കോവളം: ബൈപ്പാസിൽ റോഡ് മുറിച്ചുകടക്കുമ്പോൾ മിനി ലോറിയിടിച്ച് ഗുരുതര പരിക്കേറ്റയാൾ മരിച്ചു. അംബേദ്കർ ഗ്രാമം വാർഡിൽ തുംബ്ലിയോട് ചരുവിള വീട്ടിൽ പരേതനായ ക്രിസ്റ്റഫറിന്റെയും രമണിയുടെയും മകൻ ജയൻ (54) ആണ് മരിച്ചത്. ബുധനാഴ്ച വൈകിട്ട് 4.15-ഓടെ കോവളം മുക്കോല ബൈപ്പാസിൽ പോറോട് പാലത്തിന് സമീപമായിരുന്നു അപകടം.
ബൈപ്പാസിലെ രണ്ടാമത്തെ റോഡിലേക്ക് കടക്കാൻ ശ്രമിക്കുമ്പോൾ കോവളം ഭാഗത്ത് നിന്നെത്തിയ മിനിലോറിയിടിക്കുകയായിരുന്നു. അപകടത്തിൽ റോഡിൽ തെറിച്ച് വീണ് തലയ്ക്കും കാലുകൾക്കും ഗുരുതരമായി പരിക്കേറ്റു. കോവളം പോലീസെത്തി മെഡിക്കൽ കോളേജ് ആശുപത്രിയിലെത്തിച്ചു. ചികിത്സയിലിരിക്കെ രാത്രി മരിച്ചു. സംഭവത്തിൽ കോവളം പോലീസ് കേസെടുത്തു. മരിച്ച ജയൻ കൂലിപ്പണിതൊഴിലാളിയായിരുന്നു. ഭാര്യ: ഉഷാകുമാരി, മകൾ: അജ്ഞന..

റോഡ് മുറിച്ചുകടക്കുമ്പോൾ മിനി ലോറിയിടിച്ച് പരിക്കേറ്റയാൾ മരിച്ചു

Kerala

ദുബായ്: അബുദാബിയില്‍നിന്ന് കാണാതായ മലയാളി യുവാവിനെ ദുബായിലെ പാലത്തില്‍നിന്ന് ചാടി മരിച്ച നിലയില്‍ കണ്ടെത്തി. തിരുവനന്തപുരം കരുംകുളം പുതിയതുറ സ്വദേശി അഴങ്കല്‍ പുരയിടത്തില്‍ ഡിക്‌സണ്‍ സെബാസ്റ്റ്യന്‍ (26) ആണ് മരിച്ചത്.
മെയ് 15 മുതല്‍ കാണാതായ ഡിക്സനെ പോലീസും ബന്ധുക്കളും അന്വേഷിച്ചുവരികയായിരുന്നു. അബുദാബിയിലെ ഒരു ഇലക്ട്രോണിക്സ് കടയില്‍ വാച്ച് മേക്കറായി ജോലി ചെയ്യുകയായിരുന്നു ഡിക്സണ്‍. ദുബായ് ശൈഖ് സായിദ് റോഡില്‍ സാബില്‍ റോഡിനടുത്തെ പാലത്തില്‍നിന്നും ചാടി മരിച്ചതായാണ് സംശയിക്കുന്നതെന്ന് പോലീസ് പറഞ്ഞതായി സാമൂഹിക പ്രവര്‍ത്തകന്‍ നസീര്‍ വാടാനപ്പള്ളി അറിയിച്ചു.
ദുബായ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടികള്‍ക്കുശേഷം നാട്ടിലേക്ക് കൊണ്ടുപോകും. മത്സ്യത്തൊഴിലാളിയായ സെബാസ്റ്റ്യന്റെയും ജെനോബിയുടെയും മകനാണ്. റോബിന്‍ സെബാസ്റ്റ്യന്‍, സ്റ്റെഫിന്‍ സെബാസ്റ്റ്യന്‍ എന്നിവര്‍ സഹോദരങ്ങളാണ്

അബുദാബിയില്‍ കാണാതായ മലയാളി യുവാവിനെ ദുബായില്‍ മരിച്ച നിലയില്‍ കണ്ടെത്തി

Gulf

തിരുവനന്തപുരം: ജയസൂര്യക്കെതിരായ പീഡനക്കേസിൽ നടനും സംവിധായകനുമായ ബാലചന്ദ്ര മേനോന്റെ മൊഴിയെടുക്കും. ബാലചന്ദ്ര മേനോൻ സംവിധാനം ചെയ്ത സിനിമയുടെ ലോക്കേഷനിൽ വച്ചാണ് അതിക്രമം നടന്നതെന്നാണ് നടി പരാതി നൽകിയത്. കേസിൽ കന്റോൺമെന്റ് പൊലീസ് നടിയുടെ രഹസ്യമൊഴി രേഖപ്പെടുത്തും.2008ൽ ബലചന്ദ്ര മേനോൻ സംവിധാനം ചെയ്ത സിനിമയു‌ടെ ചിത്രത്തിന്റെ ഒരു ഭാഗം ചിത്രീകരിച്ചത് സെക്രട്ടറിയേറ്റിലായിരുന്നു. ഇവിടെവച്ച് ജയസൂര്യ മോശമായി പെരുമാറി എന്നാണ് നടിയുടെ പരാതി.&nbsp;
സെക്രട്ടറിയേറ്റിലെ സിനിമാ ചിത്രീകരണവുമായി ബന്ധപ്പെട്ട് പ്രവർത്തിച്ച എല്ലാ അണിയറപ്രവർത്തകരുടെയും മൊഴി രേഖപ്പെടുത്തും.ജാമ്യമില്ലാ വകുപ്പ് പ്രകാരമാണ് ജയസൂര്യക്ക് എതിരെ കേസെടുത്തിരിക്കുന്നത്. ലെെംഗികാതിക്രമം, സ്ത്രീത്വത്തെ അപമാനിക്കൽ തുടങ്ങിയ വകുപ്പുകളാണ് ചുമത്തിയിരിക്കുന്നത്.&nbsp;

ജയസൂര്യക്കെതിരായ പീഡനക്കേസ്: ബാലചന്ദ്ര മേനോന്റെ മൊഴിയെടുക്കും

കൊച്ചി: നടിയുടെ ലൈംഗികാരോപണപരാതിയില്‍ നടനും എം.എല്‍.എയുമായ മുകേഷിന് താത്കാലിക ആശ്വാസം. സെപ്റ്റംബര്‍ മൂന്നുവരെ മുകേഷിന്റെ അറസ്റ്റ് ജില്ലാ സെഷന്‍സ് കോടതി തടഞ്ഞു. മുകേഷ് നല്കിയ മുന്‍കൂര്‍ ജാമ്യാപേക്ഷയിലാണ് ഉത്തരവ്. സെപ്റ്റംബര്‍ മൂന്നിന് കോടതി കേസ് വീണ്ടും പരിഗണിക്കും.
നടിയുടെ പരാതിയില്‍ എഫ്.ഐ.ആര്‍. രജിസ്റ്റര്‍ ചെയ്തതിന് തൊട്ടുപിന്നാലെയാണ് മുന്‍കൂര്‍ ജാമ്യഹര്‍ജിയുമായി മുകേഷ് കോടതിയെ സമീപിച്ചത്. തനിക്കെതിരെയുള്ളത് വ്യാജ ആരോപണമാണെന്നും ബ്ലാക്‌മെയില്‍ ചെയ്യാന്‍ പരാതിക്കാരി ശ്രമിച്ചുവെന്നും മുകേഷ് ഹര്‍ജിയില്‍ ആരോപിച്ചു.
ജാമ്യഹര്‍ജിയില്‍ കോടതി പ്രത്യേക അന്വേഷണസംഘത്തിന്റെ വിശദീകരണം തേടി. മൂന്നിന് കേസില്‍ വിശദമായ വാദം കേള്‍ക്കും. തുടര്‍ന്നായിരിക്കും ജാമ്യത്തില്‍ തീര്‍പ്പ് കല്പിക്കുക.നടിയുടെ ലൈംഗിക പീഡന പരാതിയില്‍ മുകേഷിനെതിരെ കൊച്ചി മരട് പോലീസാണ് കേസെടുത്തത്. -

മുകേഷിന് താത്കാലിക ആശ്വാസം ;സെപ്റ്റംബര്‍ മൂന്നുവരെ അറസ്റ്റ് തടഞ്ഞു

ഏറാമല: വയനാട് - ചൂരൽമല - മുണ്ടക്കൈ ഉരുൾപൊട്ടൽ ദുരന്തബാധിതർക്ക് യൂത്ത് കോൺഗ്രസ് നിർമ്മിച്ചു നൽകുന്ന വീടുകൾക്കുള്ള ധനശേഖരണാർത്ഥം ന്യൂസ് പേപ്പർ ചലഞ്ച് ഏറാമലയിൽ തുടങ്ങി. എൻജിഒ അസോസിയേഷൻ വടകര ബ്രാഞ്ച് പ്രസിഡണ്ട് രാമചന്ദ്രൻ കയനാണ്ടിയിൽ ന്യൂസ് പേപ്പർ ചാലഞ്ചിൽ പങ്കാളിയായി. യൂത്ത് കോൺഗ്രസ് ഏറാമല മണ്ഡലം പ്രസിഡണ്ട് റയീസ്, കെ എസ യു ജില്ലാ ജനറൽ സെക്രട്ടറി ദിൽ രാജ് പനോളി, ജുനൈദ് കാർത്തികപ്പള്ളി എന്നിവർ നേതൃത്വം നൽകി.

യൂത്ത് കോൺഗ്രസ് ന്യൂസ് പേപ്പർ ചലഞ്ച് തുടങ്ങി

Vadakara

വടകര: കാഫിര്‍ സ്ക്രീന്‍ഷോട്ട് ആദ്യം പ്രചരിപ്പിച്ച ആറങ്ങോട് എം.എല്‍.പി സ്കൂള്‍ അധ്യാപകന്‍ റിബേഷിനെ സസ്പെന്റ് ചെയ്യണമെന്നാവശ്യപ്പെട്ട് കെ എസ് യു ജില്ലാ ജനറൽ സെക്രട്ടറി ദിൽരാജ് പനോളി ഡി ഡി ഇക്ക് പരാതി നൽകി. വർഗിയ വിഷം ചീറ്റുന്ന ഇത്തരത്തിലുള്ള പോസ്റ്റർ പ്രചരിപ്പിച്ച അധ്യാപകനായ റിബേഷിനെതിരെ കർശ്ശന നടപടി എന്ന നിലയിൽ സർവീസിൽ നിന്ന് സസ്പെൻഡ് ചെയ്യനാവശ്യമായ നടപടികൾ സ്വീകരിക്കണം എന്ന് കെ എസ് യു ആവശ്യപ്പെട്ടു.

റിബേഷിനെ സസ്‌പെന്റ് ചെയ്യണം; ഡിഡിഇക്ക് പരാതി നല്‍കി കെ എസ് യു

വടകര: പ്രമുഖ സോഷ്യലിസ്റ്റും, ആർ ജെ ഡി സംസ്ഥാന വൈസ് പ്രസിഡൻ്റും മുൻ എം എൽ എ യും ആയിരുന്ന അഡ്വ: എം കെ പ്രേംനാഥ് അനുസ്മരണം ആർ ജെ ഡി ജില്ലാ കമ്മറ്റിയുടെ ആഭിമുഖ്യത്തിൽ സപ്ത ബംർ 29 ന് വടകരയിൽ നടക്കും. കാലത്ത് സ്മൃതി മണ്ഡപത്തിൽ പുഷ്പാർച്ചന, തുടർന്ന് സ്മൃതി മണ്ഡപത്തിൽ നിന്ന് അനുസ്മരണ സമ്മേളന നഗരിയായ ടൗൺഹാളിലേക്ക് ലോഹ്യാ യൂത്ത് ബിഗ്രേഡിൻ്റെ നേതൃത്വത്തിൽ ദീപശിഖാ പ്രയാണം, ഫോട്ടോ പ്രദർശനം, സ്മരണിക പ്രകാശനം, അനുസ്മരണ സമ്മേളനം എന്നിവ നടക്കും.&nbsp;
സ്വാഗതസംഘം ഭാരവാഹികളുടെ യോഗത്തിൽ ചെയർമാൻ എം കെ ഭാസ്കരൻ അദ്യക്ഷത വഹിച്ചു. ജന: കൺവീനർ പി പി രാജൻ പ്രവർത്തന റിപ്പോർട്ട് അവതരിപ്പിച്ചു. ഭാരവാഹികളായ എടയത്ത് ശ്രീധരൻ, എം പി ശിവാനന്ദൻ, ഭാസ്കരൻ കൊഴുക്കല്ലൂർ, ജെ എൻ പ്രേം ഭാസിൻ, അഡ്വ: സി വിനോദൻ, ഇ കെ സജിത്ത്കുമാർ, സി പി രാജൻ, എ ടി ശ്രീധരൻ, വി കെ സന്തോഷ്കുമാർ, നാരായണ കിടാവ്, എം പി അജിത, ആയടത്തിൽ രവീന്ദ്രൻ, കെ എം ബാബു എന്നിവർ സംസാരിച്ചു.
&nbsp;

അഡ്വ: എം കെ പ്രേംനാഥ് അനുസ്മരണം സപ്തംബർ 29 ന് വടകരയിൽ

നാദാപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് മുന്നൊരുക്കങ്ങളുടെ ഭാഗമായി കോൺഗ്രസിന്റെ മണ്ഡലം ക്യാമ്പുകൾക്ക് തുടക്കമായി. ജില്ലാതലത്തിലും നിയോജക മണ്ഡലം തലങ്ങളിലും എക്സിക്യൂട്ടീവ് ക്യാമ്പുകൾക്ക് ശേഷമാണ് പഞ്ചായത്ത് തലങ്ങളിലും ക്യാമ്പുകൾ ആരംഭിച്ചത്.
നാദാപുരം മണ്ഡലം കമ്മിറ്റിയുടെ നേതൃത്വത്തിൽ നടന്ന ക്യാമ്പ് എക്സിക്യൂട്ടീവ് എ.ഐ.സി.സി മെമ്പർ ഡോ: എം ഹരി പ്രിയ ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡണ്ട് വി.വി റിനീഷ് അധ്യക്ഷത വഹിച്ചു. ഡി .സി .സി ജനറൽ സെക്രട്ടറി അഡ്വ:പ്രമോദ് കക്കട്ടിൽ ,കാവിൽ പി മാധവൻ, ബ്ലോക്ക് പ്രസിഡന്റ് മോഹനൻ പാറക്കടവ് ,അഡ്വ: എ സജീവൻ, അഡ്വ :കെ . എം രഘുനാഥ്, രവീഷ് വളയം, വി.കെ ബാലാമണി, പുതിയോട്ടിൽ ഷാജി, പി. വി ജയലക്ഷ്മി തുടങ്ങിയവർ സംസാരിച്ചു.

കോൺഗ്രസ് മണ്ഡലം ക്യാമ്പുകൾക്ക് തുടക്കമായി

Nadapuram

നരിപ്പറ്റ: ഗ്രാമപഞ്ചായത്ത് പ്രസിഡണ്ട് ബാബു കാട്ടാളിയുടെ മകളുടെ വിവാഹത്തോടനുബന്ധിച്ച് ഗ്രാമപഞ്ചായത്ത്‌ കുടുംബാരോഗ്യ കേന്ദ്രം പാലിയേറ്റീവ് പരിചരണ വിഭാഗത്തിലേക്ക് ഓക്സിജൻ കോൺസൻട്രേറ്റർ സമർപ്പിച്ചു. നരിപ്പറ്റ ഗ്രാമ പഞ്ചായത്ത്‌ പ്രസിഡന്റിന്റെ മകൾ ഡോ. അനുശ്രീയും വയനാട് കല്പറ്റ ശ്രീതിലകം വീട്ടിൽ അഭിഷേകും തമ്മിലുള്ള വിവാഹ വേദിയായ വധൂഗൃഹത്തിൽ വെച്ച് ഇ.കെ.വിജയൻ എം.എൽ.എയുടെ സാന്നിധ്യത്തിലാണ് മെഡിക്കൽ ഓഫിസർ ഡോ. ഷാരോൺ എം.എസ് ഓക്സിജൻ കോൺസെൻട്രേറ്റർ ഏറ്റുവാങ്ങിയത്.

വിവാഹ സമ്മാനമായി കുടുംബാരോഗ്യ കേന്ദ്രത്തിന് ഓക്സിജൻ കോൺസെൻട്രേറ്റർ

കുറ്റ്യാടി : മാലിന്യമുക്ത നവകേരളം പദ്ധതിയുടെ ഭാഗമായി കുറ്റ്യാടി ഗ്രാമപഞ്ചായത്ത് സുന്ദര കുറ്റ്യാടി ശുചിത്വ കുറ്റ്യാടി എന്ന ക്യാമ്പയിനുമായി ബന്ധപ്പെട്ട് യുവസംഗമം സംഘടിപ്പിച്ചു. ഗ്രാമ പഞ്ചായത്ത് പ്രസിഡണ്ട് ഒ ടി നഫീസ ഉദ്ഘാടനം ചെയ്തു. വൈസ് പ്രസിഡണ്ട് ടി കെ മോഹൻദാസ് അധ്യക്ഷതവഹിച്ചു. കില ഫാക്കൽറ്റി മനോജ് കൊയപ്ര പദ്ധതി വിശദീകരിച്ചു. ആരോഗ്യ വിദ്യാഭ്യാസ സ്റ്റാൻ്റിങ് കമ്മിറ്റി ചെയർപേഴ്സൺ സബിന മോഹൻ , സെക്രട്ടറി ഒ ബാബു, അസി. സെക്രട്ടറി ശശിധരൻ നെല്ലോളി , സി പി ശശി, എ ടി ഗീത , ജുഗുനു തെക്കയിൽ, സി കെ സുമിത്ര, ടി കെ കുട്ട്യാലി , എം പി കരീം എന്നിവർ സംസാരിച്ചു. യൂത്ത് കോ ഓർഡറേറ്റർ പി ടി സനൽകുമാർ നന്ദി പറഞ്ഞു. കാലടി സംസ്കൃത യൂണിവേഴ്സിറ്റിയിൽ നിന്നും ഭരതനാട്യം എം എ യിൽ ഒന്നാം റാങ്ക് നേടിയ നന്ദന ദിനേശനെ ചടങ്ങിൽ അനുമോദിച്ചു.

മാലിന്യമുക്ത നവകേരളം; യുവസംഗമം സംഘടിപ്പിച്ചു

Kuttiadi

മണിയൂർ: കെ.പി.ഷാജി ഗ്രന്ഥാലയം വെട്ടിൽപീടിക ചായക്കട നടത്തി സമാഹരിച്ച തുക മുഖ്യമന്ത്രിയുടെ ദുരിതാശ്വാസ നിധിയിലേക്കും ലൈബ്രറി കൗൺസിൽ നിർമ്മിച്ച് കൊടുക്കുന്ന വീട് നിർമ്മാണ ഫണ്ടിലേക്കും നൽകി. കെ.പി.കുഞ്ഞമ്മദ് കുട്ടി എം എൽ എ തുക ഏറ്റുവാങ്ങി. ചടങ്ങിൽ ഗ്രാമപഞ്ചായത്ത് പ്രസിഡണ്ട് ടി.കെ.അഷറഫ് അധ്യക്ഷത വഹിച്ചു .വി.കെ. കരുണാകരൻ, പി.കെ.സത്യൻ, ഇ.സി.രാഘവൻ, കെ.ടി.കെ. മോളി, എന്നിവർ സംസാരിച്ചു. കെ.കെ.പ്രദീപൻ സ്വാഗതം പറഞ്ഞ ചടങ്ങിന് കെ.നാരായണൻ നന്ദി പറഞ്ഞു.

ചായക്കട നടത്തി മുഖ്യമന്ത്രിയുടെ ദുരിതാശ്വാസ നിധിയിലേക്ക് തുക കൈമാറി

നാദാപുരം : ഓണം സ്പെഷൽ ഡ്രൈവിന്റെ ഭാഗമായുള്ള എക്സൈസ് റെയ്ഡിൽ വാഷ് പിടികൂടി. സംഭവത്തിൽ യുവാവിനെതിരെ കേസെടുത്തു. വാണിമേൽ പച്ചപ്പാലം ചിലമ്പിക്കുന്നേൽ ഷിൻ്റോ എന്നയാൾക്കെതിരെയാണ് നാദാപുരം എക്സൈസ് കേസെടുത്തത്. കരുകുളം സ്വദേശിയുടെ ഉടമസ്ഥാവകാശത്തിനുള്ള റബ്ബർ തോട്ടത്തിൽ നിർമിച്ച ഷെഡിന്റെ വാടക കച്ചീട്ട് ഒരു വർഷത്തേക്ക് ഷിൻ്റോയുടെ പേരിലായിരുന്നു. ഇവിടെയാണ് ചാരായം വാറ്റാനായി 25 ലിറ്റർ വാഷ് സൂക്ഷിച്ചത്. ഇത് അധികൃതർ പിടികൂടുകയായിരുന്നു. പ്രതിയെ പിടികൂടാൻ കഴിഞ്ഞില്ല. വാണിമേൽ, പരപ്പ്റ പാറ, പച്ചപ്പാലം എന്നിവിടങ്ങളിലെ വിവിധ ഇടങ്ങളിൽ അധികൃതർ പരിശോധന നടത്തി.&nbsp;
ഇതിനിടെ ലഭിച്ച രഹസ്യ വിവരത്തിൻ്റെ അടിസ്ഥാനത്തിലാണ് എക്സൈസ് സംഘം റബ്ബർ തോട്ടത്തിൽ പരിശോധന നടത്തിയത്. അസി.എക്സൈസ് ഇൻസ്പെക്ടർ എ.കെ.ശ്രീജിത്ത് ,പ്രിവൻ്റീവ് ഓഫീസർ ഗ്രെയ്ഡ് കെ.സായിദാസ്, സിവിൽ എക്സൈസ് ഓഫീസർമാരായ പി.പി. ശ്രീജേഷ്, എം. അനൂപ് ,പി.എം.സൂര്യ എന്നിവർ പരിശോധനയിൽ പങ്കെടുത്തു. പ്രതിക്ക് വേണ്ടി അന്വേഷണം ഊർജിതമാക്കിയതായി അധികൃതർ പറഞ്ഞു.

വാണിമേലിൽ എക്സൈസ് റെയ്ഡ്; വാഷ് പിടികൂടി, യുവാവിനെതിരെ കേസ്

ചൊക്ലി: ഈസ്റ്റ് പള്ളൂരിലെ കൂലാത്ത് കണ്ടി ബിഷാറയിൽ സിജാസിന്റെയും പുതിയോട്ടിൽ (ചൊക്ലി സി.പി. റോഡ്) സഫ്നയുടെയും മകൻ മുഹമ്മദ് (മൂന്നര) നിര്യാതനായി. സഹോദരരി: സംറ .

ഈസ്റ്റ് പള്ളൂർ കൂലാത്ത് കണ്ടി മുഹമ്മദ് നിര്യാതനായി

Obituary

കൊല്ലം: ലൈം​ഗികാതിക്രമ ആരോപണത്തിൽ കേസെടുത്ത പശ്ചാത്തലത്തിൽ എം.എൽ.എ സ്ഥാനത്തുനിന്ന് മുകേഷ് മാറി നിൽക്കുന്നതാണ് ഉചിതമെന്ന് സി.പി.ഐ. എക്‌സിക്യൂട്ടീവ് യോഗത്തിന്റെ നിലപാട് സി.പി.എം നേതൃത്വത്തെ അറിയിക്കും. വിഷയത്തിൽ പരസ്യ അഭിപ്രായ പ്രകടനം വേണ്ട എന്നായിരുന്നു സിപിഐയുടെ ആദ്യ നിലപാട്. എന്നാൽ ഇതിന് വിപരീതമായി അഭിപ്രായങ്ങൾ മാധ്യമങ്ങളോട് പങ്കുവെക്കുന്ന സാഹചര്യമുണ്ടായി. ഇതിന്റെ പശ്ചാത്തലത്തിലാണ് എക്‌സിക്യൂട്ടീവ് ചേര്‍ന്നത്.
വെള്ളിയാഴ്ച ചേരുന്ന സി.പി.എമ്മിന്റെ പൂർണ സെക്രട്ടേറിയറ്റ് യോഗത്തിൽ ഇക്കാര്യത്തിൽ തീരുമാനം ഉണ്ടായേക്കും.മുകേഷ് രാജി വെക്കേണ്ടതില്ല എന്നാണ് സി.പി.എം അവൈലബിൾ സെക്രട്ടേറിയറ്റ് തീരുമാനിച്ചിരുന്നത്.

മുകേഷ് എം.എൽ.എ  സ്ഥാനത്ത് നിന്ന് മാറി നിൽക്കുന്നതാണ് ഉചിതമെന്ന് സി.പി.ഐ

മലേഷ്യ: മുൻ പഞ്ചായത്ത് പ്രസിഡന്‍റ്​ പരേതനായ എം. അബ്ദുല്ലക്കുട്ടി ഹാജിയുടെ മകൾ സാദിഖ്‌ മൻസിലിൽ അസ്മ (63) മലേഷ്യയിൽ നിര്യാതയായി.
ഭർത്താവ്: അബ്ദുസ്സലാം (ടി.കെ ഹൗസ്), മക്കൾ: അഫ്സൽ,സബീറ,നസ്രിൻ.മരുമക്കൾ:അസ്വിൻ,ഇസ്മാഈൽ, നൂരി യുസ്മ (എല്ലാവരും മലേഷ്യ).സഹോദരങ്ങൾ: സി.എം അഹമ്മദ്, സി.എം ഹാരിസ്, എസ്.എം അബ്ദുറഷീദ്, എസ്.എം സാദിഖ്, എസ്.എം. സാഹിറ, എസ്.എം.കുൽസു, എസ്.എം അബ്ദുല്ലത്തീഫ്, പരേതരായ സി.എം ഹാഷിം, സി.എം ഇസ്മായിൽ.

കൊയിലാണ്ടി സ്വദേശിനി മലേഷ്യയിൽ നിര്യാതയായി

തിരുവനന്തപുരം: സംസ്ഥാനത്ത് വീണ്ടും മഴ കനക്കുന്നു. വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലര്‍ട്ട് പ്രഖ്യാപിച്ചു. വ്യാഴാഴ്ച കോഴിക്കോട്, കണ്ണൂർ, കാസർകോട് ജില്ലകളിലും വെള്ളിയാഴ്ച കോഴിക്കോട്, വയനാട്, കണ്ണൂർ,കാസർകോട് ജില്ലകളിലുമാണ് അലര്‍ട്ട് പ്രഖ്യാപിച്ചത്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കാണ് സാധ്യത. 24 മണിക്കൂറിൽ 115.6 മില്ലിമീറ്റർ മുതൽ 204.4 മില്ലിമീറ്റർ വരെ മഴ ലഭിച്ചേക്കും.
ശക്തമായ മഴക്കുള്ള സാധ്യത പരി​ഗണിച്ച് സെപ്റ്റംബർ രണ്ടു വരെ വിവിധ ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
മഞ്ഞ ജാഗ്രത
<ul>
<li>വ്യാഴം (29/08/2024): പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, വയനാട്</li>
<li>വെള്ളി (30/08/2024):പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം</li>
<li>(ശനി (31/08/2024): മലപ്പുറം, കോഴിക്കോട്, വയനാട്, കണ്ണൂർ, കാസർകോട്</li>
<li>ഞായര്‍ (01/09/2024): മലപ്പുറം, കോഴിക്കോട്, വയനാട്, കണ്ണൂർ, കാസർകോട്</li>
<li>തിങ്കള്‍ (02/09/2024): എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട്</li>
</ul>
ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദ്ദേശാനുസരണം സുരക്ഷിതമായ സ്ഥലങ്ങളിലേക്ക് മാറി താമസിക്കണമെന്നും മഴ ശക്തമാകുന്ന അവസരങ്ങളിൽ അത്യാവശ്യമല്ലാത്ത യാത്രകൾ പൂർണ്ണമായും ഒഴിവാക്കണമെന്നും നിർദേശമുണ്ട്. വെള്ളച്ചാട്ടങ്ങൾ, ജലാശയങ്ങൾ, മലയോര മേഖലകൾ എന്നിവിടങ്ങളിലേക്കുള്ള വിനോദ യാത്രകൾ മഴ മുന്നറിയിപ്പ് മാറുന്നതുവരെ പൂർണ്ണമായി ഒഴിവാക്കണം.

മഴ കനക്കുന്നു ;കോഴിക്കോട്, കണ്ണൂര്‍, കാസര്‍കോട് ജില്ലകളിൽ ഓറഞ്ച് അലര്‍ട്ട്

കൊച്ചി: ലൈംഗികാതിക്രമക്കേസിൽ സന്തോഷ് വർക്കി അടക്കമുള്ള അഞ്ച് പേർക്കെതിരെ പൊലീസ് കേസെടുത്തു. മേക്കപ്പ് ആർട്ടിസ്റ്റായ യുവതി ചേരാനല്ലൂർ പൊലീസിൽ നൽകിയ പരാതിയിലാണ് നടപടി.സന്തോഷ് വർക്കിയെ കൂടാതെ സോഷ്യൽ മീഡിയ താരം അലൻ ജോസ് പെരേര, അഭിലാഷ് അഠ്ടായം, ബ്രൈറ്റ്, ഷോർട്ട് ഫിലിം സംവിധായകൻ വിനീത് എന്നിവരാണ് പ്രതിപ്പട്ടികയിലുള്ളത്.&nbsp;
ഓഗസ്റ്റ് പതിമൂന്നിനാണ് യുവതി പരാതി നൽകിയത്. യുവതിയുടെ രഹസ്യമൊഴി രേഖപ്പെടുത്തിയിട്ടുണ്ട്.ഏപിൽ പന്ത്രണ്ടിനാണ് സംഭവം നടന്നത്. വിനീതും പരാതിക്കാരിയും സൗഹൃദത്തിലായിരുന്നു. സൗത്ത് ചിറ്റൂരിലാണ് യുവതി വാടകയ്ക്ക് താമസിക്കുന്നത്. സിനിമയുമായി ബന്ധപ്പെട്ട കാര്യങ്ങൾ വിശദീകരിക്കാനെന്ന് പറഞ്ഞ് പ്രതികൾ വാടക വീട്ടിലെത്തുകയും ഒന്നാം പ്രതി കെട്ടിയിട്ട് പീഡിപ്പിക്കുകയും ചെയ്‌തെന്നാണ് പരാതിയിലുള്ളത്

വീട്ടിലെത്തി കെട്ടിയിട്ട് പീഡിപ്പിച്ചു; 'ആറാട്ടണ്ണൻ' ഉൾപ്പെടെ 5 പേർക്കെതിരേ കേസ്

യുവതിയെ വീട്ടിലെത്തി കെട്ടിയിട്ട് പീഡിപ്പിച്ചു; 'ആറാട്ടണ്ണൻ' ഉൾപ്പെടെ 5 പേർക്കെതിരേ കേസ്

തിരുവനന്തപുരം: നടനും മുന്‍ അമ്മ ജനറല്‍ സെക്രട്ടറിയുമായ സിദ്ദിഖിനെതിരായ ലൈംഗികാതിക്രമ കേസില്‍ കുരുക്ക് മുറുകുന്നു.പരാതിക്കാരി പറയുന്നതുപോലെ സിദ്ദിഖ് തിരുവനന്തപുരത്തെ മസ്‌കറ്റ് ഹോട്ടലില്‍ ഉണ്ടായിരുന്നുവെന്നതിന്റെ രേഖകള്‍ അന്വേഷണ സംഘത്തിന് ലഭിച്ചു. പരാതിയില്‍ പറയുന്ന ദിവസങ്ങളില്‍ സിദ്ദിഖും നടിയും മസ്‌കറ്റ് ഹോട്ടലില്‍ ഉണ്ടായിരുന്നുവെന്ന രേഖകളാണ് ലഭിച്ചത്.
പരാതിയില്‍ പറയുന്ന പ്രിവ്യു ഷോയ്ക്കും ഇരുവരുമുണ്ടായിരുന്നു. 2016-ലാണ് ഹോട്ടലില്‍ വെച്ച് തന്നെ പീഡിപ്പിച്ചത് എന്നാണ് നടിയുടെ പരാതിയില്‍ പറയുന്നത്. ഹോട്ടലിലെ പരിശോധന പൂര്‍ത്തിയായിട്ടുണ്ട്.കന്റോണ്‍മെന്റ് എ.സിയുടെ നേതൃത്വത്തിലുള്ള പോലീസ് സംഘമാണ് വിവരങ്ങള്‍ ശേഖരിച്ചത്. രജിസ്റ്ററും കംപ്യൂട്ടറിലെ വിവരങ്ങളും കണ്ടെടുത്തു. ഹോട്ടലിലെ ഗസ്റ്റ് രജിസ്റ്ററില്‍ പേര് ചെര്‍ത്തിരുന്നുവെന്ന് നടി മൊഴിയില്‍ പറയുന്നു.&nbsp;

സിദ്ദിഖും നടിയും ഒരേ ഹോട്ടലിൽ ഉണ്ടായിരുന്നു ;നടന് കുരുക്കായി സാഹചര്യ തെളിവുകൾ

തിരുവനന്തപുരം: നടിയുടെ ലൈംഗികാരോപണ വെളിപ്പെടുത്തലിന്റെ പശ്ചാത്തലത്തില്‍ എം. മുകേഷ് എം.എല്‍.എ. സ്ഥാനം രാജിവെക്കില്ല. നിലവില്‍ രാജി വേണ്ടെന്നാണ് സി.പി.എം. അവെയ്‌ലബിള്‍ സെക്രട്ടേറിയറ്റ് യോഗത്തിന്റെ തീരുമാനം. അതേസമയം സിനിമാ നയ രൂപവത്കരണ സമിതി പുനഃസംഘടിപ്പിക്കുമ്പോള്‍ മുകേഷിനെ ഒഴിവാക്കും.
വിഷയത്തില്‍ പരസ്യ പ്രതികരണത്തിന് മുകേഷ് ഇതുവരെ തയ്യാറായിട്ടില്ല. എന്നിരുന്നാലും കേസുമായി മുന്നോട്ടു പോകാനാണ് മുകേഷിനോട് പാര്‍ട്ടി നിര്‍ദേശിച്ചിരിക്കുന്നത്. ഇത് ബ്ലാക്ക് മെയിലിങ്ങുമായി ബന്ധപ്പെട്ട കേസ് ആണെന്നാണ് മുകേഷ് പാര്‍ട്ടിക്ക് നല്‍കിയിരിക്കുന്ന വിശദീകരണം. തനിക്ക് അനുകൂലമായ തെളിവുകള്‍ കൈവശമുണ്ടെന്നും അതെല്ലാം കോടതിയില്‍ ഹാജരാക്കേണ്ടതുണ്ടെന്നും മുകേഷ് അറിയിച്ചിരുന്നു.വെള്ളിയാഴ്ച സി.പി.എമ്മിന്റെ സംസ്ഥാന സെക്രട്ടേറിയേറ്റ് യോഗം ചേരുന്നുണ്ട്. ശനിയാഴ്ച സംസ്ഥാന കമ്മിറ്റിയുമുണ്ട്. ഈ യോഗത്തിലായിരിക്കും വിഷയത്തില്‍ അന്തിമ തീരുമാനം&nbsp;

'പാർട്ടി കൂടെയുണ്ട് ' ;മുകേഷ് തത്കാലം രാജിവെക്കേണ്ടെന്ന് സി.പി.എം.

'പാർട്ടി കൂടെയുണ്ട് ' ;മുകേഷ് തത്കാലം രാജിവെക്കേണ്ടെന്ന് സി.പി.എം

മലപ്പുറം: വിവാഹത്തിന് തൊട്ടുമുമ്പ് നവ വരൻ ജീവനൊടുക്കിയ സംഭവത്തിൽ പൊലീസ് അന്വേഷണം. ഇന്നലെയാണ് വിവാഹ ചടങ്ങുകൾക്ക് തൊട്ടുമുമ്പ് കരിപ്പൂരിൽ കമ്മിണിപ്പറമ്പ് സ്വദേശി ജിബിൻ ആത്മഹത്യ ചെയ്തത്. രാവിലെ വീട്ടിലെ ശുചി മുറിയിലാണ് കൈ ഞെരമ്പ് മുറിച്ച് മരിച്ച നിലയിൽ ജിബിനെ കണ്ടെത്തിയത്. ജിബിന്‍റെ ഫോണിലെ കോളുകൾ അടക്കം പൊലീസ് പരിശോധിച്ചുവരികയാണ്. സംഭവത്തിൽ കരിപ്പൂര്‍ പൊലീസ് അസ്വഭാവിക മരണത്തിന് കേസ് എടുത്ത് അന്വേഷണം തുടങ്ങി.
ഇന്നലെ രാവിലെ 9.45നും 10.45നും ഇടയിലുള്ള മുഹൂർത്തത്തിലായിരുന്നു ജിബിനും കോഴിക്കോട് ചെറുവണ്ണൂർ സ്വദേശിനിയും തമ്മിലും വിവാഹം നിശ്ചയിച്ചിരുന്നത്. രാവിലെ കല്യാണത്തിന് ഒരുങ്ങാൻ തയ്യാറെടുത്ത ജിബിൻ ശുചിമുറിയില്‍ നിന്ന് ഏറെ നേരമായിട്ടും പുറത്ത് വന്നില്ല. തുടർന്ന് വാതിൽ പൊളിച്ച് അകത്തു കടന്നപ്പോഴാണ് ജിബിനെ മരിച്ച നിലയിൽ കണ്ടെത്തിയത്. കൈ ഞരമ്പ് മുറിച്ചായിരുന്നു ആത്മഹത്യ. കഴുത്തിൽ കയറിട്ടു കുരുക്കിയിട്ടുമുണ്ടായിരുന്നു.
വിദേശത്തായിരുന്ന ജിബിൻ ഒരാഴ്ച മുൻപാണ് വിവാഹത്തിനായി നാട്ടിൽ വന്നത്. ജിബിന്റെ പെരുമാറ്റത്തിൽ യാതൊരു അസ്വഭാവികതയും വീട്ടുകാർക്കോ ബന്ധുക്കൾക്കോ കൂട്ടുകാർക്കോ തോന്നിയില്ല. വിവാഹ ദിവസം രാവിലെയും ]സന്തോഷവാനായിരുന്നു. ആത്മഹത്യയുടെ കാരണം എന്തെന്ന് അടുത്ത സുഹൃത്തുക്കള്‍ക്കടക്കം ആർക്കും അറിയില്ല.

ജിബിൻ വിദേശത്ത് നിന്നെത്തിയിട്ട് ഒരാഴ്ച്ച, ജീവനൊടുക്കിയത് വിവാഹത്തിന് തൊട്ടുമുമ്പ് ;പൊലീസ് അന്വേഷണം

തിരുവനന്തപുരം: ബലാത്സംഗ കേസിൽ പ്രതികളായ കോൺഗ്രസ് എം.എൽ.എമാർ രാജിവെച്ചാൽ മുകേഷും പദവിയൊഴിയുമെന്ന് എൽ.ഡി.എഫ് കൺവീനർ ഇ.പി ജയരാജൻ. ബലാത്സംഗ കേസിൽ പ്രതികളായ എം.വിൻസെന്റും എൽദോസ് കുന്നപ്പിള്ളിയും രാജിവെച്ചാൽ സ്വാഭാവികമായി മൂന്നാമനായ മുകേഷും പദവിയൊഴിയുമെന്നും അദ്ദേഹം പറഞ്ഞു.
ചരിത്രത്തിൽ ആദ്യമായാണ് സിനിമ മേഖലയിലെ സ്ത്രീകളുടെ പ്രശ്നങ്ങൾ പഠിക്കുന്നതിനായി ഒരു കമ്മിറ്റി നിലവിൽ വരുന്നതെന്നും ഇ.പി ജയരാജൻ ചൂണ്ടിക്കാട്ടി.മുകേഷിന്റെ രാജി ആവശ്യം സി.പി.ഐ ഉൾപ്പടെ ഉന്നയിക്കുമ്പോഴാണ് നിലപാട് വ്യക്തമാക്കി എൽ.ഡി.എഫ് കൺവീനർ രംഗത്തെത്തുന്നത്. എല്ലാ എം.എൽ.എമാർക്കും ഒരേ നിയമമാണ് ഉള്ളത്. ഹേമ കമ്മിറ്റി റിപ്പോർട്ടിൽ സംസ്ഥാന സർക്കാർ കർശനമായ നടപടി സ്വീകരിക്കുമെന്നും ഇ.പിജയരാജൻ കൂട്ടിച്ചേർത്തു.

ബലാത്സംഗ കേസിൽ പ്രതികളായ കോൺഗ്രസ് എം.എൽ.എമാർ രാജിവെച്ചാൽ മുകേഷും പദവിയൊഴിയുമെന്ന് ഇ.പി ജയരാജൻ

സൗദി അറേബ്യ: റിയാദില്‍ കൊല്ലം സ്വദേശിയായ യുവാവിനെയും ഭാര്യയെയും മരിച്ച നിലയില്‍ കണ്ടെത്തി. തൃക്കരുവ നടുവിലച്ചേരി മംഗലത്തുവീട്ടില്‍ അനൂപ് മോഹന്‍, ഭാര്യ രമ്യമോള്‍(28) എന്നിവരാണ് മരിച്ചത്. ഭാര്യയെ കൊലപ്പെടുത്തി അനൂപ് ആത്മഹത്യചെയ്‌തെന്നാണ് സൂചന. ദമ്പതിമാര്‍ക്കൊപ്പമുണ്ടായിരുന്ന അഞ്ചുവയസ്സുള്ള മകള്‍ ആരാധ്യ രക്ഷപ്പെട്ടതായും കുട്ടി നിലവില്‍ ഇന്ത്യന്‍ എംബസിയിലാണെന്നും നാട്ടില്‍ വിവരം ലഭിച്ചിട്ടുണ്ട്.
രണ്ടുദിവസം മുന്‍പാണ് അനൂപ് ഭാര്യയെ കൊലപ്പെടുത്തിയതെന്നാണ് പ്രാഥമികവിവരം. തുടര്‍ന്ന് മകള്‍ക്കൊപ്പം താമസിച്ചുവരികയായിരുന്നു. എന്നാല്‍, അമ്മയെ കൊലപ്പെടുത്തിയ വിവരം മകള്‍ അയല്‍വാസികളെ അറിയിച്ചതോടെ അനൂപും ജീവനൊടുക്കിയെന്നാണ് നിലവില്‍ ലഭിച്ചവിവരം.
തൃക്കരുവ സ്വദേശിയായ അനൂപ് മോഹന്‍ വര്‍ഷങ്ങളായി റിയാദില്‍ പെയിന്റിങ് വര്‍ക്ക്‌ഷോപ്പ് നടത്തിവരികയാണ്‌. അഞ്ചുമാസം മുന്‍പാണ് ഭാര്യയെയും വിദേശത്തേക്ക് കൊണ്ടുപോയത്.&nbsp;

സൗദിയിൽ മലയാളി യുവാവും ഭാര്യയും മരിച്ചനിലയിൽ;അഞ്ചുവയസ്സുള്ള മകള്‍ സുരക്ഷിത

ധാക്ക: മാധ്യമപ്രവര്‍ത്തകയുടെ മൃതദേഹം തടാകത്തില്‍ നിന്ന് കണ്ടെത്തി. ബംഗ്ലാദേശിലെ ഗാസി ടി.വിയുടെ ന്യൂസ് റൂം എഡിറ്റര്‍ സാറ റഹനുമ (32) ആണ് മരിച്ചത്. മരിച്ചത്‌പോലെ ജീവിക്കുന്നതിലും നല്ലത് മരണമാണെന്ന ഫേസ്ബുക്ക് പോസ്റ്റിന് പിന്നാലെയാണ് സാറയെ മരിച്ച നിലയില്‍ കണ്ടെത്തിയത്. ഹതിര്‍ജീല്‍ തടാകത്തിലാണ് സാറയുടെ മൃതദേഹം കണ്ടെത്തിയത്.&nbsp;
സാഗര്‍ എന്ന വ്യക്തിയാണ് തടാകത്തില്‍ നിന്ന് കരയിലേക്ക് എത്തിച്ച് സാറയെ ആശുപത്രിയില്‍ കൊണ്ടുപോയത്.എന്നാല്‍ ധാക്ക മെഡിക്കല്‍ കോളേജിലേക്ക് എത്തിക്കുമ്പോഴേക്കും മരണം സംഭവിച്ചിരുന്നു. ആശുപതിയില്‍ എത്തിക്കുമ്പോള്‍ സാറയ്ക്ക് ജീവനുണ്ടായിരുന്നില്ലെന്ന് ഡാക്ക മെഡിക്കല്‍ കോളേജ് ആശുപത്രിയിലെ ഇന്‍സ്‌പെക്ടര്‍ ബച്ചു മിയ പ്രതികരിച്ചു. മരണത്തിന് മുമ്പ് സാറ രണ്ട് സ്റ്റാറ്റസുകള്‍ ഫേസ്ബുക്കില്‍ ഇട്ടിരുന്നു. മരിച്ചതിന് തുല്യമായി ജീവിക്കുന്നതിനേക്കാള്‍ നല്ലത് മരണമാണെന്നായിരുന്നു സ്റ്റാറ്റസുകളിലൊന്ന്. സുഹൃത്തായ ഫഹീം ഫയസാലിനെ ടാഗ് ചെയ്തായിരുന്നു മറ്റൊരു പോസ്റ്റ്.ഇത്രയും നല്ലൊരു സുഹൃത്തിനെ ലഭിച്ചതില്‍ താന്‍ സന്തോഷവതിയാണെന്നും ദൈവം അനുഗ്രഹിക്കട്ടെയെന്നും ഫഹീമിനെ ടാഗ് ചെയ്തുള്ള സാറയുടെ ഫേസ്ബുക്ക് പോസ്റ്റില്‍ കുറിച്ചിരുന്നു. ഒരുമിച്ച് ഒരുപാട് കാര്യങ്ങള്‍ ചെയ്ത് തീര്‍ക്കാന്‍ തീരുമാനിച്ചിരുന്നുവെങ്കിലും അതിന് സാധിക്കാത്തതില്‍ ഫഹീമിനോട് ക്ഷമ ചോദിക്കുന്നുവെന്നും ഒരു പോസ്റ്റില്‍ വ്യക്തമാക്കിയിരുന്നു.&nbsp;

മാധ്യമപ്രവര്‍ത്തകയുടെ മൃതദേഹം തടാകത്തില്‍ ; മരിച്ചത്‌പോലെ ജീവിക്കുന്നതിലും നല്ലത് മരണമാണെന്ന്  ഫേസ്ബുക്ക് പോസ്റ്റ്

National

തിരുവനന്തപുരം :ഗിറ്റാറിസ്റ്റ് തിരുവനന്തപുരം മണികണ്‌ഠേശ്വരം, സി 5, പുത്തൂർ ഹൗസിൽ ജോസ് തോമസ് പുത്തൂർ(54) വിമാനയാത്രയ്‌ക്കിടെയുണ്ടായ ഹൃദയാഘാതത്തെത്തുടർന്ന് അന്തരിച്ചു.
ദക്ഷിണാഫ്രിക്കയിൽനിന്ന് തിരുവനന്തപുരത്തേക്കു വരികയായിരുന്നു അദ്ദേഹം. ബെംഗളൂരു വിമാനത്താവളത്തിൽവെച്ച് അസ്വസ്ഥതയുണ്ടായതിനെത്തുടർന്ന് ചികിത്സ ലഭ്യമാക്കിയിരുന്നു. ബെംഗളൂരുവിൽനിന്ന് തിരുവനന്തപുരത്തേക്ക്‌ എയർ ഇന്ത്യ വിമാനത്തിൽ യാത്ര തുടർന്ന അദ്ദേഹം ബുധനാഴ്ച വൈകീട്ട് യാത്രയ്ക്കിടെ കുഴഞ്ഞുവീഴുകയായിരുന്നു.
ഒപ്പമുണ്ടായിരുന്ന മകൻ അമൽ ജോസ് വിമാനജീവനക്കാരെ വിവരമറിയിച്ചു. തിരുവനന്തപുരം വിമാനത്താവളത്തിൽ ഡോക്ടർ അടിയന്തരചികിത്സ നൽകിയശേഷം ആംബുലൻസിൽ ചാക്കയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.കെ.ജെ.യേശുദാസ്, കെ.എസ്.ചിത്ര, എം.ജി.ശ്രീകുമാർ തുടങ്ങിയ ഗായകരുടെ പരിപാടികളിലും നിരവധി സിനിമകളിലും സംഗീതസംവിധായകർക്കായി പിന്നണിയിൽ ജോസ് തോമസ് ഉണ്ടായിരുന്നു. ടെലിവിഷൻ ചാനലുകളിലെ സംഗീതപരിപാടികളിൽ സ്ഥിരസാന്നിധ്യമായിരുന്നു.നാദബ്രഹ്മം സംഗീത ഗ്രൂപ്പിലും മക്കൾക്കൊപ്പം ചേർന്ന് ജാമർ എന്ന ബാൻഡിലും അദ്ദേഹമുണ്ടായിരുന്നു. ഭക്തിഗാന ആൽബങ്ങൾ ഒരുക്കിയിട്ടുണ്ട്.പാലാ പൂഞ്ഞാർ ചേന്നാട് പരേതനായ തോമസിന്റെയും മേരി തോമസിന്റെയും മകനാണ്.ഭാര്യ: മിനി ജോസ്. മക്കൾ: അമൽ(കീബോർഡിസ്റ്റ്), എമിൽ(ഗിറ്റാറിസ്റ്റ്). സംസ്‌കാരം പിന്നീട്.

വിമാനയാത്രയ്ക്കിടെ ഹൃദയാഘാതം: ഗിറ്റാറിസ്റ്റ് ജോസ് തോമസ് അന്തരിച്ചു

കൊച്ചി: ലൈംഗികാതിക്രമ പരാതിയിൽ മുകേഷിനെതിരെ ജാമ്യമില്ല വകുപ്പ് പ്രകാരം കേസെടുത്തതിന് പിന്നാലെ മുകേഷ് എം.എൽ.എ സ്ഥാനം രാജിവെക്കണമെന്ന് സി.പി.ഐ നേതാവ് ആനിരാജ. ഒരു നിമിഷം പോലും ആ സ്ഥാനത്ത് തുടരാൻ മുകേഷിന് അർഹതയില്ലെന്നും ആനി രാജ ചൂണ്ടിക്കാട്ടി.
പീഡന പരാതി വന്നത് മുതൽ മുകേഷ് മാറിനിൽക്കണമെന്ന് ആവശ്യപ്പെട്ടതാണ്. കേസെടുത്തപ്പോൾ സ്ഥാനത്ത് തുടരണോ വേണ്ടയോ എന്ന കാര്യത്തിൽ മുകേഷിന് ഇപ്പോൾ ബോധ്യം വന്നുകാണും. സ്വയം മാറിയില്ലെങ്കിൽ സർക്കാർ ഇടപ്പെട്ട് മാറ്റണമെന്നും ആനി രാജ വ്യക്തമാക്കി.ഇത്തരം കേസുകളിൽ കോൺഗ്രസ് എം.എൽ.എമാർ രാജിവെക്കാത്തത് കൊണ്ട് നമ്മളും രാജിവെക്കേണ്ടിതില്ലെന്നത് ബാലിശമാണ്. അതെല്ലാം വ്യക്തിഗതവാദങ്ങളാണ്. ഒരു കുറ്റകൃത്യത്തെ മറ്റൊന്ന് കൊണ്ട് മറയ്ക്കാനാവില്ല. കുറ്റകൃത്യങ്ങള്‍ ചെയ്യുന്നവരെ സംരക്ഷിക്കുന്നവരല്ല കേരളത്തിലെ സര്‍ക്കാര്‍. സർക്കാർ കൃത്യമായി നടപടിയെടുക്കുമെന്ന കാര്യത്തിൽ സംശയമില്ലെന്നും ആനി രാജ വ്യക്തമാക്കി.

മുകേഷ് ഒരുനിമിഷം പോലും എം.എൽ.എ സ്ഥാനത്ത് തുടരരുത്; ആനിരാജ

തിരുവനന്തപുരം: കേരളത്തിൽ വീണ്ടും മഴ കനക്കാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. സൗരാഷ്ട്ര കച്ച് മേഖലക്ക് മുകളിൽ സ്ഥിതി ചെയ്യുന്ന അതിതീവ്ര ന്യൂനമർദ്ദം ഇന്ന് അറബിക്കടലിൽ എത്തിച്ചേരുന്നതടക്കമുള്ള സാഹചര്യങ്ങളാണ് കേരളത്തിലെ മഴ സാഹചര്യം ശക്തമാക്കുന്നത്.&nbsp;
ഇന്നടക്കം അടുത്ത അഞ്ച് ദിവസം വ്യാപകമായി മിതമായ/ഇടത്തരം മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.ഒറ്റപ്പെട്ട സ്ഥലങ്ങളിൽ ഓഗസ്റ്റ് 30ന് അതിശക്തമായ മഴയ്ക്കും സെപ്റ്റംബർ ഒന്ന് വരെ ശക്തമായ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ട്.
ജാഗ്രതാ നിർദ്ദേശങ്ങൾ
ഇടിമിന്നൽ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകൾക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങൾക്കും വലിയ നാശനഷ്ടം സൃഷ്ടിക്കുന്നുണ്ട്. ആയതിനാൽ പൊതുജനങ്ങൾ താഴെപ്പറയുന്ന മുൻകരുതൽ കാർമേഘം കണ്ട് തുടങ്ങുന്ന സമയം മുതൽ തന്നെ സ്വീകരിക്കേണ്ടതാണ്. ഇടിമിന്നൽ എപ്പോഴും ദൃശ്യമാകണമെന്നില്ലാത്തതിനാൽ ഇത്തരം മുൻകരുതൽ സ്വീകരിക്കുന്നതില്‍ നിന്നും വിട്ടുനിൽക്കരുത്

അതിതീവ്ര ന്യൂനമർദ്ദം ;സംസ്ഥാനത്ത് വീണ്ടും മഴ കനക്കാൻ സാധ്യത

തിരുവനന്തപുരം: നടനും എംൽഎയുമായ എം. മുകേഷ് സ്ഥാനമൊഴിയാൻ തയ്യാറാകണമെന്ന് കെ.കെ. രമ എം.എൽ.എ . വലിയ പ്രതിസന്ധിയിലൂടെയാണ് സി.പി.എം. കടന്നുപോകുന്നത്.ഗുരുതരമായ ആരോപണങ്ങളാണ് മുകേഷിനെതിരേ ഉയർന്നുവരുന്നത്. നേരത്തെ, ഈ വിഷയത്തിൽ കേസ് എടുക്കേണ്ടതായിരുന്നു. അദ്ദേഹത്തിന്റെ രാജി സി.പി.എം. ചോദിച്ചു വാങ്ങണം. ധാർമികമായി ഒരു നിമിഷം പോലും എം.എൽ.എ. സ്ഥാനത്ത് തുടരാൻ മുകേഷിന് അർഹതയില്ല. ആവശ്യമെങ്കിൽ, സ്പീക്കറുടെ അനുവാദത്തോടെ അറസ്റ്റ് ചെയ്ത് ചോദ്യം ചെയ്യുകയും വേണം.
സമഗ്ര സിനിമാനയത്തിന്റെ കരട് തയ്യാറാക്കാന്‍ സര്‍ക്കാര്‍ രൂപവത്കരിച്ച പത്തംഗസമിതിയിലെ അം​ഗമാണ് മുകേഷ്. ഇദ്ദേഹത്തെ വച്ചാണ് സർക്കാർ നയമുണ്ടാക്കുന്നത്. സ്വന്തം ഭാര്യയെ പോലും ശാരീരികവും മാനസികവുമായി തകർത്ത വ്യക്തി. ഈ സമിതിയിൽ നിന്നും മുകേഷിനെ പുറത്താക്കണം. സ്ത്രീകൾ തലപ്പത്തുള്ള നയരൂപീകരണ സമിതിയുണ്ടാക്കേണ്ടതുണ്ട്.
'സ്ത്രീപക്ഷ സർക്കാരായിരുന്നു കേരളത്തിലേതെങ്കിൽ ഇത്തരം ആരോപണങ്ങൾ ഉയർന്ന സാഹചര്യത്തിൽ തന്നെ പ്രതിഷേധത്തിന് കാത്ത് നിൽക്കാതെ ആരോപണവിധേയരെ സ്ഥാനത്ത് നിന്നും നീക്കേണ്ടതായിരുന്നു. ഈ വിഷയം സർക്കാരിന് മുന്നിലെത്തിയിട്ട് നാലര വർഷമായി. ഇത്രയും കാലം ഇത് പൂഴ്ത്തിവെച്ചവരാണ് ഇപ്പോൾ ഇരകളുടെ ഒപ്പമാണെന്ന് പറയുന്നത്. ഒരു പേജെങ്കിലും മറിച്ചു നോക്കിയിട്ടുണ്ടോയെന്ന്‌ എന്ന് നമുക്കറിയില്ല. ഇനി നോക്കിയെങ്കിൽ ഇത്രയും കാലം അവർ മിണ്ടിയില്ല', കെ.കെ. രമ പറഞ്ഞു.

സ്വന്തം ഭാര്യയെ പോലും ശാരീരികവും മാനസികവുമായി തകർത്ത വ്യക്തി ; മുകേഷിന് എം.എൽ.എ. സ്ഥാനത്ത് തുടരാൻ അർഹതയില്ലെന്ന് കെ.കെ. രമ

തിരുവനന്തപുരം: നടിയുടെ പരാതിയിൽ കേസെടുത്തതിന് പിന്നാലെ നടനും എംഎൽഎയുമായ മുകേഷിന്റെ തിരുവനന്തപുരത്തെ വീടിന് പൊലീസ് കാവൽ ഏർപ്പെടുത്തി. മെഡിക്കൽ കോളേജ് പൊലീസിന്റെ നേതൃത്വത്തിലാണ് സുരക്ഷ ഒരുക്കിയത്. രണ്ട് വാഹനങ്ങളിലാണ് പൊലീസ് സ്ഥലത്തെത്തിയിരിക്കുന്നത്. വീടിന് മുന്നിൽ മുകേഷിന്റെ വാഹനം ഉണ്ടെങ്കിലും എംഎൽഎ വീട്ടിലുണ്ടോയെന്ന് വ്യക്തമല്ല
.പ്രതികരണത്തിനായി മാധ്യമങ്ങൾ എത്തിയെങ്കിലും മുകേഷിന്റെതായി പ്രതികരണമൊന്നും ഇതുവരെ വന്നിട്ടില്ല. നിലവിൽ എംഎൽഎ കൊല്ലത്തില്ലെന്നാണ് വിവരം. നിലവിൽ പ്രതിപക്ഷത്തിന്റെ പ്രതിഷേധം രൂക്ഷമാണ്. മുകേഷ് രാജിവയ്ക്കണമെന്നാണ് ആവശ്യം. മുകേഷിന്റെ പട്ടത്താനത്തെ വീട്ടിലേക്കും ഓഫീസിലേക്കും മാർച്ചുകൾ നടക്കുന്നുണ്ട്.കൊച്ചിയിലെ നടി നൽകിയ ലെെംഗിക പീഡന പരാതിയിലാണ് മുകേഷിനെതിരെ കേസെടുത്തത്. ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത്.&nbsp;

മുകേഷിന്റെ തിരുവനന്തപുരത്തെ വീടിന് പൊലീസ് കാവൽ ഏർപ്പെടുത്തി

കൊച്ചി: നടിയുടെ പരാതിയിൽ നടന്മാരായ ഇടവേള ബാബു, മണിയൻപിള്ള രാജു എന്നിവർക്കെതിരെ പൊലീസ് കേസെടുത്തു. ഇടവേള ബാബുവിനെതിരെ എറണാകുളം നോർത്ത് പൊലീസാണ് കേസെടുത്തത്. ആലുവ സ്വദേശിനിയായ നടിയുടെ മൊഴി പ്രകാരമാണ് കേസ്. ജാമ്യമില്ല വകുപ്പ് ചുമത്തിയാണ് കേസെടുത്തിരിക്കുന്നത്.&nbsp;
അമ്മയിൽ അംഗത്വം നൽകാമെന്ന് പറഞ്ഞ് ഇടവേള ബാബു പീഡിപ്പിച്ചുവെന്നാണ് നടി പരാതിയിൽ പറയുന്നത്.ഫോർട്ട് കൊച്ചി പൊലീസാണ് നടൻ മണിയൻപിള്ള രാജുവിനെതിരെ കേസ് രജിസ്റ്റർ ചെയ്തിരിക്കുന്നത്. ബലാത്സംഗ വകുപ്പ് ചുമത്തിയാണ് നടനെതിരെയും കേസ് രജിസ്റ്റർ ചെയ്തിരിക്കുന്നത്. .

ലെെംഗികപീഡന പരാതി; ഇടവേള  ബാബുവിനും മണിയൻപിള്ള രാജുവിനുമെതിരെ കേസ്  രജിസ്റ്റർ ചെയ്തു

കൊച്ചി: ഹേമ കമ്മിറ്റി റിപ്പോർട്ട് പുറത്ത് വന്നതിന് പിന്നാലെ നടി ഉയർത്തിയ ആരോപണത്തെ തുടർന്ന് കോൺഗ്രസ് അഭിഭാഷക സംഘടന സംസ്ഥാന പ്രസിഡന്റ് വി.എസ് ചന്ദ്രശേഖരൻ പദവികൾ രാജിവെച്ചു. കെ.പി.സി.സി നിയമസഹായ സെല്ലിന്റെ ചെയർമാൻ സ്ഥാനവും രാജിവെച്ചിട്ടുണ്ട്. ചന്ദ്രശേഖരൻ ചതിയിൽപ്പെടുത്തിയെന്ന് നടി വെളിപ്പെടുത്തിയിരുന്നു. ഇതിന് പിന്നാലെയാണ് രാജി.
സമീപകാല വിവാദങ്ങളുടെ പശ്ചാത്തലത്തിൽ ധാർമിക ഉത്തരവാദിത്തം ഏറ്റെടുത്ത് അഡ്വ. വി.എസ് ചന്ദ്രശേഖരൻ കെ.പി.സി.സി നിയമസഹായ സെല്ലിന്റെ ചെയർമാൻ സ്ഥാനവും ലോയേഴ്‌സ് കോൺഗ്രസ് സംസ്ഥാന അധ്യക്ഷ പദവിയും രാജിവെച്ചുവെന്നാണ് അറിയിച്ചിരിക്കുന്നത്. രാജിക്കത്ത് കെ.പി.സി.സി പ്രസിഡന്റ് കെ.സുധാകരന് കൈമാറിയിട്ടുണ്ട്.ബോൾ​ഗാട്ടിയിൽ ലൊക്കേഷൻ കാണാമെന്ന് പറഞ്ഞാണ് ചന്ദ്രശേഖരൻ തന്നെ കൊണ്ടുപോയതെന്ന് നടി വെളിപ്പെടുത്തിയിരുന്നു. എന്നാൽ മറ്റൊരാളുടെ അടുത്തേക്കാണ് തന്നെ എത്തിച്ചതെന്നും അയാളുടെ അടുത്ത് തന്നെ എത്തിച്ച ശേഷം ചന്ദ്രശേഖരൻ അവിടെ നിന്ന് പോയി എന്നും അവർ പറഞ്ഞിരുന്നു.

നടിയുടെ ആരോപണം: കോൺഗ്രസ് നേതാവ് വി.എസ് ചന്ദ്രശേഖരൻ പദവികൾ രാജിവെച്ചു

തിരുവനന്തപുരം:ഹോട്ടലിൽനിന്നു വാങ്ങിയ പൊരിച്ച കോഴിയിറച്ചി കഴിച്ച ഒരു കുടുംബത്തിലെ അഞ്ചുപേരെ ഛർദിയും വയറിളക്കവുമായി നെയ്യാറ്റിൻകര ജില്ലാ ആശുപത്രിയിൽ പ്രവേശിപ്പിച്ചു. കാട്ടാക്കട കഞ്ചിയൂർക്കോണം വാനറത്തല വീട്ടിൽ അനി, ഭാര്യ അജിത, അനിയുടെ സഹോദരി ശാലിനി, ശാലിനിയുടെ മക്കളായ ശാലു, വർഷ എന്നിവരാണ് ചികിത്സയിലുള്ളത്.
കാട്ടാക്കടയിലെ ഹോട്ടലിൽ നിന്നു വാങ്ങിയ ഇറച്ചി കഴിച്ച ശേഷമാണ് ഇവർക്ക് അസ്വസ്ഥതയുണ്ടായത്. പിന്നാലെ ഇറച്ചി പരിശോധിച്ചപ്പോൾ അതിൽ ചത്ത പുഴുക്കളെ കണ്ടെത്തിയതായും പറയുന്നു. തുടർന്ന് ആശുപത്രിയിൽ ചികിത്സ തേടി. ഇവിടെനിന്നാണ് നെയ്യാറ്റിൻകര ആശുപത്രിയിലേക്കു മാറ്റിയത്.
പോലീസിൽ പരാതിയും നൽകി. ബുധനാഴ്ച വൈകുന്നേരം 6.30-ഓടെയാണ് കാട്ടാക്കട ജങ്ഷനിൽ പ്രവർത്തിക്കുന്ന ഹോട്ടലിൽനിന്ന് രണ്ട് പൊരിച്ച കോഴിയിറച്ചി വാങ്ങിയതെന്നും ഇറച്ചി കഴിച്ച ശേഷമാണ് ഛർദിയും വയറിളക്കവും ഉണ്ടായതെന്നും കുടുംബം ആരോപിക്കുന്നു.&nbsp;

ഹോട്ടലിൽനിന്നു വാങ്ങിയ പൊരിച്ച കോഴിയിറച്ചി കഴിച്ചതിന് പിന്നാലെ ഛർദിയും വയറിളക്കവും, പരാതിയുമായി കുടുംബം

തിരുവനന്തപുരം: പിതാവ് തൂങ്ങിമരിച്ചത് ഭർത്താവിന്റെ മർദനം കാരണമെന്നു കാണിച്ച്‌ യുവതി പോലീസിൽ പരാതിനൽകി. വട്ടപ്പാറ വേങ്കുഴി, രാഹുൽ ഭവനിൽ കെ.സതീശനാ(55)ണ് മരിച്ചത്. മകളുടെ പരാതിയിൽ വട്ടപ്പാറ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
അരുവിക്കര സ്വദേശി വിഷ്ണുവിനെതിരേ ഭാര്യ രഹനയാണ് പരാതി നൽകിയത്. രഹനയെ വിഷ്ണു നിരന്തരം ദേഹോപദ്രവം ഏൽപ്പിക്കുന്നതു ചോദ്യംചെയ്തതിനെത്തുടർന്നാണ് ഞായറാഴ്ച രാത്രിയോടെ വിഷ്ണുവും സുഹൃത്തുക്കളും ചേർന്ന് ആക്രമണം നടത്തിയത്.തന്നെ മർദിച്ചെന്ന് പോലീസിൽ പരാതിനൽകാൻ രഹന എത്തിയിരുന്നു. വൈകുന്നേരം വീട്ടിൽ തിരിച്ചെത്തിയപ്പോഴാണ് സതീശനെ കിടപ്പുമുറിയിൽ തൂങ്ങിമരിച്ചനിലയിൽ കണ്ടത്. സതീശന്റെ ശരീരമാകെ അടിയേറ്റ പാടുകൾ ഉണ്ടായിരുന്നെന്ന് നാട്ടുകാർ പറയുന്നു. സതീശന്റെ മരണം കൊലപാതകമാണെന്നു ബന്ധുക്കൾ ആരോപിച്ചു. ഫൊറൻസിക് സംഘം സ്ഥലത്തെത്തി പരിശോധന നടത്തി.

പിതാവ് തൂങ്ങിമരിച്ചനിലയിൽ; ഭർത്താവിനെതിരെ പരാതി നൽകി യുവതി

തിരുവനന്തപുരം: ജയസൂര്യക്കെതിരെ ലൈംഗികാതിക്രമത്തിന് പോലീസ് കേസെടുത്തു. കൊച്ചിയിലെ നടിയുടെ പരാതിയില്‍ തിരുവനന്തപുരം കന്റോന്‍മെന്റ് പോലീസാണ് കേസ് രജിസ്റ്റര്‍ ചെയ്തിരിക്കുന്നത്.
സെക്രട്ടേറിയറ്റില്‍ സിനിമാ ചിത്രീകരണത്തിനിടെ ലൈംഗികപീഡനമുണ്ടായെന്ന നടിയുടെ മൊഴിയുടെ അടിസ്ഥാനത്തിലാണ് കേസ്. സെക്ഷന്‍ 354,354 എ, 509 എന്നീ വകുപ്പുകള്‍ ചുമത്തിയിട്ടുണ്ട്. വര്‍ഷങ്ങള്‍ക്കുമുന്‍പ് ചിത്രീകരണത്തിനിടെ സെക്രട്ടേറിയറ്റ്‌ ഇടനാഴിയില്‍വെച്ച് നടന്‍ കടന്നുപിടിച്ച് ചുംബിച്ചെന്ന് കഴിഞ്ഞദിവസം നടി മാധ്യമങ്ങള്‍ക്കുമുന്നില്‍ വെളിപ്പെടുത്തിയിരുന്നു. പരാതി നല്‍കിയതിന് പിന്നാലെ നടിയുടെ ആലുവയിലെ വീട്ടിലെത്തി പ്രത്യേക അന്വേഷണ സംഘം ചൊവ്വാഴ്ച മൊഴിയെടുത്തിരുന്നു. ഇതിന് പിന്നാലെയാണ് ജയസൂര്യക്കെതിരെ കേസ് രജിസ്റ്റര്‍ ചെയ്തിരിക്കുന്നത്

നടിയുടെ പരാതി; ജയസൂര്യക്കെതിരെ ലൈംഗികാതിക്രമത്തിന് കേസെടുത്തു

കോഴിക്കോട്: സംവിധായകന്‍ രഞ്ജിത്തിനെതിരെ പുതിയ ആരോപണം. സിനിമയില്‍ അവസരം ചോദിച്ചെത്തിയപ്പോള്‍ പ്രകൃതിവിരുദ്ധ ലൈംഗിക പീഡനത്തിന് ഇരയാക്കിയെന്ന പരാതിയുമായി കോഴിക്കോട് സ്വദേശിയായ യുവാവ് രംഗത്ത്. ബംഗളൂരുവില്‍ സിനിമയുടെ ഷൂട്ടിംഗ് നടക്കുമ്പോള്‍ അഭിനയ മോഹവുമായിട്ടാണ് സംവിധായകനെ സമീപിച്ചതെന്നും ഹോട്ടല്‍ മുറിയില്‍ വെച്ച് പീഡിപ്പിച്ചുവെന്നുമാണ് യുവാവിന്റെ ആരോപണം.
അവസരം തേടി ഹോട്ടല്‍ റൂമിലെത്തിയ തനിക്ക് ടിഷ്യൂ പേപ്പറില്‍ ഫോണ്‍ നമ്പര്‍ കുറിച്ചു തന്നുവെന്നും അതില്‍ സന്ദേശം അയക്കാനും ആവശ്യപ്പെട്ടുവെന്നാണ് യുവാവ് പറയുന്നത്. ബെംഗളൂരു താജ് ഹോട്ടലില്‍ രണ്ട് ദിവസത്തിന് ശേഷം എത്താന്‍ ആവശ്യപ്പെട്ടു. രാത്രി 10 മണിയോടെ ഹോട്ടലില്‍ എത്തിയ തന്നോട് പുറകുവശത്തെ ഗേറ്റ് വഴി റൂമിലേക്ക് എത്താന്‍ സംവിധായകന്‍ നിര്‍ദ്ദേശിച്ചു, മുറിയിലെത്തിയപ്പോള്‍ മദ്യം നല്‍കി കുടിക്കാന്‍ നിര്‍ബന്ധിച്ചു, പിന്നീട് വിവസ്ത്രനാക്കിയെന്നും പീഡിപ്പിച്ചുവെന്നുമാണ് യുവാവ് സ്വകാര്യ ചാനലിന് നല്‍കിയ പ്രതികരണത്തില്‍ വ്യക്തമാക്കുന്നത്. സിനിമ മേഖലയിലെ പരാതികള്‍ അന്വേഷിക്കാന്‍ രൂപീകരിച്ച പ്രത്യേക പോലീസ് സംഘത്തിന് യുവാവ് മൊഴി നല്‍കി.
2012ല്‍ ആണ് സംഭവം നടന്നതെന്നും യുവാവ് പറയുന്നു. നമ്പര്‍ നല്‍കിയ ശേഷം മറ്റാര്‍ക്കും നമ്പര്‍ നല്‍കരുതെന്നും ഫോണില്‍ വിളിക്കണ്ട മെസേജ് അയച്ചാല്‍ മതിയെന്നും സംവിധായകന്‍ പ്രത്യേകം പറഞ്ഞിരുന്നു. മുറിയില്‍ ചെന്നപ്പോള്‍ തന്നെ അദ്ദേഹം മദ്യപിച്ചിരുന്നുവെന്നും യുവാവ് പറയുന്നു. കുറച്ച് നേരം സംസാരിച്ച ശേഷം സംവിധായകന്റെ ശൈലി മാറുകയായിരുന്നുവെന്നും ആദ്യമായിട്ടായിരുന്നു മദ്യപിച്ചതെന്നും യുവാവ് പറയുന്നു. തന്നെ നഗ്നനായി കാണമെന്ന് ആവശ്യപ്പെടുകയായിരുന്നു. ഡ്രസ് മാറിയ ശേഷം കണ്‍മഷി എഴുതിച്ചു. പിന്നീട് ഭംഗിയുള്ള കണ്ണുകളാണെന്ന് പറഞ്ഞിരുന്നു. നഗ്ന ചിത്രം ഫോണില്‍ എടുത്ത ശേഷം ഇത് അദ്ദേഹത്തിന്റെ ഗേള്‍ഫ്രണ്ടിനെ കാണിക്കുമെന്നും പറഞ്ഞിരുന്നു.

പ്രകൃതിവിരുദ്ധ പീഡനത്തിന് ഇരയാക്കി; രഞ്ജിത്തിനെതിരെ പരാതിയുമായി കോഴിക്കോട് സ്വദേശിയായ യുവാവ്

തൃശ്ശൂർ: മാധ്യമപ്രവർത്തകർക്കെതിരെ പരാതി നൽകി കേന്ദ്രമന്ത്രിയും നടനുമായ സുരേഷ് ​ഗോപി. രാമനിലയം ​ഗസ്റ്റ് ഹൗസിൽവെച്ച് മാധ്യമപ്രവർത്തകർ വഴി തടസപ്പെടുത്തിയെന്നാണ് പരാതിയിൽ പറയുന്നത്. തൃശ്ശൂർ സിറ്റി പോലീസ് കമ്മീഷണർക്കാണ് അദ്ദേഹം പരാതി നൽകിയത്. രാമനിലയത്തിൽവെച്ച് മാധ്യമപ്രവർത്തകരെ തള്ളിമാറ്റിയ സംഭവത്തിൽ സുരേഷ് ​ഗോപിക്കെതിരെ അന്വേഷണത്തിന് കമ്മീഷണർ നിർദേശം നൽകിയതിനുപിന്നാലെയാണ് മാധ്യമപ്രവർത്തകർക്കെതിരെ സുരേഷ് ​ഗോപി പരാതി നൽകിയത്.
മാധ്യമപ്രവർത്തകരെ സുരേഷ് ​ഗോപി തള്ളിമാറ്റിയ സംഭവത്തിൽ മുൻ എംഎൽഎയും കോൺഗ്രസ് നേതാവുമായ അനിൽ അക്കര പരാതി നൽകിയിരുന്നു. ഇതുപരി​ഗണിച്ചാണ് പ്രാഥമിക അന്വേഷണത്തിന് തൃശൂർ സിറ്റി എസിപിക്ക് കമ്മിഷണർ നിർദേശം നൽകിയിരുന്നത്.ഈ സാഹചര്യം നിലനിൽക്കേയാണ് സുരേഷ് ​ഗോപി മാധ്യമപ്രവർത്തകർക്കെതിരെ കേസുനൽകിയത്.

മാധ്യമ പ്രവര്‍ത്തകര്‍  വഴി തടസപ്പെടുത്തി; പോലീസിൽ പരാതി നൽകി സുരേഷ് ഗോപി

കൊച്ചി: നടിയുടെ ലൈംഗിക പീഡന പരാതിയില്‍ നടനും എം.എല്‍.എയുമായ മുകേഷിനെതിരേ കേസ്. മരട് പോലീസാണ് കേസെടുത്തിരിക്കുന്നത്. ഏറണാകുളം സ്വദേശിയായ യുവതിയുടെ പരാതിയിലാണ് കേസെടുത്തിരിക്കുന്നത്. കഴിഞ്ഞ ദിവസം പ്രത്യേക അന്വേഷണ സംഘം പരാതിക്കാരിയുടെ മൊഴിയെടുത്തിരുന്നു.
ഐ.പി.സി. 354-ാം വകുപ്പ് ചുമത്തിയാണ് മുകേഷിനെതിരേ കേസെടുത്തിരിക്കുന്നത്. ജാമ്യമില്ലാ വകുപ്പ് ചുമത്തിയാണ് കേസ്. മുകേഷ് വഴങ്ങിത്തരണമെന്ന് ആവശ്യപ്പെട്ടുവെന്നും വൃത്തികെട്ട ഭാഷയില്‍ സംസാരിച്ചുവെന്നുമാണ് പരാതിക്കാരിയുടെ ആരോപണം

ലൈംഗിക പീഡന പരാതി ;മുകേഷിനെതിരേ കേസെടുത്തു

നാദാപുരം : അരൂരില്‍ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. പിടുപിടുപാഞ്ചാലില്‍ മുഹമ്മദലി(30),ചേലക്കാട് ചരളില്‍ അര്‍ഷാദ്(26),മൊകേരിയില്‍ വാടകക്ക് താമസിക്കുന്ന കല്ലാച്ചി കൊറ്റോത്താന്റവിടെ അന്‍വര്‍സാദത്ത്(30)എന്നിവരെയാണ് നാദാപുരം എസ്.ഐ വിഷ്ണുവും സംഘവും പിടികൂടിയത്.
ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തു.കഴിഞ്ഞ ദിവസം ബാംഗ്ലൂരില്‍ നിന്നെത്തച്ചതാണ് ലഹരി വസ്തുവെന്ന് പോലീസ് പറഞ്ഞു.ഇവരെ ഞായറാഴ്ച കോടതിയില്‍ ഹാജരാക്കും.

അരൂരില്‍ എം.ഡി.എ യുമായി മൂന്ന് പേർ അറസ്റ്റിൽ

അരൂരില്‍ എം.ഡി.എം.എയുമായി മൂന്ന് പേർ അറസ്റ്റിൽ

വടകര: എക്‌സൈസ് സര്‍ക്കിള്‍ ഓഫീസിലെ അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പ്രമോദ്പുളിക്കൂലും പാര്‍ട്ടിയും വില്ല്യാപ്പള്ളി, കുനിങ്ങാട് ഭാഗങ്ങളില്‍ നടത്തിയ പരിശോധനയില്‍ കഞ്ചാവുമായി യുവാവ് പിടിയിലായി. ആയഞ്ചേരി പറമ്പില്‍ ആക്കായി താഴെകുനിയില്‍ വീട്ടില്‍ അമലിനെയാണ് (27) അറസ്റ്റ് ചെയ്തത്.&nbsp;
ഇയാളില്‍ നിന്ന് 70 ഗ്രാം കഞ്ചാവ് പിടിച്ചെടുത്തു. കൈതകുണ്ട് എന്ന സ്ഥലത്ത് നിന്നാണ് ഇയാളെ പിടികൂടിയത്. പ്രിവന്റിവ് ഓഫീസര്‍ ഗ്രേഡ് സായിദാസ്.കെ.പി, ഷൈജു.പി.പി, സിവില്‍ എക് സൈസ് ഓഫീസര്‍ മുസ്ബിന്‍. ഇ.എം, സിഇഒ ഡ്രൈവര്‍ പ്രജീഷ്. ഇ കെ എന്നിവരും പരിശോധനയില്‍ പങ്കെടുത്തു.

വില്ല്യാപ്പള്ളി, കുനിങ്ങാട് ഭാഗങ്ങളില്‍ പരിശോധനയുമായി എക്‌സൈസ്; 70 ഗ്രാം കഞ്ചാവുമായി യുവാവ് പിടിയില്‍

നാദാപുരം: യുവതിയുടെ വീട്ടില്‍ അതിക്രമിച്ചു കയറി ഭീഷണിപ്പെടുത്തി എന്ന പരാതിയില്‍ പോലീസ് സിഐക്കെതിരെ കേസ്. നാദാപുരം കണ്‍ട്രോള്‍ റൂം സിഐ സ്മിതേഷിനെതിരെയാണ് വടകര പോലീസ് കേസെടുത്തത്. കത്രിക പോലുള്ള വസ്തു കാട്ടി കുത്തുമെന്ന് ഭീഷണിപ്പെടുത്തിയെന്നാണ് പരാതി. യുവതിയുടെ ബഹളം കേട്ട് രാത്രി അയല്‍ക്കാര്‍ ഓടിക്കൂടിയിരുന്നു.
വള്ളിക്കാട് സ്വദേശിനിയായ യുവതിയുടെ വീട്ടിലാണ് സംഭവം. വൈകിട്ട് മകളോടൊപ്പം പുറത്തു പോയ യുവതി രാത്രി എട്ടേമുക്കാലോടെ വീട്ടില്‍ തിരിച്ചെത്തിയപ്പോള്‍ പ്രതിയെ വീട്ടിനുള്ളല്‍ അതിക്രമിച്ച് കയറിയ നിലയില്‍ കാണുകയായിരുന്നെന്ന് പറയുന്നു. പിന്നാലെ കത്രിക പോലുള്ള മൂര്‍ച്ചയുള്ള സാധനം കാണിച്ച്കുത്തുമെന്ന് ഭീഷണി മുഴക്കിയെന്നും പറയുന്നു.&nbsp;
യുവതിയും മകളും ബഹളം വെച്ചതിനെ തുടര്‍ന്ന് നാട്ടുകാര്‍ ഓടിക്കൂടുകയും യുവതി വടകര പോലീസിനെ വിവരം അറിയിക്കുകയുമായിരുന്നു. തുടര്‍ന്ന് വടകര പോലീസെത്തി സിഐ സ്മിതേഷിനെ കസ്റ്റഡിയിലെടുക്കുകയായിരുന്നു. യുവതിയെ നേരത്തെ പരിചയമുള്ള പ്രതി പലപ്രാവശ്യം ഫോണ്‍ ചെയ്തതിനെ തുടര്‍ന്ന് പ്രതിയുടെ കോള്‍ ബ്ലോക്ക് ചെയ്തതിലുള്ള വിരോധമാണ് അതിക്രമത്തിന് കാരണമെന്ന് എഫ്‌ഐആറില്‍ പറയുന്നു. കസ്റ്റഡിയിലെടുത്ത പ്രതിയെ പിന്നീട് സ്റ്റേഷന്‍ ജാമ്യത്തില്‍ വിട്ടു.

വീട്ടില്‍ അതിക്രമിച്ച് കയറി യുവതിയെ ഭീഷണിപ്പെടുത്തിയതായി പരാതി; നാദാപുരത്ത് സിഐക്കെതിര കേസ്

മലപ്പുറം: സ്വകാര്യ ബസ് ജീവനക്കാരുടെ മർദനമേറ്റ ഓട്ടോ ഡ്രൈവർ ആശുപത്രിയിൽ കുഴഞ്ഞുവീണുമരിച്ചു. ഒതുക്കുങ്ങൽ സ്റ്റാൻഡിലെ ഡ്രൈവറായ മാണൂർ സ്വദേശി അബ്ദുൾ ലത്തീഫാണ് മരിച്ചത്. മർദനമേറ്റതിന് പിന്നാലെ ശാരീരിക പ്രശ്നങ്ങൾ ഉണ്ടായതിനെത്തുടർന്ന് സ്വയം ഓട്ടോ ഓടിച്ച് ആശുപത്രിയിൽ എത്തിയ ഉടൻ കുഴഞ്ഞുവീഴുകയായിരുന്നു എന്നാണ് റിപ്പോർട്ട്. ആശുപത്രിയിലുണ്ടായിരുന്ന നാട്ടുകാരനായ ഒരാളാണ് ലത്തീഫിനെ തിരിച്ചറിഞ്ഞത്. സംഭവുമായി ബന്ധപ്പെട്ട് മൂന്ന് ബസ് ജീവനക്കാരെയും ബസിനെയും പൊലീസ് കസ്റ്റഡിയിലെടുത്തിട്ടുണ്ട്. ഇന്ന് രാവിലെയായിരുന്നു സംഭവം.
വടക്കേമണ്ണയിലെ ബസ്‌സ്റ്റോപ്പിൽ നിന്ന് ആളെ കയറ്റിയതുമായി ബന്ധപ്പെട്ടാണ് ബസ് ജീവനക്കാർ ലത്തീഫിനെ മർദിച്ചത്. പിടിബി എന്ന സ്വകാര്യബസിന് മുന്നേ പോയ ലത്തീഫിന്റെ ഓട്ടോയിൽ ബസ്‌സ്റ്റോപ്പിനടുത്ത് റോഡുവക്കിലുണ്ടായിരുന്നു രണ്ട് സ്ത്രീകൾ കയറി. ഇതുകണ്ട ബസ് ജീവനക്കാർ ബസ് കുറുകെയിട്ട് ഓട്ടോ തടയുകയും ലത്തീഫിനെ മർദിക്കുകയുമായിരുന്നു.മർദ്ദനത്തെത്തുടർന്ന് ശാരീരിക പ്രശ്നങ്ങൾ ഉണ്ടായതിനാൽ സ്വയം ആശുപത്രിയിലേക്ക് പോകാൻ ലത്തീഫ് തീരുമാനിക്കുകയായിരുന്നു. ഡോക്ടറെ കണ്ടശേഷം പൊലീസ് സ്റ്റേഷനിലെത്തി പരാതി നൽകാനായിരുന്നു തീരുമാനം. എന്നാൽ ആശുപത്രിയിലെത്തിയ ഉടൻ കുഴഞ്ഞുവീഴുകയായിരുന്നു. ലത്തീഫിന്റെ കഴുത്തിലുൾപ്പെടെ പാടുകളുണ്ടെന്നാണ് ആശുപത്രിയിലുണ്ടായിരുന്ന ചിലർ പറയുന്നത്.&nbsp;
ലത്തീഫിന് മറ്റെന്തെങ്കിലും ആരോഗ്യപ്രശ്നങ്ങൾ ഉണ്ടോ എന്ന് വ്യക്തമല്ല. മൃതദേഹം മോർച്ചറിയിലേക്ക് മാറ്റി. പോസ്റ്റുമോർട്ടം റിപ്പോർട്ട് കിട്ടിയാലേ മരണകാരണം വ്യക്തമാകൂ എന്നാണ് പൊലീസ് പറയുന്നത്.&nbsp;

മലപ്പുറത്ത് ബസ് ജീവനക്കാരുടെ മർദനമേറ്റ ഓട്ടോഡ്രൈവർ ആശുപത്രിയിൽ കുഴഞ്ഞുവീണ് മരിച്ചു

കോഴിക്കോട്: വനിതാ ദിനത്തിൽ വനിതകൾക്ക് മാത്രമായി സ്പെഷ്യൽ ട്രിപ്പൊരുക്കി കെ.എസ്.ആർ.ടി.സി. നാളെ ശനിയാഴ്ച 200 രൂപക്ക് കോഴിക്കോട് നഗരം ചുറ്റിക്കാണാനുള്ള ട്രിപ്പാണ് ഒരുക്കിയിരിക്കുന്നത്.
കോഴിക്കോട് ബീച്ച്, കുറ്റിച്ചിറ പള്ളി, മാനാഞ്ചിറ സ്ക്വയർ, പ്ലാനിറ്റോറിയം, പഴശ്ശി മ്യൂസിയം, ഭട്ട് റോഡ് ബീച്ച്, കോതി ബീച്ച്, കണ്ണംപറമ്പ് ബീച്ച്, സൗത്ത് ബീച്ച്, വെള്ളയിൽ ബീച്ച്, വരയ്ക്കൽ ബീച്ച് തുടങ്ങിയ സ്ഥലങ്ങളാണ് ട്രിപ്പിലുൾപ്പെടുത്തിയിരിക്കുന്നത്.യാത്രക്ക് താൽപര്യമുള്ളവർ നേരത്തെ ബുക്ക് ചെയ്യണം. ഫോൺ: 9946 068 832, 7907 627 645

വനിതകൾക്ക് കോഴിക്കോട് ചുറ്റിക്കാണാം വെറും 200 രൂപക്ക്; കെ.എസ്.ആർ.ടി.സി സ്പെഷ്യൽ ട്രിപ്പ്

Kozhikode

വടകര : എം.ഡി.എം.എ.യുമായി അറസ്റ്റിലായ യുവാവിനെ കൈയേറ്റം ചെയ്യുന്നത് തടയാൻ ശ്രമിക്കുന്നതിനിടെ പോലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിന് മൂന്നാളുടെ പേരിൽ വടകര പോലീസ് കേസെടുത്തു.
കണ്ടാലറിയാവുന്ന മൂന്നാളുടെ പേരിലാണ്‌ എസ്.ഐ. എം.കെ. രഞ്ജിത്തിന്റെ പരാതിയിൽ കേസെടുത്തത്. ചൊവ്വാഴ്ച നാരായണനഗരം പെട്രോൾ പമ്പിന്‌സമീപം എം.ഡി.എം.എ.യുമായി പിടിയിലായ യുവാവിന്റെ അറസ്റ്റ് നടപടികൾക്കിടെയാണ് ഇയാളുടെ നേരേ കൈയേറ്റം നടന്നത്. പോലീസ് ഇടപെട്ട് ഇത്‌ തടയുകയായിരുന്നു. ഇതിനിടെ പോലീസുമായും സംഘർഷമുണ്ടായി.

അറസ്റ്റിനിടെ കൈയേറ്റം; മൂന്നാളുടെ പേരിൽ വടകര പോലീസ് കേസെടുത്തു

ചോറോട്: പുനർ വിവാഹിതയല്ലെന്ന സർട്ടിഫിക്കറ്റിന് അപേക്ഷിച്ച യുവതിയോട് ജനപ്രതിനിധികളെ വിശ്വസിക്കാൻ കൊള്ളില്ലെന്ന് ചോറോട് വില്ലേജ് ഓഫിസർ പറഞ്ഞതിൽ പ്രതിഷേധം. ജനപ്രതിനിധികൾ പല ഭാഗത്തും നിൽക്കും അതിനാൽ അയൽക്കാരായ രണ്ട് പേരുടെ സാക്ഷ്യപത്രവുമായി വരണമെന്ന് നിർദ്ദേശിച്ച് മടക്കി അയക്കുകയായിരുന്നു. ലൈഫ് ഭവന പതിയിൽ വീട് അനുവദിക്കപ്പെട്ട വിധവയായ സ്ത്രീക്ക് പഞ്ചായത്തിൽ എഗ്രിമെന്റ് വെക്കുന്നതിനായ് സ്ഥലം രജിസ്റ്റർ ചെയ്യാൻ തണ്ടപ്പേരും നികുതി രസീറ്റിനും അപേക്ഷ നൽകിയപ്പോൾ പല കാരണങ്ങൾ പറഞ്ഞ് മടക്കി അയച്ചു. പഞ്ചായത്ത് അംഗം ഓഫീസിൽ എത്തിയപ്പോഴും പല കാരണങ്ങൾ നിരത്തുകയാണ്.&nbsp;
വിദ്യാർത്ഥികളും തൊഴിൽ അന്വേഷകരുമായ നിരവധി പേർ അപേക്ഷ നൽകിയിട്ട് ദിവസങ്ങളോളമായി കാത്തിരിക്കുകയാണ് എന്നും ജനപ്രതിനിധികൾ പറഞ്ഞു. പാവപ്പെട്ട ജനങ്ങളെ ബുദ്ധിമുട്ടിക്കുന്ന ജിവനക്കാരുടെ നടപടി അവസാനിപ്പിക്കാൻ നടപടിക്കായി ചോറോട് ഗ്രാമ പഞ്ചായ ആംഗം പ്രസാദ് വിലങ്ങിൽ മന്ത്രിമാർക്കും കളക്ടർക്കും പരാതി നൽകി. കഴിഞ്ഞ ദിവസം ചേർന്ന ചോറോട് ഗ്രാമ പഞ്ചായത്ത് ഭരണ സമിതി യോഗത്തിലും വിഷയത്തിൽ വിമർശനമുയർന്നിരുന്നു.

ജനപ്രതിനിധികളെ വിശ്വസിക്കാൻ കൊള്ളില്ലെന്ന പരാമർശം; ചോറോട് വില്ലേജ് ഓഫിസർക്കെതിരെ പരാതി

മേപ്പയ്യൂർ : മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി.നടുവിലക്കണ്ടി വിനോദന്റെ മകൻ ദേവദർശിനെ ആണ് ഇന്നലെ മുതൽ കാണാതായത്. രാവിലെ 8 മണിക്ക് വീട്ടിൽ നിന്നും വടകര ഗുജറാത്തി എസ്.ബി സ്കൂളിലേക്ക് പോയതാണ്. 165 സി.എം ഉയരം,വെളുത്ത് തടിച്ച ശരീരം, കറുത്ത ഷർട്ടും വെള്ള പാന്റുമാണ് കാണാതാവുമ്പോൾ ഉള്ള വേഷം.
മേപ്പയൂർ പോലീസിൽ പരാതി നൽകിയിട്ടുണ്ട്. എന്തെങ്കിലും വിവരം ലഭിക്കുന്നവർ 04962676220 ഈ നമ്പറിൽ ബന്ധപ്പെടണമെന്ന് പോലീസ് അറിയിച്ചു.

മേപ്പയ്യൂർ സ്വദേശിയായ അധ്യാപകനെ കാണാതായതായി പരാതി

Perambra

കുറ്റ്യാടി: എക്‌സൈസ് നടത്തിയ പരിശോധനയില്‍ കാറില്‍ നിന്ന് കഞ്ചാവ് പിടികൂടി. ഇതുമായി ബന്ധപ്പെട്ട് കുറ്റ്യാടി വടയം മാരാന്‍ വീട്ടില്‍ സുര്‍ജിത്തിനെ (37) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി.ആര്‍.ഹിറോഷും സംഘവും അറസ്റ്റ് ചെയ്തു. 200 ഗ്രാം കഞ്ചാവാണ് പിടിച്ചെടുത്തത്. കെഎല്‍.58. ജി 1125 നമ്പര്‍ കാറും കസ്റ്റഡിയിലെടുത്തു.&nbsp;
കുറ്റ്യാടി പേരാമ്പ്ര-സംസ്ഥാനപാതയില്‍ നടന്ന പരിശോധനയിലാണ് ഇയാള്‍ പിടിയിലായത്. അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പ്രമോദ് പുളിക്കൂല്‍, പ്രിവന്റീവ് ഓഫീസര്‍ ഗ്രേഡ് സായി ദാസ്, സിവില്‍ എക്‌സൈസ് ഓഫിസര്‍ ഷിരാജ്.കെ, മുസ്ബിന്‍. ഇ.എം, നിഷ എന്‍ കെ, സിഇഒ ഡ്രൈവര്‍പ്രജീഷ്. ഇകെ എന്നിവരും പരിശോധനയില്‍ പങ്കെടുത്തു.

കുറ്റ്യാടിയില്‍ കാറില്‍ കഞ്ചാവുമായി യുവാവ് അറസ്റ്റില്‍

Search Results for: bala