കുറ്റ്യാടി : എഐഎസ്എഫ് കുറ്റ്യാടി മണ്ഡലം കമ്മറ്റിയുടെ നേതൃത്വത്തിൽ എൽ.എസ്.എസ്, യു.എസ്.എസ്, എസ്.എസ്.എൽ.സി, പ്ലസ് ടു വിജയികളെ അനുമോദിക്കുന്ന 'വിജയാരവം' സംഘടിപ്പിച്ചു. അനുമോദന സദസ്സ് ഇ.കെ വിജയൻ എം.എൽ.എ ഉദ്ഘാടനം ചെയ്തു. എ.ഐ.എസ്.എഫ് ജില്ലാ കമ്മറ്റി അംഗം ശിവനന്ദ അധ്യക്ഷത വഹിച്ചു. 

എ.ഐ.എസ്.എഫ് ജില്ലാ പ്രസിഡൻ്റ് ഹരികൃഷ്ണ , സി പി ഐ ജില്ലാ എക്സിക്യൂട്ടീവ് അംഗം രാജേന്ദ്രൻ കപ്പള്ളി, മണ്ഡലം സെക്രട്ടറി കെ.കെ മോഹൻദാസ്, ജില്ലാ കമ്മറ്റി അംഗം റീന സുരേഷ്, എ.ഐ.എസ്.എഫ് മണ്ഡലം സെക്രട്ടറി വിക്രാന്ത്, കെ അതുൽ തുടങ്ങിയവർ സംസാരിച്ചു.