കോഴിക്കോട്: കൊടുവള്ളിയിലെ സ്കൂളിലുണ്ടായ ക്രൂര റാഗിങ് പരാതിയിൽ രണ്ട് പ്ലസ് ടു വിദ്യാർഥികളെ സസ്പെൻഡ് ചെയ്തു. സ്കൂൾ അധികൃതർ അന്വേഷണ വിധേയമായിട്ടാണ് സസ്പെൻഡ് ചെയ്തിരിക്കുന്നത്.
ഇന്നലെ വൈകുന്നേരമാണ് റാഗിങ് നടന്നത്. റാഗിങ്ങിൽ നാലു വിദ്യാർഥികൾക്ക് പരിക്കേറ്റിരുന്നു. ഒരു വിദ്യാർഥിയുടെ പുറത്ത് കോമ്പസ് കൊണ്ട് കുത്തേറ്റ മുറിവുണ്ട്. രണ്ട് വിദ്യാർഥികളുടെ കൈക്ക് പൊട്ടലുമുണ്ട്. ഇതുസംബന്ധിച്ച് പൊലീസിനും പരാതി കൈമാറിയിട്ടുണ്ട്.വ്യാഴാഴ്ച ഇന്‍റർവെൽ സമയത്ത് പുറത്തിറങ്ങിയതിന് സീനിയർ വിദ്യാർഥികളെത്തി മർദിച്ചിരുന്നു. ഇതേക്കുറിച്ച് സ്കൂളിൽ പരാതി പറഞ്ഞവരെ പിന്നീട് ക്രൂരമായി മർദിക്കുകയായിരുന്നു.

കൊടുവള്ളി സ്കൂളിൽ ക്രൂര റാഗിങ്: രണ്ട് പ്ലസ് ടു വിദ്യാർഥികൾക്ക്  സസ്പെൻഷൻ

Kozhikode

നാദാപുരം: കല്ലാച്ചി-വളയം റോഡിലൂടെ യുവാക്കള്‍ അപകടകരമായരീതിയില്‍ കാറോടിച്ച സംഭവത്തില്‍ ഡ്രൈവറുടെ ലൈസന്‍സ് ഒരുമാസത്തേക്ക് സസ്‌പെന്‍ഡ് ചെയ്ത് മോട്ടോര്‍വാഹനവകുപ്പ്. കോഴിക്കോട് എന്‍ഫോഴ്‌സ്മെന്റ് ആര്‍.ടി.ഒ. ബി. ഷെഫീക്കാണ് വാഹനമോടിച്ച ആയഞ്ചേരി സ്വദേശി മുഹമ്മദ് മാസിന്റെ ലൈസന്‍സ് കഴിഞ്ഞദിവസം സസ്‌പെന്‍ഡ് ചെയ്തത്. ഇതിനുപുറമെ ചേവായൂരില്‍ നടക്കുന്ന ഒരുദിവസത്തെ റോഡ് സേഫ്റ്റി ക്ലാസിലും പങ്കെടുക്കണം. മേയ് 23-ന് വൈകീട്ടാണ് കേസിനാസ്പദമായ സംഭവം. ആയഞ്ചേരിയില്‍നിന്ന് വിവാഹപാര്‍ട്ടിയുടെകൂടെ വരുകയായിരുന്ന കാറില്‍ പിന്നിലെ ഇരുവശങ്ങളിലെയും ഡോറിനുമുകളില്‍ യുവാക്കള്‍ ഇരുന്ന് അപകടകരമായരീതിയില്‍ യാത്രചെയ്യുകയായിരുന്നു. പിന്നിലെ വാഹനത്തിലെ യാത്രക്കാര്‍ സംഭവം മൊബൈലില്‍ പകര്‍ത്തി സാമൂഹികമാധ്യമങ്ങളില്‍ പോസ്റ്റ്‌ചെയ്തു. വീഡിയോ ശ്രദ്ധയില്‍പ്പെട്ടതോടെയാണ് മോട്ടോര്‍വാഹനവകുപ്പ് നടപടിയെടുത്തത്.

കല്ലാച്ചിയിലെ അപകടകരമായ കാർ യാത്ര: ആയഞ്ചേരി സ്വദേശി ഡ്രൈവറുടെ ലൈസന്‍സ് സസ്പെൻസ് ചെയ്തു

Nadapuram

തിരുവനന്തപുരം: ലോക്സഭാ തിരഞ്ഞെടുപ്പിൽ എൽഡിഎഫിന് കണ്ണഞ്ചിപ്പിക്കുന്ന ജയമുണ്ടാകുമെന്ന് എ.കെ.ബാലൻ. എല്ലാ സീറ്റുകളും ഇന്ത്യാ സഖ്യത്തിന് ലഭിക്കും.കേരളത്തിൽ ബിജെപി മുന്നേറ്റമെന്നത് നുണയാണ്.&nbsp;
‘‘എക്സിറ്റ് പോൾ വിശ്വാസ്യയോഗ്യമല്ല. 2004ൽ എൻഡിഎ അധികാരത്തിൽ എത്തുമെന്ന് പറഞ്ഞു. എന്നാൽ യുപിഎ അധികാരത്തിൽ വന്നു. 2019ലെ മോദി തരംഗം ഇത്തവണ ഇല്ല. ഇത്തവണ മോദി വിരുദ്ധ വികാരമായിരിക്കും. വിഷലിപ്തമായ പ്രചാരണം ആണ് മോദി നടത്തിയത്. ഹിന്ദുത്വ അജണ്ട നടപ്പിലാക്കാൻ ശ്രമിച്ചു. ഈ ഘടകങ്ങളെല്ലാം നിലനിൽക്കെ ബിജെപിക്ക് അനുകൂലമായ എക്സിറ്റ് പോളുകൾ വിശ്വാസ്യ യോഗ്യമല്ല.’’ – എ.കെ.ബാലൻ പറഞ്ഞു.

എൽഡിഎഫിന് കണ്ണഞ്ചിപ്പിക്കുന്ന ജയമുണ്ടാകുമെന്ന് എ.കെ.ബാലൻ

ന്യൂഡല്‍ഹി: ഡല്‍ഹി മദ്യനയക്കേസില്‍ കോടതി അനുവദിച്ച ജാമ്യകാലാവധി അവസാനിച്ചതോടെ അരവിന്ദ് കെജ്‌രിവാള്‍ തിഹാര്‍ ജയിലില്‍ തിരിച്ചെത്തി. മൂന്നുമണിയോടെ വീട്ടില്‍നിന്ന് ഇറങ്ങിയ കെജ്‌രിവാള്‍ രാജ്ഘട്ടിലെ ഗാന്ധി സ്മാരകരവും കൊണാട്ട് പ്ലേസിലെ ഹനുമാന്‍ക്ഷേത്രവും സന്ദര്‍ശിച്ച ശേഷമാണ് ജയിലിലേക്ക് പുറപ്പെട്ടത്.&nbsp;
പാര്‍ട്ടി ആസ്ഥാനത്ത് എത്തി കെജ്‌രിവാള്‍ പ്രവര്‍ത്തകരെ അഭിസംബോധനചെയ്തു സംസാരിക്കുകയും ചെയ്തു. തിരഞ്ഞെടുപ്പ് പ്രചാരണത്തിന് 21 ദിവസത്തെ ജാമ്യം അനുവദിച്ച സുപ്രീംകോടതിക്ക് അദ്ദേഹം നന്ദി പറഞ്ഞു. ഈ 21 ദിവസം ഒരു മിനിറ്റുപോലും ഞാന്‍ പാഴാക്കിയില്ല. ആം ആദ്മി പാര്‍ട്ടിക്ക് വേണ്ടി മാത്രമല്ല, മറ്റു പാര്‍ട്ടികള്‍ക്കുവേണ്ടിയും പ്രചാരണം നടത്തി. മുംബൈ, ഹരിയാണ, യു.പി, ഝാര്‍ഖണ്ഡ് എന്നിവിടങ്ങളിലും പ്രചാരണം നടത്തി.ഏകാധിപത്യത്തിനെതിരെ ശബ്ദം ഉയര്‍ത്തിയതുകൊണ്ടാണ് തനിക്ക് വീണ്ടും ജയിലിലേക്ക് പോകേണ്ടി വരുന്നത്. തനിക്കെതിരെ ഒരു തെളിവുമില്ലെന്ന് പ്രധാനമന്ത്രി മോദിക്ക് രാജ്യത്തിന് മുന്നില്‍ അംഗീകരിക്കേണ്ടിവന്നുവെന്നും അദ്ദേഹം പറഞ്ഞു. എക്‌സിറ്റ് പോളുകള്‍ വ്യാജമാണെന്നും കെജ്‌രിവാള്‍ ചൂണ്ടിക്കാട്ടി..

ജാമ്യകാലാവധി അവസാനിച്ചു; അരവിന്ദ് കെജ്‌രിവാള്‍ തിഹാര്‍ ജയിലില്‍ തിരിച്ചെത്തി

തൃശ്ശൂർ: തൃപ്രയാറിൽ ഒന്നേകാൽ വയസുള്ള കുട്ടി തോട്ടിൽ വീണ് മരിച്ചു. ബീച്ച് സുൽത്താൻപള്ളിക്ക് വടക്ക് ചക്കാലക്കൽ ജിഹാസ്- ഷെനിജ ദമ്പതിമാരുടെ മകൻ മുഹമദ് റയാനാണ് മരിച്ചത്. ഞായറാഴ്ച രാവിലെയായിരുന്നു സംഭവം.
കുട്ടിയെ കാണാതായതിനെത്തുടർന്ന് നടത്തിയ തിരച്ചിലിൽ വീടിനടുത്തുള്ള തോട്ടിൽ കണ്ടെത്തുകയായിരുന്നു. ഉടനെ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. സഹോദരങ്ങൾ: ഹയ ഫാത്തിമ, മുഹമദ് അയാൻ.

തൃപ്രയാറിൽ പിഞ്ചുകുഞ്ഞ് തോട്ടിൽ വീണ് മരിച്ചു

Kerala

കണ്ണൂര്‍ : ഇന്നലെ വന്ന എക്സിറ്റ് പോളുകള്‍ സംശയാസ്പദമാണെന്ന് എൽഡിഎഫ് കൺവീനർ ഇ.പി. ജയരാജൻ. എല്ലാ മേഖലയിലും ജാഗ്രതയുണ്ടാവണമെന്ന ഇന്ത്യാ മുന്നണിയുടെ നിലപാട് ശരിവയ്ക്കുന്നതാണ് എക്സിറ്റ് പോൾ ഫലമെന്നും ജയരാജൻ പറഞ്ഞു. ‘‘ബിജെപി കേരളത്തില്‍ അക്കൗണ്ട് തുറക്കില്ല. ബിജെപി പറഞ്ഞതുപോലെയുള്ള പ്രവചനമാണ് ഉണ്ടായിരിക്കുന്നത്.&nbsp;
‘‘കേരളത്തില്‍ ബിജെപി അക്കൗണ്ട് തുറക്കാനുള്ള സാധ്യതയില്ല. കേരളം മതനിരപേക്ഷതയുടെ നാടാണ്. ന്യൂ ജനറേഷൻ വിദ്യാസമ്പന്നരാണ്. ലോക കാര്യങ്ങള്‍ നിരീക്ഷിക്കുന്നവരാണ്. അവരുടെ നിലപാട് തന്നെ മതനിരപേക്ഷതയാണ്. അതിനാല്‍ തന്നെ ബിജെപി കേരളത്തില്‍ വരാൻ ജനങ്ങള്‍ ആഗ്രഹിക്കുന്നില്ല. എക്സിറ്റ് പോളുകള്‍ തയാറാക്കിയവര്‍ക്ക് രാഷ്ട്രീയ ലക്ഷ്യമുണ്ടെന്നനും അദ്ദേഹം കൂട്ടിച്ചേർത്തു.

എക്സിറ്റ് പോളുകള്‍ സംശയാസ്പദമാണെന്ന് ഇ.പി. ജയരാജൻ

കോഴിക്കോട്: തിരഞ്ഞെടുപ്പിന്റെ പേരില്‍ വിഭാഗീയതയും സംഘര്‍ഷങ്ങളുമുണ്ടായി കാണാന്‍ ആഗ്രഹിക്കുന്നില്ലെന്ന് ഷാഫി പറമ്പിൽ.ഇരുപതില്‍ ഇരുപതും ലഭിക്കാവുന്ന സാഹചര്യമാണ് സംസ്ഥാനത്തുള്ളത്. വടകരയിൽ എളുപ്പത്തിൽ വിജയിക്കാനാകുമെന്നും ഷാഫി പറഞ്ഞു.
'തിരഞ്ഞെടുപ്പിന്റെ പേരില്‍ വിഭാഗീയതയും സംഘര്‍ഷങ്ങളുമുണ്ടായി കാണാന്‍ ആഗ്രഹിക്കുന്നവരല്ല ഞങ്ങൾ. മുന്നോട്ടുവച്ച പല വിഷയങ്ങളിലും പോലീസ് തീർപ്പുകൽപ്പിക്കാതിരുന്നിട്ടും അവരോട് സഹകരിക്കുന്നത് നാടിന്റെ സമാധാനം ഓർത്തിട്ടാണ്.ഷാഫി പറഞ്ഞു.
കാഫിർ പ്രയോഗത്തെ സൂചിപ്പിച്ചും അദ്ദേഹം സംസാരിച്ചു.ഏറ്റവും ഒടുവിൽ സൃഷ്ടിച്ച് പ്രചരിപ്പിച്ച വ്യാജസൃഷ്ടിയുൾപ്പെടെ ഉണ്ടാക്കിയതിന് പിന്നിൽ ആരാണെന്ന് പോലീസ് കണ്ടെത്തി ശിക്ഷിക്കണം.അവർ അവരുടെ ഉത്തരവാദിത്വം മറക്കരുത്.നാടിന്റെ സമാധാനം കെടുത്താനും ഭിന്നിപ്പുണ്ടാക്കാനുമുള്ള ബോധപൂർവമായ ശ്രമമാണ് ഇത്തരം നീക്കങ്ങൾക്ക് പിന്നിൽ. അവർക്ക് നിയമം അനുശാസിക്കുന്ന ശിക്ഷ നൽകാൻ ഭരണകൂടത്തിന് ഉത്തരവാദിത്വമുണ്ടെന്നും ഷാഫി കൂട്ടിച്ചേർത്തു

തിരഞ്ഞെടുപ്പിന്റെ പേരില്‍ വിഭാഗീയതയും സംഘര്‍ഷങ്ങളുമുണ്ടായി കാണാന്‍ ആഗ്രഹിക്കുന്നില്ലെന്ന് ഷാഫി പറമ്പിൽ

തൃശ്ശൂര്‍: വളര്‍ത്തുപൂച്ചയെ കാണാതായതിനെച്ചൊല്ലിയുള്ള തര്‍ക്കത്തിനിടെ യുവാവ് മുത്തച്ഛനെ വെട്ടിപ്പരിക്കേല്‍പ്പിച്ചു. എടക്കുളം സ്വദേശി ശ്രീകുമാറാണ് മുത്തച്ഛനായ കേശവനെ(79) ആക്രമിച്ചത്. പ്രതി ശ്രീകുമാറിനെ പോലീസ് കസ്റ്റഡിയിലെടുത്തു.
ശനിയാഴ്ച രാത്രിയായിരുന്നു സംഭവം. ലഹരിയിലാണ് പ്രതി മുത്തച്ഛനെ ആക്രമിച്ചതെന്നാണ് പോലീസ് പറയുന്നത്. ശ്രീകുമാര്‍ രാത്രി വീട്ടിലെത്തിയപ്പോള്‍ വളര്‍ത്തുപൂച്ചയെ കാണാനില്ലായിരുന്നു. ഇതോടെ മുത്തച്ഛനുമായി തര്‍ക്കമായി.പൂച്ചയെ മുത്തച്ഛന്‍ മറ്റെവിടെയോ കൊണ്ടുപോയി ഉപേക്ഷിച്ചെന്ന് പറഞ്ഞാണ് യുവാവ് തര്‍ക്കമുണ്ടാക്കിയത്.ഇതിനൊടുവിലാണ് മുത്തച്ഛനെ വെട്ടിപ്പരിക്കേല്‍പ്പിച്ചത്.വെട്ടേറ്റ കേശവനെ പ്രതി തന്നെയാണ് ഇരിങ്ങാലക്കുടയിലെ ആശുപത്രിയില്‍ എത്തിച്ചത്. തുടര്‍ന്ന് ആശുപത്രി അധികൃതര്‍ പോലീസില്‍ അറിയിക്കുകയും പോലീസെത്തി പ്രതിയെ കസ്റ്റഡിയിലെടുക്കുകയുമായിരുന്നു.കേശവനെ പിന്നീട് തൃശ്ശൂര്‍ മെഡിക്കല്‍ കോളേജ് ആശുപത്രിയിലേക്ക് മാറ്റി.

വളര്‍ത്തുപൂച്ചയെ കാണാതായതിനെച്ചൊല്ലി തർക്കം; യുവാവ് മുത്തച്ഛനെ വെട്ടിപ്പരിക്കേല്‍പ്പിച്ചു

തിരുവനന്തപുരം : സംസ്ഥാനത്ത് ഇന്നും അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്‍റെ മുന്നറിയിപ്പ്. മധ്യകേരളത്തിലും വടക്കൻ ജില്ലകളിലും കാലവർഷം ശക്തി പ്രാപിച്ചു. വടക്കൻ ജില്ലകളിൽ ഇന്നു ശക്തമായ മഴ ലഭിച്ചേക്കും. ഇന്നും നാളെയും തെക്കൻ കേരളത്തിലെ ഒറ്റപ്പെട്ടയിടങ്ങളിൽ ഇടിയോടു കൂടിയ മഴയ്ക്കും സാധ്യതയുണ്ട്. 5 വരെ സംസ്ഥാനത്താകെ കനത്ത മഴയ്ക്കു സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
മൂന്ന് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. ഇടുക്കി, കോഴിക്കോട്, വയനാട് ജില്ലകളിലാണ് ഓറഞ്ച് അലർട്ട്. എറണാകുളം, തൃശ്ശൂർ, പാലക്കാട്, മലപ്പുറം, കണ്ണൂർ, കാസർകോട് ജില്ലകളിൽ യെലോ അലർട്ടാണ്. ഇടിയോടും കാറ്റോടും കൂടിയ മഴ ആയിരിക്കുമെന്നും പ്രവചനമുണ്ട്. തെക്ക് കിഴക്കൻ അറബിക്കടലിൽ തെക്കൻ കേരളത്തിന് അരികെയായി ചക്രവാതച്ചുഴി നിലനിൽക്കുന്നുണ്ട്. ബംഗാൾ ഉൾക്കടലിൽ ശ്രീലങ്കയ്ക്കു മുകളിലായി ഉയർന്ന തലത്തിൽ ചക്രവാതച്ചുഴി രൂപപ്പെട്ടിട്ടുണ്ട്. ഇന്ന് 55 കിലോമീറ്റർ വരെ വേഗത്തിൽ കാറ്റിനു സാധ്യതയുള്ളതിനാൽ മത്സ്യത്തൊഴിലാളികൾ ജാഗ്രത പാലിക്കണമെന്ന് ദേശീയ സമുദ്രസ്ഥിതി പഠനഗവേഷണ കേന്ദ്രം അറിയിച്ചു.

ഇന്നും അതിശക്തമായ മഴയ്ക്ക് സാധ്യത ;3 ജില്ലകളിൽ ഓറഞ്ച് അലർട്ട്

കോഴിക്കോട്: ലീഗിലേക്ക് പോവുന്നുവെന്ന വാര്‍ത്തകള്‍ തള്ളി ഐ.എന്‍.എല്‍ സംസ്ഥാന പ്രസിഡന്റും മുന്‍ മന്ത്രിയുമായ അഹമ്മദ് ദേവര്‍കോവില്‍. കഴിഞ്ഞ നിയമസഭ തിരഞ്ഞെടുപ്പിന്റെ സ്ഥാനാര്‍ഥി നിര്‍ണയം മുതല്‍ തന്നെ വ്യക്തിപരമായി വേട്ടയാടാന്‍ സകല ഹീനമാര്‍ഗവും പ്രയോഗി ച്ചുവരുന്ന ചിലരുടെ ഏറ്റവും പുതിയ കുതന്ത്രമാണ് താന്‍ ലീഗിലേക്ക് എന്ന വ്യാജവാര്‍ത്താ നിര്‍മിതിക്ക് പിന്നിലും പ്രവര്‍ത്തിക്കുന്നതെന്ന് അഹമ്മദ് ദേവര്‍കോവില്‍ പറഞ്ഞു.
ഐ.എന്‍.എല്‍-ന്റെ രാഷ്ട്രീയ സത്യസന്ധതയെയും, ഇടതുപക്ഷ നിലപാടിനെയും കരിനിഴലിലാക്കാമെന്നത് മൗഢ്യമായ ധാരണയാണ്. സമസ്ത എന്ന പണ്ഡിതസഭയെ ഭയപ്പെടുത്തി ലീഗിന്റെ ആലയിലാക്കാനുളള കുതന്ത്രങ്ങള്‍ക്കെതിരെ പാര്‍ട്ടിപോരാട്ടം തുടരും. പാര്‍ട്ടിയില്‍നിന്നും പുറത്തെറിഞ്ഞ രാഷ്ട്രീയ ഭിക്ഷാംദേഹികളുടെ വ്യജ നിര്‍മിതികള്‍ക്കെതിരെ മുഴുവന്‍ ഇടതുപക്ഷ പ്രവര്‍ത്തകരും ജാഗ്രത പുലര്‍ത്തണമെന്നും അദ്ദേഹം പ്രസ്ഥാവനയില്‍ പറഞ്ഞു.അഹമ്മദ് ദേവര്‍കോവില്‍ മുസ്ലീം ലീഗിലേക്ക് പോവുകയാണെന്നും ഇത് സംബന്ധിച്ച് കുഞ്ഞാലിക്കുട്ടിയുമായും മുനീറും കെ.എം. ഷാജിയടക്കമുള്ളവരുമായി ചര്‍ച്ച നടത്തിയെന്നും ചൂണ്ടിക്കാട്ടി കഴിഞ്ഞ ദിവസം വാര്‍ത്ത വന്നിരുന്നു.

വാര്‍ത്തകള്‍ക്ക് പിന്നില്‍ പാര്‍ട്ടി പുറത്താക്കിയവര്‍ ;ലീഗിലേക്ക് പോവുന്നില്ല,പ്രതികരണവുമായി അഹമ്മദ് ദേവര്‍കോവില്‍

തിരുവനന്തപുരം: രണ്ടുമാസത്തെ വേനലവധിക്ക് ശേഷം സംസ്ഥാനത്തെ കുട്ടികൾ നാളെ വീണ്ടും സ്കൂളിലേക്ക്. സംസ്ഥാന തല പ്രവേശനോത്സവം എറണാകുളത്ത് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. മൂന്നു ലക്ഷത്തിലധികം കുരുന്നുകൾ ഇക്കുറി പുതിയതായി വിദ്യാലയങ്ങളിലെക്ക് എത്തുമെന്നാണ് കണക്കുകൂട്ടൽ.
ആദ്യമായി എത്തുന്നവരെ സ്വീകരിക്കാൻ വർണാഭമായ സ്വീകരണമാണ് സർക്കാർ ഒരുക്കിയിരിക്കുന്നത്. . ജില്ലാകേന്ദ്രങ്ങളിലൂം സ്കൂൾതലത്തിലും പ്രത്യേകം പരിപാടികൾ സംഘടിപ്പിക്കുന്നുണ്ട്. 40 ലക്ഷത്തോളം കുട്ടികളാണ് സംസ്ഥാനത്ത് ആകമാനം സ്കൂളുകളിൽ എത്തുന്നത്. പ്രവേശനോത്സവത്തിന്റെ ഔദ്യോഗിക ഗാനം കഴിഞ്ഞ ദിവസം വിദ്യാഭ്യാസ വകുപ്പ് പുറത്തുവിട്ടിരുന്നു. വിവിധ വകുപ്പുകൾ ഏകോപിപ്പിച്ചു കൊണ്ടാണ് പ്രവേശനോത്സവം സംഘടിപ്പിക്കുന്നത്.സ്‌കൂൾബസ്സുകൾ, കുട്ടികളെ എത്തിക്കുന്ന സ്വകാര്യ വാഹനങ്ങൾ എന്നിവയുടെ ഫിറ്റ്‌നസ് ഗതാഗത വകുപ്പ് ഉറപ്പുവരുത്തിയിട്ടുണ്ട്.

വേനലവധിക്ക് വിട; സംസ്ഥാനത്തെ സ്കൂളുകൾ നാളെ തുറക്കും

ഇരിട്ടി: വീട്ടില്‍ നിര്‍ത്തിയിട്ട ബൈക്കിന് മുകളില്‍വെച്ച ഹെല്‍മറ്റില്‍ കയറിക്കൂടിയത് പെരുമ്പാമ്പിന്റെ കുട്ടി. ഇതറിയാതെ ഹെല്‍മറ്റ് ധരിച്ച ബൈക്ക് യാത്രക്കാരന്റെ തലയില്‍ പാമ്പ് കടിച്ചു. പടിയൂര്‍ നിടിയോടിയിലെ കെ. രതീഷിനാണ് (40) കടിയേറ്റത്.
തലയില്‍ കടിയേറ്റപ്പോഴാണ് ഹെല്‍മറ്റ് അഴിച്ചുനോക്കിയത്. അകത്ത് പാമ്പാണെന്ന് കണ്ടപ്പോള്‍ വെപ്രാളത്തിനിടയില്‍ ഹെല്‍മറ്റ് ദൂരേക്ക് എറിഞ്ഞു. കടിച്ച പാമ്പിനെ തിരിച്ചറിയാനും കഴിഞ്ഞില്ല. ഉടന്‍ രതീഷിനെ കണ്ണൂരിലെ സ്വകാര്യ ആശുപത്രിയിലെത്തിച്ചു.പരിശോധനയ്ക്കിടയിലാണ് പെരുമ്പാമ്പാണെന്നും വിഷമില്ലാത്തതാണെന്നും മനസ്സിലായത്.&nbsp;

ഹെല്‍മെറ്റിനുള്ളില്‍ പെരുമ്പാമ്പിന്റെ കുട്ടി; ബൈക്ക് യാത്രക്കാരന്റെ തലയില്‍ കടിച്ചു

Kannur

മഞ്ചേരി: പെരുമഴയിൽ വാഹനങ്ങളുടെ നിയന്ത്രണം നഷ്ടപ്പെട്ടുണ്ടായ അപകടത്തിൽ വിദ്യാർഥി മരിച്ചു. ചെങ്ങര തടത്തിൽ മൂലക്കുടവൻ വീട്ടിൽ അബ്ദുൽലത്തീഫിന്റെയും സഫിയയുടെയും മകൻ ഹംദാനാണ് (12) മരിച്ചത്. ലത്തീഫിന്റെ സഹോദരി ഹസീനാബാനു (40), മക്കളായ ഹസീം അമൽ (21), ഹാമിസ് മുഹമ്മദ് (14), ഹിസ (10) എന്നിവർക്കു പരിക്കേറ്റു.
ശനിയാഴ്ച ഉച്ചയ്ക്ക്കാണ് അപകടം. പാണ്ടിക്കാട്ടുനിന്ന് അരീക്കോട് ഭാഗത്തേക്കു പോകുകയായിരുന്ന കാറും എതിർദിശയിൽ വന്ന ലോറിയും കൂട്ടിയിടിക്കുകയായിരുന്നു. വ്യാഴാഴ്ച പാണ്ടിക്കാടുള്ള പിതൃ സഹോദരി ഹസീനയുടെ വീട്ടിലേക്ക് വിരുന്നിനുപോയതായിരുന്നു ഹംദാൻ. സ്‌കൂൾ തുറക്കാനിരിക്കെ സ്വന്തം വീട്ടിലേക്കു തിരിച്ചുവരുന്നതിനിടെയാണ് അപകടം. ഹസീനയായിരുന്നു കാർ ഓടിച്ചിരുന്നത്.
ശക്തമായ മഴയിൽ വാഹനങ്ങളുടെ നിയന്ത്രണം നഷ്ടമായതാണ് അപകടകാരണം. ഓടിയെത്തിയ നാട്ടുകാർ ഇവരെ ആശുപത്രിയിലെത്തിച്ചെങ്കിലും ഹംദാനെ രക്ഷിക്കാനായില്ല. മഞ്ചേരി ഗവ. ടെക്നിക്കൽ ഹൈസ്‌കൂൾ എട്ടാംക്ലാസ് വിദ്യാർഥിയാണ് ഹംദാൻ.മഞ്ചേരി മെഡിക്കൽകോളേജിൽ പോസ്റ്റുമോർട്ടത്തിനുശേഷം ഞായറാഴ്ച ചെങ്ങര ജുമാമസ്ജിദ് കബറിസ്താനിൽ കബറടക്കും

പെരുമഴയിൽ നിയന്ത്രണം നഷ്ടമായി; കാറും ലോറിയും കൂട്ടിയിടിച്ച് വിദ്യാർഥിക്ക് ദാരുണാന്ത്യം

പയ്യോളി: ഇരുപത്തിരണ്ടുകാരിയായ യുവതിക്കുനേരേ ലൈംഗികാതിക്രമം നടത്തിയ യുവാവ് പിടിയിൽ. പള്ളിക്കര പോറോത്ത് സൗപർണികയിൽ എ.എസ്. ഹരിഹരനെയാണ് (20) പയ്യോളി പോലീസ് അറസ്റ്റുചെയ്തത്.ഡിഗ്രീ വിദ്യാർഥിയും കെ.എസ്.യു. പ്രവർത്തകനുമാണ്. 
റോഡിൽവെച്ച് ശല്യംചെയ്തപ്പോൾ കുടകൊണ്ട് യുവതി തട്ടിമാറ്റി. തുടർന്ന് സമീപത്തെ കെട്ടിടത്തിലേക്ക് യുവതി ഓടിക്കയറിയപ്പോൾ കോണിപ്പടി കയറിവന്ന യുവാവ് ലൈംഗികാതിക്രമം നടത്തുകയായിരുന്നു. യുവതിയുടെ പരാതിപ്രകാരം സി.സി.ടി.വി.യിൽനിന്ന് യുവാവിന്റെ ദൃശ്യം കിട്ടിയ പോലീസ് അന്വേഷിച്ചുവരുകയായിരുന്നു. അതിനിടെ കഴിഞ്ഞദിവസം പെരുമാൾപുരത്തെ വെള്ളക്കെട്ടിൽ ടിപ്പർലോറി കുടുങ്ങിയതിനെത്തുടർന്ന് ഗതാഗതസ്തംഭനമുണ്ടായിരുന്നു. സ്ഥലത്തെത്തിയ എസ്.ഐ. എ.ക്ക് ടിപ്പർ ഓടിച്ച യുവാവിനെ കണ്ടപ്പോൾ ദൃശ്യത്തിലെ യുവാവുമായി സാദൃശ്യംതോന്നി.യുവാവ് ധരിച്ച ചെരിപ്പ് സി.സി.ടി.വി.യിൽ കണ്ട യുവാവിന്റെ ചെരിപ്പുമായി സാമ്യമുള്ളതാണെന്നും ബോധ്യമായതോടെ ഹരിഹരനെ കസ്റ്റഡിയിലെടുക്കുകയായിരുന്നു.&nbsp;

പയ്യോളിയിൽ യുവതിക്കുനേരേ ലൈംഗികാതിക്രമം; കെ.എസ്.യു. പ്രവർത്തകൻ അറസ്റ്റിൽ

Vadakara

ഉ​മ്മു​ൽ ഖു​വൈ​ൻ: പേ​രാ​മ്പ്ര കൈ​ത​ക്ക​ൽ സ്വ​ദേ​ശി അ​ർ​ജു​ൻ ഉ​മ്മു​ൽ ഖു​വൈ​ൻ ബീ​ച്ചി​ൽ മ​ര​ണ​പ്പെ​ട്ടു. ഇ​ക്ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ഏ​ഴോ​ടെ​യാ​യി​രു​ന്നു സം​ഭ​വം. 32 വ​യ​സ്സാ​യി​രു​ന്നു. ഭാ​ര്യ​യും കൂ​ട്ടു​കാ​രു​മൊ​ന്നി​ച്ച് ബീ​ച്ചി​ൽ കു​ളി​ക്കാ​നി​റ​ങ്ങി​യ​പ്പോ​ൾ വെ​ള്ള​ത്തി​ൽ വീ​ഴു​ക​യാ​യി​രു​ന്നു.
ഭാ​ര്യ: ദ​ർ​ശ​ന. പേ​രാ​മ്പ്ര കൈ​ത​ക്ക​ൽ ക​ണി​യാ​ൻ​ക​ണ്ടി പ്രേ​മ​ൻ-​ഗീ​ത ദ​മ്പ​തി​ക​ളു​ടെ മ​ക​നാ​ണ്. ഏ​ക​സ​ഹോ​ദ​രി അ​ഞ്ജ​ന അ​യ​ർ​ല​ൻ​ഡി​ലാ​ണ്. ഉ​മ്മു​ൽ ഖു​വൈ​ൻ ഹോ​സ്പി​റ്റ​ൽ മോ​ർ​ച്ച​റി​യി​ലു​ള്ള മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.

ഉ​മ്മു​ൽ ഖു​വൈ​ൻ ബീ​ച്ചി​ൽ പേരാമ്പ്ര സ്വദേശിയായ യുവാവ് മുങ്ങിമരിച്ചു

Gulf

യു.എ.ഇ : മലയാളി യുവതിയെ ദുബൈയിൽ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വളയം സ്വദേശി ടി കെ ധന്യയാണ് മരിച്ചത്. അജ്മാനിലെ താമസ സ്ഥലത്താണ് ധന്യയെ മരിച്ച നിലയിൽ കണ്ടെത്തിയത്. ചൊവ്വാഴ്ചയായിരുന്നു സംഭവം.
ഭർത്താവ് വാണിമേൽ സ്വദേശി ഷാജിക്കും മകൾക്കും ഒപ്പമായിരുന്നു ദുബൈയിൽ താമസം. പിതാവ്: അശോകന്‍. മാതാവ്: രാധ. സഹോദരി: സൗമ്യ.

വളയം സ്വദേശിയായ യുവതിയെ അജ്മാനില്‍ തൂങ്ങി മരിച്ച നിലയിൽ കണ്ടെത്തി

സന: മലയാളി നഴ്‌സ് നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് റഷാദ് അല്‍ അലീമിയുടെ അനുമതി. നിലവില്‍ യെമന്റെ തലസ്ഥാനമായ സനയിലെ ജയിലിലുള്ള നിമിഷപ്രിയയുടെ വധശിക്ഷ ഒരു മാസത്തിനകം നടപ്പാക്കിയേക്കും. കൊല്ലപ്പെട്ട യെമന്‍ പൗരന്‍ തലാല്‍ അബ്ദു മെഹ്ദിയുടെ കുടുംബമായും അദ്ദേഹമുള്‍പ്പെടുന്ന ഗോത്രത്തിന്റെ തലവന്‍മാരുമായും മാപ്പപേക്ഷയ്ക്കുള്ള ചര്‍ച്ചകള്‍ ഫലം കാണാതെ വന്നതോടെയാണ് ശിക്ഷ നടപ്പാക്കുന്നത്. ഒരു മാസത്തിനകം വധശിക്ഷ നടപ്പാക്കിയേക്കും. 2017 ജൂലൈയിലാണ് സംഭവം നടന്നത്. ഓഗസ്റ്റില്‍ നിമിഷ പ്രിയയെ പോലീസ് അറസ്റ്റും ചെയ്തു.
വധശിക്ഷ കാത്ത് കഴിയുന്ന നിമിഷ പ്രിയയെ കാണാന്‍ അമ്മ പ്രേമകുമാരി യെമനില്‍ പോയിരുന്നു. ഡല്‍ഹി ഹൈക്കോടതി അനുമതി നല്‍കിയതോടെയാണ് പ്രേമകുമാരി യെമനിലെത്തി മകളെ കണ്ടത്.വധശിക്ഷയ്‌ക്കെതിരാ നിമിഷ പ്രിയയുടെ അപ്പീല്‍ യെമന്‍ സുപ്രീം കോടതി തള്ളിയതിനെ തുടര്‍ന്ന് യമന്‍ പ്രസിഡന്റിന് ദയാഹര്‍ജി നല്‍കിയിരുന്നു. എന്നാല്‍ അതും തള്ളുകയായിരുന്നു. ദിയാധനം നല്‍കിയുള്ള ഒത്തുതീര്‍പ്പിന് നീക്കം നടത്തിയെങ്കിലും ഫലം കണ്ടില്ല.

നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് അനുമതി നൽകി

വടകര: ജില്ലാ ആശുപത്രിക്ക് സമീപം ആച്ചംമണ്ടിയില്‍ വൈശാഖ് എ. എം (32), മിലിറ്ററി 49ാം ബറ്റാലിയന്‍) പഞ്ചാബില്‍ നിര്യാതനായി . അച്ഛന്‍; രാജു (ഓട്ടോ ഡ്രൈവര്‍). അമ്മ; അനിത. ഭാര്യ; ലിബിന. സഹോദരി; രിധു. സംസ്‌കാരം ഞായറാഴ്ച രാവിലെ 11 ന്.

വടകര ആച്ചംമണ്ടിയില്‍ വൈശാഖ് പഞ്ചാബില്‍ നിര്യാതനായി

Obituary

ഇന്ത്യയിലെ നല്ലൊരു ശതമാനം ആളുകളും ചായ പ്രേമികളാണ്. ചൂട് ചായ ജീവിതത്തിൽ വില്ലനായി മാറും എന്നു എത്ര പേർ വിശ്വസിക്കും? പുതിയ പഠനം പറയുന്നതനുസരിച്ച് ചൂട് ചായ കുടിക്കുന്നത് കാൻസറിന് വരെ കാരണമായേക്കാം.ചൂടുള്ള ചായ കുടിക്കുന്നത് അന്നനാളത്തെ ബാധിക്കുന്ന അപൂർവമായ ഒസോഫൊജിയൽ കാൻസർ വരാനുള്ള സാധ്യത വര്‍ധിപ്പിക്കുമെന്നാണ് പഠനങ്ങൾ പറയുന്നത്. ചായയിലെയോ കാപ്പിയിലേയൊ രാസ വസ്തുക്കളാണ് കാൻസർ ഉണ്ടാക്കുന്നത് എന്ന് വിചാരിച്ചാൽ തെറ്റി. അങ്ങനെയല്ല കാര്യം.ചൂടാണ് കാൻസർ ഉണ്ടാക്കുന്നത്.
ഗവേഷണ പഠനങ്ങളുടെ സമന്വയമായ മെറ്റ-അനാലിസിസുകളുടെ ഗവേഷണമാണ് ഓസോഫോഗൽ സ്‌ക്വമാസ് സെൽ കാർസിനോമ എന്ന കാൻസർ വരാൻ ചൂട് പാനീയങ്ങൾ കുടിക്കുന്നവർക്കുള്ള സാധ്യത കൂടുതലാണെന്ന് കണ്ടെത്തിയത്. ചൂട് ചായ കുടിക്കുന്നത് നാക്കിനെ പൊള്ളിക്കാറുണ്ട്. അതുപോലെ തന്നെ നമ്മുടെ അന്നനാളത്തെയും പൊള്ളിക്കും. അങ്ങനെ സ്ഥിരമായി അന്നനാളത്തിൽ പൊള്ളലേൽക്കുന്നത് കാൻസറിന് കാരണമാവുന്നു.
നമ്മൾ അമിത ചൂടുള്ള ഭക്ഷണം കഴിക്കുകയും കുടിക്കുകയും ചെയ്യുമ്പോൾ അന്നനാളത്തിലെ ആവരണം ചൂടു ആഗിരണം ചെയ്യുന്നു.അമിതമായ ചൂട് അന്നനാളത്തില്‍ പോറലേല്‍പ്പിക്കുന്നു. വീണ്ടും വീണ്ടും ചൂട് പാനീയങ്ങള്‍ കുടിക്കുന്നത് തുടരുമ്പോൾ ഈ പോറല്‍ ഉണങ്ങാതിരിക്കുകയും വീക്കമുണ്ടാക്കാനും അതിലൂടെ കോശങ്ങൾ നശിക്കുന്നതിനും ഒടുവിൽ കാൻസർ ആയി മാറുന്നതിനും കാരണമാകുന്നു.
ലോകാരോഗ്യ സംഘടനയുടെ കാൻസർ ഗവേണഷണ വിഭാഗം 65ഡിഗ്രി സെൽഷ്യസിന് മുകളിലുള്ള പാനീയങ്ങൾ കാൻസറിന് കാരണമായേക്കാം എന്ന് കണ്ടെത്തിയിട്ടുണ്ട്. ചൂടുള്ള പാനീയങ്ങള്‍ക്ക് പുറമെ പുകവലിക്കുകയും കൊഴുപ്പ് കൂടുതലുള്ള മാംസാഹാരം കഴിക്കുന്നതും അന്നനാള കാന്‍സര്‍ വരാനുള്ള സാധ്യത പത്തു മടങ്ങ് വര്‍ധിപ്പിക്കുമെന്നാണ് ഗവേഷകരുടെ കണ്ടെത്തല്‍.&nbsp;

തിളച്ച ചായ ഊതി ഊതി കുടിക്കാൻ ആണോ നിങ്ങൾക്ക് ഇഷ്ടം ;എങ്കിൽ ശ്രദ്ധിക്കണം

Health

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

മണിയൂർ : എറണാകുളം ഏലൂര്‍ കുറ്റിക്കാട്ടുകരയില്‍ ബൈക്കില്‍ മിനിലോറിയിടിച്ച് മണിയൂർ സ്വദേശി ഉൾപ്പെടെ രണ്ട് പേർ മരിച്ചു. മണിയൂർ തൈവെച്ച പറമ്പത്ത് രമേശന്റെ മകൻ ആദിഷ് (21), ഇടുക്കി സ്വദേശിയായ രാഹുല്‍ രാജ്(22), എന്നിവരാണ് മരിച്ചത്. കളമശ്ശേരിയിലെ സ്വകാര്യ സ്ഥാപനത്തിലെ ജീവനക്കാരാണ് ഇരുവരും.
ഞായറാഴ്ച രാത്രി പതിനൊന്ന് മണിയോടെയാണ് അപകടമുണ്ടായത്. ജോലി കഴിഞ്ഞ് കളമശ്ശേരിയിലെ താമസസ്ഥലത്തേക്ക് പോവുകയായിരുന്ന ഇവര്‍ സഞ്ചരിച്ച ബൈക്കില്‍ മിനി ലോറിയിടിക്കുകയായിരുന്നു. ലോറിയുടെ അമിതവേഗതയാണ് അപകടത്തിനിടയാക്കിയതെന്നാണ് വിവരം. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടു. ബീനയാണ് ആദിഷിന്റെ മാതാവ്. സഹോദരൻ :അനന്തു. സംസ്കാരം രാത്രി 9 മണിക്ക് വീട്ടുവളപ്പിൽ.

എറണാകുളത്ത് ബൈക്കിൽ ലോറിയിടിച്ച് മണിയൂർ സ്വദേശി ഉൾപ്പടെ രണ്ട് മരണം

മലയാളികള്‍ക്ക് ഊണിനൊപ്പം ഏറ്റവും പ്രിയപ്പെട്ട വിഭവമേതെന്ന് ചോദിച്ചാല്‍ അതിന് ഒരേയൊരു ഉത്തരമേ ഉള്ളൂ, അത് മത്സ്യമാണ്. ആരോഗ്യത്തിന് വളരെയധികം ഗുണകരമായ ഭക്ഷണമെന്നതാണ് മത്സ്യത്തിന്റെ സവിശേഷത. കൊഴുപ്പ് കുറവാണെങ്കിലും പോഷകങ്ങളും വൈറ്റമിനുകളും ധാതുക്കളും ഉള്‍പ്പെടുന്ന ഒരു കലവറയാണ് മത്സ്യം. ശരീരത്തിന് ആവശ്യമായ പ്രോട്ടീന്‍, സിങ്ക്, കാല്‍ഷ്യം എന്നിവ മത്സ്യങ്ങളില്‍ ധാരാളം അടങ്ങിയിട്ടുണ്ട്.ഭക്ഷണത്തില്‍ പതിവായി മീന്‍ ഉള്‍പ്പെടുത്തുന്നത് നിരവധി ആരോഗ്യ പ്രശ്‌നങ്ങള്‍ക്കുള്ള പരിഹാരം കൂടിയാണ്.&nbsp;
മീനില്‍ അടങ്ങിയിരിക്കുന്ന പോഷകങ്ങള്‍ ക്യാന്‍സറുമായി ബന്ധപ്പെട്ട ഹൈപ്പര്‍ലിപ്പിഡാമിയ എന്ന രോഗലക്ഷണത്തോട് പോരുതുന്നു. അതോടൊപ്പം തന്നെ ഒമേഗ 3യും വൈറ്റമിന്‍ ഡിയും ഉയര്‍ന്ന അളവില്‍ അടങ്ങിയിട്ടുള്ളതിനാല്‍ ശരീരത്തിന്റെ രോഗപ്രതിരോധ ശേഷിയേയും വര്‍ദ്ധിപ്പിക്കാന്‍ മീൻ കഴിക്കുന്നത് സഹായിക്കും.മീന്‍ വിഭവങ്ങള്‍ പതിവായി കഴിക്കുന്നതിലൂടെ അസ്ഥി രോഗങ്ങള്‍ വരാനുള്ള സാധ്യത കുറയുകയും എല്ലുകളുടെ ബലം വര്‍ദ്ധിക്കുക്കയും ചെയ്യും. മീന്‍ പതിവാക്കുന്നതിലൂടെ ജീവിതശൈലി രോഗമായ പ്രമേഹത്തില്‍ നിന്ന് രക്ഷനേടാന്‍ കഴിയും. അതോടൊപ്പം കരളിന്റെ ആരോഗ്യത്തിനും വളരെ നല്ലതാണ്. ആസ്തമ പോലെയുള്ള അസുഖങ്ങള്‍ക്കും വളരെ ഫലപ്രദമാണ്.അല്‍ഷിമേഴ്‌സ് രോഗത്തേയും വിഷാദ രോഗത്തേയും പ്രതിരോധിക്കാനും മത്സ്യം ഭക്ഷണത്തില്‍ പതിവാക്കുന്നത് സഹായിക്കും. എന്നാല്‍ ഏറ്റവും പ്രധാനമായി ശ്രദ്ധിക്കേണ്ട കാര്യം രാസ പദാര്‍ത്ഥങ്ങള്‍ ചേര്‍ക്കാത്ത മത്സ്യമാണ് കഴിക്കുന്നുവെന്ന് ഉറപ്പുവരുത്താനാണ്.&nbsp;

മീന്‍ വിഭവങ്ങള്‍ പതിവായി കഴിച്ചാൽ ഗുണങ്ങൾ ഏറെയാണ്

മസ്‌കറ്റ്: ഹൃദയാഘാതത്തെ തുടർന്ന് മലയാളി യുവാവ് ഒമാനിലെ സലാലയിൽ മരിച്ചു. തലശേരി ചിരക്കര സ്വദേശി കാടൻ കണ്ടി മുഹമ്മദ് അജ്‌മൽ ആണ് മരിച്ചത്. 26 വയസായിരുന്നു. ഹസൻ ബിൻ താബിത് റസ്റ്ററന്റിലെ ജീവനക്കാരനായിരുന്നു അജ്‌മൽ.ചൊവ്വാഴ്‌ച ഉറങ്ങാൻ കിടന്ന അജ്‌മൽ ബുധനാഴ്‌ച ഉച്ചയായിട്ടും ജോലിക്കെത്താത്തതിനെ തുടർന്ന് നടത്തിയ അന്വേഷണത്തിലാണ് മരണവിവരം അറിയുന്നത്.
&nbsp;സുഹൃത്തുക്കൾ വന്ന് നോക്കിയപ്പോൾ ബെഡിൽ മരിച്ച നിലയിൽ കണ്ടെത്തുകയായിരുന്നു. ഉടൻതന്നെ ഇവർ റോയൽ ഒമാൻ പൊലീസിനെ വിവരമറിയിച്ചു. തുടർന്ന് പൊലീസെത്തി മൃതദേഹം ആശുപത്രിയിലേക്ക് മാറ്റി. മരണം സ്ഥിരീകരിച്ചതോടെ മറ്റ് നടപടികൾ സ്വീകരിച്ചു.പിതാവ് - പരേതനായ ഉമ്മർ പുത്തൻ പുരയ്‌ക്കൽ, മാതാവ് - ഷമീറ കാടൻ കണ്ടി. അവിവാഹിതനാണ്.

ഹൃദയാഘാതം ;തലശേരി സ്വദേശിയായ യുവാവ് ഒമാനിൽ മരിച്ചു

Search Results for: delhi native