ഇരിങ്ങണ്ണൂർ: മികച്ച ബാലനടിക്കുള്ള സംസ്ഥാന ചലച്ചിത്ര അവാർഡ് നേടിയ തെന്നൽ അഭിലാഷിനെ ആർ.ജെ.ഡി നേതാക്കൾ ഇരിങ്ങണ്ണൂരിലെ വീട്ടിലെത്തി അനുമോദിച്ചു. തെന്നലിനുള്ള ആർ.ജെ.ഡിയുടെ ഉപഹാരം സീനിയർ നേതാവ് എം വേണുഗോപാലക്കുറുപ്പ് കൈമാറി. ആർ.ജെ.ഡി മണ്ഡലം പ്രസിഡന്റ് വത്സരാജ് മണലാട്ട്, എടച്ചേരി പഞ്ചായത്ത് കമ്മറ്റി പ്രസിഡണ്ട് ഗംഗാധരൻ പാച്ചാക്കര, സെക്രട്ടറിമാരായ ടി. പ്രകാശൻ, കെ.രജീഷ്, ശ്രീജിത്ത് പുറക്കാലുമ്മൽ എന്നിവർ പങ്കെടുത്തു.&nbsp;&nbsp;

മികച്ച ബാലനടി തെന്നലിനെ ആർ.ജെ.ഡി അനുമോദിച്ചു

Nadapuram

നാദാപുരം: ദുരിതമനുഭവിക്കുന്ന വിലങ്ങാട് ഉരുൾപൊട്ടൽ മേഖലയിൽ ആരോഗ്യ വകുപ്പിൻ്റെയും ദേശീയ ഹെൽത്ത് മിഷൻ്റെയും ആഭിമുഖ്യത്തിൽ സ്പെഷ്യാലിറ്റി മെഡിക്കൽ ക്യാമ്പ് സംഘടിപ്പിച്ചു. മെഡിക്കൽ കോളേജിലെയും ആരോഗ്യവകുപ്പിലെയും ഡോക്ടർമാർ രോഗികളെ പരിശോധിച്ചു. ഇതോടൊപ്പം ആയുർവേദം, ഹോമിയോ മെഡിക്കൻ സംഘവും പരിശോധന നടത്തി.&nbsp;
കൗൺസിലിങ്ങ്, ബോധവൽക്കരണ ക്ലാസുകളും സംഘടിപ്പിച്ചു. മൊബെൽ മെഡിക്കൽ ടീം ആദിവാസി ഉന്നതികളിൽ സന്ദർശനം നടത്തി. ഇ.കെ.വിജയൻ എം.എൽ.എ ,ബ്ലോക്ക് പ്രസിഡൻ്റ് കെ.പി.വനജ, പഞ്ചായത്ത് പ്രസിഡൻ്റ് പി.സുരയ്യ , ഗ്രാമ, ബ്ലോക്ക് പഞ്ചായത്ത് അംഗങ്ങൾ, ഡി.പി.എം. ഡോ:ഷാജി.സി.കെ. ,ഡോ: നവീൻ എ എന്നിവർ സന്നിഹിതരായി. 300 രോഗികളെ ക്യാമ്പിൽ പരിശോധ നടത്തി.

വിലങ്ങാട് സ്പെഷ്യാലിറ്റി മെഡിക്കൽ ക്യാമ്പ് സംഘടിപ്പിച്ചു

കൊച്ചി: ഹേമ കമ്മിറ്റി റിപ്പോർട്ട് പുറത്തുവന്നതിനു പിന്നാലെ ഗുരുതര ആരോപണവുമായി തിലകന്‍റെ മകൾ സോണിയ തിലകൻ. പ്രമുഖ നടനിൽനിന്ന് ദുരനുഭവം നേരിട്ടതായി അവർ വെളിപ്പെടുത്തി.
സ്വാധീനമുള്ള പ്രമുഖ നടനിൽനിന്നാണ് ദുരനുഭവം നേരിട്ടത്. മുറിയിലേക്ക് വരാൻ ആവശ്യപ്പെട്ട് സന്ദേശം അയച്ചു. മോൾ എന്നാണ് വിളിച്ചത്, ചെറുപ്പം മുതലേ കാണുന്നയാളാണ് വിളിച്ചത്.പേര് ഉചിതമായ സമയത്ത് പറയും. ഹേമ കമ്മിറ്റി റിപ്പോർട്ട് മുഴുവനായും പുറത്തുവിടണമെന്നും ഇരകൾക്ക് നീതി ലഭിക്കമെന്നും അവർ പറഞ്ഞു.
സോണിയയുടെ വാക്കുകള്‍:
അച്ഛന്‍ പറഞ്ഞ അറിവാണുള്ളത്. 2010-ലാണ് അച്ഛന്‍ ആദ്യമായി സിനിമയിലെ വിഷയങ്ങള്‍ പുറത്തുപറയുന്നത്. അച്ഛനുമായുള്ള പ്രശ്‌നം നടക്കുന്ന സമയത്ത് സംഘടനയുടെ മീറ്റിങ് നടക്കുമ്പോള്‍ ഏതാണ്ട് 62 ഗുണ്ടകളെ പുറത്ത് സജ്ജമാക്കി നിര്‍ത്തിയിരിക്കുകയായിരുന്നു. ഇതൊരു മാഫിയയാണെന്ന് അച്ഛന്‍ പറഞ്ഞു. അന്ന് പലരും ഇത് മുഖവിലയ്‌ക്കെടുത്തില്ല. ഈ സംഘടനയുടെ ബൈലോ പ്രകാരം ഇക്കാര്യങ്ങള്‍ പുറത്തുപറയാന്‍ പാടില്ലെന്നാണ്. പക്ഷേ, അച്ഛന്‍ അത് തുറന്ന് പറഞ്ഞു.
"എനിക്ക് സിനിമാക്കാരെ ഭയം ഉണ്ടാകേണ്ട കാര്യമില്ല. കുട്ടിക്കാലം മുതല്‍ അവരെ കാണുന്നവതാണ്‌ ഞാന്‍. വീട്ടിലെ അംഗങ്ങളെപ്പോലെയാണ് പെരുമാറിയിരുന്നത്. വ്യക്തിപരമായ കാര്യങ്ങളെല്ലാം അച്ഛനുമായി അവര്‍ സംസാരിക്കാറുണ്ടായിരുന്നു. പിന്നീട് ഈ പ്രശ്‌നം വന്നപ്പോള്‍, എല്ലാവരും ഒറ്റക്കെട്ടായി. ഒരു മേശയ്ക്ക് ചുറ്റുമിരുന്ന് സംസാരിച്ച് തീര്‍ക്കേണ്ട കാര്യമാണ് ഈ നിലയില്‍ എത്തിച്ചത്. പുറത്താക്കാനും പീഡകര്‍ക്ക് കൂട്ടുനില്‍ക്കാനുമാണോ ഈ സംഘടന? ഹേമ കമ്മിറ്റി റിപ്പോര്‍ട്ടിന്റെ വെളിച്ചത്തില്‍ സംഘടന പിരിച്ചുവിടുകയാണ് വേണ്ടത്. സര്‍ക്കാര്‍ നടപടി സ്വീകരിക്കണം. ഒരാള്‍ നല്ല ഷര്‍ട്ട് ഇട്ടു വന്നാല്‍ പോലും ഈഗോ കാരണം പുറത്താക്കുന്നതടക്കമുള്ള സംഭവം ഉണ്ടായിട്ടുണ്ടെന്ന് അച്ഛന്‍ പറഞ്ഞിട്ടുണ്ട്.
"അച്ഛന്‍ മരിച്ചതിന് ശേഷം ഒരു പ്രധാനനടന്‍ എന്നെ വിളിച്ചു. അച്ഛനോട് ചെയ്ത കാര്യങ്ങളില്‍ കുറ്റബോധമുണ്ട് എന്നൊക്കെ പറഞ്ഞിട്ട്. മോളേ എന്നൊക്കെ വിളിച്ച് ബഹുമാനത്തോടെയാണ് സംസാരിച്ചത്. പക്ഷേ പിന്നീട് എനിക്ക് വന്ന സന്ദേശങ്ങളില്‍നിന്ന് ഉദ്ദേശ്യം വേറെയാണെന്നു മനസ്സിലായി. സിനിമയുമായി ബന്ധമില്ലാത്ത എനിക്ക് വരെ ഈ അനുഭവമുണ്ടായി. ഞാന്‍ അവരുടെ സുഹൃത്തിന്റെ മകളാണ്.
"അച്ഛന്‍ മരിച്ചതിന് ശേഷം സിനിമയില്‍ സൗഹൃദങ്ങളൊന്നുമില്ല. വല്ലപ്പോഴും കണ്ടാല്‍ സംസാരിക്കും. അച്ഛനോട് ചെയ്ത കാര്യങ്ങള്‍ മനസ്സില്‍നിന്ന് അങ്ങനെ പോകില്ലല്ലോ. അച്ഛനെ സിനിമയില്‍നിന്ന് വിലക്കിയ ശേഷം സീരിയലിലും വിലക്കി. സിനിമയിലെ ഒരു നടനായിരുന്നു സീരിയലിന്റെ സംഘടനയുടെ തലപ്പത്ത്. ഇവര്‍ ഒരു പതിനഞ്ച് പേരുണ്ട്. ഒരു ഹിഡന്‍ അജണ്ട വച്ചാണ് അവര്‍ പ്രവര്‍ത്തിക്കുന്നത്. പോക്‌സോ കേസ് പോലുള്ള ഗുരുതരമായ പ്രശ്‌നങ്ങള്‍ ഹേമ കമ്മിറ്റി റിപ്പോര്‍ട്ടില്‍ പറയുന്നു. കര്‍ശനമായി നിയമനടപടിയെടുക്കേണ്ട വിഷയമാണ്."

ആ നടൻ എന്നോട് മുറിയിലേക്ക് വരാൻ ആവശ്യപ്പെട്ടു ;ഗുരുതര ആരോപണവുമായി തിലകന്‍റെ മകൾ സോണിയ

വരണ്ട തലമുടിയാണ് ചിലരെ അലട്ടുന്ന പ്രശ്നം. പല കാരണങ്ങള്‍ കൊണ്ടും തലമുടി വരണ്ടുപോകാം. നല്ലൊരു മോയിസ്ചറൈസിങ് ഷാമ്പൂവും കണ്ടീഷ്ണറും ഉപയോഗിക്കുന്നത് തലമുടിയുടെ വരള്‍ച്ചയെ തടയാന്‍ സഹായിക്കും. സിറം ഉപയോഗിക്കുന്നതും തലമുടി 'ഡ്രൈ' ആകുന്നത് തടയാന്‍ സഹായിക്കും.&nbsp;
ചില ഹെയര്‍ പാക്കുകള്‍ ഉപയോഗിച്ചും തലമുടി 'ഡ്രൈ' ആകുന്നത് പരിഹരിക്കാം. അത്തരം ചില ഹെയര്‍ പാക്കുകളെ പരിചയപ്പെടാം:&nbsp;
ഒന്ന്
ഒരു റോബസ്റ്റ പഴം നന്നായി പേസ്റ്റ് രൂപത്തിൽ അരച്ചെടുക്കണം. ശേഷം തൈര് ചേര്‍ത്ത് ഇവയെ മിശ്രിതമാക്കുക. ഇനി ഈ മിശ്രിതം മുടിയിൽ നന്നായി പുരട്ടിയതിന് ശേഷം മുടി കെട്ടി വെച്ച് ഒരു പ്ലാസ്റ്റിക് കവർ കൊണ്ട് മൂടുക. 20 മിനിറ്റ് മുതൽ 1 മണിക്കൂർ വരെ ഇങ്ങനെ വയ്ക്കാം. ശേഷം വീര്യം കുറഞ്ഞ ഷാംപൂ ഉപയോഗിച്ച് തല കഴുകാം. മുടി മൃദുലവും ഈര്‍പ്പമുള്ളതുമാകാന്‍ ഇത് സഹായിക്കും. ആഴ്ചയിൽ ഒരു തവണ എങ്കിലും ഈ മാസ്ക് ഉപയോഗിക്കുന്നത് നല്ലതാണ്.&nbsp;
രണ്ട്
പഴുത്ത അവക്കാഡോയുടെ പള്‍പ്പും ഒരു ടേബിൾ സ്പൂൺ തേനും എടുത്ത് മിക്സ് ചെയ്യുക. ഇനി ഇതിലേയ്ക്ക് മുട്ടയുടെ വെള്ള പൊട്ടിച്ച് ഒഴിക്കുക. ഇത് നന്നായി അടിച്ചെടുക്കുക. ശേഷം ഇതിലേയ്ക്ക് ഏതാനും തുള്ളി ഓയില്‍ ചേര്‍ക്കാം. ഇനി ഈ മിശ്രിതം ശിരോചർമ്മത്തിലും തലമുടിയിലും തേച്ചുപിടിപ്പിക്കാം. 20 മിനിറ്റിനുശേഷം ചെറു ചൂടുവെള്ളത്തിൽ കഴുകാം. ആഴ്ചയില്‍ രണ്ടോ മൂന്നോ തവണയൊക്കെ ഇങ്ങനെ ചെയ്യാം.&nbsp;
മൂന്ന്
കറ്റാർവാഴ ജെല്ലും വെളിച്ചെണ്ണയും ചേര്‍ത്ത് മിശ്രിതമാക്കി തലമുടിയില്‍ പുരട്ടുന്നതും തലമുടിയുടെ വരള്‍ച്ച മാറാന്‍ സഹായിക്കും.&nbsp;
നാല്
കഞ്ഞിവെള്ളത്തില്‍ ഉലുവ കുതിര്‍ത്ത് തലയോട്ടിയില്‍ പുരട്ടുന്നതും മുടി വളരാന്‍ ഗുണം ചെയ്യും.&nbsp;&nbsp;

തലമുടി 'ഡ്രൈ' ആകുന്നുണ്ടോ..? പരിഹരിക്കാൻ ഈ ഹെയര്‍ പാക്കുകള്‍

Health

കുവൈത്ത് സിറ്റി : പ്രധാനമന്ത്രി നരേന്ദ്രമോദിയുടെ കുവൈത്ത് സന്ദർശനം ഉടനുണ്ടാകുമെന്ന് കുവൈത്ത് വിദേശകാര്യമന്ത്രി അബ്ദുല്ല അലി അൽ യഹ്യ. ഇന്ത്യൻ വിദേശകാര്യമന്ത്രി ഡോ. എസ്. ജയ്ശങ്കറുമായുള്ള കൂടിക്കാഴ്ചയ്ക്കുശേഷം കുവൈത്ത് വാർത്താ ഏജൻസിയോട് വ്യക്തമാക്കിയതാണ് ഇക്കാര്യം.
നരേന്ദ്രമോദിയുടെ കുവൈത്ത് സന്ദർശനത്തിന്റെ ക്രമീകരണങ്ങൾ അന്തിമമാക്കാനും സന്ദർശനം സഹായിച്ചതായി അബ്ദുല്ല അൽ യഹ്യ അറിയിച്ചു. ഞായറാഴ്ചയാണ് ഔദ്യോഗിക സന്ദർശനത്തിനായി ഇന്ത്യൻ വിദേശകാര്യമന്ത്രി കുവൈത്തിലെത്തിയത്.കുവൈത്ത് കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹ്, പ്രധാനമന്ത്രി ശൈഖ് അഹ്‌മദ് അബ്ദുല്ല ഇൽ അഹമ്മദ് അസ്സബാഹ് എന്നിവരുമായും ജയ്ശങ്കർ കൂടിക്കാഴ്ച നടത്തിയിരുന്നു. രാഷ്ട്രപതി ദ്രൗപദി മുർമുവിന്റെയും പ്രധാനമന്ത്രി നരേന്ദ്രമോദിയുടെയും ആശംസകൾ ജയ്ശങ്കർ കുവൈത്ത് ഭരണാധികാരികളെ അറിയിച്ചു.

പ്രധാനമന്ത്രി നരേന്ദ്രമോദിയുടെ കുവൈത്ത് സന്ദർശനം ഉടനെന്ന് റിപ്പോർട്ടുകൾ

Gulf

തിരുവനന്തപുരം: റേഷൻ ഭക്ഷ്യധാന്യത്തിന്റെ വാതിൽപ്പടി വിതരണം ഉറപ്പാക്കുന്നതിന്റെ ചെലവിനായി സംസ്ഥാന സിവിൽ സപ്ലൈസ്‌ കോർപറേഷന്‌ 50 കോടി രൂപ അനുവദിച്ചു. അധിക സംസ്ഥാന വിഹിതമായാണ്‌ തുക ലഭ്യമാക്കുന്നതെന്ന്‌ ധനമന്ത്രി കെ.എൻ. ബാലഗോപാൽ അറിയിച്ചു.
ദേശീയ ഭക്ഷ്യ നിയമത്തിനു കീഴിൽ റേഷൻ ഭക്ഷ്യധാന്യ വിതരണത്തിന്റെ നിരക്ക്‌ ക്വിന്റലൊന്നിന്‌ 65 രൂപയാണ്‌. ഇത്‌ കേന്ദ്ര, സംസ്ഥാന സർക്കാറുകൾ തുല്യമായി പങ്കിടണമെന്നാണ്‌ വ്യവസ്ഥ. എന്നാൽ, കേരളത്തിൽ ക്വിന്റലൊന്നിന്‌ 190 മുതൽ 200 രൂപവരെ കൈകാര്യ, ട്രാൻപോർട്ടിങ്‌ ചെലവ്‌ വരുന്നു. ഇതിൽ 32.50 രൂപ ഒഴികെയുള്ള തുക സംസ്ഥാന സർക്കാറാണ് നൽകുന്നത്.

റേഷൻ വാതിൽപ്പടി വിതരണത്തിനായി 50 കോടി അനുവദിച്ചു

Kerala

കോ​ഴി​ക്കോ​ട്: മു​പ്പ​ത് ദി​വ​സ​ത്തി​നു​ള്ളി​ൽ വി​വ​രാ​വ​കാ​ശ അ​പേ​ക്ഷ​യി​ൽ മ​റു​പ​ടി ന​ൽ​കാ​ത്ത വി​വ​രാ​വ​കാ​ശ ഓ​ഫി​സ​ർ​മാ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്ന് സം​സ്ഥാ​ന വി​വ​രാ​വ​കാ​ശ ക​മീ​ഷ​ൻ അം​ഗം ടി.​കെ. രാ​മ​കൃ​ഷ്ണ​ൻ. ഒ​രു ഓ​ഫി​സി​ൽ ല​ഭി​ക്കു​ന്ന വി​വ​രാ​വ​കാ​ശ അ​പേ​ക്ഷ​യി​ൽ ചോ​ദി​ച്ച വി​വ​ര​ങ്ങ​ൾ മ​റ്റൊ​രു ഓ​ഫി​സി​ൽ​നി​ന്നാ​ണ് ല​ഭ്യ​മാ​ക്കേ​ണ്ട​തെ​ങ്കി​ൽ​പോ​ലും അ​ത് ആ ​ഓ​ഫി​സി​ലേ​ക്ക് കൈ​മാ​റേ​ണ്ട ചു​മ​ത​ല വി​വ​രാ​വ​കാ​ശ ഓ​ഫി​സ​ർ​ക്കു​ണ്ട്. വി​വ​ര​ങ്ങ​ൾ ഈ ​ഓ​ഫി​സി​ൽ ല​ഭ്യ​മ​ല്ല, അ​റി​യി​ല്ല എ​ന്ന രീ​തി​യി​ൽ മ​റു​പ​ടി ന​ൽ​കു​ന്ന​തി​നെ​തി​രെ ന​ട​പ​ടി സ്വീ​ക​രി​ക്കും -ക​മീ​ഷ​ൻ വ്യ​ക്ത​മാ​ക്കി.
വി​വ​രാ​വ​കാ​ശ അ​പേ​ക്ഷ​യി​ൽ ര​ണ്ടാം അ​പ്പീ​ൽ കൂ​ടി​വ​രു​ന്ന പ്ര​വ​ണ​ത​യു​ണ്ട്. ഇ​ത് താ​ഴെ ത​ട്ടി​ൽ ത​ന്നെ വി​വ​ര​ങ്ങ​ൾ ന​ൽ​കു​ന്ന​തി​ൽ വീ​ഴ്ച​വ​രു​ത്തു​ന്ന​തി​നാ​ലാ​ണ്. ര​ണ്ടാം അ​പ്പീ​ലു​ക​ളു​ടെ എ​ണ്ണം കു​റ​ക്കു​ന്ന​തി​ൽ സ്റ്റേ​റ്റ് പ​ബ്ലി​ക് ഇ​ൻ​ഫ​ർ​മേ​ഷ​ൻ ഓ​ഫി​സ​ർ​മാ​ർ​ക്ക് നി​ർ​ണാ​യ​ക പ​ങ്കു​ണ്ടെ​ന്നും ക​മീ​ഷ​ൻ പ​റ​ഞ്ഞു. തി​ങ്ക​ളാ​ഴ്ച കോ​ഴി​ക്കോ​ട് ന​ട​ന്ന സി​റ്റി​ങ്ങി​ൽ 11 അ​പേ​ക്ഷ പ​രി​ഗ​ണി​ച്ച് തീ​ർ​പ്പാ​ക്കി.

വി​വ​രം ല​ഭ്യ​മാ​ക്കാ​ത്ത ഓ​ഫി​സ​ർ​മാ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ന്ന് വി​വ​രാ​വ​കാ​ശ ക​മീ​ഷ​ൻ

Kozhikode

തിരുവനന്തപുരം: ഹേമ കമ്മിറ്റി റിപ്പോർട്ട് പൂഴ്ത്തിവെച്ചതിന് സംസ്ഥാന സർക്കാർ ജനങ്ങളോട് മാപ്പ് പറയണമെന്ന് ബി.ജെ.പി. സംസ്ഥാന അധ്യക്ഷൻ കെ. സുരേന്ദ്രൻ. റിപ്പോർട്ടിൻമേൽ അടിയന്തര നടപടി സ്വീകരിക്കാൻ സർക്കാർ തയ്യാറാവണം. ഇടതുപക്ഷ സർക്കാരിൻ്റെ സ്ത്രീവിരുദ്ധ നയങ്ങളുടെ ഏറ്റവും ഒടുവിലത്തെ ഉദാഹരണമാണിതെന്നും അദ്ദേഹം പ്രസ്താവനയില്‍ ആരോപിച്ചു.
'സിനിമാ സെറ്റുകളിലെ സ്ത്രീവിരുദ്ധത അവസാനിപ്പിക്കാൻ സർക്കാർ ശക്തമായ നിലപാടെടുക്കണം. സിനിമാ സെറ്റുകൾ സ്ത്രീ സൗഹാർദ്ദമാക്കാൻ വേണ്ട ഇടപെടലുകൾ കൈക്കൊള്ളണം. ശുചിമുറികളും വസ്ത്രം മാറാനുള്ള സൗകര്യങ്ങളും ഉറപ്പു വരുത്തണം. ഇതുവരെ വേട്ടക്കാർക്കൊപ്പമുള്ള നിലപാടെടുത്തത് ഇനിയെങ്കിലും സർക്കാർ തിരുത്താൻ തയ്യാറാവണം.' -സുരേന്ദ്രൻ ആവശ്യപ്പെട്ടു.
ഇരകളുടെ വിവരങ്ങൾ മറച്ചുവെക്കേണ്ടത് സർക്കാരിൻ്റെ നിയമപരമായ ബാധ്യതയാണ്. എന്നാൽ അതിക്രമം നടത്തിയവരുടെ വിവരങ്ങൾ മറച്ചുവെച്ചത് എന്തിൻ്റെ പേരിലാണെന്ന് മുഖ്യമന്ത്രി വ്യക്തമാക്കണം. സിനിമാ സെറ്റുകളിലെ സമാന്തര ഭരണം ഇല്ലാതാക്കി സ്ത്രീകൾക്ക് അന്തസായി തൊഴിൽ ചെയ്യാനുള്ള സാഹചര്യം സർക്കാർ ഉറപ്പു വരുത്തണമെന്നും കെ.സുരേന്ദ്രൻ ആവശ്യപ്പെട്ടു.

ഹേമ കമ്മിറ്റി റിപ്പോർട്ട് പൂഴ്ത്തിവെച്ചതിന് സർക്കാർ മാപ്പ് പറയണമെന്ന് കെ. സുരേന്ദ്രൻ

ഹേമ കമ്മിറ്റി റിപ്പോർട്ടിൽ പ്രതികരണവുമായി ​മന്ത്രിയും നടനുമായ കെ.ബി ​ഗണേഷ് കുമാർ. റിപ്പോർട്ടിൽ വേണ്ട നടപടികൾ സർക്കാർ സ്വീകരിക്കുമെന്ന് മന്ത്രി പറഞ്ഞു. തന്നോട് ആരും പരാതി പറഞ്ഞിട്ടില്ലെന്നും പറഞ്ഞാൽ നടപടിയെടുക്കുമെന്നും ​ഗണേഷ് കുമാർ കൂട്ടിച്ചേർത്തു.
'റിപ്പോർട്ടിൽ സാംസ്കാരിക മന്ത്രി കൃത്യമായ മറുപടി പറഞ്ഞിട്ടുണ്ട്. അദ്ദേഹമതിൽ നടപടി എടുക്കുമെന്ന് എനിക്ക് ഉറപ്പുണ്ട്. ​ഗതാ​ഗത മന്ത്രിക്ക് ഇക്കാര്യത്തിൽ ഇടപെടേണ്ട കാര്യമില്ല. പരാതികൾ എല്ലാം ശരിയാണെന്ന് എനിക്ക് എങ്ങനെ പറയാനാകും. ആളുകളുടെ വ്യക്തിപരമായ കാര്യങ്ങളാണ്. എന്നോട് പരാതി പറഞ്ഞാൽ എനിക്ക് പച്ചക്ക് പുറത്തുപറയാനാകും. റിപ്പോർട്ട് ഞാൻ കണ്ടിട്ടില്ല. അതിൽ വേണ്ട നടപടി സർക്കാർ സ്വീകരിക്കും.
ഒരുപാട് അസൗകര്യങ്ങൾ ഉണ്ടെന്നത് ശരിയാണ്. നടപ്പിലാക്കേണ്ട കാര്യങ്ങൾ കൃത്യമായും നടപ്പാക്കും. എന്നോട് ആരും പരാതി പറഞ്ഞിട്ടില്ല. എന്നോട് പറഞ്ഞാൽ നടപടി എടുത്തിരിക്കും. റിപ്പോർട്ടിലെ പുറത്തുവരാത്ത കാര്യങ്ങളെക്കുറിച്ച് അഭിപ്രായം പറയാനാകില്ല', ​ഗണേഷ്കുമാർ പറഞ്ഞു.

ഹേമ കമ്മിറ്റി റിപ്പോർട്ട് : എന്നോട് ആരും പരാതി പറഞ്ഞിട്ടില്ല ; വേണ്ട നടപടി സർക്കാർ സ്വീകരിക്കുമെന്നും ഗണേഷ് കുമാർ

തിരുവനന്തപുരം: ഹേമ കമ്മിറ്റി റിപ്പോർട്ട് പുറത്തുവന്നതിനുപിന്നാലെ പ്രതികരിച്ച് സി.പി.എം സംസ്ഥാന സെക്രട്ടറി എം.വി.​ഗോവിന്ദൻ. എല്ലാ തൊഴിലിടങ്ങളിലും സ്ത്രീകൾക്ക് സുരക്ഷ ഉറപ്പാക്കേണ്ടത് സമൂഹത്തിന്റെ ഉത്തരവാദിത്വമാണെന്നും സർക്കാർ ഫലപ്രദമായ ഇടപെടലുകളിലേക്കാണ് നീങ്ങുന്നതെന്നും അദ്ദേഹം മാധ്യമങ്ങളോട് പറഞ്ഞു.
കോടതിയുടെ സാങ്കേതികമായ പ്രശ്നങ്ങളെല്ലാം പരിഹരിക്കപ്പെട്ടതോടുകൂടിയാണ് പൊതുജനങ്ങളുടെ മുന്നിലേക്ക് റിപ്പോർട്ട് എത്തിയിരിക്കുന്നതെന്ന് ​​ഗോവിന്ദൻ വ്യക്തമാക്കി. 'പുരുഷമേധാവിത്വമാണ് ഇന്ത്യൻ സമൂഹത്തിന്റെ ഏറ്റവും വലിയ സവിശേഷത. ഫ്യൂഡൽ ജീർണത അവസാനിക്കാത്ത, ജനാധിപത്യ സംവിധാനത്തിലേക്ക് പൂർണമായും എത്തിച്ചേരാത്ത ഒരു സമൂഹമാണിത്. ഈ ജീർണത മുഴുവൻ പ്രതിഫലിക്കുന്ന ഒന്നാണ് ഹേമ കമ്മിറ്റി റിപ്പോർട്ടിന്റെ ഭാ​ഗമായി കാണാൻ കഴിയുന്നത്. സ്ത്രീ സമൂഹത്തിന്റെ ഉന്നതിക്ക് വേണ്ടിയാണ് സർക്കാർ പ്രവർത്തിക്കുക', ​അദ്ദേഹം പറഞ്ഞു.
സ്ത്രീവിരുദ്ധതയാണ് ഇന്ത്യൻ സമൂഹത്തിന്റെ മുഖമുദ്രയെന്നും പടിപടിയായി ജനാധിപത്യവത്കരണത്തിലേക്കുള്ള നീക്കം ഉണ്ടാകുമെന്നും അദ്ദേഹം വ്യക്തമാക്കി

സ്ത്രീവിരുദ്ധത ഇന്ത്യൻസമൂഹത്തിന്റെ മുഖമുദ്ര ; ഹേമ കമ്മിറ്റി റിപ്പോർട്ടിൽ പ്രതികരിച്ച് എം.വി.​ഗോവിന്ദൻ

കാഞ്ഞിരപ്പള്ളി: ചിറ്റാർ പുഴയിൽ വീണ് കാണാതായ യുവാവിൻ്റെ മൃതദേഹം കണ്ടെത്തി. പാലാ വലവൂർ ഇളംതോട്ടത്തിൽ അരുൺ ചന്ദ്രൻ്റെ (29) മൃതദേഹമാണ് കണ്ടെത്തിയത്. പഴയിടം കോസ് വേയ്ക്ക് സമീപം മൂന്നാംദിവസമാണ് മൃതദേഹം കണ്ടെത്തിയത്.
ഞായറാഴ്ചയാണ് ചിറക്കടവ് മൂന്നാം മൈലിൽ ചെക്ക് ഡാമിന് സമീപം കുളിക്കാനിറങ്ങിയ അരുണിനെ ഒഴുക്കിൽപ്പെട്ട് കാണാതായത്. മൃതദേഹം കിലോമീറ്ററുകൾ അകലെ പഴയിടം മണിമലയാറ്റിൽനിന്നാണ് കണ്ടെത്തിയത്.&nbsp;

ചിറ്റാർ പുഴയിൽ വീണ് കാണാതായ യുവാവിൻ്റെ മൃതദേഹം കണ്ടെത്തി

നാദാപുരം: മുൻ പ്രധാനമന്ത്രി രാജീവ്ഗാന്ധിയുടെ ജന്മദിനം കോൺഗ്രസ് കമ്മിറ്റികൾ വിപുലമായ പരിപാടികളോടെ ആഘോഷിച്ചു. നാദാപുരം ബ്ലോക്ക് കോൺഗ്രസ് കമ്മിറ്റി രാജീവ് ഗാന്ധിയുടെ ജന്മദിനത്തോടനുബന്ധിച്ച് സംഘടിപ്പിച്ച പരിപാടിയിൽ ഡി കെ ടി എഫ് സംസ്ഥാന പ്രസിഡന്റ് യു വി ദിനേശ് മണി പ്രതിജ്ഞ ചൊല്ലി കൊടുത്തു. പ്രസിഡന്റ് മോഹനൻ പാറക്കടവ് അധ്യക്ഷത വഹിച്ചു.

രാജീവ് ഗാന്ധിയുടെ ജന്മദിനം ആഘോഷിച്ചു

കോഴിക്കോട്: അത്തോളിയിലെ ജനവാസ മേഖലകളിൽ കണ്ടത് കടുവയെന്ന് സംശയം. കൂമുള്ളി പുത്തഞ്ചേരി റോഡിലാണ് തിങ്കളാഴ്ച വീണ്ടും കടുവയ്ക്ക് സമാനമായ മൃ​ഗത്തെ കണ്ടത്. മൂന്ന് ദിവസമായി അത്തോളിയിലെ വിവിധ ഭാ​ഗങ്ങളിൽ കടുവയുടെ സാന്നിധ്യം ഉണ്ടെന്നാണ് നാട്ടുകാർ പറയുന്നത്.
സെയ്ദ് തോട്ടത്തിൽ എന്നയാളുടെ വീടിന് മുന്നിൽ അയൽവാസിയായ യുവാവാണ് കടുവയെന്ന് സംശയിക്കുന്ന ജീവിയെ തിങ്കളാഴ്ച കണ്ടത്.തുടർന്ന് അത്തോളി പോലീസും കക്കയം ഡെപ്യൂട്ടി ഫോറസ്റ്റ് ഓഫീസർ വിജിത്തിന്റെ നേതൃത്തിലുളള സംഘവും പരിശോധന നടത്തി.സി.സി.ടി.വിയും കാൽപാടുകളും ഉൾപ്പടെ പരിശോധിച്ചതിൽനിന്നും കടുവയാണെന്ന സംശയത്തിലാണ് ഫോറസ്റ്റ് ഉദ്യോ​ഗസ്ഥർ. ഇതോടെ ജനങ്ങളും ഭീതിയിലായി.&nbsp;

അത്തോളിയിലെ ജനവാസമേഖലയിൽ കടുവയെ കണ്ടെന്ന് സംശയം;നാട്ടുകാർ ഭീതിയിൽ

തൃശ്ശൂര്‍: റെയില്‍വേ സ്‌റ്റേഷനിലെ പ്ലാറ്റ്‌ഫോമില്‍ യുവതി പ്രസവിച്ചു. ചൊവ്വാഴ്ച രാവിലെയാണ് റെയില്‍വേ സ്‌റ്റേഷനിലെ പ്ലാറ്റ്‌ഫോമില്‍വെച്ച് ഇതരസംസ്ഥാനക്കാരിയായ യുവതി കുഞ്ഞിന് ജന്മം നല്‍കിയത്. പിന്നാലെ യുവതിയെയും കുഞ്ഞിനെയും ആശുപത്രിയിലേക്ക് മാറ്റി.
ചൊവ്വാഴ്ച രാവിലെ പ്ലാറ്റ്‌ഫോമില്‍ എസ്‌കലേറ്ററിന് സമീപം അവശയായനിലയിലാണ് പൂര്‍ണഗര്‍ഭിണിയായ യുവതിയെ യാത്രക്കാരും അധികൃതരും കണ്ടത്. പ്രസവവേദന അനുഭവപ്പെട്ട ഇവരെ ആശുപത്രിയിലേക്ക് മാറ്റാന്‍ ശ്രമിച്ചെങ്കിലും ആംബുലന്‍സ് എത്തിക്കുന്നതിന് മുന്‍പുതന്നെ യുവതി പ്രസവിക്കുകയായിരുന്നു. തുടര്‍ന്ന് റെയില്‍വേ പോലീസിന്റെ നേതൃത്വത്തില്‍ ഇവരെ ആംബുലന്‍സില്‍ ആശുപത്രിയിലേക്ക് മാറ്റി

തൃശ്ശൂര്‍ റെയില്‍വേ സ്റ്റേഷനിലെ പ്ലാറ്റ്‌ഫോമില്‍ യുവതി പ്രസവിച്ചു

നെടുങ്കണ്ടം: വീട്ടിൽ കയറി വീട്ടമ്മയുടെ കണ്ണിൽ മുളകുപൊടി വിതറി യുവാക്കൾ പണം കവർന്നെന്ന പരാതി വ്യാജമെന്ന്‌ തെളിയിച്ച്‌ പൊലീസ്‌. 18 ലക്ഷം രൂപ തട്ടിയെന്ന പരാതിയാണ്‌ മണിക്കൂറുകൾക്കുള്ളിൽ പൊളിഞ്ഞത്‌. ഓണച്ചിട്ടിയില്‍ നിക്ഷേപിച്ച പണം ആളുകള്‍ക്ക് തിരികെ നല്‍കാന്‍ കഴിയാതെ വന്നതോടെയാണ് ഇടുക്കി നെടുങ്കണ്ടം കോമ്പയാര്‍ സ്വദേശിനി കള്ളക്കഥ ഉണ്ടാക്കിയത്‌. ഇന്നലെ വൈകുന്നേരം മൂന്നിനാണ് നാടകീയ സംഭവങ്ങളുടെ തുടക്കം. രണ്ടംഗ സംഘം വീട്ടിൽ അതിക്രമിച്ചു കയറി ഒറ്റയ്ക്കായിരുന്ന തന്റെ മുഖത്തു മുളകുപൊടി വിതറി ലക്ഷങ്ങൾ തട്ടിയെന്നാണു യുവതി ആരോപിച്ചത്. വന്നവർ മുഖംമൂടി ധരിച്ചിരുന്നു. കണ്ണിൽ മുളകുപൊടി വിതറിയശേഷം അലമാരയിൽ നിന്നു പണം എടുത്തുകൊണ്ടു പോയി എന്നാണു വീട്ടമ്മ പൊലീസിനോട്‌ പറഞ്ഞത്‌.
നെടുങ്കണ്ടം എസ്ഐ ടി എസ് ജയകൃഷ്ണൻ, ജില്ലാ പൊലീസ് മേധാവി ടി കെവിഷ്ണു പ്രദീപ്‌, കട്ടപ്പന ഡിവൈഎസ്പി വി എ നിഷാദ്മോൻ എന്നിവരുടെ നേതൃത്വത്തിലായിരുന്നു അന്വേഷണം. എന്നാൽ ചോദ്യം ചെയ്യലിൽ വീട്ടമ്മ കുഴഞ്ഞു വീണു. മോഷണം പോയ തുകയിലും മൊഴികളിലും വൈരുധ്യം വന്നതോടെ പൊലീസ് കൂടുതൽ ചോദ്യങ്ങൾ ചോദിച്ചു. ഫൊറൻസിക് സംഘം ഉൾപ്പെടെയുള്ളവർ വരുമെന്നും കൂടുതൽ പ്രശ്നമാകുമെന്നു മനസ്സിലാക്കിയ വീട്ടമ്മ മോഷണം കെട്ടിച്ചമച്ചതാണെന്നു സമ്മതിക്കുകയായിരുന്നു. പരാതി ഇല്ലാത്തതിനാൽ സംഭവത്തിൽ പൊലീസ് കേസെടുത്തിട്ടില്ല. പ്രദേശത്തു വീട്ടമ്മ ചിട്ടി നടത്തുന്നതായി നാട്ടുകാർ പറഞ്ഞു. സമയബന്ധിതമായി നൽകേണ്ട ചിട്ടിപ്പണം കൈവശം ഇല്ലാതെ വന്നപ്പോൾ സൃഷ്ടിച്ച നാടകമാണെന്നാണ് സൂചന.

കണ്ണിൽ മുളകുപൊടി വിതറി 18 ലക്ഷം രൂപ കവർന്നെന്ന് വീട്ടമ്മ; സംഭവം വ്യാജമെന്ന് തെളിയിച്ച്‌ പൊലീസ്‌

അഴിയൂർ: അഴിയൂർ സബ് രജിസ്ട്രാർ ഓഫീസ് പുതിയ കെട്ടിടത്തിലേക്ക്. നൂറ്റാണ്ടുകൾ പഴക്കമുള്ള അഴിയൂർ സബ് രജിസ്ട്രാർ ഓഫീസ് കാലപ്പഴക്കത്തെ തുടർന്ന് അപകട ഭീഷണി നേരിട്ടതിനാൽ പുതുക്കി പണിയുന്നതിന്റെ ഭാഗമായി 3 വർഷത്തോളമായി അഴിയൂർ ബോർഡ് സ്കൂളിന് സമീപത്തെ വാടക കെട്ടിടത്തിലായിരുന്നു പ്രവർത്തിച്ചിരുന്നത്. പുതിയ കെട്ടിടത്തിന്റെ പണി ഇപ്പോൾ പൂർത്തിയായി. പഴയ സ്ഥലമായ റെയിൽവേ ഗേറ്റിന് കിഴക്കുവശത്തെ പുതിയ കെട്ടിടത്തിൽ വ്യാഴാച മുതൽ ഓഫീസ് പ്രവർത്തനം ആരംഭിക്കും.

അഴിയൂർ സബ്ബ് രജിസ്ട്രാർ ഓഫീസ് പുതിയ കെട്ടിടത്തിലേക്ക്

Vadakara

കക്കട്ടിൽ : മുൻ പ്രധാനമന്ത്രി രാജീവ് ഗാന്ധിയുടെ 80-ാം ജന്മദിനം കുന്നുമ്മൽ തവിടോറ മേഖലാ കോൺഗ്രസ് കമ്മിറ്റിയുടെ നേതൃത്യത്തിൽ ആചരിച്ചു. ബ്ലോക്ക് കോൺഗ്രസ് സെക്രട്ടറി എലിയാറ ആനന്ദൻ ഉദ്ഘാടനം ചെയ്തു. ബുത്ത് പ്രസിഡൻ്റ് പി.കെ ലിഗേഷ് അധ്യക്ഷത വഹിച്ചു. എം.എം ശ്രീനിവാസൻ, ടി.വി ദിലീപൻ, ഇ പ്രകാശൻ , എം.എം. മിഥുൻ, ഷാജഹാൻ കല്ലേരി, എം.പി ശ്രീജിത്ത്, അർജ്ജുൻ ഇ, ടി.വി സുരേന്ദ്രൻ എന്നിവർ പ്രസംഗിച്ചു.

രാജീവ് ഗാന്ധിയുടെ ജന്മദിനം ആചരിച്ചു

Inshort

ആയഞ്ചേരി: ഇന്ത്യാ രാജ്യത്തെ ഇരുപത്തി ഒന്നാം നൂറ്റാണ്ടിലേക്ക് കൈപിടിച്ചുയർത്താൻ നേതൃത്വം നൽകിയ ക്രാന്തദർശിയായ രാജീവ് ഗാന്ധിയുടെ 80-ാം ജന്മ ദിനം ആയഞ്ചേരി മണ്ഡലം കോൺഗ്രസ്സ് കമ്മിററിയുടെ നേതൃത്വത്തിൽ വിവിധ പരിപാടിളോടെ ആഘോഷിച്ചു. ദേശീയോദ്ഗ്രഥന പ്രതിജ്ഞ മണ്ഡലം പ്രസിഡണ്ട് കണ്ണോത്ത് ദാമോദരൻ ചൊല്ലി കൊടുത്തു. മലയിൽ ബാലകൃഷ്ണൻ, ജി.കെ.കുഞ്ഞിക്കണ്ണൻ, പി.കെ ദേവാനന്ദൻ , വി.കെ രാജൻ, മുഹമ്മദ് യൂനുസ്ആനാണ്ടി ,ഷൈബ മല്ലി വീട്ടിൽ, പി. എം ലതിക, കുളങ്ങര മണി, കെ.സി ശിവരാജ്, കണ്ണോത്ത് പത്മനാഭൻ ,പറമ്പത്ത് കുഞ്ഞിരാമൻ, ദിവാകരൻ കൊള്ളികാവിൽ എന്നിവർ സംബന്ധിച്ചു.

രാജീവ് ഗാന്ധി ജന്മദിനം ആഘോഷിച്ചു

വടകര: കേരളത്തിൽ തുടർച്ചയായി ഉണ്ടാകുന്ന പ്രകൃതിദുരന്തങ്ങളിൽ നിന്ന് നാടിനെ മോചിപ്പിക്കുന്നതിന് പിണറായി സർക്കാറിന് പ്രത്യേക പദ്ധതികളില്ലെന്നും ദുരിതാശ്വാസ പ്രവർത്തനങ്ങൾ ജനങ്ങളിൽ ഏല്പിച്ച് സർക്കാർ ഒളിച്ചോടുകയാണെന്നും കെ.സി ഉമേഷ് ബാബു പറഞ്ഞു. ആർ.എം.പി.ഐ നേതൃത്വത്തിൽ വള്ളിക്കാട് സംഘടിപ്പിച്ച പി.കൃഷ്ണപിള്ള അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കൃഷ്ണപിള്ള പടുത്തുയർത്തിയ കമ്മ്യൂണിസ്റ്റ് പാർട്ടി വർത്തമാന കാലത്ത് ജനപക്ഷരാഷ്ട്രീയം ഉപേക്ഷിച്ച് അധികാര പാർട്ടിയായി അധപ്പതിച്ചെന്നും അദ്ദേഹം പറഞ്ഞു.&nbsp;
ജനപക്ഷ നിലപാടുകൾ കൈവെടിഞ്ഞ പിണറായി സർക്കാറും പാർട്ടിയും അടിസ്ഥാന ജനവിഭാഗത്തിൻ്റെ താൽപ്പര്യങ്ങൾ സംരക്ഷിക്കാതെ ജനങ്ങളുടെ ക്ഷേമ ആനുകൂല്യങ്ങൾ നിർത്തലാക്കുകയാണ്. ഇത്തരം ജനവിരുദ്ധർ നയിക്കുന്ന പാർട്ടി കൃഷ്ണപിള്ളയുടെ കമ്മ്യൂണിസ്റ്റ് പാർട്ടിയല്ലെന്ന് കാലം തെളിയിച്ചു കൊണ്ടിരിക്കുകയാണെന്നും അദ്ദേഹം പറഞ്ഞു. ആർ.എം.പി.ഐ സംസ്ഥാന സെക്രട്ടറി എൻ വേണു, കുളങ്ങര ചന്ദ്രൻ, ടി.കെ. സിബി, കെ.ഭാസ്കരൻ എന്നിവർ സംസാരിച്ചു. കെ.കെ സദാശിവൻ അധ്യക്ഷനായി.

പ്രകൃതിദുരന്തങ്ങളിൽ നിന്ന് നാടിനെ മോചിപ്പിക്കുന്നതിന് പിണറായി സർക്കാറിന് പ്രത്യേക പദ്ധതികളില്ല; കെ.സി ഉമേഷ് ബാബു

വടകര: കോഴിക്കോട് റൂറൽ എസ്.പിയായി പി.നിധിൻരാജിനെ നിയമിച്ചു. നിലവിൽ തിരുവനന്തപുരം സിറ്റി ലോ ആൻഡ് ഓർഡർ, ട്രാഫിക് വിഭാഗം ഡെപ്പ്യൂട്ടി കമ്മീഷണറാണ്. 2019 ബാച്ച് ഐ.പി.എസ്. ഉദ്യോഗസ്ഥനായ ഇദ്ദേഹം നാദാപുരം, തലശ്ശേരി, പാലാ എന്നിവിടങ്ങളിൽ എ.എസ്.പിയായും സ്‌പെഷ്യൽ ഓപ്പറേഷൻസ് മലപ്പുറം എസ്.പിയായും തൃശൂർ ഇന്ത്യ റിസർവ്വ് ബറ്റാലിയൻ കമാൻഡന്റായും സേവനം അനുഷ്ഠിച്ചിട്ടുണ്ട്. കാസർകോട് സ്വദേശിയാണ്.

പി നിധിൻരാജ് കോഴിക്കോട് റൂറൽ എസ്.പി

വടകര: ഉരുൾപൊട്ടൽ ദുരന്തമനുഭവിക്കുന്ന വയനാടിന് കൈതാങ്ങാവാൻ മാക്കൂൽ പീടിക റൈസൽ അരാമം ഫൗണ്ടേഷനും. പുനരധിവാസത്തിന് തയ്യാറെടുക്കുന്ന കുടുംബങ്ങൾക്ക് വീട്ടുപകരണങ്ങളുമായാണ് റൈസല്‍ ആരാമം ഫൗണ്ടേഷൻ സ്നേഹ സ്പർശം യാത്ര പുറപ്പെട്ടത്. സ്നേഹ സ്പർശം അബ്ദുല്ല , കുഞ്ഞബ്ദുള്ള പി പി, അഷറഫ് കല്ലുള്ളതിൽ എന്നിവർ ചേർന്ന് ഫ്ലാഗ് ഓഫ് ചെയ്തു.&nbsp;
പ്രാർത്ഥനാ ചടങ്ങിന് ഉമർ ഫൈസി നേതൃത്വം നൽകി. അകാലത്തിൽ മരണപ്പെട്ട റൈസലിന്റെ നാമധേയത്തിൽ രൂപീകൃതമായ റൈസല്‍ ആരാമം ഫൗണ്ടേഷൻ ജീവകാരുണ്യ പ്രവർത്തനങ്ങൾക്ക് നേതൃത്വം നൽകിവരുന്നു. ചടങ്ങിൽ ചെയർമാൻ ഷംസു പി വി ടി, ട്രെഷറർ നൗഫൽ മണ്ടൊടി, ഷംസീർ കല്ലുള്ളതിൽ, അൻവർ ടി എം, സഹൽ വി പി, ഫൈസൽ കെ കെ സി, ഫസലു കെ കെ സി, ഷംസീർ, നജീബ് ഡി കെ, സലിൽ ഷഫീക്, ആശിർ, മുൻസീർ, തുടങ്ങിയവർ പങ്കെടുത്തു.

വയനാടിന്റെ കണ്ണീരൊപ്പാൻ റൈസല്‍ ആരാമം ഫൗണ്ടേഷന്റെ 'സ്നേഹ സ്പർശം'

വടകര: കെപിഎസി പ്ലാറ്റിനം ജൂബിലി ആഘോഷവും തോപ്പിൽഭാസി ജന്മശതാബ്ദിയും പുതിയ നാടകമായ "ഉമ്മാച്ചു" ഉദ്ഘാടനവും സപ്തംബർ 10 ന് നടക്കും. കെ പി എ സി യുടെ ഏറ്റവും പുതിയ നാടകമായ ഉറൂബിന്റെ നോവലിനെ അടിസ്ഥാനമാക്കിയുള്ള "ഉമ്മാച്ചു" വടകരയിൽ ഉദ്ഘാടനം ചെയ്യപ്പെടും. കെപിഎസി പ്ലാറ്റിനം ജൂബിലിയുടെയും തോപ്പിൽഭാസി അനുസ്മരണത്തിന്റെയും ഭാഗമായാണ് ഉദ്ഘാടന പരിപാടി സംഘടിപ്പിക്കുന്നത്. സപ്തംബർ 10ന് വടകര ടൗൺഹാളിൽ നടക്കുന്ന പ്ലാറ്റിനം ജൂബിലി ആഘോഷത്തിന്റെ ഭാഗമായി സെമിനാറുകൾ, നാടക സംവാദങ്ങൾ, കെ പി എ സി നാടക ഗാന ആലാപനങ്ങൾ, തോപ്പിൽ ഭാസി അനുസ്മരണം എന്നിവ നടക്കും. വൈകുന്നേരം 7 മണിക്ക് ഉമ്മാച്ചു നാടകം അരങ്ങേറും. പരിപാടിയുടെ സംഘാടകസമിതി രൂപീകരണ യോഗം വടകരയിൽ നടന്നു.
രാഷ്ട്രീയ സാമൂഹിക സാംസ്കാരിക മേഖലയിലെ പ്രമുഖർ സംഘാടകസമി യോഗത്തിൽ സംബന്ധിച്ചു. കെപിഎസി സെക്രട്ടറി അഡ്വ:എ ഷാജഹാൻ ഉദ്ഘാടനം ചെയ്തു. വടകര മുൻസിപ്പൽ വൈസ് ചെയർമാൻ പി കെ സതീശൻ അധ്യക്ഷത വഹിച്ചു. ഇ കെ വിജയൻ എംഎൽഎ , വി ടി മുരളി,അഡ്വ: പി വസന്തം,ടി വി ബാലൻ, തയ്യുള്ളതിൽ രാജൻ, ഡോ: ശശികുമാർ പുറമേരി, പി പി രാജൻ,ഇ വി വത്സൻ, അഡ്വക്കേറ്റ് പി ഗവാസ്, സുരേഷ് ബാബു ശ്രീസ്ഥ, സോമൻ മുതുവന, ടി കെ വിജയരാഘവൻ, പി സുരേഷ് ബാബു, ആർ സത്യൻ, എൻ എം ബിജു, ഇ രാധാകൃഷ്ണൻ തുടങ്ങിയവർ സംസാരിച്ചു.
ഭാരവാഹികൾ
രക്ഷാധികാരികൾ
അഡ്വ: പി വസന്തം
ഇ കെ വിജയൻ എംഎൽഎ
കെ പി ബിന്ദു (മുൻസിപ്പൽ ചെയർപേഴ്സൺ )
പാലേരി രമേശൻ
വി ടി മുരളി&nbsp;
കെ വീരാൻകുട്ടി&nbsp;
കെ കെ ബാലൻ&nbsp;
ടി കെ രാജൻ
എം നാരായണൻ&nbsp;
ചെയർമാൻ
പി ഹരീന്ദ്രനാഥ്&nbsp;
ജനറൽ കൺവീനർ
എൻ എം ബിജു
ട്രഷറർ 
ആർ സത്യൻ

കെപിഎസി പ്ലാറ്റിനം ജൂബിലി ആഘോഷവും തോപ്പിൽഭാസി ജന്മശതാബ്ദിയും

വാണിമേൽ: മു പ്രധാനമന്ത്രി രാജിവ് ഗാന്ധിയുടെ എൺപതാം ജന്മദിനത്തിൽ കാവിലുംപാറ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ അനുസ്മരണവും വർഗീയ വിരുദ്ധ പ്രതിഞ്ജയും നടത്തി. ബ്ലോക്ക് പ്രസിഡൻ്റ ജമാൽ കോരംങ്കോട് അനുസ്മരണ പ്രഭാഷണം നടത്തി. ബ്ലോക്ക് വൈസ് പ്രസിഡൻ്റ് പി.കെ.പ്രസാദ് പ്രതിഞ്ജ ചൊല്ലി കൊടുത്തു.&nbsp;
ഒ.രവീന്ദ്രൻ , ഷെബി സെബാസ്റ്റ്യൻ, നങ്ങാണ്ടി സുലൈമാൻ, കെ.കുഞ്ഞാലി , എം.കെ.കുഞ്ഞബ്ദുല്ല, ജയേഷ് കുമാർ യു.പി, അനസ് നങ്ങാണ്ടി, കല്ലിൽ കുഞ്ഞബ്ദുല്ല, കെ.ബാലകൃഷ്ണൻ, ചള്ളയിൽ കുഞ്ഞാലി, ലത്തീഫ് കുണ്ടിൽ, ഡോൺ കെ.തോമസ്, ലിബിത്ത് , സമീർ കെ.കെ, ഫിറോസ് ചള്ളയിൽ, അസ്ലം കല്ലിൽ, രവി വയലിൽ, ശരീഫ് കെ.കെ, ഇസ്ഹാഖ് ഇ.പി, അഹമ്മദ് കുട്ടി കെ.വി തുടങ്ങിയവർ സംസാരിച്ചു. ബ്ലോക്ക് ജനറൽ സെക്രട്ടറി യു.കെ.അഷറഫ് അധ്യക്ഷത വഹിച്ചു. ബ്ലോക്ക് വൈസ്: പ്രസി: പി.എ.ശശി സ്വാഗതവും വാണിമേൽ മണ്ഡലം പ്രസി: എൻ.കെ.മുത്തലിബ് നന്ദിയും പറഞ്ഞു.

അനുസ്മരണവും വർഗീയ വിരുദ്ധ പ്രതിഞ്ജയും

തിരുവള്ളൂർ: മുൻ പ്രധാനമന്ത്രി രാജീവ് ഗാന്ധിയുടെ എൺപതാം ജന്മദിനം സദ്ഭാവനാ ദിനമായി ആചരിച്ചു. തിരുവള്ളൂർ മണ്ഡലം കോൺഗ്രസ്‌ കമ്മിറ്റി ചാനിയം കടവിൽ സംഘടിപ്പിച്ച പരിപാടി മുതിർന്ന കോൺഗ്രസ്‌ നേതാവ് വി. കെ കുട്ടി ഉദ്ഘാടനം ചെയ്തു. പുഷ്പാർച്ചനയും അനുസ്മരണവും നടത്തി. വി കെ ഇസ്ഹാഖ് അധ്യക്ഷത വഹിച്ചു. ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി എ കെ അബ്ദുല്ല പ്രതിജ്ഞ ചൊല്ലി കൊടുത്തു. പ്രമോദ് കോട്ടപ്പള്ളി, വിപി കുമാരൻ, ശ്രീജ തറവട്ടത്ത്, ഹമീദ് പനച്ചി കണ്ടി, സി ആർ സജിത്ത്, എ എസ് അജീഷ്, ദിലീപ് കാഞ്ഞിരാട്ടുതറ, ബബിത വെള്ളൂക്കര, സി സി കുഞ്ഞിരാമൻ ഗുരുക്കൾ, വി കെ എം രവീന്ദ്രൻ, എം ടി രുധീഷ്, സുധി കുയ്യന, അജയ് കൃഷ്ണ, അശോകൻ പള്ളിനോളി, സിവി ഹാഫിസ് അബ്ദുള്ള എന്നിവർ സംസാരിച്ചു.

സദ്ഭാവനാ ദിനം ആചരിച്ചു

ന്യൂഡൽഹി/തിരുവനന്തപുരം: പട്ടികജാതി, പട്ടികവര്‍ഗ വിഭാഗങ്ങളിലെ സാമ്പത്തികമായി മുന്നാക്കം നില്‍ക്കുന്നവരെ വേര്‍തിരിച്ച്‌ സംവരണാനുകൂല്യത്തില്‍നിന്ന് ഒഴിവാക്കണമെന്ന സുപ്രീം കോടതി വിധിക്കെതിരെ ഭീം ആര്‍മിയും വിവിധ ദലിത് -ബഹുജന്‍ പ്രസ്ഥാനങ്ങളും ബുധനാഴ്ച രാജ്യത്ത് ഭാരത് ബന്ദ് നടത്തും. ഇതിന്റെ ഭാഗമായി കേരളത്തിലും നാളെ ഹർത്താൽ ആചരിക്കുമെന്ന് വിവിധ ആദിവാസി-ദലിത് സംഘടനകളും അറിയിച്ചിട്ടുണ്ട്. ഊരുകൂട്ട ഏകോപന സമിതി, ഗോത്രമഹാസഭ, മലഅരയ സംരക്ഷണസമിതി, എം സി എഫ്, വിടുതലൈ ചിരിതൈഗള്‍ കച്ഛി, ദളിത് സാംസ്‌കാരികസഭ, കേരള സാംബവ സൊസൈറ്റി, കേരള ഉള്ളാട നവോഥാനസഭ എന്നീ സംഘടനകളാണ് ഹര്‍ത്താലിന് നേതൃത്വം നല്‍കുന്നത്.
രാവിലെ ആറു മണി മുതൽ വൈകീട്ട് ആറ് വരെയായിരിക്കും ഹർത്താൽ. പ്രകൃതി ദുരന്തത്തിന്റെ പശ്ചാത്തലത്തിൽ വയനാട് ജില്ലയെ ഹർത്താലിൽ നിന്ന് ഒഴിവാക്കിയിട്ടുണ്ട്. അതേസമയം, കേരളത്തിൽ പൊതുഗതാഗതത്തെയും സ്കൂളുകളുകൾ, പരീക്ഷകൾ തുടങ്ങിയവയുടെ പ്രവർനത്തെയും ബാധിക്കില്ല.
സംസ്ഥാന വ്യാപകമായി പ്രതിഷേധ റാലികൾ സംഘടിപ്പിക്കാൻ സംഘടനകൾ തീരുമാനിച്ചിട്ടുണ്ട്. സുപ്രീം കോടതിവിധി മറികടക്കാൻ പാര്‍ലമെന്‍റ് നിയമനിര്‍മാണം നടത്തുക, വിദ്യാഭ്യാസ മേഖലയില്‍ അടിച്ചേല്‍പിച്ച 2.5 ലക്ഷം രൂപ വാര്‍ഷിക വരുമാനപരിധി ഉള്‍പ്പെടെ എല്ലാത്തരം ക്രീമിലെയര്‍ നയങ്ങളും റദ്ദാക്കുക, എസ്‌.സി, എസ്.ടി ലിസ്റ്റ് ഒമ്പതാം പട്ടികയില്‍പെടുത്തി സംരക്ഷിക്കുക തുടങ്ങിയവയാണ് സംഘടനകളുടെ ആവശ്യം. സമഗ്ര ജാതി സെന്‍സസ് ദേശീയതലത്തില്‍ നടത്തണമെന്നും ആവശ്യപ്പെട്ടു.

ഭാരത് ബന്ദ് നാളെ; കേരളത്തിൽ ഹർത്താൽ ആചരിക്കുമെന്ന് ദലിത് സംഘടനകൾ

National

നാദാപുരം: കല്ലാച്ചി ഇലക്ട്രിസിറ്റി ഓഫിസ് കല്ലാച്ചി ടൗണിൽ നിന്നും ഉൾഭാഗത്തേക്ക് മാറ്റിയത് ഗുണഭോക്താക്കളെ പ്രയാസത്തിലാക്കുന്നു. കറന്റ് ബില്ല് അടക്കാൻ വരുന്ന സാധാരണക്കാർ അങ്ങോട്ടുമിങ്ങോട്ടും 60 രൂപ ചിലവാക്കി ഓട്ടോറിക്ഷ വിളിച്ചു മാത്രമേ ഇലക്‌ട്രിസിറ്റി ഓഫീസിൽ എത്താൻ കഴിയുകയുള്ളു. കറന്റ് ചാർജ് അടക്കാൻ തന്നെ പ്രയാസപ്പെടുന്ന സാധാരണക്കാർക്ക് വാഹനം വിളിച്ചു പോകുന്ന ചാർജ് കൂടി കൊടുക്കേണ്ടുന്നത് വലിയ ബുദ്ധിമുട്ടാണ്.&nbsp;
കല്ലാച്ചി ടൗണിൽ ആളുകൾക്ക് എത്തിപ്പെടാൻ കഴിയുന്ന ഭാഗത്ത് ബില്ല് അടക്കാനുള്ള ബിൽ കൗണ്ടർ അനുവദിച്ചു തരണമെന്ന് നാദാപുരം ഗ്രാമ പഞ്ചായത്ത് ഇയ്യംകോട് രണ്ടാം വാർഡ് ഗ്രാമസഭ ആവശ്യപ്പെട്ടു. വാർഡ് മെമ്പർ സി കെ നാസർ അധ്യക്ഷത വഹിച്ചു. കൺവീനർ ഷഹീർ മുറിച്ചാണ്ടി സ്വാഗതം പറഞ്ഞു.

'കല്ലാച്ചി ഇലക്ട്രിസിറ്റി ഓഫിസ് ടൗണിൽ നിന്ന് മാറ്റിയത് പ്രയാസകരം'

വെള്ളി കുളങ്ങര: സി പി ഐ ഒഞ്ചിയം ലോക്കൽ സെക്രട്ടറിയും ബീഡി സിഗാർ വർക്കേഴ്സ് യൂണിയൻ എഐടിയുസി നേതാവുമായിരുന്ന വി കെ ഭാസ്കരന്റെ പതിമൂന്നാമത് ചരമ വാർഷികം പുന്നേരി താഴയിൽ ആചരിച്ചു. സ്മൃതി മണ്ഡപത്തിൽ പ്രവർത്തകർ പുഷ്പാർച്ചന നടത്തി. തുടർന്ന് നടന്ന അനുസ്മരണ യോഗം സി പി ഐ ജില്ലാ എക്സിക്യൂട്ടിവ് അംഗം പി സുരേഷ് ബാബു ഉദ്ഘാടനം ചെയ്തു. കെ ഗംഗാധരകുറുപ്പ് അധ്യക്ഷത വഹിച്ചു. ആർ സത്യൻ, ഇ രാധാകൃഷ്ണൻ , വി പി രാഘവൻ, എൻ ബാലൻ, കെ ജയപ്രകാശ്, മധു കക്കുറയിൽ എന്നിവർ പ്രസംഗിച്ചു.

വി കെ ഭാസ്കരനെ അനുസ്മരിച്ചു

നാദാപുരം: വിലങ്ങാട് ഉരുൾപൊട്ടലിൽ വീട് നഷ്ടപ്പെട്ട മഞ്ഞക്കുന്ന് സ്വദേശിനി മണിമൽപറമ്പിൽ ഉഷയ്ക്ക് നാട്ടുകാരുടെ സഹായത്തോടെ ഉണ്ടാക്കുന്ന വീട്ടിലെ ശുചിമുറി നിർമ്മാണം മോഹൻലാൽ ഫാൻസ് വടകര - കക്കട്ട് ഏരിയ കമ്മിറ്റികൾ ഏറ്റെടുത്ത് പൂർത്തിയാക്കി. ടൈൽസ്, വാതിൽ, ബാത്ത്റൂം ഫിറ്റിംഗുകൾ ഉൾപ്പെടെ മുഴുവൻ സാധന സാമഗ്രികളും വാങ്ങി നൽകി ഫാൻസ് പ്രവർത്തകരുടെ സഹകരണത്തോടെ കഴിഞ്ഞ ദിവസം ശുചിമുറിയുടെ നിർമ്മാണം പൂർത്തിയാക്കി.&nbsp;
ഉഷയും കുടുംബവും താമസിച്ചിരുന്ന വാടക വീട് ഉരുൾപൊട്ടലിൽ തകർന്നിരുന്നു. ക്യാമ്പുകളിലും ബന്ധു വീടുകളിലുമായി കഴിയുകയാണ് ഇപ്പോൾ ഇവരുടെ കുടുംബം. നാട്ടുകാരുടെ സഹായത്തോടെ പണി നടന്നുകൊണ്ടിരിക്കുന്ന പുതിയ വീടിന്റെ ശുചിമുറിയാണ് മോഹൻലാൽ ആരാധകർ ഏറ്റെടുത്ത് നിർമ്മിച്ചത്. ഫാൻസ് അസോസിയേഷൻ ഭാരവാഹികളായ സന്ദീപ് കെ കെ, ശ്രീജീഷ് കെ സി, ഷിബിൻലാൽ, സനൽദേവ് പി എസ്, സുമേഷ് കെ എന്നിവർ നേതൃത്വം നൽകി.

വിലങ്ങാടിന് കൈത്താങ്ങായി മോഹൻലാൽ ഫാൻസും; ശുചിമുറി നിർമാണം പൂർത്തിയാക്കി

പുറമേരി : പുറമേരിയിൽ ആരോഗ്യവിഭാഗത്തിന്റെ പരിശോധനയിൽ ദന്താശുപത്രിക്കെതിരെ നടപടി. അടിസ്ഥാനസൗകര്യങ്ങൾ ഇല്ലാതെയും പഞ്ചായത്തിന്റെ അനുമതിയില്ലാതെയും പ്രവർത്തിച്ച പുറമേരി ടൗണിലെ ഡെന്റൽ പേൾ മൾട്ടി സ്പെഷ്യാലിറ്റി ക്ലിനിക്കിന്റെ പ്രവർത്തനമാണ് ആരോഗ്യവിഭാഗം നിർത്തിവെപ്പിച്ചത്. ബയോമെഡിക്കൽ മാലിന്യം അലക്ഷ്യമായി കൈകാര്യംചെയ്തതുമായി ബന്ധപ്പെട്ട് ആരോഗ്യവിഭാഗത്തിന് ലഭിച്ച പരാതിയെത്തുടർന്ന് ആരോഗ്യവിഭാഗം പരിശോധന നടത്തുകയായിരുന്നു.
പുറമേരി കുടുംബാരോഗ്യകേന്ദ്രം ഹെൽത്ത് ഇൻസ്പെക്ടർ സുരേന്ദ്രൻ കല്ലേരി, ജെ.എച്ച്.ഐ. കെ. സന്ദീപ് കുമാർ എന്നിവർ നടത്തിയ പരിശോധനയെത്തുടർന്നാണ് നടപടി. സ്ഥാപനത്തിന്റെ പ്രവർത്തനം തുടർന്നാൽ മാരകമായ ആരോഗ്യപ്രശ്നങ്ങൾ ഉണ്ടാവാൻ സാധ്യതയുണ്ടെന്ന് ബോധ്യപ്പെട്ടതിന്റെ അടിസ്ഥാനത്തിലാണ് നിർത്തിവെക്കാൻ ഉത്തരവ് നൽകിയതെന്നും സ്ഥാപനത്തിനെതിരേ പൊതുജനാരോഗ്യനിയമം 2023 പ്രകാരം നിയമനടപടികൾ സ്വീകരിക്കുമെന്നും കുടുംബാരോഗ്യകേന്ദ്രം മെഡിക്കൽ ഓഫീസർ ഡോക്ടർ ഇസ്മയിൽ പുളിയംവീട്ടിൽ അറിയിച്ചു.

ആരോഗ്യവിഭാഗത്തിന്റെ പരിശോധന; പുറമേരിയിൽ ദന്താശുപത്രി അടച്ചുപൂട്ടി

കോഴിക്കോട്: ഒരു മാസവും മൂന്ന് ദിവസങ്ങളും പിന്നിട്ടു... കലങ്ങി മറിഞ്ഞൊഴുകിയ ​ഗം​ഗാവലി പുഴ തെളിഞ്ഞൊഴുകി തുടങ്ങി... കണ്ണാടിക്കലിലെ അർജുന്റെ വീട്ടിൽ കലങ്ങി മറിഞ്ഞ ഹൃദയവുമായി അച്ഛനും അമ്മയും ഭാര്യയും മകനും കുടുംബവുമുണ്ട്. നിലവിലെ സാഹചര്യമറിയിക്കാൻ, കുടുംബത്തിന് ധൈര്യം പകരാൻ കർണാടകയിൽ നിന്ന് ഈശ്വർ മാൽപെ അർജുന്റെ വീട്ടിലെത്തിയപ്പോഴും ആ അമ്മ ചോദിച്ചു... എന്റെ മകനെ കണ്ടെത്തില്ലേ ?
കുടുംബം പോറ്റാൻ 20-ാമത്തെ വയസ്സിൽ വളയം പിടിച്ച അർജുൻ അനിയത്തിയുടെ വിവാഹ നിശ്ചയം നടത്തണം, മകനെ മൂകാംബികയിൽ എഴുത്തിനിരുത്തണം എന്നിങ്ങനെ ഒരുപാട് സ്വപ്നങ്ങളുമായാണ് അവസാനം വീട്ടിൽ നിന്നും ഇറങ്ങിയത്. സ്വപ്നങ്ങൾക്ക് മേൽ അന്ന് ഒലിച്ചിറങ്ങിയ മണ്ണിനടിയിലെവിടോ മകനുണ്ടെന്ന് ഓർക്കുമ്പോൾ അമ്മയുടെ ഉള്ള് പിടയുന്നുണ്ട്. ആ അമ്മയ്ക്കും കുടുംബത്തിനും അർജുനെ കണ്ടെത്തുമെന്ന് വാക്കുനൽകിയാണ് മാൽപെയുടെ മടക്കം.
വെള്ളത്തിലിറങ്ങാനുള്ള അനുമതി ലഭിക്കാൻ പ്രയാസമുള്ള സാഹചര്യമാണ് ഉള്ളതെന്ന് മാൽപെ പറഞ്ഞു. 30 അടിയോളം താഴ്ചയിൽ മണ്ണടിഞ്ഞത് നീക്കണം, ഡ്രെഡ്ജിങ് മെഷീൻ ഉപയോഗിച്ച് കൊണ്ടുള്ള തെരച്ചിൽ ആണ് ഇനി വേണ്ടത്. മെഷീൻ എത്താൻ ഇനിയും വൈകും എന്നാണ് അറിയാൻ കഴിഞ്ഞത്. ഇതിനായി ഫണ്ട് ഇല്ലാത്ത രീതിയിലാണ് കർണാടക സർക്കാരിന്റെ ഇടപെടലെന്നും ഇനിയും വൈകിയാൽ കാലാവസ്ഥ വീണ്ടും പ്രതികൂലമാവുമെന്നും അദ്ദേഹം പറഞ്ഞു.
കോട്ടയ്ക്കലിൽ നിന്നും ടൈലുമായി മൈസൂരിലേക്കു പോയ അർജുൻ ജൂലായ് 15-നാണ് ബെൽ​ഗാമിൽ നിന്നും തടിയുമായി എടവണ്ണയിലേക്ക് തിരിച്ചത്. 16-ന് രാവിലെ ഷിരൂരിൽ ​ഗം​ഗാവാലിപ്പുഴയ്ക്ക് സമീപം വണ്ടി നിർത്തി വിശ്രമിക്കുന്നതിനിടെ മണ്ണിടിച്ചിലിൽ പെട്ടു. അർജുനെ കാണാതായ വിവരം കേരളത്തിലെ മാധ്യമങ്ങളിൽ വലിയ വാർത്തയായതോടെയാണ് ഇഴഞ്ഞു നീങ്ങിയ തിരിച്ചിൽ വേ​ഗത്തിലായത്. മണ്ണ് നീക്കിയിട്ടും ലോറി കണ്ടെത്താനായതോടെ തിരച്ചിൽ ​ഗം​ഗാവലിപുഴയിലേക്ക് മാറ്റി. ശക്തമായ അടിയൊഴുക്കുകാരണം നേവിയും ഈശ്വർ മാൽപെയ്ക്കും വെള്ളത്തിൽ മുങ്ങി തിരച്ചിൽ നടത്താനായില്ല. തുടർന്ന് നിർത്തി വെച്ച തിരച്ചിൽ പുനരാംഭിച്ചത് മുതൽ അർജുനെക്കുറിച്ച് എന്തെങ്കിലും സൂചന കിട്ടും എന്ന പ്രതീക്ഷയിലായിരുന്നു എല്ലാവരും. വീണ്ടും അനിശ്ചിതത്വം ഉടലെടുത്തെങ്കിലും മാൽപയുടെ ഉറപ്പിന്റെ പ്രതീക്ഷയിലാണ് കുടുംബം.

'മകനെ കണ്ടെത്തും'; അര്‍ജുന്റെ വീട്ടിലെത്തിയ ഈശ്വര്‍ മാല്‍പെ അമ്മയ്ക്ക് വാക്കുനല്‍കി

കോഴിക്കോട്: കെ.എസ്.ആര്‍.ടി.സി ബസ് ഡ്രൈവര്‍ക്ക് നേരെ ആക്രമണം. സൈഡ് നൽകിയില്ലെന്ന് ആരോപിച്ച് കാർ യാത്രക്കാരനാണ് ഡ്രൈവറെ ആക്രമിച്ചത്.

പരിക്കേറ്റ ബസ് ഡ്രൈവര്‍ സുബ്രഹ്മണ്യൻ ആശുപത്രിയില്‍ ചികിത്സ തേടി. സംഭവത്തില്‍ കെ.എസ്.ആര്‍.ടി.സി അധികൃതര്‍ കസബ പൊലീസില്‍ പരാതി നല്‍കിയിട്ടുണ്ട്.

കാറിന് സൈഡ് കൊടുത്തില്ലെന്നാരോപിച്ച് കോഴിക്കോട് കെ.എസ്.ആര്‍.ടി.സി ഡ്രൈവര്‍ക്ക് മര്‍ദനം

ചോറോട്: മുൻ പ്രധാനമന്ത്രി രാജീവ്‌ ഗാന്ധിയുടെ എൺപതാം ജന്മദിനത്തിൽ ചോറോട് മണ്ഡലം കോൺഗ്രസ്‌ കമ്മിറ്റിയുടെ നേതൃത്വത്തിൽ രാജീവ്‌ ഗാന്ധി അനുസ്മരണവും പുഷ്പാർച്ചനയും നടത്തി. അനുസ്മരണ സദസ്സ് മണ്ഡലം കോൺഗ്രസ്‌ പ്രസിഡന്റ്‌ പി ടി കെ നജ്മൽ ഉദ്ഘാടനം ചെയ്തു. മോഹൻദാസ് കെ. കെ അധ്യക്ഷനായി.&nbsp;
കർഷക കോൺഗ്രസ്‌ ബ്ലോക്ക്‌ പ്രസിഡന്റ്‌ രാജേഷ് ചോറോട് ദേശ രക്ഷാ പ്രതിജ്ഞ ചൊല്ലിക്കൊടുത്തു. കെ. ജി രാഗേഷ്, ആർ. കെ പ്രവീൺ കുമാർ, കെ. കെ റിനീഷ്, സുകുമാരൻ, വിജയ് പ്രകാശ്, കാർത്തിക് ചോറോട്, രാജൻ കുഴിച്ചാലിൽ, രജിത്ത് മലോൽ, ശ്രീകുമാർ, ബാബു ബലവാടി, ശിവൻ മഠത്തിൽ, ജിബിൻ കൈനാട്ടി, രതീശൻ കെ. പി തുടങ്ങിയവർ സംസാരിച്ചു.

രാജീവ്‌ ഗാന്ധി ജന്മദിനത്തിൽ അനുസ്മരണസദസ് സംഘടിപ്പിച്ചു

ബാലുശ്ശേരി: വയനാട് ഉരുൾപൊട്ടൽ ദുരന്ത ബാധിത പ്രദേശങ്ങളിൽ രക്ഷാ പ്രവർത്തനത്തിൽ പങ്കാളിയായ അരുൺ നമ്പിയാട്ടിലിനെ ആർ ജെ ഡി ബാലുശ്ശേരി നിയോജക മണ്ഡലം കമ്മറ്റി ആദരിച്ചു. സുജ ബാലുശ്ശേരി പൊന്നാട അണിയിച്ചു. ജില്ലാവൈസ് പ്രസിഡന്റ് നാരായണൻ കിടാവ്, മണ്ഡലം പ്രസിഡന്റ് ദിനേശൻ പനങ്ങാട്, ടി കെ കരുണാകരൻ, അനീസ് ബാലുശ്ശേരി തുടങ്ങിയവർ സംസാരിച്ചു.

ആർ ജെ ഡി ആദരിച്ചു

വടകര: എക്സൈസിൻ്റെ നേതൃത്വത്തിൽ വിമുക്തി മിഷൻ സ്വാതന്ത്ര്യദിന പ്രശ്നോത്തരി സംഘടിപ്പിച്ചു. വടകര ബി ഇ എം സ്കൂൾ ഹാളിൽ നടന്ന പരിപാടി ഹെഡ്മാസ്റ്റർ ഉദ്ഘാടനം ചെയ്തു. വടകര താലൂക്കിലെ വിവിധ ഹൈസ്കൂൾ വിദ്യാർത്ഥികൾ പരിപാടിയിൽ പങ്കെടുത്തു. മമുണ്ട ഹൈസ്കൂളിലെ ഭഗത് തെക്കേടത്ത് ഒന്നാം സ്ഥാനം, വടകര സംസ്കൃതം എച്ച് എസ് ലെ ദേവാംഗ്കൃഷ്ണ രണ്ടാം സ്ഥാനം, പുതുപ്പണം ജെ.എൻ. എം . എച്ച്.എസിലെ സിയ ഫാത്തിമ മൂന്നാം സ്ഥാനവും , എസ് മേമുണ്ട എച്ച്.എസ് എസിലെ ദേവതീർത്ഥ നാലാം സ്ഥാനവും നേടി. വടകര നഗരസഭ വൈസ് ചെയർമാൻ പി കെ സതീശൻ പരിപാടിയിൽ ആശംസകൾ അറിയിച്ചു.

വിമുക്തി മിഷൻ സ്വാതന്ത്ര്യദിന പ്രശ്നോത്തരി സംഘടിപ്പിച്ചു

വടകര: സാഗർ 1991- 1993 പ്രീ ഡിഗ്രി ബാച്ച് വയനാട് ദുരിതബാധിതർക്ക് കൈതാങ്ങായി സ്വരൂപിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കി. സുനീർ താരിഖ് സി എച്ച്, ബിജു പി എന്നിവർ ചേർന്ന് തഹസിൽദാർ സുരേഷ് ചന്ദ്രബോസിന് തുക കൈമാറി.

ദുരിതാശ്വാസ നിധിയിലേക്ക് തുക നല്കി

ആയഞ്ചേരി: തിരുവള്ളൂർ ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി പണി പൂർത്തിയാക്കിയ കപ്പള്ളിമുക്ക് -കുറ്റിപ്പുറത്ത് കണ്ടി റോഡ് നാടിന് സമർപ്പിച്ചു. തിരുവള്ളൂർ ഗ്രാമപഞ്ചായത്ത് പ്രസിഡണ്ട് സബിത മണക്കുനി ഉദ്ഘാടനം ചെയ്തു. ഗ്രാമപഞ്ചായത്ത് അംഗം ബവിത്ത് മലോൽ അധ്യക്ഷത വഹിച്ചു. എം സി അഷ്റഫ്, ടി എച്ച് ശ്രീധരൻ, കെ കെ വിജയൻ, ഷിനൂബ് രാജ്, വള്ളിൽ ശ്രീജിത്ത്, വിനു കപ്പള്ളി എന്നിവർ സംസാരിച്ചു.

റോഡ് ഉദ്ഘാടനം ചെയ്തു

ചെന്നൈ: മുല്ലപ്പെരിയാർ ഡാം നിലനിൽക്കുന്നത് ഭീഷണിയാണെന്ന കേന്ദ്രമന്ത്രി സുരേഷ് ഗോപിയുടെ പ്രസ്താവനയ്‌ക്കെതിരെ തമിഴ്‌നാട് കോൺഗ്രസ്. സുപ്രീംകോടതിയുടെ വിധിക്ക്‌ വിരുദ്ധമായ പ്രസ്താവനയാണ് സുരേഷ് ഗോപി നടത്തിയത്. അന്യായമായി കേരളത്തിന്റെ പക്ഷം പിടിക്കാനാണ് ശ്രമിക്കുന്നതെന്നും ടി.എൻ.സി.സി. പ്രസിഡന്റ് കെ. സെൽവപെരുന്തഗൈ ആരോപിച്ചു.&nbsp;
സുരേഷ് ഗോപി കേരളത്തിന്റെമാത്രം മന്ത്രിയാണോയെന്നും സെൽവപെരുന്തഗൈ ചോദിച്ചു.മുല്ലപ്പെരിയാർ ഡാം പൊട്ടിയാൽ ആര് ഉത്തരം പറയുമെന്ന് സുരേഷ് ഗോപി കഴിഞ്ഞദിവസം പ്രതികരിച്ചിരുന്നു.&nbsp;
കോടതികളോ നിയമപോരാട്ടം നടത്തുന്നവരോ ഉത്തരം പറയുമോയെന്നായിരുന്നു സുരേഷ് ഗോപിയുടെ ചോദ്യം. കേരളത്തിന് ഇനി ഒരു കണ്ണീർ താങ്ങാനാകില്ലെന്നും, മുല്ലപ്പെരിയാർ ഡാം ഭീതിയായി നിലനിൽക്കുന്നുവെന്നും അദ്ദേഹം കൂട്ടിച്ചേർത്തു

മുല്ലപ്പെരിയാർ പ്രസ്താവന ; സുരേഷ് ഗോപിക്കെതിരെ തമിഴ്‌നാട് കോൺഗ്രസ്

കണ്ണൂർ: വടകരയിൽ വിവാദമായ കാഫിർ സ്‌ക്രീൻഷോട്ട് സി.പി.എമ്മിൽ പുകയുന്നു. വിവാദസന്ദേശം പ്രചരിപ്പിച്ചതായി കണ്ടെത്തിയ ഇടത് സൈബർ ഗ്രൂപ്പുകളെച്ചൊല്ലിയാണ് പാർട്ടിയിലെ ചർച്ച. പോസ്റ്റ് പ്രചരിപ്പിച്ചവരും തെറ്റുതന്നെയാണ് ചെയ്തതെന്ന നിലപാടുമായി എം വി ജയരാജൻ രംഗത്തെത്തിയിരിക്കുകയാണ്.
"കാഫിർസന്ദേശം ആരാണ് ഉണ്ടാക്കിയതെന്ന് കണ്ടെത്താനായിട്ടില്ല. അത് കണ്ടെത്തുകയും അതിൻമേൽ നടപടി സ്വീകരിക്കുകയുമാണ് പ്രധാനം. പോലീസിന് അതിന് കഴിയുമെന്നാണ് പ്രതീക്ഷിക്കുന്നത്. സൃഷ്ടിച്ച ആളെയും പിന്നീട് ഷെയർ ചെയ്തവരെയും കണ്ടെത്തുകയാണ് വേണ്ടത്. അത് കഴിഞ്ഞാലേ കൃത്യവും വ്യക്തവുമായ സൂചനയുണ്ടാകൂ. ഇനി ആര് ചെയ്താലും അത് തികച്ചും തെറ്റാണ്. പ്രചരിപ്പിച്ചവരും തെറ്റാണ് ചെയ്തത്." എന്നാണ് ജയരാജൻ പറഞ്ഞത്.
ഇതോടെ ഇക്കാര്യത്തിൽ സി.പി.എമ്മിനുള്ളിലെ അഭിപ്രായവ്യത്യാസവും ബലപ്പെട്ടിരിക്കുകയാണ്.&nbsp;
മുൻ എം.എൽ.എ. കെ.കെ. ലതിക പോസ്റ്റ് ഷെയർ ചെയ്തത് ശരിയായില്ലെന്ന് കേന്ദ്രകമ്മിറ്റി അംഗം കെ.കെ. ശൈലജ എം.എൽ.എ അഭിപ്രായപ്പെട്ടിരുന്നു.ഇടതുപക്ഷമെന്ന് തോന്നിപ്പിക്കുന്ന പ്രൊഫൈലുകളിൽനിന്ന് വന്ന ചില പോസ്റ്റുകൾ തിരഞ്ഞെടുപ്പ് തോൽവിക്ക് കാരണമായതായി ജയരാജൻ അഭിപ്രായപ്പെട്ടിരുന്നു. കാഫിർ സ്‌ക്രീൻഷോട്ട് വിവാദമാവുകയും അത് പ്രചരിപ്പിച്ചതിന് ഇത്തരം സൈബർഗ്രൂപ്പുകൾ സംശയനിഴലിൽ നിൽക്കുകയും ചെയ്യുമ്പോഴാണ് അദ്ദേഹം നിലപാട് വീണ്ടും വ്യക്തമാക്കുന്നത്.&nbsp;

സി.പി.എമ്മിൽ കാഫിർ വിവാദം പുകയുന്നു; സ്‌ക്രീൻഷോട്ട് പ്രചരിപ്പിച്ചത് തെറ്റെന്ന് എം.വി. ജയരാജൻ

തിരുവനന്തപുരം: ഹേമ കമ്മിറ്റി റിപ്പോർട്ട് പുറത്തുവന്നതിന് പിന്നാലെ ഒളിയമ്പുമായി നടൻ ഷമ്മി തിലകൻ. "ചില്ലക്ഷരം കൊണ്ടുപോലും കള്ളം പറയാത്ത 'കള്ളൻ' ചിരിക്കണ ചിരി കണ്ടാ.." എന്ന അടിക്കുറിപ്പോടെ നടൻ തിലകനൊപ്പമുള്ള ചിത്രം പങ്കുവെച്ചാണ് മകൻ ഷമ്മി തിലകൻ പ്രതികരിച്ചത്.
മലയാള സിനിമയിലെ പ്രശ്നങ്ങൾക്കെതിരെ ആദ്യം കലാപക്കൊടി ഉയർത്തിയാളാണ് നടൻ തിലകൻ. താര സംഘടനയെയും സൂപ്പർതാരങ്ങളെയും നിശിതമായി വിമർശിച്ചതിന്റെ പേരിൽ തിലകനെ ദീർഘകാലം സിനിമയിൽ നിന്ന് തന്നെ മാറ്റിനിർത്തിയിരുന്നു. വെള്ളിത്തിരയിലെ അപചയങ്ങളെ കുറിച്ച് ഹേമ കമ്മിറ്റി റിപ്പോർട്ടിൽ എടുത്തുപറയുമ്പോൾ ഷമ്മിയുടെ പോസ്റ്റ് തിലകന്റെ പോരാട്ട വഴികളെയാണ് ഓർമിപ്പിക്കുന്നത്.

"ചില്ലക്ഷരം കൊണ്ടുപോലും കള്ളം പറയാത്ത ' കള്ളൻ '; ഹേമ കമ്മിറ്റി റിപ്പോർട്ടിന് പിന്നാലെ തിലകനൊപ്പമുള്ള ചിത്രം പങ്കുവെച്ച് ഷമ്മി തിലകൻ

തിരുവനന്തപുരം: സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. പത്തനംതിട്ട, കോട്ടയം, എറണാകുളം, ഇടുക്കി ജില്ലകളിൽ ഓറഞ്ച് അലേർട്ട് പ്രഖ്യാപിച്ചിട്ടുണ്ട്. ഇവിടങ്ങളിൽ അതിശക്തമായ മഴയ്‌ക്ക് സാധ്യതയുണ്ടെന്നാണ് മുന്നറിയിപ്പ്. ആലപ്പുഴ, തൃശ്ശൂർ, കോഴിക്കോട്, കണ്ണൂർ ജില്ലകളിൽ യെല്ലോ അലർട്ടാണ്. യെല്ലോ അലർട്ടുള്ള ജില്ലകളിൽ ഒറ്റപ്പെട്ടയിടങ്ങളിൽ ശക്തമായ മഴയ്ക്കാണ് സാധ്യത പ്രവചിച്ചിട്ടുള്ളത്.
മലയോരമേഖലകളിൽ ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതകളുണ്ടെന്നും, താഴ്‌ന്ന പ്രദേശത്ത് വെള്ളപ്പൊക്കത്തിന് കാരണമായേക്കാമെന്നും മുന്നറിയിപ്പുണ്ട്. കേരളാ തീരത്ത് മത്സ്യബന്ധനത്തിന് വിലക്കുണ്ട്. വിവിധ തീരങ്ങളിൽ കടലാക്രമണം ശക്തമാകാൻ സാധ്യതയുള്ളതിനാൽ അപകട മേഖലകളിൽ താമസിക്കുന്നവർ ജാഗ്രത പാലിക്കണം. ആവശ്യമായ ഘട്ടത്തിൽ മാറി താമസിക്കണം. മത്സ്യബന്ധനോപധികൾ സുരക്ഷിതമാക്കി വയ്‌ക്കണം.അടച്ചുറപ്പില്ലാത്ത വീടുകളിൽ താമസിക്കുന്നവരും മേൽക്കൂര ശക്തമല്ലാത്ത വീടുകളിൽ താമസിക്കുന്നവരും വരും ദിവസങ്ങളിലെ മുന്നറിയിപ്പുകളുടെ അടിസ്ഥാനത്തിൽ സുരക്ഷയെ മുൻകരുതി മാറി താമസിക്കാൻ തയ്യാറാവേണ്ടതാണ്. സ്വകാര്യ-പൊതു ഇടങ്ങളിൽ അപകടവസ്ഥയിൽ നിൽക്കുന്ന മരങ്ങൾ/പോസ്റ്റുകൾ/ബോർഡുകൾ തുടങ്ങിയവ സുരക്ഷിതമാക്കേണ്ടതും മരങ്ങൾ കോതി ഒതുക്കുകയും ചെയ്യേണ്ടതാണെന്നും അധികൃതർ മുന്നറിയിപ്പ് നൽകുന്നു.

സംസ്ഥാനത്ത് അതിശക്തമായ മഴയ്‌ക്ക് സാധ്യത ;ജാഗ്രതാ നിർദ്ദേശം

കൂടരഞ്ഞി : കക്കാടംപൊയിൽ റോഡിൽ വീണ്ടും അപകടമരണം. മലയിറങ്ങി വന്ന കാർ ആനക്കല്ലുംപാറ ജംക്‌ഷനു സമീപം നിയന്ത്രണം വിട്ടു മറിഞ്ഞു കൊടുവള്ളി മുക്കിലങ്ങാടി കുന്നത്ത് പറമ്പ് ഷുക്കൂറിന്റെയും സലീനയുടെയും മകൾ ഫാത്തിമ മഖ്ബൂല (21) ആണു മരിച്ചത്.&nbsp;
തിങ്കളാഴ്ച വൈകിട്ടായിരുന്നു അപകടം. കാർ ഓടിച്ചിരുന്ന ഓമശ്ശേരി തറോൽ മുഹസിൻ (23) മഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്. കലുങ്കിൽ ഇടിച്ചു തകർന്ന കാർ‌ വെട്ടിപ്പൊളിച്ചാണ് അപകടത്തിൽപെട്ടവരെ പുറത്തെടുത്തത്. പരുക്കേറ്റവരെ അരീക്കോട് ആശുപത്രിയിൽ എത്തിച്ചെങ്കിലും യുവതിയെ രക്ഷിക്കാനായില്ല.

കക്കാടംപൊയിൽ നിന്നു മലയിറങ്ങി വന്ന കാർ നിയന്ത്രണം വിട്ടു മറിഞ്ഞു; യുവതിക്ക് ദാരുണാന്ത്യം

ഗുരുവായൂര്‍: തൃശ്ശൂരില്‍ സുരേഷ് ഗോപിയുടെ ജയത്തിനു പിന്നില്‍ പ്രധാനമായും കോണ്‍ഗ്രസാണെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. എന്നാല്‍, സി.പി.എമ്മിന്റെ വോട്ടുകളും സുരേഷ് ഗോപിക്ക് പോയിട്ടുണ്ടെന്ന കാര്യം മറച്ചുവെക്കുന്നില്ലെന്നും അദ്ദേഹം കൂട്ടിച്ചേര്‍ത്തു. ഗുരുവായൂരില്‍ പി.കൃഷ്ണപിള്ള അനുസ്മരണസമ്മേളനം ഉദ്ഘാടനംചെയ്യുകയായിരുന്നു അദ്ദേഹം.
മുഖ്യ ശത്രുവായ ബി.ജെ.പി.യെ തോല്‍പ്പിക്കാനായിരുന്നു കഴിഞ്ഞ തിരഞ്ഞെടുപ്പില്‍ സി.പി.എം. ആഹ്വാനംചെയ്തത്. 80 ശതമാനം വോട്ടര്‍മാരും ബി.ജെ.പി.ക്കെതിരേ വോട്ട് ചെയ്തു. ഇതില്‍ 33 ശതമാനം വോട്ടുകളേ എല്‍.ഡി.എഫിന് ലഭിച്ചിട്ടുള്ളൂ. ബി.ജെ.പി.യെ അവസാനിപ്പിക്കാന്‍ ഇന്നത്തെ പരിതസ്ഥിതിയില്‍ കൂടുതല്‍ നല്ലത് കോണ്‍ഗ്രസിനെ വിജയിപ്പിക്കുകയാണെന്ന് മതനിരപേക്ഷവാദികളും ന്യൂനപക്ഷങ്ങളും കരുതി- അദ്ദേഹം പറഞ്ഞു.

സുരേഷ് ഗോപിയുടെ ജയത്തിനു പിന്നില്‍ കോണ്‍ഗ്രസാണെന്ന് എം.വി. ഗോവിന്ദന്‍

വാഷിങ്ടണ്‍: യു.എസ്. പ്രസിഡന്റ് തിരഞ്ഞെടുപ്പിലെ ഡെമോക്രാറ്റിക് പാര്‍ട്ടി സ്ഥാനാര്‍ഥിയും ഇന്ത്യന്‍ വംശജയുമായ വൈസ് പ്രസിഡന്റ് കമലാ ഹാരിസിനെതിരെ വ്യക്തിപരമായ ആക്രമണം തുടര്‍ന്ന് എതിര്‍സ്ഥാനാര്‍ഥി ഡൊണാള്‍ഡ് ജെ. ട്രംപ്. ശാരീരിക സൗന്ദര്യത്തെ കുറിച്ച് പറഞ്ഞാണ് ട്രംപിന്റെ ഇത്തവണത്തെ അധിക്ഷേപം. കമലയെക്കാള്‍ കാണാന്‍ സുന്ദരനാണ് താനെന്നാണ് ശനിയാഴ്ച പെന്‍സില്‍വാനിയയില്‍ നടന്ന റാലിയില്‍ ട്രംപ് പറഞ്ഞത്. അടുത്തിടെ പുറത്തിറങ്ങിയ ടൈം മാഗസിനിലെ കമലാ ഹാരിസിന്റെ കവര്‍ചിത്രം ചൂണ്ടിക്കാട്ടിയായിരുന്നു ട്രംപിന്റെ അധിക്ഷേപം.
'അവളേക്കാള്‍ കാണാന്‍ സുന്ദരനാണ് ഞാന്‍. ടൈം മാഗസിന്റെ കൈവശം അവളുടെ നല്ല ഒരു ചിത്രം പോലും ഇല്ല. കഴിവുള്ള ഒരു ചിത്രകാരനാണ് അവളെ വരച്ചത്. അവര്‍ അവളുടെ ഒരുപാട് ചിത്രങ്ങളെടുത്തുവെങ്കിലും ഒന്നും ശരിയായില്ല. അതുകൊണ്ടാണ് അവര്‍ക്ക് ചിത്രകാരനെ കൊണ്ടുവരേണ്ടിവന്നത്.' -ഡൊണാള്‍ഡ് ട്രംപ് പറഞ്ഞു. അമേരിക്കന്‍ ദിനപത്രമായ 'ദി ഹില്‍' ആണ് ഇക്കാര്യം റിപ്പോര്‍ട്ട് ചെയ്തത്.

'അവളേക്കാള്‍ സുന്ദരനാണ് ഞാന്‍'; കമലാ ഹാരിസിനെതിരെ വ്യക്തിപരമായ ആക്രമണവുമായി ട്രംപ്

ന്യൂഡൽഹി: സി.പി.എം ജനറൽ സെക്രട്ടറി സീതാറാം യെച്ചൂരിയെ ഡൽഹി ‘എയിംസി’ൽ പ്രവേശിപ്പിച്ചു. ശ്വാസതടസ്സം നേരിട്ടതിനെ തുടർന്നാണ് ചികിത്സ തേടിയത്. പതിവ് ചികിത്സക്കായി എത്തിയപ്പോൾ ന്യുമോണിയ ബാധ സ്ഥിരീകരിക്കുകയായിരുന്നു.
തുടർന്ന് എയിംസിലെ അത്യാഹിത വിഭാഗത്തിലെ റെഡ്സോണിൽ പ്രവേശിപ്പിക്കുകയാണ്. കടുത്ത പനിയും ഉണ്ടെന്നാണ് റിപ്പോർട്ട്. ആരോഗ്യനില തൃപ്തികരമാണെന്നാണ് ആശുപത്രിയിൽ നിന്ന് ലഭിക്കുന്ന വിവരം.&nbsp;

സീതാറാം യെച്ചൂരി ആശുപത്രിയിൽ

കൊച്ചി: ആലുവ റെയിൽവേ സ്റ്റേഷനു സമീപം നാലംഗ സംഘം ഏറ്റുമുട്ടി. സംഘർഷത്തിൽ ഒരാൾക്ക് വെട്ടേറ്റു. കോഴിക്കോട് സ്വദേശി മുരളിക്കാണ് വെട്ടേറ്റത്. ഗുരുതരാവസ്ഥയിലായ ഇയാളെ കളമശ്ശേരി മെഡിക്കൽ കോളേജാശുപത്രിയിൽ പ്രവേശിപ്പിച്ചു.
റെയിൽവേ സ്റ്റേഷൻ്റെ പടിഞ്ഞാറ് ഭാഗത്ത് ഇരു ചക്രവാഹനങ്ങൾ പാർക്ക് ചെയ്യുന്നിടത്തുവച്ച് രണ്ട് സ്ത്രീകൾ തമ്മിൽ ഏറ്റുമുട്ടുകയും തുടർന്ന് മുരളിയും ഇടുക്കി സ്വദേശിയായ ടിന്റോയും തമ്മിൽ തർക്കമുണ്ടാകുകയുമായിരുന്നു. പിന്നാലെ മുരളിയെ ടിന്റോ ഓടിച്ചിട്ട് വെട്ടുകയായിരുന്നു.പോലീസ് സ്ഥലത്തെത്തി ടിന്റോയെയും തമിഴ്നാട് സ്വദേശിയായ ഒരു സ്ത്രീയേയും കസ്റ്റഡിയിലെടുത്തു.&nbsp;

ആലുവ റെയിൽവേ സ്റ്റേഷനു സമീപം നാലംഗ സംഘം ഏറ്റുമുട്ടി;കോഴിക്കോട് സ്വദേശിക്ക് വെട്ടേറ്റു

വടകര: വടകരയില്‍ യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി. വണ്ണാത്തി ഗേറ്റ് മീത്തല്‍ സെല്‍വരാജിന്റെ മകന്‍ സൗരവ് ആണ് മരിച്ചത്. 23 വയസായിരുന്നു. വെള്ളിയാഴ്ച രാത്രി 8.10 ന് വടകര കരിമ്പനപാലത്തായിരുന്നു സംഭവം. മൃതദേഹം വടകര ജില്ല ആശുപത്രി മോര്‍ച്ചറിയിലേക്ക് മാറ്റി.

വടകരയില്‍ യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി

വടകര : സിഐടിയു ജില്ലാ സെക്രട്ടറിയോട് കൈചൂണ്ടി സംസാരിച്ചതിന് സിഐടിയു നേതാവിനെ സംഘടനയിൽ നിന്ന് പുറത്താക്കി. സിഐടിയു ഹെഡ്‌ലോഡ് വടകര ഏരിയ വൈസ് പ്രസിഡന്റ് കെ മനോജിനെതിരെയാണ് നടപടി. ശരീരഭാഷ ശരിയായില്ല എന്ന് പറഞ്ഞാണ് തന്നെ പുറത്താക്കിയതെന്നാണ് സിപിഎം ബ്രാഞ്ച് സെക്രട്ടറി കൂടിയായ മനോജ് പറയുന്നത്. പൊതുസ്ഥാപനമായ എൻഎംഡിസിയിലെ ജീവനക്കാരനാണ് മനോജ്.
'ഏപ്രിൽ 20ന് സമ്മേളനം നടക്കുകയാണ്. അതിന്റെ ഭാഗമായുള്ള ചർച്ചകൾ നടന്നിരുന്നു. സിഐടിയു ജില്ലാ സെക്രട്ടറി നാസറിനോട് പ്രശ്‌നങ്ങൾ ഉന്നയിച്ച ഞാൻ കുറച്ച് ഉറക്കെ സംസാരിച്ചു. അത് ഞാൻ സമ്മതിക്കുന്നു. എന്നാൽ, തെറ്റായ ഒരുവാക്ക് പോലും ഉപയോഗിച്ചില്ല. പ്രശ്‌നങ്ങൾ അറിയിക്കുക മാത്രമാണ് ചെയ്‌തത്. പിന്നീട് നടത്തിയ യോഗത്തിൽ ഞാൻ നാസറിനെ അടിച്ചുവെന്നാണ് യൂണിയൻ ഏരിയ പ്രസിഡന്റ് കെകെ രമേശൻ കള്ളം പറഞ്ഞത്. കൈചൂണ്ടി വളരെ മോശമായി സംസാരിച്ചുവെന്നും അതിന്റെ പേരിൽ പുറത്താക്കുകയാണെന്നും പറഞ്ഞു. പാർട്ടി വിരുദ്ധമായ ഒന്നുംതന്നെ പറഞ്ഞിട്ടില്ല. സിപിഎമ്മിൽ പരാതി നൽകാനാണ് എന്റെ തീരുമാനം', മനോജ് പറഞ്ഞു.

ജില്ലാ നേതാവിനോട് കൈചൂണ്ടി സംസാരിച്ചു; വടകരയിൽ സിഐടിയു നേതാവിനെ സംഘടനയിൽ നിന്ന് പുറത്താക്കി

നാദാപുരം: പോക്സോ കോടതി കേസെടുക്കാന്‍ ഉത്തരവിട്ട എഇഒക്കെതിരെ നടപടിയെടുക്കാതെ വിദ്യാഭ്യാസ വകുപ്പ്. അഞ്ചാംക്ലാസുകാരിക്കെതിരെ ലൈംഗികാതിക്രമം നടത്തിയ അധ്യാപകനെതിരെ പരാതി ലഭിച്ചിട്ടും നടപടിയെടുത്തില്ലെന്നാണ് എഇഒക്കെതിരായ പരാതി. കോടതി ഉത്തരവ് വന്നതിന് പിന്നാലെ സ്കൂള്‍ മാനേജർ പൊതുവിദ്യാഭ്യാസ ഡയറക്ടർക്ക് പരാതി നല്കിയെങ്കിലും ഇതുവരെ നടപടിയെടുത്തില്ല.
നാദാപുരത്തിന് സമീപത്തെ എല്‍ പി സ്കൂള്‍ അധ്യാപകന്‍ അഞ്ചാംക്സാസുകാരിയോട് ലൈംഗികാതിക്രമം കാണിച്ചത് സ്കൂളിലെ സിസിടിവിയിലൂടെ അറിഞ്ഞ സ്കൂള്‍ മാനേജർ അധ്യാപകനെതിരെ നടപടിയെടുക്കാന്‍ പ്രധാനാധ്യപികയോടും നാദാപുരം എഇഒയോടും ആവശ്യപ്പെട്ടെങ്കിലും നടപടിയുണ്ടായില്ല.മാനേജറുടെ പരാതിയില്‍ പൊലീസ് കേസെടുത്തെങ്കിലും പരാതിയില്‍ കഴമ്പില്ലെന്ന റിപ്പോർട്ടാണ് പൊലീസും നല്കിയത്. ഭരണാനുകൂല അധ്യാപക സംഘടനയിലെ സജീവ അംഗമായ അധ്യാപകനെ സംരക്ഷിക്കാന്‍ പൊലീസും വിദ്യാഭ്യാസ വകുപ്പിലെ ഉദ്യോഗസ്ഥരും കൂട്ടു നിന്നു എന്നാണ് ആക്ഷേപം.

ലൈംഗികാതിക്രമത്തിന്റെ സി സി ടി വി ദൃശ്യങ്ങളടക്കം തെളിവ് ഹാജരാക്കി കോഴിക്കോട് പോക്സോ കോടതിയില്‍ സ്കൂള്‍ മാനേജർ നല്കിയ കേസ് വഴിത്തിരിവായി. പൊലീസ് റിപ്പോർട്ട് തള്ളിയ കോടതി അധ്യാപകനെതിരെ കേസുമായി മുന്നോട്ടു പോകാന്‍ ആവശ്യപ്പെട്ടു. കൂടാതെ പ്രാധാനാധ്യാപികക്കും എഇഒക്കും എതിരെ പോക്സോ നിയമം 21 ാം വകുപ്പ് പ്രകാരം കുറ്റം നിലനിലക്കുമെന്നും കോടതി മാർച്ച് 28 ന് വിധിച്ചു.ഇതിന് പിന്നാലെ അധ്യാപകനെയും പ്രധാനാധ്യാപികയെയും സ്കൂള്‍ മാനേജർ സസ്പെന്‍ഡ് ചെയ്തു. എഇഒ ക്കെതിരെ നടപടി ആവശ്യപ്പെട്ട് പൊതുവിദ്യാഭ്യാസ ഡയറക്ടർക്ക് പരാതിയും നല്കി. എന്നാല്‍ എഇഒക്കെതിരെ ഇതുവരെ വിദ്യാഭ്യാസ വകുപ്പ് നടപടിയെടുത്തിട്ടില്ല.&nbsp;

നാദാപുരത്ത് പോക്സോ കോടതി കേസെടുക്കാന്‍ ഉത്തരവിട്ട എഇഒക്കെതിരെ നടപടിയെടുക്കാതെ വിദ്യാഭ്യാസ വകുപ്പ്

കണ്ണൂര്‍: മൂന്നര മാസം പ്രായമുള്ള സ്വന്തം കുഞ്ഞിനെ കൊന്നുകളഞ്ഞ ക്രൂരയായ അമ്മ. കുണ്ടറ സ്വദേശിനി ദിവ്യ ജോണിയെക്കുറിച്ച് ആദ്യമായി മലയാളികൾ അറിഞ്ഞത് ഇങ്ങനെയായിരുന്നു. സ്വന്തം കുഞ്ഞിനെ ഇല്ലാതാക്കിയ അമ്മയോട് സമൂഹത്തിന് വെറുപ്പ് മാത്രമേ തോന്നു. എന്നാല്‍, ദിവ്യ തന്റെ ജീവിതം തുറന്നുപറഞ്ഞപ്പോള്‍ ആ വെറുപ്പ് സഹതാപമായി, സ്‌നേഹമായി. അതിനേക്കാളുപരി പ്രസവാനന്തരം സ്ത്രീകള്‍ക്ക് സംഭവിക്കാന്‍ സാധ്യതയുള്ള 'പോസ്റ്റ്പാര്‍ട്ടം ഡിപ്രഷന്‍' എന്ന മാനസികാവസ്ഥയെക്കുറിച്ച് വലിയ ചര്‍ച്ചകള്‍ക്ക് തുടക്കമിടാന്‍ ദിവ്യയ്ക്ക് സാധിച്ചു.
സമൂഹത്തിന്റെ ഭാഗത്തുനിന്ന് ഉണ്ടായ കുത്തുവാക്കുകളും മാനസികപീഡനവും, അതിലുപരി താന്‍ ചെയ്ത തെറ്റിന്റെ കുറ്റബോധവും ദിവ്യയെ വേട്ടയാടിയിരുന്നു. കാലക്രമേണ അതിനെയെല്ലാം മറികടന്ന്‌ ജീവിതത്തിലേക്ക് തിരിച്ചുവന്ന ദിവ്യ മരണത്തിന് മുന്നില്‍ കീഴടങ്ങിയെന്ന വാര്‍ത്തയാണ് പുറത്തുവന്നത്.
കണ്ണൂരിലെ ഭര്‍തൃവീട്ടില്‍ ആത്മഹത്യയ്ക്ക് ശ്രമിച്ചുവെന്നും ചികിത്സയ്ക്ക് ശേഷം വീട്ടില്‍ മടങ്ങിയെത്തിയപ്പോള്‍ ഹൃദയാഘാതം സംഭവിച്ചുവെന്നുമാണ് വിവരം. സംഭവത്തില്‍ ആലക്കോട് പോലീസ് അന്വേഷണം ആരംഭിച്ചിട്ടുണ്ട്. കഴിഞ്ഞ വര്‍ഷമാണ് കണ്ണൂര്‍ സ്വദേശിയെ ദിവ്യ വിവാഹം ചെയ്തത്.
പഠിക്കാന്‍ മിടുക്കിയായിരുന്നു ദിവ്യ. ബിരുദാനന്തര ബിരുദത്തിന് ശേഷം പ്രണയിച്ച വ്യക്തിക്കൊപ്പം വിവാഹജീവിതത്തിലേക്ക് പ്രവേശിച്ചു. എന്നാല്‍, ഭര്‍തൃവീട്ടില്‍ കടുത്ത മാനസികപീഡനമാണ് തനിക്ക് നേരിടേണ്ടി വന്നതെന്ന് ദിവ്യ തുറന്നുപറഞ്ഞിട്ടുണ്ട്. ഗര്‍ഭിണി ആയപ്പോഴും ഒരു പെണ്‍കുഞ്ഞിന് ജന്മം നല്‍കിയപ്പോഴും ജീവിതത്തെ പ്രതീക്ഷാപൂര്‍വം തന്നെയാണ് ദിവ്യ കണ്ടത്. എന്നാല്‍, കുഞ്ഞുമായി പ്രസവത്തിന്റെ നാലാം ദിവസം ഭര്‍തൃഗൃഹത്തിലേക്ക് എത്തിയപ്പോള്‍ ദിവ്യയോടുള്ള സമീപനത്തില്‍ അവര്‍ക്ക് മാറ്റമുണ്ടായില്ല. പോസ്റ്റ്പാര്‍ട്ടം ഡിപ്രഷന്‍ അതിന്റെ മൂര്‍ധന്യാവസ്ഥയിലെത്തിയപ്പോള്‍ ദിവ്യയുടെ മനസ്സിന്റെ കടിഞ്ഞാണ്‍ കൈവിട്ടു. ആദ്യം കുഞ്ഞിനെ ബക്കറ്റില്‍ മുക്കിക്കൊല്ലാന്‍ ശ്രമിച്ചു. പിന്നീട് മനസ്സുമാറിയപ്പോള്‍ അതില്‍നിന്ന് പിന്‍മാറി. എന്നാല്‍, മനസ്സ് വീണ്ടും കൈവിട്ടപ്പോള്‍ തലയിണകൊണ്ട് ശ്വാസം മുട്ടിച്ച് ദിവ്യ കുഞ്ഞിനെ കൊലപ്പെടുത്തി. കുഞ്ഞിന്റെ മരണത്തെ തുടര്‍ന്ന് പോലീസ് ദിവ്യയെ കസ്റ്റഡിയിലെടുത്തു. ചികിത്സയ്ക്ക് വിധേയയാക്കിയപ്പോള്‍ കടുത്ത പോസ്റ്റ്പാര്‍ട്ടം ഡിപ്രഷനാണെന്ന് മാനസിക വിദഗ്ധരും വിലയിരുത്തി. ഒരുപാട് ചികിത്സയ്ക്ക് ശേഷമാണ് ദിവ്യ ജീവിതത്തിലേക്ക് മടങ്ങിയെത്തിയത്.

‘സ്വന്തം കുഞ്ഞിനെ കൊന്ന അമ്മ’; പോസ്റ്റ്പാര്‍ട്ടം ഡിപ്രഷന്റെ ഇരയായ ദിവ്യാ ജോണി മരണത്തിന് കീഴടങ്ങി

വടകര: സ്വകാര്യ ബസ് ജീവനക്കാരുമായുണ്ടായ തർക്കത്തിനിടെ വ്‌ളോഗര്‍ തൊപ്പി എന്ന പേരില്‍ അറിയപ്പെടുന്ന മുഹമ്മദ് നിഹാല്‍ തോക്ക് ചൂണ്ടിയതായും ആരോപണം. സംഭവത്തിൽ തൊപ്പിയെയും കൂടെ ഉണ്ടായിരുന്ന രണ്ടു പേരെയും പോലീസ് കസ്റ്റഡിയില്‍ എടുത്തിരുന്നു. സ്വകാര്യ ബസ് ജീവനക്കാരുമായുണ്ടായ വാക്കേറ്റത്തെ തുടര്‍ന്നാണ് സംഭവങ്ങളുടെ തുടക്കം. തര്‍ക്കത്തിനിടെ നിഹാല്‍ ഇവര്‍ക്ക് നേരേ ലൈസന്‍സ് ആവശ്യമില്ലാത്ത എയര്‍ പിസ്റ്റള്‍ ചൂണ്ടിയെന്നാണ് ആരോപണം. എന്നാല്‍ പരാതിയൊന്നും ലഭിക്കാത്തതിനെത്തുടര്‍ന്ന് പോലീസ് കേസ് എടുത്തില്ലെന്നാണ് വിവരം. ശരത് എസ് നായര്‍, മുഹമ്മദ് ഷമീര്‍ എന്നിവരാണ് കൂടെയുണ്ടായിരുന്ന മറ്റ് രണ്ടുപേര്‍.
ചൊവ്വാഴ്ച വൈകീട്ടായിരുന്നു സംഭവം. വടകര - കൈനാട്ടി ദേശീയപാതയില്‍ കോഴിക്കോട്ടേക്ക് പോകുകയായിരുന്നു മുഹമ്മദ് നിഹാല്‍. കാറിന് അരികിലേക്ക് അശ്രദ്ധമായി ബസ് എത്തിയെന്ന് ആരോപിച്ച് ബസിന് പിന്നാലെ തൊപ്പിയും കാര്‍ യാത്രക്കാരായ രണ്ട് പേരും വടകര ബസ് സ്റ്റാന്റില്‍ എത്തി. തുടര്‍ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു. കാറുമായി രക്ഷപെടാന്‍ ശ്രമിക്കുന്നതിനിടെ ബസ് തൊഴിലാളികള്‍ തൊപ്പിയെ തടഞ്ഞ് വെച്ച് പൊലീസില്‍ ഏല്‍പ്പിക്കുകയായിരുന്നു. വൈകുന്നേരം തൊപ്പിയെയും കൂട്ടരെയും പോലീസ് സ്റ്റേഷനിൽ എത്തിച്ചത് സംബന്ധിച്ച് നാട്ടുവാർത്ത വാർത്ത നൽകിയിയിരുന്നു.
(വീഡിയോ കാണാനായി താഴെയുള്ള ലിങ്കിൽ ക്ലിക്ക് ചെയ്യുക)
<a href="https://youtu.be/fykSsYo2-bI" target="_self">യൂട്യൂബർ 'തൊപ്പി' വടകര പോലീസ് സ്റ്റേഷനിൽ; നടപടി ബസ് ജീവനക്കാരുമായുള്ള തർക്കത്തെ തുടർന്ന്</a>


..

വടകരയിൽ വച്ച് ബസ് ജീവനക്കാർക്ക് നേരെ തൊപ്പി തോക്ക് ചൂണ്ടിയതായും ആരോപണം

നാദാപുരം: കല്ലാച്ചിയിൽ ടാക്സി ജീപ്പ് ഡ്രൈവർ ഉൾപ്പെടെ രണ്ട് പേർ എം ഡി എം എയുമായി പോലീസ് പിടിയിൽ. വിഷ്ണുമംഗലം കിഴക്കെ പറമ്പത്ത് കെ പി റഹീസ് (27) , കല്ലാച്ചിയിലെ ടാക്സി ജീപ്പ് ഡ്രൈവർ വിഷ്ണുമംഗലം സ്വദേശി ചമ്പോട്ടുമ്മൽ കെ. മുഹമ്മദ് സായിദ് (27) എന്നിവരെയാണ് നാദാപുരം പോലീസും ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും ചേർന്ന് പിടികൂടിയത്. മുഹമ്മദ് സയിദിൽ നിന്ന് O.11 ഗ്രാം എം ഡി എം എ യും ഇയാൾ സഞ്ചരിച്ച കെ എൽ 18 എ.സി 8424 നമ്പർ സ്കൂട്ടറും പോലീസ് കസ്റ്റഡിയിൽ എടുത്തു. തെരുവൻ പറമ്പ് ഗവ കോളജ് റോഡിൽ നിന്നാണ് റഹീസ് പിടിയിലായത്. പ്രതിയിൽ നിന്ന് O.05 ഗ്രാം എം ഡി എം എ പോലീസ് പിടികൂടി.

കല്ലാച്ചിയിൽ എം ഡി എം എയുമായി ടാക്സിഡ്രൈവർ ഉൾപ്പെടെ രണ്ട് പേർ അറസ്റ്റിൽ

മുഹമ്മദ് സായിദ്, റഹീസ് ,

കോഴിക്കോട്: ഫറോക്കിൽ പതിനഞ്ചുകാരിയെ സമപ്രായക്കാരായ രണ്ടുപേർ ചേർന്ന് പീഡിപ്പിച്ചെന്ന് പരാതി. പീഡന ദൃശ്യങ്ങൾ അവരുടെ ഒപ്പം ഉണ്ടായിരുന്ന പതിനൊന്നുകാരൻ പകർത്തിയെന്നും പരാതിയിൽ പറയുന്നു. കൗൺസിലിംഗിനിടെയാണ് പെൺകുട്ടി പീഡന വിവരം തുറന്നുപറഞ്ഞത്. ഒരാഴ്ച മുൻപാണ് സംഭവം നടന്നത്.&nbsp;
പെൺകുട്ടിയുടെ മൊഴിയിൽ നല്ലളം പൊലീസ് കേസെടുത്തിട്ടുണ്ട്. കുറ്റാരോപിതരായ കുട്ടികളോട് ചൊവ്വാഴ്ച ചൈൽഡ് വെൽഫെയർ കമ്മിറ്റിയ്ക്ക് (സിഡബ്ല്യുസി)​ മുന്നിൽ ഹാജരാകാൻ ആവശ്യപ്പെട്ട് രക്ഷിതാക്കൾക്ക് നോട്ടീസ് നൽകി.

കോഴിക്കോട് പതിനഞ്ചുകാരിയെ സമപ്രായക്കാർ  പീഡിപ്പിച്ചു; ദൃശ്യങ്ങൾ പകർത്തിയത് പതിനൊന്നുകാരൻ

കരുമാല്ലൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസിലെ പ്രതി പിടിയില്‍. കിഴക്കേ വെളിയത്തുനാട് കടൂപ്പാടം വാഴയില്‍പറമ്പുവീട്ടില്‍ മുഹമ്മദ് യാസിനി (18) നെയാണ് ആലങ്ങാട് പോലീസ് ഇന്‍സ്‌പെക്ടര്‍ ടി.പി. ജെസ്റ്റിന്റെ നേതൃത്വത്തിലുള്ള സംഘം അറസ്റ്റ്‌ചെയ്തത്. പത്താംക്ലാസ് വിദ്യാര്‍ഥിനിയെയാണ് ഇയാള്‍ ഗര്‍ഭിണിയാക്കിയത്.
സ്‌കൂള്‍ അധികൃതരാണ് പോലീസില്‍ അറിയിച്ചത്. തുടര്‍ന്ന് ആലുവ ഈസ്റ്റ് പോലീസ് കേസെടുത്ത് അന്വേഷിക്കുന്നതിനിടെ പ്രതി മുങ്ങുകയായിരുന്നു. കേസ് കൈമാറിയതിനേത്തുടര്‍ന്നാണ് ആലങ്ങാട് പോലീസ് അന്വേഷണം നടത്തി വെള്ളിയാഴ്ച പ്രതിയെ അറസ്റ്റ്‌ചെയ്തത്.

പത്താംക്ലാസ് വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റില്‍

നാദാപുരം: ലക്ഷങ്ങളുടെ വാടക കുടിശ്ശികയായതോടെ നാദാപുരം മേഖലയിൽ ബി.എസ്.എൻ.എൽ ഇൻ്റർനെറ്റ് കണക്ഷൻ കെ.എസ്.ഇ.ബി വിച്ഛേദിച്ചു. സർക്കാർ ഓഫിസുകളുടെ അടക്കം പ്രവർത്തനം അവതാളത്തിലായി.
ഇന്റർനെറ്റ് കേബിൾ കടന്ന് പോവുന്ന വൈദ്യുതി വകുപ്പിന്റെ പോസ്റ്റുകളുടെ വാടകയാണ് കുടിശ്ശികയായത്. 2023 - 24 വർഷത്തിൽ നാല് ലക്ഷത്തോളം രൂപയാണ് കെഎസ്ഇബിക്ക് ലഭിക്കാനുള്ളത്.

വാടക കുടിശ്ശിക; നാദാപുരം മേഖലയിൽ ബി.എസ്.എൻ.എൽ  ഇൻ്റർനെറ്റ് കണക്ഷൻ വിച്ഛേദിച്ച് കെ.എസ്.ഇ.ബി

Search Results for: hasratullah zazai