വടകര: ലോകനാര്‍കാവ് വലിയ ചിറയില്‍ നീന്താനിറങ്ങിയ വിദ്യാര്‍ഥി മുങ്ങി മരിച്ചു. മേമുണ്ട ചല്ലിവയല്‍ മമ്മള്ളി അഭിനവ് കൃഷ്ണയാണ് (17) മരിച്ചത്.

തിങ്കളാഴ്ച വൈകീട്ട് കൂട്ടുകാരോടൊത്ത് നീന്താനെത്തിയതായിരുന്നു. ചിറയുടെ ഒരു ഭാഗത്തേക്ക് നീന്തി തിരികെ നീന്തുമ്പോള്‍ മുങ്ങിപ്പോയി. ഒപ്പമുള്ളവര്‍ മുങ്ങി എടുത്തെങ്കിലും രക്ഷിക്കാനായില്ല. മേപ്പയില്‍ മിഡറ്റ് കോളജില്‍ നിന്ന് പ്ലസ് ടു കഴിഞ്ഞ വിദ്യാര്‍ഥിയാണ് അഭിനവ്. മൃതദേഹം വടകര ജില്ലാ ആശുപത്രി മോര്‍ച്ചറിയില്‍. അച്ഛന്‍: വിനീഷ്. അമ്മ: പ്രതിഭ. സഹോദരി: അലോന.