മലപ്പുറം: മാനസിക വൈകല്യമുള്ള യുവാവിനെ തട്ടിക്കൊണ്ടുപോയി ലൈംഗിക പീഡനത്തിനിരയാക്കിയ പ്രതി പിടിയിൽ. ആതവനാട് കാട്ടിലങ്ങാടി മുഹമ്മദ് ഷാഫിയെയാണ് (37) വളാഞ്ചേരി പൊലീസ് പിടികൂടിയത്. 23കാരനാണ് പീഡനത്തിനിരയായത്.ഡിസംബർ നാലിനാണ് കേസിനാസ്‌പദമായ സംഭവം നടന്നത്. 

വളാഞ്ചേരി സ്റ്റാൻഡിൽ ബസ് കാത്തുനിൽക്കുകയായിരുന്നു യുവാവ്. ഇയാളെ സിനിമ കാണിച്ചുതരാമെന്ന് പറഞ്ഞ് ഓട്ടോയിൽ കയറ്റി പട്ടാമ്പി റോഡിലെ മുനിസിപ്പൽ സ്റ്റേഡിയത്തിന് സമീപമുള്ള കുറ്റിക്കാട്ടിൽകൊണ്ടുപോയി ക്രൂരപീഡനത്തിനിരയാക്കുകയായിരുന്നു.തുടർന്ന് യുവാവിനെ മാരകമായി മർദ്ദിച്ച് കയ്യിലുണ്ടായിരുന്ന മൊബൈൽ ഫോൺ കവരുകയും ചെയ്തു. ഇന്നലെ ആതവനാട്ടിൽ നിന്നാണ് പ്രതിയെ പിടികൂടിയത്. 2020ൽ 16കാരനെ പീഡിപ്പിച്ചതിന് ഇയാൾക്കെതിരെ പോക്‌സോ കേസ് രജിസ്റ്റർ ചെയ്തിരുന്നു. പ്രതിയെ ഉടൻ കോടതിയിൽ ഹാജരാക്കും.