തിരുവനന്തപുരം: കനത്തമഴയെ തുടര്‍ന്ന് വിവിധ ജില്ലകളിലെ പുഴകളില്‍ പ്രളയ സാധ്യത മുന്നറിയിപ്പ്. ജലനിരപ്പ്ഉയര്‍ന്നതിനെ തുടര്‍ന്ന് കോഴിക്കോട് ജില്ലയിലെ കോരപ്പുഴ, കണ്ണൂര്‍ ജില്ലയിലെ പെരുമ, മലപ്പുറം ജില്ലയിലെ ഭാരതപ്പുഴ, കാസര്‍കോട് ജില്ലയിലെ ഉപ്പള, വയനാട് ജില്ലയിലെ കബനി, കോട്ടയം ജില്ലയിലെ മീനച്ചില്‍, പത്തനംതിട്ട ജില്ലയിലെ അച്ചന്‍കോവില്‍, മണിമല എന്നീ നദികളില്‍ ഓറഞ്ചും തിരുവനന്തപുരം ജില്ലയിലെ വാമനപുരം നദിയില്‍ മഞ്ഞ അലര്‍ട്ടും പ്രഖ്യാപിച്ചു.&nbsp;
ഈ പുഴകളുടെ തീരപ്രദേശങ്ങളിലുള്ളവര്‍ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റിമുന്നറിയിപ്പ് നല്‍കി.ഈ സാഹചര്യത്തില്‍ ഈ നദികളുടെ കരയില്‍ താമസിക്കുന്നവര്‍ ജാഗ്രത പുലര്‍ത്തേണ്ടതാണ്. യാതൊരു കാരണവശാലും നദികളില്‍ ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേര്‍ന്ന് താമസിക്കുന്നവര്‍ ജാഗ്രത പാലിക്കേണ്ടതാണ്. അധികൃതരുടെ നിര്‍ദേശാനുസരണം പ്രളയ സാധ്യതയുള്ളയിടങ്ങളില്‍ നിന്ന് മാറി താമസിക്കാന്‍ തയ്യാറാവണമെന്നും മുന്നറിയിപ്പില്‍ പറയുന്നു.

ഒന്‍പത് നദികളില്‍ പ്രളയ സാധ്യതാ മുന്നറിയിപ്പ് ;ജാഗ്രതാ നിർദ്ദേശം

Kerala

തിരുവനന്തപുരം: ഖത്തറില്‍ ഇറാന്‍ നടത്തിയ ആക്രമണത്തിന് പിന്നാലെ കേരളത്തില്‍നിന്നുള്ള നിരവധി വിമാനങ്ങള്‍ റദ്ദാക്കി. തിരുവനന്തപുരം, കരിപ്പൂര്‍, കണ്ണൂര്‍ വിമാനത്താവളങ്ങളില്‍ നിന്നുള്ള വിമാനങ്ങളാണ് റദ്ദാക്കിയിട്ടുള്ളത്. ഇതിനുപുറമെ, വിമാനങ്ങള്‍ വൈകുമെന്നും ചിലത് വഴിതിരിച്ചുവിടുമെന്നും വിമാനത്താവള അധികൃര്‍ വ്യക്തമാക്കിയിട്ടുണ്ട്.
തിരുവനന്തപുരം വിമാനത്താവളത്തില്‍നിന്നും റദ്ദാക്കിയ വിമാനങ്ങള്‍:
J9411/412 - ജസീറ എയര്‍വൈസ് - കുവൈറ്റ് ടു തിരുവനന്തപുരം
063 ഗള്‍ഫ് എയര്‍ - തിരുവനന്തപുരം - ബഹ്‌റൈന്‍
ബാക്കി എല്ലാ വിമാനങ്ങളും കൃത്യസമയത്ത് പുറപ്പെടുമെന്നാണ് ഒടുവിലായി ലഭിച്ചിരിക്കുന്ന വിവരം.
കൊച്ചി: ഇസ്രയേല്‍ ഇറാന്‍ സംഘര്‍ഷത്തിന്റെ പശ്ചാത്തലയില്‍ നെടുമ്പാശ്ശേരിയില്‍ നിന്നുള്ള 17 സര്‍വീസുകള്‍ റദ്ദാക്കി. സാഹചര്യം സൂക്ഷ്മമായി വിലയിരുത്തി വരികയാണെന്നും യാത്രക്കാര്‍ മെസേജുകളും ഇമെയിലുകളും വഴിയുള്ള അലേര്‍ട്ടുകള്‍ ശ്രദ്ധിക്കണമെന്നും സിയാല്‍ അറിയിച്ചു.
നെടുമ്പാശ്ശേരിയില്‍ നിന്ന് നിലവില്‍ റദ്ദാക്കിയ സര്‍വീസുകള്‍:
AI953 കൊച്ചി ടു ദോഹ
SG018 കൊച്ചി ടു ദുബൈ
6E1403 കൊച്ചി ടു അബുദാബി
6E1493 കൊച്ചി ടു റാസല്‍ഖൈമ
6E1271 കൊച്ചി ടു മസ്‌കറ്റ്
6E1272 മസ്‌കറ്റ് ടു കൊച്ചി
6E1206/055 ബഹ്റൈന്‍ ടു കൊച്ചി ടു ദമ്മാം
SG017 - ദുബൈ ടു കൊച്ചി
6E1404 അബുദാബി ടു കൊച്ചി
AI933 കൊച്ചി ടു ദുബൈ
AI934 ദുബൈ ടു കൊച്ചി
IX494 കുവൈറ്റ് ടു കൊച്ചി
IX441 കൊച്ചി ടു മസ്‌കറ്റ്
IX476 ദോഹ ടു കൊച്ചി
IX475 കൊച്ചി ടു ദോഹ
IX442 മസ്‌കറ്റ് ടു കൊച്ചി
IX461 കൊച്ചി ടു കുവൈറ്റ്
മലപ്പുറം: കരിപ്പൂരില്‍നിന്ന് ഇന്ന് ഗള്‍ഫ് മേഖലയിലേക്കുള്ള ഇന്ത്യന്‍ വിമാന കമ്പനികളുടെ എല്ലാ വിമാനങ്ങളും റദ്ദാക്കിയതായി അധികൃതര്‍ അറിയിച്ചു. വിദേശ എയര്‍ലൈന്‍സ് വിമാനങ്ങളും അനിശ്ചിതമായി വൈകുന്നുണ്ട്. ഇന്ന് ദോഹയിലേക്ക് പോകേണ്ട ഒരു വിമാനം റദ്ദാക്കി. ഗള്‍ഫ് മേഖലയിലേക്കുള്ള ഒന്‍പത് വിമാനങ്ങളാണ് റദ്ദാക്കിയത്.
ഒരു ആഭ്യന്തര സര്‍വീസും റദ്ദാക്കി. 10.50- ന് പുറപ്പെടണ്ട 6E 6932 ഇന്‍ഡിഗോ കരിപ്പൂര്‍-മുംബൈ വിമാനവും റദ്ദാക്കി. ഇന്ന് കോഴിക്കോട് നിന്ന് ദോഹയ്ക്ക് പോകേണ്ടിയിരുന്ന ഖത്തര്‍ എയര്‍വേയ്‌സ് QR 537 റദ്ദാക്കി. ഇന്നലെ രാത്രി ദോഹയില്‍ നിന്ന് കരിപ്പൂരില്‍ എത്തി ഇവിടെ നിന്ന് മടങ്ങേണ്ട വിമാനം ആയിരുന്നു ഇത്.
ഇന്നും നാളെയുമായി കരിപ്പൂരില്‍ നിന്ന് റദ്ദാക്കിയത് എയര്‍ ഇന്ത്യയുടെ ഒമ്പത് വിമാനങ്ങള്‍. ഇന്ന് കരിപ്പൂരില്‍ നിന്ന് പുറപ്പെടേണ്ടിയിരുന്ന ഗള്‍ഫ് മേഖലയിലേക്കുള്ള എയര്‍ ഇന്ത്യ വിമാനങ്ങള്‍ എല്ലാം റദ്ദാക്കിയതായും കരിപ്പൂര്‍ വിമാനത്താവള അധികൃതര്‍ അറിയിച്ചു.
ചൊവ്വാഴ്ച റദ്ദാക്കിയ വിമാനങ്ങള്‍:
IX 375 -എയര്‍ ഇന്ത്യ എക്‌സ്പ്രസ്- കരിപ്പൂര്‍ ടു ദോഹ
IX 473 എയര്‍ ഇന്ത്യ എക്‌സ്പ്രസ്- കരിപ്പൂര്‍ ടു ബഹ്‌റൈന്‍
IX 343 എയര്‍ ഇന്ത്യ എക്‌സ്പ്രസ് - കരിപ്പൂര്‍ ടു ദുബായ്
IX 331 എയര്‍ ഇന്ത്യ എക്‌സ്പ്രസ്- കരിപ്പൂര്‍ ടു റാസല്‍ഖൈമ
IX 321 എയര്‍ ഇന്ത്യ എക്‌സ്പ്രസ്- കരിപ്പൂര്‍ ടു റിയാദ്
IX 385 എയര്‍ ഇന്ത്യ എക്‌സ്പ്രസ്- കരിപ്പൂര്‍ ടു ദമാം
IX 347 എയര്‍ ഇന്ത്യ എക്‌സ്പ്രസ് - കരിപ്പൂര്‍ ടു അബുദാബി
IX 337 എയര്‍ ഇന്ത്യ എക്‌സ്പ്രസ് - കരിപ്പൂര്‍ ടു മസ്‌കറ്റ്
ബുധനാഴ്ച റദ്ദാക്കിയ വിമാനങ്ങള്‍:
IX 351 എയര്‍ ഇന്ത്യ എക്‌സ്പ്രസ് - കരിപ്പൂര്‍ ടു ഷാര്‍ജ
കണ്ണൂര്‍ വിമാനത്താവളത്തില്‍നിന്നും റദ്ദാക്കിയ വിമാനങ്ങള്‍:
തിങ്കളാഴ്ച റദ്ദാക്കിയ വിമാനങ്ങള്‍:
IX742 എയര്‍ ഇന്ത്യ എക്‌സ്പ്രസ് - ഷാര്‍ജ ടു കണ്ണൂര്‍
IX747 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു ദുബായ്
6E1503 ഇന്‍ഡിഗോ - കണ്ണൂര്‍ ടു ഫുജൈറ
IX773 എയര്‍ ഇന്ത്യ എക്‌സ്പ്രസ് കണ്ണൂര്‍ ടു ദോഹ
ചൊവ്വാഴ്ച റദ്ദാക്കിയ വിമാനങ്ങള്‍:
6E1504 ഇന്‍ഡിഗോ - ഫുജൈറ ടു കണ്ണൂര്‍
6E1433 ഇന്‍ഡിഗോ - കണ്ണൂര്‍ ടു അബുദാബി
6E1434 ഇന്‍ഡിഗോ - അബുദാബി ടു കണ്ണൂര്‍
6E1275 ഇന്‍ഡിഗോ - കണ്ണൂര്‍ ടു മസ്‌കറ്റ്
6E1276 ഇന്‍ഡിഗോ - മസ്‌കറ്റ് ടു കണ്ണൂര്‍
IX711 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു മസ്‌കറ്റ്
IX715 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു അബുദാബി
IX743 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു ഷാര്‍ജ
IX773 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു ദോഹ
IX751 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു റാസല്‍ ഖൈമ
IX712 എയര്‍ ഇന്ത്യ എക്‌സ്പ്രസ് - മസ്‌കറ്റ് ടു കണ്ണൂര്‍
IX716 എയര്‍ ഇന്ത്യ എക്‌സ്പ്രസ് - അബുദാബി ടു കണ്ണൂര്‍
IX744 എയര്‍ ഇന്ത്യ എക്‌സ്പ്രസ് - ഷാര്‍ജ ടു കണ്ണൂര്‍
IX748 എയര്‍ ഇന്ത്യ എക്‌സ്പ്രസ് - ദുബായ് ടു കണ്ണൂര്‍
IX794 എയര്‍ ഇന്ത്യ എക്‌സ്പ്രസ് - കുവൈറ്റ് ടു കണ്ണൂര്‍
IX774 എയര്‍ ഇന്ത്യ എക്‌സ്പ്രസ് - ദോഹ ടു കണ്ണൂര്‍
IX717 എയര്‍ ഇന്ത്യ എക്‌സ്പ്രസ് - കണ്ണൂര്‍ ടു അബുദാബി
ബുധനാഴ്ച റദ്ദാക്കിയ വിമാനങ്ങള്‍:
IX752 എയര്‍ ഇന്ത്യ എക്‌സ്പ്രസ് - റാസല്‍ ഖൈമ ടു കണ്ണൂര്‍
IX774 എയര്‍ ഇന്ത്യ എക്‌സ്പ്രസ് - ദോഹ ടു കണ്ണൂര്‍
IX718 എയര്‍ ഇന്ത്യ എക്‌സ്പ്രസ് - അബുദാബി ടു കണ്ണൂര്‍
.

കേരളത്തില്‍നിന്നുള്ള  നിരവധി വിമാനങ്ങൾ റദ്ദാക്കി; സര്‍വീസുകൾ ഇവ

തിരുവനന്തപുരം: കേരളത്തിൽ വരും ദിവസങ്ങളിൽ ഒറ്റപ്പെട്ട ഇടങ്ങളിൽ ശക്തമായ മഴക്ക് സാധ്യത. മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിൽ യെല്ലോ അലർട്ട് പ്രഖ്യാപിച്ചു.നാളെ കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, തൃശൂർ, എറണാകുളം, ആലപ്പുഴ ജില്ലകളിൽ യെല്ലോ അലർട്ടാണ്.
ബംഗാൾ ഉൾക്കടലിന് മുകളിലും, തെക്കൻ ഉത്തർപ്രദേശിന് മുകളിലും രൂപപ്പെട്ട ചക്രവാതചുഴിയും ശക്തമായി തുടരുന്ന പടിഞ്ഞാറൻ കാറ്റുമാണ് മഴക്ക് കാരണം. അതേസമയം, കാസറഗോഡ് ജില്ലയിൽ ഉയർന്ന തിരമാല ജാഗ്രത നിർദ്ദേശം നൽകിയിട്ടുണ്ട്. കുഞ്ചത്തൂർ മുതൽ കോട്ടക്കുന്ന് വരെ ഉയർന്ന തിരമാലക്കും കടലാക്രമണത്തിനും സാധ്യതയുണ്ട്. ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണമെന്നും നിർദേശമുണ്ട്.

സംസ്ഥാനത്ത് വരും ദിവസങ്ങളിൽ ഒറ്റപ്പെട്ട ഇടങ്ങളിൽ ശക്തമായ മഴക്ക് സാധ്യത

തിരുവനന്തപുരം: ഹൃദയാഘാതത്തെ തുടര്‍ന്ന് ചികിത്സയില്‍ കഴിയുന്ന മുന്‍ മുഖ്യമന്ത്രി വി.എസ്. അച്യുതാനന്ദന്റെ ആരോഗ്യനിലയില്‍ നേരിയ പുരോഗതിയെന്ന് മെഡിക്കല്‍ ബുള്ളറ്റിന്‍. ആരോഗ്യനില മോശമായതിനെ തുടര്‍ന്ന് തിങ്കളാഴ്ചയാണ് അച്യുതാനന്ദനെ തിരുവനന്തപുരം എസ്.യു.ടി ആശുപത്രിയില്‍ പ്രവേശിപ്പിച്ചത്.
ഏറെനാളായി വിശ്രമജീവിതം നയിച്ചുവരികയാണ് വി.എസ്. 101 വയസാണ് അദ്ദേഹത്തിന്‍റെ പ്രായം. നിലവില്‍ കാര്‍ഡിയോളജിസ്റ്റ്, ന്യൂറോളജിസ്റ്റ്, ഇന്റര്‍സിവിസ്റ്റ്, നെഫ്രോളജിസ്റ്റ് തുടങ്ങിയ വിഭാഗങ്ങളിലെ വിദഗ്ധ ഡോക്ടര്‍മാരുടെ നേതൃത്വത്തിലാണ് ചികിത്സ തുടരുന്നത്.

വി.എസ്. അച്യുതാനന്ദന്റെ ആരോഗ്യനിലയില്‍ നേരിയ പുരോഗതി

തിരുവനന്തപുരം: എസ് യു ടി ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രിയും സിപിഎമ്മിന്റെ മുതിർന്ന നേതാവുമായ വി.എസ്. അച്യുതാനന്ദനെ സന്ദർശിച്ച് മുഖ്യമന്ത്രി പിണറായി വിജയൻ. രാവിലെ 11.15 ഓടെയാണ് മുഖ്യമന്ത്രി ആശുപത്രിയിലെത്തിയത്. മാധ്യമങ്ങളോട് പ്രതികരിക്കാതെ മുഖ്യമന്ത്രി മടങ്ങി.
ഹൃദയാഘാതത്തെ തുടർന്നാണ് തിങ്കളാഴ്ച രാവിലെ വിഎസിനെ ആശുപത്രിയിൽ പ്രവേശിപ്പിച്ചത്. നിലവിൽ അദ്ദേഹത്തിന്റെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചിട്ടുണ്ട്. ഏറെനാളായി വിശ്രമജീവിതം നയിച്ചുവരികയാണ് വി.എസ്. 101 വയസാണ്.

വിഎസിനെ സന്ദർശിച്ച് മുഖ്യമന്ത്രി പിണറായി വിജയൻ

അബുദാബി/കൊച്ചി: ഇറാഖിലെയും ഖത്തറിലെയും യുഎസ് സൈനികതാവളങ്ങളില്‍ ഇറാന്‍ നടത്തിയ ആക്രമണങ്ങളെതുടര്‍ന്ന് യുഎഇയിലേക്കും തിരിച്ചുമുള്ള നിരവധി വിമാനസര്‍വീസുകള്‍ റദ്ദാക്കി. യുഎഇ വ്യോമപാതകള്‍ താത്ക്കാലികമായി അടച്ചിരിക്കുകയാണെന്ന് ലൈവ് ഫ്ളൈറ്റ് ട്രാക്കിങ് വെബ്സൈറ്റ് ഫ്ളൈറ്റ് റഡാര്‍ വ്യക്തമാക്കുന്നുണ്ട്. ഖത്തറിലെ യുഎസ് സൈനികതാവളങ്ങളിലെ ആക്രമണത്തെതുടര്‍ന്ന് മേഖലയിലെ സാഹചര്യം സൂക്ഷ്മമായി നിരീക്ഷിക്കുന്നുണ്ടെന്ന് യുഎഇ വിമാനകമ്പനിയായ ഫ്ളൈ ദുബായ് അറിയിച്ചു.
ഇറാന്റെ ആക്രമണമുണ്ടാകുമെന്ന മുന്നറിയിപ്പിനെ തുടര്‍ന്ന് ഖത്തര്‍ വ്യോമപാത നേരത്തേ അടച്ചിരുന്നു. പിന്നാലെ സുരക്ഷാനടപടികളുടെ ഭാഗമായി താത്കാലികമായി വ്യോമപാത അടച്ചിടുകയാണെന്ന് ബഹ്‌റൈനും അറിയിച്ചു. ഇറാന്റെ മിസൈല്‍ ആക്രമണത്തിന് പിന്നാലെ ഖത്തർ, ബഹ്റൈൻ, യുഎഇ എന്നീ രാജ്യങ്ങളില്‍നിന്നുള്ള വ്യോമഗതാഗതം നിശ്ചലമായ അവസ്ഥയിലാണെന്ന് ഫ്‌ളൈറ്റ് റഡാര്‍ വെബ്‌സൈറ്റ് സൂചിപ്പിക്കുന്നു. അതേസമയം, ഇന്ത്യൻസമയം ചൊവ്വാഴ്ച പുലർച്ചെ രണ്ടുമണിയോടെ കുവൈത്തും ബഹ്റൈനും വ്യോമപാത തുറന്നതായി സിഎൻഎൻ റിപ്പോർട്ട് ചെയ്തു. ഖത്തർ വ്യോമപാത അടച്ചതിനാൽ കേരളത്തിൽ നിന്ന് ഗൾഫ് മേഖലകളിലേക്കുള്ള നിരവധി വിമാനങ്ങളും റദ്ദാക്കിയിട്ടുണ്ട്.

ഖത്തറും ബഹ്റൈനും വ്യോമപാത അടച്ചു;വിമാനങ്ങൾ റദ്ദാക്കി

Search Results for: honor