നാദാപുരം: സംസ്ഥാന പാതയിൽ ഗതാഗതം തടസ്സപ്പെടുത്തി പടക്കം പൊട്ടിച്ച് വിവാഹ സംഘത്തിൻ്റെ ആഘോഷം. നാദാപുരം - തലശ്ശേരി സംസ്ഥാന പാതയിൽ പേരോട് ടൗണിലാണ് ഒരു കൂട്ടം യുവാക്കൾ ഗതാഗതം തടസ്സപെടുത്തുകയും , ജീവന് അപകടം ഉണ്ടാക്കും വിധം പ്രഹര ശേഷിയുള്ള പടക്കങ്ങൾ റോഡിൽ നിരത്തി തീ കൊളുത്തിയത്.

കോറോത്ത് മൊയ്തു എന്നയാളുടെ മകൻ്റെ വിവാഹത്തിൽ പങ്കെടുക്കാനെത്തിയ സംഘമാണ് അപകടകരമായ ആഘോഷം നടത്തിയതെന്ന് പോലീസ് പറഞ്ഞു. സംഭവത്തിൽ കണ്ടാലറിയാവുന്ന 3 പേർക്കെതിരെ നാദാപുരം പോലീസ് കേസ് എടുത്തു.