഡിക്കല്‍ സിറ്റി തീവ്രപരിചരണ വിഭാഗത്തില്‍ ചികിത്സയിരിക്കെ ആയിരുന്നു അന്ത്യം.
എഴുത്തുകാരൻ പരേതനായ അബ്രഹാം തെക്കേമുറിയുടെ സഹോദരപുത്രനാണ്. പരേതനായ എബ്രഹാം വര്‍ഗീസ്-അമ്മിണി വര്‍ഗീസ് ദമ്പതികളുടെ മകനാണ്. രണ്ട് മക്കളുണ്ട്. സംസ്‌കാരം ഡാലസിൽ തന്നെ നടക്കും.

അമേരിക്കയിലെ ഡാലസിൽ വാഹനാപകടം ;മലയാളി ദമ്പതിമാർക്ക് ദാരുണാന്ത്യം

കൊയിലാണ്ടി : രണ്ടു ദിവസം മുൻപ് ചെങ്ങോട്ടുകാവ് പഴയ പഞ്ചായത്ത് ഓഫീസിനടുത്ത് വച്ച് വാഹനാപകടത്തിൽ ഗുരുതരമായി പരിക്കേറ്റ് കോഴിക്കോട് മെഡിക്കൽ കോളേജിൽ ചികിത്സയിലായിരുന്ന യുവാവ്‌ മരിച്ചു. ചെങ്ങോട്ടുകാവ് ജീസസ് ഹൗസിൽ ജീവരാഗ്‌(49) ആണ്‌ മരിച്ചത്‌. ബൈക്കിൽ വീട്ടിലേക്ക് പോകുന്നതിനിടയിൽ കോഴിക്കോട് – കണ്ണൂർ റൂട്ടിലോടുന്ന വിക്രാന്ത് ബസ്സിടിച്ച് പരിക്കേൽക്കുകയായിരുന്നു.
കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം. ഭാര്യ: ജസ്ന (അധ്യാപിക, വിദ്വാനികേതൻ പബ്ലിക് സ്കൂൾ, പയ്യോളി ) മക്കൾ: ജീവ്ന, ജഗത്ചന്ദ്ര ജീവൻ. സഹോദരൻ: ജിതേന്ദു കുമാർ

ചെങ്ങോട്ടുകാവ് വാഹനാപകടം: ഗുരുതരമായി പരിക്കേറ്റ് ചികിത്സയിലായിരുന്നയാൾ മരിച്ചു

ഹരിപ്പാട് : ഭക്ഷ്യവിഷബാധയെ തുടര്‍ന്ന് ചികിത്സയിലിരുന്ന നഴ്സിങ് വിദ്യാര്‍ഥിനി മരിച്ചു. ചേപ്പാട് സ്വദേശി പ്രവീണ(20) ആണ് മരിച്ചത്. ഡല്‍ഹിയിലെ വി.എം.സി.സി. നഴ്സിങ് കോളേജിലെ രണ്ടാം വര്‍ഷ വിദ്യാര്‍ഥിയായിരുന്നു. ചൊവ്വാഴ്ച പുലർച്ചെയായിരുന്നു മരണം.
ജൂണ്‍ ആദ്യം ഹോസ്റ്റലില്‍നിന്നാണ് പ്രവീണയ്ക്ക് ഭക്ഷ്യവിഷബാധയേറ്റത്. നാല്‍പ്പതോളം കുട്ടികള്‍ ചികിത്സയിലായിരുന്നു. ആദ്യം ഹരിയാണയിലെ ജിന്തര്‍ ആശുപത്രിയിൽ ചികിത്സയിലായിരുന്ന പ്രവീണയെ പിന്നീട് ഹരിപ്പാട്ടെയും പരുമലയിലേയും ആശുപത്രികളിലേക്ക് മാറ്റിയിരുന്നു.പിന്നീട്, ​ഗുരുതരാവസ്ഥയില്‍ ആയതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി. ഇവിടെ ചികിത്സയിലിരിക്കെയാണ് മരിച്ചത്. ചേപ്പാട് കുന്നേല്‍ സ്വദേശി പ്രദീപിന്റേയും ഷൈലജയുടേയും മകളാണ് പ്രവീണ. ഇവരുടെ കുടുംബം വര്‍ഷങ്ങളായി ഹരിയാണയിലെ ഇസാറില്‍ സ്ഥിരതാമസമാണ്. സംസ്കാരം ചൊവ്വാഴ്ച രാത്രി 7.30-ന് വീട്ടുവളപ്പില്‍.

ഡല്‍ഹിയിലെ ഹോസ്റ്റലിൽ ഭക്ഷ്യവിഷബാധ; ചികിത്സയിലായിരുന്ന മലയാളി വിദ്യാര്‍ഥിനി മരിച്ചു

കോട്ടയം: റമ്പൂട്ടാന്റെ കുരു തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞ് മരിച്ചു. പാലാ മീനച്ചിൽ സ്വദേശികളായ സുനിൽ ലാലിന്റേയും ശാലിനിയുടേയും മകൻ ബദരീനാഥാണ് മരിച്ചത്. ഞായറാഴ്ച വൈകീട്ടായിരുന്നു സംഭവം.
റമ്പൂട്ടാൻ പഴം പൊളിച്ച് നൽകുന്നതിനിടെ കുട്ടിയുടെ തൊണ്ടയിൽ കുടുങ്ങുകയായിരുന്നു. ശ്വാസം മുട്ടൽ അനുഭവപ്പെട്ടതിനെ തുടർന്ന് ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല

റമ്പൂട്ടാൻ കുരു തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞ് മരിച്ചു

കാട്ടാക്കട: തെറ്റായ ദിശയിലൂടെ ഓടിച്ചുവന്ന കാർ റോഡരികിൽ നിർത്തിയിട്ടിരുന്ന ഓട്ടോറിക്ഷയിൽ ഇടിച്ച് ഓട്ടോ ഡ്രൈവർ മരിച്ചു. പൂവച്ചൽ ഉണ്ടപ്പാറ തെക്കുംകര ബിസ്മി മൻസിലിൽ റഫീഖാണ് (55) മരിച്ചത്. പൂവച്ചൽ ഇന്ത്യൻ ഓവർസീസ് ബാങ്കിന് സമീപം വെള്ളിയാഴ്ച വൈകീട്ടായായിരുന്നു അപകടം.
നെടുമങ്ങാട് ഭാഗത്തുനിന്നും അമിത വേഗത്തിലെത്തിയ കാർ റോഡരികിൽ നിർത്തിയിട്ടിരുന്ന ഓട്ടോറിക്ഷയ്ക്ക് പുറകിൽ ഇടിക്കുകയായിരുന്നു. ഇടിയുടെ ആഘാതത്തിൽ ഓട്ടോ മറിയുകയും ഡ്രൈവർ തെറിച്ച് സമീത്തെ മതിലിൽ ഇടിച്ച് താഴെവീഴുകയുമായിരുന്നു. തലയ്ക്ക് ഗുരുതരമായി പരിക്കേറ്റ റഫീഖിനെ നാട്ടുകാർ ചേർന്ന് ഉടൻ കാട്ടാക്കടയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.അപകടത്തിന് ശേഷം ഓടി രക്ഷപ്പെടാൻ കാറിൽ വന്ന രണ്ടുപേരും ശ്രമിച്ചെങ്കിലും നാട്ടുകാർ പിടികൂടി പൊലീസിന് കൈമാറി. ഇരുവരും മദ്യപിച്ചിരുന്നതായി പോലീസ് പറഞ്ഞു. കാറിൽ നിന്നും മദ്യക്കുപ്പികളും കണ്ടെടുത്തു.

തെറ്റായ ദിശയിലൂടെ കാറോടിച്ചു,നിർത്തിയിട്ടിരുന്ന ഓട്ടോറിക്ഷയിൽ ഇടിച്ച് അപകടം; ഡ്രൈവർ മരിച്ചു

പാലക്കാട്‌: യാക്കര ജങ്ഷനിൽ ബസിടിച്ച് സ്കൂട്ടർ യാത്രികയ്ക്ക് ദാരുണാന്ത്യം. കടുന്തുരുത്തി സ്വദേശി തോട്ടത്തിൽ വീട്ടിൽ സംഗീത (35) യാണ് മരിച്ചത്. ബുധനാഴ്ച രാവിലെയായിരുന്നു സംഭവം. കോട്ടമൈതാനത്തിനടുത്ത് ബേക്കറിയിലെ ജീവനക്കാരിയായ സംഗീത രാവിലെ കടയിലേക്ക് വരും വഴിയാണ് അപകടം സംഭവിച്ചത്.
യാക്കര ജങ്ഷനിൽ ബസ് സ്റ്റോപ്പിൽ നിർത്തിയിരുന്ന പാലക്കാട്‌ മീനാക്ഷിപുരം റൂട്ടിലോടുന്ന ബസിനെ മറികടക്കവേ ബസ് പെട്ടെന്ന് മുന്നോട്ടെടുക്കുകയും സ്കൂട്ടറിൽ തട്ടുകയുമായിരുന്നു. സ്കൂട്ടർ മറിഞ്ഞതോടെ സംഗീത ബസിനടിയിലേക്ക് വീഴുകയും ബസിന്റെ പിൻചക്രം ശരീരത്തിലൂടെ കയറിയിറങ്ങുകയും ചെയ്തു.സംഗീതയുടെ ഭർത്താവ് രാമചന്ദ്രൻ യാക്കരയിലെ സി.ഐ. ടി.യു. ലോഡിങ് തൊഴിലാളിയാണ്. സരീഷ്മ, സരീഷ് എന്നിവരാണ് മക്കൾ.&nbsp;

ബസിന്റെ പിൻചക്രം ശരീരത്തിലൂടെ കയറിയിറങ്ങി ;സ്കൂട്ടർ യാത്രികയ്ക്ക് ദാരുണാന്ത്യം

പത്തനംതിട്ട : കല്ലുങ്കൽ സ്വദേശിയായ 61കാരൻ സൈക്കിളിൽ നിന്നും വീണു മരിച്ചു. കല്ലുങ്കൽ പാപ്പിനാട്ടിൽ വീട്ടിൽ കെ.പി. മുരളിയാണ് മരിച്ചത്. വെള്ളിയാഴ്ച ഉച്ചക്ക് തുകലശ്ശേരി ശ്രീരാമകൃഷ്ണ ആശ്രമത്തിന് സമീപമായിരുന്നു സംഭവം.
തലക്ക് ഗുരുതര പരിക്കേറ്റ് വഴിയരികിൽ വീണു കിടന്നിരുന്ന മുരളിയെ സമീപവാസികൾ ചേർന്ന് തിരുവല്ല താലൂക്ക് ആശുപത്രിയിൽ എത്തിച്ചു. തുടർന്ന് കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരിക്കുകയായിരുന്നു.അസ്വാഭാവിക മരണത്തിന് പൊലീസ് കേസ് രജിസ്റ്റർ ചെയ്തിട്ടുണ്ട്.

വയോധികൻ സൈക്കിളിൽ നിന്നും വീണു മരിച്ചു

തിരൂര്‍: അവധി ദിനത്തിൽ ഉമ്മയുടെ വീട്ടില്‍ വിരുന്നെത്തിയ ഒന്നാംക്ലാസ് വിദ്യാര്‍ഥി കുളത്തില്‍ മുങ്ങിമരിച്ചു. പറവണ്ണ അരിക്കാഞ്ചിറ സ്വദേശി മേലേപുറത്ത് വളപ്പില്‍ ഷിഹാബിന്റെയും ഷാഹിദയുടെയും മകന്‍ എം.വി. മുഹമ്മദ് ഷെഹ്‌സിന്‍ (ആറ്) ആണ് മരിച്ചത്. താഴെപ്പാലം ഫാത്തിമ മാതാ ഇംഗ്ലീഷ് മിഡിയം എല്‍.പി. സ്‌കൂള്‍ ഒന്നാം ക്ലാസ് വിദ്യാര്‍ഥിയാണ്.
ബി.പി. അങ്ങാടി കോട്ടത്തറ പഞ്ചായത്ത് കുളത്തില്‍ വീണാണ് കുട്ടി മരിച്ചത്. മുഹമ്മദ് ഷാദില്‍ സഹോദരനാണ്. പോസ്റ്റ്‌മോര്‍ട്ടം നടപടികള്‍ക്ക് ശേഷം വെള്ളിയാഴ്ച കബടക്കം നടത്തും.

ഉമ്മയുടെ വീട്ടില്‍ വിരുന്നെത്തിയ ഒന്നാംക്ലാസ് വിദ്യാര്‍ഥി കുളത്തില്‍ വീണ് മരിച്ചു

കൽപറ്റ: ഹോമിയോ ഡോക്ടറെ കിണറ്റിൽ മരിച്ച നിലയിൽ കണ്ടെത്തി. കൽപറ്റ എമിലി സ്വദേശി കായിക്കര സലീമിന്റെ ഭാര്യ മാജിത ഫർസാനയെയാണ് (34) മരിച്ച നിലയിൽ കണ്ടെത്തിയത്. ഇന്നലെ ഉച്ച മുതൽ ഇവരെ കാണാനില്ലായിരുന്നു. തുടർന്ന് ബന്ധുക്കളും നാട്ടുകാരും നടത്തിയ തിരച്ചിലിലാണ് വീടിനു സമീപത്തെ കിണറ്റിൽ ഇന്ന് രാവിലെ മൃതദേഹം കണ്ടെത്തിയത്.&nbsp;
പോസ്റ്റ്മോട്ടത്തിനായി മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടുപോയി. സംഭവത്തിൽ ദുരൂഹതയുണ്ടെന്ന് ആരോപിച്ച് ബന്ധുക്കൾ കൽപറ്റ പൊലീസിൽ പരാതി നൽകി.

ഹോമിയോ ഡോക്ടറെ കിണറ്റിൽ മരിച്ച നിലയിൽ കണ്ടെത്തി

പാലക്കാട്: ബസ് കാത്തുനിൽക്കുന്നതിനിടെ തളർന്നുവീണ വിദ്യാർത്ഥി മരിച്ചു.കൂറ്റനാട് ആണ് സംഭവം. കൂറ്റനാട് അൽ അമീൻ ഇംഗ്ളീഷ് മീഡിയം സ്‌കൂളിലെ വിദ്യാർത്ഥി മുഹമ്മദ് സിയാൻ (15) ആണ് മരിച്ചത്. ആശുപത്രിയിൽ ചികിത്സയിലിരിക്കെയായിരുന്നു അന്ത്യം.കഴിഞ്ഞ വെള്ളിയാഴ്‌ചയാണ് സിയാൻ ബസ് സ്റ്റോപ്പിൽ കുഴഞ്ഞുവീണത്. പിന്നാലെ കൂടെയുണ്ടായിരുന്ന സഹപാഠിയും അദ്ധ്യാപികയും മറ്റുള്ളവരും ചേർന്ന് സിയാനെ പെരുമ്പിലാവിലെ സ്വകാര്യ ആശുപത്രിയിൽ എത്തിച്ചു.&nbsp;
പിന്നീട് വിദഗ്ദ്ധ ചികിത്സയ്ക്കായി തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്നലെ രാവിലെ മരണപ്പെടുകയായിരുന്നു.കറുകപുത്തൂർ ഇഞ്ചിരവളപ്പിൽ ലത്തീഫിന്റെയും റെജിലയുടെയും മകനാണ് സിയാൻ. റാഷിഫ് മിഥിലാജ്, മുഹമ്മദ് ദിനൂസ് എന്നിവരാണ് സഹോദരങ്ങൾ.&nbsp;

ബസ് കാത്തുനിൽക്കുന്നതിനിടെ കുഴഞ്ഞുവീണ വിദ്യാർത്ഥി മരിച്ചു

പിറവം : അയർലൻഡിൽ കൗണ്ടി മയോയിൽ വാഹനങ്ങൾ കൂട്ടിയിടിച്ചുണ്ടായ അപകടത്തിൽ‌ ഇന്ത്യൻ ആർമി റിട്ട. ക്യാപ്റ്റനും നഴ്സുമായ കക്കാട് കളപ്പുരയിൽ ലിസി സാജു (60) മരിച്ചു. ഭർ‌ത്താവ് സാജു വർഗീസും ഒപ്പം ഉണ്ടായിരുന്ന ബന്ധുക്കളും സാരമായ പരുക്കുകളോടെ ചികിത്സയിലാണ്.
വ്യാഴം വൈകിട്ട് 4.30ന് (ഇന്ത്യൻ സമയം രാത്രി 9ന്) ആയിരുന്നു അപകടം. മിലിറ്ററി സർവീസ് പൂർത്തിയാക്കിയതിനു ശേഷം 20 വർഷമായി അയർലൻഡിലെ റോസ് കോമൺ ആശുപത്രിയിൽ ജോലി ചെയ്യുകയായിരുന്നു ലിസി. സാജുവും അയർലൻഡിൽ കമ്പനി ഉദ്യോഗസ്ഥനാണ്. കഴിഞ്ഞ ദിവസം നാട്ടിൽ നിന്ന് എത്തിയ ബന്ധുക്കൾക്കൊപ്പം കാറിൽ യാത്ര ചെയ്യുമ്പോൾ എതിരെ വന്ന കാരവൻ ഇടിച്ചാണ് അപകടം.&nbsp;

അയർലൻഡിൽ വാഹനാപകടം: മലയാളി നഴ്സ് മരിച്ചു

ചെന്നൈ: തിരുവള്ളൂരില്‍ തിരുട്ടണിക്ക് സമീപം വാഹനാപകടത്തില്‍ അഞ്ച് കോളേജ് വിദ്യാര്‍ത്ഥികള്‍ മരിച്ചു. ഞായറാഴ്ച തിരുട്ടണിക്ക് സമീപം രാമഞ്ചേരിയില്‍ ട്രക്കും കാറും കൂട്ടിയിടിച്ചാണ് അപകടം.
കാറിലുണ്ടായിരുന്നവരാണ് മരിച്ചത്. ഏഴ് പേരാണ് കാറിലുണ്ടായിരുന്നത്. രണ്ട് പേര്‍ക്ക് ഗുരുതരമായി പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചു.ചെന്നൈ എസ്.ആര്‍.എം കോളേജിലെ വിദ്യാര്‍ഥികളാണ് അപകടത്തില്‍പ്പെട്ടത്. ആന്ധ്രപ്രദേശ് യാത്ര കഴിഞ്ഞ് മടങ്ങവേയായിരുന്നു അപകടം.&nbsp;

തമിഴ്‌നാട്ടില്‍ വാഹാനാപകടം: അഞ്ച് കോളേജ് വിദ്യാര്‍ഥികള്‍ മരിച്ചു

ദമ്മാം: മലയാളി യുവാവ്​ ഹൃദയാഘാതത്തെ തുടർന്ന് ​ മരിച്ചു. എ.ജി.സി കാർ അക്​സസറീസ് എന്ന കമ്പനിയിലെ ജീവനക്കാരൻ അത്തോളി കുന്നത്തറ സ്വദേശി അയൂബ് (34) ആണ്​ മരിച്ചത്​.
കുഴഞ്ഞു വീണതിനെ തുടർന്ന് ദമ്മാം സെൻട്രൽ ആശുപത്രിയിൽ പ്രവേശിപ്പിച്ചെങ്കിലും മരിച്ചു. ദമ്മാമിൽ ഒപ്പമുണ്ടായിരുന്ന കുടുംബം രണ്ടുദിവസം മുമ്പാണ്​ നാട്ടിലേക്ക്​ പോയത്​.സഹോദരന്റെ വിവാഹത്തിൽ പ​ങ്കെടുക്കാൻ അടുത്തയാഴ്ച അയൂബും നാട്ടിലേക്ക് പോകാനിരിക്കെയാണ് മരണം. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തിയായി വരുന്നതായി കമ്പനി അധികൃതർ അറിയിച്ചു

അത്തോളി സ്വദേശി ദമ്മാമിൽ നിര്യാതനായി

മസ്കറ്റ്: തൃശൂർ സ്വദേശിനിയായ ഏഴുവയസുകാരി ഒമാനിൽ നിര്യാതയായി. കൊടുങ്ങല്ലൂർ കരൂപടന്ന സ്വദേശി അഫ്സലിന്റേയും തസ്നീമിന്റേയും മകൾ ഹന ഫാത്തിമ ആണ് മരിച്ചത്. ഞായറാഴ്ച രാവിലെ സമായിൽ ആശുപത്രിയിൽ വെച്ചായിരുന്നു മരണം.&nbsp;
കെ.എം.സി.സിയുടെ നേതൃത്വത്തിൽ തുടർനടപടികൾ പൂർത്തിയാക്കി. മൃതദേഹം ഞായറാഴ്ച രാത്രി സമായിൽ അൽ തസ്സിൻ ഖബറുസ്ഥാനിൽ കബറടക്കി..

തൃശൂർ സ്വദേശിനിയായ ഏഴുവയസുകാരി ഒമാനിൽ നിര്യാതയായി

ന്യൂഡല്‍ഹി: ജിം പരിശീലകയായ യുവതിയെ ഫ്‌ളാറ്റില്‍ കയറി കുത്തിക്കൊന്നു.ദ്വാരകയില്‍ താമസിക്കുന്ന അസം സ്വദേശിയായ സ്‌നേഹ നാഥ് ചൗധരി(21)യാണ് കൊല്ലപ്പെട്ടത്. സംഭവത്തില്‍ പ്രതിയായ രാജി(24)നെ പോലീസ് കസ്റ്റഡിയിലെടുത്തു. ഇയാളും അസം സ്വദേശിയാണെന്നും ഇരുവരും പരിചയമുള്ളവരാണെന്നും പോലീസ് പറഞ്ഞു.
ദ്വാരകയിലെ പൊച്ചാന്‍പുര്‍ കോളനിയിലെ ഫ്‌ളാറ്റില്‍ ശനിയാഴ്ച വൈകീട്ടായിരുന്നു സംഭവം. ഫ്‌ളാറ്റിനുള്ളില്‍ കൊലപാതകശ്രമം നടന്നിട്ടുണ്ടെന്ന വിവരമറിഞ്ഞാണ് പോലീസ് സ്ഥലത്തെത്തിയത്. തുടര്‍ന്ന് ഫ്‌ളാറ്റിനകത്ത് പ്രവേശിച്ചപ്പോള്‍ ചോരയില്‍ കുളിച്ച് അബോധാവസ്ഥയില്‍ കിടക്കുന്നനിലയിലാണ് സ്‌നേഹയെ കണ്ടെത്തിയത്. പരിക്കേറ്റ നിലയില്‍ പ്രതി രാജും ഇവിടെയുണ്ടായിരുന്നു. യുവതിയെ ഉടൻ ആശുപത്രിയിലേക്ക് കൊണ്ടുപോയെങ്കിലും മരണംസംഭവിക്കുകയായിരുന്നു.കൊല്ലപ്പെട്ട യുവതിയും പ്രതിയും നേരത്തെ പരിചയമുള്ളവരാണ്. ഇരുവര്‍ക്കുമിടയില്‍ എന്തോ തര്‍ക്കം നിലനിന്നിരുന്നതായാണ് വിവരം. മല്‍പ്പിടിത്തത്തിനിടെ പ്രതിയുടെ കൈയ്ക്ക് പരിക്കേറ്റു.&nbsp;

ജിം പരിശീലകയായ യുവതിയെ ഫ്‌ളാറ്റില്‍ കയറി കുത്തിക്കൊന്നു

ചെന്നൈ: തമിഴ് ചാനൽ വാർത്താ അവതാരക സൗന്ദര്യ അമുദമൊഴി അന്തരിച്ചു. അർബുദ ബാധിതയായി കഴിഞ്ഞ ആറുമാസത്തിലേറെയായി ചികിത്സയിലായിരുന്നു. ശനിയാഴ്ചയായിരുന്നു അന്ത്യം.
ചികിത്സയുടെ വിവിധ ഘട്ടങ്ങൾ സമൂഹ മാധ്യമങ്ങളിൽകൂടി സൗന്ദര്യ പങ്കുവെച്ചിരുന്നു. തനിക്കുവേണ്ടി ചികിത്സാ സഹായം അഭ്യർഥിച്ചും അവർ സോഷ്യൽ മീഡിയയിൽ പോസ്റ്റ് ചെയ്തിരുന്നു.തമിഴ്നാട് മുഖ്യമന്ത്രി എം.കെ. സ്റ്റാലിൻ 50 ലക്ഷം രൂപ ചികിത്സയ്ക്കായി അനുവദിച്ചിരുന്നു. തമിഴ് ന്യൂസ് റീഡേഴ്സ് അസോസിയേഷനിൽ നിന്ന് ടെലിവിഷൻ മാനേജ്മെന്‍റ് 5.51 ലക്ഷം രൂപയും പ്രഖ്യാപിച്ചിരുന്നു. ഇതിനിടെയാണ് സൗന്ദര്യയുടെ വിയോഗം.

തമിഴ് വാർത്താ അവതാരക സൗന്ദര്യ അമുദമൊഴി അന്തരിച്ചു

കൊല്ലം: പരവൂരിൽ മകന്റെ മർദനമേറ്റ് കിടപ്പുരോ​ഗിയായ പിതാവ് മരിച്ചു. പൂതക്കുളം പുന്നേക്കുളം സ്വദേശി ശശിയാണ് മരിച്ചത്. മകൻ ശരത്തിനെ പരവൂർ പോലീസ് അറസ്റ്റ് ചെയ്തു.&nbsp;
ബുധനാഴ്ച രാത്രി മദ്യലഹരിയിൽ വീട്ടിലെത്തിയ ശരത്ത്, ശശിയെ ക്രൂരമായി മർദിക്കുകയായിരുന്നു. ശരത്തിന്റെ മകനെ, ശശി വേണ്ടരീതിയിൽ നോക്കിയില്ലെന്ന് ആരോപിച്ചായിരുന്നു മർദനം.ശശിയുടെ മുഖത്തടക്കം ശരത്ത് ക്രൂരമായി മർദിച്ചു. ഗുരുതരമായി പരിക്കേറ്റ ശശിയെ ബന്ധുക്കള്‍ ​ പാരിപ്പള്ളി മെഡിക്കൽ കോളേജിൽ പ്രവേശിപ്പിച്ചെങ്കിലും വെള്ളിയാഴ്ച പുലർച്ചെ മരണം സംഭവിക്കുകയായിരുന്നു.

കിടപ്പുരോ​ഗിയായ പിതാവ് മകന്റെ മർദനമേറ്റ് മരിച്ചു

പെരുമ്പാവൂർ: സ്‌കൂട്ടര്‍ കാറിലിടിച്ച് മറിഞ്ഞ് കോളജ് വിദ്യാര്‍ഥിനി മരിച്ചു. മുടിക്കൽ ബിയർ ഫാക്ടറി ജംക്ഷന് സമീപം നെല്ലിക്കാപ്പിള്ളി വീട്ടിൽ ഷാജഹാന്‍റെ മകൾ റൈസ ഫാത്തിമയാണ് (20) മരിച്ചത്. മാറമ്പിള്ളി എം.ഇ.എസ് കോളജിലെ ബി വോക് ഫാഷൻ ഡിസൈനിങ് രണ്ടാം വർഷ വിദ്യാർഥിനിയാണ്.
തിങ്കളാഴ്ച വൈകിട്ട് 5.15ന് കോളജിൽ നിന്ന് സ്കൂട്ടറിൽ വീട്ടിലേക്ക് പോകുമ്പോൾ പെരുമ്പാവൂർ - ആലുവ കെ.എസ്.ആർ.ടി.സി റോഡിൽ നളന്ദ സ്‌റ്റോപ്പിന് സമീപത്തായിരുന്നു അപകടം. കാറില്‍ തട്ടിയ സ്‌കൂട്ടര്‍ മിനിലോറിയില്‍ ഇടിച്ച് റോഡിലേക്ക് മറിയുകയായിരുന്നു. ആലുവ രാജഗിരി ആശുപത്രിയിൽ പ്രവേശിപ്പിച്ചെങ്കിലും രാത്രി മരിച്ചു.മാതാവ്: ഷെമീന. സഹോദരൻ: ഷാഹിർ.

സ്‌കൂട്ടര്‍ കാറിലിടിച്ച് മറിഞ്ഞ് കോളജ് വിദ്യാര്‍ഥിനി മരിച്ചു.

സ്‌കൂട്ടര്‍ കാറിലിടിച്ച് മറിഞ്ഞ് കോളജ് വിദ്യാര്‍ഥിനി മരിച്ചു

യു.എ.ഇ: മണിയൂര്‍ സ്വദേശി ദുബായില്‍ നിര്യാതനായി . പടിഞ്ഞാറയില്‍ ഫൈസല്‍ (36) ആണ് മരിച്ചത്. പിതാവ്: പരേതനായ അമ്മദ് ഹാജി. മാതാവ്: ആയിഷ. സഹോദരങ്ങള്‍: അബ്ദുള്‍ കാദര്‍, റഹൂഫ്, റുഖിയ, ഫൗസിയ.

മണിയൂര്‍ സ്വദേശി ദുബായില്‍ നിര്യാതനായി

ചങ്ങനാശ്ശേരി: തെങ്ങണാ ഗുഡ്‌ഷെപ്പെര്‍ഡ് സ്‌കൂളിലെ കായികാധ്യാപികയും മുന്‍ ദേശീയ കായികതാരവുമായ മനു ജോണ്‍ (50) കുഴഞ്ഞുവീണ് മരിച്ചു. സ്‌കൂളില്‍ ഡിസിപ്ലിന്‍ ഡ്യൂട്ടി ചെയ്യവെയായിരുന്നു സംഭവം. നിരവധി ദേശീയ മത്സരങ്ങളിലെ സ്ഥിരം മെഡല്‍ ജേതാവായിരുന്നു. മധ്യ-ദീര്‍ഘദൂര മത്സരങ്ങളില്‍ കേരളത്തിനായി നിരവധി മെഡല്‍ നേടി. സ്‌കൂള്‍തലത്തില്‍ ചങ്ങനാശ്ശേരി സെയ്ന്റ് ജോസഫ് സ്‌കൂളിൽനിന്നും യൂണിവേഴ്‌സിറ്റി തലത്തില്‍ ചങ്ങനാശ്ശേരി അസംപ്ഷന്‍ കോളേജില്‍നിന്നുമാണ് മത്സരിച്ചിരുന്നത്.
എം.ജി. യൂണിവേഴ്‌സിറ്റി ക്രോസ് കണ്‍ട്രി ടീം ക്യാപ്റ്റനുമായിരുന്നു മനു ജോണ്‍. മുന്‍ യൂണിവേഴ്‌സിറ്റി കോച്ച് പരേതനായ പി.വി. വെല്‍സിയുടെ കീഴില്‍ എന്‍.എസ്.എസ്. കോളേജില്‍ മനുവിനൊപ്പം അഞ്ജു ബോബി ജോര്‍ജും അജിത് കുമാര്‍, ചാക്കോ, സിനി ഉള്‍പ്പെടെ നിരവധി താരങ്ങളും അന്ന് പരിശീലനത്തിന് ഉണ്ടായിരുന്നു.
അച്ഛന്‍: പരേതനായ പാറത്തറ തോമസ് മാത്യു (മോനിച്ചന്‍). അമ്മ: ചിന്നമ്മ തോമസ്. മക്കള്‍: മേഖ ജോണ്‍സണ്‍ (കാനഡ), മെല്‍ബിന്‍ (ജോണ്‍സണ്‍). മരുമകന്‍: രവി കൃഷ്ണ (കാനഡ). സഹോദരങ്ങള്‍ മനോജ് തോമസ് (ഇത്തിത്താനം), മാജു തോമസ് (പറാല്‍), മാര്‍ട്ടിന്‍ തോമസ് (സൗദി അറേബ്യ).

മുന്‍ ദേശീയതാരമായ കായികാധ്യാപിക സ്‌കൂളില്‍ കുഴഞ്ഞുവീണ് മരിച്ചു

കോട്ടയം: കാറും ഓട്ടോറിക്ഷയും കൂട്ടിയിടിച്ച് ഓട്ടോറിക്ഷാ ഡ്രൈവർ മരിച്ചു. കോട്ടയം ജില്ലയിലെ കാണക്കാരിയിലാണ് സംഭവം. ഏലപ്പാറ സ്വദേശി ജയദാസ് ആണ് മരിച്ചത്.
ഞായറാഴ്ച ഉച്ചയ്ക്ക് പന്ത്രണ്ടരയോടെയാണ് അപകടം. ഏറ്റുമാനൂർ ഭാഗത്തേക്ക് പോകുകയായിരുന്ന ഓട്ടോറിക്ഷയിൽ എതിർദിശയിലെത്തിയ കാർ ഇടിക്കുകയായിരുന്നു. കാർ അമിത വേഗത്തിലായിരുന്നെന്ന് ദൃക്സാക്ഷികൾ പറഞ്ഞു. കുറവിലങ്ങാട് പൊലീസ് മേൽ നടപടികൾ സ്വീകരിച്ചു.

കോട്ടയത്ത് കാറും ഓട്ടോറിക്ഷയും കൂട്ടിയിടിച്ചു; ഓട്ടോഡ്രൈവര്‍ മരിച്ചു

തിരുവനന്തപുരം: പാലോട് പേരയം ചെല്ലഞ്ചിയില്‍ അമ്മയേയും മകളെയും മരിച്ച നിലയില്‍ കണ്ടെത്തി. ചെല്ലഞ്ചി ഗീതാലയത്തില്‍ സുപ്രഭ (88), ഗീത (59) എന്നിവരെയാണ് മരിച്ച നിലയില്‍ കണ്ടെത്തിയത്. അമിതമായി ഗുളിക കഴിച്ചാണ് മരണമെന്നാണ് പ്രാഥമിക നിഗമനം.മാനസിക സമ്മര്‍ദമാണ് മരണകാരണമെന്ന് ബന്ധുകള്‍ പറയുന്നു. 12 സെന്റ് വസ്തുവുമായി ബന്ധപ്പെട്ട് സിവില്‍ കേസില്‍ മൂന്നു ദിവസം മുന്‍പ് വന്ന വിധി ഇവര്‍ക്ക് പ്രതികൂലമായിരുന്നു. തുടര്‍ന്ന് ഇവര്‍ മാനസികമായി തളര്‍ന്നിരുന്നു.
ഗീതയുടെ ഭര്‍ത്താവ് വത്സലന്‍ വീട്ടില്‍ ഉണ്ടായിരുന്നു. അദ്ദേഹം ഇത് അറിഞ്ഞിരുന്നില്ല. ശനിയാഴ്ച രാവിലെ 8.30 ഓടെയാണ് മൃതദേഹം കണ്ടത്. ഗീതയുടെ മൃതദേഹം വീടിന്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിലുമാണ് കണ്ടെത്തിയത്.

തിരുവനന്തപുരത്ത് അമ്മയേയും മകളെയും മരിച്ച നിലയില്‍ കണ്ടെത്തി

കോട്ടയം: ദുരൂഹസാഹചര്യത്തില്‍ പരിക്കേറ്റനിലയില്‍ കണ്ടെത്തിയ കോളേജ് വിദ്യാര്‍ഥി ചികിത്സയിലിരിക്കെ മരിച്ചു.അതിരമ്പുഴ സ്വദേശി മുഹമ്മദ് യാസീന്‍(19) ആണ് മരിച്ചത്. ആന്തരിക രക്തസ്രാവത്തെത്തുടര്‍ന്ന് വൈക്കത്തെ സ്വകാര്യ ആശുപത്രിയില്‍ ചികിത്സയിലായിരുന്നു.
കോട്ടയം പെരുമ്പിക്കാട് സ്‌കൂള്‍ ഓഫ് ടെക്‌നോളജി ആന്‍ഡ് അപ്ലൈഡ് സയന്‍സിലെ രണ്ടാംവര്‍ഷ ബി.സി.എ. വിദ്യാര്‍ഥിയാണ് യാസീന്‍. ജൂണ്‍ 28-നാണ് കുറവിലങ്ങാട് കാളികാവിന് സമീപം നിര്‍മാണം നടക്കുന്ന കെട്ടിടത്തിന് താഴെ പരിക്കേറ്റനിലയില്‍ യാസീനെ കണ്ടെത്തിയത്. ഗുരുതരമായി പരിക്കേറ്റിരുന്ന വിദ്യാര്‍ഥിയെ പിന്നീട് ആശുപത്രിയില്‍ പ്രവേശിപ്പിക്കുകയായിരുന്നു. സംഭവത്തില്‍ ദുരൂഹതയുണ്ടെന്നും ഇത് അന്വേഷിക്കണമെന്നും ബന്ധുൾ ആവശ്യപ്പെട്ടിരുന്നു.

പരിക്കേറ്റനിലയില്‍ കണ്ടെത്തിയ കോളേജ് വിദ്യാര്‍ഥി മരിച്ചു ;ദുരൂഹത ആരോപിച്ച് ബന്ധുക്കൾ

തിരുവനന്തപുരം: തിരുവനന്തപുരം കന്യാകുമാരി റോഡിൽ നിർത്തിയിട്ട കാറിനുള്ളിൽ യുവാവിന്‍റെ മൃതദേഹം. കഴുത്തറത്ത് കൊലപ്പെടുത്തിയ നിലയിലാണ് കണ്ടെത്തിയത്. കേരള-തമിഴ്നാട് അതിർത്തിയായ കളിയ്ക്കാവിളയ്ക്ക് സമീപം ഒറ്റാമരത്ത് തിങ്കളാഴ്ച രാത്രിയാണ് സംഭവം.
വാഹനത്തിന്റെ ഉടമയായ പാപ്പനംകോട് കൈമനം സ്വദേശി എസ്. ദീപുവി (44) നെയാണ് മഹേന്ദ്ര എസ്.യു.വി കാറിനുള്ളിൽ മരിച്ചനിലയിൽ കണ്ടെത്തിയത്. കാറിന്റെ മുൻസീറ്റിലായിരുന്നു മൃതദേഹം. രാത്രി 12 മണിയോടെ നാട്ടുകാരാണ് കളിയിക്കാവിള പോലീസിനെ വിവരം അറിയിച്ചത്.

ദേശീയപാതയിൽ നിർത്തിയിട്ട കാറിനുള്ളിൽ യുവാവിന്റെ മൃതദേഹം കണ്ടെത്തി

കണ്ണൂർ: തലശ്ശേരിയിൽ കനത്ത മഴയിൽ ഓവുചാലിൽ വീണ് യുവാവിന് ദാരുണാന്ത്യം. മഞ്ഞോടി കണ്ണിച്ചിറയിലാണ് അപകടമുണ്ടായത്. സ്വകാര്യ സ്ഥാപനത്തിലെ സെക്യൂരിറ്റി ജീവനക്കാരനായ രഞ്ജിത്ത് കുമാറാണ് മരിച്ചത്. സ്ലാബില്ലാത്ത ഓടയിലാണ് യുവാവ് വീണത്.
തിങ്കളാഴ്ച രാവിലെയാണ് അപകടമുണ്ടായത്. കാൽവഴുതി ഓടയിലേക്ക് വീണതാവമെന്നാണ് പ്രാഥമിക നിഗമനം. തലശേരിയിൽനിന്ന് ഫയർഫോഴ്‌സ് എത്തിയാണ് മൃതദേഹം പുറത്തെടുത്തത്. ജോലിസ്ഥലത്തേക്കുള്ള യാത്രക്കിടെയാകാം അപകടമെന്നാണ് സംശയിക്കുന്നത്.
ഓവുചാൽ സ്ലാബിട്ടുമൂടാത്തതിനാൽ അപകട ഭീഷണി നിലനിൽക്കുകയാണ്. മുൻപും പ്രദേശത്ത് സമാന രീതിയിൽ അപകടം സംഭവിച്ചിട്ടുണ്ട്.

തലശ്ശേരിയിൽ കനത്ത മഴയിൽ ഓവുചാലിൽ വീണ് യുവാവ് മരിച്ചു

മുൻ ഇന്ത്യൻ ക്രിക്കറ്റ് താരം ഇർഫാൻ പഠാന്റെ മേക്കപ്പ് ആർട്ടിസ്റ്റ് സ്വിമ്മിങ് പൂളിൽ മുങ്ങിമരിച്ചു. പഠാനൊപ്പം ടി20 ലോകകപ്പിനായി വെസ്റ്റ് ഇൻഡീസിലെത്തിയ മേക്കപ്പ് ആർട്ടിസ്റ്റ് ഫയാസ് അൻസാരിയാണ് മുങ്ങിമരിച്ചത്. ബിജ്‌നോറിലെ നാഗിന സ്വദേശിയായ ഫയാസ് ഏറെക്കാലമായി പഠാന്റെ മേക്കപ്പ് ആർട്ടിസ്റ്റായി ജോലി ചെയ്തുവരികയാണ്.
ഐസിസി ടി20 ലോകകപ്പിൽ കമൻ്റേറ്ററി ടീമിൻ്റെ ഭാഗമായി പഠാൻ വെസ്റ്റ് ഇൻഡീസിലേക്ക് പോയപ്പോൾ ഫയാസിനെ കൂടെ കോണ്ടുപോകുകയായിരുന്നു. വെള്ളിയാഴ്ച വൈകുന്നേരം അൻസാരി ഹോട്ടൽ സ്വിമ്മിങ് പൂളിൽ കുളിക്കുന്നതിനിടെ മുങ്ങിമരിച്ചുവെന്നാണ് വെസ്റ്റ് ഇൻഡീസിൽനിന്ന് ലഭിച്ച വിവരം.ഫയാസ് മുംബൈയിൽ സ്വന്തമായി സലൂൺ ആരംഭിച്ച സമയത്ത്, പഠാൻ സലൂണിലെത്തിയിരുന്നു. തുടർന്ന്, തൻ്റെ സ്വകാര്യ മേക്കപ്പ് ആർട്ടിസ്റ്റാക്കി നിയമിക്കുകയായിരുന്നു. അന്താരാഷ്ട്ര യാത്രകളില‍ടക്കം താരത്തിനൊപ്പം പോകാറുണ്ടായിരുന്നു.

ഇർഫാൻ പഠാന്റെ മേക്കപ്പ് ആർട്ടിസ്റ്റ് സ്വിമ്മിങ് പൂളിൽ മുങ്ങിമരിച്ചു

പാലക്കാട്: ഗർഭിണിയായ യുവതി ഭർതൃവീട്ടിൽ ദുരൂഹസാഹചര്യത്തിൽ മരിച്ചനിലയിൽ. വെട്ടം പടിഞ്ഞാറേക്കരയിൽ സജിതയെയാണ് തൂങ്ങിമരിച്ചനിലയിൽ കണ്ടെത്തിയത്. സംഭവത്തിനുപിന്നാലെ വീട്ടിൽനിന്ന് കാണാതായ ഭർത്താവ് നിഖിലിനെ സേലത്തുവച്ച് തമിഴ്നാട് പോലീസ് കസ്റ്റഡിയിലെടുത്തു. പോണ്ടിച്ചേരിയിലേക്ക് കടക്കാൻ ശ്രമിക്കുന്നതിനിടെ സേലം പോലീസിന്റെ പിടിയിലാവുകയായിരുന്നു.
സംഭവം കൊലപാതകമാണെന്നാണ് പ്രാഥമിക നി​ഗമനം. കഴുത്തുഞെരിച്ചോ ശ്വാസംമുട്ടിച്ചോ കൊലപ്പെടുത്തിയതാവാം എന്നാണ് പോലീസ് സംശയിക്കുന്നത്. , പോസ്റ്റ്മോർട്ടത്തിനുശേഷമേ യഥാർഥ മരണകാരണം വ്യക്തമാകൂ.

ഗർഭിണിയായ യുവതി വീട്ടിൽ മരിച്ചനിലയിൽ, കാണാതായ ഭർത്താവ് പിടിയിൽ

കോട്ടയം : കെ.എസ്.ഇ.ബി. കരാർ തൊഴിലാളി ഷോക്കേറ്റ് മരിച്ചു. കല്ലറ പുത്തൻപള്ളി പാലക്കാട്ട് വീട്ടിൽ മൈക്കിൾ മാത്യു (38) ആണ് മരിച്ചത്. ചൊവ്വാഴ്ച വൈകീട്ട് അഞ്ചോടെ മുണ്ടാർ തമ്പാൻ ബ്ലോക്ക് പാടശേഖരത്തിലാണ് അപകടം. ത പഴയ വൈദ്യുത തടിത്തൂണുകൾ മാറ്റി കോൺക്രീറ്റ് പോസ്റ്റുകൾ സ്ഥാപിക്കുന്ന പണികൾ നടന്നുവരുന്നതിനിടെയായിരുന്നു അപകടം&nbsp;
തൂണുകൾ മാറ്റിയശേഷം വൈകീട്ടോടെ ലൈൻ ചാർജ് ചെയ്തു. ഇതിനുശേഷം സമീപത്ത് തന്നെയുള്ള തോടിനപ്പുറമുള്ള തമ്പാൻ ബ്ലോക്കിലെ പോസ്റ്റിൽ ചാരി വച്ചിരുന്ന ഗോവണി എടുക്കാനായി മൈക്കിൾ തനിച്ചു പോവുകയായിരുന്നു. ഗോവണി എടുക്കുന്നതിനിടെയാവാം മൈക്കിളിന് ഷോക്കേറ്റതെന്ന് കരുതുന്നു. ഷോക്കേറ്റ് മൈക്കിൾ താഴെ കിടക്കുന്ന വിവരം സമീപവാസികൾ അറിയിച്ചതിനെ തുടർന്ന് മറ്റു തൊഴിലാളികൾ ഓടിയെത്തി.യാത്രാസൗകര്യമില്ലാതിരുന്നതിനാൽ വള്ളത്തിൽ തലയാഴത്തെത്തിച്ചു.
ഇവിടെനിന്ന് വൈക്കം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അവിവാഹിതനാണ്. കടുത്തുരുത്തി പോലീസ് മേൽനടപടികൾ സ്വീകരിച്ചു.&nbsp;

കെ.എസ്.ഇ.ബി. കരാർ തൊഴിലാളി ഷോക്കേറ്റ് മരിച്ചു

കോതമംഗലം: ബസ് യാത്രയ്ക്കിടെ മധ്യവയസ്‌കന്‍ കുഴഞ്ഞു വീണ് മരിച്ചു. ഊന്നുകല്‍ നമ്പൂരിക്കൂപ്പ് കാവാട്ട് വീട്ടില്‍ പരേതനായ ജോസഫിന്റെ മകന്‍ ബിനു (കാവാടന്‍) - 53) ആണ് മരിച്ചത്.
മംഗലാപുരത്തെ ജോലിസ്ഥലത്ത് നിന്ന് ഊന്നുകല്ലിലെ വീട്ടിലേക്ക് സ്വകാര്യ ബസ് യാത്രക്കിടയില്‍ തൃശൂര്‍-പുതുക്കാട് വച്ച് തിങ്കളാഴ്ച പുലർച്ചയെയായിരുന്നു സംഭവം. ഉടന്‍ പുതുക്കാട് ജനറല്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംസ്‌കാരം ചൊവ്വാഴ്ച 10-ന് നമ്പൂരിക്കൂപ്പ് സെയ്ന്റ് മേരീസ് യാക്കോബായ പള്ളി സെമിത്തേരിയില്‍ ( കുട്ടമംഗലം).

ബസ് യാത്രയ്ക്കിടെ മധ്യവയസ്‌കന്‍ കുഴഞ്ഞു വീണ് മരിച്ചു

ചെന്നൈ: തമിഴ് ചലച്ചിത്രതാരം പ്രദീപ് വിജയനെ വീട്ടിൽ മരിച്ചനിലയിൽ കണ്ടെത്തി. മൃതദേഹം റോയാപേട്ട് സർക്കാർ ആശുപത്രിയിലെത്തിച്ചു. മരണകാരണം അന്വേഷിച്ചുവരികയാണ്.
തലചുറ്റലുണ്ടാകുന്നതിനേക്കുറിച്ചും ശ്വസിക്കുമ്പോഴുണ്ടാകുന്ന ബുദ്ധിമുട്ടിനേക്കുറിച്ചും ഈയിടെ പ്രദീപ് വിജയൻ അടുപ്പമുള്ളവരോട് പറഞ്ഞിരുന്നെന്നാണ് റിപ്പോർട്ട്. രണ്ടുദിവസമായി പ്രദീപ് ഫോണെടുക്കാതിരുന്നതിനേത്തുടർന്ന് ഒരു സുഹൃത്ത് അദ്ദേഹത്തെ അന്വേഷിച്ച് വീട്ടിലെത്തിയിരുന്നു. പലതവണ മുട്ടിയിട്ടും വാതിൽ തുറക്കാതിരുന്നതോടെ ഇയാൾ വിവരം പോലീസിനെ അറിയിക്കുകയായിരുന്നു.
തുടർന്ന് പോലീസും ഫയർ ഫോഴ്സും സ്ഥലത്തെത്തി വാതിൽ തകർത്ത് അകത്തുകയറിയപ്പോഴാണ് പ്രദീപ് മരിച്ചുകിടക്കുന്നത് കണ്ടത്. പ്രദീപിന്റെ തലയിൽ മുറിവേറ്റിരുന്നു. രണ്ടുദിവസം മുൻപേ പ്രദീപ് മരിച്ചിരിക്കാമെന്നാണ് പോലീസ് പറയുന്നത്.
. 2013-ൽ സൊന്നാ പുരിയാത് എന്ന ചിത്രത്തിലൂടെയായിരുന്നു അരങ്ങേറ്റം. തെ​ഗിഡി, ഒരുനാൾ കൂത്ത്, മീസയേ മുറുക്ക്, മേയാത മാൻ, ഇരുമ്പ് തിരൈ, ആടൈ, ഹീറോ. ചക്ര, ടെഡി, ലിഫ്റ്റ്, ഹേയ് സിനാമിക തുടങ്ങിയവയാണ് അഭിനയിച്ച പ്രധാനചിത്രങ്ങൾ.&nbsp;

തമിഴ് നടൻ പ്രദീപ് വിജയൻ മരിച്ചനിലയിൽ; തലയിൽ മുറിവ്

കുവൈറ്റ് സിറ്റി: മംഗഫ് നഗരത്തിൽ ലേബർ ക്യാമ്പ് കെട്ടിടത്തിലെ തീപിടിത്തതിൽ മരിച്ച മലയാളികളിൽ ഒരാളെ തിരിച്ചറിഞ്ഞു. കൊല്ലം ഓയൂർ സ്വദേശി ഉമറുദ്ദീൻ ഷമീർ (33) ആണ് മരിച്ചത്. ആകെ 11മലയാളികൾ മരിച്ചതായാണ് വാർത്താ ഏജൻസികളിൽ നിന്നുള്ള വിവരം. 49 പേരാണ് അപകടത്തിൽ മരിച്ചത്. ഇതിൽ 30 പേരും ഇന്ത്യക്കാരാണ്. മരിച്ച മറ്റുള്ളവരുടെ വിവരങ്ങൾ ഉടൻ പുറത്തുവിടുമെന്നാണ് റിപ്പോർട്ടുകൾ.
പ്രവാസി മലയാളിയുടെ ഉടമസ്ഥതയിലുള്ള കമ്പനി ജീവനക്കാര്‍ താമസിക്കുന്ന മംഗഫിലെ (ബ്ലോക്ക്-4) ആറ് നില കെട്ടിടത്തിലാണ് സംഭവം നടന്നത്.താഴത്തെ നിലയില്‍ നിന്നാണ് തീ പടര്‍ന്നത്. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമികനിഗമനം.

കുവൈത്ത് തീപ്പിടിത്തം: മരിച്ചവരിൽ ഒരാൾ കൊല്ലം സ്വദേശി,ജീവൻ നഷ്‌ടമായവരിൽ 11 പേർ മലയാളികൾ

കൊല്ലം: ചിന്നക്കട മേല്‍പ്പാലത്തില്‍വെച്ചുണ്ടായ വാഹനാപകടത്തില്‍ പരിക്കേറ്റ് കെ.എസ്.എഫ്.ഇ. ജീവനക്കാരി മരിച്ചു.അമ്മന്‍നട മൈത്രിനഗര്‍ വിജയമന്ദിരത്തില്‍ സ്മിത (48) ആണ് മരിച്ചത്.
തിങ്കളാഴ്ച രാവിലെയായിരുന്നു അപകടമുണ്ടായത്. കൂട്ടിയിടിക്കാതിരിക്കാനായി വെട്ടിച്ച രണ്ട് ബൈക്കുകളിലൊന്ന് സ്മിത സഞ്ചരിച്ച സ്‌കൂട്ടറില്‍ തട്ടിയിരുന്നു. സ്‌കൂട്ടര്‍ കെ.എസ്.ആര്‍.ടി.സി. ബസിനടിയില്‍പ്പെട്ടാണ് അപകടമുണ്ടായത്.കെ.എസ്.എഫ്.ഇ. വടയാറ്റുകോട്ട ശാഖയിലെ ഉദ്യോഗസ്ഥയായിരുന്നു സ്മിത. സ്മിതയുടെ ഭര്‍ത്താവ് മുരളീകൃഷ്ണനും വര്‍ഷങ്ങള്‍ക്കുമുമ്പ് അപകടത്തില്‍ മരിച്ചിരുന്നു. ശ്രീഹരിയാണ് മകന്‍.

സ്‌കൂട്ടര്‍ കെ.എസ്.ആര്‍.ടി.സി. ബസിനടിയില്‍പെട്ട് അപകടം ;കെ.എസ്.എഫ്.ഇ. ജീവനക്കാരി മരിച്ചു.

Search Results for: kollam school