നാദാപുരം: വളയത്ത് 14 വയസ് കാരന് പീഡനം. ആറു പേര്‍ക്കെതിരെ വളയം പോലീസ് പോക്സോ വകുപ്പുകള്‍ ചേര്‍ത്ത് കേസെടുത്തു. പുളിയാവ് മേഖലയിലാണ് സംഭവം. 14 കാരനെ വിവിധ സ്ഥലങ്ങളില്‍ കൊണ്ടുപോയി പീഡനത്തിനിരയാക്കിയെന്നാണ് കുട്ടി പോലീസില്‍ മൊഴി നല്‍കിയത്.&nbsp;

സ്‌കൂളില്‍ പോവാന്‍ കുട്ടി മടി കാണിച്ചതിനെ തുടര്‍ന്ന് വീട്ടുകാര്‍ വിവരങ്ങള്‍ തേടിയപ്പോഴാണ് പീഡന വിവരം പുറത്തറിയുന്നത്.&nbsp;

വളയത്ത് 14കാരന് പീഡനം; 6 പേര്‍ക്കെതിരെ കേസ്

Nadapuram

കോഴിക്കോട്: യുവാവിനെ കാപ്പ പ്രകാരം അറസ്റ്റ് ചെയ്തു. സാമൂഹിക വിരുദ്ധ പ്രവർത്തനങ്ങൾ (തടയൽ) നിയമപ്രകാരം (കാപ്പ) കോഴിക്കോട് ജില്ലാ കളക്ടർ പുറപ്പെടുവിച്ച കരുതൽ തടങ്കൽ ഉത്തരവിന്റെ അടിസ്ഥാനത്തിൽ കൊടുവള്ളി എളേറ്റിൽ വട്ടോളി കരിമ്പാപൊയിൽ ഫായിസ് മുഹമ്മദ് കെ.പി. (29) നെയാണ് അറസ്റ്റ് ചെയ്തത്. വിയ്യൂർ ഹൈ സെക്യൂരിറ്റി ജയിലിൽ വെച്ച് കൊടുവള്ളി പോലീസ് സ്റ്റേഷൻ എസ്.എച്ച്.ഒ. ഇയാളുടെ അറസ്റ്റ് രേഖപ്പെടുത്തുകയായിരുന്നു. തുടർന്ന് കരുതൽ തടങ്കലിൽ പാർപ്പിക്കുന്നതിനായി കണ്ണൂർ സെൻട്രൽ ജയിലിലേക്ക് മാറ്റി.

കാപ്പ പ്രകാരം യുവാവിനെ അറസ്റ്റ് ചെയ്തു

Kozhikode

കരുനാഗപ്പള്ളി: ആത്മീയ ഉണർവിനെന്ന പേരിൽ യൂട്യൂബിലൂടെ തത്സമയ പ്രാർഥന സദസ്സുകളും മറ്റും നടത്തുന്നയാൾ 16കാരിയെ പീഡിപ്പിച്ച കേസിൽ അറസ്റ്റിൽ. പെൺകുട്ടിയുടെ പിതൃമാതാവിന്റെ അസുഖം മാറ്റിനൽകാമെന്ന് വിശ്വസിപ്പിച്ച് പലതവണ ലൈംഗികമായി പീഡിപ്പിച്ച കേസിലാണ് ഓച്ചിറ പുതുപ്പള്ളി കൊച്ചയ്യത്ത് പടീറ്റതിൽ നിയാസ് ജൗഹരി (34) പിടിയിലായത്.
യൂട്യൂബിലും ഇൻസ്റ്റഗ്രാമിലുമായി അഞ്ച് ലക്ഷത്തോളം ഫോളോവർമാരുള്ള ഇയാൾ ‘വോയ്സ് ഓഫ് നിയാസ് ജൗഹരി’, ‘നിയാസ് ജൗഹരി ഹബീബി’ എന്നീ പേജുകളിലൂടെ മതപ്രഭാഷണവും സാമൂഹിക വിമർശനവും പ്രാർഥന സദസ്സുകളും നടത്തിവരികയായിരുന്നുവെന്ന് പൊലീസ് പറഞ്ഞു.
പരാതിക്കാരിയുടെ പിതൃമാതാവിന്റെ ശരീരത്തിലുള്ള ബാധ ഒഴിപ്പിക്കാനാണെന്ന് പറഞ്ഞ് കുട്ടിയെയും പിതൃമാതാവിനെയും ഓച്ചിറ മേമനയിലെ അൽ ഹബീബിയ ഇസ്‍ലാമിക് അക്കാദമിയിൽ വിളിച്ചുവരുത്തിയും പ്രതി വാടകക്ക് താമസിക്കുന്ന വീട്ടിൽ വെച്ചുമാണ് പീഡനത്തിനിരയാക്കിയത്. 2025 ഒക്ടോബർ, നവംബർ മാസങ്ങളിൽ നടന്ന സംഭവങ്ങൾ പെൺകുട്ടി സുഹൃത്തുക്കളോട് പറഞ്ഞതിനെ തുടർന്നാണ് വിവരം പുറത്തറിഞ്ഞത്. തുടർന്ന് പെൺകുട്ടിയുടെ മൊഴിയുടെ അടിസ്ഥാനത്തിൽ പോക്സോ, ബലാത്സംഗം എന്നീ വകുപ്പുകൾ പ്രകാരം പൊലീസ് കേസ് രജിസ്റ്റർ ചെയ്യുകയായിരുന്നു.

പ്രാർഥനയുടെ മറവിൽ 16കാരിയെ പീഡിപ്പിച്ച യൂട്യൂബർ അറസ്റ്റിൽ

Kerala

പയ്യോളി: ടൗണിൽ പോസ്റ്റ് ഓഫീസിനു മുൻപിൽ ടോറസ് ലോറി ഇലക്ട്രിക് ലൈനിൽ തട്ടി പയ്യോളി- പേരാമ്പ്ര റൂട്ടിൽ രണ്ട് മണിക്കൂറുകളോളം ഗതാഗത തടസ്സം ഉണ്ടായി. പയ്യോളി പോലീസ് വിവരം അറിയിച്ചതിനെ തുടർന്ന് വടകരയിൽ നിന്ന് എത്തിയ അഗ്നി രക്ഷാ സേന ഇലക്ട്രിക്ക് കട്ടറിന്റെ സഹായത്തോടെ പോസ്റ്റ് മുറിച്ചുമാറ്റി ഗതാഗതം സുഗമമാക്കി.&nbsp;
ഇന്ന് പുലർച്ചെ 2. 45 ന് ആണ് സംഭവം. സീനിയർ ഫയർ ആൻഡ് റെസ്ക്യൂ ഓഫീസർ ആർ ദീപക്കിന്റെ നേതൃത്വത്തിൽ എത്തിയ സേനയിൽ ഫയർ ആൻഡ് റെസ്ക്യൂ ഓഫീസർമാരായ കെ എം വിജീഷ്, പി എം ബബീഷ്, എ കെ സരിൻ ലാൽ, ജെ ജയകൃഷ്ണൻ, സി എസ് ശരത്, കെപി റഷീദ്, ഹോം ഗാർഡ് ഗണേഷ് എന്നിവർ പങ്കാളികളായി.

പയ്യോളിയിൽ ടോറസ് ലോറി ഇലക്ട്രിക് ലൈനിൽ തട്ടി; ഗതാഗതം തടസ്സപ്പെട്ടു

Koyilandy

തിരുവനന്തപുരം: വിവാഹം കഴിഞ്ഞ് പതിനൊന്നാം നാൾ നവവധുവിനെ വീട്ടിൽ തൂങ്ങിമരിച്ച നിലയിൽ കണ്ടെത്തി. തിരുവനന്തപുരം അയിരൂർ തച്ചോട് പൈപ്പിൻമൂടിനുസമീപം ‘തണൽ' വീട്ടിൽ ജിഷ (30)യെയാണ് തൂങ്ങിമരിച്ച നിലയിൽ കണ്ടെത്തിയത്. ഇന്ന് പകൽ 11.30ഓടെയാണ് ജിഷയെ വീട്ടിൽ മരിച്ചനിലയിൽ കണ്ടെത്തിയത്. നാട്ടുകാർ കയർ അറുത്തുമാറ്റി ഉടൻ വർക്കല താലൂക്ക് ആശുപത്രിയിൽ എത്തിച്ചെങ്കിലും ജിഷ മരിച്ചിരുന്നു.

ജിഷയുടെ രണ്ടാം വിവാഹമായിരുന്നു ഇത്. ഗുരുവായൂർ ക്ഷേത്രത്തിൽ വെച്ചായിരുന്നു വർക്കല സ്വദേശി അജി നടേശനുമായുള്ള വിവാഹം. ജിഷയുടെ ആദ്യ ഭർത്താവ്‌ ശരത്ത് ഒന്നരവർഷം മുമ്പ് വിദേശത്ത്‌ വാഹനാപകടത്തിൽ മരിച്ചിരുന്നു. ആദ്യവിവാഹത്തിൽ എട്ടും അഞ്ചും വയസ്സുള്ള രണ്ട് പെണ്കുട്ടികളുണ്ട്. മക്കൾക്കും അജിക്കുമൊപ്പം ജിഷ ഈ വീട്ടിൽതന്നെയാണ് താമസിക്കുന്നത്‌. ജിഷയുടെ വീട്ടുകാർ വിവാഹച്ചടങ്ങിൽ പങ്കെടുത്തിരുന്നില്ല.

സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. വിവാഹം കഴിഞ്ഞ്‌ ദിവസങ്ങൾക്കുള്ളിൽ യുവതി മരിച്ചതിൽ ദുരൂഹതയുണ്ടോയെന്ന്‌ അന്വേഷിക്കുകയാണെന്ന്‌ അയിരൂർ പൊലീസ് പറഞ്ഞു.&nbsp;

വിവാഹം കഴിഞ്ഞ് പതിനൊന്നാം നാൾ നവവധു തൂങ്ങിമരിച്ച നിലയിൽ

കൊയിലാണ്ടി (കോഴിക്കോട്): ഖത്തര്‍ കെ.എം.സി.സി കവര്‍ച്ച കേസില്‍ പ്രതികള്‍ക്കായി പൊലീസ് ലുക്ക് ഔട്ട് സര്‍ക്കുലര്‍ ഇറക്കി. നാലു പ്രതികള്‍ക്കെതിരെയാണ് ലുക്ക് ഔട്ട് സര്‍ക്കുലര്‍. ഷാജഹാന്‍ എന്ന ബോംബെ ഷാജി, കുന്നുമ്മല്‍ ഹസ്സന്‍ എന്ന അസയിനാര്‍, കുന്നുമ്മല്‍ അബ്ദുല്‍ റസാഖ്, അലയാറില്‍ അബ്ദുല്‍ നിസാര്‍ എന്നിവര്‍ക്കെതിരെയാണ് ലുക്ക് ഔട്ട് സര്‍ക്കുലര്‍.
ഇവര്‍ രാജ്യം വിടാന്‍ സാധ്യതയുണ്ടെന്ന് അറിഞ്ഞാണ് പൊലീസ് നടപടി. ഇവരെ പിടികൂടിയെങ്കില്‍ മാത്രമേ കവര്‍ച്ചയുമായി ബന്ധപ്പെട്ട കാര്യങ്ങളില്‍ കൂടുതല്‍ വ്യക്തത വരൂ.പ്രതികള്‍ക്കായി പൊലീസ് തിരച്ചില്‍ ഊര്‍ജിതമാക്കിയിട്ടുണ്ട്. ഇവര്‍ക്ക് പുറമേ ഖത്തര്‍ കെ.എം.സി.സിയുമായി ബന്ധമുള്ള ഉന്നതര്‍ക്കും കേസില്‍ പങ്കുണ്ടെന്ന് ആരോപണമുണ്ട്.&nbsp;

ഖത്തര്‍ കെ.എം.സി.സി കവര്‍ച്ച കേസ്;പ്രതികള്‍ക്കായി  ലുക്ക് ഔട്ട് സര്‍ക്കുലര്‍ ഇറക്കി

വട്ടോളി:ബൈക്കിൽ പാമ്പ്, യാത്രക്കാരൻ രക്ഷപ്പെട്ടത് തലനാരിഴയ്ക്ക്. വട്ടോളിയിൽനിന്നു പതിരിപ്പറ്റയിലേക്കുള്ള യാത്രയ്ക്കിടെ റിട്ട. കെഎസ്ഇബി ഓവർസീയർ കെ.കെ.ചന്ദ്രൻ പിലാച്ചേരിയിൽ എത്തിയപ്പോഴാണ് ബൈക്കിൽ പാമ്പിനെ കണ്ടത്.&nbsp;

ഉടനെ ബൈക്ക് നിർത്തി നാട്ടുകാരെ വിളിച്ചു വന്നപ്പോഴേക്കും പാമ്പ് ബൈക്കിനുള്ളിലേക്കു കയറി. തുടർന്നു നാട്ടുകാരുടെ സഹായത്തോടെ സാഹസികമായി പിടികൂടുകയായിരുന്നു. അണലിയെയാണു പിടികൂടിയത്.&nbsp;

യാത്രയ്ക്കിടെ ബൈക്കിൽ അണലി; വട്ടോളിയിൽ യാത്രക്കാരൻ രക്ഷപ്പെട്ടത് തലനാരിഴയ്ക്ക്

Kuttiadi

ആലപ്പുഴ: പ്രണയാഭ്യർത്ഥന നിരസിച്ചതിന് സഹപാഠിയെ വിദ്യാർത്ഥിനി ക്വട്ടേഷൻ കൊടുത്ത് മർദിച്ചതായി പരാതി. ആഭ്യന്തരമന്ത്രിയുടെ മണ്ഡലമായ ഹരിപ്പാടാണ് സംഭവം. ഹരിപ്പാട് ബോയ്സ് ഹയർ സെക്കൻഡറി സ്കൂളിലെ പ്ലസ് വൺ വിദ്യാർത്ഥിയാണ് മ‌ർദനത്തിന് ഇരയായത്. സഹപാഠികളാണ് മർദിച്ചതെന്നാണ് പരാതി.
ഇക്കഴിഞ്ഞ 15-ാം തീയതിയാണ് സംഭവം. പതിനേഴുകാരനോട് പ്ലസ് വൺ വിദ്യാർത്ഥിനിക്ക് പ്രണയം തോന്നിയിരുന്നു. എന്നാൽ ആൺകുട്ടി അത് നിരസിച്ചു. ഇതിൽ പ്രകോപിതയായ പെൺകുട്ടി ചെങ്ങന്നൂർ ഐടിഐയിൽ പഠിക്കുന്ന പള്ളിപ്പാട് സ്വദേശിയായ 19 കാരന് ക്വട്ടേഷൻ നൽകുകയായിരുന്നുവെന്നാണ് പരിക്കേറ്റ വിദ്യാർത്ഥിയുടെ കുടുംബത്തിന്റെ ആരോപണം.ഈ യുവാവിന്റെ നിർദേശപ്രകാരം പതിനേഴുകാരനെ ക്ലാസ് മുറിയിൽ പൂട്ടിയിട്ട് പതിനഞ്ചിലധികം വിദ്യാർത്ഥികൾ അതിക്രൂരമായി മർദിക്കുകയായിരുവെന്നാണ് പരാതി. മമർദിച്ച വിദ്യാർത്ഥികളെ സ്കൂൾ അധികൃതർ ഒരു മാസത്തേയ്ക്ക് സസ്‌പെൻഡ് ചെയ്തതായാണ് വിവരം. സംഭവത്തിൽ പതിനേഴുകാരന്റെ മൊഴിയുടെ അടിസ്ഥാനത്തിൽ ഹരിപ്പാട് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

പ്രണയാഭ്യർത്ഥന നിരസിച്ചതിന് പെൺകുട്ടിയുടെ ക്വട്ടേഷൻ: പതിനേഴുകാരന് സഹപാഠികളുടെ മർദനം

കണ്ണൂർ: സാമൂഹ മാധ്യമങ്ങളിലൂടെ വര്‍ഗീയ വിദ്വേഷവും ബാലികക്കെതിരേ ലൈംഗിക അധിക്ഷേപവും നടത്തിയ ആർ.എസ്.എസ് പ്രവർത്തകൻ അറസ്റ്റിൽ. കണ്ണൂര്‍ അഴിയൂര്‍ സ്വദേശിയായ വിമല്‍ ശിവശക്തി മുഴക്കുന്ന് പൊലീസാണ് അറസ്റ്റ് ചെയ്തത്. ഇയാളെ പിന്നീട് കോടതി റിമാൻഡ് ചെയ്തു.
എസ്.ഡി.പി.ഐ മുഴക്കുന്ന് പഞ്ചായത്ത് ജോയിന്‍റ് സെക്രട്ടറി യൂനുസ് വിളക്കോട് നല്‍കിയ പരാതിയിലാണ് അറസ്റ്റ്. സമൂഹമാധ്യമങ്ങളിൽ പോസ്റ്റ് ചെയ്ത പെണ്‍കുട്ടിയുടെ ഫോട്ടോക്കു താഴെയാണ് ഇയാള്‍ വര്‍ഗീയപരവും ലൈംഗിക അധിക്ഷേപകരവുമായ കമന്റിട്ടത്.അബാക്കസ് പരീക്ഷയിൽ ഉന്നത വിജയം നേടിയ ബാലികയെ എസ്.ഡി.പി.ഐ അനുമോദിക്കുന്നതിന്‍റെ ഭാഗമായുള്ള ചിത്രം ഫേസ്ബുക്കിൽ പോസ്റ്റ് ചെയ്തിരുന്നു. ഇതിനു താഴെയാണ് വിദ്വേഷ പോസ്റ്റിട്ടത്.

സാമൂഹ മാധ്യമങ്ങളിലൂടെ ബാലികക്കെതിരെ ലൈംഗിക അധിക്ഷേപം; ആർഎസ്എസ് പ്രവർത്തകൻ അറസ്റ്റിൽ