ബിഗ്ബോസിലൂടെ ശ്രദ്ധേയനായ താരമാണ് ഷിയാസ് കരീം. മോഡലായ ഷിയാസ് സ്റ്റാർ മാജിക് അടക്കമുള്ള ടെലിവിഷൻ പരിപാടികളിലൂടെയും പ്രേക്ഷകർക്ക് സുപരിചിതനാണ്. ഇപ്പോഴിതാ തന്റെ വിവാഹവാർത്ത പുറത്തുവിട്ടിരിക്കുകയാണ് താരം. പ്രതിശ്രുത വധുവിനൊപ്പമുള്ള സേവ് ദ ഡേറ്റ് ചിത്രങ്ങൾ പങ്കുവച്ച് കൊണ്ടാണ് താൻ വിവാഹിതനാകാൻ പോവുകയാണെന്ന് ഷീയാസ് അറിയിച്ചിരിക്കുന്നത് . 

തന്റെ ഇൻസ്റ്റഗ്രാം പേജിലൂടെയാണ് സേവ് ദ ഡേറ്റ് ചിത്രങ്ങൾ താരം പങ്കുവച്ചത്. ഫോട്ടോഷൂട്ടിന്റെ ബി.‌ടി.എസും ഇൻസ്റ്റഗ്രാമിൽ പങ്കുവച്ചിട്ടുണ്ട്. നവംബർ 25നാണ് വിവാഹം എന്നുമാത്രമാണ് ചിത്രത്തിലുള്ളത്. പെൺകുട്ടിയുടെ പേരോ മറ്റ് വിവരങ്ങളോ ഷിയാസ് സൂചിപ്പിച്ചിട്ടില്ല.കഴിഞ്ഞ വർഷം ഷിയാസ് വിവാഹിതനാകാൻ പോകുകയാണെന്ന് അറിയിച്ചിരുന്നു. ദുബായിൽ വച്ച് പെൺകുട്ടിയുമായുള്ള വിവാഹനിശ്ചയവും നടന്നെങ്കിലും പിന്നീട് ഈ ബന്ധം ഉപേക്ഷിക്കപ്പെട്ടു.