പേരാമ്പ്ര: ചെറുവണ്ണൂർ പഞ്ചായത്ത് ബാല കലോത്സവവും അറബിക് കലോത്സവവും ഒക്ടോബർ 25, 26 തിയ്യതികളിൽ ആവള യു. പി സ്കൂളിൽ നടക്കും. പരിപാടിയുടെ സ്വാഗതസംഘം രൂപീകരണ യോഗം ഗ്രാമപഞ്ചായത്ത് പ്രസിഡന്റ് എൻ. ടി ഷിജിത്ത് ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ആദില നിമ്പ്രാസ് അദ്ധ്യക്ഷയായി. ബ്ലോക്ക് പഞ്ചായത്ത് അംഗം അജിത. കെ, ഗ്രാമപഞ്ചായത്ത് അംഗങ്ങളായ ശ്രീഷാ ഗണേഷ്, ഏ. കെ ഉമ്മർ, കെ. എം ബിജിഷ, എം. എം രഘുനാഥ്, പി. ടി. എ പ്രസിഡന്റ് ഷാനവാസ് കൈവേലി, പി. ഇ. സി കൺവീനർ എൻ. ബിജുന , വിജയൻ ആവള, രാജൻ അരീക്കൽ, വി. എം നാരായണൻ, കൃഷ്ണകുമാർ കീഴന, ലീന , സലീന .കെ, ഷൈനി ടി. കെ, സ്മിത ജി എന്നിവർ സംസാരിച്ചു. 

സംഘാടക സമിതി ഭാരവാഹികളായി ഗ്രാമപഞ്ചായത്ത് വൈസ് പ്രസിഡന്റ് ആദില നിമ്പ്രാസ് (ചെയർമാൻ), ഹെഡ് മിസ്സ്ട്രസ്സ് സ്മിത ജി (ജനറൽ കൺവീനർ) എന്നിവരെ തിരഞ്ഞെടുത്തു. കലോത്സവ ലോഗോ പ്രകാശനവും, സ്വാഗതസംഘം ഓഫീസ് ഉദ്ഘാടനവും ഒക്ടോബർ 15 ന് വൈകുന്നേരം 4 മണിക്ക് സ്കൂളിൽ നടക്കുമെന്ന് പബ്ലിസിറ്റി കമ്മിറ്റി ചെയർമാൻ വിജയൻ ആവള അറിയിച്ചു.