ഇരിട്ടി : ബന്ധുവീട്ടിൽ വിരുന്നിനെത്തിയ യുവതി കുഴഞ്ഞു വീണു മരിച്ചു. വീരാജ് പേട്ടയിലെ പള്ളിയൽതൊടിയിൽ പി.എം.മുബഷീറ (24) ആണ് കൂട്ടുപുഴ തൊട്ടിപ്പാലത്തിലെ ബന്ധുവീട്ടിൽ കുഴഞ്ഞുവീണ് മരിച്ചത്. വിരാജ് പേട്ടയിൽ നിന്ന് തൊട്ടിപ്പാലത്തെ ഭർതൃസഹോദരിയുടെ വീട്ടിൽ ശനിയാഴ്ച്ച വിരുന്നിനെത്തിയ യുവതി ഞായറാഴ്ച്ച രാത്രിയോടെ കുഴഞ്ഞു വീഴുകയായിരുന്നു. 

ഉടൻ തന്നെ ഇരിട്ടിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഭർത്താവ്: എ.എ.മുഹമ്മദ് റിയാസ് (പൊന്നപ്പ സന്ത). ഒന്നര വയസ്സുകാരി ഫാത്തിമ നൈസ ഏക മകളാണ്. കബറടക്കം തിങ്കളാഴ്ച വൈകിട്ട് വീരാജ് പേട്ട പൊന്നപ്പസന്ത ജുമാ മസ്ജിദ് ഖബർസ്ഥാനിൽ.