കൊല്ലം: ലോക്‌സഭാ തിരഞ്ഞെടുപ്പില്‍ കൊല്ലം മണ്ഡലത്തില്‍ എന്‍ കെ പ്രേമചന്ദ്രൻ യുഡിഎഫ് സ്ഥാനാര്‍ഥിയാകും. ആര്‍എസ്‌പി സംസ്ഥാന സെക്രട്ടറി ഷിബു ബേബി ജോണ്‍ ആണ് സ്ഥാനാര്‍ഥി പ്രഖ്യാപനം നടത്തിയത്.
അഞ്ചാം തവണയാണ്‌ പ്രേമചന്ദ്രന്‍ കൊല്ലത്ത് മത്സരത്തിനിറങ്ങുന്നത്. 1996, 1998, 2014, 2019 ലോക്‌സഭാ തെരഞ്ഞെടുപ്പുകളില്‍ വിജയം പ്രേമചന്ദ്രനൊപ്പമായിരുന്നു.
കഴിഞ്ഞദിവസം കോട്ടയം മണ്ഡലത്തിലെ സ്ഥാനാര്‍ഥി പ്രഖ്യാപനം കേരള കോണ്‍ഗ്രസ് ജോസഫ് വിഭാഗം നടത്തിയിരുന്നു. ഫ്രാന്‍സിസ് ജോര്‍ജാണ് പാര്‍ട്ടിയുടെ സ്ഥാനാര്‍ഥി. കേരളാ കോണ്‍ഗ്രസ് എമ്മിലെ തോമസ് ചാഴികാടനാണ് എല്‍ഡിഎഫ് സ്ഥാനാര്‍ഥി.

കൊല്ലത്ത്‌ എൻ കെ പ്രേമചന്ദ്രൻ യുഡിഎഫ്‌ സ്ഥാനാർഥി

Kerala

കൊൽക്കത്ത: അക്ബർ സിംഹത്തെ സീത എന്ന പെൺ സിംഹത്തോടൊപ്പം താമസിപ്പിക്കുന്നത് ഹിന്ദു മതത്തെ അവഹേളിക്കുന്നതിന് തുല്യമാണെന്ന വിചിത്ര ആരോപണവുമായി ഹൈകോടതിയിൽ ഹരജിയുമായി തീവ്രഹിന്ദുത്വ സംഘടനയായ വിശ്വഹിന്ദു പരിഷത്ത്.കൊൽക്കത്ത: അക്ബർ സിംഹത്തെ സീത എന്ന പെൺ സിംഹത്തോടൊപ്പം താമസിപ്പിക്കുന്നത് ഹിന്ദു മതത്തെ അവഹേളിക്കുന്നതിന് തുല്യമാണെന്ന വിചിത്ര ആരോപണവുമായി ഹൈകോടതിയിൽ ഹരജിയുമായി തീവ്രഹിന്ദുത്വ സംഘടനയായ വിശ്വഹിന്ദു പരിഷത്ത്.
സിലിഗുരിയിലെ സഫാരി പാർക്കിൽ സിംഹജോഡികലെ ഒരുമിച്ച് താമസിപ്പിക്കാൻ പശ്ചിമബം​ഗാൾ‌ വനം വകുപ്പിന്റെ തീരുമാനത്തിനെതിരെയാണ് ഹരജി. കൊൽക്കത്ത ഹൈകോടതിയിലാണ് വി.എച്ച്.പി ബം​ഗാൾ ഘടകം ഹരജി സമർപ്പിച്ചിരിക്കുന്നത്.

സംസ്ഥാനത്തെ വനം വകുപ്പാണ് ഇവർക്ക് പേരിട്ടതെന്നും മുസ്ലിം നാമധാരിയായ അക്ബറിനെ സീതയോടൊപ്പം താമസിപ്പിക്കുന്നത് ഹിന്ദു മതവികാരത്തെ വ്രണപ്പെടുത്തുമെന്നും ഹരജിക്കാർ പറയുന്നു.
ഫെബ്രുവരി 16ന് ജസ്റ്റിസ് സൗഗത ഭട്ടാചാര്യയുടെ ബെഞ്ചിലെത്തിയ ഹരജി ഈ മാസം 20ന് വിശദമായി പരിഗണിക്കുന്നതിന് മാറ്റിയിരിക്കുകയാണ്. അതേസമയം ത്രിപുരയിലെ സെപാഹിജാല സുവോളജിക്കൽ പാർക്കിൽ നിന്നും എത്തിച്ച സിംഹജോഡികളാണിതെന്നും പേരുകൾ അവയ്ക്ക് നേരത്തെ നൽകിയിരുന്നതാണെന്നും പാർക്ക് അധികൃതർ വ്യക്തമാക്കി. ഫെബ്രുവരി 13നാണ് ഇവരെ സിലി​ഗുരി പാർക്കിലെത്തിച്ചത്.

അക്ബർ സിംഹത്തെ സീത സിംഹത്തോടൊപ്പം താമസിപ്പിക്കുന്നത് ഹിന്ദുമതത്തെ അവഹേളിക്കുന്നതിന് തുല്യം; ഹരജിയുമായി വി.എച്ച്.പി

National

അടൂര്‍: ഏഴംകുളം ദേവീക്ഷേത്രത്തിലെ തൂക്ക വഴിപാടിനിടെ പത്തടിയിലധികം ഉയരത്തിൽനിന്ന് കുഞ്ഞ് താഴെ വീണ സംഭവത്തിൽ സംസ്ഥാന ബാലാവകാശ കമ്മീഷന്‍ റിപ്പോര്‍ട്ട് തേടി. എട്ടുമാസം പ്രായമുള്ള കുഞ്ഞാണ് തൂക്കക്കാരന്റെ കൈയില്‍ നിന്നും വീണത്. അപകടത്തില്‍ കുഞ്ഞിന്റെ ഒരു കൈയ്ക്ക് ഒടിവുണ്ട്.

വിഷയത്തില്‍ ജില്ല ശിശുസംരക്ഷണ സമിതിയോടാണ് ബാലാവകാശ കമീഷന്‍ റിപ്പോര്‍ട്ട് തേടിയത്. അടിയന്തര നടപടി സ്വീകരിക്കാന്‍ പൊലീസിനും നിര്‍ദേശം നല്‍കി. രക്ഷിതാക്കളടക്കം ആരും പരാതി നൽകിയിട്ടില്ല. വാർത്തകൾ പുറത്തായതിന്റെ പശ്ചാത്തലത്തിലാണ് ബാലാവകാശ കമീഷന്‍ ഇടപെട്ടത്.
അടൂരിലെ സ്വകാര്യ ആശുപത്രിയില്‍ ചികിത്സയിലുള്ള കുഞ്ഞിന്റെ ആരോഗ്യനിലയില്‍ ആശങ്കവേണ്ടെന്ന് ആശുപത്രി അധികൃതര്‍ അറിയിച്ചു. ​ഗുരുതരമായ പരിക്കുകളൊന്നും കുഞ്ഞിന് ഇല്ലെന്നും സി.ടി സ്കാൻ ഫലം തൃപ്തികരമാണെന്നും എം.ആർ.ഐ ഫലം പുറത്തുവരാനുണ്ടെന്നും അവർ അറിയിച്ചു.
ഏഴംകുളം ദേവീക്ഷേത്രത്തില്‍ ഇന്നലെ രാത്രിയില്‍ നടന്ന തൂക്കത്തിനിടെയാണ് സംഭവം. കുട്ടികള്‍ക്ക് വേണ്ടത്ര സുരക്ഷ സംവിധാനങ്ങള്‍ ഒരുക്കാതെയാണീ ആചാരം നടത്തുന്നതെന്ന വിമര്‍ശനം ഉയര്‍ന്നിരുന്നു. ഇത്തവണ 624 തൂക്കങ്ങളാണ് നടന്നത്. ഇതില്‍, 124 കുട്ടികളാണുള്ളത്. ആറ് മാസം പ്രായമുള്ള കുട്ടികളുള്‍പ്പെടെ ഈ ആചാരത്തിന്റെ ഭാഗമാകാറുണ്ട്. ഇഷ്ടസന്താനലബ്ദ്ധിക്കും ആഗ്രഹപൂര്‍ത്തീകരണത്തിനുമായാണ് തൂക്കവഴിപാട് നടത്തുന്നതെന്ന് പറയുന്നു.

തൂക്ക വഴിപാടിനിടെ കുഞ്ഞ് ഉയരത്തിൽ നിന്ന് താഴെ വീണ സംഭവം: ബാലാവകാശ കമ്മീഷന്‍ റിപ്പോര്‍ട്ട് തേടി

ആലുവ: സുഹൃത്തിനൊപ്പം താമസിച്ചിരുന്ന യുവതിയെ താമസസ്ഥലത്ത് കുളിമുറിയിൽ മരിച്ച നിലയിൽ കണ്ടെത്തി. സ്ഥലത്തുനിന്നും ലഭിച്ച ആധാർ കാർഡ് വിവരത്തിൽ ഒറ്റപ്പാലം സ്വദേശിനി റംസിയയാണ് മരിച്ചതെന്ന് കരുതുന്നതായി പൊലീസ് പറഞ്ഞു. എന്നാൽ ഔദ്യോഗികമായി സ്ഥിരീകരിച്ചിട്ടില്ല.

ആലുവ ബിനാനിപുരം സ്റ്റേഷൻ അതിർത്തിയിൽപ്പെട്ട കാരോത്തുകുന്നിലെ താമസസ്ഥലത്താണ് മൃതദേഹം കണ്ടത്. യുവതിക്കൊപ്പം ലിവിങ്ടുഗതർ ജീവിതം നയിച്ചിരുന്ന പറവൂർ സ്വദേശി സൂര്യനാഥിനെ പൊലീസ് കസ്റ്റഡിയിലെടുത്തു. ഇയാൾ കുറേ നാളായി ഇവിടെ ഉണ്ടായിരുന്നില്ലെന്നാണ് മൊഴിനൽകിയിട്ടുള്ളത്.
ശനിയാഴ്ച രാത്രി 10 മണിയോടെയാണ് മരിച്ച നിലയിൽ കണ്ടെത്തിയത്. കുളിമുറി അകത്തുനിന്നും പൂട്ടിയ നിലയിലായിരുന്നു. തുടർന്ന് വാതിൽ ചവിട്ടിപ്പൊളിച്ചാണ് പൊലീസ് അകത്ത് കടന്നത്. ബന്ധുക്കളെ തിരിച്ചറിഞ്ഞ ശേഷമേ പോസ്റ്റ്മോർട്ടം നടത്തുകയുള്ളൂ.

യുവതി കുളിമുറിയിൽ മരിച്ച നിലയിൽ

മംഗളൂരു: പരീക്ഷ എഴുതുന്നതിനിടെ മൊബൈൽഫോൺ ഉപയോഗിച്ചത് അധ്യാപകൻ ചോദ്യംചെയ്തതിനെ തുടർന്ന് വിദ്യാർഥി കോളേജ് കെട്ടിടത്തിൽനിന്ന് ചാടി മരിച്ചു. കഴിഞ്ഞ ദിവസം മണിപ്പാൽ എം.സി.എച്ച്.പി. കോളേജിലാണ് സംഭവം. മൂന്നാം വർഷ ബിരുദവിദ്യാർഥിയും ബിഹാർ സ്വദേശിയുമായ സത്യം സുമൻ (20) ആണ് മരിച്ചത്.

വാർഷിക പരീക്ഷ എഴുതുന്നതിനിടെ സുമൻ മൊബൈൽഫോൺ ഉപയോഗിച്ചത് ശ്രദ്ധയിൽ പെട്ട അധ്യാപകൻ ഫോൺ പിടിച്ചെടുക്കുകയും പരീക്ഷാഹാളിൽനിന്ന് പുറത്താക്കുകയും ചെയ്തു. തുടർന്ന് സുമൻ കോളേജ് കെട്ടിടത്തിന്റെ ആറാം നിലയിൽനിന്ന് ചാടുകയായിരുന്നു.

പരീക്ഷാഹാളിൽനിന്ന് മൊബൈൽ പിടികൂടി; വിദ്യാർഥി കോളേജ് കെട്ടിടത്തിൽനിന്ന് ചാടിമരിച്ചു

ആയഞ്ചേരി: കേരളം സമ്പൂർണ്ണ ഡിജിറ്റൽ സാക്ഷരത സംസ്ഥാനമായി മാറാനുള്ള പ്രവർത്തനങ്ങളുടെ ഭാഗമായ് ആയഞ്ചേരി ഗ്രാമ പഞ്ചായത്ത് 12-ാം വാർഡിൽ ഡിജിസഭ ചേർന്നു. 2024 നവമ്പർ 1 കേരളപ്പിറവി ദിനത്തിൽ കേരളം രാജ്യത്തെ ആദ്യത്തെ ഡിജിറ്റൽ സാക്ഷരത സംസ്ഥാനമായ് പ്രഖ്യപിക്കുന്നതിൻ്റെ ഭാഗമായാണ് എല്ലാ തദ്ദേശ സ്വയംഭരണ വാർഡുകളിലും ഡിജി സഭകൾ ചേരുന്നത്. ഫിബ്രവരി 11 മുതൽ 18 വരെ ഡിജി വാരമായ് ആചരിക്കപ്പെടുകയാണ്. ഡിജി കേരളം പദ്ധതിയുടെ പോർട്ടലിൽ വളണ്ടിയർ രജിസ്ട്രേഷൻ നടത്താനും, ഫിബ്രവരി 21 മുതൽ വീടുകൾ കേന്ദ്രീകരിച്ച് വിവരശേഖരണം നടത്താനും തീരുമാനിച്ചു.
പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ ഉൽഘാടനം ചെയ്തു. വികസന സമിതി കൺവീനർ കെ. മോഹനൻ അധ്യക്ഷം വഹിച്ചു. സി.ഡി എസ്സ് അംഗം നിഷ കെ , ബാലൻ ഇ.കെ, സനില എൻ കെ , സീന ഇ കെ എന്നിവർ സംസാരിച്ചു. ഡിജി പ്രതിജ്ഞയോടെ ഡിജി സഭ അവസാനിച്ചു.

ഡിജി സഭ ചേർന്നു

Vadakara

വടകര: ചേന്ദമംഗലം പ്രദേശത്തെ മുതിർന്ന കോൺഗ്രസ്‌ നേതാവും കേരള സ്റ്റേറ്റ് സർവ്വീസ് പെൻഷനേഴ്‌സ് അസോസിയേഷൻ മുൻ ചോറോട് മണ്ഡലം പ്രസിഡന്റുമായിരുന്ന ചാക്കോളി ബാലകൃഷ്ണ കുറുപ്പിന്റെ രണ്ടാം ചരമ വാർഷികത്തോടനുബന്ധിച്ചു നടന്ന അനുസ്മരണ സമ്മേളനം വടകര നിയോജക മണ്ഡലം യു ഡി എഫ് ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു. ചോറോട് മണ്ഡലം കോൺഗ്രസ്‌ പ്രസിഡണ്ട്‌ അഡ്വ: പി ടി കെ നജ്മൽ അധ്യക്ഷത വഹിച്ചു. ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി, എൻ കെ രവീന്ദ്രൻ, പി പി രാജു, എം വേണുഗോപാലൻ, കെ കെ മോഹൻദാസ് , മഠത്തിൽ പുഷ്പ, എം അരവിന്ദാക്ഷൻ എന്നിവർ സംസാരിച്ചു. കെ ബാലകൃഷ്ണൻ സ്വാഗതവും എ ഭാസ്കരൻ നന്ദിയും പറഞ്ഞു.

ചാക്കോളി ബാലകൃഷ്ണക്കുറുപ്പ് അനുസ്മരണം നടത്തി

Nadapuram

നാദാപുരം: ചെക്യാട് മണ്ഡലം യൂത്ത് കോൺഗ്രസിൻ്റെ നേതൃത്വത്തിൽ ധീര രക്തസാക്ഷികളായ ഷുഹൈബ്, കൃപേഷ്, ശരത് ലാൽ എന്നിവരുടെ ഓർമ്മദിനത്തിൽ അനുസ്മരണ പരിപാടിയും പുഷ്പാർച്ചനയും നടത്തി. കോൺഗ്രസ്‌ മണ്ഡലം വർക്കിംഗ്‌ പ്രസിഡണ്ട്‌ രാജീവൻ പുതുശേരി ഉദ്ഘാടനം ചെയ്തു.&nbsp;
യൂത്ത് കോൺഗ്രസ്‌ മണ്ഡലം പ്രസിഡണ്ട്‌ സി. പി അഖിൽ അധ്യക്ഷത വഹിച്ചു. അഭിൻ.എ. എസ്, ആദിൽ സി. കെ, ഷഹൻ അശോക്, വി. കെ. രമ്യ, വള്ളിൽ അബ്ദുള്ള, വി. കെ, മഞ്ജു തുടങ്ങിയവർ നേതൃത്വം നൽകി.

ഓർമ്മദിനത്തിൽ അനുസ്മരണവും പുഷ്പാർച്ചനയും നടത്തി

ഓർക്കാട്ടേരി: ചിത്ര കലാ അധ്യാപകനും നാടക രചയിതാവുമായ കെപി. കുഞ്ഞിരാമന്റെ പേരിലുള്ള കെപികെ ആർട്ട്‌ വില്ലേജ് ഉദ്ഘാടനം ഫെബ്രുവരി 25 ഞായറാഴ്ച പ്രശസ്ത സിനിമ - കലാ നിരൂപകൻ ജി.പി. രാമചന്ദ്രൻ നിർവ്വഹിക്കും. കെ കെ. മാരാർ, ഡോ പി കെ പോക്കർ എന്നിവരും ചടങ്ങിൽ സംബന്ധിക്കും. ഇതോടാനുബന്ധിച്ച് നടക്കുന്ന "ജലമർമ്മരം" ആർട്ട്‌ ക്യാമ്പിൽ 100 ലധികം പ്രശസ്ത ചിത്രകാരൻമാർ പങ്കെടുക്കും.

കെ പി കെ ആർട്ട്‌ വില്ലേജ് ഉദ്‌ഘാടനവും ജലമർമ്മരം ക്യാമ്പും

വടകര: മുസ്ലീം ലീഗ് അഴിയൂർ പഞ്ചായത്ത് സമ്മേളനത്തിന്റെ ഭാഗമായി യുവജന സംഗമം നയീം നിസാർ നഗറിൽ സംഘടിപ്പിച്ചു.
മുസ്‌ലിം യൂത്ത് ലീഗ് അഴിയൂർ പഞ്ചായത്ത്‌ പ്രസിഡന്റ്‌ ജലീൽ ടി സി എച്ച്ന്റെ അധ്യക്ഷതയിൽ മുസ്‌ലിം ലീഗ് വടകര മണ്ഡലം പ്രസിഡന്റ്‌ എം. സി വടകര സംഗമം ഉദ്ഘാടനം ചെയ്തു.
എം എസ് എഫ് സംസ്ഥാന ജനറൽ സെക്രട്ടറി സി. കെ നജാഫ് മുഖ്യപ്രഭാഷണം നടത്തി. മുസ്‌ലിം ലീഗ് പഞ്ചായത്ത്‌ പ്രസിഡന്റ്‌ യു എ റഹീം, മുസ്‌ലിം ലീഗ് വടകര മണ്ഡലം സെക്രട്ടറി പ്രൊഫസർ മഹമ്മൂദ് പാമ്പള്ളി, പഞ്ചായത്ത്‌ മുസ്‌ലിം ലീഗ് ജനറൽ സെക്രട്ടറി ഇസ്മായിൽ പി പി, നവാസ് ചാപ്പയിൽ, പി കെ കാസിം, രണ്ടാം വാർഡ് മെമ്പർ സാജിദ് എൻ, ഫൈസൽ ടി കെ, ജബ്ബാർ നെല്ലോളി, നൗഫൽ മുക്കാളി, അർഷാദ് നെല്ലോളി, എം എസ് എഫ് പഞ്ചായത്ത്‌ ജനറൽ സെക്രട്ടറി സലാഹുദ്ധീൻ അയ്യൂബി തുടങ്ങിയവർ സംസാരിച്ചു.
സമീർ കൂടാളി, റാജിസ് ആസ്യ റോഡ്, റഹീസ് പാലക്കൂൽ, സഫീർ പുല്ലമ്പി, നസീർ നെച്ചു, റാജിസ് അർ പി, സമദ് മർഹബ, മുനാസർ എന്നിവർ സംഗമത്തിന് നേതൃത്വം നൽകി. മുസ്‌ലിം യൂത്ത് ലീഗ് പഞ്ചായത്ത്‌ ജനറൽ സെക്രട്ടറി ഷാനിസ് മൂസ സ്വാഗതവും പഞ്ചായത്ത്‌ ട്രഷറർ സുനീർ ചോമ്പാല നന്ദിയും പറഞ്ഞു.

അഴിയൂരിൽ യുവജന സംഗമം സംഘടിപ്പിച്ചു

മലപ്പുറം: ലോകമെങ്ങു​മുള്ള ഫുട്ബാൾ ആരാധകരുടെ ഇഷ്ടതാരമാണ് അർജന്റീനക്കാരൻ ലയണൽ മെസ്സി. ലോകകപ്പടക്കം പ്രധാന കിരീടങ്ങളും എട്ടുതവണ ലോകത്തെ മികച്ച ഫുട്ബാളർക്കുള്ള ബാലൻ ഡി ഓറുമെല്ലാം കരിയറിന് അലങ്കാരമാരമാക്കിയ ഇതിഹാസ താരത്തോടുള്ള ആരാധകരുടെ സ്നേഹപ്രകടനം പലരീതിയിൽ നമ്മൾ കണ്ടിട്ടുമുണ്ട്. കാൽപന്ത് കളിയെ എക്കാലവും നെഞ്ചേറ്റുന്ന മലപ്പുറത്തുകാരുടെ മെസ്സി സ്നേഹത്തിന് മറ്റൊരു സാക്ഷ്യമാവുകയാണ് തിരൂരിനടുത്തുള്ള കൂട്ടായിയിലെ ഐതുന്റെ പുരക്കൽ മൻസൂർ. മൻസൂർ-സഫീല നസ്റിൻ ദമ്പതികൾ തങ്ങളുടെ കുഞ്ഞുമകന് നൽകിയ പേര് ‘ലയണൽ​ മെസ്സി’ എന്നാണ്.
തിരൂർ ശിഹാബ് തങ്ങൾ സഹകരണ ആശുപത്രിയിലായിരുന്നു ‘ലയണൽ മെസ്സി’യുടെ ജനനം. ‘എ.പി ലയണൽ മെസ്സി’ എന്നെഴുതിയ ജനന സർട്ടിഫിക്കറ്റും അർജന്റീനയുടെ കുഞ്ഞു ജഴ്സിയണിഞ്ഞ ‘ലയണൽ മെസ്സി’യുടെ ചിത്രവുമെല്ലാം ഇപ്പോൾ സമൂഹ മാധ്യമങ്ങളിൽ വൈറലാണ്.
മെസ്സിയുടെ കടുത്ത ആരാധകനാണ് എ.പി മൻസൂർ. ഖത്തർ ലോകകപ്പിൽ മെസ്സിയും സംഘവും ലോക കിരീടമുയർത്തുമ്പോൾ സാക്ഷിയാകാൻ അദ്ദേഹം ഉണ്ടായിരുന്നു. ആഗസ്റ്റ് നാലിന് ആൺകുഞ്ഞ് പിറന്നപ്പോൾ മൻസൂറിന് മെസ്സിയെന്നല്ലാതെ മറ്റൊരു പേരും മനസ്സിൽ വന്നില്ല. പിന്തുണയുമായി സഫീല നസ്റിനും ഒപ്പം നിന്നു. പലരും കടുത്ത വിമർശനങ്ങളുമായി എത്തിയപ്പോൾ പിന്തുണക്കാൻ കൂട്ടുകാരുണ്ടായിരുന്നു. മകൻ വളർന്നു വലുതായ ശേഷം അവന് വേണമെങ്കിൽ പേര് മാറ്റാമെന്നാണ് മൻസൂറിന്റെ പക്ഷം. മികച്ച ഫുട്ബാൾ താരമായി മലപ്പുറത്തിന്റെ ‘ലയണൽ മെസ്സി’യെ വളർത്തിയെടുക്കണമെന്നും മൻസൂറിന് ആഗ്രഹമുണ്ട്. സൗദിയിലെ സ്വകാര്യ കമ്പനിയിൽ ലിഫ്റ്റിങ് സൂപ്പർവൈസറാണ് മൻസൂർ. താനൂരിലെ മാതാവിന്റെ വീട്ടിലാണ് ‘ലയണൽ മെസ്സി’ ഇപ്പോൾ കഴിയുന്നത്.

ഇത് മലപ്പുറത്തിന്റെ സ്വന്തം ‘ലയണൽ മെസ്സി’

Search Results for: communal hate