മധുര: മുതിർന്ന സി.പി.എം നേതാവും ഉടുമ്പൻചോല എം.എൽ.എയുമായ എം.എം. മണിയെ ശ്വാസ തടസ്സത്തെ തുടർന്ന് അപ്പോളോ ആശുപത്രിയിൽ പ്രവേശിപ്പിച്ചു. തീവ്ര പരിചരണ വിഭാഗത്തിൽ തുടരുന്ന എം.എം. മണിയുടെ നില ഗുരുതരമാണെന്നാണ് റിപ്പോർട്ടുകൾ. മുതിർന്ന നേതാക്കൾ ആശുപത്രിയിൽ എത്തിയിട്ടുണ്ട്.

മധുരയിൽ നടക്കുന്ന സി.പി.എം പാർട്ടി കോൺഗ്രസിനിടെയാണ് എം.എം. മണിക്ക് ശ്വാസതടസ്സം അനുഭവപ്പെട്ടത്. ഉടൻ തന്നെ അപ്പോളോ ആശുപത്രിയിൽ പ്രവേശിപ്പിക്കുകയായിരുന്നു. 24 മണിക്കൂർ നിരീക്ഷണത്തിന് ശേഷം മാത്രമെ ആരോഗ്യനില സംബന്ധിച്ച് കൂടുതൽ കാര്യങ്ങൾ പറയാനാവുകയുള്ളുവെന്ന് ആശുപത്രി വൃത്തങ്ങൾ അറിയിച്ചു.