പേരാമ്പ്ര: മുൻ പ്രധാനമന്ത്രി മൻമോഹൻസിങ്ങിന്റെ നിര്യാണത്തിൽ ആവള മഠത്തിൽ മുക്കിൽ സർവ്വ കക്ഷി അനുശോചന യോഗവും മൗന ജാഥയും നടത്തി. ബ്ലോക് കോൺഗ്രസ്‌ സെക്രട്ടറി വിജയൻ ആവള അധ്യക്ഷത വഹിച്ചു. ഗ്രാമ പഞ്ചായത്ത്‌ മെമ്പർ കെ എം ബിജിഷ, നഫീസ കൊയിലോത്ത്‌, അജയ് ആവള, ബി എം മൂസ്സ, ടി കെ രജീഷ്, ഇ പ്രദീപ് കുമാർ, കെ ബഷീർ,വി കെ വിനോദ്, മുസ്തഫ ചിറക്കര എന്നിവർ സംസാരിച്ചു.

സർവ്വ കക്ഷി അനുശോചനം

Inshort

ന്യൂഡൽഹി: മുൻ പ്രധാനമന്ത്രി മൻമോഹൻ സിംഗിന് വിട നൽകി രാജ്യം. ഔദ്യോഗിക ബഹുമതിയോടെയാണ് മൃതദേഹം സംസ്‌കരിച്ചത്. 12.45ഓടെ നിഗംബോധ് ഘട്ടിലായിരുന്നു സംസ്‌കാരം. വിവിധ രാഷ്‌ട്രീയ നേതാക്കൾ ചടങ്ങിൽ പങ്കെടുത്തു.
പ്രസിഡന്റ് ദ്രൗപതി മുർമു, ഉപരാഷ്‌ട്രപതി ജഗ്‌ദീപ് ധൻകർ, പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, ബിജെപി അദ്ധ്യക്ഷൻ ജെപി നദ്ദ, പ്രതിരോധ മന്ത്രി രാജ്‌നാഥ് സിംഗ് എന്നിവരും. സോണിയാ ഗാന്ധി, മല്ലികാര്‍ജുന്‍ ഖാര്‍ഗെ, രാഹുല്‍ ഗാന്ധി, പ്രിയങ്ക ഗാന്ധി, കെസി വേണുഗോപാല്‍ എംപി അടക്കമുള്ള കോൺഗ്രസ് നേതാക്കളും സംസ്‌കാര ചടങ്ങിൽ പങ്കെടുത്തു. കൂടാതെ ഭൂട്ടാനിലെ രാജാവ് ജിഗ്മേ ഖേസർ നാംഗ്യേൽ വാങ്‌ചുക്കും മൗറീഷ്യസിലെ വിദേശകാര്യ മന്ത്രിയും വിദശത്ത് നിന്നും ചടങ്ങിൽ പങ്കെടുക്കാനെത്തിയിരുന്നു.

യമുനാതീരത്ത് മൻമോഹൻ സിംഗിന് അന്ത്യനിദ്ര; സംസ്‌കാര ചടങ്ങുകൾ ഔദ്യോഗിക ബഹുമതിയോടെ

National

ന്യൂഡല്‍ഹി: മുന്‍ പ്രധാനമന്ത്രി ഡോ. മന്‍മോഹന്‍സിങ്ങിന്റെ സംസ്‌കാരം ഇന്ന് രാവിലെ 11.45-ന് നിഗം ബോധ്ഘട്ടില്‍ നടക്കും. യമുനതീരത്ത് പ്രത്യേകസ്ഥലം വേണമെന്ന് കോണ്‍ഗ്രസിന്റെ ആവശ്യത്തില്‍ തീരുമാനമായില്ല. സമ്പൂര്‍ണ സൈനികബഹുമതികളോടെയായിരിക്കും സംസ്‌ക്കാരം നടക്കുക.
മന്‍മോഹന്‍ സിങ്ങിന് യമുനാതീരത്ത് പ്രത്യേക സ്മാരകം ഒരുക്കണമെന്ന് കോണ്‍ഗ്രസ് അദ്ധ്യക്ഷന്‍ മല്ലികാര്‍ജുന്‍ ഖര്‍ഗെ പ്രധാനമന്ത്രിയോട് ആവശ്യപ്പെട്ടിരുന്നു. മുന്‍ പ്രധാനമന്ത്രിമാരുടെ സ്മാരകങ്ങള്‍ക്കൊപ്പം വേണമെന്നായിരുന്നു ആവശ്യം. അതിനുശേഷമാണ് ആഭ്യന്തരമന്ത്രാലയം ഔദ്യോഗികമായ അറിയിപ്പ് വന്നത്.
എന്നാല്‍ നിഗം ബോധ്ഘട്ടില്‍ സംസ്‌കാരം നടത്തുന്നതിനെ എതിര്‍ത്ത് ശിരോമണി അകാലിദള്‍ രംഗത്ത് വന്നു. രാജ്ഘട്ടില്‍ തന്നെ സംസ്‌കാരം വേണമെന്ന് അകാലിദള്‍ നേതാവ് സുഖ്ബീര്‍ സിങ് ബാദല്‍ ആവശ്യപ്പെട്ടു. സിഖ് വിഭാഗത്തില്‍ നിന്നും പ്രധാനമന്ത്രിയായ വ്യക്തിയെ അവഹേളിക്കുന്നത് അംഗീകരിക്കാന്‍ കഴിയില്ലെന്ന് ബാദല്‍ വ്യക്തമാക്കി. പ്രധാനമന്ത്രി ഇതില്‍ നേരിട്ട് ഇടപെടണമെന്ന് അദ്ദേഹം ആവശ്യപ്പെട്ടു.
മന്‍മോഹന്‍ സിങ്ങിന്റെ ഭൗതികശരീരം ശനിയാഴ്ച രാവിലെ എട്ടിന് ഡല്‍ഹി മോത്തിലാല്‍ നെഹ്റു മാര്‍ഗിലെ മൂന്നാം നമ്പര്‍ വസതിയില്‍ നിന്നും എ.ഐ.സി.സി ആസ്ഥാനത്ത് എത്തിക്കും. രാവിലെ 8.30 മുതല്‍ 9.30 വരെയാണ് പൊതുദര്‍ശനം. 9.30-ന് ശേഷം നിഗം ബോധ്ഘട്ടിലേയ്ക്കുള്ള യാത്ര തുടങ്ങും.

മുന്‍ പ്രധാനമന്ത്രിക്ക് രാജ്യം ഇന്ന് വിട ചൊല്ലും; ഡോ. മന്‍മോഹന്‍സിങ്ങിന്റെ സംസ്‌കാരം രാവിലെ 11.45-ന്

ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിന്റെ വിയോഗത്തില്‍ അനുശോചിച്ച് രാജ്യത്ത് ഏഴുദിവസത്തെ ദുഃഖാചരണം. കേന്ദ്രസര്‍ക്കാര്‍ സ്ഥാപനങ്ങള്‍ക്ക് ശനിയാഴ്ച പകുതി ദിവസത്തെ അവധിയും കേന്ദ്രസര്‍ക്കാര്‍ പ്രഖ്യാപിച്ചു. 2025 ജനുവരി ഒന്ന് വരെയാണ് ദുഃഖാചരണം. ദുഃഖാചരണത്തിന്റെ ഭാഗമായി രാജ്യത്തിനകത്തും പുറത്തുമുള്ള എല്ലാ സര്‍ക്കാര്‍ സ്ഥാപനങ്ങളിലും ദേശീയപതാക താഴ്ത്തിക്കെട്ടും.
തെലങ്കാനയും കര്‍ണാടകയും വെള്ളിയാഴ്ച എല്ലാ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും അവധി നല്‍കിയിരുന്നു. കോണ്‍ഗ്രസും ഏഴുദിവസത്തേക്ക് ഔദ്യോഗിക പരിപാടികളെല്ലാം റദ്ദാക്കി.

മന്‍മോഹന്‍ സിങ്ങിന്റെ വിയോഗം;കേന്ദ്രസർക്കാർ സ്ഥാപനങ്ങൾക്ക് ശനിയാഴ്ച പകുതി ദിവസം അവധി

വടകര: ഡോ: മൻമോഹൻ സിങ്ങിൻ്റെ വേർപാട് തീവ്ര ദുഃഖത്തോടെയാണ് കേട്ടതെന്ന് മുൻ കെ പി സി സി പ്രസിഡന്റ് മുല്ലപ്പള്ളി രാമചന്ദ്രൻ. ശാരീരികമായ ബുദ്ധിമുട്ടുകൾ അദ്ദേഹത്തെ അലട്ടിയിരുന്നെങ്കിലും ഇത്ര പെട്ടെന്ന് അദ്ദേഹം നമ്മെ വിട്ടു പോകുമെന്ന് കരുതിയില്ല. ഡോ. മൻമോഹൻ സിങ്ങിന്റെ ക്യാബിനറ്റിൽ തുടർച്ചയായി അഞ്ചു വർഷക്കാലം ആഭ്യന്തര സഹമന്ത്രിയായി പ്രവർത്തിക്കാൻ കഴിഞ്ഞത് ജീവിതത്തിലെ അപൂർവ്വ സൗഭാഗ്യമാണ്. ആഭ്യന്തര സഹമന്തിയായി നിയമിക്കാനുള്ള തീരുമാനം കോൺഗ്രസ്സ് അദ്ധ്യക്ഷ സോണിയാ ഗാന്ധിയും പ്രധാനമന്ത്രി മൻമോഹൻ സിങ്ങുമാണ് എന്നെ അറിയിക്കുന്നത്. ആഭ്യന്തര മന്ത്രാലയത്തിൻ്റെ പ്രാധാന്യം അറിയിച്ചതോടൊപ്പം ഗൗരവപൂർണ്ണമായ ഉത്തരവാദിത്വമാണ് അതെന്ന് ബോധ്യപ്പെടുത്തുകയുണ്ടായി. അദ്ദേഹത്തിൻ്റെ വാക്കുകളിൽ എന്നിലുള്ള വിശ്വാസം പ്രകടമായിരുന്നു. ആഭ്യന്തര മന്ത്രാലയയുമായി ബന്ധപ്പെട്ട് ഇടക്കിടെ നടക്കുന്ന സുപ്രധാന പരിപാടികളിൽ പങ്കെടുത്ത് മണിക്കൂറുകളോളം അദ്ദേഹം ഞങ്ങളുടെ കൂടെയുണ്ടാകും. ഉച്ച ഭഷണ സമയം അദ്ദേഹത്തോടൊപ്പം ചെലവഴിച്ച സന്ദർഭം മറക്കാൻ കഴിയില്ല. സ്വന്തം വീട്ടിൽ നിന്ന് ഒരു ചെറിയ ടിഫിൻ ബോക്സിൽ കൊണ്ടുവരുന്ന സബ്ജിയും റൊട്ടിയും കഴിച്ച ഡോ: മൻമോഹൻ സിങ് ഒരു വിസ്മയമാണ്.
എന്നോട് അങ്ങേയറ്റം സ്നേഹം കാട്ടിയ ഡോ: മൻമോഹൻ സിംഗിൽ നിന്ന് ഒരു പാട് കാര്യങ്ങൾ മനസ്സിലാക്കാനും പഠിക്കാനും കഴിഞ്ഞിട്ടുണ്ട്. ഡോ: മൻമോഹൻ സിങ്ങിൻ്റെ സാമ്പത്തിക പരിഷ്കരണ നടപടികൾ ഇന്ത്യൻ സമ്പദ് വ്യവസ്ഥയിലുണ്ടാക്കിയ മാറ്റങ്ങൾ ഏറെ വലുതായിരുന്നു. ഭക്ഷ്യ സുരക്ഷിതത്വ നിയമം കൊണ്ടു വന്ന പ്രധാനമന്ത്രി ചരിത്രത്തിൻ്റെ ഭാഗമായി. അവകാശ നിയമങ്ങളുടെ പെരുമഴക്കാലമായിരുന്നു ഡോ: മൻ മോഹൻ സിംഗിൻ്റെ കാലഘട്ടം. കറകളഞ്ഞ സത്യസന്ധതയും അങ്ങേയറ്റം പ്രതിബദ്ധതയും കാട്ടിയ ഡോ: മൻമോഹൻ സിംഗ് എന്നെ അങ്ങേയറ്റം സ്വാധീനിച്ച ഭരണാധികാരിയായിരുന്നു. പാർല്ലമെൻ്റിൽ അദ്ദേഹം നടത്തിയ ഓരോ പ്രസംഗവും അതീവ ശ്രദ്ധേയമായിരുന്നു. നോട്ടു നിരോധന നിയമത്തിൻ്റെ പൊള്ളത്തരം തുറന്ന കാട്ടി അദ്ദേഹം നടത്തിയ ഹ്രസ്വമായ പാർമെൻ്റ് പ്രസംഗം സുവർണ്ണ ലിപികളിൽ ചരിത്രം രേഖപ്പെടുത്തിയിട്ടുണ്ട്.
ഡോ. മൻമോഹൻ സിംഗിൻ്റെ വേർപാട് രാജ്യത്തിന് അപരിഹാര്യമായ നഷ്ടമാണ്. അദ്ദേഹത്തിൻ്റെ ദീപ്തമായ ഓർമകൾക്കു മുമ്പിൽ ആദരാഞ്ജലി നേരുന്നു. മുല്ലപ്പള്ളി കുറിച്ചു.

മൻമോഹൻ സിംഗ് ക്രാന്തദർശിയായ പ്രധാന മന്ത്രി; മുല്ലപ്പള്ളി രാമചന്ദ്രൻ

Vadakara

വാഷിംഗ്‌ടൺ: മുൻ പ്രധാനമന്ത്രി മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക. 'തന്ത്രപരമായ ഉഭയകക്ഷി പങ്കാളിത്തതിന്റെ ഏറ്റവും മികച്ച ചാമ്പ്യന്മാരിൽ ഒരാൾ' എന്നാണ് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ അദ്ദേഹത്തെ വിശേഷിപ്പിച്ചത്.
യുഎസ് - ഇന്ത്യ നയതന്ത്രപരമായ പങ്കാളിത്തത്തിൽ ഏറ്റവും വലിയ പങ്ക് വഹിച്ചവരിൽ ഒരാളാണ് മൻമോഹൻ സിംഗ്. കഴിഞ്ഞ രണ്ട് പതിറ്റാണ്ടുകളായി ഇരുരാജ്യങ്ങളും ഒരുമിച്ചുണ്ടാക്കിയ പല നേട്ടങ്ങൾക്കും അടിത്തറയിട്ടതും മൻമോഹൻ സിംഗാണെന്ന് ആന്റണി ബ്ലിങ്കെൻ പറഞ്ഞു. അദ്ദേഹത്തിന്റെ വേർപാടിൽ ബ്ലിങ്കെൻ അനുശേചനം രേഖപ്പെടുത്തി. യുഎസ് - ഇന്ത്യ സിവിൽ ആണവ ഉടമ്പടി മുന്നോട്ടുകൊണ്ടുപോകുന്നതിൽ മൻമോഹൻ സിംഗ് നൽകിയ പ്രാധാന്യത്തെക്കുറിച്ചും അദ്ദേഹം ഓർത്തു.&nbsp;

മൻമോഹൻ സിംഗിന്റെ വിയോഗത്തിൽ അനുശോചനം രേഖപ്പെടുത്തി അമേരിക്ക

ന്യൂഡൽഹി : ജനങ്ങളെ ശക്തരാക്കിയ നിയമനിർമാണങ്ങളിലൂടെയും രാഷ്ട്രത്തിനു കരുത്തായ സാമ്പത്തിക നയരൂപീകരണത്തിലൂടെയും വേറിട്ട വഴി സൃഷ്ടിച്ച മുൻ പ്രധാനമന്ത്രി മൻമോഹൻ സിങ്ങിന് (92) ആദരാഞ്ജലികളുമായി രാജ്യം. എഐസിസി ആസ്ഥാനത്തെ പൊതുദർശനത്തിനുശേഷം ഔദ്യോഗിക ബഹുമതികളോടെ നാളെയാണ് സംസ്കാരം.&nbsp;
ഡൽഹി എയിംസ് ആശുപത്രിയിൽ ഇന്നലെ രാത്രി 9.51ന് ആയിരുന്നു അന്ത്യം. 2004 മുതൽ 2014 വരെ പ്രധാനമന്ത്രിയായിരുന്നു. ഏറെ നാളായി രോഗബാധിതനായിരുന്ന അദ്ദേഹം ഇന്നലെ വൈകിട്ട് ഏഴേമുക്കാലോടെ വസതിയിൽ കുഴഞ്ഞു വീഴുകയായിരുന്നു. കേന്ദ്രസർക്കാർ ഏഴു ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു. ഇന്നത്തെ എല്ലാ ഔദ്യോഗിക പരിപാടികളും റദ്ദാക്കി.

മൻമോഹൻ സിങ്ങിന് വിടചൊല്ലാനൊരുങ്ങി രാജ്യം;സംസ്കാരം നാളെ ഔദ്യോഗിക ബഹുമതികളോടെ

തിരുവനന്തപുരം: മുൻ പ്രധാനമന്ത്രിയും കോൺഗ്രസ് നേതാവുമായ ഡോ. മൻമോഹൻ സിങ്ങിന്‍റെ നിര്യാണത്തിൽ സംസ്ഥാനത്തും ദുഃഖാചരണം. ഡിസംബർ 26 മുതൽ ജനുവരി ഒന്ന് വരെ ഏഴ് ദിവസത്തെ ദുഃഖാചരണം നടത്തുക.
ദുഃഖാചരണ ദിവസങ്ങളിൽ ദേശീയപതാക പകുതി താഴ്ത്തി കെട്ടും. കൂടാതെ, ഔദ്യോഗിക പരിപാടികൾ നടത്തില്ല. സ്റ്റേറ്റ് പ്രോട്ടോകോൾ ഓഫീസർ വാർത്താകുറിപ്പിലൂടെയാണ് ഇക്കാര്യം അറിയിച്ചത്.
കേന്ദ്രസർക്കാരും ഏഴു ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. ഇന്നത്തെ എല്ലാ ഔദ്യോഗിക പരിപാടികളും റദ്ദാക്കി. രാവിലെ 11ന് കേന്ദ്രമന്ത്രിസഭ പ്രത്യേക യോഗം ചേരും.എ.ഐ.സി.സി ആസ്ഥാനത്ത് പൊതുദർശനത്തിന് ശേഷമാകും സംസ്കാരം.

മൻമോഹൻ സിങ്ങിന്‍റെ വിയോഗം: സംസ്ഥാനത്ത്  ഏഴ് ദിവസത്തെ ദുഃഖാചരണം; ഔദ്യോഗിക പരിപാടികൾ ഉണ്ടാവില്ല

Kerala

ന്യൂഡൽഹി: മുന്‍ പ്രധാനമന്ത്രി ഡോ. മന്‍മോഹന്‍ സിങിന്റെ നിര്യാണത്തില്‍ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. ഇന്ത്യയുടെ ഏറ്റവും സമുന്നതനായ നേതാക്കളിലൊരാളായ മൻമോഹൻ സിങിന്റെ വേർപാടിൽ ഇന്ത്യ ദുഃഖിക്കുന്നു. എളിയ സ്ഥാനത്തുനിന്ന് ഉയർന്നുവന്ന അദ്ദേഹം ഏറെ ബഹുമാനിക്കപ്പെടുന്ന ഒരു സാമ്പത്തിക വിദ​ഗ്ധനായി മുന്നേറി, മോദി എക്സിൽ കുറിച്ചു.
ധനമന്ത്രി ഉൾപ്പെടെ വിവിധ ഭരണ പദവികളിൽ അദ്ദേഹം സേവനമനുഷ്ഠിച്ചു. രാജ്യത്തിന്റെ സാമ്പത്തികനയത്തിൽ ശക്തമായ മുദ്ര പതിപ്പിച്ച വ്യക്തിയാണ് മൻമോഹൻ സിങ്. രാജ്യത്തിന്റെ പ്രധാനമന്ത്രി എന്ന നിലയിൽ ജനങ്ങളുടെ ജീവിതം മെച്ചപ്പെടുത്താൻ അദ്ദേഹം വിപുലമായ ശ്രമങ്ങൾ നടത്തിയെന്നും അദ്ദേഹം കുറിച്ചു.

മൻമോഹൻ സിങിന്റെ വേർപാടിൽ ഇന്ത്യ ദുഃഖിക്കുന്നു ;അനുശോചിച്ച് നരേന്ദ്ര മോദി

ന്യൂഡല്‍ഹി: മുന്‍പ്രധാനമന്ത്രി മന്‍മോഹന്‍ സിങ്(92) അന്തരിച്ചു. ആരോഗ്യനില വഷളായതിനെ തുടര്‍ന്ന് മന്‍മോഹന്‍ സിങ്ങിനെ ഇന്ന് ഡല്‍ഹി എയിംസില്‍ പ്രവേശിപ്പിച്ചിരുന്നു. 2004 മെയ് 22നാണ് ഇന്ത്യയുടെ പതിനാലാമത് പ്രധാനമന്ത്രിയായി മന്‍മോഹന്‍ സിങ് അധികാരമേറ്റത്. രണ്ടാമത് അധികാരമേറ്റത് 2009 മെയ് 22നും.
അവിഭക്ത ഇന്ത്യയിലെ പഞ്ചാബ് പ്രവിശ്യയില്‍ പെട്ട ഒരു ഗ്രാമത്തില്‍ 1932 സെപ്റ്റംബര്‍ 26നാണ് ഡോ. മന്‍മോഹന്‍ സിംങ്ങിന്റെ ജനനം. 1948ല്‍ പഞ്ചാബ് സര്‍വകലാശാലയില്‍നിന്ന് മെട്രിക്കുലേഷന്‍ പരീക്ഷ പാസ്സായി. തുടര്‍ന്ന് 1957ല്‍ ബ്രിട്ടനിലെ കേംബ്രിജ് സര്‍വകലാശാലയില്‍ പഠിച്ച് സാമ്പത്തികശാസ്ത്രത്തില്‍ ഒന്നാം ക്ലാസ് ഓണേഴ്സ് ബിരുദം നേടി. ഓക്സ്ഫഡ് സര്‍വകലാശാലയിലെ നഫില്‍ഡ് കോളജില്‍ ചേര്‍ന്ന് 1962ല്‍ സാമ്പത്തിക ശാസ്ത്രത്തില്‍ ഡി.ഫില്‍ പൂര്‍ത്തിയാക്കി.
മികച്ച സാമ്പത്തിക വിദഗ്ദ്ധനായി അറിയപ്പെടുന്ന മന്‍മോഹന്‍ സിംഗ് നടപ്പിലാക്കിയ ഉദാരവത്കരണ സാമ്പത്തിക നയങ്ങള്‍ ശ്രദ്ധപിടിച്ചുപറ്റിയിരുന്നു. അദ്ധ്യാപകനായിട്ടാണ് അദ്ദേഹം ഔദ്യോഗിക ജീവിതം ആരംഭിച്ചത്. ഇന്ത്യന്‍ സാമ്പത്തിക രംഗത്തെ ഉടച്ചുവാര്‍ത്ത ധനമന്ത്രിയെന്നാണ് മന്‍മോഹന്‍ സിംഗിനെ വിശേഷിപ്പിക്കുന്നത്. റിസര്‍വ് ബാങ്ക് ഗവര്‍ണര്‍, നരസിംഹറാവു മന്ത്രിസഭയിലെ ധനമന്ത്രി തുടങ്ങിയ പദവികളും ഡോ. മന്‍മോഹന്‍ സിംഗ് വഹിച്ചിരുന്നു.
1932ല്‍ പടിഞ്ഞാറന്‍ പഞ്ചാബിലെ ഗാഹ് (ഇപ്പോള്‍ പാകിസ്ഥാനില്‍) എന്ന സ്ഥലത്താണ് മന്‍മോഹന്‍ സിംഗ് ജനിച്ചത്. വിഭജനത്തിന് ശേഷം മന്‍മോഹന്‍ സിംഗിന്റെ കുടുംബം ഇന്ത്യയിലേക്ക് വരികയായിരുന്നു. ലോകപ്രശസ്തമായ ഒക്‌സ്‌ഫോര്‍ഡ് സര്‍വകലാശാലയില്‍ നിന്ന് സാമ്പത്തികശാസ്ത്രത്തില്‍ ഡോക്ടറേറ്റ് നേടിയ വ്യക്തിയാണ് സിംഗ്. 1972 മുതല്‍ 1976 വരെ കേന്ദ്ര സര്‍ക്കാരിന്റെ മുഖ്യ ധനകാര്യ ഉപദേഷ്ടാവായിരുന്നു അദ്ദേഹം. 1982-85 കാലയളവില്‍ റിസര്‍വ് ബാങ്ക് ഗവര്‍ണറായി പ്രവര്‍ത്തിച്ചു.

മുൻ പ്രധാനമന്ത്രിക്ക് വിട ;ഡോ  മന്‍മോഹന്‍ സിംഗ് അന്തരിച്ചു

ന്യൂഡല്‍ഹി: മുന്‍ പ്രധാനമന്ത്രി മന്‍മോഹന്‍ സിങ്ങിനെ ഡല്‍ഹി എയിംസില്‍ പ്രവേശിപ്പിച്ചു. ആരോഗ്യസ്ഥിതി മോശമായി എന്നാണ് റിപ്പോര്‍ട്ടുകള്‍. വിശദാംശങ്ങള്‍ ലഭ്യമല്ല. 92 വയസ്സുകാരനായ മന്‍മോഹന്‍ സിങ്ങിനെ എയിംസിലെ എമര്‍ജന്‍സി ഡിപ്പാര്‍ട്ടുമെന്റിലാണ് പ്രവേശിപ്പിച്ചിരിക്കുന്നത്.
അദ്ദേഹത്തിന്റെ ഓഫീസില്‍ നിന്ന് ലഭിക്കുന്ന വിവരമനുസരിച്ച് മന്‍മോഹന്‍ സിംഗിന് കടുത്ത ശ്വാസ തടസ്സമുണ്ടായെന്നും ഇതോടെയാണ് ആശുപത്രിയിലേക്ക് മാറ്റിയതെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. എമര്‍ജെന്‍സി വിഭാഗത്തിലെ ഡോക്ടര്‍മാര്‍ മുന്‍ പ്രധാനമന്ത്രിയുടെ ആരോഗ്യനില നിരീക്ഷിക്കുകയാണ്.

മന്‍മോഹന്‍ സിംഗ് ഗുരുതരാവസ്ഥയില്‍

ന്യൂഡൽഹി: മുൻ പ്രധാനമന്ത്രി ഡോ. മൻമോഹൻ സിങ്ങിന് ഇന്ന് 92-ാം പിറന്നാൾ. പ്രധാനമന്ത്രി നരേന്ദ്ര മോദി, പ്രതിപക്ഷനേതാവ് രാഹുൽ ഗാന്ധി തുടങ്ങിയവർ അദ്ദേഹത്തിന് ആശംസയറിയിച്ചു. ആരോഗ്യത്തോടെ ദീർഘായുസ് ഉണ്ടാവട്ടെ എന്ന് പ്രധാനമന്ത്രി ആശംസാ സന്ദേശത്തിൽ പറഞ്ഞു.
പ്രതിപക്ഷനേതാവ് രാഹുൽ ഗാന്ധിയും മൻമോഹൻ സിങ്ങിനെ ആശംസയറിയിച്ചു. ''ജന്മദിനാശംകൾ മൻമോഹൻ ജി, നമ്മുടെ രാജ്യത്തിന്റെ ഭാവി രൂപപ്പെടുത്തുന്നതിൽ നിങ്ങളുടെ വിനയവും വിവേകവും നിസ്വാർഥ സേവനവും എന്നെയും ദശലക്ഷക്കണക്കിന് ഇന്ത്യക്കാരെയും പ്രചോദിപ്പിക്കുന്നു. നിങ്ങൾക്ക് എല്ലായ്‌പ്പോഴും നല്ല ആരോഗ്യവും സന്തോഷവും നേരുന്നു!''-രാഹുൽ എക്‌സിൽ കുറിച്ചു.

മുൻ പ്രധാനമന്ത്രി ഡോ.മൻമോഹൻ സിങ്ങിന് ഇന്ന് 92-ാം പിറന്നാൾ

വടകര : 33 കുപ്പി മാഹി വിദേശമദ്യവുമായി യുവാവിനെ എക്സൈസ് ഉദ്യോഗസ്ഥർ പിടികൂടി. പയ്യന്നൂർ കരുതെക്കേൽ വീട്ടിൽ റിന്റോ ജോസഫി(38)നെയാണ് പിടികൂടിയത്. വടകര എക്സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പ്രമോദ് പുളിക്കോലും സംഘവും നടത്തിയ പരിശോധനയിലാണ് മാഹി റെയിൽവേ സ്റ്റേഷനിലേക്ക് പോകുന്ന റോഡിൽ ഗവ. പ്രീമെട്രിക് ഹോസ്റ്റലിനു മുൻവശത്തുനിന്ന് ഇയാളെ പിടികൂടിയത്.&nbsp;
റിന്റോയുടെ അറസ്റ്റ് രേഖപ്പെടുത്തി. സംഘത്തിൽ പ്രിവന്റീവ് ഓഫീസർ ഗ്രേഡ് എൻ.എം. ഉനൈസ്, സി.ഇ.ഒ. സി.എം. സുരേഷ് കുമാർ, ഡ്രൈവർ ഇ.കെ. പ്രജീഷ് എന്നിവരും ഉണ്ടായിരുന്നു.

33 കുപ്പി വിദേശമദ്യവുമായി യുവാവ് വടകര എക്സൈസ് പിടിയിൽ

നാദാപുരം : അരൂരില്‍ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. പിടുപിടുപാഞ്ചാലില്‍ മുഹമ്മദലി(30),ചേലക്കാട് ചരളില്‍ അര്‍ഷാദ്(26),മൊകേരിയില്‍ വാടകക്ക് താമസിക്കുന്ന കല്ലാച്ചി കൊറ്റോത്താന്റവിടെ അന്‍വര്‍സാദത്ത്(30)എന്നിവരെയാണ് നാദാപുരം എസ്.ഐ വിഷ്ണുവും സംഘവും പിടികൂടിയത്.
ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തു.കഴിഞ്ഞ ദിവസം ബാംഗ്ലൂരില്‍ നിന്നെത്തച്ചതാണ് ലഹരി വസ്തുവെന്ന് പോലീസ് പറഞ്ഞു.ഇവരെ ഞായറാഴ്ച കോടതിയില്‍ ഹാജരാക്കും.

അരൂരില്‍ എം.ഡി.എ യുമായി മൂന്ന് പേർ അറസ്റ്റിൽ

Nadapuram

അരൂരില്‍ എം.ഡി.എം.എയുമായി മൂന്ന് പേർ അറസ്റ്റിൽ

വടകര: എക്‌സൈസ് സര്‍ക്കിള്‍ ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പ്രമോദ്പുളിക്കൂലും പാര്‍ട്ടിയും വില്ല്യാപ്പള്ളി, കുനിങ്ങാട് ഭാഗങ്ങളില്‍ നടത്തിയ പരിശോധനയില്‍ കഞ്ചാവുമായി യുവാവ് പിടിയിലായി. ആയഞ്ചേരി പറമ്പില്‍ ആക്കായി താഴെകുനിയില്‍ വീട്ടില്‍ അമലിനെയാണ് (27) അറസ്റ്റ് ചെയ്തത്.&nbsp;
ഇയാളില്‍ നിന്ന് 70 ഗ്രാം കഞ്ചാവ് പിടിച്ചെടുത്തു. കൈതകുണ്ട് എന്ന സ്ഥലത്ത് നിന്നാണ് ഇയാളെ പിടികൂടിയത്. പ്രിവന്റിവ് ഓഫീസര്‍ ഗ്രേഡ് സായിദാസ്.കെ.പി, ഷൈജു.പി.പി, സിവില്‍ എക് സൈസ് ഓഫീസര്‍ മുസ്ബിന്‍. ഇ.എം, സിഇഒ ഡ്രൈവര്‍ പ്രജീഷ്. ഇ കെ എന്നിവരും പരിശോധനയില്‍ പങ്കെടുത്തു.

വില്ല്യാപ്പള്ളി, കുനിങ്ങാട് ഭാഗങ്ങളില്‍ പരിശോധനയുമായി എക്‌സൈസ്; 70 ഗ്രാം കഞ്ചാവുമായി യുവാവ് പിടിയില്‍

നാദാപുരം: യുവതിയുടെ വീട്ടില്‍ അതിക്രമിച്ചു കയറി ഭീഷണിപ്പെടുത്തി എന്ന പരാതിയില്‍ പോലീസ് സിഐക്കെതിരെ കേസ്. നാദാപുരം കണ്‍ട്രോള്‍ റൂം സിഐ സ്മിതേഷിനെതിരെയാണ് വടകര പോലീസ് കേസെടുത്തത്. കത്രിക പോലുള്ള വസ്തു കാട്ടി കുത്തുമെന്ന് ഭീഷണിപ്പെടുത്തിയെന്നാണ് പരാതി. യുവതിയുടെ ബഹളം കേട്ട് രാത്രി അയല്‍ക്കാര്‍ ഓടിക്കൂടിയിരുന്നു.
വള്ളിക്കാട് സ്വദേശിനിയായ യുവതിയുടെ വീട്ടിലാണ് സംഭവം. വൈകിട്ട് മകളോടൊപ്പം പുറത്തു പോയ യുവതി രാത്രി എട്ടേമുക്കാലോടെ വീട്ടില്‍ തിരിച്ചെത്തിയപ്പോള്‍ പ്രതിയെ വീട്ടിനുള്ളല്‍ അതിക്രമിച്ച് കയറിയ നിലയില്‍ കാണുകയായിരുന്നെന്ന് പറയുന്നു. പിന്നാലെ കത്രിക പോലുള്ള മൂര്‍ച്ചയുള്ള സാധനം കാണിച്ച്കുത്തുമെന്ന് ഭീഷണി മുഴക്കിയെന്നും പറയുന്നു.&nbsp;
യുവതിയും മകളും ബഹളം വെച്ചതിനെ തുടര്‍ന്ന് നാട്ടുകാര്‍ ഓടിക്കൂടുകയും യുവതി വടകര പോലീസിനെ വിവരം അറിയിക്കുകയുമായിരുന്നു. തുടര്‍ന്ന് വടകര പോലീസെത്തി സിഐ സ്മിതേഷിനെ കസ്റ്റഡിയിലെടുക്കുകയായിരുന്നു. യുവതിയെ നേരത്തെ പരിചയമുള്ള പ്രതി പലപ്രാവശ്യം ഫോണ്‍ ചെയ്തതിനെ തുടര്‍ന്ന് പ്രതിയുടെ കോള്‍ ബ്ലോക്ക് ചെയ്തതിലുള്ള വിരോധമാണ് അതിക്രമത്തിന് കാരണമെന്ന് എഫ്‌ഐആറില്‍ പറയുന്നു. കസ്റ്റഡിയിലെടുത്ത പ്രതിയെ പിന്നീട് സ്റ്റേഷന്‍ ജാമ്യത്തില്‍ വിട്ടു.

വീട്ടില്‍ അതിക്രമിച്ച് കയറി യുവതിയെ ഭീഷണിപ്പെടുത്തിയതായി പരാതി; നാദാപുരത്ത് സിഐക്കെതിര കേസ്

മലപ്പുറം: സ്വകാര്യ ബസ് ജീവനക്കാരുടെ മർദനമേറ്റ ഓട്ടോ ഡ്രൈവർ ആശുപത്രിയിൽ കുഴഞ്ഞുവീണുമരിച്ചു. ഒതുക്കുങ്ങൽ സ്റ്റാൻഡിലെ ഡ്രൈവറായ മാണൂർ സ്വദേശി അബ്ദുൾ ലത്തീഫാണ് മരിച്ചത്. മർദനമേറ്റതിന് പിന്നാലെ ശാരീരിക പ്രശ്നങ്ങൾ ഉണ്ടായതിനെത്തുടർന്ന് സ്വയം ഓട്ടോ ഓടിച്ച് ആശുപത്രിയിൽ എത്തിയ ഉടൻ കുഴഞ്ഞുവീഴുകയായിരുന്നു എന്നാണ് റിപ്പോർട്ട്. ആശുപത്രിയിലുണ്ടായിരുന്ന നാട്ടുകാരനായ ഒരാളാണ് ലത്തീഫിനെ തിരിച്ചറിഞ്ഞത്. സംഭവുമായി ബന്ധപ്പെട്ട് മൂന്ന് ബസ് ജീവനക്കാരെയും ബസിനെയും പൊലീസ് കസ്റ്റഡിയിലെടുത്തിട്ടുണ്ട്. ഇന്ന് രാവിലെയായിരുന്നു സംഭവം.
വടക്കേമണ്ണയിലെ ബസ്‌സ്റ്റോപ്പിൽ നിന്ന് ആളെ കയറ്റിയതുമായി ബന്ധപ്പെട്ടാണ് ബസ് ജീവനക്കാർ ലത്തീഫിനെ മർദിച്ചത്. പിടിബി എന്ന സ്വകാര്യബസിന് മുന്നേ പോയ ലത്തീഫിന്റെ ഓട്ടോയിൽ ബസ്‌സ്റ്റോപ്പിനടുത്ത് റോഡുവക്കിലുണ്ടായിരുന്നു രണ്ട് സ്ത്രീകൾ കയറി. ഇതുകണ്ട ബസ് ജീവനക്കാർ ബസ് കുറുകെയിട്ട് ഓട്ടോ തടയുകയും ലത്തീഫിനെ മർദിക്കുകയുമായിരുന്നു.മർദ്ദനത്തെത്തുടർന്ന് ശാരീരിക പ്രശ്നങ്ങൾ ഉണ്ടായതിനാൽ സ്വയം ആശുപത്രിയിലേക്ക് പോകാൻ ലത്തീഫ് തീരുമാനിക്കുകയായിരുന്നു. ഡോക്ടറെ കണ്ടശേഷം പൊലീസ് സ്റ്റേഷനിലെത്തി പരാതി നൽകാനായിരുന്നു തീരുമാനം. എന്നാൽ ആശുപത്രിയിലെത്തിയ ഉടൻ കുഴഞ്ഞുവീഴുകയായിരുന്നു. ലത്തീഫിന്റെ കഴുത്തിലുൾപ്പെടെ പാടുകളുണ്ടെന്നാണ് ആശുപത്രിയിലുണ്ടായിരുന്ന ചിലർ പറയുന്നത്.&nbsp;
ലത്തീഫിന് മറ്റെന്തെങ്കിലും ആരോഗ്യപ്രശ്നങ്ങൾ ഉണ്ടോ എന്ന് വ്യക്തമല്ല. മൃതദേഹം മോർച്ചറിയിലേക്ക് മാറ്റി. പോസ്റ്റുമോർട്ടം റിപ്പോർട്ട് കിട്ടിയാലേ മരണകാരണം വ്യക്തമാകൂ എന്നാണ് പൊലീസ് പറയുന്നത്.&nbsp;

മലപ്പുറത്ത് ബസ് ജീവനക്കാരുടെ മർദനമേറ്റ ഓട്ടോഡ്രൈവർ ആശുപത്രിയിൽ കുഴഞ്ഞുവീണ് മരിച്ചു

കോഴിക്കോട്: വനിതാ ദിനത്തിൽ വനിതകൾക്ക് മാത്രമായി സ്പെഷ്യൽ ട്രിപ്പൊരുക്കി കെ.എസ്.ആർ.ടി.സി. നാളെ ശനിയാഴ്ച 200 രൂപക്ക് കോഴിക്കോട് നഗരം ചുറ്റിക്കാണാനുള്ള ട്രിപ്പാണ് ഒരുക്കിയിരിക്കുന്നത്.
കോഴിക്കോട് ബീച്ച്, കുറ്റിച്ചിറ പള്ളി, മാനാഞ്ചിറ സ്ക്വയർ, പ്ലാനിറ്റോറിയം, പഴശ്ശി മ്യൂസിയം, ഭട്ട് റോഡ് ബീച്ച്, കോതി ബീച്ച്, കണ്ണംപറമ്പ് ബീച്ച്, സൗത്ത് ബീച്ച്, വെള്ളയിൽ ബീച്ച്, വരയ്ക്കൽ ബീച്ച് തുടങ്ങിയ സ്ഥലങ്ങളാണ് ട്രിപ്പിലുൾപ്പെടുത്തിയിരിക്കുന്നത്.യാത്രക്ക് താൽപര്യമുള്ളവർ നേരത്തെ ബുക്ക് ചെയ്യണം. ഫോൺ: 9946 068 832, 7907 627 645

വനിതകൾക്ക് കോഴിക്കോട് ചുറ്റിക്കാണാം വെറും 200 രൂപക്ക്; കെ.എസ്.ആർ.ടി.സി സ്പെഷ്യൽ ട്രിപ്പ്

Kozhikode

വടകര : എം.ഡി.എം.എ.യുമായി അറസ്റ്റിലായ യുവാവിനെ കൈയേറ്റം ചെയ്യുന്നത് തടയാൻ ശ്രമിക്കുന്നതിനിടെ പോലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിന് മൂന്നാളുടെ പേരിൽ വടകര പോലീസ് കേസെടുത്തു.
കണ്ടാലറിയാവുന്ന മൂന്നാളുടെ പേരിലാണ്‌ എസ്.ഐ. എം.കെ. രഞ്ജിത്തിന്റെ പരാതിയിൽ കേസെടുത്തത്. ചൊവ്വാഴ്ച നാരായണനഗരം പെട്രോൾ പമ്പിന്‌സമീപം എം.ഡി.എം.എ.യുമായി പിടിയിലായ യുവാവിന്റെ അറസ്റ്റ് നടപടികൾക്കിടെയാണ് ഇയാളുടെ നേരേ കൈയേറ്റം നടന്നത്. പോലീസ് ഇടപെട്ട് ഇത്‌ തടയുകയായിരുന്നു. ഇതിനിടെ പോലീസുമായും സംഘർഷമുണ്ടായി.

അറസ്റ്റിനിടെ കൈയേറ്റം; മൂന്നാളുടെ പേരിൽ വടകര പോലീസ് കേസെടുത്തു

ചോറോട്: പുനർ വിവാഹിതയല്ലെന്ന സർട്ടിഫിക്കറ്റിന് അപേക്ഷിച്ച യുവതിയോട് ജനപ്രതിനിധികളെ വിശ്വസിക്കാൻ കൊള്ളില്ലെന്ന് ചോറോട് വില്ലേജ് ഓഫിസർ പറഞ്ഞതിൽ പ്രതിഷേധം. ജനപ്രതിനിധികൾ പല ഭാഗത്തും നിൽക്കും അതിനാൽ അയൽക്കാരായ രണ്ട് പേരുടെ സാക്ഷ്യപത്രവുമായി വരണമെന്ന് നിർദ്ദേശിച്ച് മടക്കി അയക്കുകയായിരുന്നു. ലൈഫ് ഭവന പതിയിൽ വീട് അനുവദിക്കപ്പെട്ട വിധവയായ സ്ത്രീക്ക് പഞ്ചായത്തിൽ എഗ്രിമെന്റ് വെക്കുന്നതിനായ് സ്ഥലം രജിസ്റ്റർ ചെയ്യാൻ തണ്ടപ്പേരും നികുതി രസീറ്റിനും അപേക്ഷ നൽകിയപ്പോൾ പല കാരണങ്ങൾ പറഞ്ഞ് മടക്കി അയച്ചു. പഞ്ചായത്ത് അംഗം ഓഫീസിൽ എത്തിയപ്പോഴും പല കാരണങ്ങൾ നിരത്തുകയാണ്.&nbsp;
വിദ്യാർത്ഥികളും തൊഴിൽ അന്വേഷകരുമായ നിരവധി പേർ അപേക്ഷ നൽകിയിട്ട് ദിവസങ്ങളോളമായി കാത്തിരിക്കുകയാണ് എന്നും ജനപ്രതിനിധികൾ പറഞ്ഞു. പാവപ്പെട്ട ജനങ്ങളെ ബുദ്ധിമുട്ടിക്കുന്ന ജിവനക്കാരുടെ നടപടി അവസാനിപ്പിക്കാൻ നടപടിക്കായി ചോറോട് ഗ്രാമ പഞ്ചായ ആംഗം പ്രസാദ് വിലങ്ങിൽ മന്ത്രിമാർക്കും കളക്ടർക്കും പരാതി നൽകി. കഴിഞ്ഞ ദിവസം ചേർന്ന ചോറോട് ഗ്രാമ പഞ്ചായത്ത് ഭരണ സമിതി യോഗത്തിലും വിഷയത്തിൽ വിമർശനമുയർന്നിരുന്നു.

ജനപ്രതിനിധികളെ വിശ്വസിക്കാൻ കൊള്ളില്ലെന്ന പരാമർശം; ചോറോട് വില്ലേജ് ഓഫിസർക്കെതിരെ പരാതി

മേപ്പയ്യൂർ : മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി.നടുവിലക്കണ്ടി വിനോദന്റെ മകൻ ദേവദർശിനെ ആണ് ഇന്നലെ മുതൽ കാണാതായത്. രാവിലെ 8 മണിക്ക് വീട്ടിൽ നിന്നും വടകര ഗുജറാത്തി എസ്.ബി സ്കൂളിലേക്ക് പോയതാണ്. 165 സി.എം ഉയരം,വെളുത്ത് തടിച്ച ശരീരം, കറുത്ത ഷർട്ടും വെള്ള പാന്റുമാണ് കാണാതാവുമ്പോൾ ഉള്ള വേഷം.
മേപ്പയൂർ പോലീസിൽ പരാതി നൽകിയിട്ടുണ്ട്. എന്തെങ്കിലും വിവരം ലഭിക്കുന്നവർ 04962676220 ഈ നമ്പറിൽ ബന്ധപ്പെടണമെന്ന് പോലീസ് അറിയിച്ചു.

മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി

Search Results for: cpm action