പേരാമ്പ്ര : പൊൻപറ ഹിൽസിൽ പണംവെച്ച് ചീട്ടുകളിക്കുകയായിരുന്ന ഒമ്പതംഗസംഘത്തെ പേരാമ്പ്ര പോലീസ് അറസ്റ്റ് ചെയ്തു. ഇവരിൽനിന്ന് 2,12,480 രൂപയും പിടിച്ചെടുത്തു. എസ്.ഐ.മാരായ കെ.പി. വിനോദ്, അനിൽകുമാർ, അബ്ദുൾ ലത്തീഫ്, വിനീത് കുമാർ, സീനിയർ സി.പി.ഒ. മാരായ ബിജേഷ്, ജിതേഷ്, ജ്യോതേഷ്, സി.പി.ഒ. മാരായ രാഹുലൻ, സക്കീർ എന്നിവരടങ്ങിയ സംഘമാണ് പരിശോധനയ്ക്ക് നേതൃത്വം നൽകിയത്.

&nbsp;

2.12 ലക്ഷം രൂപയുമായി ചീട്ടുകളിസംഘം പേരാമ്പ്ര പോലീസ് പിടിയിൽ

Perambra

വടകര: തദ്ദേശ തിരഞ്ഞെടുപ്പ് വോട്ടെണ്ണലുമായി ബന്ധപ്പെട്ട് വിവിധ രാഷ്ട്രീയ പാർട്ടികളുടെ യോഗം വിളിച്ച് പോലീസ്. ഫല പ്രഖ്യാപനത്തോടനുബന്ധിച്ചുള്ള ആഹ്ലാദ പ്രകടനം വടകര പോലീസ് സ്‌റ്റേഷന്‍ പരിധിയില്‍ ശനിയാഴ്ച വൈകുന്നേരം ആറു വരെ മാത്രം നടത്താൻ യോഗം തീരുമാനിച്ചു . വോട്ടെണ്ണൽ നിയന്ത്രണത്തിന്റെ ഭാഗമായി മാർക്കറ്റ് റോഡ് അടച്ചിടും. പോലീസ് സ്റ്റേഷനില്‍ എസ്എച്ചഒ കെ മുരളീധരന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. തുറന്ന വാഹനങ്ങളിലെ യാത്രയും ഡിജെയും അനുവദനീയമല്ലെന്നും പോലീസ് ഇന്‍സ്‌പെക്ടര്‍ കെ മുരളീധരന്‍ അറിയിച്ചു.

ഡി ജെ വേണ്ട; വടകരയില്‍ ആഹ്ലാദപ്രകടനം ആറ് മണിവരെ

Vadakara

ചൊക്ലി: കണ്ണൂരിൽനിന്നും കാണാതായ യുഡിഎഫ് സ്ഥാനാർത്ഥി ടി പി അറുവ മടങ്ങിയെത്തി. ചൊക്ലി സ്റ്റേഷനിലാണ് അറുവയും യുവാവും ഹാജരായത്. മകൾ ബിജെപി പ്രവർത്തകനൊപ്പം പോയെന്നായിരുന്നു മാതാവിന്‍റെ ആരോപണം. ചൊക്ലി ഗ്രാമപഞ്ചായത്തിലെ ഒമ്പതാം വാർഡിൽ മുസ്‌ലിം ലീഗിന്റെ യുഡിഎഫ് സ്ഥാനാർത്ഥിയാണ് അറുവ.&nbsp;
ശനിയാഴ്ച രാവിലെ വീട്ടിൽനിന്നറങ്ങിയ അറുവയെ പിന്നീട് കാണാതായെന്നായിരുന്നു മാതാവിന്റെ പരാതി. ഫോണിൽ ബന്ധപ്പെടാൻ ശ്രമിച്ചെങ്കിലും സാധിച്ചില്ല. പിന്നാലെ ചൊക്ലി പൊലീസിൽ മാതാവ് പരാതിയും നൽകി. പ്രദേശത്തെ ഒരു ബിജെപി പ്രവർത്തകനൊപ്പം സ്ഥാനാർത്ഥിയായ ടി പി അറുവ പോയി എന്നായിരുന്നു എഫ്‌ഐആർ.
&nbsp;ഇതിനിടെയാണ് അറുവയും ഒപ്പമുണ്ടായിരുന്ന യുവാവും സ്റ്റേഷനിൽ ഹാജരായത്. ഇരുവരെയും പൊലീസ് കോടതിയിൽ ഹാജരാക്കി. സ്ഥാനാർത്ഥിയെ കാണാതായതോടെ യുഡിഎഫ് പ്രവർത്തകരും ആശങ്കയിലായിരുന്നു. വ്യാഴാഴ്ച തെരഞ്ഞെടുപ്പ് നടക്കാനിരിക്കെ സ്ഥാനാർത്ഥിയില്ലാതെ പ്രചാരണം നടത്തേണ്ട അനിശ്ചിതത്വത്തിലായിരുന്നു യുഡിഎഫ്. കൊട്ടിക്കലാശത്തിലും യുഡിഎഫ് സ്ഥാനാർത്ഥി പങ്കെടുത്തിട്ടില്ല.
അതേസമയം സ്ഥാനാർത്ഥിയെ കാണാതായതിനു പിന്നിൽ സിപിഐഎം ആണെന്ന ആരോപണവും പ്രാദേശിക യുഡിഎഫ് നേതൃത്വം ഉന്നയിച്ചിരുന്നു. എന്നാൽ സിപിഐഎം ഇത് തള്ളിയിരുന്നു.

ചൊക്ലിയിൽ കാണാതായ യുഡിഎഫ് സ്ഥാനാർത്ഥി തിരിച്ചെത്തി; യുവാവിനൊപ്പം പൊലീസ് സ്റ്റേഷനിൽ ഹാജരായി

Mahe

നാദാപുരം: തദ്ദേശ തെരഞ്ഞെടുപ്പിനോടനുബന്ധിച്ച് ക്രമസമാധനം ഉറപ്പ് വരുത്തുന്നതിന്റെ ഭാഗമായി നാദാപുരത്ത് കേന്ദ്ര സേനയും പോലീസും റൂട്ട് മാർച്ച് നടത്തി. കോയമ്പത്തൂർ ആർ എ എഫ് 105 ബറ്റാലിയൻ ഡപ്യൂട്ടി കമാണ്ടന്റ് എൻ.കെ. മിശ്ര , നാദാപുരം സബ് ഡിവിഷൻ ഡി വൈ എസ് പി എ. കുട്ടികൃഷ്ണൻ , ഇൻസ്പെക്ടർ ടി.എം. നിധിഷ് എന്നിവരുടെ നേതൃത്വത്തിൽ വനിത ഉദ്യോഗസ്ഥർ ഉൾപ്പെടെ 150 പേർ അടങ്ങുന്ന സംഘമാണ് നാദാപുരത്ത് റൂട്ട് മാർച്ച് നടത്തിയത്.&nbsp;
നാദാപുരം പൊലിസ് സ്റ്റേഷൻ പരിസരത്ത് നിന്ന് ആരംഭിച്ച റൂട്ട് മാർച്ച് കല്ലാച്ചിയിൽ സമാപിച്ചു. തിരഞ്ഞെടുപ്പിനും വോട്ടെണ്ണൽ ദിനത്തിലും സംഘർഷങ്ങൾ ഉണ്ടാകുന്ന മേഖലയിൽ വിന്യസിക്കാനാണ് തിരഞ്ഞെടുപ്പ് കമ്മീഷൻ കേന്ദ്ര സേനയെ നിയോഗിച്ചത്.

തിരഞ്ഞെടുപ്പ്; നാദാപുരത്ത് കേന്ദ്ര സേനയും പോലീസും റൂട്ട് മാർച്ച് നടത്തി

Nadapuram

വടകര: കൊട്ടികലാശത്തിന് നിയന്ത്രണം. പരസ്യപ്രചരണത്തിന്റെ ഭാഗമായുള്ള കൊട്ടിക്കലാശം വാർഡ് തലങ്ങളിൽ നടത്തുന്നതിനും, പ്രധാന ടൗണുകളിൽ ഉൾപ്പെടുന്ന വാർഡുകൾ മാത്രം ടൗണിൽ കേന്ദ്രീകരിക്കുന്നതിനും, അനുമതി ലഭിച്ച ഒരു വാഹനം മാത്രം ഒരു മുന്നണി ഉപയോഗിക്കുന്നതിനും, ഓപ്പൺ ലോറികൾ, അനുമതിയില്ലാത്ത മറ്റു വാദ്യോപകരണങ്ങൾ എന്നിവ ഒഴിവാക്കുന്നതിനും, വിവിധ മുന്നണി നേതാക്കളുമായി വടകര എസ് എച്ച് ഒ മുരളീധരൻ കെ നടത്തിയ യോഗത്തിൽ തീരുമാനമെടുത്തു.

വടകരയിൽ കൊട്ടികലാശത്തിന് നിയന്ത്രണം

പേരാമ്പ്ര : ചങ്ങരോത്ത് പഞ്ചായത്തിലെ കടിയങ്ങാട് കഴിഞ്ഞദിവസം പിതാവിനെ കുത്തിപ്പരിക്കേൽപ്പിച്ച മകനെ തൂങ്ങിമരിച്ചനിലയിൽ കണ്ടെത്തി. ഇല്ലത്ത്‌മീത്തൽ ജംസാലിനെ(26)യാണ് വീടിനുസമീപമുള്ള പറമ്പിലെ മരത്തിൽ ഞായറാഴ്ച രാവിലെതൂങ്ങിമരിച്ചനിലയിൽ കണ്ടെത്തിയത്.
വ്യാഴാഴ്ച ഉച്ചയ്ക്ക് മൂന്നോടെയാണ് വീട്ടിൽവെച്ച് ജംസാൽ പിതാവ് പോക്കറിനെ (60) കത്തികൊണ്ട് കുത്തിയത്. വയറിനും വലതുകൈക്കും ഗുരുതരപരിക്കേറ്റ പോക്കർ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.
സംഭവത്തിനുശേഷം കത്തിയുമായി വീടിനുപിന്നിലേക്ക് ജംസാൽ ഓടിപ്പോവുകയായിരുന്നു. നാട്ടുകാർ തിരച്ചിൽനടത്തിയിരുന്നെങ്കിലും കണ്ടെത്താൻകഴിഞ്ഞിരുന്നില്ല. പണംചോദിച്ചപ്പോൾ നൽകാത്തതിലുള്ള വിരോധത്താൽ കുത്തിപ്പരിക്കേൽപ്പിച്ചെന്നാണ് ഉമ്മ ജമീല പോലീസിന് മൊഴിനൽകിയത്.

കടിയങ്ങാട് പിതാവിനെ കുത്തിപ്പരിക്കേൽപ്പിച്ച മകൻ തൂങ്ങിമരിച്ചനിലയിൽ

കുറ്റ്യാടി : തിരഞ്ഞെടുപ്പ് പ്രചാരണത്തിന് സമാപനം കുറിക്കുന്ന ഒൻപതാം തീയതി കുറ്റ്യാടി ജനറലിൽ കൊട്ടിക്കലാശം ഒഴിവാക്കാൻ പോലീസ് ഇൻസ്പെക്ടർ എസ്.ബി. കൈലാസ് നാഥ് വിളിച്ചു ചേർത്ത സർവകക്ഷി യോഗത്തിൽ ധാരണയായി. യോഗ തീരുമാനത്തിന്റെ ഭാഗമായി പൊതുവിൽ പ്രചാരണ യോഗങ്ങളൊ റാലികളൊ ഉണ്ടാവില്ല.
മറ്റുള്ള ഏതെങ്കിലും ഭാഗത്ത് മൈക്ക് പ്രചാരണം നടത്താവുന്നതാണ്. പഞ്ചായത്തിലെ മറ്റ് വാർഡുകളിൽനിന്ന് രാഷ്ട്രീയപാർട്ടി മുൻ പ്രവർത്തകർ വരുന്നത് ഒഴിവാക്കാൻ നേതാക്കൾ നടപടി കൈക്കൊള്ളണം. വേളം പഞ്ചായത്തിലും കൊട്ടിക്കലാശം ഉണ്ടാവില്ല. കുന്നുമ്മൽ, നരിപ്പറ്റ പഞ്ചായത്തുകളിൽ വാർഡ് അടിസ്ഥാനത്തിൽ പ്രവർത്തനങ്ങൾ നടത്താവുന്നതാണ്.
തീരുമാനങ്ങൾ മുഴുവൻ രാഷ്ട്രീയ പാർട്ടി പ്രവർത്തകരും അംഗീകരിക്കണമെന്ന് യോഗം അഭ്യർഥിച്ചു. പഞ്ചായത്ത് പ്രസിഡൻറ് ഒ.ടി. നഫീസ, പോലീസ് ഇൻസ്പെക്ടർ എസ്.ബി. കൈലാസ് നാഥ്, വിവിധ രാഷ്ട്രീയപ്പാർട്ടി നേതാക്കളായ പി.കെ. സുരേഷ്, സി.എൻ. ബാലകൃഷ്ണൻ, ശ്രീജേഷ് ഊരത്ത്, ഒ.പി. മഹേഷ്, വി.പി. മൊയ്തു, കെ. ചന്ദ്രമോഹൻ, നൗഷാദ് കോവില്ലത്ത് തുടങ്ങിയവർ പങ്കെടുത്തു.

കുറ്റ്യാടിയിൽ കൊട്ടിക്കലാശം ഒഴിവാക്കി

Kuttiadi

മാഹി: ബൈക്ക് മോഷ്ടിച്ച പ്രതിയെ ന്യൂ മാഹി പോലീസും തലശ്ശേരി എഎസ്പി സ്ക്വാഡ് അംഗങ്ങളും ചേർന്ന് പിടികൂടി. നവംബർ 26 ന് ന്യൂ മാഹിയിൽ നിന്നും ടിവിഎസ് കമ്പനിയുടെ ബൈക്ക് മോഷ്ടിച്ച പ്രതിയായ മാങ്ങാട്ടുപറമ്പ് അഞ്ചാംപീടിക സ്വദേശി സനീഷ് പി (35) ആണ് പിടിയിലായത്.&nbsp;
നിരവധി സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിനൊടുവിലാണ് പോലീസ് പ്രതിയിലേക്ക് എത്തിച്ചേർന്നത്. പ്രതിക്ക് കണ്ണവം, തളിപ്പറമ്പ്, കണ്ണൂർ ടൗൺ എന്നീ പോലീസ് സ്റ്റേഷനുകളിൽ അടിപിടി, മോഷണം തുടങ്ങിയ കേസുകളും ഉണ്ട്. തലശ്ശേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തിട്ടുണ്ട്.
തലശ്ശേരി എഎസ്പി കിരൺ പി ബി ഐപിഎസിന്റെ നിർദ്ദേശപ്രകാരം ന്യൂ മാഹി പോലീസ് സ്റ്റേഷൻ ഇൻസ്പെക്ടർ എ വി ദിനേശന്റെ നേതൃത്വത്തിൽ എസ്ഐ പ്രഷോഭ്, എസ്ഐ ബെജിൻ കെ ബെന്നി, സിവിൽ പോലീസ് ഓഫീസർമാരായ ഷംഞ്ജിത്ത്, വിപിൻരാജ്, ശ്രീലാൽ, സായൂജ് (എസ് പി സ്ക്വാഡ്) എന്നിവർ ചേർന്നാണ് പ്രതിയെ പിടികൂടിയത്.

ബൈക്ക് മോഷ്ടാവ് ന്യൂ മാഹി പോലീസ് പിടിയിൽ

കുറ്റ്യാടി: തളീക്കരയിൽ പെയിന്റിങ് ജോലിക്കിടെ അതിഥിത്തൊഴിലാളി ഷോക്കേറ്റു മരിച്ചു. ജാർഖണ്ഡ് സ്വദേശി മുഹമ്മദ് അസിസ് അൻസാരിയാണ് (21) മരിച്ചത്. പുതിയ വീട്ടിൽ പെയിന്റിങ്ങിനിടെ ഷോക്കേൽക്കുകയായിരുന്നു. ഉടൻ തന്നെ കുറ്റ്യാടി ആശുപത്രിയിൽ എത്തിച്ചെങ്കിലും രക്ഷിക്കാനായില്ല.&nbsp;

&nbsp;

തളീക്കരയിൽ പെയിന്റിങ് ജോലിക്കിടെ അതിഥിത്തൊഴിലാളി ഷോക്കേറ്റു മരിച്ചു

കോഴിക്കോട്: സൗത്ത് ബീച്ചില്‍ യുവാവിനെ മരിച്ചനിലയില്‍ കണ്ടെത്തി. കോഴിക്കോട് മുഖദാര്‍ സ്വദേശി ആസിഫ് ആണ് മരിച്ചത്. കടല്‍ഭിത്തിയിലെ കല്ലിനിടയില്‍ തല കുടുങ്ങിയനിലയിലാണ് മൃതദേഹം കണ്ടത്.
മരിച്ച ആസിഫ് ഓട്ടോറിക്ഷ ഡ്രൈവറാണ്. വ്യാഴാഴ്ച രാവിലെ ബീച്ചിലെത്തിയവരാണ് കടല്‍ഭിത്തിയില്‍ മൃതദേഹം കണ്ടത്. തുടര്‍ന്ന് പോലീസിനെ വിവരമറിയിക്കുകയായിരുന്നു. ആസിഫിനെ ബുധനാഴ്ച വൈകീട്ട് ബീച്ചില്‍ കണ്ടിരുന്നതായി പരിസരവാസികള്‍ പറഞ്ഞു. ഓട്ടോയും സമീപത്തായി ഉണ്ടായിരുന്നതായും നാട്ടുകാര്‍ പറഞ്ഞു.&nbsp;
മൃതദേഹം പുറത്തെടുത്ത് ഇന്‍ക്വസ്റ്റ് പൂര്‍ത്തിയാക്കിയശേഷം പോസ്റ്റ്‌മോര്‍ട്ടത്തിനായി മെഡിക്കല്‍ കോളേജ് ആശുപത്രിയിലേക്ക് മാറ്റും. സംഭവത്തില്‍ പോലീസ് അസ്വാഭാവികമരണത്തിന് കേസെടുത്ത് അന്വേഷണം ആരംഭിച്ചു.

കോഴിക്കോട് സൗത്ത് ബീച്ചില്‍ യുവാവിനെ മരിച്ചനിലയില്‍ കണ്ടെത്തി