നാദാപുരം : ഇരിങ്ങണ്ണൂരിൽ അംഗനവാടി ജീവനക്കാരിയെ അടിച്ചുവീഴ്ത്തി സ്വർണമാല കവർന്നു. മുടവന്തേരി 52-ാം നമ്പർ അംഗനവാടിയിലെ ജീവനക്കാരി ഉഷയുടെ മൂന്നര പവൻ തൂക്കംവരുന്ന മാലയാണ് സ്കൂട്ടറിലെത്തിയ ആൾ മോഷ്ടിച്ചത്. രാവിലെ 9.50 ഓടെയായിരുന്നു സംഭവം.

ബസിറങ്ങി അംഗനവാടിയിലേക്ക് നടന്നുപോകുന്ന വഴിയായിരുന്നു സംഭവം. ബൈക്കിലെത്തിയ ആൾ തൊട്ടടുത്തുവന്ന് കഴുത്തിന് അടിച്ചുവെന്നും മാലപൊട്ടിച്ച് കൊണ്ടുപോകുകയായിരുന്നെന്നും ഉഷ പറഞ്ഞു. നാദാപുരം പോലീസിൽ പരാതി നൽകി.