നാദാപുരം: കേന്ദ്ര ഗസർക്കാർ പാസാക്കിയ വഖഫ് ഭേദഗതി നിയമം വംശഹത്യ പദ്ധതിയാണെന്നും ഇതിനെതിരെ മതേതര സമൂഹം ഒറ്റക്കെട്ടായി പ്രതികരിക്കണമെന്നും വെൽഫെയർ പാർട്ടി ജില്ലാ വൈസ് പ്രസിഡൻറ് ഷംസുദ്ദീൻ ചെറുവാടി ആവശ്യപ്പെട്ടു. 'വഖഫ് ഭേദഗതി നിയമം വംശഹത്യാ പദ്ധതി' എന്ന പ്രമേയത്തിൽ വെൽഫെയർ പാർട്ടി മണ്ഡലം കമ്മിറ്റി സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ധേഹം. മണ്ഡലം പ്രസിഡണ്ട് കളത്തിൽ അബ്ദുൽ ഹമീദ് അധ്യക്ഷത വഹിച്ചു.

ടി.കെ മമ്മു,പി ആയിശ, ഒ മുജീബ് എന്നിവർ പ്രസംഗിച്ചു. പ്രകടനത്തിന് ജലീൽ നാമത്ത്, ആർ കെ ഹമീദ്, എം എ വാണിമേൽ, പൊയിൽ സൂപ്പി, യുകെ ഹമീദ്, പി. കെ. ബഷീർ, എ സി കുഞ്ഞബ്ദുള്ള, പി സുലൈഖ തുടങ്ങിയവർ നേതൃത്വം നൽകി.