തൃശൂർ: സർക്കാർ വിരുദ്ധതയില്ലെന്നതിന്റെ തെളിവാണ് ചേലക്കരയിലെ എൽ.ഡി.എഫ് മുന്നേറ്റമെന്ന് എൽ.ഡി.എഫ് സ്ഥാനാർഥി യു.ആർ.പ്രദീപ്. പ്രതീക്ഷിച്ച മുന്നേറ്റം എൽ.ഡി.എഫ് ഉണ്ടാക്കിയെന്നും പ്രദീപ് പറഞ്ഞു.

വോട്ട് ചെയ്ത ​എല്ലാവർക്കും നന്ദി പറയുകയാണ്. വോട്ടെണ്ണല്ലിന് ശേഷം ന്യൂനപക്ഷ വോട്ടുകളെ സംബന്ധിച്ച് പ്രതികരണം നടത്തുമെന്നും അദ്ദേഹം കൂട്ടിച്ചേർത്തു.തുടക്കം മുതൽ തന്നെ യു.ആർ പ്രദീപിന് വൻ വിജയമുണ്ടാവുമെന്നാണ് പ്രതീക്ഷച്ചിരുന്നതെന്ന് എൽ.ഡി.എഫ് എം.പി കെ.രാധകൃഷ്ണനും പറഞ്ഞു. കക്ഷിരാഷ്ട്രീയഭേദമില്ലാതെ എല്ലാവരും എൽ.ഡി.എഫിന് വോട്ട് ചെയ്തുവെന്ന് അദ്ദേഹം കൂട്ടിച്ചേർത്തു.ചേലക്കരയിൽ തുടക്കം മുതൽ എൽ.ഡി.എഫ് മുന്നേറ്റം നിലനിർത്തിയിരുന്നു.