കൊച്ചി: കരുവന്നൂർ കള്ളപ്പണ ഇടപാട് കേസിൽ സി.പി.എമ്മിനെ എൻഫോഴ്‌സ്‌മെന്റ് ഡയറക്ടറേറ്റ് പ്രതി ചേർത്തു. കരുവന്നൂർ ബാങ്കിൽ നിന്നും തട്ടിയെടുത്ത പണം പാർട്ടി കൈപ്പറ്റിയെന്നും ഇ.ഡി. സി.പി.എമ്മിന്റേതും സ്വകാര്യ വ്യക്തികളുടേതും ഉള്‍പ്പെടെ 29.5 കോടി രൂപയുടെ സ്വത്തുവകകളും ഇ.ഡി. കണ്ടുകെട്ടി.
സി.പി.എമ്മിന്റെ 76 ലക്ഷത്തോളം രൂപയുടെ സ്വത്തുക്കൾ കണ്ടുകെട്ടിയവയിൽ ഉൾപ്പെട്ടിട്ടുണ്ടെന്നാണ് റിപ്പോർട്ട്. പാർട്ടിയുടെ എട്ട് അക്കൗണ്ടുകളും പൊറത്തിശ്ശേരി പാർട്ടി കമ്മിറ്റി ഓഫീസ് നിര്‍മിക്കാന്‍ വാങ്ങിയ ഭൂമിയും കണ്ടുകെട്ടിയിട്ടുണ്ട്. തൃശ്ശൂർ ജില്ലാ സെക്രട്ടറി എന്ന നിലയില്‍ എം.എം. വര്‍ഗീസിന്റെ പേരിലാണ് സ്വത്തുക്കള്‍.സി.പി.എമ്മിന്റേതടക്കം ഒമ്പത് പേരുടെ സ്വത്തുക്കളാണ് കണ്ടുകെട്ടിയത്. പ്രതിചേർക്കപ്പെട്ട മറ്റ് വ്യക്തികൾ അനധികൃതമായി ബാങ്കിൽ നിന്നും പണം സമ്പാദിച്ചവരാണ്.&nbsp;

കരുവന്നൂർ ഇടപാടിൽ സിപിഎമ്മിനെ പ്രതിചേർത്ത് ഇ.ഡി, സ്വത്തുക്കളും കണ്ടുകെട്ടി

കണ്ണൂർ: സി.പി.എം നേതാവ് പി. ജയരാജനെതിരെ വീണ്ടും ഗുരുതര ആരോപണങ്ങളുമായി സി.പി.എം ജില്ല കമ്മിറ്റിയിൽനിന്ന് പുറത്തായ മനു തോമസ്. ഫേസ്ബുക്ക് കുറിപ്പിലാണ് മനു, ജയരാജനെതിരെ രംഗത്തുവന്നത്. പി. ജയരാജനെ സംവാദത്തിന് ക്ഷണിച്ചപ്പോള്‍ കൊലവിളിയുമായി എത്തിയത് ക്വട്ടേഷന്‍-സ്വര്‍ണം പൊട്ടിക്കല്‍ മാഫിയ സംഘത്തലവന്മാരാണെന്ന് മനു തോമസ് പറഞ്ഞു. ടി.പി. ചന്ദ്രശേഖരൻ വധവും ശുഹൈബ് വധവും വിപ്ലവമായിരുന്നില്ല, വൈകൃതമായിരുന്നുവെന്നും പോസ്റ്റില്‍ പറയുന്നുണ്ട്.
ഭീഷണിപ്പെടുത്താന്‍ ആരെങ്കിലും ചുമതലപ്പെടുത്തിയിട്ടുണ്ടോ എന്ന് മറുപടി പറയേണ്ട ബാധ്യത സി.പി.എം നേതൃത്വത്തിനാണ്. കൊലവിളി നടത്തിയ സംഘത്തലവന്മാരോട്, നിങ്ങള്‍ പറയുന്ന ഈ പ്രതിരോധം ആര്‍ക്ക് വേണ്ടിയാണെന്നും എന്തിനാ​ണെന്നും കൃത്യമായ ബോധ്യമുണ്ടെന്നും മനു തോമസ് പറയുന്നുണ്ട്. 'കൂടുതല്‍ പറയിപ്പിക്കരുത്. ജനിച്ചാല്‍ ഒരിക്കല്‍ മരിക്കണം. അത് നട്ടെല്ല് നിവര്‍ത്തി നിന്ന് സമരം ചെയ്യുന്നതിനിടെ ആയിരിക്കണം. ഒറ്റയ്ക്കായാലും സംഘടനയില്‍ നിന്നുകൊണ്ടായാലും. ആരാന്റെ കണ്ണീരും സ്വപ്‌നവും തകര്‍ത്ത് കിട്ടുന്ന സന്തോഷത്തിലോ ക്വട്ടേഷന്‍ മാഫിയ സ്വര്‍ണപ്പണത്തിന്റെ തിളക്കത്തിലോ ഡിവൈന്‍ കമ്മ്യൂണിസ്റ്റ് ഫാന്‍സ് പരിവേഷത്തിലോ അഭിരമിക്കുന്നവര്‍ക്ക് അത് അറിയണമെന്നില്ല. കൊല്ലാനാകും, പക്ഷേ നാളെയുടെ നാവുകള്‍ നിശ്ശബ്ദമായിരിക്കില്ല. അതുകൊണ്ട് തെല്ലും ഭയവുമില്ല. -എന്നും പോസ്റ്റില്‍ മനു തോമസ് പറയുന്നു.
മനുവിനെ വെല്ലുവിളിച്ച് ശുഹൈബ് വധക്കേസ് പ്രതി ആകാശ് തില്ല​ങ്കേരിയും സ്വർണ​ക്കടത്ത് കേസ്​ പ്രതി അർജുൻ ആയങ്കിയും രംഗത്തുവന്നിരുന്നു. മനു തോമസിന് അഭിവാദ്യം നേർന്ന പഴയ പോസ്റ്റിലായിരുന്നു തില്ല​ങ്കേരിയുടെ ഭീഷണി. എന്തും പറയാന്‍ പറ്റില്ലെന്ന് ബോധ്യപ്പെടുത്താന്‍ സംഘടനക്ക് അധിക സമയം വേണ്ടെന്ന് ഓര്‍ത്താല്‍ നല്ലതെന്നായിരുന്നു മുന്നറിയിപ്പ്. ബിസിനസ് പരിപോഷിപ്പിക്കാന്‍ രാഷ്ട്രീയത്തിലേക്ക് വന്നയാളെന്നായിരുന്നു അര്‍ജുന്‍ ആയങ്കിയുടെ ഫേസ്ബുക്ക് കുറിപ്പ്. ഈ പോസ്റ്റ് പിന്നീട് നീക്കം ചെയ്തു. റെഡ് ആര്‍മിയെന്ന ഫേസ്ബുക്ക്പേജും മനു തോമസിനെതിരെ രംഗത്തെത്തിയിരുന്നു. പാര്‍ട്ടിയേയും പാര്‍ട്ടി നേതാക്കളെയും ഇല്ലാക്കഥകള്‍ പറഞ്ഞ് അപമാനിക്കാന്‍ നില്‍ക്കരുതെന്നായിരുന്നു റെഡ് ആര്‍മിയുടെ മുന്നറിയിപ്പ്.

ടി.പി. വധവും ശുഹൈബ് വധവും വിപ്ലവമല്ല, വൈകൃതം; കൊല്ലാനാകും...പക്ഷേ നാളെയുടെ നാവുകൾ നിശ്ശബ്ദമായിരിക്കില്ല; ജയരാജനെതിരെ മനുതോമസ്

നാദാപുരം: കേരള പോലീസ് അസോസിയേഷൻ 38ാം ജില്ലാ സമ്മേളനത്തിന്റെ ഭാഗമായുള്ള സ്വാഗതസംഘം ഓഫീസ് നാദാപുരം പോലീസ് ബാരക്കിൽ ഡിവൈഎസ്പി ഷൈജു പി എൽ ഉദ്ഘാടനം നിർവഹിച്ചു. ജൂലൈ 19, 20 തീയ്യതികളായി നാദാപുരത്ത് വെച്ചാണ് ( ഓത്തിയിൽ ഓഡിറ്റോറിയം) ജില്ലാ സമ്മേളനം നടക്കുന്നത്.
സ്വാഗതസംഘം ചെയർമാൻ ജിതേഷ് വി അധ്യക്ഷത വഹിച്ച ചടങ്ങിൽ കൺവീനർ ശരത്ത് കൃഷ്ണ.പി സ്വാഗതവും ജില്ലാ കമ്മിറ്റി അംഗം സുരേഷ് കുമാർ നന്ദിയും പറഞ്ഞു. കേരള പോലീസ് ഓഫീസ് അസോസിയേഷൻ ജില്ലാ കമ്മിറ്റി അംഗം അനിൽ കുമാർ ആശംസകൾ അറിയിച്ചു സംസാരിച്ചു. കെ പി എ ജില്ലാ സെക്രട്ടറി സുഖിലേഷ് , പ്രസിഡൻ്റ് ഷനോജ്, ജില്ലാ ട്രഷറർ സജിത്ത് , സംസ്ഥാന നിർവാഹക സമിതി അംഗം സുധീഷ് കെ എന്നിവർ ഉൾപ്പെടെ സംഘടനയുടെ ജില്ലാ, സംസ്ഥാന ഭാരവാഹികൾ ചടങ്ങിൽ പങ്കെടുത്തു.

കേരള പോലീസ് അസോസിയേഷൻ ജില്ലാ സമ്മേളനം; സ്വാഗതസംഘം ഓഫീസ് തുറന്നു

Nadapuram

ന്യൂഡല്‍ഹി: നീറ്റ് വിഷയത്തില്‍ ലോക്‌സഭയില്‍ വലിയ ബഹളമാണ് വെള്ളിയാഴ്ച ഉണ്ടായത്. പരീക്ഷാ ക്രമക്കേടുകള്‍ ചര്‍ച്ചചെയ്യണമെന്ന് ആവശ്യപ്പെട്ട് ലോക്‌സഭയില്‍ പ്രതിപക്ഷം നല്‍കിയ അടിയന്തരപ്രമേയ നോട്ടീസിന് സ്പീക്കര്‍ അനുമതി നിഷേധിച്ചതോടെ ഇന്ത്യ മുന്നണി അംഗങ്ങള്‍ പ്രതിഷേധിച്ചതാണ് സഭ പ്രക്ഷുബ്ധമാക്കിയത്. നീറ്റ് വിഷയം പാര്‍ലമെന്റില്‍ ഉന്നയിക്കുന്നതിനിടെ പ്രതിപക്ഷ നേതാവ് രാഹുല്‍ ഗാന്ധിയുടെ മൈക്ക് ഓഫ് ചെയ്‌തെന്ന ആരോപണവുമായി കോണ്‍ഗ്രസ് രംഗത്തെത്തി.
കോണ്‍ഗ്രസ് എംപി ദീപേന്ദര്‍ ഹൂഡയാണ് ആരോപണവുമായി രംഗത്തെത്തിയത്. രാഹുല്‍ ഗാന്ധിയുടെ മൈക്ക് ഓഫ് ചെയ്തതാണ് പ്രതിപക്ഷ പ്രതിഷേധത്തിന് ഇടയാക്കിയതെന്ന് അദ്ദേഹം പറഞ്ഞു. തുടര്‍ച്ചയായി സംഭവിച്ച പരീക്ഷാ പേപ്പര്‍ ചോര്‍ച്ച രാജ്യത്തെ യുവാക്കുളുടെ ഭാവി താറുമാറാക്കിയിരിക്കുകയാണെന്ന് അദ്ദേഹം ആരോപിച്ചു.കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ ഉത്തരവാദിത്വത്തില്‍നിന്ന് ഓടിയൊളിക്കുകയാണ്. ഈ വിഷയം സഭയില്‍ ഉന്നയിക്കുന്നതിനെ രാഹുല്‍ ഗാന്ധിയുടെ മൈക്ക് ഓഫ് ചെയ്തു. ഇതോടെയാണ് പ്രതിപക്ഷ അംഗങ്ങള്‍ പ്രതിഷേധവുമായി രംഗത്തെത്തയതെന്നും അദ്ദേഹം പറഞ്ഞു.&nbsp;

ലോക്‌സഭയില്‍ സംസാരിക്കുന്നതിനിടെ രാഹുല്‍ ഗാന്ധിയുടെ മൈക്ക് ഓഫ് ചെയ്‌തെന്ന് കോണ്‍ഗ്രസ്

വടകര: മണിയൂർ ഗവർമെൻറ് ഹയർസെക്കൻഡറി സ്കൂളിൽ ജില്ലാ പഞ്ചായത്ത് വാർഷിക പദ്ധതി പ്രകാരം പുതുതായി നിർമ്മിച്ച ലാബ് കെട്ടിടവും ടോയ്ലറ്റ് സമുച്ചയവും ഉത്ഘാടനം ചെയ്തു. ലാബ് കെട്ടിടം ജില്ലാ പഞ്ചായത്ത് പ്രസിഡണ്ട് ഷീജ ശശിയും ടോയ്ലറ്റ് സമുച്ചയം ജില്ലാ പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ നിഷ പുത്തൽ പുരയിലും ഉദ്ഘാടനം നിർവ്വഹിച്ചു. പ്ലസ്ടു പരിക്ഷയിൽ ഉന്നത വിജയം നേടിയ കുട്ടികളെ അനുമോദിച്ചു. പൊതുമരാമത്ത് സ്റ്റാറ്റിങ്ങ് കമ്മറ്റി ചെയർ പേയ്സൺ കെ.വി റീന അദ്ധ്യക്ഷ വഹിച്ച ചടങ്ങിൽ പി.ടി.എ പ്രസിഡന്റ് സുനിൽമുതുവന ,ഹെഡ്മാസ്റ്റർ രാജിവൻ വളപ്പിൽ കുനി, പ്രിൻസിപ്പാൾ അനിൽകുമാർ കെ.വി, കെ ബാബു , പ്രമോദ് മൂഴിക്കൽ, രജീഷ്സി.എം ,ഷിജിത്ത് എം എന്നിവർ സംസാരിച്ചു.

ലാബ് കെട്ടിടവും ടോയ്ലറ്റ് സമുച്ചയവും ഉദ്ഘാടനം ചെയ്തു

Vadakara

രുചികരമായ ലിവർ ഫ്രൈ ഉണ്ടാക്കി നോക്കിയാലോ.&nbsp;

ആവശ്യമുള്ള സാധനങ്ങൾ:
<ol>
<li>ചിക്കൻ / മട്ടൻ / ബീഫ് ലിവർ- അര കിലോ</li>
<li>സവാള ചെറുതായി അരിഞ്ഞത്- ഒന്ന്</li>
<li>ചുവന്നുള്ളി അരിഞ്ഞത് - നാല്</li>
<li>ഇഞ്ചി വെളുത്തുള്ളി ചതച്ചത് - രണ്ടു ടേബിൾ സ്പൂണ്‍</li>
<li>(ഇഞ്ചി കുറച്ചും വെളുത്തുള്ളി കൂട്ടിയും എടുക്കണം)</li>
<li>പച്ചമുളക് കീറിയത് - നാല്</li>
<li>തക്കാളി - ഒന്ന്</li>
<li>കറിവേപ്പില- രണ്ട് തണ്ട്</li>
<li>മുളക്പൊടി - ഒരു ടീസ്പൂണ്‍</li>
<li>കുരുമുളക് പൊടി - ഒരു ടേബിൾസ്പൂണ്‍</li>
<li>മഞ്ഞൾപ്പൊടി - കാൽ ടീസ്പൂണ്‍</li>
<li>ഇറച്ചി മസാല - അര ടീസ്പൂണ്‍</li>
<li>കടുക് - അര ടീസ്പൂണ്‍</li>
<li>വെളിച്ചെണ്ണ ആവശ്യത്തിന്</li>
<li>ഉപ്പ് പാകത്തിന്.</li>
</ol>
പാകം ചെയ്യുന്ന വിധം:
ലിവർ ചെറിയ കഷ്ണങ്ങളാക്കി മഞ്ഞൾ വെള്ളത്തിൽ മുക്കി വെക്കുക. എന്നിട്ട്ചീനച്ചട്ടി അടുപ്പത്ത് വെച്ച് എണ്ണ ചൂടാകുമ്പോൾ കടുക് പൊട്ടിക്കുക, അതിലേക്ക് സവാള, ഉള്ളി, ഇഞ്ചിവെളുത്തുള്ളി ചതച്ചത് പച്ചമുളക് എന്നിവ ഇട്ടു വഴറ്റുക. ഇതിലേക്ക് മുളക്പൊടി, മഞ്ഞൾപ്പൊടി, കുരുമുളക്പൊടി, ഇറച്ചി മസാല എന്നിവ ചേർത്ത് വഴന്നു വരുമ്പോൾ തക്കാളി അറിഞ്ഞു വെച്ചിരിക്കുന്ന ഇളക്കുക. എന്നിട്ട് തീ കുറച്ചു ഒരു അടപ്പ് വെച്ച് ഒരു മിനിറ്റ് അത് മൂടി വെച്ച് വേവിക്കുക. ഒരു മിനിട്ടിനു ശേഷം വീണ്ടും ഇളക്കുക അതിലേക് ലിവർ കഷ്ണങ്ങൾ ചേർത്തിളക്കുക. അതിനു ശേഷം വെള്ളവും വളരെ കുറച്ചു ഉപ്പും ചേർത്ത് വേവിക്കുക. ഉപ്പു ആവശ്യത്തിനു അവസാനം മാത്രം ചേർത്താൽ മതി, ഇല്ലെങ്കിൽ കരൾ കഷ്ണങ്ങൾ കട്ടി ആയിപോകും. വെള്ളം കുറച്ചു ചേർത്ത് ഇരുപതു മിനിറ്റ് വേവിക്കുക, അധികം വേവിച്ചാൽ ലിവർ റബ്ബർ കഷ്ണങ്ങൾ പോലെ ആയിപോകും. കറി വെള്ളം വറ്റിച്ച് വരട്ടി എടുക്കുക, ഇതിലേക്ക് കറിവേപ്പിലയും മൂന്നാല് കുരുമുളക് ചതച്ചതും അല്പ്പം വെളിച്ചെണ്ണയും ചേർത്ത് ചൂടോടെ വിളമ്പുക..&nbsp;

രുചികരമായ ലിവർ ഫ്രൈ ഉണ്ടാക്കാം

Health

അങ്കമാലി: താലൂക്ക് ആശുപത്രിയിലെ അത്യാഹിത വിഭാഗത്തില്‍ വ്യാഴാഴ്ച രാത്രി രോഗികളെ ബുദ്ധിമുട്ടിലാക്കി സിനിമാ ചിത്രീകരണം നടത്തിയെന്ന പരാതിയില്‍ നടപടിയുമായി മനുഷ്യാവകാശ കമ്മീഷന്‍.സര്‍ക്കാര്‍ ആശുപത്രിയിലെ അത്യാഹിത വിഭാഗത്തില്‍ സിനിമ ചിത്രീകരിക്കാന്‍ അനുമതി നല്‍കിയവര്‍ ഏഴ് ദിവസത്തിനകം വിശദീകരണം സമര്‍പ്പിക്കണമെന്ന് കമ്മീഷന്‍ അംഗം വി.കെ. ബീനാകുമാരി ആവശ്യപ്പെട്ടു.ജില്ല മെഡിക്കല്‍ ഓഫീസര്‍, അങ്കമാലി താലൂക്ക് ആശുപത്രി സൂപ്രണ്ട് എന്നിവര്‍ക്കാണ് കമ്മീഷന്‍ നിര്‍ദേശം നല്‍കിയത്.
ഫഹദ് ഫാസില്‍ നിര്‍മിക്കുന്ന 'പൈങ്കിളി' എന്ന സിനിമയാണ് ഇവിടെ ചിത്രീകരിച്ചത്. രാത്രി ഒമ്പത് മണിയോടെയാണ് ചിത്രീകരണം തുടങ്ങിയത്.അത്യാഹിത വിഭാഗത്തിലെ ലൈറ്റുകള്‍ മറച്ചും നിയന്ത്രണങ്ങള്‍ ഏര്‍പ്പെടുത്തിയുമായിരുന്നു ചിത്രീകരണമെന്നാണ് പരാതി.
അഭിനേതാക്കള്‍ ഉള്‍പ്പെടെ 50 ഓളം പേര്‍ അത്യാഹിത വിഭാഗത്തില്‍ ഉണ്ടായിരുന്നു. ഡോക്ടര്‍മാര്‍ ചികിത്സ തുടരുന്നതിനിടയിലും സിനിമാ ചിത്രീകരണം നടന്നുവെന്നാണ് മനസ്സിലാക്കുന്നത്. പരിമിതമായ സ്ഥലമാണ് അത്യാഹിത വിഭാഗത്തിലുള്ളത്.പ്രധാന കവാടത്തിലൂടെ ആരെയും കടത്തിവിട്ടുമില്ല. ചിത്രീകണ സമയത്ത് നിശബ്ദത പാലിക്കാന്‍ അണിയറ പ്രവര്‍ത്തകര്‍ രോഗികളോടും കൂട്ടിരിപ്പുകാരോടും നിര്‍ദേശിക്കുന്നുണ്ടായിരുന്നു. രണ്ടുദിവസമാണ് ചിത്രീകരണം നടക്കുന്നത്

താലൂക്കാശുപത്രിയിലെ അത്യാഹിതവിഭാഗത്തിൽ സിനിമാഷൂട്ടിങ്, നടപടിയുമായി  മനുഷ്യാവകാശ കമ്മീഷൻ

Kerala

ആയഞ്ചേരി: വള്ള്യാട് നോർത്ത് എം എൽ പി സ്കൂളിൽ വായന വാരാചരണത്തിന്റെ ഭാഗമായി കുട്ടികളിൽ വായന ശീലം പ്രോത്സാഹിപ്പിക്കാനാവശ്യമായ വിവിധങ്ങളായ പരിപാടികൾ നടപ്പാക്കുന്നു. വായനാ വാരാചാരണത്തിന്റെ ഭാഗമായി ഒരുക്കിയ 'വായന മൂല' യുടെയും വിദ്യാരംഗം കലാസാഹിത്യ വേദിയുടെയും ഉദ്ഘാടനം പി ടി എ പ്രസിഡന്റ്‌ കരീം പിലാക്കി, ഹെഡ് മിസ്ട്രസ്സ് അനിത എന്നിവരുടെ സാന്നിധ്യത്തിൽ പ്രശസ്ത കവി ഹരീഷ് പഞ്ചമി നിർവഹിച്ചു. അധ്യാപികമാരായ പ്രിയകുമാരി,ആമിന , സജിഷ , ബിജിത, പുഷ്പ എന്നിവർ നേതൃത്വം നൽകി. സ്കൂളിലൊരുക്കിയ വായന മൂല വിദ്യാർത്ഥികൾക്ക് നവ്യാനുഭവമായി.

'വായന മൂല'ക്ക് തുടക്കം കുറിച്ചു

വടകര: എസ് ജി എം എസ് ബി സ്കൂളിൽ വിദ്യാരംഗം സാഹിത്യ വേദി ഉദ്ഘാടനവും വായനാവാരം സമാപന പരിപാടികളും സംഘടിപ്പിച്ചു. പ്രശസ്ത നാടൻപാട്ട് കലാകാരനും അധ്യാപകനുമായ സജീവൻ ചെമ്മരത്തൂർ പരിപാടി ഉദ്ഘാടനം ചെയ്തു. നമ്മളിലുള്ള കലാപരമായ സൗന്ദര്യത്തെ കണ്ടെത്തി തിരിച്ചറിഞ്ഞ് അവ പരിപോഷിപ്പിക്കേണ്ടതിന്റെ ആവശ്യകത അദ്ദേഹം വ്യക്തമാക്കി. ബി ശാലിനി സ്വാഗതം പറഞ്ഞ പരിപാടിയിൽ കെ ശ്രീജ അധ്യക്ഷ പദവി അലങ്കരിച്ചു. എസ് നീതുശ്രീ ആശംസയും എം സരിത നന്ദിയും പറഞ്ഞു. ഗൗരി എല്‍, ഹിവ സി കെ, സിനയ് ദേവ്, ഹൃദി കൃഷ്ണ എന്നിവർ നേതൃത്വം നൽകി.

വിദ്യാരംഗം സാഹിത്യ വേദി ഉദ്ഘാടനവും വായനാവാര സമാപനവും

ചോമ്പാല: വിലക്കയറ്റം നിയന്ത്രിക്കാൻ സർക്കാർ വിപണിയിൽ ഇടപെടുക എന്നാവശ്യപ്പെട്ട് എസ് ഡി പി ഐ ചോമ്പാൽ ഹാർബറിൽ പ്രഭാത ധർണ സംഘടിപ്പിച്ചു. പ്രതിഷേധ പരിപാടി വടകര മണ്ഡലം പ്രസിഡണ്ട്‌ ഷംസീർ ചോമ്പാല ഉത്ഘാടനം ചെയ്തു. ജനങ്ങൾക്ക് ജീവിക്കാൻ കഴിയാത്ത വിധം നിത്യോപയോഗ സാധനങ്ങൾക്ക് ഉൾപ്പെടെ വില വൻ തോതിൽ വർധിച്ചിട്ടും സർക്കാർ വിപണിയിൽ ഇടപെടാതെ മാറി നിൽക്കുന്നത് ജനജീവിതം ഏറെ ദുസ്സഹമാക്കിയെന്നും ജനങ്ങളെ കൊള്ളയടിക്കാൻ കുത്തകകൾക്ക് വിപണി തുറന്നിട്ട്‌ കൊടുക്കുന്ന കേന്ദ്ര സംസ്ഥാന സർക്കാരുകൾക്കെതിരെ ജനാരോഷം ഉയരണമെന്നും ഉത്ഘാടനപ്രസംഗത്തിൽ ഷംസീർ ചോമ്പാല പറഞ്ഞു. റഹീസ് മാടാക്കര, അഷറഫ് വി എം, റഹീസ് ചോമ്പാല എന്നിവർ സംസാരിച്ചു. റഹീസ് പി കെ, ജമാൽ കെ കെ, നൗഷാദ് എം കെ, അബൂബക്കർ ചിള്ളിയിൽ, നിസാർ കെ കെ, ഷഹീർ കെ പി, റിഷാദ് തുടങ്ങിയവർ നേതൃത്വം നൽകി.

വിലക്കയറ്റത്തിനെതിരെ എസ് ഡി പി ഐ പ്രഭാത ധർണ

പെ​രി​ന്ത​ല്‍മ​ണ്ണ: ഒ​റ്റ​ക്ക് താ​മ​സി​ച്ച വ​യോ​ധി​ക​യെ വീ​ട്ടി​ല്‍ അ​തി​ക്ര​മി​ച്ചു​ക​യ​റി പീ​ഡി​പ്പി കേ​സി​ല്‍ ര​ണ്ടു​പേ​രെ ക​ഠി​ന​ത​ട​വി​നും പി​ഴ​ക്കും ശി​ക്ഷി​ച്ചു. കൂ​ട്ടി​ല​ങ്ങാ​ടി സ്വ​ദേ​ശി​ക​ളാ​യ ഒ​ന്നാം​പ്ര​തി കാ​രാ​ട്ടു​പ​റ​മ്പ് ചാ​ത്ത​ന്‍കോ​ട്ടി​ല്‍ ഇ​ബ്രാ​ഹിം(37), കാ​രാ​ട്ടു​പ​റ​മ്പ് വ​ട​ക്കേ​തൊ​ടി വി​നോ​ദ്(45) എ​ന്നി​വ​രെ​യാ​ണ് പെ​രി​ന്ത​ല്‍മ​ണ്ണ അ​തി​വേ​ഗ പ്ര​ത്യേ​ക കോ​ട​തി ശി​ക്ഷി​ച്ച​ത്.
ഇ​ബ്രാ​ഹി​മി​നെ വി​വി​ധ വ​കു​പ്പു​ക​ളി​ലാ​യി 45 വ​ര്‍ഷം ക​ഠി​ന​ത​ട​വി​നും 1.05 ല​ക്ഷം രൂ​പ പി​ഴ​യ​ട​ക്കു​ന്ന​തി​നും അ​ട​ച്ചി​ല്ലെ​ങ്കി​ല്‍ ര​ണ്ടു​വ​ര്‍ഷം അ​ധി​ക​ത​ട​വി​നു​മാ​ണ് ശി​ക്ഷി​ച്ച​ത്. വി​നോ​ദി​ന് 25 വ​ര്‍ഷം ക​ഠി​ന​ത​ട​വും 55,000 രൂ​പ പി​ഴ​യു​മാ​ണ് ശി​ക്ഷ. പ​രാ​തി​ക്കാ​രി​യു​ടെ വീ​ട്ടി​ലേ​ക്ക് ര​ണ്ടാം​പ്ര​തി​യു​ടെ സ​ഹാ​യ​ത്തോ​ടെ ഒ​ന്നാം​പ്ര​തി അ​തി​ക്ര​മി​ച്ചു​ക​യ​റി ലൈം​ഗി​ക പീ​ഡ​ന​ത്തി​നി​ര​യാ​ക്കു​ക​യും ര​ണ്ടാം പ്ര​തി നോ​ക്കി നി​ല്‍ക്കു​ക​യും പു​റ​ത്തു​പ​റ​ഞ്ഞാ​ല്‍ കൂ​ടു​ത​ല്‍ ആ​ളു​ക​ളെ കൊ​ണ്ടു​വ​രു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്‌​തെ​ന്നാ​ണ് കേ​സ്.

വയോധികയെ പീഡിപ്പിച്ച പ്രതികൾക്ക് കഠിനതടവും പിഴയും

ന്യൂഡല്‍ഹി: ഭൂമി ഇടപാടുമായി ബന്ധപ്പെട്ട അഴിമതിക്കേസില്‍ ഝാര്‍ഖണ്ഡ് മുന്‍ മുഖ്യമന്ത്രിയും ജെഎംഎം നേതാവുമായ ഹേമന്ത് സോറന് ജാമ്യം. ഝാര്‍ഖണ്ഡ് ഹൈക്കോടതിയാണ് ജാമ്യം അനുവദിച്ചത്.അറസ്റ്റിലായി അഞ്ച് മാസത്തിന് ശേഷമാണ് സോറന് ജാമ്യം കിട്ടുന്നത്. നേരത്തെ നിയമസഭയില്‍ നടന്ന വിശ്വാസ വോട്ടെടുപ്പില്‍ പങ്കെടുക്കാന്‍ അദ്ദേഹത്തിന് കോടതി അനുമതി നല്‍കിയിരുന്നു.
ഝാര്‍ഖണ്ഡ് നിയമസഭാ തിരഞ്ഞെടുപ്പിന് മാസങ്ങള്‍ മാത്രം ശേഷിക്കെയാണ് ഹേമന്ത് സോറന്റെ ജാമ്യം.വ്യാജരേഖ ചമച്ച് ആദിവാസിഭൂമി തട്ടിയെടുത്തു, ഖനനവകുപ്പിന്റെ ചുമതല ദുരുപയോഗംചെയ്ത് റാഞ്ചിയിൽ 0.88 ഏക്കർ ഖനിയുടെ പാട്ടക്കരാർ നേടി എന്നിവയടക്കം മൂന്നുകേസുകളാണ് ഇ.ഡി. രജിസ്റ്റർചെയ്തിരിക്കുന്നത്. കഴിഞ്ഞ ജനുവരിയിലാണ് ഇ.ഡി. സോറനെ അറസ്റ്റുചെയ്തത്.

ഝാര്‍ഖണ്ഡ് മുന്‍ മുഖ്യമന്ത്രി ഹേമന്ത് സോറന് ജാമ്യം

ഹൈദരാബാദ്: ചായ ഉണ്ടാക്കി നൽകാത്തതിന്റെ പേരിൽ മരുമകളെ അമ്മായിയമ്മ കഴുത്ത് ഞെരിച്ച് കൊലപ്പെടുത്തി. ഹൈദരാബാദിൽ ഇന്നലെ ആണ് സംഭവം നടന്നത്. 28 കാരിയായ അജ്‌മിരി ബീഗം ആണ് മരിച്ചത്. പ്രതി ഫർസാനയെ പൊലീസ് അറസ്റ്റ് ചെയ്‌തിട്ടുണ്ട്.
ഇന്നലെ രാവിലയാണ് സംഭവമുണ്ടായത്. ചായ ഉണ്ടാക്കാൻ മരുകളോട് ഫർസാന ആവശ്യപ്പെട്ടു. എന്നാൽ, അജ്‌മീര ബീഗം അത് നിരസിച്ചതാണ് കൊലപാതകത്തിൽ കലാശിച്ചത്. ഇപ്പോൾ ചായ ഉണ്ടാക്കാൻ സമയമില്ലെന്നും വേറെ ജോലിയുണ്ടെന്നും അജ്‌മിരി പറഞ്ഞു. ചായ ചോദിച്ച് കുറേ നേരമായിട്ടും കിട്ടാതെ വന്നതോടെ ഇരുവരും തമ്മിൽ വാക്കുതർക്കം ഉണ്ടാകുകയും തുടർന്ന് ഫർസാന അടുക്കളയിലെത്തി അജ്‌മിരിയെ താഴെ തള്ളിയിട്ട ശേഷം ഷാൾ ഉപയോഗിച്ച് കഴുത്ത് ഞെരിച്ച് കൊല്ലുകയുമായിരുന്നു എന്ന് പൊലീസ് പറഞ്ഞു.സംഭവം നടക്കുമ്പോൾ അജ്‌മിരിയുടെ ഭർത്താവ് അബ്ബാസും രണ്ട് കുട്ടികളും വീട്ടിലില്ലായിരുന്നു. അമ്മായിയമ്മയും മരുമകളും തമ്മിൽ നിരന്തരം വഴക്കായിരുന്നുവെന്ന് പൊലീസ് പറഞ്ഞു.&nbsp;

ചായ ഉണ്ടാക്കി നൽകാത്തതിന്റെ പേരിൽ മരുമകളെ അമ്മായിയമ്മ കഴുത്ത് ഞെരിച്ച് കൊലപ്പെടുത്തി

National

കുറ്റ്യാടി: മൊകേരി ഗവ കോളേജ് വികസന പാതയിൽ. പുതിയ ബിൽഡിങ്ങുകളുടെ നിർമാണം പൂർത്തിയായി. പുതിയ പ്രൊജക്ടുകൾക്ക് സർക്കാർ അനുമതി നൽകി. കോളേജിൻ്റെ വികസന കാര്യത്തിൽ സർക്കാരിനെ കുറ്റ്യാടി മേഖല വിദ്യാഭ്യാസ സമിതി അഭിനന്ദിച്ചു. പ്രൊഫ: പി.കേളു അധ്യക്ഷത വഹിച്ചു. എൻ. കെ. ഹാഷിം, കെ.പി. സുരേഷ്, ജമാൽ പാറക്കൽ, എൻ.കെ. ശശി,സൽമാൻ സെഡ്. എ, എൻ. ബഷീർ , കെ.വി. മുനീർ, ഡോ: ജമാൽ മുഹമ്മദ്, ഡോ:സെഡ്. എ. അഷ്റഫ്, കെ.കെ.സക്കറിയ എന്നിവർ പ്രസംഗിച്ചു. കോളേജിൽ കൂടുതൽ കോഴ്സുകൾ തുടങ്ങണമെന്ന് ആവശ്യപ്പെട്ട് സംഘടന കെ.പി.കുഞ്ഞമ്മത് കുട്ടി എം.എൽ.എ. മുഖേന ഉന്നത വിദ്യാഭ്യാസ മന്ത്രിക്ക് നിവേദനം നൽകിയിരുന്നു. കുറ്റ്യാടി മേഖലയിൽ ഒരു പോളിടെക്നിക് തുടങ്ങണമെന്നും നിവേദനത്തിൽ ആവശ്യപ്പെട്ടിട്ടുണ്ട്.

മൊകേരി ഗവ കോളേജ് വികസന പാതയിൽ

Kuttiadi

ന്യൂഡൽഹി: ടി.പി.വധക്കേസിൽ ഹൈക്കോടതി വിധിക്കെതിരെ അന്തരിച്ച സിപിഎം നേതാവ് പി കെ കുഞ്ഞനന്തന്റെ ഭാര്യ വി പി ശാന്ത സുപ്രീം കോടതിയിൽ ഹർജി ഫയൽ ചെയ്തു. കേസിൽ കുഞ്ഞനന്തൻ കുറ്റക്കാരനാണെന്ന ഹൈക്കോടതി വിധിക്ക് എതിരെയാണ് ശാന്ത സുപ്രീം കോടതിയെ സമീപിച്ചിരിക്കുന്നത്. കുഞ്ഞനന്തന് ഒരു ലക്ഷം രൂപ പിഴ വിചാരണ കോടതി വിധിച്ചിരുന്നു. കുഞ്ഞനന്തൻ മരിച്ചതിനാൽ ഈ തുക ശാന്ത നൽകണം എന്നും ഹൈക്കോടതി ഉത്തരവിട്ടിരുന്നു. ഈ ഉത്തരവ് റദ്ദാക്കണം എന്നാണ് സുപ്രീം കോടതിയിൽ ഫയൽ ചെയ്ത ഹർജിയിൽ ശാന്ത ആവശ്യപ്പെട്ടിരിക്കുന്നത്.
ടി പി ചന്ദ്രശേഖരൻ വധക്കേസിൽ 13 ആം പ്രതിയായിരുന്ന പി കെ കുഞ്ഞനന്തന്‌ വിചാരണ കോടതി വിധിച്ചത് ജീവപര്യന്തം തടവ് ശിക്ഷയും, ഒരു ലക്ഷം രൂപ പിഴയുമാണ്. പിഴ അടയ്ക്കാത്ത സാഹചര്യത്തിൽ രണ്ട് വർഷം കൂടി തടവ് ശിക്ഷ അനുഭവിക്കണമെന്നും വിചാരണ കോടതി ഉത്തരവിട്ടിരുന്നു. വിചാരണ കോടതിയുടെ വിധിക്ക് എതിരായ അപ്പീൽ കേരള ഹൈക്കോടതിയുടെ പരിഗണനയിൽ ആയിരുന്നു.2020 ൽ ആണ് പി കെ കുഞ്ഞനന്തൻ മരിച്ചത്. തുടർന്ന് കേസിൽ കുഞ്ഞനന്തന്റെ ഭാര്യ വി പി ശാന്തയെ കേരള ഹൈക്കോടതി കക്ഷി ചേർത്തിരുന്നു.

'ടി പി ചന്ദ്രശേഖരൻ വധത്തിൽ കുഞ്ഞനന്തൻ നിരപരാധി'; ശിക്ഷയ്ക്കും പിഴയ്ക്കും എതിരെ ഭാര്യ സുപ്രീം കോടതിയിൽ

മണിയൂർ: പുതിയ അക്കാദമിക വർഷത്തിൽ രക്ഷകർതൃ സംഗമം "ചുവട്" വേറിട്ട അനുഭവമാക്കി മാറ്റി കുറുന്തോടി എം എൽ പി സ്കൂൾ. അക്കാദമിക കാര്യങ്ങളുടെ ചർച്ചയ്ക്കും പുതിയ കമ്മിറ്റി രൂപീകരണത്തിനും ഒപ്പം രക്ഷിതാക്കളുടെ സർഗാത്മക കൂട്ടായ്മയായ മൽഹാറിനും തുടക്കം കുറിച്ചു. പരിപാടിയുടെ ഉദ്ഘാടനം ഗായികയും മോട്ടിവേറ്ററുമായ ചെമ്മരത്തൂർ വെസ്റ്റ് എൽ പി സ്കൂൾ അധ്യാപിക റുഖിയ നിർവഹിച്ചു. ആശങ്കകൾ ഇല്ലാതെ അക്കാദമിക കാര്യങ്ങളിൽ രക്ഷിതാക്കൾക്ക് എങ്ങനെ ഇടപെടാം എന്ന ചർച്ചയോടൊപ്പം രക്ഷിതാക്കളുടെ കലാപരമായ കഴിവുകളുടെ പ്രകടനത്തിനുള്ള വേദി കൂടിയായി മാറി ചുവട് 2024. പിടിഎ പ്രസിഡണ്ട് നരേന്ദ്രനാഥ് അധ്യക്ഷത വഹിച്ച ചടങ്ങിൽ ഹെഡ്മിസ്ട്രസ് പ്രസീന , എം പി ടി എ പ്രസിഡണ്ട് റസീന എന്നിവർ സംസാരിച്ചു.

രക്ഷിതാക്കൾക്ക് പ്രവേശനോത്സവമൊരുക്കി കുറുന്തോടി എം എൽ പി സ്കൂൾ

വടകര: വായനമാസാചരണത്തിന്റെ ഭാഗമായി മേമുണ്ട ഹയർ സെക്കന്ററി സ്കൂൾ സംഘടിപ്പിച്ച 'കുഞ്ഞു വായന' പരിപാടി ശ്രദ്ധേയമായി. പാട്ടുകളിലൂടെയും കഥകളിലൂടെയും വായനയുടെയും പുസ്തകങ്ങളുടെയും പ്രാധാന്യം കുട്ടികളിലേക്ക് എത്തിക്കുന്ന ക്ലാസ്സ്‌ കൈകാര്യം ചെയ്തത് ശശിധരൻ മണിയൂർ ആണ്. വായനദിനത്തിൻ്റെ ഭാഗമായി മേമുണ്ട ഹയർസെക്കണ്ടറി സ്കൂളിൽ ഒരു മാസം നീണ്ടു നിൽക്കുന്ന പരിപാടികളാണ് ആസൂത്രണം ചെയ്തിരിക്കുന്നത്.&nbsp;
വായന ദിനത്തിൽ വിപുലീകരിച്ച ലൈബ്രറി സൗകര്യമുള്ള സ്കൂളിൽ യു പി വിഭാഗത്തിന് പ്രത്യേകമായുള്ള ലൈബ്രറിയുടെ ഉദ്ഘാടനം എഴുത്തുകാരിയും കവിയിത്രിയുമായ പി എസ് ബിന്ദുമോൾ നിർവ്വഹിച്ചു. പ്രശസ്ത കവി പ്രദീപ് തിരുവള്ളൂർ കുട്ടികളുമായി സംവദിച്ചു. വായന ക്വിസ്സ്, വായന മത്സരം, പുസ്തക ആസ്വാദനം, കഥാപാത്ര ആവിഷ്ക്കാരം, അമ്മ വായന, പുസ്തകത്തണലിൽ, എഴുത്തിൻ്റെ വേരുകൾ തേടി ഒരു യാത്ര, എഴുത്തുകാരോടൊപ്പം എന്നിങ്ങനെ വിവിധ പരിപാടികളാണ് സ്കൂളിൽ നടന്നു വരുന്നത്.

'കുഞ്ഞു വായന'യൊരുക്കി മേമുണ്ട ഹയർ സെക്കന്ററി

തിരുവനന്തപുരം: പൊട്ടിവീണ വൈദ്യുതി ലൈനിൽ ചവിട്ടി വയോധികന് ദാരുണാന്ത്യം. നടൂർകൊല്ല തൈത്തൂർ വിളാകത്ത് വീട്ടിൽ ബാബു (68) ആണ് മരിച്ചത്.
വെള്ളിയാഴ്ച രാവിലെ റോഡിലൂടെ നടന്നുവരുന്ന സമയത്താണ് വൈദ്യുതി ലൈനിൽ ചവിട്ടി ഷോക്കേറ്റ് മരണപ്പെട്ടത്. ദിവസങ്ങൾക്ക് മുമ്പാണ് സ്വകാര്യ വ്യക്തിയുടെ ഭൂമിയിലെ തെങ്ങ് മറിഞ്ഞ് വൈദ്യുതി ലൈനിനുമേൽ വീണത്. വൈദ്യുതി കമ്പി പൊട്ടിവീണത് സമീപവാസികൾ മാരായമുട്ടം കെഎസ്ഇബി ഓഫീസിൽ അറിയിച്ചിരുന്നെങ്കിലും അധികൃതർ നടപടി സ്വീകരിച്ചില്ലെന്ന് ആക്ഷേപം ഉയരുന്നുണ്ട്.
മാരായമുട്ടം പോലീസ് സ്ഥലത്തെത്തി മേൽനടപടികൾ സ്വീകരിച്ചു. മൃതദേഹം നെയ്യാറ്റിൻകര ജനറൽ ആശുപത്രി മോർച്ചറിയിലേക്ക് മാറ്റി.&nbsp;

വൈദ്യുതി കമ്പിയിൽ ചവിട്ടി വയോധികന് ദാരുണാന്ത്യം

തിരുവനന്തപുരം: വടകരയിൽ വിവാദമായ കാഫിർ പോസ്റ്റർ ഫേസ്ബുക്കിൽ പങ്കുവെച്ച വിഷയത്തിൽ മുൻ എം.എൽ.എ കെ.കെ. ലതികയെ നിയമസഭയിൽ ന്യായീകരിച്ച് മന്ത്രി എം.ബി രാജേഷ്. വർഗീയ പ്രചരണത്തിനെതിരായിട്ടാണ് കെ.കെ. ലതിക കുറിപ്പിട്ടതെന്നും പോസ്റ്റ് പിൻവലിച്ചത് പക്വമായ നടപടിയാണെന്നും നമ്മളിൽ പലരും പോസ്റ്റുകൾ പിൻവലിച്ചിട്ടില്ലെന്നും മന്ത്രി പറഞ്ഞു. സമൂഹമാധ്യമങ്ങളിലൂടെയുള്ള ഇത്തരം പ്രചരണങ്ങളെ സർക്കാർ കർശനമായി നേരിടുമെന്നും മന്ത്രി പറഞ്ഞു.
മന്ത്രിയുടെ ന്യായീകരണത്തിനിടെ പരിഹാസവുമായി പ്രതിപക്ഷം രംഗത്തെത്തി. ലതികയ്ക്ക് താമ്രപത്രം കൊടുത്തൂടെ എന്നായിരുന്നു എൽദോസ് കുന്നപ്പിളിയുടെ പരിഹാസം. താമ്രപത്രം കൊടുക്കണോ കുറ്റപത്രം കൊടുക്കണോയെന്ന് പറയുന്നില്ലെന്ന് മന്ത്രി മറുപടി പറഞ്ഞു.
കെ.കെ.രമയും മാത്യു കുഴൽനാടനുമാണ് പ്രതിപക്ഷത്തുനിന്ന് കാഫിർ​ പോസ്റ്റുമായി ബന്ധപ്പെട്ട ചോദ്യങ്ങൾ ഉന്നയിച്ചത്. വർഗീയ പ്രചാരണങ്ങളിൽ 17 കേസ് എടുത്തിട്ടുണ്ടെന്ന് വിശദീകരിച്ച മന്ത്രി എംബി രാജേഷ് കെ.കെ. ലതികക്കെതിരെ കേസെടുക്കാത്തതിനെ ന്യായീകരിച്ചു.കെ.കെ. ലതികയുടെ എഫ്ബി പോസ്റ്റ് വർഗീയ പ്രചാരണത്തിന് എതിരെയാണെന്നും ഫേസ്ബുക്കിൽ നിന്ന് മറുപടി ലഭിച്ചാൽ നടപടി സ്വീകരിക്കുമെന്നും മന്ത്രി വിശദീകരിച്ചു.
ലോക്‌സഭാ തെരഞ്ഞെടുപ്പുമായി ബന്ധപ്പെട്ടാണ് വടകര മണ്ഡലത്തിലെ എൽ.ഡി.എഫ് സ്ഥാനാർഥി കെ.​കെ. ശൈലജയെ കാഫിർ എന്ന് വിശേഷിപ്പിച്ചുള്ള വാട്സാപ് സ്ക്രീൻ ഷോട്ട് വ്യാപകമായി പ്രചരിച്ചത്.

‘കാഫിർ പോസ്റ്റ്’ വർഗീയതക്കെതിരെ: കെ.കെ. ലതികയെ ന്യായീകരിച്ച് മന്ത്രി എം.ബി രാജേഷ്

ന്യൂഡൽഹി: നീറ്റ്, നെറ്റ് പരീക്ഷാ ക്രമക്കേടുകൾ ചർച്ചചെയ്യണമെന്ന് ആവശ്യപ്പെട്ട് ലോക്സഭയിൽ പ്രതിപക്ഷം നൽകിയ അടിയന്തരപ്രമേയ നോട്ടീസിന് സ്പീക്കർ അനുമതി നിഷേധിച്ചു. ഇതിൽ പ്രതിഷേധിച്ച് പ്രതിപക്ഷം പ്രതിഷേധവുമായി രം​ഗത്തെത്തിയതോടെ സഭ പ്രഷുബ്ധമായി.
എൻ.കെ. പ്രേമചന്ദ്രൻ എംപിയാണ് അടിയന്തര പ്രമേയത്തിന് നോട്ടീസ് നൽകിയത്. ലോക്‌സഭാ വെബ്സൈറ്റിൽനിന്ന് അടിയന്തര പ്രമേയ നോട്ടീസ് നൽകാനുള്ള ഓപ്ഷൻ ഒഴിവാക്കിയതിന് പിന്നാലെ സ്പീക്കറുടെ ഓഫീസിൽ നേരിട്ടെത്തിയാണ് പ്രേമചന്ദ്രൻ നോട്ടീസ് നൽകിയത്. വിദ്യാർഥികളെ ബാധിച്ച വിഷയമാണെന്നും ചർച്ച വേണമെന്നും രാഹുൽ ​ഗാന്ധി സഭയിൽ ആവശ്യപ്പെട്ടു.

അടിയന്തര പ്രമേയത്തിന് സ്പീക്കർ അനുമതി നിഷേധിച്ചു ;ലോക്സഭയിൽ പ്രതിപക്ഷബഹളം

മാഹി: ട്രെയിനിൽ മോഷണം പതിവായതോടെ വലഞ്ഞ് യാത്രക്കാർ. പുതുച്ചേരിയിൽ നിന്ന് മംഗലാപുരത്തേക്ക് വരികയായിരുന്ന ട്രെയിൻ യാത്രക്കാരിയുടെ മൊബൈൽ ഫോണും പണവും മറ്റ് രേഖകളും വസ്ത്രങ്ങളുമടങ്ങിയ ബാഗ് വെള്ളിയാഴ്ച പുലർച്ചെ കോഴിക്കോടിനും, വടകരക്കുമിടയിൽ മോഷണം പോയി. പുതുചേരിയിൽ നിന്നും ഔദ്യോഗിക ആവശ്യങ്ങൾക്കായി എ.സി. കോച്ചിൽ മാഹിയിലേക്ക് വരികയായിരുന്ന ഡ്രഗ് ഇൻസ്പക്ടർ കീർത്തനക്കാണ് ഈ ദുരനുഭവം.
ഉറക്കമുണർന്ന് പല്ലു തേക്കാൻ ടോയ്ലറ്റിലേക്ക് പോയപ്പോഴാണ് ബാഗ് മോഷ്ടിക്കപ്പെട്ടത്. ഉടൻ ആർ.പി.എഫിനെ വിവരമറിയിച്ചിരുന്നു. മാഹിയിലെത്തിയ ഇവരെ ബാഗ് കണ്ടു കിട്ടിയെന്ന് കോഴിക്കോട് ആർ.പി.എഫ്. ഉദ്യോഗസ്ഥർ അറിയിച്ചെങ്കിലും അതിൽ പണവും മൊബൈൽ ഫോണും കാണാനില്ലായിരുന്നു. പലപ്പോഴും യാത്രക്കാരുടെ ബാഗുകളും മറ്റും ഈ ട്രെയിനിൽ നഷ്ടപ്പെടുന്നതായി പരാതിയുണ്ട്. കണ്ണൂരിലെ ദമ്പതികൾക്ക് കഴിഞ്ഞയാഴ്ച ബേഗ് നഷ്ടമായിരുന്നു.

പുതുച്ചേരി - മാഹി ട്രെയിനിൽ മോഷണം പതിവ്

Mahe

ആരോഗ്യമുള്ള ശരീരത്തിന് പോഷകപ്രദമായ ഭക്ഷണങ്ങള്‍ കഴിക്കേണ്ടത് അത്യാവശ്യമാണ്. അത്തരത്തില്‍ ശരീരത്തിന് നിരവധി ആരോഗ്യഗുണങ്ങള്‍ പ്രദാനം ചെയ്യുന്ന ഒന്നാണ് ചെറുപയര്‍ മുളപ്പിച്ചത്. മുതിര്‍ന്നവരും കുട്ടികളും ഒരുപോലെ ഇത് കഴിക്കുന്നത് നല്ലതാണ്.
ചെറുപയര്‍ മുളപ്പിച്ച് കഴിക്കുമ്പോള്‍ അതിന്റെ ഗുണങ്ങള്‍ കൂടും. ഇതില്‍ ഫൈബര്‍, വിറ്റാമിനുകള്‍, പൊട്ടാസ്യം, മഗ്‌നീഷ്യം, ഫോളേറ്റ്, ആന്റിഓക്സിഡന്റുകള്‍ തുടങ്ങിയവ അടങ്ങിയിട്ടുണ്ട്. കൂടാതെ എന്‍സൈമുകളും ഇതില്‍ ധാരാളമുണ്ട്. ഇവ ദഹനം മെച്ചപ്പെടുത്താനും അസിഡിറ്റിയെ തടയാനും ഗുണം ചെയ്യും.പ്രോട്ടീനിന്റെ മികച്ച സ്രോതസാണ് മുളപ്പിച്ച പയര്‍. ഇത് ശരീരത്തിന് ഊര്‍ജം പകരാനും ശരീരഭാരം കുറയ്ക്കാനും സഹായിക്കും. ശരീരഭാരം കുറയ്ക്കാന്‍ ശ്രമിക്കുന്നവര്‍ നിര്‍ബന്ധമായും ഇത് ഡയറ്റില്‍ ഉള്‍പ്പെടുത്തണം.ഇതിലെ ആന്റി ഓക്‌സിഡന്റുകള്‍ ചര്‍മത്തിന്റെ ആരോഗ്യം മികച്ചതാക്കാന്‍ സഹായിക്കും.മുളപ്പിച്ച പയറിലെ വിറ്റാമിന്‍ സി രോഗ പ്രതിരോധശേഷി കൂട്ടാനും സഹായിക്കും.&nbsp;

ചെറുപയര്‍ മുളപ്പിച്ചത് സ്ഥിരമായി കഴിച്ചോളൂ ;ഒട്ടേറെ പോഷകഗുണങ്ങൾ ഉണ്ട്

കോഴിക്കോട്: ചര്‍ദ്ദിയും തലവേദനയും ബാധിച്ച് സ്വകാര്യ ആശുപത്രിയില്‍ ചികിത്സയില്‍ കഴിയുന്ന 12 വയസുകാരന് അമീബിക് മസ്തിഷ്‌ക ജ്വരം സ്ഥിരീകരിച്ചു. ഫാറൂഖ് കോളേജിനടുത്ത് ഇരുമൂളിപ്പറമ്പ് സ്വദേശിയാണ് ആശുപത്രിയില്‍ ചികിത്സയില്‍ കഴിയുന്നത്.
രോഗലക്ഷണങ്ങളുമായി കഴിഞ്ഞ തിങ്കളാഴ്ചയാണ് ആശുപത്രിയില്‍ പ്രവേശിപ്പിച്ചത്. കുട്ടിയുടെ നില അതീവ ഗുരുതരമാണെന്നാണ് ലഭിക്കുന്ന വിവരം.ഫാറൂഖ് കോളേജിടുത്ത് അച്ചംകുളത്തില്‍ കുട്ടി കുളിച്ചിരുന്നു. ഇതാവാം രോഗബാധയ്ക്ക് കാരണമെന്നാണ് പ്രാഥമികനിഗമനം. കുളത്തില്‍ കുളിച്ച് ആറ് ദിവസം കഴിഞ്ഞാണ് കുട്ടിക്ക് രോഗ ലക്ഷണം കണ്ടത്. കുളത്തില്‍ കുളിച്ചവരുടെ വിവരങ്ങള്‍ കഴിഞ്ഞ ദിവസം ആരോഗ്യ പ്രവര്‍ത്തകര്‍ ശേഖരിച്ചിരുന്നു.

കോഴിക്കോട് അമീബിക് മസ്തിഷ്‌ക ജ്വരം സ്ഥിരീകരിച്ച 12 വയസുകാരന്റെ നില ഗുരുതരം

Kozhikode

ചേർപ്പ്(തൃശ്ശൂർ): കേന്ദ്രമന്ത്രി സുരേഷ്ഗോപിയുടെ സംഭാഷണം അശ്ലീലഭാഷയിൽ എഡിറ്റ് ചെയ്ത് പ്രചരിപ്പിച്ച വിദ്യാർഥി അറസ്റ്റിൽ. കാട്ടൂർ കിഴുപ്പുള്ളിക്കര കല്ലായിൽ ശ്യാം (23) ആണ് അറസ്റ്റിലായത്. തൃശ്ശൂർ കേരളവർമ കോളേജിൽ പി.ജി. വിദ്യാർഥിയാണ്.
പീച്ചിയിൽ സുരേഷ്ഗോപിക്ക് ബി.ജെ.പി. നൽകിയ സ്വീകരണത്തിനിടെ വേദിയിൽ ബി.ജെ.പി. തൃശ്ശൂർ ജില്ലാ ജനറൽ സെക്രട്ടറി കെ.ആർ. ഹരിയോട് നടത്തിയ സ്വകാര്യസംഭാഷണത്തിന്റെ വീഡിയോ ആണ് അശ്ലീലഭാഷയിൽ എഡിറ്റ് ചെയ്തത്. ഈ വീഡിയോ ഇൻസ്റ്റഗ്രാം പേജിൽ പങ്കുവെച്ചു. കെ.ആർ. ഹരി ചേർപ്പ് പോലീസിൽ നൽകിയ പരാതിയെത്തുടർന്നാണ് നടപടി.

സുരേഷ്ഗോപിയുടെ പേരിൽ അശ്ലീലപ്രചാരണം; വിദ്യാർഥി അറസ്റ്റിൽ

തിരുവനന്തപുരം: ഹൈക്കോടതിയുടെ ശിക്ഷാവിധി ചോദ്യംചെയ്ത് ടി.പി ചന്ദ്രശേഖരൻ വധക്കേസ് പ്രതികൾ സുപ്രിംകോടതിയെ സമീപിച്ചു. ഇരട്ട ജീവപര്യന്തം ചോദ്യം ചെയ്ത് കേസിലെ ഒന്ന് മുതൽ ആറ് വരെ പ്രതികളായ അനൂപ്, കിർമാണി മനോജ്, കൊടി സുനി, രജീഷ്, ഷാഫി, ഷിനോജ് എന്നിവരാണ് സുപ്രിം കോടതിയിൽ അപ്പീൽ നൽകിയത്.
ഗൂഢാലോചന കുറ്റത്തിൽ ഇവർക്ക് വീണ്ടും ജീവപര്യന്തം ശിക്ഷ വിധിച്ചിരുന്നു. ഇത് സ്റ്റേ ചെയ്ത് ജാമ്യം നൽകണമെന്ന് ഹരജിയിൽ ആവശ്യപ്പെടുന്നു. 12 വർഷമായി ജയിലാണെന്നും പ്രതികൾ ചൂണ്ടിക്കാട്ടി. ഹൈക്കോടതി ശിക്ഷിച്ച ജ്യോതി ബാബു, കെ കെ കൃഷ്ണൻ എന്നിവരും ജീവപര്യന്തം ശിക്ഷക്കെതിരെ അപ്പീൽ നൽകി. ഇരുവരെയും വിചാരണക്കോടതി വെറുതെ വിട്ടിരുന്നു.

ഇരട്ട ജീവപര്യന്തം ചോദ്യം ചെയ്‌ത്‌ ടിപി കൊലക്കേസ് പ്രതികൾ സുപ്രീംകോടതിയിൽ

നടൻ സിദ്ദിഖിന്റെ മകന്റെ വിയോഗത്തിൽവിങ്ങി സിനിമാലോകം.തന്റെ പ്രിയപുത്രന്റെ വിയോഗം അറിഞ്ഞ് കാക്കനാട് പടമുകളിലെ വീട്ടിലെത്തിയ സിനിമാ മേഖലയിലെ സഹപ്രവര്‍ത്തകരോട് സംസാരിക്കാന്‍ കഴിയാതെ സിദ്ദിഖ് എന്ന പിതാവ് വല്ലാതെ തളര്‍ന്നിരുന്നു. എന്നാല്‍, ആരും കാണാതെ ഉള്ളിലൊതുക്കിയ വിഷമം സഹപ്രവര്‍ത്തകര്‍ ചേര്‍ത്തുപിടിച്ചതോടെ പൊട്ടിക്കരച്ചിലായി.ഭിന്നശേഷിക്കാരനായ മകന്‍ റാഷിനെ സ്‌പെഷ്യല്‍ ചൈല്‍ഡ് എന്നാണ് സിദ്ദിഖ് വിശേഷിപ്പിച്ചിരുന്നത്. അവന്റെ വിശേഷങ്ങള്‍ നടന്‍ ഇടയ്ക്കിടെ പങ്കുവെക്കാറുമുണ്ടായിരുന്നു.
ദിലീപ്, ഫഹദ് ഫാസില്‍, മനോജ് കെ. ജയന്‍, കുഞ്ചാക്കോ ബോബന്‍, കാവ്യ മാധവന്‍, റഹ്‌മാന്‍, നാദിര്‍ഷ, ബാബുരാജ്, ജോമോള്‍, ബേസില്‍ ജോസഫ്, രജിഷ വിജയന്‍, ഗ്രേസ് ആന്റണി, ആന്റോ ജോസഫ്, രണ്‍ജി പണിക്കര്‍, ജിത്തു ജോസഫ്, ഷാഫി, ആന്റണി പെരുമ്പാവൂര്‍, ഇടവേള ബാബു, സായികുമാര്‍, അജയ് വാസുദേവ്, ടിനി ടോം, കുഞ്ചന്‍, അനൂപ് ചന്ദ്രന്‍, ഷാജോണ്‍, സുരേഷ് കൃഷ്ണ, മേജര്‍ രവി, അബു സലീം, കൈലാശ്, സീനത്ത്, ലിസ്റ്റിന്‍ സ്റ്റീഫന്‍, സീമ ജി. നായര്‍, ബാദുഷ, മാല പാര്‍വതി തുടങ്ങി സിനിമാ രംഗത്തെ നിരവധി പേരാണ് റാഷിന് അന്ത്യാഞ്ജലിയര്‍പ്പിക്കാന്‍ എത്തിയത്.വ്യാഴാഴ്ച വൈകീട്ട് പടമുകള്‍ പള്ളിയില്‍ നടന്ന കബറടക്ക ചടങ്ങില്‍ ദിലീപ്, മനോജ് കെ. ജയന്‍ ഉള്‍പ്പെടെയുള്ള താരങ്ങളും പങ്കെടുത്തിരുന്നു.സാപ്പിയെ അനുസ്മരിച്ച് നടന്‍ മമ്മൂട്ടിയെഴുതിയ കുറിപ്പും ഏവരെയും ദുഃഖത്തിലാഴ്ത്തി.. 'സാപ്പി മോനേ, ഇപ്പോഴും കണ്ണിലിരിക്കുന്നെടാ..' എന്ന ഒറ്റവരിയില്‍ മമ്മൂട്ടിയുടെ ദു:ഖം വായിച്ചെടുക്കാം. ലണ്ടനില്‍ കുടുംബത്തോടൊപ്പം അവധിയാഘോഷിക്കുകയാണ് മമ്മൂട്ടി. അതുകൊണ്ടു തന്നെ സാപ്പിയുടെ സംസ്‌കാര ചടങ്ങുകളില്‍ അദ്ദേഹത്തിന് പങ്കെടുക്കാനായില്ല.

പ്രിയ്യപ്പെട്ട സാപ്പിക്ക് വിടനൽകി സിനിമാലോകം

മൊബൈല്‍ വരിക്കാരുടെ താരിഫ് കുത്തനെ ഉയര്‍ത്തി ജിയോ. 14 പ്രീ പെയ്ഡ് അണ്‍ലിമിറ്റഡ് പ്ലാനുകള്‍, മൂന്ന് ഡാറ്റ ആഡ് ഓണ്‍ പ്ലാനുകള്‍, രണ്ട് പോസ്റ്റ് പെയ്ഡ് പ്ലാനുകള്‍ എന്നിവയുടെ നിരക്കാണ് 27 ശതമാനം വരെ ഉയര്‍ത്തിയത്.
പ്രതിമാ പ്ലാനുകള്‍ക്ക് ഇനി 189 രൂപ മുതല്‍ 449 രൂപവരെ നല്‍കണം. നിലവില്‍ 155 രൂപ മുതല്‍ 399 രൂപവരെയായിരുന്നു നിരക്ക്. ദ്വൈമാസ പ്ലാനുകള്‍ക്കാകാട്ടെ 579 രൂപ മുതല്‍ 629 രൂപവരെയും നല്‍കണം. മൂന്ന് മാസ പ്ലാനുകള്‍ക്ക് 477 രൂപ മുതല്‍ 1,199 രൂപവരെയാണ് നിരക്ക്. വാര്‍ഷിക പ്ലാനുകള്‍ക്കാകട്ടെ 1,899 രൂപ മുതല്‍ 3,599 രൂപവരെയും.84 ദിവസ കാലയളവില്‍ പ്രതിദിനം 1.5 ജി.ബി ഡാറ്റ ലഭിച്ചിരുന്ന പ്ലാനിന്റെ താരിഫ് 666 രൂപയില്‍നിന്ന് 799 രൂപയാക്കി. താരതമ്യേന കുറഞ്ഞ താരിഫായിരുന്ന 395 രുപയുടേത് 479 രൂപയായും വര്‍ധിപ്പിച്ചു. ഈ പ്ലാന് 84 ദിവസം കാലാവധിയും മൊത്തം ആറ് ജി.ബി ഡാറ്റയുമാണ് നല്‍കിയിരുന്നത്. ഏറ്റവും കുറഞ്ഞ റീച്ചാര്‍ജ് 15 രൂപയില്‍നിന്ന് 19 രൂപയിലേക്ക് ഉയര്‍ത്തി. 75 ജി.ബി.യുടെ പോസ്റ്റ്പെയ്ഡ് ഡേറ്റ പ്ലാന്‍ 399 രൂപയില്‍നിന്ന് 449 രൂപയായി വര്‍ധിപ്പിച്ചു. നിരക്കു വര്‍ധന ജൂലായ് മൂന്നിന് പ്രാബല്യത്തിലാകും.

മൊബൈല്‍ വരിക്കാരുടെ നിരക്കുകള്‍ കുത്തനെ ഉയര്‍ത്തി ജിയോ

അബുദാബി: രാജ്യത്ത് വേനൽച്ചൂട് രൂക്ഷമായതോടെ ജുമഅ നമസ്കാരം പത്തുമിനിറ്റിൽ തീർക്കണമെന്ന് യു.എ.ഇ. ജനറൽ അതോറിറ്റി ഓഫ് ഇസ്‌ലാമിക് അഫയേഴ്സ് ആൻഡ് എൻഡോവ്‌മെന്റ്‌സ് അധികൃതർ നിർദേശിച്ചു. രാജ്യത്തുടനീളമുള്ള പള്ളികളിൽ വെള്ളിയാഴ്ചമുതൽ ഒക്ടോബർ അവസാനം വരെ തീരുമാനം ബാധകമായിരിക്കും. സാധാരണ 20 മിനിറ്റെടുക്കുന്ന മതപ്രഭാഷണങ്ങൾ പത്തുമിനിറ്റായി ചുരുക്കാനും നിർദേശമുണ്ട്.
തിരക്കുകാരണം പള്ളികൾക്കുള്ളിൽ സ്ഥലമില്ലാതെവരുമ്പോൾ ഒട്ടുമിക്കയിടങ്ങളിലും വിശ്വാസികൾ പള്ളിയുടെ മുറ്റത്തും നടപ്പാതകളിലുമായാണ് വെള്ളിയാഴ്ചയിലെ ജുമഅ നമസ്കാരത്തിൽ പങ്കെടുക്കാറുള്ളത്. ചുട്ടുപൊള്ളുന്ന വെയിലിൽനിന്ന് വിശ്വാസികളെ സുരക്ഷിതരാക്കാനാണ് സമയനിബന്ധനവെച്ചത്.

ചൂട് കനക്കുന്നു: യു.എ.ഇ.യിൽ ജുമഅ നമസ്കാരം പത്തുമിനിറ്റിൽ അവസാനിപ്പിക്കണം

Gulf

ആലപ്പുഴ: ചില്ലറയെച്ചൊല്ലിയുള്ള തർക്കത്തിനൊടുവിൽ കെ.എസ്.ആർ.ടി.സി. കണ്ടക്ടറെ മർദിച്ചു രക്ഷപ്പെടാൻ ശ്രമിച്ച യാത്രക്കാരനെ പിടികൂടി.സംഭവത്തിൽ എടത്വാ ഡിപ്പോയിലെ കണ്ടക്ടർ സജികുമാറിനു പരിക്കേറ്റു. യാത്രക്കാരനായ പള്ളാത്തുരുത്തി പുത്തൻചിറ പുത്തൻവീട്ടിൽ മുഹമ്മദ് മുബിനെ (19) പോലീസ് അറസ്റ്റുചെയ്തു.
വ്യാഴാഴ്ച രാവിലെ വലിയചുടുകാടിനു സമീപമാണു സംഭവം. ‌ബസ് ആലപ്പുഴയിൽനിന്നു കോട്ടയത്തേക്കു പോകുകയായിരുന്നു. യാത്ര തുടങ്ങുമ്പോൾ യാത്രക്കാരൻ ഫോണിൽ സംസാരിക്കുകയായിരുന്നു. ജനറൽ ആശുപത്രി ജങ്ഷനെത്തിയപ്പോൾ അടുത്ത സ്റ്റോപ്പിൽ ഇറങ്ങണമെന്ന് ആവശ്യപ്പെട്ടു. ടിക്കറ്റിനായി 500 രൂപ നൽകി.കണ്ടക്ടർ ചില്ലറ ആവശ്യപ്പെട്ടു. തുടർന്ന് തർക്കമായി. ഇതിനിടെ യാത്രക്കാരൻ 500 രൂപ തിരിച്ചുവാങ്ങി. സ്റ്റോപ്പ് എത്തിയപ്പോൾ ഇറങ്ങുംമുൻപ്‌ കണ്ടക്ടറുടെ ടിക്കറ്റ് മെഷീൻ, പണസഞ്ചി എന്നിവ തട്ടിത്തെറിപ്പിച്ചു.മെഷീൻ വീണു കേടുപറ്റി. കണ്ടക്ടർ ഇയാളെ തടഞ്ഞുവെച്ചു. തുടർന്ന് കണ്ടക്ടറെ ബസിന്റെ സീറ്റിലേക്കു തള്ളിയിട്ടു മർദിക്കുകയായിരുന്നു.ഇടതുകൈ കടിച്ചു മുറിക്കുകയും മുഖത്തും ദേഹത്തും തലയ്ക്കും അടിക്കുകയും ചെയ്തു. പിന്നീട്, ഇറങ്ങിയോടാൻ ശ്രമിച്ച ഇയാളെ കണ്ടക്ടർ മറ്റു യാത്രക്കാരുടെ സഹായത്തോടെ പിടികൂടി പുന്നപ്ര സ്റ്റേഷനിൽ എത്തിച്ചു.

ചില്ലറയെച്ചൊല്ലി തർക്കം; കെ.എസ്.ആർ.ടി.സി. കണ്ടക്ടറുടെ കൈ കടിച്ചുമുറിച്ച് യാത്രക്കാരൻ

കട്ടപ്പന: മേയിൽ സർവകാല റെക്കോഡിട്ട കൊക്കോവില ഒന്നരയാഴ്ചകൊണ്ടാണ് പകുതിയിലധികം താഴ്ന്നത്. എന്നാൽ ഒരിടവേളയ്ക്കുശേഷം കൊക്കോവില വീണ്ടും ഉയരുകയാണ്. ഉത്പാദനം വേണ്ടത്ര ഇല്ലാത്തതാണ് വില വീണ്ടും ഉയരാൻ കാരണം.
240 രൂപ ശരാശരി വിലയുണ്ടായിരുന്ന കൊക്കോ പരിപ്പിന്റെ വില ഏപ്രിലിലാണ് ഉയർന്നുതുടങ്ങിയത്. മേയ് ആദ്യവാരം വില 1000-1080 രൂപയിലെത്തി. എന്നാൽ പിന്നീട് ഒന്നരയാഴ്ചകൊണ്ട് വില കുത്തനെ ഇടിഞ്ഞു. ഇടുക്കിയിലെ കമ്പോളങ്ങളിൽ, ജൂൺ പകുതിയായപ്പോൾ വില 480 രൂപയായി. എന്നാൽ ഒരാഴ്ചയായി വില നേരിയതോതിൽ വീണ്ടും ഉയരുന്നു.&nbsp;

കൊക്കോവില വീണ്ടും ഉയരുന്നു

തിരുവനന്തപുരം: നിയന്ത്രണം വിട്ട കാർ റോഡരികിൽ നിർത്തിയിട്ടിരുന്ന സ്‌കൂട്ടറിൽ ഇടിക്കുകയും അതേ സ്‌കൂട്ടർ മറിഞ്ഞ് വഴിയാത്രക്കാരന്റെ ദേഹത്തുപതിച്ചുമുണ്ടായ അപകടത്തിൽ ചികിത്സയിലായിരുന്ന വയോധികൻ മരിച്ചു. വെങ്ങാനൂർ കുഴിയറത്തല സൗപർണികയിൽ മുൻ റാന്നി ഗ്രാമപഞ്ചായത്ത് ഉദ്യോഗസ്ഥൻ വി. ബാബു (70) ആണ് മരിച്ചത്. ബുധനാഴ്ച രാവിലെ വിഴിഞ്ഞം ജങ്ഷന് സമീപമായിരുന്നു അപകടം.
കോവളം ഭാഗത്തുനിന്നെത്തിയ കൈമനം സ്വദേശിനിയുടെ കാർ എതിരെ ബസ് വരുന്നത് കണ്ട് പെട്ടെന്ന് ബ്രേക്ക് ചെയ്തു. തുടർന്ന് മുൻപോട്ടെടുക്കുമ്പോൾ അതേ ദിശയിൽ റോഡിൽ പാർക്കുചെയ്തിരുന്ന സ്‌കൂട്ടറിൽ തട്ടുകയായിരുന്നു. ഈ സമയത്ത് സാധനങ്ങൾ വാങ്ങി അതുവഴി നടന്നുവരുകയായിരുന്ന ബാബുവിന്റെ ദേഹത്ത് സ്‌കൂട്ടർ മറിഞ്ഞ് വീണു.റോഡിൽ വീണ ബാബുവിന്റെ തലയ്ക്കും താടിയെല്ലിനും ഗുരുതരമായി പരിക്കേറ്റു. തുടർന്ന് മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ചികിത്സയിലിരിക്കെ വ്യാഴാഴ്ച പുലർച്ചെ മരിക്കുകയായിരുന്നു.റാന്നി ഗ്രാമ പഞ്ചായത്ത് മുൻ ഉദ്യോഗസ്ഥ ടി.രാധയാണ് ഭാര്യ. മക്കൾ ബി.ആർ. സനജു (മുത്തൂറ്റ് ഫിൻകോർപ്പ് ഏരിയാ മാനേജർ), ബി.ആർ. സൗമ്യ (ഫിസിയോ തെറാപ്പിസ്റ്റ്). മരുമക്കൾ എസ്.പി. പ്രജിത, എസ്.എസ്. കിരൺ.

റോഡരികിൽ നിർത്തിയിട്ടിരുന്ന സ്‌കൂട്ടറിൽ കാറിടിച്ചു; ദേഹത്തുപതിച്ച് പരിക്കേറ്റ കാൽനട യാത്രക്കാരൻ മരിച്ചു

ഗയാന: ഐസിസി ട്വന്റി 20 ലോകകപ്പിലെ രണ്ടാം സെമി ഫൈനലില്‍ ഇംഗ്ലണ്ടിനെ വീഴ്ത്തി ഇന്ത്യ കലാശപ്പോരിന് യോഗ്യത നേടി.68 റണ്‍സിനായിരുന്നു ഇന്ത്യയുടെ വിജയം. ശനിയാഴ്ച ബാര്‍ബഡോസിലെ കെന്‍സിംഗ്ടണ്‍ ഓവലില്‍ നടക്കുന്ന ഫൈനലില്‍ സൗത്താഫ്രിക്കയാണ് ഇന്ത്യയുടെ എതിരാളികള്‍. ഇന്ത്യ ഉയര്‍ത്തിയ 172 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് നിരയിലെ ഒരു ബാറ്റര്‍മാര്‍ക്കും നിലയുറപ്പിക്കാന്‍ പോലും ബൗളര്‍മാര്‍ അവസരം നല്‍കിയില്ല.
നാലാം ഓവറിലെ ആദ്യ പന്തില്‍ തന്നെ ക്യാപ്റ്റന്‍ ജോസ് ബട്‌ലറുടെ വിക്കറ്റ് 23(15) അവര്‍ക്ക് നഷ്ടമായി. അക്‌സറിന്റെ പന്തില്‍ പന്തിന് ക്യാച്ച് നല്‍കിയാണ് ബട്‌ലര്‍ മടങ്ങിയത്. പിന്നീട് ഹാരി ബ്രൂക്ക് 25(19) മാത്രമാണ് പിടിച്ച് നില്‍ക്കാന്‍ ശ്രമിച്ചത്. ഫിലിപ് സാള്‍ട്ട് 5(8), മൊയീന്‍ അലി 8(10), ജോണി ബെയ്‌സ്‌റ്റോ 0(3), സാം കറന്‍ 2(4), ലിയാം ലിവിംഗ്‌സ്റ്റണ്‍ 11(16) എന്നിവരില്‍ ഒരാള്‍ക്ക് പോലും ഇന്ത്യന്‍ ബൗളര്‍മാരുടെ മുന്നില്‍ മറുപടിയുണ്ടായില്ല.ക്രിസ് ജോര്‍ദാന്‍ 1(5), ആദില്‍ റഷീദ് 2(2) ജോഫ്ര ആര്‍ച്ചര്‍ 21(14) എന്നിങ്ങനെയാണ് മറ്റ് ബാറ്റര്‍മാരുടെ സംഭാവന. ഇന്ത്യക്ക് വേണ്ടി അക്‌സര്‍ പട്ടേല്‍ നാലോവറില്‍ 23 റണ്‍സ് വഴങ്ങി മൂന്ന് വിക്കറ്റ് വീഴ്ത്തിയപ്പോള്‍ കുല്‍ദീപ് യാദവ് നാലോവറില്‍ 19 റണ്‍സ് വഴങ്ങി മൂന്ന് വിക്കറ്റ് കൊയ്തു.നേരത്തെ ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ ക്യാപ്റ്റന്‍ രോഹിത് ശര്‍മ്മ 57(39) നേടിയ തകര്‍പ്പന്‍ അര്‍ദ്ധ സെഞ്ച്വറിയുടെ മികവില്‍ ആണ് മികച്ച സ്‌കോര്‍ നേടിയത്. സൂര്യകുമാര്‍ യാദവ് 47(36) റണ്‍സ് നേടിയപ്പോള്‍ വൈസ് ക്യാപ്റ്റന്‍ ഹാര്‍ദിക് പാണ്ഡ്യ 23(13) റണ്‍സ് നേടി.

ഇംഗ്ലണ്ടിനെ കറക്കി വീഴ്ത്തി ഇന്ത്യ ലോകകപ്പ് ഫൈനലിൽ ;സൗത്താഫ്രിക്ക എതിരാളികൾ

ന്യൂഡല്‍ഹി: ഡല്‍ഹി വിമാനത്താവളത്തില്‍ മേല്‍ക്കൂരയുടെ ഒരു ഭാഗം തകര്‍ന്നുവീണ് ഒരു മരണം, അഞ്ചുപേര്‍ക്ക് പരിക്കേറ്റു.വെള്ളിയാഴ്ച രാവിലെയുണ്ടായ കനത്ത മഴയില്‍ ടെര്‍മിനല്‍ ഒന്നിലെ മേല്‍ക്കൂരയുടെ ഒരു ഭാഗം വാഹനങ്ങള്‍ക്ക് മുകളിലേക്കാണ് പതിച്ചത്. ഇതേത്തുടര്‍ന്ന് ടെര്‍മിനല്‍ ഒന്നില്‍നിന്നുള്ള പുറപ്പെടലുകള്‍ താത്കാലികമായി നിര്‍ത്തിവെച്ചിട്ടുണ്ട്.
പുലര്‍ച്ചെ അഞ്ചുമണിയോടെ നടന്ന സംഭവത്തില്‍ ക്യാബുകള്‍(ടാക്‌സി കാറുകള്‍) ഉള്‍പ്പെടെ നിരവധി വാഹനങ്ങള്‍ക്ക് കേടുപാടുകള്‍ സംഭവിച്ചിട്ടുണ്ട്. ടെര്‍മിനലിന്റെ പിക്കപ്പ് ആന്‍ഡ് ഡ്രോപ്പ് ഏരിയയില്‍ പാര്‍ക്ക് ചെയ്തിരുന്ന കാറുകള്‍ക്കാണ് കേടുപാടുകള്‍ സംഭവിച്ചത്. റൂഫ് ഷീറ്റും സപ്പോര്‍ട്ട് ബീമുകളും തകര്‍ന്നതായി അധികൃതര്‍ പറഞ്ഞു.

ഡല്‍ഹി വിമാനത്താവളത്തില്‍ മേല്‍ക്കൂര തകര്‍ന്ന് വീണു; ഒരു മരണം, അഞ്ചുപേര്‍ക്ക് പരിക്ക്‌

വടകര: പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി വടകര ഏരിയാ കമ്മിറ്റി യോഗത്തില്‍ കടുത്ത വിമര്‍ശനത്തിന് ഇടയാക്കി. 21 അംഗ ഏരിയാ കമ്മിറ്റി യോഗത്തില്‍ മൂന്നോ നാലോ പേരൊഴികെ മറ്റുള്ളവരെല്ലാം നടപടിയെ കടുത്ത ഭാഷയില്‍ വിമര്‍ശിച്ചതായാണ് വിവരം. ന്യായീകരണമില്ലാത്ത നടപടിയായിപ്പോയെന്ന് ഇവരെല്ലാം പറഞ്ഞു.
സംസ്ഥാന കമ്മിറ്റി അംഗം കെ.കെ.ലതിക, ജില്ലാ സെക്രട്ടറി എം.മഹബൂബ്, ജില്ലാ കമ്മിറ്റി അംഗങ്ങളായ സി.ഭാസ്‌കരന്‍, കെ.ടി.കുഞ്ഞിക്കണ്ണന്‍ എന്നിവര്‍ പങ്കെടുത്ത ഏരിയാ കമ്മിറ്റി യോഗമാണ് ഇന്നലെ വടകരയില്‍ നടന്നത്.&nbsp;
യോഗത്തില്‍ പങ്കെടുത്തവരൊക്കെ പി.കെ.ദിവാകരനെതിരായ നടപടിയെ വിമര്‍ശിച്ചു. അണികളുടെ വികാരം പങ്കുവെക്കും മട്ടിലാണ് ഇവരുടെ പ്രതികരണം. ഇപ്പോള്‍ നാട്ടില്‍ ഇറങ്ങി നടക്കാന്‍ പറ്റാത്ത സ്ഥിതിയായെന്ന് ഇവര്‍ പറഞ്ഞു. ചിട്ടയായി നടന്ന ജില്ലാ സമ്മേളനത്തിന്റെ ശോഭ കെടുത്തും മട്ടിലായി നടപടി. പലരും അംഗത്വം പുതുക്കാന്‍ പോലും തയ്യാറാകാത്ത സാഹചര്യമാണ്.തദ്ദേശ തെരഞ്ഞെടുപ്പ് നടക്കാന്‍ പോകുകയാണെന്ന കാര്യവും അംഗങ്ങള്‍ ഓര്‍മിപ്പിച്ചു. ജില്ലാ സമ്മേളനം കൈക്കൊണ്ട തീരുമാനം തിരുത്താതെ മുന്നോട്ടുപോകാനാവില്ലെന്ന നിലപാടാണ് യോഗത്തിലുയര്‍ന്നത്.യോഗത്തിലെ പൊതുവികാരം നേതാക്കള്‍ മേല്‍കമ്മിറ്റിക്ക് റിപ്പോര്‍ട്ട് ചെയ്യും.&nbsp;

പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി ;ഏരിയാ കമ്മിറ്റി യോഗത്തില്‍ രൂക്ഷ വിമര്‍ശനം

വടകര : സി.പി.എം. ജില്ലാകമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രതിഷേധം തുടരുന്നു. ബുധനാഴ്ച മണിയൂര്‍ പഞ്ചായത്തിലെ മുടപ്പിലാവിലാണ് പ്രതിഷേധമുണ്ടായത്. മുടപ്പിലാവില്‍ സെന്റററില്‍ 25 പേരിലധികം വരുന്ന ചെറുപ്പക്കാര്‍ ദിവാകരനെ ഒഴിവാക്കിയതില്‍ പ്രതിഷേധിച്ച് പ്രകടനം നടത്തി. തിരുവള്ളൂരും സി.പി.എം. പ്രവര്‍ത്തകര്‍ പ്രതിഷേധ പ്രകടനം നടത്തിയിരുന്നു.
'തെറ്റില്ലാത്ത മനുഷ്യരില്ല. തെറ്റാണെന്ന് ബോധ്യപ്പെട്ടാല്‍, തെറ്റുതിരുത്തുക കൂടെച്ചേരുക. പ്രൈവറ്റ് ലിമിറ്റഡ് കമ്പനിയല്ല. കുടിപ്പക വെച്ചുപുലര്‍ത്താതെ ഒന്നിച്ചൊന്നായ് മുന്നോട്ട്', എന്നീ മുദ്രാവാക്യങ്ങളാണ് പ്രതിഷേധിച്ചവര്‍ മുഴക്കിയത്.
പാലയാട് കഴിഞ്ഞദിവസം അണികള്‍ പരസ്യപ്രതിഷേധം നടത്തിയിരുന്നു. തിങ്കളാഴ്ച രാത്രി അന്‍പതോളം പ്രവര്‍ത്തകരാണ് പ്രകടനം നടത്തിയത്. തുറശ്ശേരി മുക്കില്‍നിന്നായിരുന്നു പ്രകടനം ആരംഭിച്ചത്. പ്രതിഷേധം ശക്തമാകുന്നതിനിടെ പാര്‍ട്ടി അംഗത്വം പുതുക്കലിനോടും പ്രവര്‍ത്തകര്‍ നിസ്സഹകരിക്കാന്‍ നീക്കമുണ്ടെന്ന് വിവരമുണ്ടായിരുന്നു.ദിവാകരനെ ഒഴിവാക്കിയതിനെതിരേ സംസ്ഥാനനേതൃത്വത്തിന് വടകര മേഖലയില്‍നിന്നും ജില്ലയുടെ മറ്റുഭാഗങ്ങളില്‍നിന്നും പരാതികള്‍ വരുന്നുണ്ട്. കത്തായും ഇ- മെയിലായും വാട്‌സാപ്പ് സന്ദേശമായും ഒട്ടേറപ്പേര്‍ പരാതി അയച്ചിരുന്നു. സംസ്ഥാനനേതാക്കളെ വിളിച്ചും ചിലര്‍ പ്രതിഷേധം അറിയിച്ചു.

പി.കെ ദിവാകരനെ ഒഴിവാക്കിയതിൽ സിപിഎമ്മിൽ പ്രതിഷേധമൊഴിയുന്നില്ല ;വീണ്ടും പ്രകടനം

കോഴിക്കോട്: സി.പി.എമ്മിന്റെ കോഴിക്കോട് ജില്ലാ സമ്മേളനവുമായി ബന്ധപ്പെട്ട് മാധ്യമങ്ങളിലും സാമൂഹികമാധ്യമങ്ങളിലും നടക്കുന്ന പ്രചാരണങ്ങള്‍ക്ക് അടിസ്ഥാനമില്ലെന്നും അവ തള്ളിക്കളയണമെന്നും ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടു. പാര്‍ട്ടിയില്‍ വിഭാഗീയതയും നേതാക്കളുടെ പക്ഷം പിടിച്ചുള്ള മത്സരവുമാണെന്നൊക്കെയാണ് ചില മാധ്യമങ്ങള്‍ വാര്‍ത്ത കൊടുക്കുന്നതെന്നും പ്രസ്താവനയില്‍ വിമര്‍ശനമുണ്ട്.
പി.കെ. ദിവാകരന്‍ ജില്ലാ കമ്മിറ്റിയില്‍നിന്ന് ഒഴിവാക്കപ്പെട്ടതിനേക്കുറിച്ചും പ്രസ്താവനയില്‍ വിശദീകരിക്കുന്നുണ്ട്. സമ്മേളന പ്രതിനിധികളാണ് കമ്മിറ്റി അംഗങ്ങളെ തെരഞ്ഞെടുക്കുന്നത്. വടകരയില്‍ നടന്ന സമ്മേളനം അംഗീകരിച്ച 47 പേരുടെ പാനല്‍ പി.കെ. ദിവാകരന്‍ ഉള്‍പ്പെടെയുള്ള പ്രതിനിധികള്‍ അംഗീകരിച്ചതാണ്. തന്നെ പാനലില്‍ ഉള്‍പ്പെടുത്തിയില്ല എന്ന നിലയിലുള്ള വിവാദങ്ങളെ ഉയര്‍ന്ന കമ്യൂണിസ്റ്റ് സംഘടനാബോധത്തോടെ പി.കെ. ദിവാകരന്‍ തന്നെ തള്ളിക്കളഞ്ഞിട്ടുണ്ടെന്നും പ്രസ്താവനയില്‍ പറയുന്നു.
നിയമനകോഴയില്‍ പങ്കുള്ളതുകൊണ്ടാണ് മുന്‍ എന്‍.ജി.ഒ. യൂണിയന്‍ നേതാവിനെ ജില്ലാകമ്മറ്റിയില്‍നിന്ന് ഒഴിവാക്കിയതെന്നത് അടിസ്ഥാനമില്ലാത്ത ആരോപണമാണെന്നും പ്രസ്താവനയിലുണ്ട്. മറ്റ് ബൂര്‍ഷ്വാ പാര്‍ട്ടികള്‍ക്കൊന്നും ചിന്തിക്കാന്‍പോലും കഴിയാത്ത ആശയരൂപീകരണത്തിന്റെയും സംഘടനാക്രമീകരണത്തിന്റെയും ജനാധിപത്യപ്രക്രിയയാണ് സി.പി.എം. പോലുള്ള പാര്‍ട്ടികള്‍ സമ്മേളനങ്ങളിലൂടെ കൃത്യമായി നടത്തിവരുന്നത്. ഇതില്‍ അസ്വസ്ഥരായ മാധ്യമങ്ങളും പാര്‍ട്ടിശത്രുക്കളുമാണ് അടിസ്ഥാനമില്ലാത്ത ആരോപണങ്ങള്‍ ഉന്നയിച്ച് വിവാദങ്ങള്‍ സൃഷ്ടിച്ച് പാര്‍ട്ടിയെ താറടിച്ചുകാണിക്കാന്‍ തുടര്‍ച്ചയായി ശ്രമിച്ചുകൊണ്ടിരിക്കുന്നതെന്നും പ്രസ്താവന പറയുന്നു.

നടക്കുന്നത് പാർട്ടിവിരുദ്ധ പ്രചാരണം ; ജാഗ്രത പുലര്‍ത്തണമെന്ന് സിപിഎം ജില്ലാ കമ്മിറ്റി

മണിയൂർ: സി.പി.എം ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രവര്‍ത്തകരുടെ പ്രതിഷേധം. മണിയൂര്‍ തുറശ്ശേരി മുക്കില്‍ നാല്‍പതോളം പേര്‍ പ്രതിഷേധ പ്രകടനം നടത്തി.
പാര്‍ട്ടിയില്‍ തോന്നിയപോലെ തീരുമാനമെടുക്കാമെന്ന് ആരും കരുതേണ്ടെന്ന് പ്രവര്‍ത്തകര്‍ മുദ്രാവാക്യം വിളിച്ചു. ഡി.വൈ.എഫ്.ഐ മുന്‍ ജില്ലാ പ്രസിഡന്റും വടകര ഏരിയ സെക്രട്ടറിയും ആയിരുന്നു പി.കെ ദിവാകരന്‍.
വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പി.കെ ദിവാകരന്‍ ഉള്‍പ്പെടെ 11 പേരെ ഒഴിവാക്കുകയും 13 പേരെ പുതുതായി ഉള്‍പ്പെടുത്തുകയും ചെയ്തത്. ഇതിന് പിന്നാലെ സോഷ്യല്‍ മീഡിയയില്‍ ദിവാകരനെ അനുകൂലിച്ചും നേതൃത്വത്തെ വിമര്‍ശിച്ചും പോസ്റ്റുകള്‍ പ്രത്യക്ഷപ്പെട്ടിരുന്നു.
ദിവാകരനെ ജില്ലാ കമ്മിറ്റിയില്‍നിന്ന് ഒഴിവാക്കിയതിനൊപ്പം വടകര നഗരസഭാ അധ്യക്ഷ കെ.പി ബിന്ദുവിനെ ഉള്‍പ്പെടുത്തിയതും പ്രതിഷേധത്തിന് കാരണമായി.

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍സിപിഎം പ്രവര്‍ത്തകരുടെ പ്രതിഷേധം

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍ സിപിഎം പ്രവര്‍ത്തകരുടെ പ്രതിഷേധം

വടകര: സി.പി.എം കോഴിക്കോട് ജില്ലാ സെക്രട്ടറിയായി എം. മെഹബൂബ് തിരഞ്ഞെടുക്കപ്പെട്ടു. വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പുതിയ സെക്രട്ടറിയെ തിരഞ്ഞെടുത്തത്.
കണ്‍സ്യൂമര്‍ ഫെഡ് ചെയര്‍മാനും പാര്‍ട്ടി ജില്ലാ സെക്രട്ടറിയേറ്റ് അംഗവുമാണ് മെഹബൂബ്. ദീര്‍ഘകാലം കോഴിക്കോട് ജില്ലാ സഹകരണ ബാങ്ക് പ്രസിഡന്റായും സംസ്ഥാന സഹകരണ ബാങ്ക് പ്രസിഡന്റായും കേരഫെഡ് വൈസ് ചെയര്‍മാനായും വിവിധ അപെക്‌സ് സഹകരണ സ്ഥാപനങ്ങളുടെ ഭരണസമിതി അംഗമായും പ്രവര്‍ത്തിച്ചിട്ടുണ്ട്.ജില്ലാ സെക്രട്ടറിയേറ്റ് നിര്‍ദ്ദേശിച്ച പേര് ജില്ലാ കമ്മറ്റി അംഗീകരിക്കുകയായിരുന്നു. നിലവിലെ ജില്ല സെക്രട്ടറിയായ പി. മോഹനന്‍ മൂന്ന് ടേം പൂര്‍ത്തിയാക്കിയതിനെ തുടര്‍ന്ന് സെക്രട്ടറി സ്ഥാനത്ത് നിന്ന് മാറുകയായിരുന്നു.

എം മെഹബൂബ് സി.പി.എം കോഴിക്കോട് ജില്ലാ സെക്രട്ടറി

കോഴിക്കോട്: നാദാപുരം ഷിബിൻ വധക്കേസിൽ ജയിലിൽ കഴിയുന്ന യൂത്ത് ലീ​ഗ് പ്രവ‍‍ർത്തകരെ ജയിലിലെത്തി സന്ദർശിച്ച് യൂത്ത് ലീ​ഗ് ദേശീയ വൈസ് പ്രസിഡന്റ് മുഈനലി ഷിഹാബ് തങ്ങൾ. യൂത്ത് ലീ​ഗ് നാ​ദാപുരം നിയോജകമണ്ഡലം ജനറൽ സെക്രട്ടറി ഇ. ഹാരിസിനൊപ്പമാണ് മുഈനലി തങ്ങൾ തവനൂർ സെൻട്രൽ ജയിലിൽ എത്തിയത്.പ്രതികളുടെ നിരപരാധിത്വം തെളിയിക്കാന്‍ മുസ്ലീം ലീ​ഗ് രാജ്യസഭാം​ഗം അഡ്വ ഹാരിസ് ബീരാന്റെ നേതൃത്വത്തിൽ സുപ്രീം കോടതിയിൽ നിയമനടപടികൾ ആരംഭിച്ചിട്ടുണ്ടെന്ന് ജയിലിന് മുമ്പിലുള്ള ഫോട്ടോയ്ക്കൊപ്പം മുഈനലി ഷിഹാബ് തങ്ങൾ ഫേസ്ബുക്കിൽ കുറിച്ചു.
2015 ജനുവരി 22-നാണ് കോഴിക്കോട് തൂണേരി സ്വദേശിയും ഡിവൈഎഫ്ഐ പ്രവർത്തനുമായിരുന്ന ഷിബിൻ കൊല്ലപ്പെട്ടത്. കേസിലെ മുഴുവൻ പ്രതികളേയും വിചാരണ കോടതി വെറുതെ വിട്ടിരുന്നെങ്കിലും 2024 ഒക്ടോബർ 15-ന് ഹൈക്കോടതി ജീവപര്യന്തം തടവിന് ശിക്ഷിക്കുകയായിരുന്നു.&nbsp;

തൂണേരി ഷിബിൻ വധക്കേസ് ; പ്രതികളായ യൂത്ത് ലീ​ഗ് പ്രവർത്തകരെ ജയിലിൽ സന്ദർശിച്ച് മുഈനലി ഷിഹാബ് തങ്ങൾ

കോഴിക്കോട്: കോഴിക്കോട് ഡിസിസി പ്രസിഡന്റിനെതിരെ ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടു. അഡ്വക്കേറ്റ് കെ പ്രവീൺകുമാറിനെതിരെയാണ് ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടത്. പ്രവർത്തകരെ പുറത്താക്കി ഗിന്നസ് റെക്കോർഡ് നേടാൻ ശ്രമിക്കുന്നുവെന്നാണ് വിമർശനം.
പാർട്ടിയിലെ അഭിപ്രായവ്യത്യാസങ്ങൾ പരിഹരിക്കാതെ പക്ഷപാതപരമായി പെരുമാറുന്നുവെന്നും പോസ്റ്ററിൽ ആരോപണമുണ്ട്. അധികാര ദുർവിനിയോഗം നടത്തി പാർട്ടിയെ നശിപ്പിച്ചു, ഐസിയുവിൽ ആയ പാർട്ടിയെ വെന്റിലേറ്ററിലാക്കി, കൗരവസേനയെ വളർത്തി ജയിക്കാമെന്ന് വ്യാമോഹിക്കേണ്ട എന്നിങ്ങനെ രൂക്ഷമായ പരാമർശങ്ങൾ പേസ്റ്ററിലുണ്ട്. പ്രവീൺ കുമാർ എവിടെ മത്സരിച്ചാലും തോൽപ്പിക്കുമെന്നും പോസ്റ്ററിൽ വെല്ലുവിളിച്ചിട്ടുണ്ട്. ഉള്ളിയേരി പഞ്ചായത്ത് പ്രസിഡന്റിൻ്റെ അഴിമതിക്കും ധിക്കാരത്തിനും കുടപിടിക്കുന്നുവെന്നും പോസ്റ്ററുകളിലെ വിമശനങ്ങളിൽ ചൂണ്ടിക്കാണിച്ചിട്ടുണ്ട്. കഴിഞ്ഞദിവസം ബ്ലോക്ക് പഞ്ചായത്ത് വൈസ് പ്രസിഡണ്ട് ടി ഹരിദാസിനെ പാർട്ടിയിൽ നിന്നും പുറത്താക്കിയിരുന്നു. ഇതിന് പിന്നാലെയാണ് പോസ്റ്റർ പ്രത്യക്ഷപ്പെട്ടിരിക്കുന്നത്.

'എവിടെ മത്സരിച്ചാലും തോൽപ്പിക്കും' ; കോഴിക്കോട് ഡിസിസി പ്രസിഡന്റ് അഡ്വ കെ പ്രവീൺകുമാറിനെതിരെ പോസ്റ്ററുകൾ

വടകര: സി.പി.എം. ഏരിയാസമ്മേളനങ്ങൾക്ക് തുടക്കംകുറിച്ച് നടന്ന ആദ്യ ഏരിയാസമ്മേളനത്തിൽത്തന്നെ ഔദ്യോഗിക പാനലിനെതിരേ മത്സരം. ഞായറാഴ്ച നടന്ന വടകര ഏരിയാസമ്മേളനത്തിലാണ് നാലുപേർ ഔദ്യോഗിക പാനലിനെതിരേ മത്സരിച്ചത്. ആദ്യ ഏരിയാസമ്മേളനമായതിനാൽ മത്സരം പാടില്ലെന്ന് നേതൃത്വത്തിന്റെ മുന്നറിയിപ്പുണ്ടായിരുന്നു. ഇത് അവഗണിച്ചായിരുന്നു മത്സരം. മത്സരിച്ചവർ പരാജയപ്പെട്ടെങ്കിലും ഇവർ മത്സരിക്കാനിടയായ സാഹചര്യം പാർട്ടിക്കുള്ളിൽ ചർച്ചയായിട്ടുണ്ട്.
വടകര ഏരിയാ കമ്മിറ്റിയിലേക്ക് സമീപകാലത്തൊന്നും മത്സരം നടന്നിട്ടില്ല. മുൻ ഏരിയാ കമ്മിറ്റി അംഗവും മണിയൂർ പഞ്ചായത്ത് പ്രസിഡന്റുമായ ടി.കെ. അഷ്‌റഫ്, സി.ഐ.ടി.യു. നേതാവ് വേണു കക്കട്ടിൽ, സി.പി.എം. നടക്കുതാഴ നോർത്ത് ലോക്കൽ സെക്രട്ടറി വത്സൻ കുനിയിൽ, പൊന്മേരി ലോക്കലിലെ ടി.പി. ദാമോദരൻ എന്നിവരാണ് മത്സരിച്ചത്. ഏരിയാകമ്മിറ്റിയിലേക്ക് 21 പേരുടെ ഔദ്യോഗികപാനൽ അവതരിപ്പിച്ചതിന് പിന്നാലെയാണ് ഇവരുടെ പേരുകൾകൂടി നിർദേശിക്കപ്പെട്ടത്.
ഇതോടെ വോട്ടെടുപ്പ് നടന്നു. ആകെ 168 പ്രതിനിധികളാണ് സമ്മേളനത്തിൽ ഉണ്ടായിരുന്നത്. ഇതിൽ ഒരുവോട്ട് അസാധുവായി. ബാക്കിയുള്ള 167 വോട്ടുകളിൽ എല്ലാവോട്ടും കിട്ടിയത് ഔദ്യോഗിക പാനലിലെ ഒരാൾക്ക് മാത്രമാണ്.പാനലിനെതിരേ മത്സരിച്ചവരിൽ ഒരാൾക്ക് 77 വോട്ടുവരെ കിട്ടി. നിലവിലുള്ള സെക്രട്ടറി ഉൾപ്പെടെയുള്ള പ്രമുഖനേതാക്കൾക്ക് ഔദ്യോഗിക പാനലിലെ മറ്റുള്ളവരെക്കാൾ വോട്ടുകുറഞ്ഞതും നേതൃത്വത്തെ ഞെട്ടിച്ചിട്ടുണ്ട്.സംസ്ഥാനത്തെ ആദ്യ ഏരിയാസമ്മേളനമാണ് വടകരയിൽ നടന്നത്. ജില്ലാ സെക്രട്ടറി പി. മോഹനന്റെ സജീവസാന്നിധ്യം സമ്മേളനത്തിലുണ്ടായിരുന്നു.21 അംഗ ഏരിയാ കമ്മിറ്റിയിൽ മൂന്നുപേർ പുതുമുഖങ്ങളാണ്. വടകര നഗരസഭാ ചെയർപേഴ്‌സൺ കെ.പി. ബിന്ദു, ആയഞ്ചേരിയിൽനിന്നുള്ള മീത്തലെ കാട്ടിൽ നാണു, ചെമ്മരത്തൂർ ലോക്കൽ സെക്രട്ടറി പി.കെ. ശ്രീധരൻ എന്നിവരാണ് പുതുമുഖങ്ങൾ.

‌സി.പി.എം വടകര ഏരിയാസമ്മേളനം; മുന്നറിയിപ്പ് അവ​ഗണിച്ച് ഔദ്യോഗികപാനലിനെതിരെ മത്സരം

കണ്ണൂര്‍: എഡിഎം നവീന്‍ ബാബുവിന്റെ മരണം കൊലപാതകമാണെന്നു സംശയിക്കുന്നതായി ആര്‍.എം.പി നേതാവ് കെ.കെ.രമ എം.എല്‍.എ. നവീന്‍ ബാബുവിന്റെ ആത്മഹത്യത്തെയെത്തുടര്‍ന്ന് ഒളിവില്‍ പോയ മുന്‍ കണ്ണൂര്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യയുടെ മുൻകൂർ ജാമ്യാപേക്ഷ കോടതി പരഗണിക്കുന്ന പശ്ചാത്തലത്തിലാണ്‌ കെ.കെ രമയുടെ ആരോപണം. വലിയ ഗൂഢാലോചന ഇതിനകത്ത് നടന്നിട്ടുണ്ടെന്നും കണ്ണൂരില്‍ നടക്കുന്ന ഒട്ടേറെ മരണങ്ങളുടെ തുടര്‍ച്ചയാണ് നവീന്‍ ബാബുവിന്റെ മരണത്തില്‍ എത്തി നില്‍ക്കുന്നതെന്നും കെ.കെ.രമ ആരോപിച്ചു.
'ഏറ്റവും നല്ല ഉദ്യോഗസ്ഥനാണെന്ന് ജില്ലാ സെക്രട്ടറി സാക്ഷ്യപ്പെടുത്തിയ ഒരാള്‍ക്കെതിരെയാണ് ഒരു ജില്ലാ പഞ്ചായത്ത് പ്രസിഡന്റ് അഴിമതി ആരോപണം ഉന്നയിക്കുന്നത്. അതു തന്നെ ദുരൂഹമാണ്. വളരെ കൃത്യമായ പ്ലാനിങ്ങാണ് ഇതിനുപിന്നിലുള്ളത്. വലിയ ആലോചന ഇതിനകത്ത് നടന്നിട്ടുണ്ട്. കണ്ണൂരില്‍ നടക്കുന്ന ഒട്ടേറെ മരണങ്ങളുടെ ഒരു തുടര്‍ച്ചയാണിത്. ദുരൂഹമാണ്. കൊലപാതകമാണ് എന്നു സംശയിക്കുന്ന എല്ലാ തെളിവുകളിലേക്കും നയിക്കുന്നുണ്ട്. നവീന്‍ ബാബുവിന്റെ മരണം അന്വേഷിച്ചു കണ്ടെത്തണം. അതിന് കേരളത്തിന് പുറത്തുള്ള ഒരു ഏജന്‍സിക്ക് മാത്രമേ ഇതു സാധിക്കുകയുള്ളൂ. ആ ഏജന്‍സിക്ക് അന്വേഷണം കൈമാറണം'-കെ.കെ രമ പറഞ്ഞു.

പുറത്തുള്ള ഏജന്‍സി അന്വേഷിക്കണം; നവീന്‍ ബാബുവിന്റെ മരണം കൊലപാതകമെന്ന് സംശയിക്കുന്നതായി കെ.കെ.രമ

Search Results for: home birth