അഴിയൂർ: പഞ്ചായത്ത്‌ 12ാം വാർഡിൽ ഹാർബറിന് സമീപമായി ആരോഗ്യ കേന്ദ്രം നിർമ്മിക്കുന്നതിനായി ഫണ്ട് ശേഖരണം തുടങ്ങി. ദുബൈയിലെ പ്രമുഖ വ്യവസായിയും ജീവകാരുണ്യ പ്രവർത്തകനുമായ റഹീം മറിയാസിന്റെ വക ആദ്യ ഫണ്ട് അഴിയൂർ പഞ്ചായത്ത്‌ സെക്രട്ടറി ഷാജിക്ക് പഞ്ചായത്ത്‌ ഓഫീസിൽ വെച്ച് കൈമാറി. ചടങ്ങിൽ 12ാം വാർഡ് മെമ്പർ ലീല, ഇസ്മായിൽ ഹാജി അജ്‌മാൻ, സി എച്ച് സെന്റർ മാഹി ചെയർമാൻ എ വി യുസഫ്, ഇസ്മായിൽ കേളോത്ത്, സുരേഷ്, അനിക എന്നിവർ സംബന്ധിച്ചു.

ആരോഗ്യ കേന്ദ്രം നിർമാണം; ഫണ്ട്  കൈമാറി

Vadakara

തിരുവനന്തപുരം: മനുഷ്യ-വന്യജീവി സംഘര്‍ഷം ലഘൂകരിക്കുന്നതിന് വയനാടിന് 50 ലക്ഷം രൂപ അനുവദിച്ച് ഉത്തരവിറങ്ങി. ദുരന്തനിവാരണ വകുപ്പാണ് ഉത്തരവിറക്കിയത്. കാടിനോട് ചേര്‍ന്ന പ്രദേശങ്ങളില്‍ അടിക്കാട് വെട്ടാനും മറ്റ് നടപടികള്‍ക്കുമായി ഈ തുക ഉപയോഗിക്കാം.
ജനുവരി 24 ന് കടുവയുടെ ആക്രമണത്തില്‍ വയനാട് പഞ്ചാരക്കൊല്ലി സ്വദേശിയായ യുവതി കൊല്ലപ്പെട്ടതിന് പിന്നാലെ ജനുവരി 26ന് ചേര്‍ന്ന ദുരന്തനിവാരണ അതോറിറ്റിയുടെ യോഗത്തിലെടുത്ത തീരുമാനത്തിലാണ് ഇപ്പോള്‍ ഉത്തരവിറക്കിയിരിക്കുന്നത്. യോഗത്തില്‍ പങ്കെടുത്ത വയനാട് കളക്ടറാണ് മനുഷ്യ-വന്യജീവി സംഘര്‍ഷത്തില്‍ കൃത്യമായ ഇടപെടല്‍ നടത്തുന്നതിനും നടപടിക്രമങ്ങള്‍ സ്വീകരിക്കുന്നതിനും 50 ലക്ഷം രൂപ അനുവദിക്കണമെന്ന് ആവശ്യപ്പെട്ടത്.
&nbsp;

മനുഷ്യ-വന്യജീവി സംഘര്‍ഷം; വയനാടിന് 50 ലക്ഷം രൂപ അനുവദിച്ചു

Kerala

ന്യൂഡല്‍ഹി: ദുരന്തനിവാരണത്തിന് കേരളത്തിന് 72 കോടി രൂപ അനുവദിച്ച് കേന്ദ്രം. പതിനഞ്ച് സംസ്ഥാനങ്ങള്‍ക്കായി 1115 കോടി രൂപയാണ് അനുവദിച്ചത്. കേന്ദ്ര ആഭ്യന്തരമന്ത്രി അമിത് ഷായുടെ നേതൃത്വത്തിലുള്ള ഉന്നതാധികാരസമിതിയാണ് തീരുമാനമെടുത്തത്.
പ്രത്യേക മേഖലകള്‍ക്കോ മറ്റു പദ്ധതികള്‍ക്കോ ആയിട്ടല്ല പണം അനുവദിച്ചത്. ദുരന്തനിവാരണവുമായി ബന്ധപ്പെട്ടുള്ള ഫണ്ടിലേക്കുള്ള കേന്ദ്രവിഹിതമാണ് അനുവദിച്ചത്. ഇത് എങ്ങനെ ചെലവഴിക്കണമെന്ന കാര്യത്തില്‍ സംസ്ഥാനസര്‍ക്കാരിന് തീരുമാനമെടുക്കാം.വയനാട് പുനരധിവാസത്തിന് പ്രത്യേക ഫണ്ട് അനുവദിക്കുന്നതില്‍ അനുകൂല തീരുമാനമുണ്ടാകുമെന്ന് നേരത്തേ ധനമന്ത്രി നിര്‍മല സീതാരാമന്‍ പറഞ്ഞിരുന്നു.

ദുരന്തനിവാരണത്തിന് കേരളത്തിന് 72 കോടി രൂപ അനുവദിച്ച് കേന്ദ്രം

തിരുവനന്തപുരം: കെ.എസ്.ആർ.ടി.സിക്ക് സംസ്ഥാന സര്‍ക്കാര്‍ 72.23 കോടി രൂപകൂടി അനുവദിച്ചതായി ധനമന്ത്രി കെ.എൻ. ബാലഗോപാൽ അറിയിച്ചു. പെൻഷൻ വിതരണത്തിന്‌ കോർപറേഷൻ എടുത്ത വായ്‌പയുടെ തിരിച്ചടവിനായാണ്‌ നൽകിയത്‌. കഴിഞ്ഞ ആഴ്‌ചയിൽ ഇതേ ആവശ്യത്തിന്‌ 71.53 കോടി രൂപ അനുവദിച്ചിരുന്നു.
പ്രാഥമിക കാർഷിക വായ്‌പ സംഘങ്ങളുടെ കൺസോർഷ്യത്തിൽനിന്ന്‌ പെൻഷൻ വിതരണത്തിനായി കോർപറേഷൻ എടുത്ത വായ്‌പയുടെ തിരിച്ചടവാണ്‌ സർക്കാർ ഉറപ്പാക്കുന്നത്‌. ശമ്പളവും പെൻഷനുമടക്കം മുടക്കം കൂടാതെ വിതരണം ഉറപ്പാക്കാൻ പ്രതിമാസം 50 കോടി രൂപയും സഹായമായി നൽകുന്നുണ്ട്‌. സര്‍ക്കാര്‍ ഇതുവരെ 5940 കോടി രൂപയാണ്‌ കെ.എസ്.ആർ.ടി.സിക്ക് നൽകിയത്‌.

കെ.എസ്.ആർ.ടി.സിക്ക് സർക്കാർ 72 കോടി രൂപ കൂടി അനുവദിച്ചു

അരൂർ : നവധാരകലാകായിക വേദിയുടെ 40-ാം വാർഷികാഘോഷം വിവിധ പരിപാടികളോടെ നടത്തുന്നു. നാലു പതിറ്റാണ്ടായി അരൂരിൻ്റെ സമസ്ത മേഖലയിലും സജീവമായി ഇടപെടുന്ന കലാവേദിയാണിത്. ആഘോഷ പരിപാടികൾ വിജയിപ്പിക്കാൻ ഫണ്ട് ശേഖരണം തുടങ്ങി. ആദ്യ സംഭാവന വി.പി റഫീഖിൽ നിന്ന് ക്ലബ് ഖജാൻജി ടി രവീന്ദ്രനിൽ സ്വീകരിച്ചു. വാസുദേവൻ ടി.കെ, സജീഷ് മുണ്ടക്കൽ, രാധ, ഇ.പി രാജീവൻ, ചിറയിൽ ഷീല, സി.കെ. ശങ്കരൻ, ലീല, എം. വിജയൻ, കെ വിനോദൻ തുടങ്ങിയവർ സംസാരിച്ചു.

നവധാര വാർഷികാഘോഷം; ഫണ്ട് പിരിവ് ഉദ്ഘാടനം ചെയ്തു

Nadapuram

വില്ല്യാപ്പള്ളി: അമരാവതിയിലെ താഴെ പിലാവുള്ളതിൽ രാജീവൻ ചികിത്സാ സഹായ ഫണ്ടിലേക്ക് വില്ല്യാപ്പളളിയിലെ മോട്ടോർ തൊഴിലാളികൾ സമാഹരിച്ച തുക കൈമാറി. 16050 രൂപ കമ്മിറ്റി അംഗം രാജീവൻ കെ.പി ഏറ്റുവാങ്ങി.&nbsp;

ചികിത്സ സഹായ ഫണ്ട് കൈമാറി

Inshort

തിരുവനന്തപുരം : സംസ്ഥാന സ്‌പോര്‍ട്‌സ് കൗണ്‍സിലിന്റെ ഹോസ്റ്റല്‍ ചെലവുകള്‍ക്കും ശമ്പളം, പെന്‍ഷന്‍ തുടങ്ങിയ ഇനങ്ങളിലുമായി 9.79 കോടി രൂപ അനുവദിച്ചു. 2024-25 സാമ്പത്തിക വര്‍ഷത്തെ ബജറ്റ് വിഹിതത്തില്‍ നിന്നാണ് തുക നല്‍കിയത്. സ്‌പോട്‌സ് കൗണ്‍സിലിന് കീഴിലെ സെന്‍ട്രലൈസ്ഡ് ഹോസ്റ്റലുകളിലെയും കോളജ്, സ്‌കൂള്‍ സ്‌പോട്‌സ് ഹോസ്റ്റലുകളിലെയും കുട്ടികള്‍ക്കുള്ള ബോര്‍ഡിങ്ങ്, ലോഡ്ജിങ്ങ് ചെലവുകള്‍ക്കായി 10 മാസത്തെ വിഹിതമായി പ്ലാന്‍ ഫണ്ടില്‍ നിന്ന് 8.28 കോടി രൂപ അനുവദിച്ചു.
ആകെ 82 സ്ഥാപനങ്ങളിലാണ് ഹോസ്റ്റലുകളുള്ളത്. പ്രതിദിനം 250 രൂപയാണ് ഒരു കുട്ടിക്കുള്ള വിഹിതം. നോണ്‍ പ്ലാന്‍ ഗ്രാന്റായി വകയിരുത്തിയ തുകയില്‍ നിന്ന് ശമ്പളം, ഇന്‍ക്രിമെന്റ് എന്നീ ആവശ്യങ്ങള്‍ക്കായി 90 ലക്ഷം രൂപ അനുവദിച്ചു. പെന്‍ഷന്‍, ഹോണറേറിയം, അവശ കായികതാര പെന്‍ഷന്‍, മറ്റു ഭരണ ചെലവുകള്‍ എന്നിവയ്ക്കായി 60.68 ലക്ഷം രൂപയും നല്‍കി.

സ്‌പോര്‍ട്‌സ് കൗണ്‍സിലിന് 9.79 കോടി അനുവദിച്ചു

ആയഞ്ചേരി: അന്തരിച്ച കടമേരിയിലെ വലിയ വീട്ടിൽ മീത്തൽ ബാബുവിൻ്റെ കുടുബത്തെ സഹായിക്കാൻ നാട്ടുകാർ സമാഹരിച്ച കുടുബ സഹായ ഫണ്ട് ആയഞ്ചേരി ഗ്രാമ പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ കുടുബത്തെ ഏൽപ്പിച്ചു. ബസ്സ് ക്ലീനറായി ജോലി ചെയ്ത് കൊണ്ടിരിക്കേയുള്ള ബാബുവിൻ്റെ ആകസ്മിക വേർപാട് കുടുബത്തെ തികച്ചും അനാഥമാക്കിയിരുന്നു. ഇത് കണ്ടറിഞ്ഞ നാട്ടുകാർ കുടുബ സഹായ കമ്മിറ്റി രൂപീകരിച്ച് സമാഹരിച്ച ആറ് ലക്ഷത്തി ഇരുപത്തി ഏഴായിരം രൂപയാണ് കുടുബത്തിന് കൈമാറിയത്. കുററിവയലിൽ നടന്ന ചടങ്ങിൽ കമ്മിറ്റി ചെയർമാൻ കെ കെ രാജീവൻ അധ്യക്ഷം വഹിച്ചു. കൺവീനർ രനീഷ് ടി.കെ, കണ്ണോത്ത് ദമോദരൻ, വി.കെ ഹമീദ്, സി.വി കുഞ്ഞിരാമൻ എന്നിവർ സംസാരിച്ചു

കുടുബ സഹായ ഫണ്ട് കൈമാറി

ആയഞ്ചേരി: ഗ്രാമ പഞ്ചായത്ത് 12-ാം വാർഡിലെ മാക്കം മുക്ക് - ചരുവത്ത് നട റോഡ് പരിഷ്കരണത്തിന് വെള്ളപ്പൊക്ക ദുരിതാശ്വാസ നിധിയിൽ നിന്ന് 10 ലക്ഷം രൂപ അനുവദിച്ചു. വെള്ളം കെട്ടി നിന്ന് റോഡ് തകർന്നത് പൂർവ്വസ്ഥിതിയിലാക്കാൻ ഫണ്ട് അനുവദിക്കണമെന്നാവശ്യപ്പെട്ട് പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ, കുറ്റ്യാടി എം.എൽ എ കെ.പി.കുഞ്ഞമ്മത് കുട്ടി മുഖേന സമർപ്പിച്ച നിവേദനത്തിന്റെ അടിസ്ഥാനത്തിലാണ് ഫണ്ട് അനുവദിക്കപ്പെട്ടത്. റോഡിന്റെ എസ്റ്റിമേറ്റ് തയ്യാറാക്കുന്നതിന് പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ, ബ്ലോക്ക് അസി: എഞ്ചിനിയർ സനിഷ, ഓവർസിയർമാരായ അഭിജിത്ത്, സുധീഷ് , അയൽ കൂട്ടം കൺവീനർമാരായ രാജീവൻ പുത്തലത്ത്, റിനീഷ് തൈക്കണ്ടി, കെ കെ രാജീവൻ , വരിക്കോട്ട് രാജീവൻ എന്നിവർ സന്നിഹിതരായിരുന്നു.

റോഡ് പരിഷ്കരണത്തിന് 10 ലക്ഷം രൂപ അനുവദിച്ചു

ന്യൂഡൽഹി: കേരളത്തിന് കേന്ദ്രസർക്കാർ 1404 കോടി രൂപ അനുവദിച്ചു. ഉത്സവ സീസൺ കണക്കിലെടുത്താണ് തുക അനുവദിച്ചത്. അധിക നികുതി വിഹിതത്തിൽ ഉൾപ്പെടുത്തിയായിരിക്കും തുക നൽകുക. നിലവിൽ സംസ്ഥാന സർക്കാരുകൾക്ക് നൽകുന്ന നികുതി വിഹിതത്തോടൊപ്പം അധികമായി ഒരു വിഹിതം കൂടി നൽകാനാണ് കേന്ദ്ര തീരുമാനം. പ്രതിമാസ നികുതി വിഹിതം ഡിസംബർ 11ന് നൽകിയിരുന്നു. ഇതിന്റെ അധിക ഗഡു ആയിട്ടാണിപ്പോൾ പണം അനുവദിച്ചിരിക്കുന്നത്. അടിസ്ഥാന സൗകര്യ വികസനത്തിനും സാമൂഹ്യ ക്ഷേമ പദ്ധതികൾക്കുമായിട്ടാണ് തുക. സാമൂഹ്യ പെൻഷന് ഉൾ​പ്പെടെ കേരളത്തിൽ വലിയ രീതിയിൽ കാലതാമസം നേരിടുന്ന സാഹചര്യത്തിലാണ് കേന്ദ്രത്തിന്റെ ധനസഹായം.
28 സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കുമായി 72,961.21 കോടി രൂപ അനുവദിച്ചിട്ടുണ്ട്. 2024 ജനുവരി 24ന് വിവിധ സംസ്ഥാനങ്ങൾക്ക് 72,000 കോടി രൂപ നൽകുമെന്ന് കേന്ദ്രം പ്രഖ്യാപിച്ചിരുന്നു. ഉത്തർപ്രദേശിനാണ് ഏറ്റവും കൂടുതൽ നികുതി വിഹിതം അനുവദിച്ചത്. ഏതാണ്ട് 13,088 കോടി രൂപയാണ് അനുവദിച്ചത്. പശ്ചിമ ബംഗാളിന് 5488 കോടി രൂപയും അനുവദിച്ചും. കേരളത്തിന് നിലവിൽ കിട്ടാനുള്ള 1408 കോടി രൂപയുടെ നികുതി വിഹിതത്തോടൊപ്പം 1404 കോടി രൂപ കൂടി അധിക വിഹിതമായി ലഭിക്കും. നികുതി വിഹിതം വിട്ടുനൽകാത്തതുമായി ബന്ധപ്പെട്ട് സംസ്ഥാനം കേന്ദ്രസർക്കാരിൽ സമ്മർദം ചെലുത്തിയിരുന്നു.

ഉത്സവ സീസൺ കണക്കിലെടുത്താണ് തുക അനുവദിച്ചത്

National

താത്കാലിക ആശ്വാസം; കേരളത്തിന് 1404 കോടി രൂപ അനുവദിച്ച് കേന്ദ്രം

ഗുരുവായൂർ: തെരുവു യോഗത്തിൽ സഖാക്കളുടെ മുൻപിൽ നുണ പറഞ്ഞോളൂ, നിയമസഭയുടെ രേഖയിൽ വരുന്ന വിധം മേൽപാലത്തിന് റെയിൽവേ പണം നൽകുന്നില്ലെന്നു പറയാൻ ഗുരുവായൂർ എംഎൽഎയ്ക്ക് ധൈര്യമുണ്ടോ എന്ന് സുരേഷ് ഗോപി വെല്ലുവിളിച്ചു. അതല്ലെങ്കിൽ മേൽപാലം നിർമിച്ചതിന് റെയിൽവേയുടെ പണം വേണ്ടെന്ന് എംഎൽഎയുടെ നേതാവായ മുഖ്യമന്ത്രി കേന്ദ്ര സർക്കാരിനോട് പറഞ്ഞാലും മതി. ഗുരുവായൂരിൽ കോഫി ടൈം വിത് എസ്ജി എന്ന പരിപാടിയിലാണ് സുരേഷ് ഗോപിയുടെ പ്രതികരണം.&nbsp;
അടുത്ത ദിവസം തുറന്നു കൊടുത്ത റെയിൽവേ മേൽപാലത്തിന്റെ നിർമാണ ചെലവിന്റെ പകുതി തുക റെയിൽവേ കിഫ്ബിക്ക് നൽകും. ഓഡിറ്റ് ചെയ്ത കൃത്യമായ കണക്കു കൊടുക്കേണ്ടി വരുമെന്നു മാത്രം. സംസ്ഥാന സർക്കാരാണ് മേൽപാലത്തിന്റെ നിർമാണ ചെലവ് വഹിക്കുന്നത് എന്ന നുണ സഖാക്കളുടെ അടുത്തു മാത്രമേ ചെലവാകൂ എന്നും അദ്ദേഹം പറഞ്ഞു. പങ്കെടുത്തവർ വികസനത്തിനായി ഒട്ടേറെ നിർദേശങ്ങൾ മുന്നോട്ടു വച്ചു. ബിജെപി ജില്ല പ്രസിഡന്റ് കെ.കെ.അനീഷ് കുമാർ, അനിൽ മഞ്ചറമ്പത്ത്, ജസ്റ്റിൻ ജേക്കബ്, കെ.ആർ.അനീഷ്, ടി.വി.വാസുദേവൻ, സുഭാഷ് മണ്ണാരത്ത് പ്രബീഷ് തിരുവെങ്കിടം തുടങ്ങിയവർ പങ്കെടുത്തു.

സഭയുടെ രേഖയിൽ വരുന്ന വിധം മേൽപാലത്തിന് റെയിൽവേ പണം നൽകുന്നില്ലെന്നു പറയാൻ ഗുരുവായൂർ എംഎൽഎയ്ക്ക് ധൈര്യമുണ്ടോ എന്ന് സുരേഷ് ഗോപി വെല്ലുവിളിച്ചു

എംഎൽഎ യെ വെല്ലുവിളിച്ച് സുരേഷ് ഗോപി

കാസർക്കോട്: നവ കേരള സദസിനായി കാസർക്കോട് ദേലംപാടി പഞ്ചായത്തിൽ നിർബന്ധിത പണപ്പിരിവ്. കുടുംബശ്രീ അയൽക്കൂട്ടങ്ങൾ 500 രൂപ നിർബന്ധമായും നൽകണമെന്നായിരുന്നു നിർദ്ദേശം. പരിപാടിക്ക് എല്ലാ കുടുംബശ്രീ അം​ഗങ്ങളും നിർബന്ധമായും പങ്കെടുക്കണം. ഇതിനായി ഏർപ്പാടാക്കിയ ബസിന്റെ ചെലവിലേക്കാണ് ഓരോ കുടുംബശ്രീ അയൽക്കൂട്ടവും 500 രൂപ നൽകണമെന്നു നിർദ്ദേശിച്ചത്. സിഡിഎസ് അധ്യക്ഷ സുമ വാട്സ്ആപ്പിലൂടെയാണ് അം​ഗങ്ങൾക്ക് നിർദ്ദേശം നൽകിയത്. വായ്പ നൽകിയ വകയിൽ ലഭിച്ച പലിശയിൽ നിന്നു ഈ തുക എടുക്കണമെന്നും സന്ദേശത്തിൽ പറയുന്നു. വിഷയത്തിൽ അന്വേഷണം നടത്തുമെന്നു കലക്ടർ കെ ഇമ്പശേഖർ പറഞ്ഞു. നിർബന്ധിത പണപ്പിരിവ് നടത്തരുതെന്നു നേരത്തെ തന്നെ നിർദ്ദേശം നൽകിയിരുന്നുവെന്നും കലക്ടർ വ്യക്തമാക്കി.&nbsp;

നവ കേരള സദസിനായി കാസർക്കോട് ദേലംപാടി പഞ്ചായത്തിൽ നിർബന്ധിത പണപ്പിരിവ്. കുടുംബശ്രീ അയൽക്കൂട്ടങ്ങൾ 500 രൂപ നിർബന്ധമായും നൽകണമെന്നായിരുന്നു നിർദ്ദേശം.

നവകേരള സദസ്; അയൽക്കൂട്ടങ്ങളിൽ നിന്നും പണപിരിവ് നടത്തിയെന്ന് ആരോപണം

കൊച്ചി: സിറ്റി പോലീസ് ഡാൻസാഫ് സംഘം പരിശോധനയ്ക്കെത്തിയതറിഞ്ഞ് സ്വകാര്യ ഹോട്ടലിന്റെ മൂന്നാം നിലയിൽനിന്ന് ഓടിക്കളഞ്ഞത് പേടിച്ചിട്ടെന്ന് നടൻ ഷൈൻ ടോം ചാക്കോ. തന്നെ അപായപ്പെടുത്താന്‍ വരുന്നവരാണെന്ന് സംശയിച്ചുവെന്നും നടൻ പോലീസിന് നൽകിയ മൊഴിയിൽ പറയുന്നു. അതേസമയം, ഷൈനിന്റെ ഫോൺ അടക്കമുള്ള കാര്യങ്ങൾ പരിശോധിക്കാൻ പോലീസ് തീരുമാനിച്ചിട്ടുണ്ട്. പണം അടച്ചതിന്റെ രേഖകളും വാട്സാപ്പ് ചാറ്റുകളും പോലീസ് പരിശോധിച്ചേക്കുമെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ.
ശനിയാഴ്ച രാവിലെ പത്തോടെയാണ് ചോദ്യംചെയ്യലിനായി ഷൈൻ എറണാകുളം നോർത്ത് പോലീസ് സ്റ്റേഷനിലെത്തിയത്. രാവിലെ സ്റ്റേഷനിലെത്തിയ ഷൈൻ മാധ്യമങ്ങളോട് പ്രതികരിക്കാതെയായിരുന്നു സ്റ്റേഷനിലേക്ക് കയറിയത്. 32 ചോദ്യങ്ങള്‍ അടങ്ങിയ പ്രാഥമിക ചോദ്യാവലി പോലീസ് തയ്യാറാക്കിയതായി നേരത്തെ റിപ്പോർട്ടുണ്ടായിരുന്നു.

ഓടിക്കളഞ്ഞത് പേടിച്ചിട്ടെന്ന് ഷൈൻ ടോം ചാക്കോ ;രേഖകളും വാട്സാപ്പ് ചാറ്റുകളും പരിശോധിക്കും

ഒന്റാറിയോ: കാനഡയിലെ ഹാമില്‍ട്ടണില്‍ ഇന്ത്യന്‍ വിദ്യാര്‍ഥിനി വെടിയേറ്റ് മരിച്ചു. 21 വയസ്സുകാരിയായ ഹര്‍സിമ്രത് രൺധാവയാണ് കൊല്ലപ്പെട്ടത്. ബസ് സ്റ്റോപ്പില്‍ നില്‍ക്കവെ ഒരു കാറില്‍ സഞ്ചരിച്ചിരുന്ന അജ്ഞാതരില്‍ നിന്ന് വെടിയേല്‍ക്കുകയായിരുന്നു. പരിക്കേറ്റ പെണ്‍കുട്ടിയെ ഉടന്‍ തന്നെ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല.
രണ്ട് വാഹനങ്ങളിലുണ്ടായിരുന്ന സംഘങ്ങള്‍ തമ്മിലുള്ള വെടിവയ്പ്പില്‍ ഹര്‍സിമ്രത് അബദ്ധത്തില്‍ വെടിയേൽക്കുകയായിരുന്നുവെന്നാണ് പോലീസിന്റെ നിഗമനം. വെടിയുണ്ടയുടെ ദിശമാറി ഹര്‍സിമ്രതിന്റെ നെഞ്ചില്‍ തറയ്ക്കുകയായിരുന്നു. തൊട്ടുപിന്നാലെ ഇരുവാഹനങ്ങളും സ്ഥലം കാലിയാക്കിയെന്നും ഇവരെ കണ്ടെത്താനുള്ള അന്വേഷണം നടക്കുകയാണെന്നും ഹാമില്‍ട്ടണ്‍ പോലീസ് അറിയിച്ചു.

കാനഡയില്‍ ഇന്ത്യന്‍ വിദ്യാര്‍ഥി വെടിയേറ്റ് മരിച്ചു

കൊച്ചി: നടൻ ഷൈൻ ടോം ചാക്കോ ചോദ്യം ചെയ്യലിന് ഹാജരായി. പൊലീസ് ആവശ്യപ്പെട്ടതിലും അരമണിക്കൂർ മുമ്പാണ് നടൻ എറണാകുളം നോർത്ത് പൊലീസ് സ്റ്റേഷനിൽ എത്തിയത്. മാധ്യമങ്ങളോട് നടൻ പ്രതികരിച്ചില്ല.
ഡാൻസാഫ് പരിശോധനയ്ക്കിടെ എന്തിനാണ് കൊച്ചിയിലെ ഹോട്ടലിൽ നിന്ന് ഇറങ്ങിയോടിയതെന്നടക്കം 32 ചോദ്യങ്ങളാണ് പൊലീസ് ഷൈനിനോട് ചോദിക്കുക. ഷൈൻ ടോം ചാക്കോയുടെ കഴിഞ്ഞ ഒരു മാസത്തെ ഫോൺ വിവരങ്ങൾ പൊലീസ് ശേഖരിച്ചിട്ടുണ്ട്.ഇന്നലെ ഷൈനിന്റെ വീട്ടിലെത്തി ചോദ്യം ചെയ്യലിന് ഹാജരാകണമെന്നാവശ്യപ്പെട്ട് പൊലീസ് നോട്ടീസ് നൽകിയിരുന്നു. ഫോണില്‍ ഷൈനിനെ വിളിച്ചെങ്കിലും കിട്ടാതെ വന്നതോടെയാണ് പൊലീസ് തൃശൂരിലെ വീട്ടിലെത്തി നോട്ടീസ് നല്‍കിയത്. എന്നാല്‍ ഈ സമയത്ത് നടന്‍ വീട്ടിലില്ലാതിരുന്നതിനാല്‍ പിതാവ് സി പി ചാക്കോയാണ് നോട്ടീസ് കൈപ്പറ്റിയത്.

ഷൈൻ ടോം ചാക്കോ ചോദ്യം ചെയ്യലിന് ഹാജരായി

ന്യൂഡല്‍ഹി: മുസ്തഫാബാദില്‍ നാലുനിലക്കെട്ടിടം തകര്‍ന്നുവീണ് നാലുപേര്‍ മരിച്ചു. ശനിയാഴ്ച അതിരാവിലെയാണ് അപകടമുണ്ടായത്. പത്തോളംപേര്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നതായി സംശയിക്കുന്നു.
പുലര്‍ച്ചെ മൂന്നുമണിയോടെയാണ് കെട്ടിടം തകര്‍ന്നുവീണത്. ദേശീയ ദുരന്തനിവാരണ സേനയുടേയും ഡല്‍ഹി പോലീസ് സേനയുടേയും നേതൃത്വത്തില്‍ രക്ഷാപ്രവര്‍ത്തനങ്ങള്‍ പുരോഗമിക്കുകയാണ്.പതിന്നാല് പേരെ രക്ഷിക്കാന്‍ സാധിച്ചതായും നാലുപേര്‍ മരിച്ചതായും മുതിര്‍ന്ന പോലീസ് ഉദ്യോഗസ്ഥനായ സന്ദീപ് ലാമ്പ എഎന്‍ഐയോട് പ്രതികരിച്ചു. 8-10 പേര്‍ അവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നതായി സംശയിക്കുന്നതായും അദ്ദേഹം കൂട്ടിച്ചേര്‍ത്തു.

ഡല്‍ഹിയില്‍ നാലുനിലക്കെട്ടിടം തകര്‍ന്നുവീണ് 4 മരണം

തിരുവനന്തപുരം: സിപിഎം കണ്ണൂര്‍ ജില്ലാ സെക്രട്ടറിയായി തിരഞ്ഞെടുക്കപ്പെട്ട കെകെ രാഗേഷിനെ പ്രശംസിച്ച ദിവ്യ എസ് അയ്യര്‍ക്കെതിരെ പരാതി. യൂത്ത് കോണ്‍ഗ്രസ് കണ്ണൂര്‍ ജില്ലാ കമ്മിറ്റി പ്രസിഡന്റ് വിജില്‍ മോഹന്‍ ആണ് പരാതി നല്‍കിയത്. സംസ്ഥാന ചീഫ് സെക്രട്ടറി ശാരദ മുരളീധരനും കേന്ദ്ര പൊതുജന പരാതി പരിഹാര ഡയറക്ടര്‍ക്കുമാണ് പരാതി നല്‍കിയത്. ദിവ്യ എസ് അയ്യര്‍ ഗുരുതരമായ ചട്ടലംഘനം നടത്തിയെന്ന് ആരോപിച്ചാണ് പരാതി സമര്‍പ്പിച്ചിരിക്കുന്നത്. നീതി ലഭിക്കും വരെ നിയമപോരാട്ടം തുടരാനാണ് യൂത്ത് കോണ്‍ഗ്രസിന്റെ തീരുമാനം.
ഐഎഎസ് ഉദ്യോഗസ്ഥര്‍ക്കുള്ള 1968ലെ പെരുമാറ്റച്ചട്ടത്തിന്റെ ലംഘനമാണ് ദിവ്യ എസ് അയ്യര്‍ നടത്തിയതെന്നും കര്‍ശനമായ നടപടി വേണമെന്നും പരാതിയില്‍ ആവശ്യപ്പെടുന്നു. ഐഎഎസ് ഉദ്യോഗസ്ഥര്‍ പാലിക്കേണ്ട രാഷ്ട്രീയ നിഷ്പക്ഷത ദിവ്യ പാലിച്ചിട്ടില്ലെന്നാണ് പരാതിയിലെ പ്രധാന ആരോപണം. മുഖ്യമന്ത്രിയുടെ പ്രൈവറ്റ് സെക്രട്ടറി എന്നത് രാഷ്ട്രീയ നിയമനമാണ്. സിപിഎം സംസ്ഥാന സമിതിയാണ് കെ.കെ.രാഗേഷിനെ പദവിയിലേക്ക് നിയോഗിച്ചത്.ആ പദവിയെക്കുറിച്ച് പോസ്റ്റിട്ടത് രാഷ്ട്രീയ നിഷ്പക്ഷതയ്ക്ക് എതിരാണ്. വ്യക്തിപരമായി പ്രഫഷനല്‍ അഭിപ്രായമാണ് പറഞ്ഞതെങ്കില്‍ എന്തിനാണ് ഇന്‍സ്റ്റഗ്രാം പോസ്റ്റില്‍ കമ്യൂണിസ്റ്റ് വിപ്ലവ ഗാനത്തിന്റെ പശ്ചാത്തലം ഉപയോഗിച്ചതെന്നും പരാതിയില്‍ ചോദിക്കുന്നു. വാക്ക് കൊണ്ടു ഷൂ ലേസ് കെട്ടികൊടുക്കുന്ന പരിപാടിയാണ് ദിവ്യ കാണിച്ചത്. ദിവ്യയുടെ പോസ്റ്റ് തികച്ചും പൊളിറ്റിക്കല്‍ ആണ്. രാഷ്ട്രീയ ലാഭത്തിനുവേണ്ടിയുള്ള പ്രീണനമാണ് നടത്തിയതെന്നും വിജിലിന്റെ പരാതിയില്‍ പറയുന്നു.

ദിവ്യ എസ് അയ്യര്‍ നടത്തിയത് ഗുരുതരമായ ചട്ടലംഘനം, പരാതി നല്‍കി യൂത്ത് കോണ്‍ഗ്രസ്

Search Results for: divya s ayyar