കോഴിക്കോട്: ചേവായൂരിൽ നിയന്ത്രണംവിട്ട കാർ കിണറ്റിലേക്ക് മറിഞ്ഞു. ഇടറോഡിൽനിന്നും പ്രധാന റോഡിലേക്ക് കയറുന്നതിനിടെ സമീപത്തെ വീടിന്റെ ​ഗെയ്റ്റും മതിലും തകർത്തശേഷം കിണറ്റിലേക്ക് തലകീഴായി വീഴുകയായിരുന്നു.

കിണറിന് മുകളിലുള്ള ഇരുമ്പ് നെറ്റിൽ തങ്ങിയാണ് കാർ നിന്നത്. ശനിയാഴ്ച രാത്രിയിലാണ് സംഭവം. ചേവായൂർ സ്വദേശി രാധാകൃഷ്ണനാണ് വാഹനം ഓടിച്ചിരുന്നത്. കാറിനുള്ളിൽ കുടുങ്ങിയ ഇദ്ദേഹത്തെ അ​ഗ്നിരക്ഷാസേന എത്തിയാണ് പുറത്തെത്തിച്ചത്. നിസാര പരിക്കുകളുണ്ട്..