വടകര: ചോറോട് മുട്ടുങ്ങൽ രയരങ്ങോത്ത് പ്രദേശത്തെ തെരുവ് നായ ശല്യത്തിന് അടിയന്തര പരിഹാരം കാണണമെന്ന് ഒന്നാം വാർഡ് കോൺഗ്രസ്‌ കമ്മിറ്റി ആവശ്യപ്പെട്ടു. തെരുവ് നായ ശല്ല്യം കാരണം പൊതുജനങ്ങൾക്കും സ്കൂൾ കുട്ടികൾക്കും വഴിനടക്കാൻ പറ്റാത്ത സാഹചര്യമാണ് നിലവിൽ ഉള്ളത്. ഓടിക്കൊണ്ടിരുന്ന ബൈക്കിന് പിന്നാലെ നായ്ക്കൾ ഓടി യാത്രക്കാരൻ വീണ്പരിക്ക് പറ്റിയ സംഭവം ഉണ്ടായിട്ടുണ്ട്.&nbsp;
ഇതിനെതിരെ പഞ്ചായത്തിന്റെ ഭാഗത്ത്‌ നിന്ന് അടിയന്തര നടപടികൾ ഉണ്ടാവണമെന്നും അല്ലാത്ത പക്ഷം ശക്തമായ സമരത്തിന് നേതൃത്വം നൽകുമെന്നും യോഗം മുന്നറിയിപ്പ് നൽകി. മണ്ഡലം കോൺഗ്രസ്‌ പ്രസിഡന്റ്‌ അഡ്വ : പി. ടി. കെ നജ്മൽ ഉദ്ഘാടനം ചെയ്തു. വാർഡ് പ്രസിഡന്റ്‌ സുരേന്ദ്രൻ കുഴിച്ചാലിൽ അധ്യക്ഷത വഹിച്ചു. ആർ. കെ പ്രവീൺകുമാർ, സതീശൻ,ചെത്തിൽ ഭാസ്കരൻ, അനീസ്, റഹീം, കുഞ്ഞിരാമൻ തുടങ്ങിയവർ സംസാരിച്ചു.

തെരുവ് നായ ശല്യത്തിന് അടിയന്തര പരിഹാരം കാണണമെന്ന് കോൺഗ്രസ്‌

Vadakara

നാദാപുരം: വായിൽ തുളച്ചു കയറിയ ചൂണ്ടൽ കൊക്കകളുമായി അലഞ്ഞു തിരിയുന്ന തെരുവു പട്ടി കരളലിയിപ്പിക്കുന്ന കാഴ്ചയായി. നാദാപുരം ടൗണിലാണ് വായിൽ തുളച്ചു കയറിയ ചൂണ്ടൽ കൊക്കകളുമായി ഭക്ഷണം കഴിക്കാനാകാതെ തെരുവുനായ അലയുന്നത്. അടുത്തിടെ പ്രസവിച്ച ഈ മിണ്ടാപ്രാണിക്ക് അഞ്ച് കുഞ്ഞുങ്ങളുമുണ്ട്. വേദന നിമിത്തം കുഞ്ഞുങ്ങൾക്ക് പാൽ കൊടുക്കാനും കഴിയുന്നില്ല. എവിടെ നിന്നാണ് ഇതിൻ്റെ വായിൽ മത്സ്യം പിടിക്കാൻ ഉപയോഗിക്കുന്ന കൊക്കകൾ തുളച്ചുകയറിയതെന്ന് ആർക്കുമറിയില്ല. നായയുടെ ദയനീയ സ്ഥിതികണ്ട് സുമനസുകൾ ഭക്ഷണം നൽകുന്നുണ്ടെങ്കിലും കഴിക്കാൻ പറ്റാത്ത സ്ഥിതിയാണ്.

വായിൽ ചൂണ്ടൽ കൊക്ക തുളച്ചു കയറി; ദയനീയ കാഴ്ചയായി തെരുവ് നായ

Nadapuram

അഴിയൂർ : തെരുവുനായയുടെ കടിയേറ്റ് വിദ്യാർഥിക്ക് പരിക്ക്. മാളിയേക്കൽ ഭാഗത്ത് ആയിഷ നയിഫയെയാണ് (4) കടിച്ചത്. രാവിലെ മദ്രസയിൽ പോകുമ്പോഴാണ് കടിയേറ്റത്. പ്രദേശത്ത് തെരുവുനായ ശല്യം കൂടിയതായി വാർഡ് അംഗം കവിത അനിൽകുമാർ അറിയിച്ചു. മത്സ്യത്തൊഴിലാളികൾ എല്ലാസമയവും യാത്രചെയ്യുന്ന വഴിയാണിത്. അടിയന്തരനടപടി സ്വീകരിക്കണമെന്ന് നാട്ടുകാർ പറഞ്ഞു.

&nbsp;

അഴിയൂരിൽ തെരുവുനായയുടെ കടിയേറ്റ് വിദ്യാർഥിക്ക് പരിക്ക്

പുറമേരി: തെരുവ് നായയുടെ അക്രമത്തിൽ നിരവധി പേർക്ക് പരുക്ക് പറ്റിയ പുറമേരിയിൽ തെരുവ് നായകൾക്ക് പേ വിഷബാധക്കെതിരെയുള്ള വാക്സിൻ നൽകി തുടങ്ങി. കഴിഞ്ഞ ദിവസം നിരവധി പേർക്ക് കടിയേറ്റ സംഭവത്തെ തുടർന്ന് വിഷയത്തിൽ ഗ്രാമപഞ്ചായത്ത് ഭരണ സമിതി അടിയന്തിരമായി ഇടപെടുകയായിരുന്നു. പുറമേരി മൃഗാശുപത്രിയിലെ ഡോ: നീരജയുടെ നേതൃത്വത്തിൽ പുറമേരി ടൗണിലും കെ.വി.എൽ.പി സ്കൂൾ പരിസരത്തുമുള്ള തെരുവ് നായകൾക്ക് വാക്സിൻ നൽകി. സ്റ്റാൻഡിങ് കമ്മിറ്റി ചെയർപെഴ്സൺ കെ.എം വിജിഷ വാക്സിനേഷൻ പ്രവർത്തനങ്ങൾക്ക് നേതൃത്വം നൽകുന്നുണ്ട്. സുനിൽ (43), രാജൻ(58), നാരായണൻ (38) ,ആദിത്ത് (09), അതിഥി തൊഴിലാളി അബൽ ഹുസൈൻ (63) എന്നിവർക്കാണ് നായയുടെ പരാക്രമത്തിൽ പരുക്ക് പറ്റിയത്. നാദാപുരം തണ്ണീർപന്തൽ എന്നിവിടങ്ങളിൽ നിന്നും ചിലർക്ക് കഴിഞ്ഞ ദിവസം തെരുവ് നായയുടെ കടിയേറ്റിട്ടുണ്ട്.

പുറമേരിയിൽ തെരുവ് നായകൾക്ക് വാക്‌സിനേഷൻ നൽകി തുടങ്ങി

പേരാമ്പ്ര: തെരുവുനായ്‌ക്കൾ മൂന്ന് ആടുകളെ കടിച്ചുകൊന്നു. പന്തിരിക്കരക്കടുത്ത് പുതിയോട്ടുംകരയിൽ കല്ലങ്കണ്ടി മീത്തൽ സൂപ്പിയുടെ കറവയുള്ള ആടിനെയും രണ്ട് ആട്ടിൻകുട്ടികളെയുമാണ് നായ്‌ക്കൾ കൂട്ടിൽക്കയറി കടിച്ചുകൊന്നത്. ആടുകളെ ഭാഗികമായി തിന്നുകയും ചെയ്തിട്ടുണ്ട്. ചൊവ്വ രാത്രിയിലാണ് സംഭവം. പഞ്ചായത്ത് സെക്രട്ടറിക്കും മൃഗാശുപത്രിയിലും പരാതി നൽകിയിട്ടുണ്ട്. പന്തിരിക്കരയിലും സമീപപ്രദേശങ്ങളിലും തെരുവുനായ ശല്യം രൂക്ഷമാണെന്ന് നാട്ടുകാർ പരാതിപ്പെട്ടു.

പേരാമ്പ്രയിൽ ആടുകളെ തെരുവുനായ്‌ക്കൾ കടിച്ചുകൊന്നു

Perambra

അഴിയൂർ: തെരുവുനായയുടെ ആക്രമണത്തില്‍ ബൈക്ക് നിയന്ത്രണംവിട്ടു മറിഞ്ഞ് പ്രവാസി മരിച്ചു. കക്കാട് കുഞ്ഞിപ്പള്ളി കടലാക്കിയില്‍ താമസിക്കുന്ന അത്താഴക്കുന്ന് കുഞ്ഞിപ്പള്ളി റൈസ് മില്ലിനു സമീപത്തെ തോലന്റകത്ത് സലീം(47)ആണ് മരിച്ചത്. ചൊവ്വാഴ്ച പുലര്‍ച്ചെ നമസ്‌കാരത്തിനായി പള്ളിയിലേക്ക് പോകുമ്പോൾ കുഞ്ഞിപ്പള്ളി കപ്പാലത്തിന്ന് സമീപം തെരുവ് നായ കുറുകെ ചാടിയതാണ് അപകടത്തിന് കാരണം. എകെജി ആശുപത്രിയിലും ചാലയിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.&nbsp;
ഷാര്‍ജയിലെ കമ്പനിയിൽ ജോലി ചെയ്തുവരികയായിരുന്ന സലീം സഹോദരീപുത്രന്റെ വിവാഹത്തിനായി നാലു ദിവസം മുൻപാണ് നാട്ടിലെത്തിയത്. പരേതരായ പി എ ഹസന്റെയും കുഞ്ഞായിഷയുടെയും മകനാണ്. ഭാര്യ: സൗദ. മക്കള്‍: സഫ(വിദ്യാര്‍ഥിനി, സര്‍ സയ്യിദ് കോളജ്, തളിപ്പറമ്പ), സഫ് വാന്‍ (വിദ്യാര്‍ഥി, പുഴാതി ഹയര്‍സെക്കന്ററി സ്‌കൂള്‍), സജ് വ(വിദ്യാര്‍ഥിനി, കക്കാട് വി പി മഹ്മൂദ് ഹാജി മെമ്മോറിയല്‍ സ്‌കൂള്‍).

കുഞ്ഞിപ്പള്ളിയിൽ തെരുവ് നായ കുറുകെ ചാടി സ്കൂട്ടർ മറിഞ്ഞ് പ്രവാസി മരിച്ചു

കണ്ണൂർ: കൊട്ടിയൂരിൽ തെരുവുനായ കുറുകെ ചാടി മുച്ചക്ര സ്കൂട്ടർ മറിഞ്ഞുണ്ടായ അപകടത്തിൽ ഭിന്നശേഷിക്കാരിയായ യുവതി മരിച്ചു. കൊട്ടിയൂർ പാലുകാച്ചി സ്വദേശി എ.എം.രമണിയാണ് മരിച്ചത്. കുറിയർ സ്ഥാപനത്തിലെ ജീവനക്കാരിയാണ്.
വ്യാഴാഴ്ച രാവിലെ 11ന് സ്കൂട്ടർ സർവീസിന് നൽകാൻ പോകവേ ഹാജി റോഡ്–അയ്യപ്പൻകാവ് റോഡിലായിരുന്നു അപകടം. ഇറക്കത്തിൽവച്ച് തെരുവുനായ ചാടിയതിനെ തുടർന്ന് നിയന്ത്രണം നഷ്ടപ്പെട്ട സ്കൂട്ടർ, സമീപത്തെ കുഴിയിലേക്ക് മറിയുകയായിരുന്നു. അപകടത്തിൽ ഹെൽമറ്റ് തകർന്ന് സമീപത്തെ മരത്തിലും കല്ലിലും രമണിയുടെ തല ഇടിച്ചു. ഉടനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.

തെരുവുനായ കുറുകെചാടി; മുച്ചക്ര സ്‌കൂട്ടർ കുഴിയിലേക്ക് മറിഞ്ഞ് ഭിന്നശേഷിക്കാരി മരിച്ചു

Kannur

കൊച്ചി: നടൻ ഷൈൻ ടോം ചാക്കോയ്‌ക്ക് നോട്ടീസ് നൽകാനൊരുങ്ങി എറണാകുളം സെൻട്രൽ എസിപി. രാവിലെ പത്ത് മണിക്ക് എറണാകുളം നോർത്ത് പൊലീസ് സ്റ്റേഷനിൽ എസ്‌ഐ മുമ്പാകെ ഹാജരാകാനാണ് നിർദേശം. ഹോട്ടലിൽ നിന്ന് ഇറങ്ങി ഓടിയ സംഭവത്തിൽ വിശദീകരണം തേടും.
നിലവിൽ ഷൈനിന്റെ പേരിൽ കേസൊന്നുമില്ലെങ്കിലും കേരള പൊലീസ് ആക്‌ടിലെയും ബിഎൻഎസിലെയും ചില വകുപ്പുകൾ പ്രകാരം കുറ്റം തടയലിന്റെ ഭാഗമായി പൊലീസിന് നോട്ടീസ് നൽകാനുള്ള അവകാശമുണ്ട്. ഇതുപ്രകാരമാണ് ഷൈനിന് നോട്ടീസ് നൽകിയിരിക്കുന്നത്. നോർത്ത് പൊലീസ് സ്റ്റേഷനിലെ ഉദ്യോഗസ്ഥർ തൃശൂരിലുള്ള ഷൈനിന്റെ വീട്ടിൽ നേരിട്ടെത്തി നോട്ടീസ് കൈമാറും.കഴിഞ്ഞ ദിവസം കൊച്ചിയിലെ സ്വകാര്യ ഹോട്ടലില്‍ നിന്ന് ഇറങ്ങി ഓടിയ താരം എവിടെയെന്ന കാര്യത്തില്‍ ഇനിയും വ്യക്തതയില്ല. ഇതിനിടെയാണ് അടിയന്തരമായി നേരിട്ട് ഹാജരാവാന്‍ ആവശ്യപ്പെട്ട് നോട്ടീസ് നല്‍കുന്നത്

ഹോട്ടലിൽ നിന്ന് ഇറങ്ങിയോടിയത് എന്തിന്?വിശദീകരണം നൽകാൻ ഷൈന്‍ ശനിയാഴ്ച പത്തുമണിക്ക്‌ ഹാജരാവണം

കണ്ണൂർ : കണ്ണൂർ സർവകലാശാലയിൽ ചോദ്യപ്പേപ്പർ ചോർച്ചയെന്ന് പരാതി. കാസർകോട് പാലക്കുന്ന് ഗ്രീൻവുഡ് കോളജിൽ ബിസിഎ ആറാം സെമസ്റ്റർ പരീക്ഷയുടെ ചോദ്യപ്പേപ്പറാണ് ചോർന്നത്. കോളജ് അധ്യാപകർ ചോദ്യപ്പേപ്പർ വാട്സാപ്പിലൂടെ ചോർത്തിയെന്നാണ് സർവകലാശാലയുടെ കണ്ടെത്തൽ. ഇതേത്തുടർന്ന് ഗ്രീൻവുഡ് കോളജിനെതിരെ സർവകലാശാല ജില്ലാ പൊലീസ് മേധാവിക്കും ബേക്കൽ പൊലീസിനും പരാതി നൽകി.
മാർച്ച് 18 മുതൽ ഏപ്രിൽ രണ്ടു വരെയാണ് പരീക്ഷ നടന്നത്. സർവകലാശാലയുടെ സ്ക്വാഡ് പരിശോധനയിലാണ് ചോദ്യപ്പേപ്പർ ചോർന്നതായി കണ്ടെത്തിയത്. പിന്നീട് നടത്തിയ അന്വേഷണത്തിൽ അധ്യാപകരാണ് വാട്സാപ്പിലൂടെ ചോദ്യപ്പേപ്പർ ചോർത്തിയത് എന്ന് കണ്ടെത്തുകയായിരുന്നു. സിൻഡിക്കേറ്റ് സമിതിയെ അന്വേഷണത്തിന് നിയോഗിച്ചതായും സർവകലാശാല അറിയിച്ചു.

കണ്ണൂർ സർവകലാശാലയിൽ ചോദ്യപ്പേപ്പർ വാട്സാപ്പിലൂടെ ചോർത്തി; പ്രതികൾ അധ്യാപകർ

ന്യൂഡല്‍ഹി: ബിജെപിയുടെ പുതിയ ദേശീയ അധ്യക്ഷനെ ഏപ്രില്‍ മാസം അവസാനത്തോടെ പ്രഖ്യാപിക്കും. പാര്‍ട്ടിവൃത്തങ്ങളെ ഉദ്ധരിച്ച് ദേശീയമാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. പുതിയ അധ്യക്ഷനെ പ്രഖ്യാപിക്കുന്നതിന് പിന്നാലെ കേന്ദ്ര മന്ത്രിസഭാ വികസനവും പുനഃസംഘടനയും ഉണ്ടായേക്കും. എന്‍സിപി, ശിവസേന, ജെഡിയു തുടങ്ങിയവര്‍ക്ക് കേന്ദ്രമന്ത്രിസഭയിൽ സ്ഥാനം ലഭിച്ചേക്കുമെന്നാണ് വിവരം.
മുന്‍കേന്ദ്രമന്ത്രിമാരായ മനോഹര്‍ ലാല്‍ ഖട്ടര്‍, ധര്‍മേന്ദ്ര പ്രധാന്‍, ഭൂപേന്ദര്‍ യാദവ് തുടങ്ങിയവരുടെ പേരുകളാണ് ബിജെപി ദേശീയ അധ്യക്ഷസ്ഥാനത്തേക്ക് പരിഗണിക്കപ്പെടുന്നത്. വിഷയത്തില്‍ അടുത്തയാഴ്ച ബിജെപി, ആര്‍എസ്എസിന്റെ അഭിപ്രായം ആരാഞ്ഞേക്കും. ഈയാഴ്ച അവസാനത്തോടെ സംസ്ഥാനങ്ങളിലെ പുനഃസംഘടനാ പ്രക്രിയകള്‍ പൂര്‍ത്തീകരിക്കാനുള്ള നീക്കത്തിലാണ് ബിജെപി. ദേശീയ അധ്യക്ഷന്റെ പേര് പ്രഖ്യാപിക്കുന്നതിന് മുന്നോടിയായി അവശേഷിക്കുന്ന 4-5 സംസ്ഥാനങ്ങളിലെ പുതിയ അധ്യക്ഷന്മാരുടെ പേരുകൂടി പാര്‍ട്ടി പ്രഖ്യാപിക്കും.

ബിജെപിയുടെ പുതിയ ദേശീയ അധ്യക്ഷനെ ഈ മാസം അവസാനം പ്രഖ്യാപിക്കും

കൊച്ചി: നടൻ ഷൈൻ ടോം ചാക്കോയ്‌ക്കെതിരെ കടുത്ത നടപടികൾക്കൊരുങ്ങി താരസംഘടനയായ അമ്മ. വിൻസിയുടെ പരാതിയിൽ തിങ്കളാഴ്‌ചയ്‌ക്കുള്ളിൽ ഷൈൻ വിശദീകരണം നൽകണമെന്നാണ് ആവശ്യം. ഇല്ലെങ്കിൽ സംഘടനയിൽ നിന്നും പുറത്താക്കണമെന്നാവശ്യപ്പെട്ട് അച്ചടക്ക സമിതി ജനറൽ ബോഡിയോട് ശുപാർശ ചെയ്യും.
അമ്മ നിയോഗിച്ച മൂന്നംഗ സമിതിയുടെ റിപ്പോർട്ടിന്റെ അടിസ്ഥാനത്തിലാണ് സംഘടനയുടെ തീരുമാനം. ഷൈനിനെ സംഘടനയിൽ നിന്ന് പുറത്താക്കണമെന്ന ആവശ്യം ശക്തമാണ്. വിൻസിയുടെ പരാതിയിന്മേൽ നോട്ടീസ് നൽകാനാണ് സൂത്രവാക്യം എന്ന സിനിമയുടെ ആഭ്യന്തര പരാതി പരിഹാര സെല്ലിന്റെ തീരുമാനം. വിൻസിയുടെ പരാതിയിൽ നിരവധി ആളുകളാണ് പിന്തുണയുമായി രംഗത്തെത്തുന്നത്. ഷൈനിനെതിരെ കടുത്ത നടപടിയുണ്ടാകുമെന്ന് ഫിലിം ചേമ്പറും അറിയിച്ചിട്ടുണ്ട്.ഷൈനിനെതിരായ നടപടി ചർച്ച ചെയ്യാൻ തിങ്കളാഴ്‌ചയാണ് ഫിലിം ചേമ്പറും യോഗം ചേരുന്നത്. ആ ദിവസത്തിനുള്ളിൽ മറുപടി നൽകണമെന്നാണ് അമ്മയും നടനോട് ആവശ്യപ്പെട്ടിരിക്കുന്നത്. ഷൈനിനെ ഫോണിൽ ബന്ധപ്പെടാൻ ശ്രമിച്ചെങ്കിലും ലഭിച്ചില്ലെന്നാണ് വിവരം.

തിങ്കളാഴ്‌ചയ്‌ക്കുള്ളിൽ ഷൈൻ വിശദീകരണം നൽകണം;കടുത്ത നടപടികൾക്കൊരുങ്ങി 'അമ്മ'

തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ടയിടങ്ങളിൽ ഇന്ന് ഇടിമിന്നലോടുകൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാദ്ധ്യത. നാളെയും മറ്റന്നാളും ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്.
ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത - ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്.ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർദ്ധിപ്പിക്കും
.അതേസമയം, കേരള - കർണാടക - ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തെക്കൻ തമിഴ്‌നാട് തീരം, ഗൾഫ് ഓഫ് മന്നാർ അതിനോട് ചേർന്ന കന്യാകുമാരി പ്രദേശം എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

സംസ്ഥാനത്ത് ഇന്ന് ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യത

Search Results for: congress s