പേരാമ്പ്ര: ആവള തറമ്മൽ അയ്യപ്പ ക്ഷേത്രത്തിലെ മൂന്ന് ദിവസം നീണ്ടു നിൽക്കുന്ന താലപ്പൊലി മഹോത്സവം കൊടിയേറി. ക്ഷേത്രം മേൽശാന്തി പ്രവീൺ നമ്പൂതിരി കാർമികത്വം നൽകി. ക്ഷേത്രം കമ്മറ്റി പ്രസിഡണ്ട് കെ.പി ബാലൻ, സെക്രട്ടറി പി. ബാലകൃഷ്ണൻ, വിജയൻ ആവള, രവി പി. അരീക്കൽ, ഇ പ്രദീപ് കുമാർ, ടി.കെ നാരായണക്കുപ്പ്, വിനീതൻ ടി, സലീഷ് പി. തുടങ്ങിയവർ നേതൃത്വം നൽകി.വൈകുന്നേരം ഇളനീർ കുല വരവും കാഞ്ഞിലിശ്ശേരി വിഷ്ണുപ്രസാദിൻ്റെ നേതൃത്വത്തിലുള്ള തായമ്പകയും നടന്നു.

ബുധനാഴ്ച വൈകുന്നേരം ആവള കോരംകുളങ്ങര പരദേവതാക്ഷേത്രത്തിൽ നിന്നും ആരംഭിക്കുന്ന താലപ്പൊലി ഘോഷയാത്ര , രാത്രി കാഞ്ഞിലശ്ശേരി വിനോദ് മാരാറുടെ മേള പ്രമാണത്തിൽ നടക്കുന്ന ചുറ്റെഴുന്നള്ളത്ത്, സോപാന നൃത്തം, തേങ്ങയേറ്, കരിമരുന്ന് പ്രയോഗം എന്നിവയോടെ ഉത്സവം കൊടിയിറങ്ങും.