വടകര: വെള്ളികുളങ്ങര അങ്ങാടിയിൽ പലചരക്ക് കടയ്ക്ക് തീപിടിച്ചു. പുത്തൻപുരയിൽ ഹാഷിമിന്റെ ഉടമസ്ഥതയിലുള്ള കടയ്ക്കാണ് രാത്രി 01:30 ഓടെ തീപിടിച്ചത്. വടകര ഫയർ സ്റ്റേഷനിൽ നിന്നും രണ്ട് ഫയർ യൂണിറ്റ് എത്തി തീയണച്ചതിനാൽ വൻ ദുരന്തം ഒഴിവായി. ബാങ്ക് ഉൾപ്പെടെ നിരവധി സ്ഥാപനങ്ങൾ പ്രവർത്തിക്കുന്ന കെട്ടിടത്തിലാണ് തീ പിടിച്ചത്. 

സീനിയർ ഫയർ & റസ്ക്യു ഓഫീസർ ഒ. അനീഷിന്റെ നേതൃത്വത്തിൽ ഫയർ& റസ്ക്യു ഓഫീസർമാരായ ഷൈജേഷ് എ.പി , അർജുൻ സി.കെ, ലികേഷ് വി , സുബൈർ ..കെ., സുരേഷ് . കെ.ബി, അഗീഷ് പി. അഖിൽ ടി.വി, ജയകൃഷ്ണൻ ജെ, ബിനീഷ്.ഐ, എൻ സത്യൻ എന്നിവരടങ്ങിയ സംഘമാണ് തീയണച്ചത്.