തിരുവനന്തപുരം : പത്തനംതിട്ടയിലെ നഴ്സിങ് വിദ്യാർഥിയുടെ മരണത്തില്‍ അന്വേഷണം നടത്താന്‍ മന്ത്രി വീണ ജോര്‍ജ് ആരോഗ്യ സര്‍വകലാശാലക്ക് നിര്‍ദേശം നല്‍കി. സഹപാഠികളിൽ നിന്നുള്ള മാനസിക പീഡനമാണ് മരണകാരണമെന്ന് കുടുംബം ആരോപിച്ചിരുന്നു. തുടർന്നാണ് വിദ്യാർഥിയുടെ മരണത്തിൽ അന്വേഷണം നടത്താന്‍ മന്ത്രി നിർദേശം നൽകിയത്.
വെള്ളിയാഴ്ച ഉച്ചക്ക് ഹോസ്റ്റലിന്റെ മുകളിൽ നിന്നും ചാടിയാണ് തിരുവനന്തപുരം സ്വദേശിനിയായ നഴ്സിങ് വിദ്യാർഥി അമ്മു മരിച്ചത്. മരണത്തിൽ ദുരൂഹതയുണ്ടെന്നാണ് കുടുംബത്തിൻറെ ആരോപണം. റാഗിങ്ങും വ്യക്തിഹത്യയും സ്ഥിരമായി നേരിടേണ്ടി വന്നുവെന്നും അമ്മു കിടന്നുറങ്ങിയ മുറിയിൽ അതിക്രമിച്ച് കടക്കാൻ സഹപാഠികൾ ശ്രമിച്ചുവെന്നും കുടുംബം ആരോപിക്കുന്നു.&nbsp;
സഹോദരി മാനസിക പിരിമുറുക്കത്തിലായിരുന്നുവെന്നാണ് അമ്മുവിൻറെ സഹോദരൻ പറഞ്ഞത്. പലപ്പോഴും സഹപാഠികൾ മർദ്ദിക്കാൻ ശ്രമിച്ചിരുന്നുവെന്നും അമ്മു ഒരിക്കലും ആത്മഹത്യ ചെയ്യില്ലെന്നും സഹോദരൻ ചൂണ്ടിക്കാണിച്ചു.

നഴ്സിങ് വിദ്യാർഥിയുടെ മരണം: അന്വേഷണത്തിന് നിര്‍ദേശം നല്‍കി ആരോഗ്യമന്ത്രി

Kerala

തിരുവനന്തപുരം: ഹോസ്റ്റല്‍ കെട്ടിടത്തില്‍നിന്ന് വീണ് വിദ്യാര്‍ഥിനി മരിച്ച സംഭവത്തില്‍ ദുരൂഹത ആരോപിച്ച് കുടുംബം.ചുട്ടിപ്പാറ ഗവ. നഴ്‌സിങ് കോളേജ് നാലാം വര്‍ഷ വിദ്യാര്‍ഥിനിയായ അമ്മു സജീവ് (22) വെള്ളിയാഴ്ച വൈകുന്നേരമാണ് ഹോസ്റ്റല്‍ കെട്ടിടത്തിന്റെ മൂന്നാംനിലയില്‍നിന്ന് വീണ് മരിച്ചത്.
മകള്‍ക്ക് റാഗിങ്ങും വ്യക്തിഹത്യയും നേരിടേണ്ടി വന്നെന്നും കിടന്നുറങ്ങിയ മുറിയില്‍ അതിക്രമിച്ച് കടക്കാന്‍ സഹപാഠികള്‍ ശ്രമിച്ചെന്നും കുടുംബം പറയുന്നു. അധ്യാപകരും ഇതിനൊക്കെ കൂട്ടുനിന്നെന്നാണ് ആരോപണം. മകള്‍ മാനസിക പിരിമുറുക്കത്തിലായിരുന്നെന്നും സഹപാഠികള്‍ മര്‍ദിക്കാന്‍ ശ്രമിച്ചിരുന്നുവെന്നും കുടുംബം ആരോപിക്കുന്നുണ്ട്. കോളേജും വിദ്യാര്‍ഥികളും മകളുടെ മരണത്തെ സാധൂകരിക്കാന്‍ ശ്രമിക്കുന്നുവെന്നും മകള്‍ ടൂര്‍ കോഓര്‍ഡിനേറ്റര്‍ ആയതുമുതലാണ് പ്രശ്‌നങ്ങള്‍ ആരംഭിച്ചതെന്ന് അമ്മുവിന്റെ അമ്മ രാധാമണി പറഞ്ഞു.
'അമ്മു ടൂര്‍ കോഓര്‍ഡിനേറ്റര്‍ ആയത് മുതലാണ് പ്രശ്‌നങ്ങള്‍ തുടങ്ങിയത്. അവള്‍ ടൂറിന് പോകുന്നില്ല എന്ന് തീരുമാനിച്ചിരുന്നതാണ്. ചെന്നൈയില്‍ സഹോദരന്റെ അടുത്ത് പോകാന്‍ നില്‍ക്കുകയായിരുന്നു. ക്ലാസിലിരുന്ന അവളെ വിളിച്ചുവരുത്തി ശുചിമുറിയില്‍വെച്ച് തല്ലി. ടീച്ചറോട് പരാതി പറഞ്ഞിരുന്നു. ടീച്ചര്‍ എന്തൊക്കെയോ പറഞ്ഞ് അവളെ സമാധാനിപ്പിച്ചു.
ഇവിടെ നടക്കുന്ന പ്രശ്‌നങ്ങളെപ്പറ്റി കോളേജ് അധികൃതര്‍ക്ക് പരാതി നല്‍കിയിരുന്നു. ഇതില്‍ മൂന്ന് വിദ്യാര്‍ഥികള്‍ക്ക് മെമ്മോ നല്‍കിയെന്ന് അമ്മു പറഞ്ഞിരുന്നു. ലോഗ്ബുക്ക് കാണാതെ പോയത്തില്‍ അമ്മുവിനെ കുറ്റപ്പെടുത്തി. അനുവാദമില്ലാതെ വിദ്യാര്‍ഥികള്‍ അവളുടെ മുറിയില്‍ക്കയറി പരിശോധന നടത്തിയെങ്കിലും ഒന്നുംകിട്ടിയില്ല. ഇത് വലിയ മാനസിക ബുദ്ധിമുട്ട് ഉണ്ടാക്കിയെന്ന് അമ്മു പറഞ്ഞിരുന്നു.
ഭര്‍ത്താവിന് ആന്‍ജിയോപ്ലാസ്റ്റി കഴിഞ്ഞ് ഇരിക്കുകയായിരുന്നു. അതുകൊണ്ടാണ് അവളെ കാണാന്‍ പോകാന്‍ പറ്റാതിരുന്നത്. മകള്‍ക്ക് അലര്‍ജിയും മൈഗ്രേനും ഒക്കെയുള്ളതാണ്. മിക്ക ദിവസങ്ങളിലും ആശുപത്രിയില്‍ പോകുമായിരുന്നു. ഡിസംബര്‍ മാസം ടൂര്‍ സംഘടിപ്പിക്കാന്‍ തീരുമാനിച്ചിരുന്നു. കോളേജില്‍ സംഘടിപ്പിച്ച മെഡിക്കല്‍ ക്യാമ്പുമായി ബന്ധപ്പെട്ട് പെണ്‍കുട്ടികള്‍ സാമ്പത്തിക തിരിമറി നടത്തിയിരുന്നു. ഇത് പുറത്തുപറയുമോ എന്ന് ഭയന്ന് അമ്മുവിനെ ഇവര്‍ അപായപ്പെടുത്തിയത് ആകാം', രാധാമണി പറഞ്ഞു.
അമ്മുവിന്റെ മരണത്തിന് പിന്നില്‍ മൂന്ന് വിദ്യാര്‍ഥികളാണെന്ന് സഹോദരന്‍ അഖില്‍ സജീവ് ആരോപിച്ചു. സഹോദരി ആത്മഹത്യ ചെയ്യില്ലെന്നും മരണത്തില്‍ ദുരൂഹതയുണ്ടെന്നും നീതിലഭിക്കാന്‍ ഏതറ്റംവരെയും പോകുമെന്നും സഹോദരന്‍ പറഞ്ഞു.'കൂടെയുള്ള വിദ്യാര്‍ഥി തല്ലാന്‍ ഒരുങ്ങിയെന്ന് അമ്മു എന്നോട് പറഞ്ഞിരുന്നു. ഞാന്‍ ഇവിടെ ചെന്നൈയിലാണ് ജോലി ചെയ്യുന്നത്. അനിയത്തിയെ ഇങ്ങോട്ട് കൊണ്ടുവരാന്‍ ടിക്കറ്റ് ഒക്കെ ബുക്ക് ചെയ്തിരുന്നു. ആദ്യം അമ്മു ഒന്ന് വീണുവെന്നാണ് പറഞ്ഞത്. ഒരു സൗകര്യവും ഇല്ലാത്ത ആംബുലന്‍സിലാണ് കൊണ്ടുപോയത്. ചെറിയ ഉയരംപോലും പേടിയുള്ള അവള്‍ എങ്ങനെ വലിയ ഉയരത്തില്‍ കയറിയെന്ന് എനിക്ക് അറിയില്ല. അപകടം പറ്റിയപ്പോള്‍ പ്രാഥമിക ശുശ്രൂഷപോലും നല്‍കിയില്ല. അവള്‍ ആത്മഹത്യ ചെയ്യില്ല. തെന്നിവീണതുമല്ല. മരണത്തിനുപിന്നിലെ കാരണം പുറത്തുവരണം', അഖില്‍ പറഞ്ഞു.

അവള്‍ ആത്മഹത്യ ചെയ്യില്ല ;നഴ്‌സിങ് വിദ്യാര്‍ഥിനിയുടെ മരണത്തിൽ ദുരൂഹത ആരോപിച്ച് കുടുംബം

കണ്ണൂർ : തളിപ്പറമ്പിൽ നഴ്‌സിങ് വിദ്യാർഥി ഹോസ്റ്റലിൽ മരിച്ച നിലയിൽ. എറണാകുളം തോപ്പുംപടി സ്വദേശി ആൻമരിയയാണ് (22) മരിച്ചത്. ശുചിമുറിയിൽ മരിച്ച നിലയിലാണ് വിദ്യാർഥിയെ കണ്ടെത്തിയത്.
തളിപ്പറമ്പ് ലൂർദ് നഴ്‌സിങ് കോളജിലെ നാലാം വര്‍ഷ ഫിസിയോ തെറപ്പി വിദ്യാർഥിയാണ് ആൻമരിയ. ചിറവക്കിലുള്ള കോളജ് ഹോസ്റ്റലിലെ ശുചിമുറിയിൽ തൂങ്ങിമരിച്ച നിലയിലാണ്​ കണ്ടെത്തിയത്.തളിപ്പറമ്പ് പൊലീസ് അന്വേഷണം തുടങ്ങി. മൃതദേഹം പരിയാരം ഗവ. മെഡിക്കൽ കോളജ് ആശുപത്രി മോർച്ചറിയിൽ.

തളിപ്പറമ്പിൽ നഴ്‌സിങ് വിദ്യാർഥി ഹോസ്റ്റലിൽ മരിച്ച നിലയിൽ

Kannur

വടകര : നടുവേദനക്ക് ചികിത്സ തേടി എത്തിയ യുവതിയെ പീഡിപ്പിച്ച അക്യൂപങ്ച്ചർ തെറാപ്പിസ്റ്റ് അറസ്റ്റിൽ. പുതുപ്പണം സ്വദേശി അനിൽ കുമാർ (50) ആണ് അറസ്റ്റിലായത്. വടകര ഗവൺമെന്റ് ആശുപത്രിക്ക് സമീപമുള്ള ഇലക്ട്രോ ഹോമിയോപതി സെന്റർ ഫോർ വെൽനസ് സെൻ്ററിൽ വെച്ചാണ് സംഭവമുണ്ടായത്. കഴിഞ്ഞ ദിവസമാണ് സംഭവം. വടകര പൊലീസാണ് പ്രതിയെ അറസ്റ്റ് ചെയ്തത്.

നടുവേദനക്ക് ചികിത്സ തേടി എത്തിയ യുവതിയെ പീഡിപ്പിച്ച പുതുപ്പണം സ്വദേശി അറസ്റ്റിൽ

Vadakara

കോഴിക്കോട്: സൗത്ത് ബീച്ചിന് സമീപം അടച്ചിട്ട കടയ്ക്കുള്ളിൽ യുവാവിനെ മരിച്ച നിലയിൽ കണ്ടെത്തി. പയ്യോളി സ്വദേശി ഹർഷാദ് ആണ് മരിച്ചത്. വിരലടയാള വിദഗ്ധരും പൊലീസും സ്ഥലത്തെത്തി പരിശോധന നടത്തുന്നു.&nbsp;
അമിതമായ ലഹരി മരുന്നു ഉപയോഗമാണ് മരണകാരണമെന്നാണ് സംശയം. ലഹരി മരുന്നു ഉപയോഗിക്കുന്നവരുടെ കേന്ദ്രം ആണിതെന്നും പൊലീസ് പറയുന്നു. സംഭവത്തിൽ പൊലീസ് അന്വേഷണം തുടങ്ങി.&nbsp;

കോഴിക്കോട് സൗത്ത് ബീച്ചിന് സമീപം പയ്യോളി സ്വദേശിയായ യുവാവിനെ മരിച്ച നിലയിൽ കണ്ടെത്തി

Kozhikode

വടകര: തീവണ്ടി തട്ടി സ്ത്രീ മരിച്ചതിനുപിന്നാലെ വിവരമറിഞ്ഞ് സ്ഥലത്തെത്തിയ സമീപവാസിയായ റിട്ട. അധ്യാപകൻ കുഴഞ്ഞുവീണുമരിച്ചു. പുതുപ്പണം പാലോളിപ്പാലത്താണ് സംഭവം. പാലോളിപ്പാലത്തെ ആക്കൂന്റവിട ഷർമിള (48)യാണ് ബുധനാഴ്ച വൈകീട്ട് തീവണ്ടി തട്ടി മരിച്ചത്.
കുറച്ച് സമയം കഴിഞ്ഞാണ് നാട്ടുകാർ വിവരമറിയുന്നതും ഷർമിളയെ കണ്ടെത്തുന്നതും. ഈ സമയത്ത് ഇവിടെയെത്തിയ കറുകയിൽ കുറ്റിയിൽ രാജനാണ് (73) കുഴഞ്ഞു വീണുമരിച്ചത്. ഇദ്ദേഹത്തിന്റെ ഒരു മകളുടെ പേര് ഷർമ്യയെന്നാണ്. മകളാണോ അപകടത്തിൽപ്പെട്ടതെന്ന ആധിയോടെയാണ് ഇദ്ദേഹം എത്തിയത്. പിന്നാലെ കുഴഞ്ഞുവീഴുകയായിരുന്നു. ഉടൻ സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കുടുംബശ്രീ യോഗത്തിനുശേഷം സമീപത്തെ ഒരു മരണവീട്ടിൽ പോയി തിരിച്ചുവരുന്നതിനിടെയാണ് ഷർമിളയെ തീവണ്ടി തട്ടിയത്. എന്നാൽ ആരും ഇത് കണ്ടില്ല. സംഭവത്തിന് സാക്ഷിയായ ലോക്കോ പൈലറ്റ് വിവരം വടകര റെയിൽവേ സ്റ്റേഷനിൽ അറിയിക്കുകയായിരുന്നു. തുടർന്ന് ആർ.പി.എഫ്. സ്ഥലത്തെത്തി നാട്ടുകാരുടെ സഹായത്തോടെ തിരച്ചിൽ നടത്തിയശേഷമാണ് ഷർമിളയെ തീവണ്ടിതട്ടിയനിലയിൽ കണ്ടത്. ഈ വിവരമറിഞ്ഞാണ് സമീപത്തുള്ള രാജൻ സ്ഥലത്തെത്തിയത്.
അംഗജനാണ് മരിച്ച ശർമിളയുടെ ഭർത്താവ്. മക്കൾ: കാവ്യ, കൃഷ്ണ. ഇരിങ്ങൽ സ്കൂൾ റിട്ട. അധ്യാപകനാണ് രാജൻ. സി.പി.എം. കറുക ബ്രാഞ്ചംഗമാണ്. ഭാര്യ: ജയ. മക്കൾ: ഷർമ്യ, റിഞ്ചു. മരുമക്കൾ: സോനു (ചോയ്‌സ് ഓട്ടോ പാർട്സ്), രാജേഷ് (യു.എൽ.സി.സി.എസ്.).

പാലോളിപ്പാലത്ത് തീവണ്ടി തട്ടി സ്ത്രീ മരിച്ചു;മകളെന്ന ആധിയിലെത്തിയ സമീപവാസി കുഴഞ്ഞുവീണ്‌ മരിച്ചു

പേരാമ്പ്ര : പേരാമ്പ്രയിൽ സ്വകാര്യ ബസ് ഇടിച്ച് വയോധികൻ മരിച്ചു. സ്റ്റാൻഡിലൂടെ നടന്നു പോകുന്ന ആളുടെ മുകളിലൂടെയാണ് ബസ് കയറിയിറങ്ങിയത്. ബസിൻ്റെ അശ്രദ്ധയാണ് അപകടത്തിന് കാരണമെന്ന് ആരോപിച്ച് സ്ഥലത്ത് യാത്രക്കാരും നാട്ടുകാരും പ്രതിഷേധിക്കുകയാണ്.
വയോധികൻ സംഭവസ്ഥലത്ത് തന്നെ മരിച്ചു. ഇദ്ദേഹത്തിൻ്റെ മൃതദേഹം ആശുപത്രിയിലേക്ക് മാറ്റി. മരിച്ചയാളെ തിരിച്ചറി‌‍ഞ്ഞിട്ടില്ല. അപകടസ്ഥലത്ത് പൊലീസും ഫയർ ഫോഴ്‌സുമെത്തി. ഫയർ ഫോഴ്‌സ് അംഗങ്ങൾ അപകടസ്ഥലം വൃത്തിയാക്കി.

പേരാമ്പ്രയിൽ സ്റ്റാൻ്റിലൂടെ നടന്നുപോവുമ്പോൾ  ബസ് കയറിയിറങ്ങി;വയോധികന് ദാരുണാന്ത്യം

Perambra

വടകര: പൂജക്കായി വീട്ടിലെത്തിയ പതിനൊന്നുകാരനെ ലൈംഗികമായി പീഡിപ്പിച്ച മധ്യ വയസ്‌കന്‍ അറസ്റ്റില്‍. മണിയൂര്‍ മന്തരത്തൂര്‍ പുന്നേരി മീത്തല്‍ രാമദാസനെയാണ് (49) വടകര പോലീസ് അറസ്റ്റ് ചെയ്തത്. തിരുവള്ളൂരിലെ 11 കാരനെയാണ് പീഡിപ്പിച്ചത്. കോഴിക്കോട് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.

പതിനൊന്നുകാരനെ പീഡിപ്പിച്ച കേസിൽ മണിയൂർ സ്വദേശി അറസ്റ്റില്‍

കോഴിക്കോട്: ജില്ലയിലെ പേരാമ്പ്ര എസ്റ്റേറ്റ്, കൂരാച്ചുണ്ട് എന്നിവിടങ്ങളില്‍ കടുവാ സാന്നിദ്ധ്യം സംശയിക്കുന്നതിനെ തുടര്‍ന്ന് അധികൃതര്‍ ജനങ്ങള്‍ക്ക് ജാഗ്രതാ നിര്‍ദേശം നല്‍കി. കഴിഞ്ഞ ദിവസം റിസര്‍വോയറിനോട് ചേര്‍ന്ന പ്രദേശത്ത് വനം വകുപ്പ് ഉദ്യോഗസ്ഥര്‍ നടത്തിയ പരിശോധനയിലാണ് കടുവയുടേതിന് സമാനമായ കാല്‍പ്പാടുകള്‍ കണ്ടെത്തിയത്. തുടര്‍ന്ന് പെരുവണ്ണാമൂഴി ഫോറസ്റ്റ് ഉദ്യോഗസ്ഥരും ചക്കിട്ടപ്പാറ പഞ്ചായത്ത് അധികൃതരും ജാഗ്രതാ നിര്‍ദേശം നല്‍കുകയായിരുന്നു.
കടുവയെ നേരിട്ട് കാണാന്‍ കഴിഞ്ഞിട്ടില്ലെന്നും എങ്കിലും എല്ലാവരും മുന്‍കരുതല്‍ സ്വീകരിക്കണമെന്നും ഡെപ്യൂട്ടി ഫോറസ്റ്റ് റെയ്ഞ്ച് ഓഫീസര്‍ ഇ ബൈജുനാഥ് പറഞ്ഞു. പേരാമ്പ്ര എസ്റ്റേറ്റില്‍ തൊഴിലാളികള്‍ അതിരാവിലെ തന്നെ ജോലിക്കെത്തുന്നവരാണ്. പുലര്‍കാലങ്ങളില്‍ ജോലിയ്ക്ക് പോകുന്നവരും ജാഗ്രത പുലര്‍ത്തണമെന്ന് ചക്കിട്ടപ്പാറ പഞ്ചായത്ത് പ്രസിഡന്റ് കെ സുനില്‍ സൂചിപ്പിച്ചു.

പേരാമ്പ്ര എസ്റ്റേറ്റ്, കൂരാച്ചുണ്ട് ഭാഗങ്ങളില്‍ കടുവയുടെ സാന്നിദ്ധ്യം

ബംഗളൂരു: വയനാട് സ്വദേശിയായ ബിരുദ വിദ്യാർത്ഥിയെ താമസസ്ഥലത്ത് മരിച്ച നിലയിൽ കണ്ടെത്തി. മേപ്പാടി തറയിൽ ടിഎം നിഷാദിന്റെ മകൻ മുഹമ്മദ് ഷാമിൽ (23) ആണ് മരിച്ചത്. രാജകുണ്ഡെയിലെ അപ്പാർട്ട്‌മെന്റിലാണ് ഷാമിലിനെ തൂങ്ങി മരിച്ച നിലയിൽ കണ്ടെത്തിയത്. മത്തിക്കര എംഎസ് രാമയ്യ കോളേജിലെ മൂന്നാം വർഷ ബിബിഎ വിദ്യാർത്ഥിയായിരുന്നു.
ഒപ്പം താമസിച്ചിരുന്നവർ വെള്ളിയാഴ്‌ച നാട്ടിലേക്ക് മടങ്ങിയതിനാൽ ഷാമിൽ ഒറ്റയ്‌ക്കാണ് മുറിയിലുണ്ടായിരുന്നത്. ഞായറാഴ്‌ച ഇവർ തിരികെ എത്തിയപ്പോഴാണ് ജീർണിച്ച നിലയിൽ മൃതദേഹം കണ്ടത്. സംഭവത്തിൽ രാജകുണ്ഡെ പൊലീസ് ഇൻക്വസ്റ്റ് നടത്തി. മൃതദേഹം അംബേദ്‌ക്കർ മെഡിക്കൽ കോളേജിൽ പോസ്റ്റ്‌മോർട്ടം നടത്തി. ശേഷം ഓൾ ഇന്ത്യ കേരള മുസ്ലീം കൾച്ചറൽ സെന്ററിന്റെ (എഐകെഎംസിസി) സഹായത്തോടെ നാട്ടിലേക്ക് കൊണ്ടുപോയി.ഷാമിലിന്റെ ബന്ധുക്കൾ നൽകിയ പരാതിയിൽ പൊലീസ് കേസെടുത്തു. മാതാവ് - വഹീദ, സഹോദരങ്ങൾ - അഫ്രിൻ മുഹമ്മദ്, തൻവീർ അഹമ്മദ്.

മലയാളി വിദ്യാർത്ഥി ബംഗളൂരുവിൽ മരിച്ച നിലയിൽ; മൃതദേഹം ജീർണിച്ച അവസ്ഥയിൽ

National

നാദാപുരം: യുവതിയെ തൂങ്ങി മരിച്ചനിലയിൽ കണ്ടെത്തി. ഉണിയമ്പ്രോൽ മനോഹരൻ–സനില ദമ്പതികളുടെ മകൾ ആരതി (21) ആണ് മരിച്ചത്. തിങ്കളാഴ്ച രാവിലെ 9 മണിയോടെയാണ് സംഭവം. അമ്മ സനില പുറമേരി ടൗണിൽ പോയി മടങ്ങി എത്തിയപ്പോഴാണ് ആരതിയെ തൂങ്ങിയ നിലയിൽ കണ്ടത്.&nbsp;
ഉടൻ നാദാപുരം ഗവ.താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കണ്ണൂരിലെ സ്വകാര്യ ആശുപത്രിയിൽ നഴ്സായി ജോലി ചെയ്യുകയായിരുന്നു. അടുത്തിടെയാണ് ആരതിയുടെ വിവാഹം ഉറപ്പിച്ചത്. സംഭവത്തിൽ പൊലീസ് അന്വേഷണം തുടങ്ങി. ആതിരയാണ് സഹോദരി.

നാദാപുരത്ത് നഴ്സായ  യുവതിയെ തൂങ്ങി മരിച്ചനിലയിൽ കണ്ടെത്തി

Search Results for: death of nursing student