വേനൽ ചൂടിൽ ഉള്ളം തണുപ്പിക്കാൻ ഒരു സ്പെഷൽ ഡ്രിങ്ക് ആയാലോ

ചേരുവകൾ

1. ബാർലി -കാൽ കപ്പ്

2. ഗോതമ്പ് -കാൽകപ്പ്

3. ഏലക്കപ്പൊടി -അര ടീസ്പൂൺ

4. പഞ്ചസാര -ആവശ്യത്തിന്

5. പാൽ -അര ലിറ്റർ

6. വെള്ളം -അര ലിറ്റർ

7. ഇളനീർ കാമ്പ് -അരക്കപ്പ്

8. ഐസ് ക്യൂബ് -ആവശ‍്യത്തിന്

9. ഡ്രൈ ഫ്രൂട്ട്സും നട്സും -അലങ്കരിക്കാൻ

തയാറാക്കുന്ന വിധം

1. ബാർലിയും ഗോതമ്പും വൃത്തിയാക്കി കുതിർത്തുവെക്കുക. അൽപം വെള്ളമൊഴിച്ച് അരച്ച് പാലെടുത്തു മാറ്റിവെക്കാം.

2. പാലും പഞ്ചസാരയും വെള്ളവും തിളച്ചുവരുമ്പോൾ അതിലേക്ക് ഈ പാൽ കൂട്ട് ഇളക്കി തിളപ്പിച്ച് ഏലക്കപ്പൊടി ചേർത്ത് മാറ്റിവെക്കാം.

3. തണുത്ത ശേഷം ഇളനീർ കാമ്പും ഐസ് ക്യൂബുകളും ചേർത്തരച്ചു ഡ്രൈ ഫ്രൂട്ട്സും നട്ട്സും യോജിപ്പിച്ച് സെർവ് ചെയ്യാം.