കോഴിക്കോട്: ഗുരുതരാവസ്ഥയില്‍ ആശുപത്രിയില്‍ കഴിയുന്ന വിഖ്യാത സാഹിത്യകാരന്‍ എം ടി വാസുദേവന്‍ നായരുടെ ആരോഗ്യ സ്ഥിതിയെ കുറിച്ച് അന്വേഷിച്ച് ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി.&nbsp;
മകള്‍ അശ്വതിയെ ഫോണില്‍ വിളിച്ചാണ് എം ടിയുടെ ചികിത്സയെ സംബന്ധിച്ച് അദ്ദേഹം ആരാഞ്ഞത്. എത്രയും വേഗം സുഖം പ്രാപിച്ച് പൂര്‍ണ്ണ ആരോഗ്യവാനായി തിരിച്ചു വരട്ടെയെന്നും രാഹുല്‍ ഗാന്ധി ആശംസിച്ചു.

പൂര്‍ണ്ണ ആരോഗ്യവാനായി തിരിച്ചു വരട്ടെ;എംടിയുടെ മകളെ വിളിച്ച് രാഹുല്‍ ഗാന്ധി

Kerala

തൊടുപുഴ: നാലര വയസ്സുകാരൻ ഷെഫീഖിനെ വധിക്കാൻ ശ്രമിച്ചെന്ന കേസിൽ പിതാവിനും രണ്ടാനമ്മയ്ക്കും ശിക്ഷ വിധിച്ച് കോടതി. ഒന്നാം പ്രതിയായ പിതാവ് ഷെരീഫിന് ഏഴുവർഷം തടവാണ് വിധിച്ചിരിക്കുന്നത്. ഇയാൾക്ക് അന്‍പതിനായിരം രൂപ പിഴയും ചുമത്തി. രണ്ടാം പ്രതി അനീഷയ്ക്ക് 10 വർഷം കഠിനതടവുമാണ് ശിക്ഷ. ഇടുക്കി ഒന്നാംക്ലാസ് മജിസ്ട്രേറ്റ് കോടതിയുടേതാണ് വിധി.
പിതാവും രണ്ടാനമ്മയും ചേർന്ന് അതിക്രൂരമായാണ് ഷെഫീകിനെ ഉപദ്രവിച്ചത്. കുറ്റകൃത്യം നടന്ന് 11 വർഷത്തിന് ശേഷമാണ് ശിക്ഷ വിധിക്കുന്നത്. മെഡിക്കൽ തെളിവുകളും സാഹചര്യ തെളിവുകളും അടിസ്ഥാനമാക്കിയായിരുന്നു പ്രോസിക്യൂഷൻ വാദം. ജുവനൈൽ ജസ്റ്റിസ് ആക്ട്, വധശ്രമം ഉൾപ്പെടെ പ്രതികൾക്കെതിരെ ചുമത്തിയിരുന്നു. ഇതെല്ലാം അം​ഗീകരിച്ചാണ് കോടതി പ്രതികൾ കുറ്റക്കാരെന്ന് കണ്ടെത്തിയത്.2013 ജൂലായിലാണ് നാലരവയസ്സുകാരൻ ഷെഫീഖ്, അച്ഛൻ കുമളി ഒന്നാംമൈൽ പുത്തൻപുരയ്ക്കൽ ഷെരീഫിന്റെയും രണ്ടാനമ്മ അനീഷയുടെയും ക്രൂരമർദനത്തിന് ഇരയായത്. കുട്ടിയുടെ തലയ്ക്ക് ഗുരുതര ക്ഷതമേറ്റിരുന്നു.

ഷെഫീഖിനെ വധിക്കാന്‍ശ്രമിച്ച കേസ് ; പിതാവിന് 7 വര്‍ഷം തടവ്, രണ്ടാനമ്മയ്ക്ക് 10 വര്‍ഷം കഠിനതടവ്

തിരുവനന്തപുരം: ക്ലാസ് മുറിയില്‍ വെച്ച് ഏഴാം ക്ലാസുകാരിയായ വിദ്യാര്‍ത്ഥിനിക്ക് പാമ്പിന്റെ കടിയേറ്റു. നെയ്യാറ്റിന്‍കരയിലെ ചെങ്കല്‍ ഗവണ്‍മെന്റ് യുപിഎസിലാണ് സംഭവം. ക്ലാസ് മുറിയില്‍ ക്രിസ്മസ് ആഘോഷ പരിപാടികള്‍ നടക്കുന്നതിനിടെയാണ് ഏഴാം ക്ലാസില്‍ പഠിക്കുന്ന നേഹ എന്ന പെണ്‍കുട്ടിക്ക് പാമ്പ്കടിയേറ്റത്. വെള്ളിയാഴ്ച ഉച്ചയ്ക്ക് 12 മണിയോടെയാണ് സംഭവം.
കുട്ടിയുടെ വലത് കാലിലാണ് കടിയേറ്റത്. ഈ സമയം മറ്റ് കുട്ടികളും ക്ലാസിലുണ്ടായിരുന്നു. കടി കിട്ടിയ ഉടനെ തന്നെ കുട്ടി കുതറി മാറുകയായിരുന്നു. ഉടനെ തന്നെ കുട്ടിയെ നെയ്യാറ്റിന്‍കര ജനറല്‍ ആശുപത്രിയില്‍ എത്തിച്ച് ചികിത്സയും നല്‍കി. കുട്ടി ഇപ്പോഴും നിരീക്ഷണത്തില്‍ തുടരുകയാണ്.തുടര്‍ന്നാണ് വീട്ടുകാരെ വിവരം അറിയിച്ചത്. ചുരുട്ട വിഭാഗത്തിലുള്ള പാമ്പാണ് നേഹയെ കടിച്ചത്. ഇതിനെ സ്‌കൂള്‍ അധികൃതര്‍ തല്ലിക്കൊല്ലുകയും ചെയ്തു. സ്‌കൂളിന്റെ പരിസരം മുഴുവന്‍ കാട് പിടിച്ച അവസ്ഥയിലാണ്. ഇവിടെ നിന്നാകാം പാമ്പ് ക്ലാസിലേക്ക് എത്തിയതെന്നാണ് കരുതുന്നത്.

സ്‌കൂളിലെ ക്രിസ്മസ് ആഘോഷത്തിനിടെ വിദ്യാര്‍ത്ഥിനിക്ക് ക്ലാസ് മുറിയില്‍ വെച്ച് പാമ്പുകടിയേറ്റു

കണ്ണൂർ: കണ്ണൂർ റെയിൽവേ സ്റ്റേഷനിൽ ട്രെയിനിനും പ്ലാറ്റ്‌ഫോമിനും ഇടയിൽപ്പെട്ട് യുവാവിന് ദാരുണാന്ത്യം. കണ്ണൂർ - എറണാകുളം ജംഗ‌്ഷൻ ഇന്റർസിറ്റി എക്‌സ്‌പ്രസിൽ കയറാൻ ശ്രമിക്കുന്നതിനിടെയാണ് അപകടം നടന്നത്. ഗുരുതരമായി പരിക്കേറ്റ യുവാവിനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
ട്രെയിൻ നീങ്ങി തുടങ്ങും മുൻപ് തന്നെ ഇദ്ദേഹം പ്ലാറ്റ്ഫോമിൽ നിന്ന് ട്രെയിനിൽ കയറാൻ ശ്രമിച്ചു. എന്നാൽ ഇതിനിടയിൽ കാൽ വഴുതി വീഴുകയായിരുന്നു. ഇദ്ദേഹത്തോടൊപ്പം മറ്റാരും ഉണ്ടായിരുന്നില്ല. ട്രെയിനിന്റെ വേഗത കൂടിയതോടെ ഇയാൾക്ക് രക്ഷപ്പെടാനായില്ല.മറ്റ് യാത്രക്കാരാണ് ഇദ്ദേഹത്തെ ട്രെയിനിനും പ്ലാറ്റ്‌ഫോമിനും ഇടയിൽ നിന്ന് വലിച്ച് പുറത്തെടുത്തത്. പിന്നാലെ ജില്ലാ ആശുപത്രിയിലേക്ക് മാറ്റി. മരിച്ച യുവാവിനെ ഇതുവരെ തിരിച്ചറിഞ്ഞില്ല. അപകടത്തിൽ ഫോൺ തകർന്നുപോവുക കൂടി ചെയ്തതോടെ മരിച്ചതാരാണെന്ന് സ്ഥിരീകരിക്കാൻ മറ്റ് വഴികൾ തേടുകയാണ്.

കണ്ണൂർ റെയിൽവേ സ്റ്റേഷനിൽ ട്രെയിനിനും പ്ലാറ്റ്‌ഫോമിനും ഇടയിൽപ്പെട്ട യുവാവിന് ദാരുണാന്ത്യം

സിനിമാ ആരാധകരുടെ ഇഷ്ട ജോഡികളാണ് ബോളിവുഡ് താരങ്ങളായ ഐശ്വര്യ റായിയും അഭിഷേക് ബച്ചനും. ഇരുവരുടെയും വിവാഹമോചന വാര്‍ത്തകള്‍ ഏറെ ആശങ്കയോടെയാണ് ആരാധകര്‍ കേട്ടത്. ഇപ്പോഴിതാ വിവാഹമോചന വാര്‍ത്തകള്‍ക്കിടെ ഇരുവരും മകള്‍ ആരാധ്യയുടെ സ്‌കൂള്‍ വാര്‍ഷിക പരിപാടിക്ക് ഒന്നിച്ചെത്തിയിരിക്കുകയാണ്. ഇവരോടൊപ്പം അമിതാഭ് ബച്ചനും ആരാധ്യയുടെ പരിപാടി കാണാനെത്തിയിട്ടുണ്ട്.
വ്യാഴാഴ്ച്ച വൈകുന്നേരം ധീരുബായി അംബാനി സ്‌കൂളില്‍ നടന്ന വര്‍ഷാന്ത്യ പരിപാടിയിലേക്കാണ് ഇവര്‍ കുടുംബ സമേതം എത്തിയത്. താരകുടുംബം സ്‌കൂളിലെത്തിയതിന്റെ ഫോട്ടോയും വീഡിയോകളും ഇന്റര്‍നെറ്റില്‍ വൈറലാണ്.പരിപാടിക്ക് ശേഷം ഐശ്വര്യയും ആരാധ്യയും അഭിഷേകും ഒരുമിച്ച് ഒരു വണ്ടിയില്‍ ഇരുന്നാണ് തിരികെ പോയത്.&nbsp;

വിവാഹമോചന വാര്‍ത്തകള്‍ക്ക് വിരാമം, ഐശ്വര്യയും അഭിഷേകും ഒരുമിച്ച് ആരാധ്യയുടെ പരിപാടിക്കെത്തി

മണിയൂർ: ചെരണ്ടത്തൂർ മൂഴിക്കൽ ഭഗവതി ക്ഷേത്ര തിറ മഹോത്സവം ഡിസംബർ 23 വൈകുന്നേരം 5 മണിക്ക് കൊടിയേറും. ഡിസംബർ 27ന് രാത്രി 7 മണിക്ക് പ്രദേശത്തുള്ള കലാകാരന്മാർ അവതരിപ്പിക്കുന്ന നൃത്ത സന്ധ്യ അരങ്ങേറും. 28ന് രാത്രി 7 മണി മുതൽ നട്ടത്തിറ കെട്ടിയാടും. 29ന് വൈകുന്നേരം 6 മണിക്ക് ഹരിശ്രീ കലാസമിതി തേഞ്ഞിപ്പാലം അവതരിപ്പിക്കുന്ന ഡിജിറ്റൽ മിറർ ഡാൻസിന്റെയും കോഴിക്കോട് കളിയാട്ട കലാസമിതിയുടെ ശിങ്കാരിമേളത്തിന്റെയും അകമ്പടിയോടെയുള്ള താലപ്പൊലി എഴുന്നള്ളത്തും തുടർന്ന് രാത്രി 7 മണി മുതൽ ദൈവങ്ങളുടെ വെള്ളാട്ടങ്ങളും കുട്ടിച്ചാത്തന്റെ കനലാട്ടവും നടക്കും. ഡിസംബർ 30ന് കാലത്ത് 6 മണി മുതൽ ദൈവങ്ങളുടെ തിറയാട്ടങ്ങളും ഉച്ചയ്ക്ക് 12 മണി മുതൽ അന്നദാനവും നടക്കുന്നതാണ്.

ചെരണ്ടത്തൂർ മൂഴിക്കൽ ഭഗവതി ക്ഷേത്ര തിറ മഹോത്സവം 23 മുതൽ

Vadakara

പുറമേരി : പഞ്ചായത്ത് വനിതാ കോ-ഓപ്പറേറ്റീവ് സൊസൈറ്റി പ്രമുഖസഹാകാരിയായിരുന്ന പി ബാലകൃഷ്ണ കുറുപ്പിൻ്റെ സ്മരണാർത്ഥം ഏർപ്പെടുത്തിയ പ്രഥമ സഹകാരി അവാർഡ് വടകര താലൂക്ക് കാർഷിക വികസന ബേങ്ക് മുൻ പ്രസിഡൻ്റും കോൺഗ്രസ് നേതാവുമായ പടയൻ കുഞ്ഞമ്മദിന് നൽകാൻ തീരുമാനിച്ചതായി ജൂറി കമ്മറ്റി ഭാരവാഹികളായ കെ സജീവൻ, പി ദാമോദരൻ എന്നിവർ അറിയിച്ചു. 10,000 രൂപയും പ്രശംസി പത്രവുമടങ്ങിയ അവാർഡ് 26 ന് വൈകീട്ട് 4 ന് പുറമേരിയിൽ നടക്കുന്ന ചടങ്ങിൽ കെ.പി.സി.സി വർക്കിങ്ങ് പ്രസിഡൻ്റ് ടി സിദ്ദിഖ് എം.എൽ.എ സമ്മാനിക്കും.

ബാലകൃഷ്ണ കുറുപ്പ് സ്മാരക അവാർഡ് പടയൻ കുഞ്ഞമ്മദിന്

Nadapuram

കണ്ണൂർ : ബി.ജെ.പി വിട്ട് സി.പി.എമ്മിൽ ചേർന്നയാളുടെ വീട്ടിന്റെ ടെറസിൽനിന്ന് മൂന്ന് ഐസ്ക്രീം ബോംബുകൾ പിടികൂടി. ഉളിക്കൽ പരിക്കളത്ത് മൈലപ്രവൻ ഗിരീഷി(37)ന്റെ വീട്ടിൽനിന്നാണ് ബോംബുകൾ കണ്ടെത്തിയത്. ഇയാളെ പൊലീസ് അറസ്റ്റ് ചെയ്തു.
രാവിലെ പ്രദേശത്ത് നിന്ന് സ്ഫോടന ശബ്ദം കേട്ടതിന്റെ അടിസ്ഥാനത്തിൽ പൊലീസും ബോംബ് സ്ക്വാഡും ഡോഗ് സ്‌ക്വാഡും ചേർന്ന് നടത്തിയ തിരച്ചിലിലാണ് ബോംബുകൾ കണ്ടെത്തിയത്. മൂന്ന് പെയിന്റ് ബക്കറ്റുകളിലായി സൂക്ഷിച്ച നിലയിലായിരുന്നു ബോംബുകൾ.ആർ.എസ്.എസ് മുൻ താലൂക്ക് ശിക്ഷക് പ്രമുഖായിരുന്നു ഗിരീഷ്. കഴിഞ്ഞ ജനുവരിയിലാണ് സി.പി.എമ്മിൽ ചേർന്നത്.&nbsp;

കണ്ണൂരിൽ ഐസ്ക്രീം ബോംബുകൾ പിടികൂടി;ബി.ജെ.പി വിട്ട് സി.പി.എമ്മിൽ ചേർന്നയാൾ അറസ്റ്റിൽ

വടകര: ഡിസംബർ 26 മുതൽ 31 വരെ ഹരിയാനയിലെ റായിൽ (സോനിപത്) വച്ച് നടക്കുന്ന ദേശീയ ശാസ്ത്രമേളയിൽ കേരളത്തെ പ്രതിനിധീകരിച്ചുകൊണ്ട് മേമുണ്ട ഹയർ സെക്കണ്ടറി സ്കൂൾ വിദ്യാർത്ഥിനിയായിരുന്ന പി നജഫാത്തിമ പങ്കെടുക്കുന്നു. കഴിഞ്ഞ വർഷം മേമുണ്ട സ്കൂളിൽ പഠിക്കുമ്പോൾ സംസ്ഥാന ഗണിതശാസ്ത്ര മേളയിലെ പ്രവർത്തന മാതൃകയിൽ രണ്ടാം സ്ഥാനവും A ഗ്രേഡും നേടി ദക്ഷിണേന്ത്യൻ ശാസ്ത്രമേളയിൽ മികച്ച പ്രകടനം കാഴ്ച വെച്ചാണ്, ഇപ്പോൾ ഹരിയാനയിൽ നടക്കുന്ന ദേശീയ ശാസ്ത്രമേളയിലേക്ക് നജ ഫാത്തിമയെ തിരഞ്ഞെടുത്തിരിക്കുന്നത്. നജഫാത്തിമ ഇപ്പോൾ ആവള കുട്ടോത്ത് ഹയർസെക്കണ്ടറി സ്കൂൾ +1 സയൻസ് വിദ്യാർത്ഥിനിയാണ്. രാഷ്ട്രീയ ബാല വൈജ്ഞാനിക് പ്രദർശനി (ആർ ബി വി പി)യും നാഷണൽ കൗൺസിൽ ഓഫ് എഡ്യൂക്കേഷൻ റിസർച്ച് ആൻഡ് ട്രെയിനിംഗ് (എൻ സി ഇ ആർ ടി) യും സംയുക്തമായാണ് ദേശീയ ശാസ്ത്രമേള സംഘടിപ്പിക്കുന്നത്.&nbsp;
പത്താം ക്ലാസ്സിലെ ഘനരൂപങ്ങൾ എന്ന പാഠഭാഗത്തിലെ സമചതുര സ്തംഭം, സമചതുര സ്തൂപിക, സമചതുര സ്തൂപിക പീഠം തുടങ്ങിയ ഘനരൂപങ്ങളുടെ ഉപരിതല പരപ്പളവുകൾ തമ്മിലുള്ള ബന്ധവും, വ്യാപ്തങ്ങൾ തമ്മിലുള്ള ബന്ധവും മനസ്സിലാക്കാൻ സഹായിക്കുന്ന ഒരു പ്രവർത്തന മാതൃകയാണ് നജഫാത്തിമ ദേശീയ ഗണിതശാസ്ത്ര മേളയിൽ അവതരിപ്പിക്കുന്നത്. മേമുണ്ട സ്കൂൾ ഗണിത അധ്യാപകനായ പി കെ ശരത്ത് ആണ് നജ ഫാത്തിമയുടെ ടീച്ചർ ഗൈഡ്. മുയിപ്പോത്ത് പുതിയോട്ടിൽ വീട്ടിൽ അബ്ദുറഹിമാൻ-റയ്ഹാനത്ത് ദമ്പതിമാരുടെ മകളാണ് നജ ഫാത്തിമ.

നജഫാത്തിമ ദേശീയ ശാസ്ത്രമേളയിലേക്ക്

കൊച്ചി: ലൈംഗിക പീഡനക്കേസിൽ ഒമർ ലുലുവിന് മുൻകൂർ ജാമ്യം. ഉഭയസമ്മത പ്രകാരമുള്ള ബന്ധമാണ് പരാതിക്കാരിയുമായി ഉണ്ടായിരുന്നതെന്ന് വ്യക്തമാണെന്ന് കോടതി പറഞ്ഞു.&nbsp;
സിനിമയിൽ അവസരം നൽകാമെന്ന് വാഗ്ദാനം ചെയ്ത് ബലാത്സംഗം ചെയ്തെന്നായിരുന്നു പരാതി. ഈ പരാതിയിൽ നെടുമ്പാശേരി പൊലീസാണ് ഒമർ ലുലുവിനെതിരെ കേസെടുത്തത്. എന്നാൽ പരാതിക്കാരിയുമായി ഉണ്ടായിരുന്നത് ഉഭയസമ്മത പ്രകാരമുള്ള ബന്ധമായിരുന്നു എന്നായിരുന്നു ഒമർ ലുലുവിന്റെ വാദം.

ലൈംഗിക പീഡന കേസ്;ഒമർ ലുലുവിന് മുൻകൂർ ജാമ്യം

വടകര: വില്യാപ്പള്ളി-ചേലക്കാട് റോഡ് പ്രവൃത്തി നടപ്പിലാക്കുന്നതുമായി ബന്ധപ്പെട്ട് കിഫ്ബിയിൽ നിന്നും അറിയിച്ച പ്രകാരം കെഎസ്ഇബി ,വാട്ടർ അതോറിറ്റി വിഭാഗങ്ങൾ സമർപ്പിച്ച എസ്റ്റിമേറ്റിൽ ആവശ്യമായ ഭേദഗതികൾ വരുത്തി പുന: സമർപ്പിക്കുന്നതിന് സമയക്രമം നിശ്ചയിച്ചു. ഇതിൻറെ അടിസ്ഥാനത്തിൽ, കെഎസ്ഇബി ,വാട്ടർ അതോറിറ്റി, പദ്ധതിയുടെ എസ് പി വി ആയ കെ ആർ എഫ് ബി ഉദ്യോഗസ്ഥർ സംയുക്ത സന്ദർശനം നടത്തി, ഈ മാസം തന്നെ വാട്ടർ അതോറിറ്റിയുടെ പൈപ്പ് ലൈൻ കെഎസ്ഇബിയുടെ പോസ്റ്റുകൾ തുടങ്ങിയവ മാറ്റുന്നതിനുള്ള എസ്റ്റിമേറ്റ് അന്തിമമായി തയ്യാറാക്കി കിഫ്ബിക്ക് സമർപ്പിക്കുമെന്ന് കെ പി കുഞ്ഞമ്മദ് കുട്ടി എം എൽ എ അറിയിച്ചു. വടകര റസ്റ്റ് ഹൗസിൽ വെച്ച് അടിയന്തര യോഗം വിളിച്ചു ചേർത്തു. നിലവിൽ 79.11 കോടി രൂപയുടെ സാമ്പത്തിക അനുമതിയാണ് കിഫ്ബി വടകര വില്യാപ്പള്ളി ചേലക്കാട് റോഡിന് നൽകിയിട്ടുള്ളത്. എന്നാൽ കെഎസ്ഇബി ,വാട്ടർ അതോറിറ്റി വിഭാഗങ്ങൾ സമർപ്പിച്ച യൂട്ടിലിറ്റി ഷിഫ്റ്റിംഗ് എസ്റ്റിമേറ്റ് ഭേദഗതി ചെയ്യേണ്ടതുമായി ബന്ധപ്പെട്ട മാർഗ്ഗനിർദേശങ്ങൾ കിഫ്ബി അറിയിച്ചതിന്റെ അടിസ്ഥാനത്തിലാണ് വടകര റസ്റ്റ് ഹൗസിൽ വച്ച് കെ ആർ എഫ് ബി എക്സിക്യൂട്ടീവ് എഞ്ചിനീയർ ബൈജു, കെഎസ്ഇബി എക്സിക്യൂട്ടീവ് എഞ്ചിനീയർ, വാട്ടർ അതോറിറ്റി അസിസ്റ്റൻറ് എക്സിക്യൂട്ടീവ് എൻജിനീയർ ദിബിൻ എന്നിവരുടെ സാന്നിധ്യത്തിൽ യോഗം ചേർന്നത്.
തകരാർ സംഭവിച്ചത് കാരണം നിലവിൽ ഗതാഗതത്തിന് റോഡിൻറെ പല ഭാഗത്തും പ്രയാസം നേരിടുന്നുണ്ട്. റോഡിൻറെ അടിയന്തര പുനരുദ്ധാരണ പ്രവർത്തികൾ നടപ്പിലാക്കണമെന്ന് അഭ്യർത്ഥിച്ചുകൊണ്ട് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിന് നിവേദനം നൽകിയിട്ടുണ്ട്. കെആർഎഫ് ബി പ്രൊജക്ടഡ് ഡയറക്ടറെ തിരുവനന്തപുരത്ത് വച്ച് നേരിട്ട് കണ്ടു റോഡ് അടിയന്തരമായി പുനരുദ്ധരിക്കണമെന്ന് അഭ്യർത്ഥിക്കുകയും ചെയ്തിട്ടുണ്ട്. ഏതാനും ചില ഭൂവുടമകൾ റോഡ് വികസനത്തിന് സമ്മതപത്രം നൽകാൻ വിസമ്മതിക്കുന്നത് കാരണം പ്രവൃത്തിയുടെ ടെൻഡർ നടപടികളിലേക്ക് പോകാൻ സാധിക്കാത്ത അവസ്ഥയുണ്ട്. സമ്മതപത്രം ലഭ്യമാക്കുന്നതിനായി പൊതുപ്രവർത്തകരും, രാഷ്ട്രീയ പാർട്ടി പ്രതിനിധികളും, ജനപ്രതിനിധികളും ഒറ്റക്കെട്ടായി പ്രവർത്തിച്ച് സ്വപ്ന പദ്ധതി യാഥാർത്ഥ്യമാക്കുമെന്ന പ്രതീക്ഷയാണുള്ളത് എന്നും എം എൽ എ പറഞ്ഞു.
&nbsp;

വടകര-വില്യാപ്പള്ളി-ചേലക്കാട് റോഡ്; യൂട്ടിലിറ്റി ഷിഫ്റ്റിംഗ് എസ്റ്റിമേറ്റ് ഈ മാസം സമർപ്പിക്കും

വടകര: ചോറോട് മുട്ടുങ്ങൽ രയരങ്ങോത്ത് പ്രദേശത്തെ തെരുവ് നായ ശല്യത്തിന് അടിയന്തര പരിഹാരം കാണണമെന്ന് ഒന്നാം വാർഡ് കോൺഗ്രസ്‌ കമ്മിറ്റി ആവശ്യപ്പെട്ടു. തെരുവ് നായ ശല്ല്യം കാരണം പൊതുജനങ്ങൾക്കും സ്കൂൾ കുട്ടികൾക്കും വഴിനടക്കാൻ പറ്റാത്ത സാഹചര്യമാണ് നിലവിൽ ഉള്ളത്. ഓടിക്കൊണ്ടിരുന്ന ബൈക്കിന് പിന്നാലെ നായ്ക്കൾ ഓടി യാത്രക്കാരൻ വീണ്പരിക്ക് പറ്റിയ സംഭവം ഉണ്ടായിട്ടുണ്ട്.&nbsp;
ഇതിനെതിരെ പഞ്ചായത്തിന്റെ ഭാഗത്ത്‌ നിന്ന് അടിയന്തര നടപടികൾ ഉണ്ടാവണമെന്നും അല്ലാത്ത പക്ഷം ശക്തമായ സമരത്തിന് നേതൃത്വം നൽകുമെന്നും യോഗം മുന്നറിയിപ്പ് നൽകി. മണ്ഡലം കോൺഗ്രസ്‌ പ്രസിഡന്റ്‌ അഡ്വ : പി. ടി. കെ നജ്മൽ ഉദ്ഘാടനം ചെയ്തു. വാർഡ് പ്രസിഡന്റ്‌ സുരേന്ദ്രൻ കുഴിച്ചാലിൽ അധ്യക്ഷത വഹിച്ചു. ആർ. കെ പ്രവീൺകുമാർ, സതീശൻ,ചെത്തിൽ ഭാസ്കരൻ, അനീസ്, റഹീം, കുഞ്ഞിരാമൻ തുടങ്ങിയവർ സംസാരിച്ചു.

തെരുവ് നായ ശല്യത്തിന് അടിയന്തര പരിഹാരം കാണണമെന്ന് കോൺഗ്രസ്‌

പാലക്കാട്: സി.പി.എമ്മിന് തിരിച്ചടിയായി പ്രവർത്തകരുടെ കൂട്ടത്തോടെയുള്ള പാർട്ടി വിടൽ. തേൻകുറിശ്ശി പഞ്ചായത്തിൽ മുൻ ലോക്കൽ കമ്മറ്റി സെക്രട്ടറിയും മൂന്ന് ബ്രാഞ്ച് സെക്രട്ടറിമാരും ഒരു ഡി.വൈ.എഫ്.ഐ യൂനിറ്റ് സെക്രട്ടറിയും അടക്കം 75 പേരാണ് പാർട്ടി വിട്ടത്. ഡി.സി.സി സംഘടിപ്പിച്ച അംഗത്വവിതരണ ചടങ്ങിൽ പാലക്കാട് എം.എൽ.എ രാഹുൽ മാങ്കൂട്ടത്തിൽ മുഖ്യപ്രഭാഷണം നടത്തി. ബി.ജെ.പി വിട്ട് കോൺഗ്രസിൽ ചേർന്ന സന്ദീപ് വാര്യർ മുഖ്യാതിഥിയായി സംബന്ധിച്ചു.
സി.പി.എം മുൻ ലോക്കൽ കമ്മറ്റി സെക്രട്ടറിയും ഏരിയ കമ്മിറ്റി അംഗവുമായ എം. വിജയൻ, ബ്രാഞ്ച് സെക്രട്ടറിമാരായ സുരേന്ദ്രൻ, സതീഷ് കുമാർ, രാധാകൃഷ്ണൻ, ഡി.വൈ.എഫ്.ഐ യൂനിറ്റ് സെക്രട്ടറി രാഹുൽ എന്നിവരുടെ നേതൃത്വത്തിലാണ് 75 ഓളം പേർ കോൺഗ്രസിൽ ചേർന്ന് പ്രവർത്തിക്കാൻ തീരുമാനിച്ചത്.

പാലക്കാട് 75 പേർ സി.പി.എം വിട്ട് കോൺഗ്രസിൽ​ ചേർന്നു

വില്ല്യാപ്പള്ളി : കഴിഞ്ഞ ഒരു മാസമായി വില്ല്യാപ്പള്ളി പഞ്ചായത്തിലെ ഏഴാം വാർഡിൽ നടന്നുവന്ന യോഗ ക്ലാസ്സ്‌ സമാപിച്ചു. സമാപനത്തിന്റെ ഭാഗമായി യോഗ പ്രദർശനവും, ക്ലാസിൽ പങ്കെടുത്തവരുടെ അനുഭവങ്ങൾ പങ്കു വയ്ക്കൽ ചടങ്ങും ഉണ്ടായി. സമാപന ചടങ്ങ് പഞ്ചായത്ത് പ്രസിഡന്റ്‌ കെ. കെ ബിജുള ഉദ്ഘാടനം ചെയ്തു. വാർഡ് മെമ്പർ രാഗിണി, ആയുർവേദ മെഡിക്കൽ ഓഫീസർ ഡോ. അനീഷ് കുമാർ, യോഗ പരിശീലകൻ വിജിത്ത്. പി. പി, വികസന സമിതി കൺവീനർ രാജൻ എന്നിവർ സംബന്ധിച്ചു.
സന്ധിവേദന, ഉറക്കക്കുറവ്, കൈകാൽ തരിപ്പ്, ടെൻഷൻ, തലവേദന എന്നീ ബുദ്ധിമുട്ടുകൾക്ക് യോഗ കൊണ്ട് ആശ്വാസം ലഭിച്ചു എന്ന് പങ്കെടുത്തവർ അനുഭവം പങ്കുവച്ചു. യോഗ ബാച്ചിന്റെ സ്നേഹോപഹാരമായി അംഗങ്ങൾ ആയുർവേദ ഡിസ്‌പെൻസറിക്ക് നെബുലൈസർ സമ്മാനിച്ചു. ഗവ. ആയുർവേദ ഡിസ്‌പെൻസറി ആയുഷ് ഹെൽത്ത്‌ ആൻഡ് വെൽനെസ്സ് സെന്റർ, വില്ല്യാപ്പള്ളി പഞ്ചായത്ത്‌ എന്നിവ സംയുക്തമായാണ് യോഗ ക്ലാസ്സ്‌ സംഘടിപ്പിച്ചത്.

യോഗ ക്ലാസ് സമാപിച്ചു

വടകര: അംബേദ്കറെ അവഹേളിച്ച കേന്ദ്ര ആഭ്യന്തരമന്ത്രി അമിത് ഷാ രാജ്യത്തോട് മാപ്പു പറയുക, മന്ത്രിസ്ഥാനം രാജിവെക്കുക എന്നീ ആവശ്യങ്ങൾ ഉന്നയിച്ച് എസ്ഡിപിഐ ദേശവ്യാപകമായി നടത്തുന്ന പ്രതിഷേധ പരിപാടികളുടെ ഭാഗമായി വടകര നിയോജക മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു. എസ്ഡിപിഐ ജില്ലാ കമ്മിറ്റി അംഗം ബി നൗഷാദ് ഉദ്ഘാടനം ചെയ്തു.
നിയോജകമണ്ഡലം പ്രസിഡണ്ട് ഷംസീർ ചോമ്പാല അധ്യക്ഷത വഹിച്ച സംഗമത്തിൽ മണ്ഡലം വൈസ് പ്രസിഡണ്ട് റൗഫ് ചോറോട്, മണ്ഡലം ട്രഷറർ ബഷീർ കെ കെ എന്നിവർ സംസാരിച്ചു. സിദ്ദീഖ് പുത്തൂർ, ഫിയാസ് ടി, നവാസ് വരിക്കോളി, ഷാജഹാൻ കെ വി പി, സമദ് മാക്കൂൽ, സബാദ് അഴിയൂർ, സഫീർ വൈക്കിലശ്ശേരി, റിയാസ് എംകെ, ജലീൽ ഇ കെ, സിദ്ദീഖ് പള്ളിത്താഴെ, മഷൂദ് വടകര, സവാദ് വടകര തുടങ്ങിയവർ നേതൃത്വം നൽകി.

അമിത്ഷാ രാജ്യത്തോട് മാപ്പുപറയുക; എസ്ഡിപിഐ പ്രതിഷേധ സംഗമം സംഘടിപ്പിച്ചു

കോഴിക്കോട്: ഹൃദയാഘാതത്തെ തുടർന്ന് കോഴിക്കോട് സ്വകാര്യ ആശുപത്രിയിൽ കഴിയുന്ന വിഖ്യാത സാഹിത്യകാരൻ എം.ടി. വാസുദേവൻ നായർക്കായി പ്രാർത്ഥിച്ച് കേരളം. അദ്ദേഹം ഐ.സി.യുവിൽ തുടരുകയാണെന്ന് സാഹിത്യകാരൻ പ്രൊഫ. എം.എൻ. കാരശ്ശേരി പറഞ്ഞു.
എം.ടിക്ക് ശ്വാസ തടസ്സം അനുഭവപ്പെടുന്നുണ്ട്. ഗുരുതരാവസ്ഥയിൽ ആണുള്ളത്. സംസാരിച്ചിട്ടും പ്രതികരിക്കുന്നില്ല. ഓക്സിജൻ കുറവാണ് എന്നാണ് ഡോക്ടർമാർ അറിയിച്ചതെന്നും എം.എൻ. കാരശ്ശേരി പറഞ്ഞു. സാധ്യമായതെല്ലാം ചെയ്യുന്നുണ്ടെന്ന് ഡോക്ടർമാർ അറിയിച്ചതായി മന്ത്രി പി.എ.മുഹമ്മദ് റിയാസും പ്രതികരിച്ചു.
മന്ത്രി എ.കെ. ശശീന്ദ്രൻ എം.ടിയെ ആശുപത്രിയിലെത്തി സന്ദർശിച്ചു. അദ്ദേഹത്തിന്റെ ആരോ​ഗ്യനില ഗുരുതരാവസ്ഥയിൽ തന്നെ തുടരുകയാണെന്നും മന്ത്രി അറിയിച്ചു.സംവിധായകൻ ഹരിഹരൻ, നടൻ വിനീത് എന്നിവരും എം.ടി. വാസുദേവൻ നായരെ സന്ദർശിച്ചു. വാർധക്യസഹജമായ രോഗങ്ങളെ തുടർന്ന് ഏറെ നാളായി ചികിത്സയിലായിരുന്നു. ഹൃദയസ്തംഭനം സംഭവിച്ചതായി ആശുപത്രി അധികൃതർ മെഡിക്കൽ ബുള്ളറ്റിനിൽ വ്യക്തമാക്കി.&nbsp;

എം.ടിയുടെ തിരിച്ചുവരവിനായി പ്രാർത്ഥനയോടെ കേരളം

തി​രു​വ​ന​ന്ത​പു​രം:29-ാമ​ത്‌ കേ​ര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​ക്ക്‌ വെ​ള്ളി​യാ​ഴ്ച കൊ​ടി​യി​റ​ക്കം. ച​ല​ച്ചി​ത്ര​വി​രു​ന്ന് സ​മാ​പി​ക്കു​മ്പോ​ൾ ആ​ർ​ക്കാ​വും മി​ക​ച്ച ചി​ത്ര​ത്തി​നു​ള്ള സു​വ​ർ​ണ ച​കോ​ര​മെ​ന്ന​താ​ണ് പ്രേ​ക്ഷ​ക​ർ ഉ​റ്റു​നോ​ക്കു​ന്ന​ത്.
ഇ​ന്ദു​ല​ക്ഷ്മി​യു​ടെ അ​പ്പു​റം, ജ​യ​ൻ ചെ​റി​യാ​ന്‍റെ റി​ദം ഓ​ഫ് ദ​മ്മാം, ഫാ​സി​ൽ മു​ഹ​മ്മ​ദി​ന്‍റെ ഫെ​മി​നി​ച്ചി ഫാ​ത്തി​മ​യ​ട​ക്കം 14 ചി​ത്ര​ങ്ങ​ളാ​ണ് 20 ല​ക്ഷം രൂ​പ​ക്കു​ള്ള സു​വ​ർ​ണ ച​കോ​ര​ത്തി​നാ​യി മ​ത്സ​ര​രം​ഗ​ത്തു​ള്ള​ത്. ര​ജ​ത​ച​കോ​ര​ത്തി​ന് അ​ർ​ഹ​മാ​വു​ന്ന ചി​ത്ര​ത്തി​ന്‍റെ സം​വി​ധാ​ന​ത്തി​ന് നാ​ലു​ല​ക്ഷം​രൂ​പ​യും ര​ജ​ത​ച​കോ​ര​ത്തി​ന് അ​ർ​ഹ​ത നേ​ടു​ന്ന ന​വാ​ഗ​ത സം​വി​ധാ​ന പ്ര​തി​ഭ​ക്ക്​ മൂ​ന്നു​ല​ക്ഷം രൂ​പ​യും ല​ഭി​ക്കും.വൈ​കീ​ട്ട് നി​ശാ​ഗ​ന്ധി​യി​ൽ ന​ട​ക്കു​ന്ന സ​മാ​പ​ന​ച​ട​ങ്ങി​ൽ സം​വി​ധാ​യി​ക പാ​യ​ൽ ക​പാ​ഡി​യ​ക്കു​ള്ള സ്പി​രി​റ്റ് ഓ​ഫ് സി​നി​മ അ​വാ​ർ​ഡ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ സ​മ്മാ​നി​ക്കും. ശേ​ഷം സു​വ​ർ​ണ​ച​കോ​രം നേ​ടു​ന്ന ചി​ത്ര​ത്തി​ന്‍റെ പ്ര​ദ​ർ​ശ​ന​വും ന​ട​ക്കും. അ​വ​സാ​ന​ദി​ന​മാ​യ ഇ​ന്ന് 11 ചി​ത്ര​ങ്ങ​ളു​ടെ പ്ര​ദ​ർ​ശ​ന​ങ്ങ​ളാ​ണ് ന​ട​ക്കു​ക.

കേര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​ക്ക്‌ ഇന്ന്  കൊ​ടി​യി​റ​ക്കം

ന്യൂഡൽഹി: ഹരിയാന മുൻ മുഖ്യമന്ത്രിയും ഇന്ത്യൻ നാഷണൽ ലോക്‌ദൾ നേതാവുമായ ഓം പ്രകാശ് ചൗട്ടാല (89) അന്തരിച്ചു. ഗുരുഗ്രാമിലെ വസതിയിൽ വച്ചായിരുന്നു അന്ത്യം. ഏഴ് തവണ എംഎൽഎയായ ചൗട്ടാല നാല് തവണ ഹരിയാന മുഖ്യമന്ത്രിയായിട്ടുണ്ട്. 1999 മുതൽ 2005 വരെയുള്ള കാലഘട്ടത്തിലാണ് അവസാനം മുഖ്യമന്ത്രിയായത്. മുൻ ഉപപ്രധാനമന്ത്രി ദേവി ലാലിന്റെ മകനാണ്.
ജോലി തട്ടിപ്പുമായി ബന്ധപ്പെട്ട് ചൗട്ടാലയെ കോടതി ശിക്ഷിച്ചിരുന്നു. ഇതേത്തുടർന്ന് ഒമ്പതര വർഷത്തോളം തിഹാർ ജയിലിൽ തടവിൽ കഴിഞ്ഞിട്ടുണ്ട്. 2020ലാണ് ചൗട്ടാല ജയിൽ മോചിതനാകുന്നത്.

ഹരിയാന മുൻ മുഖ്യമന്ത്രി ഓം പ്രകാശ് ചൗട്ടാല അന്തരിച്ചു

National

പുതിയ വസ്ത്രങ്ങൾ ധരിക്കാൻ ഇഷ്ടമുള്ളവരാണ് പൊതുവെ നമ്മളെല്ലാവരും. ദിവസവും നിരവധി വ്യത്യസ്ത വസ്ത്രങ്ങളാണ് വിപണിയിൽ ഇറങ്ങുന്നത്. പലരുടെയും മനസിലുള്ള ഒരു പ്രധാന സംശയമാണ് പുതിയ വസ്ത്രം ധരിക്കുമ്പോൾ കഴുകണോ വേണ്ടയോയെന്നത്.
ചിലർ പുതിയ വസ്ത്രം കഴുകിയ ശേഷമാണ് ഉപയോഗിക്കുന്നത്. ചിലർ കഴുകാതെ തന്നെ ഉപയോഗിക്കും. ശരിക്കും ഇതിൽ ഏത് രീതിയിലാണ് തുണികൾ ഉപയോഗിക്കേണ്ടതെന്ന് പലർക്കും അറിയില്ല. ഇതിൽ വിദഗ്ധരുടെ അഭിപ്രായം അറിയേണ്ടത് പ്രധാനമാണ്.&nbsp;
പുതിയ വസ്ത്രങ്ങൾ വൃത്തിയായി തോന്നിയാലും പരിശോധനയിൽ അങ്ങനെയല്ലെന്നാണ് വിദഗ്ധർ പറയുന്നത്. ഓൺലെെനിൽ നിന്നോ കടകളിൽ നിന്നോ നാം ഒരു വസ്ത്രം വാങ്ങുമ്പോൾ അതിൽ രോഗാണുകളും മറ്റും കാണും. നിരവധി പ്രക്രിയയിലൂടെയാണ് ഒരു വസ്ത്രം നമുടെ കെെയിൽ എത്തുന്നത്. അതിനാൽ തന്നെ പുതിയ വസ്ത്രം വാങ്ങിയാൽ അത് കഴുകിയ ശേഷമേ ധരിക്കാവെന്നാണ് വിദഗ്ധരുടെ അഭിപ്രായം.പുതിയ വസ്ത്രങ്ങൾ നിർമ്മിക്കാൻ ചായങ്ങൾ ഉപയോഗിക്കുന്നുണ്ട്. അതിനാൽ വസ്ത്രങ്ങൾ കഴുകാതെ ഉപയോഗിക്കുമ്പോൾ ഈ ചായം ശരീരത്തിൽ പിടിക്കുന്നു. ഇത് ചർമ്മരോഗങ്ങൾക്ക് കാരണമാകുമെന്നാണ് വിദഗ്ധർ പറയുന്നത്. പുതിയ വസ്ത്രങ്ങൾ നിരവധി പേർ ഇട്ട് നോക്കുന്നതാണ്. കൂടാതെ പൊടിയും കാണും. ഇത് അലർജിക്കും മറ്റും കാരണമാകുന്നു.

പുതിയ വസ്ത്രങ്ങൾ കഴുകാതെയാണോ ധരിക്കുന്നത്; എങ്കിൽ ചില കാര്യങ്ങൾ ശ്രദ്ധിക്കണം

Health

കൊച്ചി: വണ്ടിപ്പെരിയാറില്‍ ആറുവയസുകാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ പ്രതി അര്‍ജുനോട് കോടതിയില്‍ ഹാജരാകാന്‍ ഉത്തരവിട്ട് ഹൈക്കോടതി. പത്തുദിവസത്തിനകം കട്ടപ്പന പോക്‌സോ കോടതിയില്‍ ഹാജരാകണമെന്നാണ് ഹൈക്കോടതിയുടെ ഉത്തരവ്. ഹാജരായില്ലെങ്കില്‍ ജാമ്യമില്ലാ വാറണ്ട് പുറപ്പെടുവിക്കാനും കോടതി നിര്‍ദേശിച്ചു. ബോണ്ട് നല്‍കിയാല്‍ അര്‍ജുനെ വിട്ടയക്കാമെന്നും ഹൈക്കോടതി വ്യക്തമാക്കി.
വണ്ടിപ്പെരിയാര്‍ പോക്‌സോ കേസില്‍ അര്‍ജുനെ കീഴ്‌ക്കോടതി കുറ്റവിമുക്തനാക്കിയതിനെതിരെ സംസ്ഥാന സര്‍ക്കാരാണ് അപ്പീല്‍ നല്‍കിയത്. അപ്പീലില്‍ അര്‍ജുന്‍ ഇതുവരെ എതിര്‍സത്യവാങ്മൂലം നല്‍കിയിരുന്നില്ല. ഈ സാഹചര്യത്തിലാണ് ഹൈക്കോടതിയുടെ നടപടി. കുറ്റവിമുക്തനാക്കിയ പ്രതിയോട് ഹാജരാകാന്‍ ആവശ്യപ്പെടുന്നത് അപൂര്‍വ്വമായ സംഭവമാണ്.

വണ്ടിപ്പെരിയാർ പോക്‌സോ കേസ്; പ്രതി അര്‍ജുനോട് ഹാജരാകാന്‍ ഹൈക്കോടതി

തൊടുപുഴ: നാലര വയസ്സുകാരൻ ഷെഫീഖിനെ വധിക്കാൻ ശ്രമിച്ചെന്ന കേസിൽ അച്ഛനും രണ്ടാനമ്മയും കുറ്റക്കാരെന്ന് വിധിച്ച് മുട്ടം ഒന്നാം അഡീഷണൽ ജില്ലാ കോടതി. അച്ഛൻ ഷെരീഫും രണ്ടാനമ്മ അനീഷയുമാണ് പ്രതികൾ. സംഭവം നടന്ന് 11 വര്‍ഷത്തിന് ശേഷമാണ് കേസിൽ പ്രതികൾ കുറ്റക്കാരെന്ന് കണ്ടെത്തി കോടതി വിധി വരുന്നത്.
മെഡിക്കൽ തെളിവുകളും സാഹചര്യ തെളിവുകളും അടിസ്ഥാനമാക്കിയായിരുന്നു പ്രോസിക്യൂഷൻ വാദം. ജുവനൈൽ ജസ്റ്റിസ് ആക്ട്, വധശ്രമം ഉൾപ്പെടെ പ്രതികൾക്കെതിരെ ചുമത്തിയിരുന്നു. ഉടൻതന്നെ കേസിൽ കോടതി വിധി പറയും.2013 ജൂലായിലാണ് ഷെഫീഖ്, അച്ഛൻ കുമളി ഒന്നാംമൈൽ പുത്തൻപുരയ്ക്കൽ ഷെരീഫിന്റെയും രണ്ടാനമ്മ അനീഷയുടെയും ക്രൂരമർദനത്തിന് ഇരയായത്. മർദനത്തിൽ കുട്ടിയുടെ തലയ്ക്ക് ഗുരുതര ക്ഷതമേറ്റിരുന്നു. ഇതോടെ താൻ ആരാണെന്നുപോലും തിരിച്ചറിയാനാകാതെയാണ് കുട്ടിയുടെ ഇപ്പോഴത്തെ ജീവിതം.&nbsp;
കുട്ടിക്ക് അപസ്മാരം ഉണ്ടെന്നും കട്ടിലിൽനിന്ന് തനിയെ വീണാണ് പരിക്കുകളുണ്ടായതെന്നും ദേഹത്തെ പൊള്ളലുകൾ സ്വയം ഉണ്ടാക്കിയതാണെന്നുമുള്ള വാദങ്ങൾ പ്രതിഭാഗം ഉന്നയിച്ചിരുന്നു. എന്നാൽ, അവസാനമായി ഷെഫീഖിനെ ചികിത്സിച്ച ഡോക്ടറുടെ റിപ്പോർട്ട് ഇതിനെല്ലാം വിരുദ്ധമാണ്. കുട്ടിക്ക് കൈ എത്താത്തയിടങ്ങളിൽപ്പോലും പൊള്ളലുണ്ടെന്നാണ് വിവരം.സംഭവത്തിനുശേഷം ഷെഫീഖ് വർഷങ്ങളായി അൽ-അസ്ഹർ മെഡിക്കൽ കോളേജ് അധികൃതരുടെ സംരക്ഷണയിലാണ്. രാഗിണി എന്ന ആയയാണ് പരിചരിക്കുന്നത്.&nbsp;

ഷെഫീഖ് വധശ്രമക്കേസ്, അച്ഛനും രണ്ടാനമ്മയും കുറ്റക്കാർ

സാക്കിർ ഹുസൈന് യുഎസിൽ അന്ത്യനിദ്ര. സംസ്കാരച്ചടങ്ങുകൾ സാൻഫ്രാൻസിസ്കോയിൽ നടന്നതായി കുടുംബവൃത്തങ്ങൾ അറിയിച്ചു. ശ്വാസകോശ സംബന്ധമായ അസുഖത്തെ തുടർന്ന് തിങ്കളാഴ്ചയായിരുന്നു അദ്ദേഹത്തിന്റെ മരണം.
തബലയെ ലോകപ്രശസ്‌തിയിലേക്ക്‌ ഉയര്‍ത്തിയ പ്രധാനിയാണ് ഉസ്താദ് സാക്കിർ ഹുസൈൻ. ബയാനിൽ (തബലയിലെ വലുത്‌) സാക്കിര്‍ ഹുസൈന്‍ വേഗവിരലുകളാൽ പ്രകടിപ്പിച്ചിരുന്ന മാസ്‌മരികത സംഗീതലോകത്തിന് എന്നും വിസ്മയമായിരുന്നു. പത്മവിഭൂഷണും ഗ്രാമി പുരസ്കാരങ്ങളും അടക്കം നേടിയിട്ടുള്ള സാക്കിർ ഹുസൈൻ, വിഖ്യാത സംഗീതജ്ഞൻ അല്ലാ രഖയുടെ മകനാണ്.

തബല മാന്ത്രികൻ ഉസ്താദ് സാക്കിർ ഹുസൈന് യുഎസിൽ അന്ത്യനിദ്ര

കോഴിക്കോട്: വിഖ്യാത സാഹിത്യകാരന്‍ എം.ടി. വാസുദേവന്‍ നായര്‍ അതീവ ഗുരുതരാവസ്ഥയില്‍. കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലാണ് എം.ടി. വാസുദേവന്‍ നായര്‍. വാര്‍ധക്യസഹജമായ രോഗങ്ങളെ തുടര്‍ന്ന് ഏറെ നാളായി ചികിത്സയിലായിരുന്നു. ഹൃദയസ്തംഭനം സംഭവിച്ചതായി ആശുപത്രി അധികൃതർ മെഡിക്കൽ ബുള്ളറ്റിനിൽ വ്യക്തമാക്കി. ആശുപത്രിയില്‍ വിദഗ്ധ ഡോക്ടര്‍മാരുടെ നിരീക്ഷണത്തിലാണ് എം.ടി.

എം.ടി. വാസുദേവന്‍ നായര്‍ അതീവ ഗുരുതരാവസ്ഥയില്‍.

Kozhikode

എം.ടി. വാസുദേവന്‍ നായര്‍ അതീവ ഗുരുതരാവസ്ഥയില്‍

സ്വര്‍ണ വിലയിലെ ഇടിവ് തുടരുന്നു. വെള്ളിയാഴ്ച്ച പവന് 240 രൂപ കുറഞ്ഞ് 56,320 രൂപയായി. ഗ്രാമിന്റെ വില 30 രൂപ കുറഞ്ഞ് 7,040 രൂപയുമായി.
എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 76,450 രൂപയാണ്. അന്താരാഷ്ട്ര വിപണിയില്‍ സ്‌പോട് ഗോള്‍ഡിന്റെ വില ട്രോയ് ഔണ്‍സിന് 2,600 ഡോളര്‍ നിലവാരത്തിലുമാണ്.യുഎസിലെ ജിഡിപി പ്രതീക്ഷിച്ചതിലും ഉയര്‍ന്നതും ഡോളര്‍ കരുത്താര്‍ജിച്ചതുമാണ് സ്വര്‍ണ വിലയെ ബാധിച്ചത്.

സ്വര്‍ണ വിലയില്‍ വീണ്ടും ഇടിവ്: പവന് 240 രൂപ കുറഞ്ഞ് 56,320 രൂപയായി

ഇടുക്കി: കട്ടപ്പനയില്‍ കോ-ഓപ്പറേറ്റീവ് സൊസൈറ്റിക്ക് മുന്‍പിൽ നിക്ഷേപകന്‍ ജീവനൊടുക്കിയ നിലയില്‍. മുളങ്ങാശ്ശേരിയില്‍ സാബുവിനെയാണ് സൊസൈറ്റിക്ക് മുന്‍പിൽ വെച്ച് ആത്മഹത്യ ചെയ്ത നിലയില്‍ കണ്ടത്.
കട്ടപ്പന റൂറല്‍ ഡെവലപ്‌മെന്റ് കോ ഓപ്പറേറ്റീവ് സൊസൈറ്റിക്ക് മുന്‍പിലാണ് സാബുവിനെ ആത്മഹത്യനിലയില്‍ കണ്ടത്. തൂങ്ങി മരിച്ച നിലയിലാണ് സാബുവിനെ കണ്ടെത്തിയത്. നിക്ഷേപ തുക തിരികെ ആവശ്യപ്പെട്ട് ഇയാൾ ഇന്നലെ സൊസൈറ്റിയിൽ എത്തിയിരുന്നു. എന്നാല്‍ നിക്ഷേപ തുക തിരികെ ലഭിച്ചില്ല. ഇതേതുടര്‍ന്നാണ് ആത്മഹത്യയെന്നാണ് വിവരം.

കോ-ഓപ്പറേറ്റീവ് സൊസൈറ്റിക്ക് മുന്‍പിൽ നിക്ഷേപകന്‍ ജീവനൊടുക്കിയ നിലയില്‍

തിരുവനന്തപുരം: കേരള നിയമസഭയുടെ സാഹിത്യ പുരസ്‌കാരം എം. മുകുന്ദന് നല്‍കും. നിയമസഭയുടെ അന്താരാഷ്ട്ര പുസ്തകോത്സവത്തിന്റെ ഭാഗമായാണ് ഒരുലക്ഷം രൂപയുടെ പുരസ്‌കാരം.
കല, സാഹിത്യം, സാംസ്‌കാരികം തുടങ്ങിയ മേഖലകളിലെ സമഗ്രസംഭാവന പരിഗണിച്ചാണ് കഴിഞ്ഞ രണ്ടുവര്‍ഷമായി പുരസ്‌കാരം നല്‍കുന്നത്.ജനുവരി ഏഴിന് പുസ്തകോത്സവത്തിന്റെ ഉദ്ഘാടനച്ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരം സമ്മാനിക്കുമെന്ന് സ്പീക്കര്‍ എ.എന്‍.ഷംസീര്‍ പറഞ്ഞു. മലയാള സര്‍ഗാത്മക സാഹിത്യത്തിനു നല്‍കിയ നിസ്തുല സംഭാവനയാണ് മുകുന്ദനെ പുരസ്‌കാരത്തിന് അര്‍ഹനാക്കിയത്.

കേരള നിയമസഭയുടെ സാഹിത്യ പുരസ്‌കാരം എം. മുകുന്ദന്

പത്തനംതിട്ട: മുറിഞ്ഞകല്ലിൽ ഞായറാഴ്ച പുലർച്ചെ ഉണ്ടായ വാഹനാപകടത്തിൽ മരിച്ച നാലുപേരുടെയും സംസ്കാര ചടങ്ങുകൾ പൂർത്തിയായി. അപകടത്തിൽ മരിച്ച നിഖിൽ മത്തായി (30), ഭാര്യ അനു ബിജു (27), നിഖിലിന്റെ പിതാവ് മത്തായി ഈപ്പൻ (66), അനുവിന്റെ പിതാവ് മല്ലശേരി വട്ടക്കുളഞ്ഞി പുത്തൻവിള കിഴക്കേതിൽ ബിജു ജോർജ് (51) എന്നിവരുടെ സംസ്കാരമാണ് പൂങ്കാവ് സെന്റ് മേരീസ് കത്തോലിക്ക പള്ളിയിൽ നടന്നത്.
രാവിലെ എട്ടുമണി മുതൽ പൂങ്കാവ് സെന്റ് മേരീസ് കത്തോലിക്ക പള്ളിയിൽ മൃതദേഹങ്ങൾ പൊതുദർശനത്തിന് വച്ചിരുന്നു. നൂറുകണക്കിന് ആളുകളാണ് അന്ത്യാഞ്ജലി അർപ്പിക്കാൻ പള്ളിയിലെത്തിയത്. ആരോഗ്യമന്ത്രി വീണാ ജോർജ് പള്ളിയിലെത്തി അന്ത്യോപചാരം അർപ്പിച്ചു.മത്തായി ഈപ്പന്റെയും നിഖിലിന്റെയും അനുവിന്റെയും മൃതദേഹങ്ങൾ കുടുംബ കല്ലറയിലും ബിജുവിന്റെ മൃതദേഹം മറ്റൊരു കല്ലറയിലുമാണ്. മലേഷ്യയിൽ ഹണിമൂൺ ആഘോഷത്തിന് പോയി മടങ്ങി വന്ന നിഖിലിനെയും അനുവിനെയും ഞായറാഴ്ച പുലർച്ചെ തിരുവനന്തപുരം വിമാനത്താവളത്തിൽ നിന്ന് കൂട്ടിക്കൊണ്ടു വരുമ്പോഴായിരുന്നു അപകടം. ഇവർ സഞ്ചരിച്ചിരുന്ന മാരുതി സ്വിഫ്​റ്റ് കാർ ആന്ധ്രാക്കാരായ ശബരിമല തീർത്ഥാടകരുടെ ബസിലേക്ക് ഇടിച്ചുകയറുകയായിരുന്നു.&nbsp;

പത്തനംതിട്ട അപകടത്തിൽ മരിച്ചവർക്ക് കണ്ണീരോടെ വിട നൽകി നാട്

മെൽബൺ: വിമാനത്താവളത്തിൽ മാധ്യമപ്രവർത്തകരോട് തട്ടിക്കയറി ഇന്ത്യൻ ക്രിക്കറ്റ് താരം വിരാട് കൊഹ്‌ലി. ബ്രിസ്‌ബേനിൽ ഓസ്‌ട്രേലിയക്കെതിരായ മൂന്നാം ടെസ്റ്റിനുശേഷം മടങ്ങവേയായിരുന്നു സംഭവം. അനുവാദമില്ലാതെ മക്കളുടെ ചിത്രങ്ങളും ദൃശ്യങ്ങളും പകർത്തിയതാണ് കൊഹ്‌‌ലിയെ ചൊടിപ്പിച്ചത്.
വിമാനത്താവളത്തിൽ ഓസ്‌ട്രേലിയൻ താരം സ്‌കോട്ട് ബോളൻഡിന്റെ അഭിമുഖം എടുക്കുകയായിരുന്നു ചില മാധ്യമങ്ങൾ. ഇതിനിടെ കൊഹ്‌ലിയും കുടുംബവും വിമാനത്താവളത്തിൽ എത്തി. തുടർന്ന് മാധ്യമശ്രദ്ധ കൊഹ്‌ലിയിലേക്കായി. ഓസ്‌ട്രേലിയൻ മാദ്ധ്യമമായ ചാനൽ 7 ചിത്രങ്ങൾ പകർത്തുന്നത് കണ്ടതോടെ കൊഹ്‌ലി ചൂടാവുകയായിരുന്നു. ഒരു മാധ്യമപ്രവർത്തകയുമായി വാക്കുതർക്കത്തിൽ ഏർപ്പെടുകയും ചെയ്തു. 'എന്റെ കുട്ടികൾ കൂടെയുള്ളപ്പോൾ എനിക്കൽപ്പം സ്വകാര്യത ആവശ്യമാണ്. എന്റെ അനുവാദമില്ലാതെ ദൃശ്യങ്ങൾ ചിത്രീകരിക്കാനാവില്ല'- എന്ന് കൊഹ്‌ലി മാധ്യമങ്ങളോട് പറയുന്നത് ദൃശ്യങ്ങളിൽ നിന്ന് വ്യക്തമാണ്.

അനുവാദമില്ലാതെ മക്കളുടെ ചിത്രങ്ങളും ദൃശ്യങ്ങളും പകർത്തരുത്;മാധ്യമപ്രവർത്തകരോട് കയർത്ത് കൊഹ്‌ലി

രാജ്ഭവൻ (ഗോവ ): സാഹിത്യ രംഗത്തെ സമഗ്ര സംഭാവനകൾ പരിഗണിച്ച് ഗോവ ഗവർണർ പി എസ് ശ്രീധരൻപിള്ളയ്ക്ക് ഡോക്ടറേറ്റ്. ബംഗളൂരു അലയൻസ് യൂണിവേഴ്സിറ്റിയാണ് ഡോക്ടറേറ്റ് നൽകുന്നത്. ഡിസംബർ 22 ന് ബംഗളൂരു അലയൻസ് യൂനിവേഴ്സിറ്റി ക്യാംപസിൽ നടക്കുന്ന ചടങ്ങിൽ വച്ച് പി എസ് ശ്രീധരൻപിള്ള ഡോക്‌ടറേറ്റ് സ്വീകരിക്കും.
സാഹിത്യ രംഗത്തെ സംഭാവനകൾ പരിഗണിച്ച് ഇത് മൂന്നാം തവണയാണ് ശ്രീധരൻപിള്ളയ്ക്ക് ഓണററി ഡോക്ടറേറ്റ് ലഭിക്കുന്നത്. രാജസ്ഥാനിലെ ജെ ജെ ടി യൂനിവേഴ്സിറ്റി, ഒഡീഷയിലെ എ എസ് ബി എം യൂണിവേഴ്സിറ്റി എന്നിവയാണ് ഇതിന് മുമ്പ് അദ്ദേഹത്തിന് ഓണററി ഡോക്ടറേറ്റ് നൽകി ആദരിച്ചത്.
കഥ, കവിത, ലേഖന സമാഹാരങ്ങൾ, പഠനങ്ങൾ, വിവർത്തനങ്ങൾ അടക്കം ഇംഗ്ലീഷിലും മലയാളത്തിലുമായി 246ഓളം പുസ്തകങ്ങൾ അദ്ദേഹം രചിച്ചിട്ടുണ്ട്. ശ്രീധരൻപിള്ളയുടെ പുസ്തകങ്ങൾ ഹിന്ദി, കന്നട, തെലുങ്ക്, കൊങ്കിണി, ആസാമീസ്, ബംഗാളി, ഒഡിയ എന്നീ ഭാഷകളിലേക്ക് വിവർത്തനം ചെയ്യപ്പെട്ടിട്ടുമുണ്ട്.

പി എസ് ശ്രീധരൻപിള്ളയ്ക്ക് ഡോക്ടറേറ്റ്

ചിക്ക്മംഗളൂരു: കാട്ടാന ആക്രമണത്തിൽ കർണാടകയിൽ മലയാളിക്ക് ദാരുണാന്ത്യം. കാലടി സ്വദേശി കെ ഏലിയാസാണ് (76) മരിച്ചത്. ചിക്ക്മംഗളൂരുവിൽ, നരസിംഹരാജപുര താലൂക്കിലാണ് സംഭവം. മേയാൻ വിട്ട പോത്തിനെ അന്വേഷിച്ച് മകനോടൊപ്പം വനത്തിൽ എത്തിയപ്പോഴാണ് ഏലിയാസിനെ കാട്ടാന പിന്നിൽ നിന്ന് ആക്രമിച്ചത്.
വർഷങ്ങൾക്ക് മുൻപ് കൃഷി ആവശ്യങ്ങൾക്കായി കർണാടകയിൽ സ്ഥിരതാമസമാക്കിയ കുടുംബമാണ് ഏലിയാസിന്റേത്. തലയ്ക്ക് ഗുരുതര പരിക്കേറ്റ വയോധികൻ സംഭവ സ്ഥലത്തുവച്ചുതന്നെ മരിക്കുകയായിരുന്നു.&nbsp;

കാട്ടാന ആക്രമണം; കർണാടകയിൽ മലയാളി വയോധികന് ദാരുണാന്ത്യം

ന്യൂഡൽഹി : അംബേദ്‌കർ വിഷയത്തിൽ പാർലമെന്റ് വളപ്പിൽ നടന്ന സംഘർഷത്തിൽ ലോക്‌സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ കേസെടുത്തു. ഗുജറാത്തിൽ നിന്നുള്ള ബി.ജെ.പി എം.പി ഹേമന്ദ് ജോഷി നൽകിയ പരാതിയിലാണ് കേസെടുത്തിരിക്കുന്നത്. നിയമോപദേശം തേടിയ ശേഷമാണ് ഡൽഹി പൊലീസിന്റെ നടപടി.
ബിആർ അംബേദ്‌കറിനെതിരെ കേന്ദ്ര ആഭ്യന്തര മന്ത്രി അമിത് ഷാ പ്രസംഗിച്ചു എന്നാരോപിച്ചാണ് കോൺഗ്രസ് പ്രതിഷേധ മാർച്ച് നടത്തിയത്. നീല വസ്‌ത്രമായിരുന്നു പ്രതിപക്ഷ എംപിമാരെല്ലാം ധരിച്ചിരുന്നത്. ബി.ആർ അംബേദ്‌ക്കറുടെ ചിത്രവും കയ്യിലേന്തിയായിരുന്നു പ്രതിഷേധം.&nbsp;

പാർലമെന്റ് വളപ്പിലെ സംഘർഷം ; രാഹുൽ ഗാന്ധിക്കെതിരെ കേസെടുത്തു

മലപ്പുറം: വയനാട് സ്വദേശി എസ് ഒ ജി കമാൻഡോയുമായ വിനീതിന്റെ (36) ആത്മഹത്യയിൽ കുടുംബാംഗങ്ങളുടെ മൊഴിയെടുത്ത് അന്വേഷണ സംഘം. കോട്ടത്തറയിലെ വീട്ടിലെത്തിയാണ് മൊഴി രേഖപ്പെടുത്തിയത്.മേലധികാരികളിൽ നിന്ന് വിനീത് മാനസിക സമ്മർദം നേരിട്ടിരുന്നുവെന്ന് കുടുംബം അന്വേഷണ സംഘത്തിന് മൊഴി നൽകിയിട്ടുണ്ടെന്നാണ് വിവരം. ഡിസംബർ ഒൻപത് മുതൽ പതിമൂന്നുവരെയുള്ള ദിവസങ്ങളിൽ വിനീത് വീട്ടിലുണ്ടായിരുന്നു. അന്ന് നടന്ന കാര്യങ്ങളെക്കുറിച്ച് അന്വേഷണ ഉദ്യോഗസ്ഥർ ചോദിച്ചറിഞ്ഞു.
ജീവനൊടുക്കുന്നതിന് മുമ്പ് വിനീത് ബന്ധുവിന് വാട്സാപ്പ് സന്ദേശം അയച്ചിരുന്നു. ഇതിനെക്കുറിച്ചും അന്വേഷണ സംഘം ചോദിച്ചറിഞ്ഞു. പരിശീലനത്തിന്റെ ഭാഗമായുള്ള കായിക പരീക്ഷയിൽ വിനീത് പരാജയപ്പെട്ടിരുന്നു. ഇതിൽ കടുത്ത മാനസിക സംഘർഷം അനുഭവിച്ചിരുന്നതായാണ് ആത്മഹത്യാക്കുറിപ്പിലും വാട്‌സാപ്പ്പ്പ് സന്ദേശത്തിലും പറയുന്നത്. കൂടെ ജോലി ചെയ്യുന്നവർ ചതിച്ചതായും കുറിപ്പിലുണ്ട്.

എസ് ഒ ജി കമാൻഡോ വിനീതിന്റെ ആത്മഹത്യ ;കുടുംബാംഗങ്ങളുടെ മൊഴിയെടുത്ത് പൊലീസ്‌

കോഴിക്കോട്: ചോദ്യ പേപ്പർ ചോർച്ചയിൽ വീണ്ടും പരാതി. കഴിഞ്ഞ ദിവസം നടന്ന എസ് എസ് എൽ സി കെമിസ്ട്രി ചോദ്യ പേപ്പർ ചോർന്നെന്ന് കാണിച്ച് യൂത്ത് കോൺഗ്രസ് നേതാവാണ് കൊടുവള്ളി പൊലീസിൽ പരാതി നൽകിയത്. സൈലം ഓൺലൈൻ പ്ലാറ്റ്‌ഫോം പ്രവചിച്ച ചോദ്യങ്ങൾ പരീക്ഷയ്ക്ക് വന്നെന്നാണ് നേതാവിന്റെ പരാതി.
അതേസമയം, എസ് എസ് എൽ സി,​ പ്ലസ് വൺ ക്രിസ്‌മസ് പരീക്ഷകളുടെ ചില വിഷയങ്ങളിലെ ചോദ്യ പേപ്പർ ചോ‌ർന്നെന്ന പരാതിയിൽ ക്രൈംബ്രാഞ്ച് അന്വേഷണം നടന്നുകൊണ്ടിരിക്കുകയാണ്. എസ് എസ് എൽ സി ഇംഗ്ലീഷ്, പ്ലസ് വണ്ണിന്റെ മാത്തമാറ്റിക്സ് ചോദ്യങ്ങളാണ് എം എസ് സൊല്യൂഷൻ യൂട്യൂബ് ചാനലിലെത്തിയത്.പരീക്ഷയുടെ തലേന്ന് ചോദ്യം ലീക്കായെന്നും ഉറപ്പായും വരുമെന്നും പറഞ്ഞാണ് അദ്ധ്യാപകൻ ലൈവായി ഈ ചോദ്യങ്ങൾ പറഞ്ഞുകൊടുത്തത്. ചോദ്യ പേപ്പർ ചാനലിൽ കാട്ടിയില്ലെങ്കിലും ചോദ്യങ്ങളുടെ ക്രമംപോലും തെറ്റാതെയായിരുന്നു ലൈവ്. വിദ്യാർത്ഥികൾ ഇതിൽ പല ചോദ്യങ്ങളുടെയും ഉത്തരങ്ങൾ ചോദിച്ചിരുന്നു.പിറ്റേന്ന് ചോദ്യ പേപ്പർ കണ്ടപ്പോൾ സംശയം തോന്നിയ അദ്ധ്യാപകരാണ് ചോർച്ച പുറത്തുവിട്ടത്.&nbsp;

ഓൺലൈൻ പ്ലാറ്റ്‌ഫോം പ്രവചിച്ച ചോദ്യങ്ങൾ പരീക്ഷയ്ക്ക് വന്നു;വീണ്ടും പരാതി

കോതമംഗലം: കോതമംഗലത്തെ ആറുവയസുകാരിയുടെ കൊലപാതകത്തിൽ ദുർമന്ത്രവാദം സംശയിച്ച് പൊലീസ്. നെല്ലിക്കുഴി കുറ്റിലഞ്ഞി പുതുപ്പാലത്ത് താമസിക്കുന്ന ഉത്തർപ്രദേശ് സ്വദേശി അജാസ് ഖാന്റെ മകൾ മുസ്‌കാനെയാണ് (ആറ്) ഇന്നലെ രാവിലെ മരിച്ച നിലയിൽ കണ്ടത്. കുഞ്ഞിനെ കൊലപ്പെടുത്തിയത് താനാണെന്ന് രണ്ടാനമ്മ അനീഷ ചോദ്യം ചെയ്യലിൽ സമ്മതിച്ചിരുന്നു.
ഇരുപത്തിമൂന്നുകാരിയായ അനീഷ അജാസ് ഖാന്റെ രണ്ടാം ഭാര്യയാണ്. യുവതിക്ക് രണ്ട് വയസുള്ള പെൺകുട്ടിയുണ്ട്. ഇപ്പോൾ ഗർഭിണിയുമാണ്. രണ്ടുവർഷം മുമ്പാണ് യുവതി അജാസിനൊപ്പം താമസിക്കാൻ തുടങ്ങിയത്.അജാസിന്റെ ആദ്യ ബന്ധത്തിലുണ്ടായ മുസ്‌കാൻ തനിക്ക് ബാധ്യതയാകുമെന്ന തോന്നലിലാണ് കൃത്യം നടത്തിയതെന്നായിരുന്നു പ്രതി പൊലീസിനോട് പറഞ്ഞത്. അജാസ് ഖാൻ ഇപ്പോഴും പൊലീസ് കസ്റ്റഡിയിലാണ്. ദമ്പതികൾ നൽകിയ മൊഴികളിൽ വൈരുദ്ധ്യമുണ്ട്.ബുധനാഴ്ച രാത്രി ഉറങ്ങാൻ കിടന്ന കുട്ടിക്ക് അനക്കമില്ലെന്ന് പറഞ്ഞ് ഇന്നലെ രാവിലെ ആറോടെ അജാസ് ഖാൻ അയൽവാസികളെ സമീപിക്കുകയായിരുന്നു. ഭാര്യയ്‌ക്ക് ബാധയുണ്ടെന്ന് അജാസ് ഖാൻ അയൽക്കാരോട് പറഞ്ഞിരുന്നു. ഇത്തരത്തിലുള്ള എന്തെങ്കിലുമാണോ കൊലയ്ക്ക് കാരണമെന്നാണ് സംശയിക്കുന്നത്. നിലവിൽ അജാസിനെ പ്രതി ചേർത്തിട്ടില്ല. രാവിലെ വീണ്ടും ചോദ്യം ചെയ്ത ശേഷം അനീഷയെ കോടതിയിൽ ഹാജരാക്കാനാണ് പൊലീസിന്റെ തീരുമാനം.

ആറ് വയസുകാരിയുടെ കൊലയ്ക്ക് പിന്നിൽ ദുർമന്ത്രവാദമെന്ന് സംശയം

വടകര : വാഹനമിടിച്ച് ഒമ്പതുവയസുകാരി കോമയിലായ സംഭവത്തിൽ പ്രതിയെ വിദേശത്ത് നിന്നെത്തിക്കാനുള്ള ശ്രമം ഊർജ്ജിതമാക്കി പൊലീസ്. പ്രതി പുറമേരി മീത്തലേ പുനത്തിൽ ഷജീലിനെതിരെ ലുക്കൗട്ട് നോട്ടീസിറക്കി.
ഷജീലിന്റെ മുൻകൂർ ജാമ്യാപേക്ഷ കഴിഞ്ഞ ദിവസം കോഴിക്കോട് പ്രിൻസിപ്പൽ സെഷൻസ് കോടതി തള്ളിയിരുന്നു. ഇതിനുപിന്നാലെയാണ് അന്വേഷണ സംഘം ലുക്കൗ‌ട്ട് നോട്ടീസിറക്കിയത്. കഴിഞ്ഞ ഫെബ്രുവരി പതിനേഴിനാണ് അപകടമുണ്ടായത്.ചോറോട് അമൃതാനന്ദമയീമഠം സ്റ്റോപ്പിൽ രാത്രി ഒമ്പതുമണിയോടെയായിരുന്നു സംഭവം. കണ്ണൂർ മേലെ ചൊവ്വ വടക്കൻ കോവിൽ സുധീറിന്റെയും സ്മിതയുടെയും മകൾ ദൃഷാനയേയും അമ്മൂമ്മ തലശ്ശേരി പന്ന്യന്നൂർ പഞ്ചായത്ത് ഓഫീസിനുസമീപം പുത്തലത്ത് ബേബിയെയുമാണ് വാഹനം ഇടിച്ചിട്ടത്

വടകരയിൽ  ഒമ്പതുവയസുകാരി കോമയിലായ സംഭവം; പ്രതിക്കെതിരെ ലുക്കൗട്ട് നോട്ടീസിറക്കി

വടകര: ജില്ലാ ആശുപത്രിക്ക് സമീപം ആച്ചംമണ്ടിയില്‍ വൈശാഖ് എ. എം (32), മിലിറ്ററി 49ാം ബറ്റാലിയന്‍) പഞ്ചാബില്‍ നിര്യാതനായി . അച്ഛന്‍; രാജു (ഓട്ടോ ഡ്രൈവര്‍). അമ്മ; അനിത. ഭാര്യ; ലിബിന. സഹോദരി; രിധു. സംസ്‌കാരം ഞായറാഴ്ച രാവിലെ 11 ന്.

വടകര ആച്ചംമണ്ടിയില്‍ വൈശാഖ് പഞ്ചാബില്‍ നിര്യാതനായി

Obituary

ഇന്ത്യയിലെ നല്ലൊരു ശതമാനം ആളുകളും ചായ പ്രേമികളാണ്. ചൂട് ചായ ജീവിതത്തിൽ വില്ലനായി മാറും എന്നു എത്ര പേർ വിശ്വസിക്കും? പുതിയ പഠനം പറയുന്നതനുസരിച്ച് ചൂട് ചായ കുടിക്കുന്നത് കാൻസറിന് വരെ കാരണമായേക്കാം.ചൂടുള്ള ചായ കുടിക്കുന്നത് അന്നനാളത്തെ ബാധിക്കുന്ന അപൂർവമായ ഒസോഫൊജിയൽ കാൻസർ വരാനുള്ള സാധ്യത വര്‍ധിപ്പിക്കുമെന്നാണ് പഠനങ്ങൾ പറയുന്നത്. ചായയിലെയോ കാപ്പിയിലേയൊ രാസ വസ്തുക്കളാണ് കാൻസർ ഉണ്ടാക്കുന്നത് എന്ന് വിചാരിച്ചാൽ തെറ്റി. അങ്ങനെയല്ല കാര്യം.ചൂടാണ് കാൻസർ ഉണ്ടാക്കുന്നത്.
ഗവേഷണ പഠനങ്ങളുടെ സമന്വയമായ മെറ്റ-അനാലിസിസുകളുടെ ഗവേഷണമാണ് ഓസോഫോഗൽ സ്‌ക്വമാസ് സെൽ കാർസിനോമ എന്ന കാൻസർ വരാൻ ചൂട് പാനീയങ്ങൾ കുടിക്കുന്നവർക്കുള്ള സാധ്യത കൂടുതലാണെന്ന് കണ്ടെത്തിയത്. ചൂട് ചായ കുടിക്കുന്നത് നാക്കിനെ പൊള്ളിക്കാറുണ്ട്. അതുപോലെ തന്നെ നമ്മുടെ അന്നനാളത്തെയും പൊള്ളിക്കും. അങ്ങനെ സ്ഥിരമായി അന്നനാളത്തിൽ പൊള്ളലേൽക്കുന്നത് കാൻസറിന് കാരണമാവുന്നു.
നമ്മൾ അമിത ചൂടുള്ള ഭക്ഷണം കഴിക്കുകയും കുടിക്കുകയും ചെയ്യുമ്പോൾ അന്നനാളത്തിലെ ആവരണം ചൂടു ആഗിരണം ചെയ്യുന്നു.അമിതമായ ചൂട് അന്നനാളത്തില്‍ പോറലേല്‍പ്പിക്കുന്നു. വീണ്ടും വീണ്ടും ചൂട് പാനീയങ്ങള്‍ കുടിക്കുന്നത് തുടരുമ്പോൾ ഈ പോറല്‍ ഉണങ്ങാതിരിക്കുകയും വീക്കമുണ്ടാക്കാനും അതിലൂടെ കോശങ്ങൾ നശിക്കുന്നതിനും ഒടുവിൽ കാൻസർ ആയി മാറുന്നതിനും കാരണമാകുന്നു.
ലോകാരോഗ്യ സംഘടനയുടെ കാൻസർ ഗവേണഷണ വിഭാഗം 65ഡിഗ്രി സെൽഷ്യസിന് മുകളിലുള്ള പാനീയങ്ങൾ കാൻസറിന് കാരണമായേക്കാം എന്ന് കണ്ടെത്തിയിട്ടുണ്ട്. ചൂടുള്ള പാനീയങ്ങള്‍ക്ക് പുറമെ പുകവലിക്കുകയും കൊഴുപ്പ് കൂടുതലുള്ള മാംസാഹാരം കഴിക്കുന്നതും അന്നനാള കാന്‍സര്‍ വരാനുള്ള സാധ്യത പത്തു മടങ്ങ് വര്‍ധിപ്പിക്കുമെന്നാണ് ഗവേഷകരുടെ കണ്ടെത്തല്‍.&nbsp;

തിളച്ച ചായ ഊതി ഊതി കുടിക്കാൻ ആണോ നിങ്ങൾക്ക് ഇഷ്ടം ;എങ്കിൽ ശ്രദ്ധിക്കണം

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

മണിയൂർ : എറണാകുളം ഏലൂര്‍ കുറ്റിക്കാട്ടുകരയില്‍ ബൈക്കില്‍ മിനിലോറിയിടിച്ച് മണിയൂർ സ്വദേശി ഉൾപ്പെടെ രണ്ട് പേർ മരിച്ചു. മണിയൂർ തൈവെച്ച പറമ്പത്ത് രമേശന്റെ മകൻ ആദിഷ് (21), ഇടുക്കി സ്വദേശിയായ രാഹുല്‍ രാജ്(22), എന്നിവരാണ് മരിച്ചത്. കളമശ്ശേരിയിലെ സ്വകാര്യ സ്ഥാപനത്തിലെ ജീവനക്കാരാണ് ഇരുവരും.
ഞായറാഴ്ച രാത്രി പതിനൊന്ന് മണിയോടെയാണ് അപകടമുണ്ടായത്. ജോലി കഴിഞ്ഞ് കളമശ്ശേരിയിലെ താമസസ്ഥലത്തേക്ക് പോവുകയായിരുന്ന ഇവര്‍ സഞ്ചരിച്ച ബൈക്കില്‍ മിനി ലോറിയിടിക്കുകയായിരുന്നു. ലോറിയുടെ അമിതവേഗതയാണ് അപകടത്തിനിടയാക്കിയതെന്നാണ് വിവരം. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടു. ബീനയാണ് ആദിഷിന്റെ മാതാവ്. സഹോദരൻ :അനന്തു. സംസ്കാരം രാത്രി 9 മണിക്ക് വീട്ടുവളപ്പിൽ.

എറണാകുളത്ത് ബൈക്കിൽ ലോറിയിടിച്ച് മണിയൂർ സ്വദേശി ഉൾപ്പടെ രണ്ട് മരണം

മലയാളികള്‍ക്ക് ഊണിനൊപ്പം ഏറ്റവും പ്രിയപ്പെട്ട വിഭവമേതെന്ന് ചോദിച്ചാല്‍ അതിന് ഒരേയൊരു ഉത്തരമേ ഉള്ളൂ, അത് മത്സ്യമാണ്. ആരോഗ്യത്തിന് വളരെയധികം ഗുണകരമായ ഭക്ഷണമെന്നതാണ് മത്സ്യത്തിന്റെ സവിശേഷത. കൊഴുപ്പ് കുറവാണെങ്കിലും പോഷകങ്ങളും വൈറ്റമിനുകളും ധാതുക്കളും ഉള്‍പ്പെടുന്ന ഒരു കലവറയാണ് മത്സ്യം. ശരീരത്തിന് ആവശ്യമായ പ്രോട്ടീന്‍, സിങ്ക്, കാല്‍ഷ്യം എന്നിവ മത്സ്യങ്ങളില്‍ ധാരാളം അടങ്ങിയിട്ടുണ്ട്.ഭക്ഷണത്തില്‍ പതിവായി മീന്‍ ഉള്‍പ്പെടുത്തുന്നത് നിരവധി ആരോഗ്യ പ്രശ്‌നങ്ങള്‍ക്കുള്ള പരിഹാരം കൂടിയാണ്.&nbsp;
മീനില്‍ അടങ്ങിയിരിക്കുന്ന പോഷകങ്ങള്‍ ക്യാന്‍സറുമായി ബന്ധപ്പെട്ട ഹൈപ്പര്‍ലിപ്പിഡാമിയ എന്ന രോഗലക്ഷണത്തോട് പോരുതുന്നു. അതോടൊപ്പം തന്നെ ഒമേഗ 3യും വൈറ്റമിന്‍ ഡിയും ഉയര്‍ന്ന അളവില്‍ അടങ്ങിയിട്ടുള്ളതിനാല്‍ ശരീരത്തിന്റെ രോഗപ്രതിരോധ ശേഷിയേയും വര്‍ദ്ധിപ്പിക്കാന്‍ മീൻ കഴിക്കുന്നത് സഹായിക്കും.മീന്‍ വിഭവങ്ങള്‍ പതിവായി കഴിക്കുന്നതിലൂടെ അസ്ഥി രോഗങ്ങള്‍ വരാനുള്ള സാധ്യത കുറയുകയും എല്ലുകളുടെ ബലം വര്‍ദ്ധിക്കുക്കയും ചെയ്യും. മീന്‍ പതിവാക്കുന്നതിലൂടെ ജീവിതശൈലി രോഗമായ പ്രമേഹത്തില്‍ നിന്ന് രക്ഷനേടാന്‍ കഴിയും. അതോടൊപ്പം കരളിന്റെ ആരോഗ്യത്തിനും വളരെ നല്ലതാണ്. ആസ്തമ പോലെയുള്ള അസുഖങ്ങള്‍ക്കും വളരെ ഫലപ്രദമാണ്.അല്‍ഷിമേഴ്‌സ് രോഗത്തേയും വിഷാദ രോഗത്തേയും പ്രതിരോധിക്കാനും മത്സ്യം ഭക്ഷണത്തില്‍ പതിവാക്കുന്നത് സഹായിക്കും. എന്നാല്‍ ഏറ്റവും പ്രധാനമായി ശ്രദ്ധിക്കേണ്ട കാര്യം രാസ പദാര്‍ത്ഥങ്ങള്‍ ചേര്‍ക്കാത്ത മത്സ്യമാണ് കഴിക്കുന്നുവെന്ന് ഉറപ്പുവരുത്താനാണ്.&nbsp;

മീന്‍ വിഭവങ്ങള്‍ പതിവായി കഴിച്ചാൽ ഗുണങ്ങൾ ഏറെയാണ്

മസ്‌കറ്റ്: ഹൃദയാഘാതത്തെ തുടർന്ന് മലയാളി യുവാവ് ഒമാനിലെ സലാലയിൽ മരിച്ചു. തലശേരി ചിരക്കര സ്വദേശി കാടൻ കണ്ടി മുഹമ്മദ് അജ്‌മൽ ആണ് മരിച്ചത്. 26 വയസായിരുന്നു. ഹസൻ ബിൻ താബിത് റസ്റ്ററന്റിലെ ജീവനക്കാരനായിരുന്നു അജ്‌മൽ.ചൊവ്വാഴ്‌ച ഉറങ്ങാൻ കിടന്ന അജ്‌മൽ ബുധനാഴ്‌ച ഉച്ചയായിട്ടും ജോലിക്കെത്താത്തതിനെ തുടർന്ന് നടത്തിയ അന്വേഷണത്തിലാണ് മരണവിവരം അറിയുന്നത്.
&nbsp;സുഹൃത്തുക്കൾ വന്ന് നോക്കിയപ്പോൾ ബെഡിൽ മരിച്ച നിലയിൽ കണ്ടെത്തുകയായിരുന്നു. ഉടൻതന്നെ ഇവർ റോയൽ ഒമാൻ പൊലീസിനെ വിവരമറിയിച്ചു. തുടർന്ന് പൊലീസെത്തി മൃതദേഹം ആശുപത്രിയിലേക്ക് മാറ്റി. മരണം സ്ഥിരീകരിച്ചതോടെ മറ്റ് നടപടികൾ സ്വീകരിച്ചു.പിതാവ് - പരേതനായ ഉമ്മർ പുത്തൻ പുരയ്‌ക്കൽ, മാതാവ് - ഷമീറ കാടൻ കണ്ടി. അവിവാഹിതനാണ്.

ഹൃദയാഘാതം ;തലശേരി സ്വദേശിയായ യുവാവ് ഒമാനിൽ മരിച്ചു

Gulf

ദമാം: ആനമങ്ങാട് പാലോളിപ്പറമ്പ് സ്വദേശി സൗദി അറേബ്യയിലെ ദമാം വിമാനത്താവളത്തിലെ കെട്ടിടത്തില്‍നിന്ന് ചാടി മരിച്ചു. മാണിക്കത്തൊടി മുഹമ്മദ് ശിഹാബ് (39) ആണ് മരിച്ചത്. ഞായറാഴ്ചയായിരുന്നു സംഭവം.
ഉച്ചയോടെ നാട്ടിലേക്കുള്ള വിമാനത്തില്‍ അവധിക്ക് വരുന്നതിനായാണ് ശിഹാബ് വിമാനത്താവളത്തിലെത്തിയത്. എന്നാല്‍ എമിഗ്രേഷന്‍ വിഭാഗത്തിലെ പാസ്‌പോര്‍ട്ട് പരിശോധനയില്‍ സാങ്കേതിക പ്രശ്‌നത്തെത്തുടര്‍ന്ന് യാത്രചെയ്യാന്‍ സാധിക്കാത്ത സാഹചര്യമുണ്ടായി.ഇതിനു പിന്നാലെ വിമാനത്താവളത്തിലെ കെട്ടിടത്തില്‍നിന്ന് ചാടുകയായിരുന്നുവെന്നാണ് വിവരം 17 വര്‍ഷത്തോളമായി പ്രവാസിയായ ശിഹാബ് ഭാര്യയ്ക്കും മക്കള്‍ക്കുമൊപ്പം ദമാമിലായിരുന്നു താമസിച്ചിരുന്നത്. ബന്ധുവിന്റെ വിവാഹത്തില്‍ പങ്കെടുക്കാന്‍ കഴിഞ്ഞ മാസം 23-ന് നാട്ടില്‍ വന്നിരുന്നു. മൂന്നാഴ്ച മുന്‍പ് ശിഹാബ് മാത്രം മടങ്ങി.നിയമനടപടികള്‍ പൂര്‍ത്തിയാക്കിയശേഷം മൃതദേഹം നാട്ടിലെത്തിക്കും.

നാട്ടിലേക്കുള്ള യാത്ര മുടങ്ങി;യുവാവ് വിമാനത്താവളത്തിലെ കെട്ടിടത്തില്‍നിന്ന് ചാടിമരിച്ചു

സംസ്ഥാനത്ത് വീണ്ടും നിപ ബാധയെന്ന സംശയം ഉയർന്ന സാഹചര്യത്തിൽ അതീവജാഗ്രത പുലര്‍ത്തേണ്ടതുണ്ട്. എന്താണ് നിപ വൈറസെന്നും സ്വീകരിക്കേണ്ട മുന്‍കരുതലുകളെ കുറിച്ചും എല്ലാവരും അറിഞ്ഞിരിക്കേണ്ടതാണ്. 2018 മുതൽ കേരളത്തിൽ നാലുതവണയാണ് നിപ രോഗബാധയുണ്ടായത്.&nbsp;
നിപ വൈറസ്
ഹെനിപാ വൈറസ് ജീനസിലെ നിപ വൈറസ് പാരാമിക്‌സോ വൈറിഡേ ഫാമിലിയിലെ അംഗമാണ്. ഇതൊരു ആര്‍.എന്‍.എ. വൈറസ് ആണ്. മൃഗങ്ങളില്‍ നിന്നും മൃഗങ്ങളിലേക്ക് പകരുന്ന വൈറസാണ് നിപ. വൈറസ് ബാധയുള്ള വവ്വാലുകളില്‍ നിന്നോ പന്നികളില്‍ നിന്നോ ഇത് മനുഷ്യരിലേക്ക് പകരാന്‍ സാധ്യതയുണ്ട്. മനുഷ്യരില്‍ നിന്ന് മനുഷ്യരിലേക്കും പകരാം. അസുഖ ബാധയുള്ളവരെ പരിചരിക്കുന്നവരിലേക്ക് രോഗം പകരാനും സാധ്യതയുണ്ട്. അതുപോലെ തന്നെ ആശുപത്രി ജീവനക്കാരും വളരെയധികം ശ്രദ്ധിക്കണം.
രോഗലക്ഷണങ്ങള്‍
വൈറസ് ശരീരത്തിനുള്ളില്‍ പ്രവേശിച്ച് രോഗലക്ഷണങ്ങള്‍ പ്രകടമാകുന്ന കാലയളവ് (ഇന്‍ക്യുബേഷന്‍ പിരീഡ്) 4 മുതല്‍ 14 ദിവസം വരെയാണ്. ഇത് ചിലപ്പോള്‍ 21 ദിവസം വരെയാകാം. രോഗബാധ ഉണ്ടായാലും ലക്ഷണങ്ങള്‍ വ്യക്തമാകാന്‍ ഇത്രയും ദിവസങ്ങള്‍ വേണം. പനിയും തലവേദനയും തലകറക്കവും ബോധക്ഷയവുമൊക്കെയാണ് ലക്ഷണങ്ങള്‍. ചുമ, വയറുവേദന, മനംപിരട്ടല്‍, ചര്‍ദി, ക്ഷീണം, കാഴ്ചമങ്ങല്‍ തുടങ്ങിയ ലക്ഷണങ്ങളും അപൂര്‍വമായി പ്രകടിപ്പിക്കാം. രോഗലക്ഷണങ്ങള്‍ ആരംഭിച്ച് ഒന്നു രണ്ടു ദിവസങ്ങള്‍ക്കകം തന്നെ കോമ അവസ്ഥയിലെത്താനും സാധ്യതയുണ്ട്. തലച്ചോറിനെ ബാധിക്കുന്ന എന്‍സഫലൈറ്റിസ് ഉണ്ടാവാനും വലിയ സാധ്യതയാണുള്ളത്. വൈറസ് ശ്വാ സകോശത്തേയും ബാധിക്കാന്‍ സാധ്യതയുണ്ട്.
രോഗസ്ഥിരീകരണം
തൊണ്ടയില്‍ നിന്നും മൂക്കില്‍ നിന്നുമുള്ള സ്രവം, രക്തം, മൂത്രം, തലച്ചോറിലെ സെറിബ്രോ സ്‌പൈനല്‍ ഫ്‌ളൂയിഡ് എന്നിവയില്‍ നിന്നുമെടുക്കുന്ന സാമ്പിളുകളുടെ ആര്‍.ടി.പി.സി.ആര്‍. പരിശോധന വഴിയാണ് രോഗം സ്ഥിരീകരിക്കുന്നത്.
സ്വീകരിക്കേണ്ട മുന്‍കരുതലുകള്‍
<ul>
<li>അസുഖം വന്നതിനു ശേഷമുള്ള ചികിത്സ മിക്കവരിലും അതിസങ്കീര്‍ണമാണ്. അതുകൊണ്ടുതന്നെ പ്രതിരോധമാണ് ഏറ്റവും പ്രധാനം.</li>
<li>വൈറസ് ബാധയുള്ള വവ്വാലുകളില്‍ നിന്നും രോഗം പകരാതിരിക്കാന്‍ സ്വീകരിക്കേണ്ട മുന്‍ കരുതലുകള്‍</li>
<li>വവ്വാലിന്റെ ആവാസ കേന്ദ്രങ്ങളില്‍ കഴിവതും പോകരുത്. വവ്വാല്‍ കടിച്ച പഴങ്ങളോ മറ്റോ സ്പര്‍ശിക്കാനോ കഴിക്കാനോ പാടില്ല.</li>
<li>രോഗം പകരാതിരിക്കാന്‍ വേണ്ടി എടുക്കേണ്ട മുന്‍കരുതലുകള്‍</li>
<li>കൃത്യമായി മാസ്‌ക് ഉപയോഗിക്കുക</li>
<li>·സാമൂഹിക അകലം പാലിക്കുക</li>
<li>·ഇടയ്ക്കിടയ്ക്ക് കൈകള്‍ സോപ്പും വെള്ളവും ഉപയോഗിച്ച് 20 സെക്കൻഡ് സമയം നന്നായി കഴുകുക. ഇത് ലഭ്യമല്ലെങ്കില്‍ ആൽക്കഹോള്‍ അടങ്ങിയ സാനിറ്റൈസര്‍ ഉപയോഗിച്ച് കൈ വൃത്തിയാക്കണം.</li>
<li>രോഗിയുമായി ഒരു മീറ്റര്‍ എങ്കിലും ദൂരം പാലിക്കുകയും രോഗി കിടക്കുന്ന സ്ഥലത്തു നിന്നും അകലം പാലിക്കുകയും ചെയ്യുക</li>
<li>രോഗിയുടെ വ്യക്തിപരമായ ആവശ്യങ്ങള്‍ക്കുള്ള സാമഗ്രികള്‍ പ്രത്യേകം സൂക്ഷിക്കുകയും ഉപയോഗിക്കുകയും ചെയ്യുക.</li>
</ul>

രോഗം പടരാതിരിക്കാന്‍ വേണ്ടി ആശുപത്രികള്‍ ശ്രദ്ധിക്കേണ്ട കാര്യങ്ങള്‍
<ul>
<li>രോഗ ലക്ഷണങ്ങളുമായി വരുന്ന എല്ലാ രോഗികളെയും ഐസൊലേഷന്‍ വാര്‍ഡില്‍ പ്രവേശിപ്പിക്കുക</li>
<li>രോഗമുണ്ടെന്ന് സംശയിക്കുന്ന ആളുകളോട് സംസാരിക്കുമ്പോഴും പരിശോധിക്കുമ്പോഴും, മറ്റു ഇടപഴകലുകള്‍ നടത്തുമ്പോഴും കയ്യുറകളും മാസ്‌കും ധരിക്കുക</li>
<li>·സാംക്രമിക രോഗങ്ങളില്‍ എടുക്കുന്ന എല്ലാ മുന്‍കരുതലുകളും ഇത്തരം രോഗികളിലും എടുക്കുക, രോഗമുണ്ടെന്നു സംശയിക്കുന്ന രോഗിയെ ആശുപത്രിയിൽ പ്രവേശിപ്പിച്ചാൽ അധികൃതരെ വിവരം അറിയിക്കുക.</li>
</ul>
സ്വീകരിക്കേണ്ട സുരക്ഷാ രീതികള്‍
· ആൽക്കഹോള്‍ അടങ്ങിയ ഹാന്‍ഡ് റബ്ബുകള്‍ ഉപയോഗിച്ച് കൈ കഴുകുക
· രോഗി, രോഗചികിത്സക്ക് ഉപയോഗിച്ച ഉപകരണങ്ങള്‍ രോഗിയുടെ വസ്ത്രം, വിരി മുതലായവയെല്ലാം സുരക്ഷിതമായി മാത്രം കൈകാര്യം ചെയ്യുക
· നിപ രോഗികളെ മറ്റു രോഗികളുമായുള്ള ഇടപഴകല്‍ തീര്‍ത്തും ഒഴിവാക്കി വേര്‍തിരിച്ച് പ്രത്യേക വാര്‍ഡുകളിലേക്ക് മാറ്റുക.
· ഇത്തരം വാര്‍ഡുകളില്‍ ആരോഗ്യരക്ഷാ പ്രവര്‍ത്തകരുടെ എണ്ണം പരിമിതപ്പെടുത്തുക.
· രണ്ട് രോഗികളുടെ കട്ടിലിനിടയില്‍ ഒരു മീറ്റര്‍ അകലമെങ്കിലും ഉറപ്പാക്കുക
· രോഗികളെ അല്ലെങ്കില്‍ രോഗമുണ്ടെന്ന് സംശയിക്കുന്നവരെ ശുശ്രൂഷിക്കുമ്പോള്‍ പകരാതിരിക്കാനുള്ള മുന്‍ കരുതലുകള്‍ സ്വീകരിക്കേണ്ടത് പരമ പ്രധാനമാണ്.
സ്വയം രക്ഷാ സജ്ജീകരണങ്ങളുടെ ഉപയോഗം
<ul>
<li>മാസ്‌ക്, കൈയുറ (ഗ്ലൗസ്), ഗൗണ്‍ എന്നിവയൊക്കെ ഉള്‍പ്പെടുന്ന പിപിഇ കിറ്റ് രോഗിയുമായി ഇടപഴകുമ്പോള്‍ ഉപയോഗിക്കേണ്ടതാണ്. തീര്‍ത്തും സൂക്ഷ്മമായ വായുവിലെ കണങ്ങളില്‍ 95 ശതമാനവും ശ്വസിക്കുന്നത് തടയാന്‍ കഴിയുന്ന എന്‍-95 മാസ്‌കുകള്‍ രക്തവും സ്രവങ്ങളും ടെസ്റ്റിനായെടുക്കുമ്പോഴും ട്യൂബ് ഇടുന്നത് പോലുളള ഇടപെടല്‍ വേളയിലും നിഷ്‌കര്‍ഷിക്കേണ്ടതാണ്.</li>
<li>· കൈകള്‍ സോപ്പുപയോഗിച്ച് 20 സെക്കൻഡെങ്കിലും കഴുകുക.</li>
<li>· അണുനശീകാരികളായ ക്ലോറോഹെക്‌സിഡൈന്‍ അല്ലെങ്കില്‍ ആൽക്കഹോള്‍ അടങ്ങിയ ഹസ്ത ശുചീകരണ ദ്രാവകങ്ങള്‍ ശുശ്രൂഷയ്ക്ക് ശേഷം കൈ കഴുകാവുന്നതാണ്</li>
<li>· ശുശ്രൂഷയ്ക്ക് ഉപയോഗിക്കുന്ന ഉപകരണങ്ങളും മറ്റ് വസ്തുക്കളും പരമാവധി ഡിസ്‌പോസബിള്‍ ആവുന്നതാണ് ഉത്തമം. പുനരുപയോഗം അനിവാര്യമെങ്കില്‍ ശരിയായ രീതിയില്‍ അണുനശീകരണത്തിന് ശേഷം മാത്രമെന്ന് ഉറപ്പ് വരുത്തണം.</li>
</ul>

വീണ്ടും നിപ ഭീതിയിൽ സംസ്ഥാനം ;സ്വീകരിക്കേണ്ട മുന്‍കരുതലുകള്‍ അറിയാം

ഖത്തർ: ദോഹയിൽ കഴിഞ്ഞ ദിവസമുണ്ടായ വാഹനാപകടത്തിൽ വടകര ചുഴലി സ്വദേശിയായ യുവാവ് മരിച്ചു.ചുഴലിയിലെ പുത്തൻ പുരയിൽ പ്രകാശൻ റീജ ദമ്പതികളുടെ മകൻ നവനീത്(21) ആണ് മരിച്ചത്.
ഞായറാഴ്ച വൈകീട്ട് മദീനാ ഖലീഫയിൽ നവനീത് ഓടിച്ചിരുന്ന കാർ സ്വദേശിയുടെ കാറുമായി കൂട്ടിയിടിച്ചാണ് അപകടമുണ്ടായത്. ദോഹയിൽ ഡ്രൈവറായി ജോലി ചെയ്യുകയായിരുന്നു. ഒരു വർഷം മുമ്പാണ് ഖത്തറിൽ എത്തിയത്. നടപടി ക്രമങ്ങൾ പൂർത്തിയാക്കി മൃതദേഹം നാട്ടിലേക്ക്‌ കൊണ്ട് പോകുമെന്ന് ഖത്തർ കെഎംസിസി അൽ ഇഹ്‌സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു.

ഖത്തറില്‍ വാഹനാപകടം; വളയം സ്വദേശിയായ യുവാവ്  മരിച്ചു

Search Results for: kalamassery