മേപ്പയൂർ: കേരള കാർഷിക സർവ്വകലാശാലയിൽ നിന്നും കൃഷി ശാസ്ത്രത്തിൽ അഗ്രോണമി വിഭാഗത്തിൽ ഡോക്ടറേറ്റ് നേടിയ മേപ്പയൂർ ഗ്രാമപഞ്ചായത്ത് കൃഷി ഓഫീസർ ഡോക്ടർ ആർ എ അപർണ്ണയെ മേപ്പയ്യൂർ ഗ്രാമപഞ്ചായത്ത് അനുമോദിച്ചു. ടി പി രാമകൃഷ്ണൻ എംഎൽഎ പഞ്ചായത്തിന്റെ ഉപഹാരം സമർപ്പിച്ചു.  

ചടങ്ങിൽ ഗ്രാമപഞ്ചായത്ത് പ്രസിഡന്റ് കെ ടി രാജൻ അധ്യക്ഷത വഹിച്ചു. വൈസ് പ്രസിഡന്റ് എൻ പി ശോഭ, വികസന സ്റ്റാൻഡിങ് കമ്മിറ്റി ചെയർമാൻ വി സുനിൽ, മേലടി ബ്ലോക്ക് പഞ്ചായത്ത് വൈസ് പ്രസിഡണ്ട് പി പ്രസന്ന, ആരോഗ്യ വിദ്യാഭ്യാസ സ്റ്റാൻഡിങ് ചെയർമാൻ ഭാസ്കരൻ കൊഴുക്കല്ലൂർ, ഗ്രാമപഞ്ചായത്ത് സെക്രട്ടറി കെ പി അനിൽകുമാർ തുടങ്ങിയവർ സംസാരിച്ചു.