പേരാമ്പ്ര: നവംബർ 6,7,8,9 തീയ്യതികളിൽ ചെറുവണ്ണൂർ ഗവ : ഹൈസ്കൂളിൽ വച്ച് നടക്കുന്ന മേലടി സബ്ജില്ലാ കലോത്സവത്തിന്റെ പബ്ലിസിറ്റി കമ്മിറ്റി ഓഫീസ് ചെറുവണ്ണൂർ ടൗണിൽ തുറന്നു. ഗ്രാമപഞ്ചായത്ത് പ്രസിഡന്റ് എൻ. ടി.ഷിജിത്ത് ഉദ്ഘാടനം ചെയ്തു. ഗ്രാമപഞ്ചായത്ത് അംഗം ഏ.കെ.ഉമ്മർ അധ്യക്ഷത വഹിച്ചു. പ്രശസ്ത സിനിമ പിന്നണി ഗായകൻ അജയ് ഗോപാൽ മുഖ്യ അതിഥി ആയിരുന്നു. എ. ബാലകൃഷ്ണൻ, പിലാക്കാട്ട് ശങ്കരൻ, ശശി പൈതോത്ത്, മുനീർ, ഹരിദാസൻ, വി.കെ മൊയ്തു, വിജയൻ ആവള, ടി. എം. ബാലൻ എന്നിവർ സംസാരിച്ചു. പബ്ലിസിറ്റി കമ്മിറ്റി ചെയർമാൻ കെ. കെ.വിനോദൻ സ്വാഗതവും കൺവീനർ സുഭാഷ് നന്ദിയും പറഞ്ഞു.