മേപ്പയ്യൂർ: വയനാട് ദുരന്തബാധിതരെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് തൊഴിലുറപ്പ് തൊഴിലാളികളും ഒരു ദിവസത്തെ വേതനം നൽകാൻ പഞ്ചായത്ത് ഓഫിസിൽ ചേർന്ന മേറ്റുമാരുടെ യോഗം തീരുമാനിച്ചു. പഞ്ചായത്തിലെ 17 വാർഡുകളിലുമുള്ള മേറ്റുമാർ യോഗത്തിൽ സംബന്ധിച്ചു. പ്രസിഡണ്ട് കെ.ടി രാജൻ അദ്യക്ഷത വഹിച്ചു. വൈസ് പ്രസിഡണ്ട് എൻ.പി.ശോഭ, സ്റ്റാൻഡിങ്ങ് കമ്മറ്റി ചെയർമാൻ ഭാസ്ക്കരൻ കൊഴുക്കല്ലൂർ, മെമ്പർമാർ, മേറ്റുമാർ, അസി സെക്രട്ടരി കെ. ആർ. ശ്രീലേഖ, ഓവർസിയർ ടി.പി മനീഷ എന്നിവർ സംസാരിച്ചു.