Regional News | Latest Malayalam News | Breaking News - Category: Inshort

ഇളയങ്ങാട്ട് നാസർ അനുസ്മരണം നടത്തി

NVTV — 2023-11-16 07:36:20

നന്തി ബസാർ: ദുബൈയിൽ അന്തരിച്ച സാമൂഹ്യ പ്രവർത്തകൻ നന്തി സദേശി ഇളയങ്ങാട്ട് നാസറിന് വേണ്ടി കടലൂർ മുസ്ലിം അസോസിയേഷൻ യു എ ഇയും കടലൂർ മൂമെന്റ് ഫോർ അച്ചീവ്മെൻറും സംയുക്തമായി അനുശോചനയോഗവും പ്രാർത്ഥനാ സദസ്സും നടത്തി. കെ .പി മൂസ്സ അദ്ധ്യഷനായി. വിവിധ മേഖലകളിൽ നിന്നുള്ള ടി.കെ.നാസർ ,അഹമ്മദ് റംലി ,മെയോൺ ഖാദർ ,കാളിയേരി മൊയ്തു ,എം കെ .മോഹനൻ ,ബാലൻ അമ്പാടി ,റഫീക്ക് പുത്തലത്ത് ,റഷീദ് മണ്ടോളി ,കക്കുളം കൂഞ്ഞബ്ദുള്ള ,റസൽ നന്തി ,അബ്ഷാർ ,ഷരീഫ് ദാരിമി ,സിറാജ് കോടിക്കൽ , വി.കെ.കെ.റാഷി ,ഹനീഫ നിലയെടുത്ത് ,വി.കെ.കെ. ഉമ്മർ, ബഷീർ കൂരളി, അഷറഫ് മുക്കാട്ട്, ഇബ്രാഹിം കുട്ടി എരവത്ത്, മജീദ് കുണ്ടന്റവിടെ തുടങ്ങിയവർ സംസാരിച്ചു. അനുശോചനപ്രമേയം അഹമ്മദ് റംലി അവതരിപ്പിച്ചു. ബഷീർ ദാരിമി പ്രാർത്ഥനാ സദസ്സിന് നേതൃത്വം നൽകി. റാഫി ദാരിമി സ്വാഗതവും മുസ്തഫ അമാന നന്ദിയും പറഞ്ഞു.

ശിശുദിനാഘോഷവും റാലിയും നടത്തി

NVTV — 2023-11-14 11:20:18

അഴിയൂർ: പതിനേഴാം വാർഡിലെ പരദേവത അങ്കണവാടിയിൽ ശിശുദിനാഘോഷവും റാലിയും സംഘടിപ്പിച്ചു. പഞ്ചായത്ത്‌ പ്രസിഡന്റ്‌ ആയിഷ ഉമ്മറിന്റെ അധ്യക്ഷതയിൽ മോർണിറ്റിംഗ് കമ്മറ്റി അംഗങ്ങളായ അഹ്‌മദ്‌ കൽപക, മനോജ്‌കുമാർ, സ്മാജി പ്രേം, അസിത, പുഷ്പ, എന്നിവർ സംസാരിച്ചു. കുട്ടികളുടെ രക്ഷിതാക്കളും പങ്കെടുത്തു. ഷീല നന്ദി രേഖപ്പെടുത്തി. കുട്ടികളുടെ വിവിധ കലാപരിപാടികളും ഉണ്ടായി.

നവകേരള സദസ്സ്; പോസ്റ്റർ പ്രദർശനം നടത്തി

NVTV — 2023-11-14 06:57:49

ആയഞ്ചേരി: നവകേരള സദസ്സിന്റെ പ്രചരണാർത്ഥം പബ്ലിക്ക് റിലേഷൻ വകുപ്പ് തയ്യാറാക്കിയ പോസ്റ്ററിന്റെ പ്രദർശനം സംഘാടക സമിതിയുടെ നേതൃത്വത്തിൽ ആയഞ്ചേരി ടൗണിൽ നടന്നു. സംഘാടക സമിതി ചെയർമാൻ ടി.വി.കുഞ്ഞിരാമൻ, കെ സോമൻ , സന്തോഷ് കുനീമ്മൽ , ലിസ പുനയംകോട്ട്, ലിമ മണ്ണിൽ, ആർ കുഞ്ഞിരാമൻ, പ്രതീഷ് ആർ എന്നിവർ നേതൃത്വം നൽകി.

കൺവൻഷൻ ചേർന്നു

NVTV — 2023-11-14 06:29:47

അഴിയൂർ: ജനകീയ മന്ത്രിസഭ ജനങ്ങൾക്കൊപ്പം മുഖ്യമന്ത്രിയും ഇരുപത് മന്ത്രിമാരും പങ്കെടുക്കുന്ന നവ കേരള സദസ്സ് ഈ മാസം 24ന് വൈകുന്നേരം 4 മണിക്ക് വടകര മണ്ഡലം പര്യടനം നാരായണ നഗറിൽ വിജയിപ്പിക്കുന്നതിന്റെ ഭാഗമായി അഴിയൂർ ഗ്രാപഞ്ചായത്ത് പതിനേഴാം വാർഡ് കൺവൻഷൻ അഴിയൂർ ജി ജെ ബി സ്കൂളിൽ നടന്നു. പഞ്ചായത്ത് മെമ്പർ സി എം സജീവൻ അദ്ധ്യക്ഷത വഹിച്ചു. അഴിയൂർ ഗ്രാമ പഞ്ചായത്ത് മുൻ പ്രസിഡണ്ട് പി ശ്രീധരൻ ഉദ്ഘാടനം ചെയ്തു. എ ഇ ഒ സപ്ന ജൂലിയറ്റ്, പഞ്ചായത്ത് പദ്ധതി ക്ലർക്ക് രാജേഷ് കുമാർ പി, മുബാസ് കല്ലേരി, അനിൽ കുമാർ വി പി എന്നിവർ സംസാരിച്ചു.

ശിശുദിനാഘോഷവും റാലിയും നടത്തി

Aswani — 2023-11-14 03:20:18

നവകേരള സദസ്സ്; പോസ്റ്റർ പ്രദർശനം നടത്തി

Aswani — 2023-11-13 22:57:49

കൺവൻഷൻ ചേർന്നു

Aswani — 2023-11-13 22:29:47

എ എ വൈ കാർഡ് വിതരണം ചെയ്തു

Aswani — 2023-11-13 02:47:37

ആയഞ്ചേരി: കേരള സർക്കാറിന്റെ 100 ദിന കർമ്മ പരിപാടിയിൽ ഉൾപ്പെടുത്തി ദുർബ്ബല വിഭാഗങ്ങൾക്ക് , അന്ത്യോദയ അന്നയോജന പദ്ധതിയിൽ ഭക്ഷ്യവസ്തുക്കൾ നൽകുന്ന പദ്ധതിയുടെ ഭാഗമായി ആയഞ്ചേരി ഗ്രാമ പഞ്ചായത്ത് 12-ാം വാർഡിലെ വലിയ വീട്ടിൽ ജാനുവിന്റെ കുടുബത്തിന് അനുവദിച്ച എ എ വൈ കാർഡ് ആയഞ്ചേരി പഞ്ചായത്ത് സ്ഥിരംസമിതി അധ്യക്ഷൻ ടി.വി.കുഞ്ഞിരാമൻ വീട്ടിൽ എത്തി കുടുബത്തിന് കൈമാറി. വടകര താലൂക്ക് അസി: സപ്ലെ ഓഫീസർ സുരേഷ് കുമാർ യു.വി, അയൽ കൂട്ടം കൺവീനർ രനീഷ് ടി.കെ, കുടുബശ്രീ ഏ ഡി എസ്സ് ഭാരവാഹികളായ ദിവ്യ എം.കെ, രമ്യ കെ എം എന്നിവർ സന്നിഹിതരായിരുന്നു.

ആർട്ട് ഫെസ്റ്റ് നടത്തി

Aswani — 2023-11-11 03:03:20

പയ്യോളി: വിവിധ മേഖലകളിൽ കഴിവ് തെളിയിച്ച വിദ്യാർത്ഥികളെ പങ്കെടുപ്പിച്ചു കൊണ്ട് ഗരീബ് നവാസ് സ്റ്റുഡൻസ് അസോസിയേഷൻ നടത്തിയ ആർട്ട് ഫെസ്റ്റ് സംഘാടക രീതി കൊണ്ട് വേറിട്ട ഒന്നായി മാറി. കവിയും മോട്ടിവേറ്ററുമായ ഇബ്രാഹിം തിക്കോടി ഫെസ്റ്റ് ഉദ്ഘാടനം ചെയ്തു. ഹബീബ് റഹ്മാൻ സുഹ്രി ഉസ്താദ് പ്രാർത്ഥനാ നടത്തി. ഹാഫിസ് സിയാദ് ഖിറാഅത്ത് ചൊല്ലി. ഹാഫിസ് നവാസ് സഖാഫി അധ്യക്ഷത വഹിച്ചു. ഹാഫിസ് സർഫാസ് അദനി, യൂനുസ് മിസ്ബാഹി, ഹുസൈൻ ഹാജി, കമ്മന ഉമ്മർ ഹാജി, അസീസ് ,ഫത്താഹ് ഹാജി, സിറാജ് , ഹനീഫ നെല്ലോളി, എം.സി.റഷീദ് എന്നിവർ സംസാരിച്ചു. ഹാഫിസ് അജ്നാസ് മാഹിൻ സ്വാഗതം പറഞ്ഞു. ഹാഫിസ് മുബഷിർ നന്ദി രേഖപ്പെടുത്തി. തുടർന്ന് വിവിധ മേഖലകളിൽ പ്രാഗല്ഭ്യം തെളിയിച്ച വിദ്യാർത്ഥികളുടെ കവിത, കഥ, പാട്ടു മത്സരങ്ങളും നടന്നു.

വീട്ടുമുറ്റ സദസ്സ് സംഘടിപ്പിച്ചു

Aswani — 2023-11-09 23:04:59

അഴിയൂർ: ജനകീയ മന്ത്രിസഭ ജനങ്ങൾക്കൊപ്പം മുഖ്യമന്ത്രിയും ഇരുപത് മന്ത്രിമാരും പങ്കെടുക്കുന്ന നവ കേരള സദസ്സ് വടകര മണ്ഡലം പര്യടനം നാരായണ നഗറിൽ വിജയിപ്പിക്കുന്നതിന്റെ ഭാഗമായി അഴിയൂർ ഗ്രാപഞ്ചായത്ത് ബൂത്ത് നമ്പർ പത്തിൽ വീട്ടുമുറ്റ സദസ്സ് സംഘടിപ്പിച്ചു. മുബാസ് കല്ലേരിയുടെ അദ്ധ്യക്ഷതയിൽ അഴിയൂർ ഗ്രാമ പഞ്ചായത്ത് വിദ്യാഭ്യാസ ആരോഗ്യ സ്റ്റാന്റിംഗ് കമ്മറ്റി ചെയർ പേഴ്സൺ രമ്യ കരോടി ഉദ്ഘാടനം ചെയ്തു. പഞ്ചായത്ത് വി ഇ ഒ ബ്രജീഷ് കെ നവ കേരള സദസ്സിനെ കുറിച്ച് വിശദീകരിച്ചു സംസാരിച്ചു. ബ്ലോക്ക് പഞ്ചായത്ത് മെമ്പർ ബിന്ദു കെ പി, പഞ്ചായത്ത് മെമ്പർ സജീവൻ സി എച്ച്, അനിൽ കുമാർ വി പി, ദിനേശൻ പി എന്നിവർ സംസാരിച്ചു.

കെ.എസ്.എസ്.പി.യു സത്യാഗ്രഹ സമരം നടത്തി

Aswani — 2023-11-08 05:12:57

വടകര: കുടിശ്ശികയായ പെൻഷൻ പരിഷ്ക്കരണ, ക്ഷാമാശ്വാസ ഗഡുക്കൾ ഉടൻ അനുവദിക്കുക, പങ്കാളിത്ത പെൻഷൻ ഉപേക്ഷിക്കുക, പന്ത്രണ്ടാം പെൻഷൻ പരിഷ്ക്കരണ നടപടി ആരംഭിക്കുക, മെഡിസെപ്പ് പദ്ധതിയിലെ അപാകതകൾ പരിഹരിക്കുക, കേന്ദ്രസർക്കാറിന്റെ കേരളത്തോടുള്ള അവഗണന അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ വടകര മുനിസിപ്പൽ ബ്ലോക്ക് കമ്മിറ്റിയുടെ ആഭിമുഖ്യത്തിൽ സബ്ബ് ട്രഷറിക്കു മുമ്പിൽ സത്യാഗ്രഹ സമരം സംഘടിപ്പിച്ചു. പ്രസിഡണ്ട് ടി. രവിയുടെ അദ്ധ്യക്ഷതയിൽ ജില്ലാ വൈസ് പ്രസിഡണ്ട് പി.കെ.ദാമു സമരം ഉദ്ഘാടനം ചെയ്തു. കെ.വി.ശശിധരൻ, ടി.ഭാസ്കരൻ , പി.കെ.ബാലൻ, പി.സുധ, ഏ.കെ.ബാലൻ എന്നിവർ സംസാരിച്ചു. വിവിധ യൂണിറ്റുകൾ ജഥയായെത്തി സമരത്തെ അഭിവാദ്യം ചെയ്തു. യൂണിറ്റ് കമ്മിറ്റികളെ പ്രതിനിധികരിച്ച് സി.കെ ഗംഗാധരൻ, രാധാകൃഷ്ണൻ, എം. സത്യൻ, സുഭാഷ് ബാബു , എം.സി. സജീവൻ എന്നിവർ അഭിവാദ്യമർപ്പിച്ച് സംസാരിച്ചു.

നിർമാണ പ്രവൃത്തികളുടെ ഉദ്ഘാടനം നടത്തി

Aswani — 2023-11-06 02:43:24

അഴിയൂർ: കോറോത്ത് റോഡ് പനാടെമ്മൽ എംയുപി സ്കൂളിൽ ഈ വർഷം പൂർത്തീകരിച്ച പുതിയ നിർമാണ പ്രവൃത്തികളുടെ ഉദ്ഘാടനം നടന്നു. പുതിയ ക്ലാസ്സ്‌ റൂമുകളുടെ ബ്ലോക്ക്‌ അഴിയൂർ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അബ്ദുൽ റഹീം പിപി ഉദ്ഘാടനം ചെയ്തു. ആസിഫ് കുന്നത്ത് അധ്യക്ഷനായി.

ശുദ്ധജലവിതരണ കേന്ദ്രം സ്കൂൾ വികസന സമിതി ചെയർമാൻ കെടി അബൂബക്കറും പ്രാർത്ഥന ഹാൾ ദാറുസ്സലാം അസോസിയേഷൻ വർക്കിംഗ്‌ പ്രസിഡന്റ്‌ വി റഫീക്കും ഉദ്ഘാടനം ചെയ്തു. ചടങ്ങിൽ ദാറുസ്സലാം അസോസിയേഷൻ ജനറൽ സെക്രട്ടറി നവാസ് ചാപ്പയിൽ, മറ്റ് ഭാരവാഹികളായ അസീസ് ശുക്രിയ, ആർപി റാജിസ്, വികെ സഫീർ, ഫൈസൽ സരീനാസ്, സ്കൂൾ ഹെഡ്മിസ്ട്രെസ് ഹസീന ബീവി, അധ്യാപകരായ സികെ സാജിദ്, സി പത്മനാഭൻ, വിപി റജീന, ഐ നഷീദ തുടങ്ങിയവർ സംസാരിച്ചു.

ധാതു ലവണ മിശ്രിതം വിതരണം ചെയ്തു

Aswani — 2023-11-04 01:56:43

പേരാമ്പ്ര: മേപ്പയൂർ ഗ്രാമപഞ്ചായത്ത്‌ 2023-24 വാർഷിക പദ്ധതിയിൽ ഉൾപ്പെടുത്തി കറവ പശുക്കൾക്കുള്ള ധാതു ലവണ മിശ്രിതത്തിന്റെ വിതരണ ഉത്ഘാടനം പ്രസിഡന്റ്‌ കെ.ടി രാജൻ നിർവ്വഹിച്ചു. സ്റ്റാന്റിംഗ് കമ്മിറ്റി ചെയർമാൻ സുനിൽ വടക്കയിൽ അധ്യക്ഷനായി. ഗ്രാമപഞ്ചായത്ത്‌ അംഗങ്ങളായ വി.പി ബിജു, സറീന ഓളോറ, വെറ്റിനറി സർജൻ ഡോ: പ്രീത, മിൽമ ഡയറക്ടർ യൂ.പി അനിത എന്നിവർ സംസാരിച്ചു.

മാതൃഭാഷാ ദിനാചരണം നടത്തി

Aswani — 2023-11-03 23:48:02

തിക്കോടി: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ മേലടി ബ്ലോക്ക് സംസ്കാരിക വേദിയുടെ ആഭിമുഖ്യത്തിൽ മാതൃഭാഷാ ദിനാചരണം നടന്നു. ഗ്രീൻ ഓക്ക് ഓഡിറ്റോറിയത്തിൽ വെച്ച് നടന്ന പരിപാടി തുറയൂർ ഗ്രാമപഞ്ചായത്ത് പ്രസിഡണ്ട് ഗിരീഷ് സി. കെ ഉദ്ഘാടനം ചെയ്തു. ജില്ലാ സംസ്കാരി വേദി കൺവീനർ അശോകൻ കൊടക്കാട് മുഖ്യപ്രഭാഷണം നടത്തി. വി ഐ ഹംസ അധ്യക്ഷത വഹിച്ചു. കെ ഗോവിന്ദൻ, എൻ. കെ ബാലകൃഷ്ണൻ , വി. പി നാണു, ടി. കുഞ്ഞിരാമൻ, എ. കേളപ്പൻ, കെ. ശശിധരൻ, എ.എം.കുഞ്ഞിരാമൻ , എം.എം.കരുണാകരൻ ,സുമതി, നളിനി കണ്ടോത്ത് എന്നിവർ സംസാരിച്ചു. വേദി കൺവീനർ ഇബ്രാഹിം തിക്കോടി സ്വാഗതം പറഞ്ഞു. യൂണിറ്റ് സെക്രട്ടറി എ .കെ രാമകൃഷ്ണൻ നന്ദി രേഖപ്പെടുത്തി. തുടർന്ന് നടന്ന കാവ്യ സദസ്സിൽ രാരിച്ചൻ കൊഴുക്കല്ലൂർ, വി.ഐ.ഹംസ, ഇബ്രാഹിം തിക്കോടി, അബ്ദുറഹ്മാൻ തച്ചൻകുന്ന്, മേലടി രവി, ചന്ദ്രൻ നമ്പ്യേരി,ഗോപാലൻ വി.ഒ, ആയടത്തിൽ ഗോപാലൻ എന്നിവർ കവിതകൾ അവതരിപ്പിച്ചു. 125 പേർ പങ്കെടുത്തു.

പോത്തുകുട്ടികളെ വിതരണം ചെയ്തു

Aswani — 2023-11-03 02:42:57

വടകര: വാർഡുകളിൽ നിന്ന് തെരഞ്ഞെടുക്കപ്പെട്ടവർക്ക് ചോറോട് ഗ്രാമപഞ്ചായത്ത് മൃഗാശുപത്രിയിൽ നിന്നും പോത്തുക്കുട്ടികളെ വിതരണം ചെയ്തു. ജനകീയാസൂത്രണം 2023-24 പോത്തുക്കുട്ടി ഗ്രാമം പദ്ധതി ഗ്രാമപഞ്ചായത്ത് വികസന കാര്യ സ്റ്റാന്റിങ്ങ് കമ്മിറ്റി ചെയർമാൻ കെ.മധുസൂദൻ ഉദ്ഘാടനം ചെയ്തു. പഞ്ചായത്ത് അംഗം പ്രസാദ് വിലങ്ങിൽ, വെറ്റിനറി സർജൻ ഡോ.അപർണ്ണ മാധവൻ എന്നിവർ പങ്കെടുത്തു.

സീനിയർ സിറ്റിസൺസ് ഫോറം വാർഷിക സമ്മേളനം നടത്തി

Aswani — 2023-11-02 23:57:21

തിക്കോടി: സീനിയർ സിറ്റിസൺസ് ഫോറം തിക്കോടി യൂണിറ്റ് വാർഷിക സമ്മേളനം പഞ്ചായത്ത് ബസാർ ഓഡിറ്റോറിയത്തിൽ നടന്നു. മുൻ സംസ്ഥാന സെക്രട്ടറി പൂതേരി ദാമോദരൻ നായർ ഉദ്ഘാടനം ചെയ്തു. ഇബ്രാഹിം തിക്കോടി അധ്യക്ഷത വഹിച്ചു .പി .രാമചന്ദ്രൻ നായർ വാർഷിക റിപ്പോർട്ടും, ബാലൻ കേളോത്ത് വരവ് ചെലവ് കണക്കും അവതരിപ്പിച്ചു. ചർച്ചകൾക്ക് ശേഷം റിപ്പോർട്ട് അംഗീകരിച്ചു .തുടർന്ന് നടന്ന തെരഞ്ഞെടുപ്പിൽ ജില്ലാ കമ്മിറ്റി മെമ്പർ ചന്ദ്രൻ കരിപ്പാലി വരണാധികാരിയായി. ശാന്തകുറ്റിയിൽ (പ്രസിഡണ്ട്), പി രാമചന്ദ്രൻ നായർ (സെക്രട്ടറി), ബാലൻ കേളോത്ത് (ട്രഷറർ ), കെ.എം അബൂബക്കർ, എം.കെ.ഖാദർ (വൈസ് പ്രസിഡണ്ട്,) തനിമ, കാദർ പറമ്പത്ത് (ജോയിൻറ് സെക്രട്ടറി) , ബാലൻ കേളോത്ത് (സ്റ്റേറ്റ് കൗൺസിലർ), ഇബ്രാഹിം തിക്കോടി, കെ.മുഹമ്മദലി, യു.വി ലീല (ജില്ലാ കൗൺസിലർ) എന്നിവരെ തിരഞ്ഞെടുത്തു. തിക്കോടി നാരായണൻ ,എം.കെ നായർ, ബാലൻ കേളോത്ത്, കാട്ടിൽ മുഹമ്മദലി, ടി. കരുണാകരൻ, കെ.എം.അബൂബക്കർ, രവി നവരാഗ്, ശാന്തകുറ്റിയിൽ എന്നിവർ സംസാരിച്ചു. പി രാമചന്ദ്രൻ നായർ സ്വാഗതം പറഞ്ഞു. ലീല യു.വി നന്ദി പറഞ്ഞു.

അംഗൻവാടികളിൽ പ്രവേശനോത്സവം

Aswani — 2023-10-31 22:48:42

ആയഞ്ചേരി: കേരള പിറവിദിനമായ നവംബർ ഒന്നിന് അംഗൻവാടികളിൽ പ്രവേശനോത്സവം നടത്താനുള്ള സർക്കാർ നിർദ്ദേശത്തിന്റെ ഭാഗമായി കടമേരി എൽ പി അംഗൻവാടിയിൽ ആഘോഷപരിപാടികൾ സംഘടിപ്പിച്ചു. പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ ഉദ്ഘാടനം ചെയ്തു. സനില എൻ.കെ അധ്യക്ഷം വഹിച്ചു. ആശ കെ, സൗമ്യ സന്തോഷ്, രാജിഷ, ശ്രീനാഥ്, നിഷ എ എന്നിവർ സംസാരിച്ചു. കുട്ടികളുടെ കലാപരിപാടികളും , മധുര പലഹാര വിതരണവും നടന്നു.

വിദ്യാരംഭം കുറിച്ചു

Aswani — 2023-10-25 05:00:31

പയ്യോളി: കീഴൂർ നർത്തകി സ്കൂൾ ഓഫ് ആർട്സ്സിൽ വിജയദശമി ദിനത്തിൽ വിദ്യാരംഭം കുറിച്ചു. ഡോക്ടർ രാജേഷ് കുമാർ ഉദ്ഘാടനം ചെയ്തു. സി കേരള സരിഗമ സീസൺ 2 മത്സരാർത്ഥി നന്ദു കൃഷ്ണ മുഖ്യാതിഥിയായി. പി.ടിഎ പ്രസിഡണ്ട് ദിൽജിത്ത് അധ്യക്ഷം വഹിച്ചു. ചടങ്ങിൽ ശ്രീശരാജ്, സിനിന എന്നിവർ സംസാരിച്ചു.ദിലീപ് കുമാർ സ്വാഗതവും മിഥുൻ പയ്യോളി നന്ദിയും പറഞ്ഞു. അധ്യാപകരായ അർഷ വൈശാഖ്, സന്തോഷ്, കെ.കെ. ഗോപാൽ , ലിബീഷ് എന്നിവർ ക്ലാസുകൾക്ക് നേതൃത്വം നൽകി.

ഫോട്ടോഗ്രാഫേഴ്സ് അസോസിയേഷൻ കുടുംബ സംഗമം നടത്തി

Aswani — 2023-10-25 04:45:04

എടച്ചേരി: ഓൾ കേരള ഫോട്ടോഗ്രാഫേഴ്സ് അസോസിയേഷൻ ഓർക്കാട്ടേരി യൂണിറ്റ് കുടുംബ സംഗമം എടച്ചേരി കമ്യൂണിറ്റി ഹാളിൽ എടച്ചേരി പോലീസ് ഇൻസ്പെക്ടർ എം ആർ ബിജു ഉദ്ഘാടനം ചെയ്തു. യൂണിറ്റ് പ്രസിഡണ്ട് പ്രസൂൺ അധ്യക്ഷത വഹിച്ചു. ശിവദാസ് കുനിയിൽ, പ്രനീഷ് ഷൈകേഷ് , നസീർ , ജഗദീഷ് , രജീഷ് എന്നിവർ സംസാരിച്ചു. ശിവദാസ് കുനിയിൽ സ്വാഗതവും അജിത്ത് ചിത്രം നന്ദിയും പറഞ്ഞു.

പ്രാർത്ഥനാ ദിനം ആചരിച്ചു

Aswani — 2023-10-22 23:08:46

ഒഞ്ചിയം: സമസ്തയുടെ നേതൃത്വത്തിൽ എല്ലാ മദ്രസയിലും പ്രത്യേകമായി പ്രാർത്ഥനാ ദിനം ആചരിച്ചു. സമസ്തയുടെ മൺമറഞ്ഞ മഹത്തുക്കൾ, സമസ്തയുടെയും അനുബന്ധ പോഷക സംഘടനകളുടെയും നേതാക്കൾ, മഹല്ല്, മദ്രസ ഭാരവാഹികൾ, മുഅല്ലിമുകൾ, വിദ്യാർത്ഥികൾ, രക്ഷിതാക്കൾ, സംഘടനാ പ്രവർത്തകർ എന്നിവരുടെ പരലോക ഗുണത്തിനു വേണ്ടിയാണ് എല്ലാവർഷവും പ്രാർത്ഥന ദിനം ആചരിക്കുന്നത്. പ്രാർത്ഥനാ ദിനം ഒഞ്ചിയം നുസ്രത്തുൽ ഇസ്ലാം മദ്രസയിലും വിപുലമായി ആചരിച്ചു. രാവിലെ ഏഴുമണിക്ക് മുപ്പതോളം വിദ്യാർഥികളുടെ ആഭിമുഖ്യത്തിൽ ചുരുങ്ങിയ മണിക്കൂറുകൾ കൊണ്ട് ഖുർആൻ ഖതം പൂർത്തിയാക്കി. തുടർന്ന് അബ്ദുറഹ്മാൻ ഉസ്താദിന്റെ നേതൃത്വത്തിൽ അനുസ്മരണ പ്രഭാഷണം നടത്തി. എപി മുഹമ്മദ് മുസ്ലിയാർ ആമുഖഭാഷണം നടത്തി. ഹിഫ്ള് കോളേജ് പ്രൊഫസർ അബൂബക്കർ അൻവരി പ്രാർത്ഥനയ്ക്ക് നേതൃത്വം നൽകി.

മഹല്ല് സെക്രട്ടറി യു അഷ്റഫ് , വൈസ് പ്രസിഡണ്ട് വി.പി ഹമീദ്, എൻ.ഐ.എം സെക്രട്ടറി പി.പി.കെ അബ്ദുല്ല , ഖജാൻജി കെ പി അബ്ദുല്ല ഹാജി, ജോയിന്റ് സെക്രട്ടറി ഹിഷാം തിരുവന, മദ്രസാ അധ്യാപകരായ ഹുസൈൻ മൗലവി, അലവി മൗലവി, മുഹമ്മദ് മൗലവി, സുഫൈൽ മൗലവി, അഹമ്മദ് മൗലവി, അജ്മൽ മൗലവി, ഷുഹൈബ് മൗലവി, നവാസ് മൗലവി ഉൾപ്പെടെയുള്ള മുഴുവൻ അധ്യാപകരും പങ്കെടുത്തു. ഫലസ്തീൻ ജനതയ്ക്ക് വേണ്ടി പ്രത്യേകം പ്രാർത്ഥന നടത്തി. മദ്രസയിലെ 150 ൽ അധികം വിദ്യാർത്ഥികളും, ഹിഫ്ള് കോളേജിലെ 50 വിദ്യാർത്ഥികളും പ്രാർത്ഥനയിൽ പങ്കെടുത്തു. സമസ്തയുടെ പതിനാറായിരത്തിലധികം വരുന്ന മദ്രസയിലെ 25 ലക്ഷത്തോളം വരുന്ന വിദ്യാർഥികൾ ഈ ദിവസം വിവിധ മദ്രസകളുടെ പ്രാർത്ഥന ചടങ്ങിൽ പങ്കെടുത്തു. രക്ഷിതാക്കൾ, നാട്ടുകാർ, കമ്മിറ്റി ഭാരവാഹികൾ ഉൾപ്പെടെ 50 ഓളം പേർ പ്രാർത്ഥനാ ദിനത്തിൽ ഒഞ്ചിയം മദ്രസയിൽ ഒത്തുചേർന്നു. തുടർന്ന് കമ്മിറ്റിയുടെ നേതൃത്വത്തിൽ അന്നദാനവും നടന്നു.

കോൺഗ്രസ്സ് കൺവെൻഷൻ ചേർന്നു

Aswani — 2023-10-22 23:04:28

വില്യാപ്പള്ളി: വില്ല്യാപ്പള്ളി മണ്ഡലം കോൺഗ്രസ്സ് കൺവെൻഷൻ ഡി സി സി ജന: സെക്രട്ടറി ബാബു ഒഞ്ചിയം ഉദ്ഘാടനം ചെയ്തു. രാധാകൃഷ്ണൻ കാവിൽ, പി.സി. ഷീബ, ടി.ഭാസ്കരൻ, വി.ചന്ദ്രൻ, എൻ. ശങ്കരൻ, എൻ. ബി. പ്രകാശ് കുമാർ , അനൂപ് വില്ല്യാപ്പള്ളി, പൊന്നാറത്ത് മുരളീധരൻ, ശാലിനി. കെ.വി, ഷീല എന്നിവർ പ്രസംഗിച്ചു. സി.പി.ബിജു പ്രസാദ് അദ്ധ്യക്ഷത വഹിച്ചു.

ചീക്കിലോട് യു പി സ്കൂൾ കലോത്സവം സമാപിച്ചു

Aswani — 2023-10-21 01:14:57

ആയഞ്ചേരി: സ്കൂൾ കലോത്സവങ്ങൾ ഒരുമയുടെയും സന്തോഷത്തിന്റെയും വേദികളാവണമെന്ന് ബി പി സി തോടന്നൂർ പി എം നിഷാന്ത് പറഞ്ഞു. കഴിഞ്ഞ രണ്ട് ദിവസങ്ങളിലായി ചീക്കിലോട് യു പി സ്കൂളിൽ നടന്ന സ്കൂൾ കലോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഹെഡ് മാസ്റ്റർ സി എച്ച് മൊയ്തു, പി ടി എ എക്സിക്യൂട്ടീവ് പ്രധിനിധി ശ്രീധരൻ എന്നിവർ പങ്കെടുത്ത ചടങ്ങിൽ പി ടി എ പ്രസിഡന്റ് രാജൻ പുതുശ്ശേരി അധ്യക്ഷത വഹിച്ചു. എസ് ആർജി കൺവീനർ ഷബിന പി.പി സ്വാഗതവും മേള കൺവീനർ നിഷ എൻ നന്ദിയും പറഞ്ഞു. രണ്ട് ദിവസങ്ങളിലായി നടന്ന കലാ മാമാങ്കത്തിൽ സ്കൂളിലെ ഒട്ടനവധി കലാപ്രതിഭകൾ അവരുടെ കഴിവുകൾ പ്രകടമാക്കി.

ഫലസ്തീൻ ഐക്യദാർഡ്യ പ്രകടനം നടത്തി

Aswani — 2023-10-21 00:55:35

നന്തി: ഫലസ്തീൻ ജനതയ്ക്ക് ഐക്യദാർഡ്യം പ്രകടിപ്പിച്ചു കൊണ്ട് പുളിമുക്ക് ബ്രദേഴ്സിന്റെ ആഭിമുഖ്യത്തിൽ പുളിമുക്കിൽ നിന്ന് നന്തി ടൗണിലേക്ക് പ്രകടനം സംഘടിപ്പിച്ചു. അധിനിവേശം അവസാനിപ്പിക്കുക, നിരപരാധികളെ കൊല്ലുന്നത് നിർത്തുക, ഫലസ്തീന് സ്വാതന്ത്ര്യം നൽകുക എന്നീ ആവശ്യങ്ങൾ ഉന്നയിച്ച് നടത്തിയ പ്രകടനത്തിന് പി.പി.കരീം, റസൽ നന്തി, വി.കെ കെ.ഉമ്മർ, റഷീദ് മണ്ടോളി, ടി.കെ. നാസർ, കാട്ടിൽ അബൂബക്കർ , മുതുകുനി മുഹമ്മദലി, റാഫി ദാരിമി, പി.കെ. ഫിറോസ്, താരമ്മൽ അബ്ദുള്ള എന്നിവർ നേതൃത്വം നൽകി.

ഏകാദശി താലപ്പൊലി മഹോത്സവം

Aswani — 2023-10-19 22:35:53

ഉള്ളിയേരി: പ്രസിദ്ധമായ മുണ്ടോത്ത് ശ്രീകൃഷ്ണ ക്ഷേത്രത്തിൽ ഏകാദശി താലപ്പൊലി മഹോത്സവം നവംബർ 23, 24 (വൃശ്ചികം7,8) തിയ്യതികളിൽ നടക്കും. ഇത് സംബന്ധിച്ച ജനറൽ ബോഡിയോഗം ചേർന്നു. ഷൈജു കുന്നത്ത് സ്വഗാതം പറഞ്ഞു. അശോകൻ എടക്കാട്ട് മീത്തൽ അധ്യക്ഷത വഹിച്ചു. നാരായണൻ ചാത്തൻ കുളത്തിൽ, ഭാസ്കരൻ പുതുക്കുടി മീത്തൽ, രവി നമ്പിനോളി, അശോകൻ കൽകട്ട്കണ്ടി മീത്തൽ , അരുൺ നമ്പിയാട്ടിൽ, നിധീഷ് നമ്പിയാട്ടിൽ, രാജീവൻ പാറപ്പുറത്ത് തുടങ്ങിയവർ സംസാരിച്ചു. ഭാരവാഹികൾ: സദാനന്ദൻ നമ്പിയാട്ടിൽ (ചെയർമാൻ), അശോകൻ എടക്കാട് മീത്തൽ (കൺവീനർ), ചന്തു പുതുകുളങ്കര (ജോയിന്റ് ചെയർമാൻ ), നാരായണൻ നമ്പിയാട്ടിൽ (ജോയിന്റ് കൺവീനർ), മോഹൻദാസ് മോഹനം (ട്രഷറർ).

കണ്യത്ത് കുമാരന് സ്നേഹാദരവുമായി കെ.എസ്.എസ്.പി.യു

Aswani — 2023-10-17 04:56:14

വടകര: സാമൂഹ്യ, സാംസ്കാരിക, കലാരംഗങ്ങളിൽ നിറഞ്ഞു നിൽക്കുന്ന കണ്യത്ത് കുമാരൻ നവതിയുടെ നിറവിൽ. കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ വടകര മുനിസിപ്പൽ ബ്ലോക്ക് സാംസ്ക്കാരിക വേദിയുടെ ആഭിമുഖ്യത്തിൽ അദ്ദേഹത്തെ വീട്ടിൽ എത്തി ആദരിച്ചു. സംഘടനയുടെ രക്ഷാധികാരി കൂടിയായ കണ്യത്തിന് നൽകിയ ആദരിക്കൽ ചടങ്ങിൽ , ബ്ലോക്ക് പ്രസിഡണ്ട് ടി.രവി പെന്നാട അണിയിക്കുകയും സിക്രട്ടറി പി.കെ.ബാലൻ ഉപഹാരം സമർപ്പണം നടത്തുകയും ചെയ്തു. ടി.രവിയുടെ അദ്ധ്യക്ഷതയിൽ നടന്ന പരിപാടിയിൽ പി.കെ.ബാലൻ, ടി.ഭാസ്ക്കരൻ , പി.കെ.നാരായണൻ , ഏ.കെ.ബാലൻ, എം.പി. കുഞ്ഞിക്കൃഷ്ണൻ , വി. തങ്കമണി, വി.പ്രഭാകരൻ, പ്രഭാകരൻ കോറോത്ത് എന്നിവർ സംസാരിച്ചു. ബ്ലോക്ക് സാംസ്ക്കാരിക വേദി കൺവീനർ എം.കെ. അരവിന്ദാക്ഷൻ സ്വാഗതവും നടക്കുതാഴ യൂണിറ്റ് സെക്രട്ടറി എം.എ.രാജൻ നന്ദിയും പറഞ്ഞു.

വി.എം പൊക്കൻ അനുസ്മരണം നടത്തി

Aswani — 2023-10-16 04:32:23

വടകര: ഡി.കെ.ടി.എഫ് വടകര നിയോജകമണ്ഡലം സെക്രട്ടറിയും ചോറോട് മണ്ഡലം കോൺഗ്രസ് കമ്മിറ്റി വൈസ് പ്രസിഡണ്ടുമായിരുന്ന വി.എം പൊക്കൻ അനുസ്മരണം നടത്തി. ചോറോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ സ്മൃതി മണ്ഡപത്തിൽ പുഷ്പാർച്ചനയും അനുസ്മരണവും സംഘടിപ്പിച്ചു. പരിപാടിയിൽ മണ്ഡലം പ്രസിഡൻറ് അഡ്വ.പി.ടി.കെ നജ്മൽ അദ്ധ്യക്ഷത വഹിച്ചു. ഡി.സി.സി ജനറൽ സിക്രട്ടറി കെ.പി കരുണാകരൻ അനുസ്മരണ ചടങ്ങ് ഉദ്ഘാടനം ചെയ്തു. മഹിളാ കോൺഗ്രസ് ബ്ലോക്ക് പ്രസിഡണ്ടും ഗ്രാമപഞ്ചായത്ത് മെമ്പറുമായ മഠത്തിൽ പുഷ്പ അനുസ്മരണ പ്രഭാഷണം നടത്തി. കെ.ഗോപാലകൃഷ്ണൻ, രാജേഷ് ചോറോട് ,എം.ടി രാജൻ, പി.കെ കുഞ്ഞിക്കണ്ണൻ, കെ.കെ കൃഷ്ണദാസ്, കെ ബാലകൃഷ്ണൻ,സി പി ചന്ദ്രൻ ,എം.ശങ്കരൻ, വാസു കുന്നികാവിൽ , പി.വിനോദൻ , വടവിൽ നാരായണൻ , പ്രവീൺ തറോകണ്ടി, കുമാരൻ എന്നിവർ സംസാരിച്ചു.

സിഎച്ച് രാഷ്ട്രസേവാ പുരസ്കാരം ഇ.ടി മുഹമ്മദ് ബഷീർ എം.പിക്ക്

Aswani — 2023-10-16 03:57:19

കൊയിലാണ്ടി: ദുബൈ കെഎംസിസി കോഴിക്കോട് ജില്ലാ കമ്മിറ്റിയുടെ നാലാമത് സിഎച്ച് രാഷ്ട്രസേവാ പുരസ്കാരം ഇ.ടി മുഹമ്മദ് ബഷീർ എം.പിക്ക് ഈ മാസം 28ന് ദുബൈയിൽ സമ്മാനിക്കും. മുൻ വർഷങ്ങളിൽ എൻ.കെ പ്രേമചന്ദ്രൻ എം.പി, സി.പി ജോൺ, ഡോ.ശശി തരൂർ എന്നിവർക്കാണ്
പുരസ്കാരം നൽകിയത്. ഡോ.സി.പി ബാവ ഹാജി, എം.സി വടകര, സി.കെ സുബൈർ, ടി.ടി ഇസ്മായിൽ എന്നിവരടങ്ങിയ ജൂറിയാണ് സിഎച്ച് രാഷ്ട്രസേവാ പുരസ്കാര ജേതാക്കളെ കണ്ടെത്തുന്നത്. ഒക്ടോ.28ന് ദുബൈ വിമൻസ് അസോസിയേഷൻ ഹാളിൽ നടക്കുന്ന സിഎച്ച് മുഹമ്മദ് കോയ ഇന്റർനാഷണൽ സമ്മിറ്റിൽ കെ.എം ഷാജി, അഡ്വ.ഫൈസൽ ബാബു എന്നിവർ പ്രസംഗിക്കും.

പോഡിയവും വീൽ ചെയറും സംഭാവന നൽകി

Aswani — 2023-10-14 02:10:14

വടകര: വെട്ടിൽ പീടിക പടിഞ്ഞാറയിൽ താഴകുനി മാതുവിൻ്റെ ഒന്നാം ചരമവാർഷിക ദിനത്തിൽ കെ.പി.ഷാജി ഗ്രന്ഥാലയത്തിന് പോഡിയവും പാലിയേറ്റീവ് രംഗത്ത് മണിയൂരിലെ നിറസാന്നിധ്യമായ പാലിയം മണിയൂരിന് വീൽ ചെയറും സംഭാവന നൽകി. ചടങ്ങിൽ കെ.പി.മുകുന്ദൻ സ്വാഗതം പറഞ്ഞു. കെ.കെ.പ്രദീപൻ, നാരായണൻ, കെ.വി.കെ.കരുണാകരൻ, വി.ടി.പ്രഭാകരൻ എന്നിവർ സംസാരിച്ചു. ഇ.സി.രാഘവൻ നന്ദി പറഞ്ഞു.

സൗജന്യ മണ്ണ് പരിശോധന നടത്തി

Aswani — 2023-10-13 22:34:49

തുറയൂർ: തുറയൂർ ഗ്രാമപഞ്ചായത്തിന്റെയും കൃഷിഭവന്റെയും സഞ്ചരിക്കുന്ന മണ്ണ് പരിശോധന ലബോറട്ടറി യുടെയും സംയുക്ത ആഭിമുഖ്യത്തിൽ തുറയൂരിൽ കർഷകർക്ക് സൗജന്യ മണ്ണ് പരിശോധന ക്യാമ്പ് നടത്തി. അസിസ്റ്റൻറ് സോയിൽ കെമിസ്റ്റ് സ്മിതാ നന്ദിനിയ്ക്ക് മണ്ണ് സാമ്പിൾ നൽകിക്കൊണ്ട് തുറയൂർ ഗ്രാമപഞ്ചായത്ത് പ്രസിഡണ്ട് സി കെ ഗിരീഷ് പരിപാടി ഉദ്ഘാടനം ചെയ്തു. കൃഷി ഓഫീസർ വിജയലക്ഷ്മി സ്വാഗതം പറഞ്ഞു. വൈസ് പ്രസിഡണ്ട് ശ്രീജ മാവുള്ളാട്ടിൽ അധ്യക്ഷത വഹിച്ചു. സാമൂഹ്യ സാംസ്കാരിക കാർഷിക മേഖലയിലെ പ്രമുഖർ പങ്കെടുത്തു. കൃഷി അസിസ്റ്റൻറ് വിജില വിജയൻ നന്ദി രേഖപ്പെടുത്തി. ഈ മാസം 25 വരെ കർഷകർക്ക് മണ്ണ് സാമ്പിളുകൾ കൃഷിഭവനിൽ എത്തിക്കാം.

ചരമവാർഷിക ദിനാചരണം സംഘടിപ്പിച്ചു

Aswani — 2023-10-10 04:13:01

പുറമേരി: കോൺഗ്രസ് നേതാവരുന്ന അരൂർ പിരകിൻ കാട്ടിൽ കുമാരന്റെ ഏഴാം ചരമവാർഷിക ദിനാചരണം സംഘടിപ്പിച്ചു. രാവിലെ സ്മൃതി മണ്ഡപത്തിൽ പുഷ്പാർച്ചന നടത്തി. മെമ്പർ കണ്ടോത്ത് റീത്ത, കെ സജീവൻ, കോടിക്കണ്ടി പ്രദീഷ്, അമ്മത് എം, രാജൻ ടി, കണ്ടോത്ത് ശശി, രതീഷ് എന്നിവർ പങ്കെടുത്തു.

എം.കെ പ്രേംനാഥിനെ അനുസ്മരിച്ചു

Aswani — 2023-10-08 23:00:31

കീഴൂർ: സമതാ സാമൂഹ്യ മാധ്യമ കൂട്ടായ്മ കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തിൽ വടകരയിലെ മുൻ എംഎൽഎയും മാതൃകാ സോഷ്യലിസ്റ്റുമായിരുന്ന എം കെ പ്രേംനാഥ് അനുസ്മരണം നടത്തി.

തച്ചൻകുന്ന് ഭാവന കലാവേദിയിൽ നടന്ന അനുസ്മരണ സമ്മേളനം പയ്യോളി മുൻസിപ്പൽ കൗൺസിലർ കാര്യാട്ട് ഗോപാലൻ ഉദ്ഘാടനം ചെയ്തു. സാഹിത്യകാരൻ ഇബ്രാഹിം തിക്കോടി അധ്യക്ഷത വഹിച്ചു. സമത സംസ്ഥാന കമ്മിറ്റി പ്രസിഡൻറ് ശശികുമാർ മലയിൻകീഴ്, സമതാ സംസ്ഥാന സെക്രട്ടറി ഷാജിലാൽ തൃശൂർ, കവയത്രി ഉഷ സി.നമ്പ്യാർ, ജിതേഷ് പുനത്തിൽ, കളത്തിൽ രാധാകൃഷ്ണൻ എന്നിവർ സംസാരിച്ചു. സമതാ കോഴിക്കോട് ജില്ലാ സെക്രട്ടറി കുഞ്ഞിക്കണ്ണൻ തുറശ്ശേരി കടവ് സ്വാഗതവും ശശി കോവുമ്മൽ നന്ദിയും രേഖപ്പെടുത്തി.

വ്യാപാരി വ്യാവസായി സമിതി മെമ്പർഷിപ്പ് ക്യാമ്പയിൻ

Aswani — 2023-10-05 22:57:09

ആയഞ്ചേരി: കേരള സംസ്ഥാന വ്യാപാരി വ്യവസായി സമിതി മെമ്പർഷിപ്പ് കാമ്പയിനിന്റെ ഭാഗമായി ആയഞ്ചേരി യൂണിറ്റ് തല ഉദ്ഘാടനം പഞ്ചായത്ത് സ്ഥിരം സമിതി അധ്യക്ഷൻ ടി.വി കുഞ്ഞിരാമൻ ആയഞ്ചേരി ടൗണിൽ നിർവ്വഹിച്ചു. ആയഞ്ചേരിയിലെ കച്ചവടക്കാരുടെ ഏറ്റവും പ്രബലമായ സംഘടനയായി വ്യാപാരി വ്യവസായി സമിതി ഈ കേമ്പയിനിലൂടെ മാറുമെന്ന് ഭാരവാഹികൾ അറിയിച്ചു. നിലവിൽ 165 മെമ്പർഷിപ്പാണ് ടൗണിൽ ഉള്ളത്. ആയഞ്ചേരി യൂണിറ്റ് ജോ: സിക്രട്ടരി പി.കെ റസാഖ് അധ്യക്ഷം വഹിച്ചു. സലീഷ് കണ്ണൻ മെമ്പർഷിപ്പ് ഏറ്റുവാങ്ങി. ജില്ലാ കമ്മിറ്റി അംഗം കെ.പി ദാസൻ സംസാരിച്ചു.

ഭക്ഷ്യ മേളയൊരുക്കി

Aswani — 2023-10-05 05:07:06

ആയഞ്ചേരി: ഗ്രാമ പഞ്ചായത്ത് 12-ാം വാർഡിലെ കടമേരി എൽ പി 71 ആം നമ്പർ അംഗൻവാടിയിൽ രക്ഷിതാക്കൾ ഒരുക്കിയ ഭക്ഷ്യ മേള ശ്രദ്ധേയമായി. നാട്ടിൻപുറങ്ങളിൽ ലഭികുന്ന പോഷകാംശങ്ങൾ അടങ്ങിയ ഭക്ഷ്യ വസ്തുക്കളുടെ ചേരുവകൾ കൊണ്ട് രുചികരമായ് തയ്യാറാക്കിയ വിഭവങ്ങളാണ് രക്ഷിതാക്കൾ മേളയിൽ എത്തിച്ചത്. കുട്ടികൾക്ക് പോഷകാരങ്ങൾ അടങ്ങിയ ഭക്ഷ്യണ സാധനങ്ങൾ തയ്യാറാക്കി നൽകുന്നതിന് രക്ഷിതാക്കളെ പ്രാപ്തരാക്കുന്നതിനാണ് സാമൂഹ്യക്ഷേമ വകുപ്പ് അംഗൻവാടികൾ മുഖേന മത്സരാടിസ്ഥാനത്തിൽ ഫുഡ് ഫെസ്റ്റ് നടത്തുന്നത്.

ആയഞ്ചേരി ഗ്രാമ പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ ഫെസ്റ്റ് ഉൽഘാടനം ചെയ്തു. അംഗൻവാടി വർക്കർ സനില എൻ കെ അധ്യക്ഷം വഹിച്ചു. കടമേരി എൽ പി സ്കൂൾ പ്രധാന അധ്യാപിക ആശ, ആശാ വർക്കർ ചന്ദ്രി പി, പ്രമുഷ പി, രാജീഷ കെ.വി , നിഷ കെ , അമീറ, റിജീഷ , സൗമ്യ എന്നിവർ സംസാരിച്ചു. ഭക്ഷ്യ മേളയിൽ വിദ്യാ ഷിബിൻ എം വി യും , ക്വിസ്സ് മത്സരത്തിൽ ഷീജ ബാലമന്ദിരവും ഒന്നാം സ്ഥാനം നേടി.

തിക്കോടി ആവിപ്പാലം ഇനി സി.സി.ടി.വി നിരീക്ഷണത്തിൽ

Aswani — 2023-10-03 23:29:50

തിക്കോടി: കേരളത്തിലെ രണ്ടാമത്തെ ഡ്രൈവിംഗ് ബീച്ചായ കല്ലകത്ത് പരിസരത്തുള്ള ആവിപാലത്തിന് മുകളിൽ സിസിടിവി ക്യാമറ സ്ഥാപിച്ചു. മോഷണ സംഘങ്ങളും, ലഹരി മാഫിയകളും ഈ പ്രദേശത്ത് വർദ്ധിച്ചു വരുന്ന സാഹചര്യത്തിലാണ് ഇത്തരമൊരു ഉദ്യമത്തിന് ജനങ്ങൾ തയ്യാറായത്. പയ്യോളി സർക്കിൾ ഇൻസ്പെക്ടർ സുഭാഷ് ബാബു സ്വിച്ച് ഓൺ കർമ്മം നിർവഹിച്ചു. പതിനാലാം വാർഡ് മെമ്പർ അബ്ദുൽ മജീദ് അധ്യക്ഷത വഹിച്ചു. കോസ്റ്റൽ പോലീസ് സബ് ഇൻസ്പെക്ടർ അഹമ്മദ്, കോസ്റ്റൽ ഗാർഡ് ഷർമിന, ഒന്നാം വാർഡ് മെമ്പർ ജിഷ, പുയ്യാരയിൽ കുഞ്ഞമ്മദ്, എൻ കെ പ്രേമൻ, സുബൈർ എന്നിവർ സംസാരിച്ചു.

തിരികെ സ്കൂളിലേക്ക്; 237 കുടുംബശ്രീ അംഗങ്ങൾ പങ്കെടുക്കും

Aswani — 2023-10-03 00:46:02

ആയഞ്ചേരി: തദ്ദേശ സ്വയം ഭരണ വകുപ്പ് കുടുംബശ്രീ മിഷന്റെ ആഭിമുഖ്യത്തിൽ നടപ്പിലാക്കുന്ന തിരികെ സ്കൂളിലേക്ക് പരിപാടിയിൽ ആയഞ്ചേരി ഗ്രാമ പഞ്ചായത്ത് 12ാം വാർഡിലെ 17 അയൽ കൂട്ടങ്ങളിൽ നിന്ന് 237 അംഗങ്ങളെ പങ്കെടുപ്പിക്കാൻ വാർഡ് എ ഡി എസ്സ് ജനറൽ ബോഡി യോഗം തീരുമാനിച്ചു.
ജീവിത സായാഹ്നത്തിൽ തിരികെ സ്കൂളിൽ എത്തി പഴയ കാല ഓർമ്മകൾ അയവിറക്കുന്നതോടൊപ്പം സ്ത്രീ ശാക്തീകരണത്തിന്റെ പുതിയ സാദ്ധ്യതകൾ തേടാനും കേരള വിദ്യഭ്യാസമേഖല കൈവരിച്ച ഡിജിറ്റൽ വിദ്യഭ്യാസ രംഗത്തെ തൊട്ടറിയാനും സൂഷ്മ സംരഭങ്ങളെ വരുമാന വർദ്ധനവിനുള്ള ഉപാധികളാക്കി മാറ്റാനുമുള്ള സാഹചര്യങ്ങൾ പഠിക്കാനും ഈ തിരിച്ചു വരവ് പ്രയോജനപ്പെടും. കാലത്ത് 9.30 മുതൽ വൈകുന്നേരം 4.30 വരെ നീണ്ടു നിൽക്കുന്ന പാഠ്യ ദിനം സ്കൂൾ അസംബ്ലിയോടെയാണ് ആരംഭിക്കുക.

ഒക്ടോബർ 1 മുതൽ ഡിസംബർ 10 വരെയുള്ള ഞായറാഴ്ചകളിൽ ആയഞ്ചേരി പഞ്ചായത്ത് കുടുബശ്രീ സി ഡി എസ്സിൻ കീഴിലുള്ള 264 അയൽ കൂട്ടങ്ങളിൽ നിന്ന് 3924 അംഗങ്ങൾ തിരികെ സ്കൂളിൽ എത്തിച്ചേരും. കടമേരി എൽ പി സ്ക്കൂളിൽ ചേർന്ന യോഗം പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ ഉൽഘാടനം ചെയ്തു. സി ഡി എസ്സ് ചെയർ പേഴ്സൺ ഷിജില എൻ കെ അധ്യക്ഷം വഹിച്ചു. എ ഡി എസ് ഭാരവാഹികളായ നിഷ പി, മല്ലിക ജി കെ , ലീല ടി.പി എന്നിവർ സംസാരിച്ചു.

വയോജന ദിനാചരണവും മോട്ടിവേഷൻ ക്ലാസും സംഘടിപ്പിച്ചു

Aswani — 2023-10-03 00:22:21

തലശ്ശേരി: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ തലശ്ശേരി ടൗൺ ബ്ലോക്ക് കമ്മിറ്റിയുടെ ആഭിമുഖ്യത്തിൽ വയോജന ദിനാചരണവും മോട്ടിവേഷൻ ക്ലാസും സംഘടിപ്പിച്ചു. എഴുത്തുകാരൻ ഇബ്രാഹിം തിക്കോടി ഉദ്ഘാടനം ചെയ്തു. മാനസികാരോഗ്യവും ശാരീരികാരോഗ്യവും ചേർത്ത് പിടിച്ചാൽ ജീവിതസായാഹ്നം പുലരിക്ക് തുല്യമാക്കാം എന്ന് അദ്ദേഹം പറഞ്ഞു. 'വയോജനങ്ങളും ആരോഗ്യപ്രശ്നങ്ങളും' എന്ന വിഷയത്തിൽ രോഷിത ക്ലാസെടുത്തു. തോപ്പിൽ അമീറലി അധ്യക്ഷതവഹിച്ചു. കെ കെ വിനോദ് കുമാർ, എം.വി ബാലറാം, എൻ.എ. കുൽസൻ ബീവി, എം സി രാജൻ , കനകരാജ് എന്നിവർ സംസാരിച്ചു.

മാലിന്യമുക്തം നവകേരളം; ശുചീകരണ പ്രവർത്തനങ്ങൾക്ക് തുടക്കമായി

Aswani — 2023-10-02 02:46:10

ആയഞ്ചേരി: ഗ്രാമ പഞ്ചായത്ത് 12ാം വാർഡിൽ മാക്കം മൂക്ക്, കെ വി. പീടിക , കടമേരി എൽ പി സ്കൂൾ പരിസരം, ആയഞ്ചേരി തെരു, കുറ്റിവയൽ, തറമൽ ഭാഗം എന്നിവിടങ്ങളിൽ ശുചീകരണം നടത്തി. കടമേരി പാടശേഖര സമിതി പ്രവർത്തകർ കാടുവെട്ടു യന്ത്രം ഉപയോഗിച്ച് പാതയോരത്തെ കാടുകൾ വെട്ടി തെളിച്ചു. പൊതുപ്രവർത്തകർ , തൊഴിലുറപ്പ് തൊഴിലാളികൾ, കുടുബശ്രീ പ്രവർത്തകർ , കലാസമിതി പ്രവർത്തകർ , ആരോഗ്യ വകുപ്പ് ജീവനക്കാർ എന്നിവർ ശുചീകരണ പ്രവൃത്തിയിൽ പങ്കാളികളായി. കടമേരി മാക്കം മൂക്കിൽ വെച്ച് സ്റ്റാന്റിഗ് കമ്മിറ്റി ചെയർമാൻ ടി.വി. കുഞ്ഞിരാമൻ ഉദ്ഘാടനം ചെയ്തു. അയൽ കൂട്ടം കൺവീനർ ആർ രാജീവൻ അധ്യക്ഷം വഹിച്ചു. പി.കെ ശശി, താനക്കണ്ടി ബാബു, വിധു പുത്തലത്ത്, ആശ, കണ്ണോത്ത് പത്മനാഭൻ , സീന ഇ കെ , നിഷ പി, ബൈജേഷ് മരുന്നോളി, ചന്ദ്രി പി, സിനു വി.കെ എന്നിവർ സംസാരിച്ചു.

നബിദിന റാലി സംഘടിപ്പിച്ചു

Aswani — 2023-10-02 02:09:06

അഴിയൂർ: അഞ്ചാം പീടിക നജ്മുൽ ഹുദാ മദ്രസയുടെ ആഭിമുഖ്യത്തിൽ നബിദിന സ്നേഹ സന്ദേശ റാലി സംഘടിപ്പിച്ചു. അഞ്ചാം പീടിക ജുമ മസ്ജിദ് അങ്കണത്തിൽ നിന്നാരംഭിച്ച റാലി അഴിയൂർ ചുങ്കം ബീച്ച് റോഡ് വഴി ശാദുലി മസ്ജിദ്, തഖ്‌വ മസ്ജിദ് വഴി അഞ്ചാം പീടിക മസ്ജിദിലെത്തി.
മസ്ജിദ് കമ്മിറ്റി പ്രസിഡണ്ട് ടി.സി.എച്ച് ലത്തീഫ് , ജനറൽ സെക്രട്ടറി നവാസ് നെല്ലോളി, ട്രഷറർ ഏ.കെ.അബൂബക്കർ ഹാജി, സദർ ബഷീർ ബാഖവി, ഖത്തീബ് സ്വാലിഹ്ഫൈസി എന്നിവർ നേതൃത്വം നൽകി. വിദ്യാർത്ഥികളുടെ ദഫ് മുട്ട്, സ്കൗട്ട്, ഫ്ലവർ ഷോ എന്നിവ റാലിക്ക് മിഴിവേകി.

വഴി നീളെ വിവിധ കുടുംബങ്ങൾ റാലിക്ക് ലഘു ഭക്ഷണവും പാനീയവും നൽകി അഭിവാദ്യമർപ്പിച്ചു. മസ്ജിദ് കമ്മിറ്റിയംഗങ്ങൾ , മദ്രസ്സയിലെ മറ്റു ഉസ്താദുമാരും വിദ്യാർത്ഥികളും രക്ഷിതാക്കളും ,എസ് കെ എസ് എസ് എസ് എഫ് , എസ് കെ എസ് ബി വി ഭാരവാഹികളും പങ്കെടുത്തു.

കലാപരിപാടികൾക്ക് തുടക്കമായി

Aswani — 2023-10-02 01:13:49

പേരാമ്പ്ര: ബ്രീസ് ഓഫ് മദീന 2K23 എന്ന പേരിൽ മഅ്ദനുൽ ഉലൂം മദ്റസയിലെ വിദ്യാർത്ഥികളുടെ കലാപരിപാടികൾക്ക് തുടക്കമായി. സദർ മുഅല്ലിം സഫീർ അശ്അരി സ്വാഗതം പറഞ്ഞു. പിടിഎ പ്രസിഡൻ്റ് റഷീദ് മലപ്പാടി അധ്യക്ഷത വഹിച്ചു. മഹല്ല് ഖത്തീബ് മുനീർ ദാരിമി ഉദ്ഘാടനം ചെയ്തു. മഹല്ല് പ്രസിഡൻ്റ് ഷമീർ, സെക്രട്ടറി മുഹമ്മദ്, ബാദുഷ അഷ്റഫ്, ഉസ്താദ് മുഹമ്മദ് ബാഖവി, ഉസ്താദ് മുസ്തഫ ബാഖവി, സയ്യിദ് ശിഹാബുദ്ദീൻ ഇമ്പിച്ചി കോയ തങ്ങൾ എന്നിവർ ആശംസകൾ നേർന്നു. മദ്രസ സ്റ്റാഫ് മുഹമ്മദ് ബാഖവി നന്ദിയും പറഞ്ഞു.

പുറമേരിയിൽ വയോജന ദിനം ആചരിച്ചു

Aswani — 2023-10-02 01:01:56

പുറമേരി: വയോജന ദിനാചരണത്തിൻ്റെ ഭാഗമായി പുറമേരി ഗ്രാമ പഞ്ചായത്ത്‌ ഭരണ സമിതി അംഗങ്ങൾ വയോജനങ്ങളുടെ ഗൃഹങ്ങൾ സന്ദർശിച്ചു. പഞ്ചായത്ത്‌ രൂപീകരിച്ച മൊബൈൽ മെഡിക്കൽ ലാബ് അംഗവും സാന്ത്വനം വളന്റിയറുമായ രഞ്ജിനി, ഭരണ സമിതി അംഗങ്ങളോടൊപ്പം ചേർന്ന് വയോജനങ്ങളുടെ ഷുഗർ, ബി പി എന്നിവ പരിശോധിച്ചു. കോവിലകം വാർഡിൽ നടത്തിയ ഗൃഹ സന്ദർശന പരിപാടിയിൽ ഗ്രാമ പഞ്ചായത്ത്‌ പ്രസിഡന്റ്‌ വി കെ ജ്യോതിലക്ഷ്മി, വൈസ് പ്രസിഡന്റ്‌ സി എം വിജയൻ, മെമ്പർമാരായ ബീന കല്ലിൽ, രവി കൂടത്താം കണ്ടി, ജിഷ ഒ ടി, മൊബൈൽ മെഡിക്കൽ ലാബ് സാന്ത്വനം വളന്റിയർ രഞ്ജിനി എന്നിവർ നേതൃത്വം നൽകി.

പുഷ്പാർച്ചനയും രാഷട്ര പുനരർപ്പണ പ്രതിജ്ഞയും നടത്തി

Aswani — 2023-10-02 00:43:56

വില്ല്യാപ്പള്ളി: മണ്ഡലം കോൺഗ്രസ്സ് കമ്മിറ്റിയുടെ ആഭിമുഖ്യത്തിൽ ഗാന്ധിസദനം വില്ല്യാപ്പള്ളിയിൽ വെച്ച് ഗാന്ധിജയന്തി ദിനത്തിൽ പുഷ്പാർച്ചനയും രാഷട്ര പുനരർപ്പണ പ്രതിജ്ഞയും നടത്തി. എൻ.ശങ്കരൻ , അനൂപ് വില്ല്യാപ്പള്ളി , എം.പി.വിദ്യാധരൻ , പൊന്നാറത്ത് മുരളീധരൻ , വി.കെ. പ്രകാശൻ , വി.മുരളീധരൻ, കുറ്റിയിൽ ചന്ദ്രൻ , പി.വാസുദേവൻ , യൂസഫ് അരയാക്കൂൽ , ടി.പി.ബാബു എന്നിവർ പ്രസംഗിച്ചു. സി.പി. ബിജു പ്രസാദ് അദ്ധ്യക്ഷത വഹിച്ചു.

മാലിന്യമുക്തം നവകേരളം; എല്ലാ വീടുകളിലും തുണിസഞ്ചി എത്തിക്കും

Aswani — 2023-09-30 01:50:25

ആയഞ്ചേരി: മാലിന്യമുക്തം നവകേരളം കേമ്പയിന്റെ ഭാഗമായി മാലിന്യമുക്ത സന്ദേശം എത്തിക്കുന്നതിന് എല്ലാ വീടുകളിലും വാർഡ് ശുചിത്വ സമിതിയുടെ നേതൃത്വത്തിൽ തുണിസഞ്ചി എത്തിക്കാൻ കടമേരി എൽ പി സ്കൂളിൽ ചേർന്ന ശുചീകരണ സംഘാടക സമിതി തീരുമാനിച്ചു. ഒക്ടോബർ 2 ന് വാർഡിൽ കടമേരി എൽ പി സ്കൂൾ പരിസരം, കെ വി പിടിക, മാക്കം മൂക്ക്, കുറ്റിവയൽ എന്നീ നാല് കേന്ദ്രങ്ങളിൽ ബഹുജന പങ്കാളിത്തത്തോടെ ശുചീകരണ പ്രവർത്തനം നടത്താൻ തീരുമാനിച്ചു. സർക്കാർ നിർദ്ദേശത്തിന്റെ ഭാഗമായുള്ള മാലിന്യമുക്ത പ്രതിജ്ഞ ജൂനിയർ ഹെൽത്ത് ഇൻസ്പെക്ടർ സന്ദീപ്കുമാർ എം എം ചൊല്ലിക്കൊടുത്തു. പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ അധ്യക്ഷം വഹിച്ചു. കടമേരി എൽ പി സ്ക്കൂൾ പ്രധാന അധ്യാപിക ആശ കെ ,ആശാവർക്കർ ചന്ദ്രി പി , സീന ഇ കെ , ശ്രീനാഥ് എം, നിഷ പി, ഷീജ കെ, രാജിഷ കെ വി എന്നിവർ സംസാരിച്ചു.

നബിദിനത്തിൽ ശുചിത്വ സന്ദേശവുമായി വളണ്ടിയർമാർ

Aswani — 2023-09-28 04:55:11

വടകര: അഴിത്തല ശാഖ എസ് കെ എസ് എസ് എഫ് നേതൃത്വത്തിൽ നബിദിന റാലിയിൽ വിതരണം ചെയ്ത ഭക്ഷണ സാധനങ്ങളുടെ അവശിഷ്ട്ടങ്ങൾ, പേപ്പർ ഗ്ലാസുകൾ എന്നിവ നീക്കം ചെയ്ത് ശുചിത്വ സന്ദേശം നൽകി. സിറാജ് , മുസ്തഫ, അക്ബർ , മുഹാജിർ പി വി എന്നിവർ നേതൃത്വം നൽകി.

നബിദിന റാലി നടത്തി

Aswani — 2023-09-28 01:00:12

വടകര: നബിദിന ആഘോഷത്തിന്റെ ഭാഗമായി മാക്കൂൽ പീടിക മനാറുൽ ഹുദാ മദ്രസ വിദ്യാർത്ഥികൾ നബിദിന റാലി നടത്തി. യുസുഫ് മൗലവി, സലാം മഹ്ദി, സയ്യിദ് മൗലവി, കെ പി മൂസ്സ, എം വി സത്താർ, പി പി സുബൈർ എന്നിവർ നേതൃത്വം നൽകി.

കട്ടിൽ വിതരണം ചെയ്തു

Aswani — 2023-09-25 22:29:35

മേപ്പയ്യൂർ: ഗ്രാമപഞ്ചായത്തിൽ 23 - 24 വാർഷിക പദ്ധതിയിൽപെടുത്തി വയോജനങ്ങൾക്ക് കട്ടിൽ വിതരണം ചെയ്തു. ഗ്രാമ പഞ്ചായത്ത് പ്രസിഡണ്ട് കെ.ടി. രാജൻ വിതരണോദ്ഘാടനംനിർവ്വഹിച്ചു. സ്റ്റാൻഡിങ്ങ് കമ്മറ്റി ചെയർപേഴ്സൺ വി.പി. രമ അദ്യക്ഷത വഹിച്ചു. വൈസ് പ്രസിഡണ്ട് എൻ.പി.ശോഭ , മെമ്പർമാരായ പി. പ്രശാന്ത്, പി.പ്രകാശൻ, സറീന ഒളോറ, ഇന്ദ്രീനിലയം വിജയൻ , ദീപ കേളോത്ത്, കെ.എം. പ്രസീത, സെക്രട്ടരി കെ.പി. അനിൽ കുമാർ, അസി സെക്രട്ടറി ശ്രീലേഖ ജെ.എസ്., വി.വി. പ്രവീൺ, സൂപ്പർവൈസർ പി.റീന എന്നിവർ സംസാരിച്ചു.

നാല് പരിശോധന ഫലങ്ങൾ നെഗറ്റീവ്

Aswani — 2023-09-17 22:20:19

ആയഞ്ചേരി: നിപ ബാധിച്ച് മരണപ്പെട്ട വ്യക്തിയുമായി സമ്പർക്കത്തിൽ ഏർപ്പെട്ട വ്യക്തികളുടെ പരിശോധനാ ഫലങ്ങൾ നെഗറ്റീവ്. ഹൈ റിസ്കിൽ ഉൾപ്പടെ നാല് പരിശോധന ഫലങ്ങളാണ് ഇത് വരെ പുറത്ത് വന്നത്. ഇനിയും ഫലങ്ങൾ ലഭിക്കാനുണ്ട്.

ആലോചന യോഗം ചേർന്നു

Aswani — 2023-09-13 04:22:24

ആയഞ്ചേരി: കണ്ടൈൻമെൻറ് സോണായി പ്രഖ്യാപിച്ച ആയഞ്ചേരി ഗ്രാമ പഞ്ചായത്ത് 12-ാം വാർഡിലെ നിപ ജാഗ്രത പ്രവർത്തനങ്ങൾക്ക് രൂപം കൊടുക്കാൻ ആരോഗ്യ പ്രവർത്തകരുടെ ആലോച യോഗം ചേർന്നു. നിപ ബാധിത സ്പോട്ടുകളുമായി സമ്പർക്കമുള്ളവരെ കണ്ടെത്തി ഹോം ക്വാറന്റൈനിൽ നിർത്താനുള്ള നടപടി സ്വീകരിക്കുക, വാർഡ് കണ്ടൈൻമെൻറ് സോണായി മാറിയതിന്റെ ഭാഗമായി മരുന്ന്, ഭക്ഷ്യ വസ്തുക്കൾ എന്നിവയ്ക്ക് പ്രയാസം അനുഭവിക്കുന്ന കുടുബങ്ങൾക്ക് സഹായമെത്തിക്കാനുള്ള വളണ്ടിയർ ടീമിനെ സംഘടിപ്പിക്കാനും യോഗം തീരുമാനിച്ചു. സ്റ്റാന്റിഗ് കമ്മിറ്റി ചെയർമാൻ ടി.വി.കുഞ്ഞിരാമൻ അധ്യക്ഷം വഹിച്ചു. ജൂനിയർ ഹെൽത്ത് ഇൻസ്പെക്ടർ സന്ദീപ്കുമാർ , ആശാവർക്കർ ചന്ദ്രി എന്നിവർ സംസാരിച്ചു.

അറിവുത്സവം സംഘടിപ്പിച്ചു

Aswani — 2023-09-10 23:24:34

കല്ലാച്ചി: എ.കെ.എസ് ടി യു, ജനയുഗം സഹപാഠി നാദാപുരം ഉപജില്ലാ തല അറിവുത്സവം കല്ലാച്ചി ഗവ.യു പി.സ്കൂളിൽ നടന്നു. എൽപി, യു.പി, ഹൈസ്കൂൾ, ഹയർ സെക്കണ്ടറി വിഭാഗത്തിൽ മത്സരം സംഘടിപ്പിച്ചു. വിജയികൾക്ക് തൂണേരി ബ്ലോക്ക് ക്ഷേമ കാര്യ സ്റ്റാൻഡിംഗ് കമ്മിറ്റി ചെയർമാൻ രജീന്ദ്രൻ കപ്പള്ളി സമ്മാന വിതരണം നടത്തി. ടി.സുഗതൻ അധ്യക്ഷത വഹിച്ചു. വി ടി ലിഗേഷ്, രാജീവൻ, സി സുരേന്ദ്രൻ എന്നിവർ പ്രസംഗിച്ചു.

സംസ്കൃത ദിനം ആചരിച്ചു

Aswani — 2023-09-10 23:21:10

മൊകേരി: കുന്നുമ്മൽ ഉപജില്ല സംസ്കൃത ദിനാചരണം നാസർ കക്കട്ടിൽ ഉദ്ഘാടനം ചെയ്തു. ഉപജില്ല സംസ്കൃതം അക്കാദമിക് കൗൺസിലിന്റെ നേതൃത്വത്തിൽ നടന്ന ചടങ്ങിൽ എ.ഇ.ഒ അബ്ദുൽ ഖാദർ, രാജഗോപാലൻ കാരപ്പറ്റ, പുഷ്പരാജൻ കെ, രഞ്ജിത്ത്, പവിത്രൻ , അജേഷ് , വിനോദൻ , ഷൈന , ലീന , സുനീഷ്, ഹരിപ്രിയ എന്നിവർ സംസാരിച്ചു. വിദ്യാർത്ഥികളുടെ കലാപരിപാടികളും ഉണ്ടായി.

സീനിയർ സിറ്റിസൺ ഫോറം യൂണിറ്റ് ക്യാമ്പ് സംഘടിപ്പിച്ചു

Aswani — 2023-09-08 02:30:53

അരിക്കുളം: സീനിയർ സിറ്റിസൺ ഫോറം തിരുവങ്ങായൂർ യൂണിറ്റ് ക്യാമ്പ് സംഘടിപ്പിച്ചു. കവിയും മോട്ടിവേറ്ററുമായ ഇബ്രാഹിം തിക്കോടി ക്ലാസ്സ് എടുത്തു. ജീവിതം അവനവനു വേണ്ടി മാത്രമല്ല, സമൂഹത്തിന് വെട്ടം പകരാൻ കൂടിയുള്ളതാണെന്നും, ആ തരത്തിലുള്ള പ്രവർത്തനങ്ങളിലൂടെ പ്രവർത്തകരുടെ ജീവിതം സന്തോഷകരമാക്കാൻ ആകുമെന്ന് അദ്ദേഹം പറഞ്ഞു. യൂണിറ്റ് സെക്രട്ടറി യു.പി കുഞ്ഞിക്കണ്ണൻ അധ്യക്ഷത വഹിച്ചു. അംഗങ്ങൾ അഭിപ്രായങ്ങൾ പങ്കുവെച്ചു.

ജമാഅത്തെ ഇസ്ലാമി ഓണ സൗഹൃദ സംഗമം സംഘടിപ്പിച്ചു

Aswani — 2023-09-06 03:33:14

പയ്യോളി: "മാനുഷരെല്ലാരും ഒന്നുപോലെ" എന്ന ഓണ സന്ദേശം ഉയർത്തിപ്പിടിച്ചുകൊണ്ട് ജമാഅത്തെ ഇസ്ലാമി പയ്യോളി ഏരിയയുടെ ആഭിമുഖ്യത്തിൽ ഓണസൗഹൃദ സംഗമം സംഘടിപ്പിച്ചു. ഷെഫീക്ക് വടക്കെയിൽ ഉദ്ഘാടനം ചെയ്തു. മേഖലാ പ്രസിഡണ്ട് എം .എം മുഹിയുദ്ദീൻ മുഖ്യപ്രഭാഷണം നടത്തി. പയ്യോളി ഏരിയ പ്രസിഡൻറ് ടി.എം.ഹനീഫ അധ്യക്ഷത വഹിച്ചു. ഇ.കെ.ശീതൾ രാജ്, ഇബ്രാഹിം തിക്കോടി, വേണു കുനിയിൽ, പി.എം.അഷറഫ്, ഷൈജൽ സഫാത്ത്, കെ .പി പ്രദീപൻ, ഭാസ്കരൻ, അബൂബക്കർ മഫാസ് എന്നിവർ സംസാരിച്ചു. ഏരിയ സെക്രട്ടറി കെ .വി അൽത്താസ്, കെ ടി ഹംസ, വി കെ അബ്ദുല്ല, ഒ.അബ്ദുല്ല എന്നിവർ നേതൃത്വം നൽകി. ഏരിയ വൈസ് പ്രസിഡൻറ് ടി പി അബ്ദുൽ മജീദ് സ്വാഗതവും പി ആർ ആൻഡ് മീഡിയ സെക്രട്ടറി ടി എ ജുനൈദ് നന്ദിയും പറഞ്ഞു.

ഓണാഘോഷ പരിപാടികൾ സംഘടിപ്പിച്ചു

Hashim — 2023-09-06 02:57:56

തൃക്കോട്ടൂർ: സാരഥി തൃക്കോട്ടൂർ ഓണാഘോഷ പരിപാടികൾ സംഘടിപ്പിച്ചു. പ്രശസ്ത സാഹിത്യകാരൻ ഇബ്രാഹിം തിക്കോടി സമ്മാന വിതരണം നടത്തി. സെക്രട്ടറി മഠത്തിൽ രാജീവൻ സ്വാഗതം പറഞ്ഞ ചടങ്ങിൽ പ്രസിഡന്റ്‌ പി. കെ. ബാലചന്ദ്രൻ അധ്യക്ഷത വഹിച്ചു. യുവ തലമുറയുടെ നിറ സാന്നിധ്യം കൊണ്ട് ഓണാഘോഷം വേറിട്ടൊരു പരിപാടിയായി മാറി.

പെൻഷനേഴ്സ് യൂണിയൻ കൺവെൻഷൻ സംഘടിപ്പിച്ചു

Hashim — 2023-09-06 02:50:40

തുറയൂർ: തുറയൂർ കൊയപ്പള്ളി തറവാട്ടിൽ സാംസ്കാരിക കൺവെൻഷൻ സംഘടിപ്പിച്ചു. അധ്യാപക ദിനത്തോടനുബന്ധിച്ച് കേരള സ്റ്റേറ്റ് സർവീസ് പെൻഷനേഴ്സ് യൂണിയൻ മേലടി ബ്ലോക്ക് സാംസ്കാരിക വേദിയാണ് കൺവെൻഷൻ സംഘടിപ്പിച്ചത്. തുറയൂർ ഗ്രാമപഞ്ചായത്ത് പ്രസിഡണ്ട് സി.കെ ഗിരീഷ് ഉദ്ഘാടനം ചെയ്തു. പ്രശസ്ത കവി രാജഗോപാലൻ കാരപ്പറ്റ മുഖ്യപ്രഭാഷണം നടത്തി. സാംസ്കാരികച്യുതി പെരുകി കൊണ്ടിരിക്കുന്ന കാലിക സാഹചര്യത്തിൽ സാംസ്കാരിക പ്രവർത്തകർ ഉണർന്നു പ്രവർത്തിക്കണമെന്ന് അദ്ദേഹം സൂചിപ്പിച്ചു.

വി.ഐ.ഹംസ അധ്യക്ഷനായി. ജില്ലാ വൈസ് പ്രസിഡണ്ട് ദാമോദരൻ എടത്തിൽ, ടി കുഞ്ഞിരാമൻ, കെ.എം. കുഞ്ഞിരാമൻ, കെ.ശശിധരൻ, എം.എം കരുണാകരൻ, ഇബ്രാഹിം തിക്കോടി, ചന്ദ്രൻ നമ്പ്യേരി, നളിനി കണ്ടോത്ത്, എ.കെ.രാമകൃഷ്ണൻ എന്നിവർ സംസാരിച്ചു. തുടർന്ന് നടന്ന കാവ്യസദസ്സിൽ ഇബ്രാഹിം തിക്കോടി, വി.ഒ. ഗോപാലൻ മേപ്പയൂർ, രാരിച്ചൻ കൊഴുക്കല്ലൂർ, ആയടത്തിൽ പി. ഗോപാലൻ, എം.പി അബ്ദുറഹിമാൻ, ബാലകൃഷ്ണൻ സി .കെ കീഴരിയൂർ, നളിനി കണ്ടോത്ത്, പി.സി. കുഞ്ഞികണ്ണൻ ,പി.സി ഗോപാലൻ എന്നിവർ കവിതകൾ അവതരിപ്പിച്ചു.

മാലിന്യ പരിപാലന ബോധവൽക്കരണ ക്യാമ്പയിനിന് തുടക്കമായി

Aswani — 2023-09-06 02:00:56

നാദാപുരം: ഹരിതം നിർമ്മലം പരിശുദ്ധം പുറമേരി എന്ന ക്യാമ്പയിന്റെ ഭാഗമായ സ്ട്രീറ്റ് പ്ലേ ഓഫ് സ്റ്റുഡന്റസ് എന്ന പരിപാടി അരൂർ യുപി സ്കൂളിൽ പുറമേരി ഗ്രാമ പഞ്ചായത്ത് പ്രസിഡന്‍റ് വി.കെ ജ്യോതിലക്ഷ്മി ഉദ്ഘാടനം ചെയ്തു. വിദ്യാര്‍ത്ഥികള്‍ക്കിടയിലും പൊതു ജനങ്ങള്‍ക്കിടയിലും മാലിന്യ നിര്‍മ്മാര്‍ജ്ജനത്തില്‍ അവബോധം ഉണ്ടാക്കുക, പ്ലാസ്റ്റിക്ക് തരംതിരിഞ്ഞ് കൈമാറുന്നതിന് വേണ്ടി ചെറുപ്പം മുതലെ കുട്ടികളെ പ്രാപ്തരാക്കുക എന്നിവയാണ് ഈ പരിപാടി കൊണ്ട് ഉദ്ദേശിക്കുന്നത്. മെമ്പർ വി.ടി ഗംഗാധരൻ, എച്ച്.എം സജിലാൽ എൽ.ആർ, വൈസ് പ്രസിഡന്‍റ് സി.എം വിജയന്‍, കെ.എം.വിജിഷ, രവി കൂടത്താങ്കണ്ടി, ടി.പി.സീന, കെ.കെ.ബാബു, സെക്രട്ടറി പി.ജി.സിന്ധു, വി.ഇ.ഒ.അനീഷ് എന്നിവര്‍ സംബന്ധിച്ചു. പുറമേരി പഞ്ചായത്ത് മാലിന്യ മുക്തം നവകേരളം പദ്ധതിയുടെ ക്യാമ്പയിൻ രണ്ടാം ഘട്ട പ്രവർത്തനങ്ങളിലേക്ക് കടക്കുകയാണ്.

അധ്യാപകനെ ആദരിച്ചു

Aswani — 2023-09-06 01:05:50

കോട്ടപ്പള്ളി: ദേശീയ അധ്യാപക ദിനത്തിൽ കോട്ടപ്പള്ളി എം.എൽ.പി.സ്കൂളിലെ മുൻ പ്രധാനാധ്യാപകൻ അമ്മാരപ്പള്ളി കുഞ്ഞിശങ്കരനെ സ്കൂളിലെ അധ്യാപകർ വീട്ടിലെത്തി ആദരിച്ചു. പ്രധാനാധ്യാപകൻ ടി.അജിത്കുമാർ പൊന്നാട അണിയിച്ചു. മറ്റ് അധ്യാപകരും വിദ്യാർത്ഥികളും സംബന്ധിച്ചു.

ഉദ്ഘാടനം ചെയ്തു

Aswani — 2023-09-04 22:57:04

അഴിയൂർ: ചുങ്കത്തെ റഹ്മാനിയ്യ അറബി കോളേജിന്റെയും മദ്രസയുടെയും നവീകരിച്ച ഓഫീസ് ഉദ്ഘാടനം ചെയ്തു. മദ്രസ അങ്കണത്തിൽ ചേർന്ന പരിപാടിയിൽ മഹല്ല് ജനറൽ സെക്രട്ടറി നവാസ് നെല്ലോളി അദ്ധ്യക്ഷം വഹിച്ചു. കാസിം നെല്ലോളി ഉദ്ഘാടനം നിർവ്വഹിച്ചു. ബഷീർ ബാഖവി, ജംഷീദ് ഹുദവി, സിറാജ് (രിഫായ് സ്റ്റോർ), അഹമദ് കൽപ്പക എന്നിവർ സംസാരിച്ചു. നവീകരിച്ച മദ്രസയുടെ ഓഫീസ് ടി.സി.എച്ച് അബൂബക്കർ ഹാജിയും കോളേജ് ഓഫീസ് ടി.സി.എച്ച് ലത്തീഫും കംപ്യൂട്ടർ റൂം മർസൂകും ഉൽഘാടനം ചെയ്തു.

ഓണാഘോഷ പരിപാടികൾ സമാപിച്ചു

Aswani — 2023-08-31 00:01:26

പയ്യോളി: പൊതുജനവായനശാല, കുറിഞ്ഞിത്താര ഓണാഘോഷപരിപാടികളുടെ സമാപനം നാട്ടുപൊലിമ സാഹിത്യകാരനും മോട്ടിവേറ്ററുമായ ഇബ്രാഹിം തിക്കോടി ഉത്ഘാടനം ചെയ്തു. വായനശാല പ്രസിഡന്റ്‌ പി എം അഷ്‌റഫ്‌ അദ്യക്ഷനായിരുന്നു. തിരുവോണം നാളിൽ ഗൃഹാങ്കണങ്ങളിൽ പൂക്കള മത്സരം, ആവണി അവിട്ടം നാളിൽ വിനോദ കായികമത്സരങ്ങൾ എന്നിവനടന്നു. പൂക്കളമത്സരത്തിൽ എ ടി ബാബു ഒന്നാം സ്ഥാനവും മരച്ചാലിൽ ഷൈലജ, സി സി ബിന്ദു, ബിജു രണ്ടും മൂന്നും സ്ഥാനങ്ങളും, കെ ടി നിഷ ശിവദാസ് പ്രോത്സാഹന സമ്മാനവും നേടി. വിജയികൾക്കുള്ള ട്രോഫികളുടെ വിതരണവും ഇബ്രാഹിം തിക്കോടി നിർവഹിച്ചു. വനിതാ വേദി ചെയർപേഴ്സൺ വിജില പി എം, നിഷ സി വി, എ ടി സന്തോഷ്‌ , പ്രസീത എ ടി, ഹൈറുന്നിസ സി ടി എന്നിവർ സംസാരിച്ചു.

മഹിളാകോൺഗ്രസ് ഐക്യദാർഡ്യം

Aswani — 2023-08-19 04:54:03

നാദാപുരം: മണിപ്പൂരിലെ സ്ത്രീകളോട് കാണിക്കുന്ന അതിക്രമങ്ങൾക്കെതിരെ കല്ലാച്ചിയിൽ മഹിളാ കോൺഗ്രസ് പ്രവർത്തകരുടെ പ്രതിഷേധം. മണിപ്പൂരിൽ ഇരയാകുന്നതേറെയും വനിതകളാണെന്നും വിഷയത്തിൽ രാഷ്ട്രപതി ഇടപെടണമെന്നും മഹിളാകോൺഗ്രസ് നിയോജകമണ്ഡലം കമ്മിറ്റി ആവശ്യപ്പെട്ടു. ഐക്യദാർഡ്യ സമരത്തിൽ പ്രസിഡണ്ട് സി കെ സുമലത അധ്യക്ഷത വഹിച്ചു.

കർഷക ദിനം ആചരിച്ചു

Aswani — 2023-08-18 00:24:37

ആയഞ്ചേരി: വള്ളിയാട് ഈസ്റ്റ് എൽ പി സ്കൂളിൽ കർഷക ദിനം ആചരിച്ചു. സ്കൂളിലെ മികച്ച കുട്ടി കർഷക നൂർ അൽഹയെ ചടങ്ങിൽ ആദരിച്ചു. ഹെഡ് മിസ്ട്രസ്സ് ബിന്ദു സി .എച്ച്, മൂസ്സ കെ പി, സഫീറ എൻ കെ, ഗിരിപ്രിയ ബി, ലിൻസി കെ, മൂഹമ്മദ് ഷാക്കിർ കെ കെ എന്നിവർ സംബന്ധിച്ചു.

വനിതാ കൂട്ടായ്മ നടത്തി

Aswani — 2023-08-16 04:08:18

വടകര: പതിനഞ്ചാം വാർഡ് സോഷ്യലിസ്റ്റ് വനിതാ കൂട്ടായ്മ പുതുക്കുടി സുരേന്ദ്രന്റെ വീട്ടിൽ ചേർന്നു. ഉദ്ഘാടനവും ബഹറിൻ ജെസിസി പ്രവർത്തകർ നൽകിയ ഓക്സിജൻ സിലിണ്ടർ ഏറ്റുവാങ്ങൽ ചടങ്ങും വിമല കളത്തിൽ നിർവഹിച്ചു. വാർഡ് കൗൺസിലർ രാജിത പതേരി അധ്യക്ഷത വഹിച്ച ചടങ്ങിൽ പ്രസാദ് വിലങ്ങിൽ, എം സതി, വി.പി നാണു, പുതുക്കുടി രാജീവൻ, സുനിത, ജിത്തു മുക്കാളി, ജിഷ മനോജ്, വിനോദൻ വില്യാപ്പള്ളി, ആദിത്യൻ എന്നിവർ സംസാരിച്ചു.

ചാത്തമംഗലം അംഗൻവാടിയിൽ സ്വാതന്ത്ര്യ ദിനാഘോഷം

Aswani — 2023-08-16 00:13:16

പയ്യോളി: അയനിക്കാട് ചാത്തമംഗലം അംഗൻവാടി സ്വാതന്ത്ര്യദിനം ആഘോഷിച്ചു .വാർഡ് കൗൺസിലർ ഷൈമ പതാക ഉയർത്തി. അംഗൻവാടി വർക്കർ ലസിത.പി.സി, ഹെൽപ്പർ ലീല ഇ.വി എന്നിവർ സന്നിഹിതരായി. ഇബ്രാഹിം തിക്കോടി മുഖ്യാതിഥിയായി. കുട്ടികളും രക്ഷിതാക്കളും ചേർന്ന് സ്വാതന്ത്ര്യ ദിന പരേഡും നടത്തി

സ്വാതന്ത്ര്യ ദിനാഘോഷം

Aswani — 2023-08-15 04:58:30

വടകര: സെന്റ് സബാസ്റ്റ്യൻ ചർച്ചിൽ ആഗസ്റ്റ് 15 മാതാവിന്റെ സ്വർഗ്ഗാരോഹണ തിരുന്നാൾ ഭക്തിപൂർവ്വം ആഘോഷിച്ചു. ആഘോഷപരമായ ദിവ്യബലിക്കു ശേഷം സ്വതന്ത്ര്യ ദിനത്തോടനുബന്ധിച്ച് ഇടവക വികാരി ഫാദർ വിമൽ ഫ്രാൻസീസ് പതാക ഉയർത്തി. സ്വതന്ത്ര്യ ദിന സന്ദേശം ഇടവക സമൂഹത്തിന് നൽകി.

സ്വാതന്ത്ര്യദിനാഘോഷം നടത്തി

Aswani — 2023-08-15 04:11:28

വടകര: സ്വാതന്ത്ര്യദിനത്തിൽ വടകര മണ്ഡലം കോൺഗ്രസ്സ് കമ്മിറ്റി പ്രസിഡന്റ്‌ വി. കെ പ്രേമന്റെ നേതൃത്വത്തിൽ ഗാന്ധി പ്രതിമയിൽ പുഷ്പാർച്ചന നടത്തി. അഡ്വ: സി. വത്സലൻ സ്വാതന്ത്ര്യദിന സന്ദേശം നൽകി. സതീശൻ കുരിയാടി, അഡ്വ: ഇ. നാരായണൻ നായർ, ടി വി സുധീർ കുമാർ, പുറന്തോടത്ത് സുകുമാരൻ, കൊറോത്ത് ബാബു, അജിത് പ്രസാദ്, ബിജുൽ ആയാടത്തിൽ, നാസർ മീത്തൽ എന്നിവർ സംസാരിച്ചു.

എസ് വൈ എസ് സംവാദം സംഘടിപ്പിച്ചു

Aswani — 2023-08-13 23:49:56

കൊയിലാണ്ടി: "മതേതരത്വം ഇന്ത്യയുടെ മതം "എന്ന വിഷയത്തിൽ എസ് .വൈ .എസ് സംസ്ഥാന വ്യാപകമായി സംവാദം സംഘടിപ്പിച്ചു. കൊയിലാണ്ടിയിൽ നടന്ന സംവാദം എസ് .വൈ .എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂർ ഉദ്ഘാടനം ചെയ്തു. അബ്ദുറഹ്മാൻ ഹൈദമി അധ്യക്ഷത വഹിച്ചു. നാസർ ഫൈസി കൂടത്തായി വിഷയം അവതരിപ്പിച്ചു. അശ്വിൻദേവ് (സിപിഎം), അരുൺ മണമൽ (കോൺഗ്രസ് ), സമദ് പൂക്കാട് (മുസ്ലിംലീഗ് ), എൻ വി ബാലകൃഷ്ണൻ, അബ്ദുറസാഖ് റഹ്മാനി (എസ് വൈ എസ് ), എം .കെ സുരേഷ് ബാബു (പിടിഎ പ്രസിഡണ്ട് ), അഹമ്മദ് ഫൈസി കടലൂർ (സമസ്ത), സി .പി .എ സലാം ,അഹമ്മദ് ദാരിമി ,അൻസാർ കൊല്ലം എന്നിവർ സംസാരിച്ചു.

പി.ഡി.പി ജനാധിപത്യസംരക്ഷണ സമ്മേളനം നടത്തി

Aswani — 2023-08-13 23:47:04

പയ്യോളി: പിഡിപി കൊയിലാണ്ടി മണ്ഡലം കമ്മിറ്റി പയ്യോളിയിൽ ജനാധിപത്യ സംരക്ഷണ സമ്മേളനം നടത്തി. സംസ്ഥാന വൈസ് ചെയർമാൻ വർക്കലരാജ് ഉദ്ഘാടനം ചെയ്തു. ഫാസിസത്തിനെതിരെ പ്രതിപക്ഷ കൂട്ടായ്മ 'ഇന്ത്യ'യ്ക്ക് പരിപൂർണ്ണ പിന്തുണ നൽകുന്നതാണെന്നും, മദനി ഉയർത്തിയ രാഷ്ട്രീയം ഈ കൂട്ടായ്മ മുൻകൂട്ടി പ്രവചിച്ചതാണെന്നും മുഖ്യപ്രഭാഷകൻ മുഹമ്മദ് ബിലാൽ പറഞ്ഞു. മുസ്തഫ അഫീഫ് പ്രതിജ്ഞ ചൊല്ലി കൊടുത്തു. റസൽ നന്തി അധ്യക്ഷത വഹിച്ചു. ഷംസുദ്ദീൻ വി പി, നിഷാദ് മാത്തോട്ടം, ഫൈസൽ കെ ടി വി , റസാഖ് നന്തി, ഉസ്മാൻ ഫറോക്ക്, നസീർ തിക്കോടി ,സാദിക്ക് കൊയിലാണ്ടി, ഹംസ ചാലിൽ എന്നിവർ സംസാരിച്ചു. ടി.പി.അബ്ദുൽ ലത്തീഫ് സ്വാഗതം പറഞ്ഞു. പി.പി.ഗഫൂർ നന്ദി രേഖപ്പെടുത്തി.

വനിതാ കൺവെൻഷനും സാംസ്കാരിക സദസ്സും

Aswani — 2023-08-09 22:55:54

മേപ്പയൂർ: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ കൊഴുക്കല്ലൂർ യൂണിറ്റ് വനിതാ കൺവെൻഷനും സാംസ്കാരിക സദസ്സും സംഘടിപ്പിച്ചു. മേപ്പയ്യൂർ ടൗൺ ബാങ്ക് ഓഡിറ്റോറിയത്തിൽ വെച്ച് നടന്ന പരിപാടി അഫ്സ ഉദ്ഘാടനം ചെയ്തു. ജാനകി അധ്യക്ഷത വഹിച്ചു. ജില്ലാ ട്രഷറർ എൻ. കെ ബാലകൃഷ്ണൻ, ബ്ലോക്ക് സെക്രട്ടറി എ.എം കുഞ്ഞിരാമൻ, ടി സുമതി ,റസിയ കൊഴുക്കല്ലൂർ, രാധ എന്നിവർ സംസാരിച്ചു.

തുടർന്ന് നടന്ന സംസ്കാരിക സദസ്സിൽ എഴുത്തുകാരൻ ഇബ്രാഹിം തിക്കോടി മുഖ്യപ്രഭാഷണം നടത്തി. രാരിച്ഛൻ കൊഴുക്കല്ലൂർ അധ്യക്ഷത വഹിച്ചു. ആയടത്തിൽ ഗോപാലൻ, ടി.സി നാരായണൻ, കെ .കെ മൊയ്തീൻ, എം.പി അബ്ദുറഹ്മാൻ എന്നിവർ സംസാരിച്ചു. തുടർന്ന് നടന്ന കാവ്യ സദസ്സിൽ പി.സി.കുഞ്ഞിക്കണ്ണൻ, എം.പി അബ്ദുറഹിമാൻ, രാരിച്ചൻ കൊഴുക്കല്ലൂർ, ആയടത്തിൽ ഗോപാലൻ, റസിയ കൊഴുക്കല്ലൂർ, കെ കെ മൊയ്തീൻ, ഗോപാലൻ, പത്മാവതി എൻ.കെ എന്നിവർ കവിതകൾ അവതരിപ്പിച്ചു.

കല്ലിട ഉമ്മർ മൗലവിയെ അനുസ്മരിച്ചു

Aswani — 2023-08-09 22:53:03

പയ്യോളി: നാട്ടിലെയും ഷാർജയിലേയും അറിയപ്പെടുന്ന സാമൂഹ്യ സാംസ്കാരിക രാഷ്ട്രീയ മത ജീവകാരുണ്യ പ്രവർത്തകനും കലാകാരനുമായ കല്ലിട ഉമ്മർ മൗലവിയെ ഷാർജ ഇക്ബാൽ യൂത്ത് ഫോറം അനുസ്മരിച്ചു. പയ്യോളി മുനിസിപ്പൽ മുസ്ലിം ലീഗ് ഓഫീസ് ഓഡിറ്റോറിയത്തിൽ നടന്ന പരിപാടിയിൽ കോർഡിനേറ്റർ റഷീദ് മണ്ടോളി സ്വാഗതം പറഞ്ഞു. ഇക്ബാൽ യൂത്ത് ഫോറം പ്രസിഡന്റ് സഹദ് പുറക്കാട് അധ്യക്ഷത വഹിച്ചു. കൊയിലാണ്ടി മണ്ടലം മുസ്ലിം ലീഗ് ജനറൽ സെക്രട്ടറി ഹനീഫ ഉദ്ഘാടനം ചെയ്തു. ജില്ല പഞ്ചായത്ത് മെമ്പർ ദുൽകിഫിൽ , ഹമീദ് മദീന ,ബഷീർ മേലടി , ബീരാൻ ആകോട് , മുസ്തഫ മുട്ടുങ്ങൽ , റഷീദ് മലപ്പാടി , അബ്ദുളള മാണിക്കോത്ത് , ബഷീർ ദാരിമി , സുബൈർ തിരുങ്ങൂർ , വി.കെ ഇസ്മയിൽ , മിനാർ മുഹമ്മദ് ഹാജി, ഉസ്മാൻ കല്ലായി, സൈനുദീൻ പയംതല , കെ.വി ഇസ്മായിൽ, റസാഖ് മേലടി , സഹൽ പുറക്കാട്, കാദർ ഖൈബർ, സി.പി.കെ മുഹമ്മദ് , കെ.എം. അബ്ദുള്ളക്കുട്ടി, ഹമീദ് കല്ലിട എന്നിവർ സംസാരിച്ചു. ഹംസ കൊല്ലം അനുസ്മരണ ഗാനം ആലപിച്ചു. മിഖ്ദാദ് മൈലാഞ്ചി കിറാഅത്ത് നടത്തി. ഇസ്ഹാഖ് കല്ലിട പ്രാർത്ഥനയ്ക്ക് നേതൃത്വം നൽകി.

കർഷക ദിനാചരണത്തിന്റെ ഭാഗമായി പുതിയ കൃഷിയിടങ്ങൾ തുടങ്ങും

Aswani — 2023-08-09 00:30:08

ആയഞ്ചേരി: കർഷക ദിനാചരണത്തിന്റെ ഭാഗമായി ഒരു ലക്ഷം പുതിയ കൃഷിയിടങ്ങൾ കണ്ടെത്താനുള്ള സംസ്ഥാന കൃഷി വകുപ്പിന്റെ നിർദ്ദേശത്തിന്റെ അടിസ്ഥാനത്തിൽ ആയഞ്ചേരി ഗ്രാമ പഞ്ചായത്ത് 12-ാം വാർഡിൽ ആറ് ഇടങ്ങളിൽ പച്ചക്കറിയും, പയർ വർഗ്ഗങ്ങളും , കിഴങ്ങുവർഗ്ഗങ്ങളും കൃഷി ചെയ്യാൻ കുടുബശ്രീ ഏ ഡി എസ്സിന്റെയും തൊഴിലുറപ്പ് മേറ്റുമാരുടേയും യോഗം തീരുമാനിച്ചു. തൊഴിലുറപ്പ് പദ്ധതിയിൽ ഉൾപ്പെടുത്തി നിലം ഒരുക്കിയ സ്ഥലത്താണ് കർഷക കൂട്ടായ്മയിൽ കൃഷി ആരംഭിക്കുന്നത്. കൃഷി ഭവൻ മുഖേനയും, പ്രദേശിക കർഷകരിൽ നിന്നും വിത്ത് ശേഖരിക്കാനും ചിങ്ങം ഒന്നിന് കാലത്ത് 8 മണിക്ക് ചെറിയ മഠത്തിൽ വെച്ച് നടീൽ ഉൽഘാടനം നടത്താനും തീരുമാനിച്ചു. പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ അധ്യക്ഷം വഹിച്ചു. കുടുബശ്രീ സി ഡി എസ്സ് അംഗം നിഷ പി, വാർഡ് വികസന സമിതി കൺവീനർ കെ മോഹന, തൊഴിലുറപ്പ് മേറ്റ്മാരായ സീന ഇ കെ , രമ്യ കെ എം, ഏ.ഡി എസ്സ് ഭാരവാഹികളായ രാധ ടി, മല്ലിക ജി.കെ, ശോഭ കക്കം വെള്ളി എന്നിവർ സംസാരിച്ചു.

യൂണിറ്റ് കൺവെൻഷൻ

Aswani — 2023-08-06 23:30:56

വടകര: കെ എസ് എസ് പി യു പഴങ്കാവ് യൂണിറ്റ് വനിത കൺവെൻഷൻ കെ എസ് എസ് പി യു ബ്ലോക്ക് ജോയിന്റ് സെക്രട്ടറി വി തങ്കമണി ഉദ്ഘാടനം ചെയ്തു. സ്ത്രീ സുരക്ഷയും നിയമങ്ങളും എന്ന വിഷയത്തിൽ ഒ.കെ. ജിഷ പ്രഭാഷണം നടത്തി. കെ കെ വിലാസിനി, പി സുധ, ടി വി ശൈലജ , കെ.ഡി മേരിക്കുട്ടി, കെ.വി.ശശിധരൻ എന്നിവർ സംസാരിച്ചു.

മണിപ്പൂർ അക്രമങ്ങൾക്കെതിരെ പെൻഷനേഴ്സ് യൂണിയൻ പ്രകടനവും കൂട്ടായ്മയും

Aswani — 2023-08-02 04:21:13

വടകര: മണിപ്പൂരിൽ സമാധാനം പുന:സ്ഥാപിക്കണമെന്നും വർഗ്ഗീയ ധ്രുവീകരണം അവസാനിപ്പിക്കണമെന്നും ആവശ്യപ്പെട്ട് കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ വടകര മുനിസിപ്പൽ ബ്ലോക്കിന്റെ ആഭിമുഖ്യത്തിൽ വടകരയിൽ പ്രതിഷേധ പ്രകടനവും കൂട്ടായ്മയും സംഘടിപ്പിച്ചു. പുതിയ സ്റ്റാൻഡ് പരിസരത്ത് പ്രതിഷേധ കൂട്ടായ്മ ബ്ലോക്ക് പ്രസിഡന്റ് ടി.രവിയുടെ അദ്ധ്യക്ഷതയിൽ ബി.സുരേഷ് ബാബു ഉദ്ഘാടനം ചെയ്തു. സെക്രട്ടറി കെ.വി.ശശിധരൻ , ഏ.കെ ബാലൻ എന്നിവർ സംസാരിച്ചു.

മണിപ്പൂർ ക്രൂരതയ്ക്കെതിരെ കെ.എസ്.എസ്.പി.യു പ്രതിഷേധം

Aswani — 2023-07-31 04:19:25

പയ്യോളി: മണിപ്പൂർ കലാപത്തിനും സ്ത്രീകൾക്ക് നേരെ നടക്കുന്ന പീഡനങ്ങൾക്കുമെതിരെ കേരള സ്റ്റേറ്റ് സർവീസ് പെൻഷനേഴ്സ് യൂണിയൻ പയ്യോളി ബ്ലോക്ക് കമ്മിറ്റി പ്രതിഷേധം. ജനങ്ങളുടെ ജീവനും സ്വത്തിനും സംരക്ഷണം നൽകുക, പീഡനങ്ങൾക്കും കൊലപാതകങ്ങൾക്കും എതിരെ കർശന നടപടികൾ സ്വീകരിക്കുക, എന്നീ മുദ്രാവാക്യങ്ങൾ മുഴക്കി ട്രഷറി പരിസരത്തു നിന്നും ആരംഭിച്ച പ്രകടനം ബസ്റ്റാൻഡ് പരിസരത്ത് സമാപിച്ചു. ടി.കുഞ്ഞിരാമൻ , വി.പി.നാണു, എ എം കുഞ്ഞിരാമൻ, കെ. വി രാജൻ ,എം.ടി നാണു എന്നിവർ നേതൃത്വം നൽകി. ജില്ലാ ട്രഷറർ എൻ .കെ ബാലകൃഷ്ണൻ പൊതുയോഗം ഉദ്ഘാടനം ചെയ്തു. ടി.കുഞ്ഞിരാമൻ, വി.പി.നാണു, വി.ഐ ഹംസ, എ. എം കുഞ്ഞിരാമൻ, കെ.ടി ചന്ദ്രൻ എന്നിവർ സംസാരിച്ചു. സംസ്ഥാന വ്യാപകമായി നടക്കുന്ന പ്രതിഷേധ പ്രകടനത്തിന്റെ ഭാഗമായിട്ടാണ് പയ്യോളിയിലും പ്രകടനവും പൊതുയോഗവും നടന്നത്.

പ്രതിഷേധിച്ചു

Aswani — 2023-07-31 00:45:59

മൂടാടി: മണിപ്പൂരിൽ മാസങ്ങളോളമായി നടക്കുന്ന ക്രൂര നരഹത്യയ്ക്കും സ്ത്രീ പീഡനങ്ങൾക്കും എതിരെ വീരവഞ്ചേരി മുന്നേറ്റം വനിതാ വേദി പ്രതിഷേധ സംഗമം നടത്തി. അക്രമ പരമ്പര ഈവിധം തുടരുകയാണെങ്കിൽ പ്രതിഷേധം കൂടുതൽ ശക്തമായി തന്നെ നടത്തേണ്ടി വരുമെന്നും സൂചന നൽകി. ഭവാനി, പ്രബിന, ടി.എം.റജുല എന്നിവർ നേതൃത്വം നൽകി.

യൂത്ത് ലീഗ് ദിനം ആചരിച്ചു

Aswani — 2023-07-31 00:33:40

അഴിയൂർ: 1980 ലെ ഭാഷാ സമര പോരാട്ടത്തിന്റെ ജ്വലിക്കുന്ന ഓർമകളിൽ അഴിയൂർ പഞ്ചായത്തിൽ മുസ്ലീം യൂത്ത് ലീഗ് വിവിധ ശാഖകളിൽ പതാക ഉയർത്തൽ , ശുചീകരണം തുടങ്ങിയ പരിപാടികൾ സംഘടിപ്പിച്ചു. ഹാജിയാർ പള്ളി ശാഖയിൽ നടന്ന പതാക ഉയർത്തൽ പഞ്ചായത്ത് മുസ്ലീം യൂത്ത് ലീഗ് ജനറൽ സെക്രട്ടറി ഷാനീസ് മൂസ്സ നിർവ്വഹിച്ചു. വൈസ് പ്രസിഡണ്ട് ഫൈസൽ ടി.കെ. അദ്ധ്യക്ഷം വഹിച്ചു. വാർഡ് മെമ്പർ സാജിദ് നെല്ലോളി, ശക്കീർ ടി.ജി, ജുനൈദ് മണിയോത്ത്, നൌഷാദ് പി കെ, ഫൈസൽ സി.പി. ഹൈസം, നജാഫ്മണിയോത്ത്, സമദ് പി.എം എന്നിവർ നേതൃത്വം നൽകി.

അനുസ്മരണം നടത്തി

Aswani — 2023-07-30 02:17:15

വടകര: ഉമ്മൻ ചാണ്ടിയുടെ നിര്യാണത്തിൽ മാസ്സ് ഓഫീസിൽ അനുസ്മരണം നടത്തി. പ്രസിഡന്റ്‌ വത്സലൻ അദ്ധ്യക്ഷത വഹിച്ചു. അഡ്വ : സുരേഷ് കുളങ്ങരകത്ത്, രഞ്ജിത്ത്, എം ആർ. ചന്ദ്രൻ, ഒ. എം. ഭാസ്കരൻ, അംബിക, ടി. കെ. അസീസ്, സി. എച്ഛ്. ഹരിദാസ്, ശ്രീകുമാർ, ശശിധരൻ കെ. എന്നിവർ അനുസ്മരണ പ്രഭാഷണം നടത്തി. സെക്രട്ടറി കെ. പി. നജീബ് സ്വാഗതവും രതീശൻ നന്ദിയും പറഞ്ഞു.

കൺവെൻഷൻ നടത്തി

Aswani — 2023-07-28 23:30:45

വടകര: സമ്മാനങ്ങൾ വർദ്ധിപ്പിക്കുക, എല്ലാ ലോട്ടറിയുടെയും വില 40 രൂപയായി ഏകീകരിക്കുക, ക്ഷേമനിധി ആനുകൂല്യങ്ങൾ വർധിപ്പിക്കുക, ഓണം ബോണസ് 10000 രൂപയാക്കി നിശ്ചയിക്കുക എന്നീ ആവശ്യങ്ങൾ ഉന്നയിച്ച് ഓൾ കേരള ലോട്ടറി ഏജന്റ് & സെല്ലേഴ്സ് കോൺഗ്രസ് (ഐഎൻടി യു സി) നേതൃത്വത്തിൽ ഓഗസ്റ് 2ന് നടക്കുന്ന ലോട്ടറി ബന്ദ് വൻ വിജയമാക്കാൻ വടകര നിയോജകമണ്ഡലം തീരുമാനിച്ചു. യൂണിയൻ ജില്ലാ പ്രസിഡന്റ് എം.സി. തോമസ് ഉദ്ഘാടനം ചെയ്തു. സംസ്ഥാന സെക്രട്ടറി രഞ്ജിത്ത് കണ്ണോത്ത് മുഖ്യപ്രഭാഷണം നടത്തി. പ്രസീദ് കണ്ണോത്ത് അധ്യക്ഷത വഹിച്ചു. യൂണിയൻ ഭാരവാഹികളായ മനോജ്, രാകേഷ് എന്നിവർ പ്രസംഗിച്ചു.

അനുമോദിച്ചു

Aswani — 2023-07-24 03:03:24

വടകര: ആൾ കേരള ആർട്ടിസാൻസ് / സ്കിൽഡ് വർക്കേഴ്സ് യൂണിയൻ നേതൃത്വത്തിൽ എസ് എസ് എൽ സി പരീക്ഷയിൽ മുഴുവൻ എ പ്ലസ് നേടിയ എടോടിയിലെ തയ്യൽ തൊഴിലാളിയായിരുന്ന സുജയുടെ മകൾ തനികയെ അനുമോദിച്ചു. വാർഡ് കൗസിലർ രജനിയും യുണിയൻ ജില്ലാ ജനറൽ സെക്രെട്ടറി പി. ദാമോദരനും ചേർന്ന് അനുമോദിക്കുകയും ക്യാഷ് അവാർഡ് നൽകുകയും ചെയ്തു. ചടങ്ങിൽ പറമ്പത്ത് ദാമോദരൻ അദ്ധ്യക്ഷത വഹിച്ചു. ഐ എൻ ടി യു സി നേതാക്കളായ ശശി കരിമ്പനപ്പാലം, കെ.എൻ എ അമീർ, മഹിള കോൺഗ്രസ് നേതാക്കളായ പുഷ്പ മഠത്തിൽ, ശാലിനി സി.എച്ച് , ബീന വസന്ത , ലത എന്നിവർ സംസാരിച്ചു.

അനുശോചിച്ചു

Aswani — 2023-07-24 02:57:53

ചെരണ്ടത്തൂർ : ക്ലാസിക് കലാസമിതി & ഗ്രന്ഥാലയം എടത്തുംകരയുടെ നേതൃത്വത്തിൽ മുൻ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തിൽ അനുശോചനം സംഘടിപ്പിച്ചു. ഇ.പി രവീന്ദ്രൻ സ്വാഗതം പറഞ്ഞു. ടി.ടി ബാലകൃഷ്ണൻ , ഗാനരചയിതാവ് പാറോൽ ചന്ദ്രൻ ,കെ.എം നാരായണൻ , കെ.കെ സജിത്ത് എന്നിവർ സംസാരിച്ചു. വിവേക് വി.വി നന്ദി പറഞ്ഞു.

പള്ളിപ്രം എൽ. പി. സ്കൂളിൽ ചാന്ദ്ര ദിനാചരണം

Aswani — 2023-07-24 02:31:07

പെരിങ്ങാടി: പള്ളിപ്രം എൽ. പി. സ്കൂളിൽ ചാന്ദ്രദിനം ആചരിച്ചു. രാവിലെ സ്കൂളിൽ ചേർന്ന അസംബ്ലിയിൽ അധ്യാപികയായ ശ്രീഷ ശ്രീധർ ദിനചാരണവുമായി ബന്ധപ്പെട്ട കാര്യങ്ങൾ വിശദീകരിച്ചു കൊടുത്തു. തുടർന്ന് നടന്ന ഡോക്യൂമെന്ററി പ്രദർശനം അധ്യാപകനായ ആഷിൻലാൽ കൈകാര്യം ചെയ്തു. ചാന്ദ്ര മനുഷ്യനായി വേഷമണിഞ്ഞ നാലാം തരം വിദ്യാർത്ഥിയായ മുഹമ്മദ്‌ ഷസിൻ ശാദുലി കുട്ടികൾക്ക് ഏറെ കൗതുകമുണർത്തുന്ന കാഴ്ചയായിരുന്നു. അമ്പിളിമാമനെക്കുറിച്ചുള്ള വിവിധ പാട്ടുകൾ ആലപിക്കൽ, ചിത്രം വരയ്ക്കൽ എന്നിവയ്ക്ക് അധ്യാപികയായ രഷിന എം. നേതൃത്വം നൽകി.

ഡോക്ടർ കെ വി പി സുമയ്യയെ അനുമോദിച്ച് എസ് ഡി പി ഐ

Aswani — 2023-07-22 05:05:13

വടകര: ഡോക്ടർ കെ വി പി സുമയ്യയെ എസ് ഡി പി ഐ കൊയിലാണ്ടി വളപ്പ് ബ്രാഞ്ച് അനുമോദിച്ചു. ബ്രാഞ്ച് പ്രസിഡന്റ്‌ അസ്‌ലം കെ വി മുമെന്റോ നൽകി. ജില്ലാ കമ്മിറ്റി അംഗം കെ വി പി ഷാജഹാൻ, ബ്രാഞ്ച് വൈസ് പ്രസിഡന്റ്‌ അൻവർ കെ വി, മഷ്ഹൂദ് കെ പി, സാജിദ് കെ വി പി, റഹീസ് കെ പി, നൗഫൽ പി കെ, ഷെമ്മി കെ വി, അബു എം എന്നിവർ സംബന്ധിച്ചു.

ആർട്ടിസ്റ്റ് നമ്പൂതിരി അനുസ്മരണം നടത്തി

Aswani — 2023-07-15 01:25:27

കൊയിലാണ്ടി: റെഡ് കട്ടൻ കലാസമിതിയും യുവകലാസാഹിതിയും സംയുക്തമായി ആർട്ടിസ്റ്റ് നമ്പൂതിരി അനുസ്മരണം നടത്തി. ഡോ. സോമൻ കടലൂർ മുഖ്യപ്രഭാഷണം നടത്തി. എൻ.ഇ. ഹരികുമാർ, ഇബ്രാഹിം തിക്കോടി, പ്രദീപൻ കണിയാരിക്കൽ എന്നിവർ സംസാരിച്ചു. ഇ.കെ. അജിത്ത് അധ്യക്ഷത വഹിച്ചു. രാഗം മുഹമ്മദലി സ്വാഗതവും ബാബു പഞ്ഞാട്ട് നന്ദിയും പറഞ്ഞു.

കെ എസ് എസ് പി യു കൺവെൻഷൻ നടത്തി

Aswani — 2023-07-10 02:44:54

വടകര: കെ എസ് എസ് പി യു പഴംങ്കാവ് യൂണിറ്റ് കൺവെൻഷൻ മധു കടത്തനാട് ഉദ്ഘാടനം ചെയ്തു. ബാബു കാനപ്പള്ളി അധ്യക്ഷത വഹിച്ചു. എൽ എസ് എസ്, യു എസ് എസ്, എസ് എസ് എൽ സി, പ്ലസ് ടു പരീക്ഷയിലെ വിജയികളായ വിദ്യാർത്ഥികളെ അനുമോദിച്ചു. മുതിർന്ന പെൻഷൻകാരെ കാനപ്പള്ളി ബാലകൃഷ്ണൻ ആദരിച്ചു. നവാഗതരെ ടി.ജയരാജൻ സ്വീകരിച്ചു. കെ.പി.രാധാകൃഷ്ണൻ, കെ.വി.ശശിധരൻ , പി സുധ, സതീശൻ എന്നിവർ സംസാരിച്ചു.

മാനവ സംസ്കൃതി വായന പക്ഷാചരണം

Aswani — 2023-07-09 23:49:02

കൊയിലാണ്ടി: മാനവ സംസ്കൃതി കൊയിലാണ്ടി താലൂക്ക് കമ്മിറ്റിയുടെ ആഭിമുഖ്യത്തിൽ വായനാ പക്ഷാചരണവും ചിത്രരചനാ മത്സര വിജയികൾക്കുള്ള ഉപഹാര സമർപ്പണവും നടന്നു. സി കെ .ജി ഭവനിൽ നടന്ന പരിപാടി യു.കെ രാഘവൻ ഉദ്ഘാടനം ചെയ്തു. കവിയും മോട്ടിവേറ്ററുമായ ഇബ്രാഹിം തിക്കോടി മുഖ്യപ്രഭാഷണം നടത്തി. സുധാകരൻ പറമ്പാട്ട് അധ്യക്ഷത വഹിച്ചു. മോഹൻദാസ് പാലോറ ,വത്സലൻ എൻ. വി, സുമ, അഡ്വ വിജയൻ, അഷ്റഫ് പുത്തൻ മരച്ചാലിൽ എന്നിവർ സംസാരിച്ചു.

തൃക്കോട്ടൂർ ഗുരിക്കൾ കാവിൽ വനവൽക്കരണ പരിപാടി

Aswani — 2023-07-07 03:45:19

തിക്കോടി: തൃക്കോട്ടൂർ ഗുരിക്കൾ കാവ് വനവൽക്കരണ പരിപാടി ഉദ്ഘാടനം ഗ്രാമപഞ്ചായത്ത് പ്രസിഡണ്ട് ജമീല സമദ് നിർവഹിച്ചു. 2023 വനമഹോത്സവത്തിന്റെ ഭാഗമായി തൃക്കോട്ടൂർ മഹാഗണപതി ക്ഷേത്രം കമ്മിറ്റി, തിക്കോടി ഗ്രാമപഞ്ചായത്ത്, കോഴിക്കോട് സോഷ്യൽ ഫോറസ്റ്ററി എന്നിവ സംയുക്തമായാണ് വനവൽക്കരണം നടത്തിയത്.

എ. കെ ദാമോദരൻ അധ്യക്ഷത വഹിച്ചു. ഫോറസ്റ്റ് കൺസർവേറ്റർ സത്യപ്രഭ, മെമ്പർ ജയകൃഷ്ണൻ ചെറുകുറ്റി, വീ.ടി. ഗോപാലൻ എന്നിവർ സംസാരിച്ചു. ഫോറസ്റ്റ് റേഞ്ച് ഓഫീസർ ബിജേഷ് കുമാർ നന്ദി രേഖപ്പെടുത്തി.

വെള്ളം കയറി; ആയഞ്ചേരിയിൽ കുടുംബം വീടൊഴിഞ്ഞു

Aswani — 2023-07-07 03:41:19

ആയഞ്ചേരി: കഠിനമായ മഴയിൽ വീടിനകത്ത് വെള്ളം കയറിയതിനാൽ ആയഞ്ചേരിയിൽ വരയാലിൽ നാണുവിന്റെ കുടുബം വീടൊഴിഞ്ഞു. ആയഞ്ചേരി കെ എസ് ഇ ബി ഓഫീനടുത്ത് താമസിക്കുന്ന നാണുവിന്റെ വീട്ടിലേക്ക് കഴിഞ്ഞ ദിവസം രാത്രിയാണ് മഴ വെള്ളം കയറിയത്. വീടിനടുത്തുള്ള തോട് ഒരു പറമ്പ് ഉടമ കെട്ടി കുടുക്കിയതാണ് വീട്ടിലേക്ക് വെള്ളം കയറാൻകാരണം. പരിസരത്തുള്ള വീടുകളും ഭീഷണി നേരിടുകയാണ്. വാർഡ് മെമ്പർ ലതിക , വില്ലേജ് ഉദ്യോഗസ്ഥർ എന്നിവർ സ്ഥലം സന്ദർശിച്ചു. പ്രശ്ന പരിഹാരമുണ്ടാവണമെന്നാവശ്യപെട്ട് നാട്ടുകാർ റവന്യൂ അധികൃതർക്കും പഞ്ചായത്ത് സെക്രട്ടറിക്കും പരാതി സമർപ്പിച്ചിട്ടുണ്ട്.

കഥോത്സവം ഉദ്ഘാടനം ചെയ്തു

Aswani — 2023-07-04 04:56:11

കക്കട്ടിൽ: വട്ടോളി ഗവൺമെൻറ് യുപി സ്കൂളിൽ കുന്നുമ്മൽ ബിആർസിയുടെ നേതൃത്വത്തിൽ പ്രീ പ്രൈമറി കുട്ടികൾക്കായുള്ള കഥോത്സവം പരിപാടി ഫസ്റ്റ് ബെൽ ഫെയിം സായി ശ്വേത ഉദ്ഘാടനം ചെയ്തു. സീനിയർ അസിസ്റ്റൻറ് ലിഖിത കെ.ജി അധ്യക്ഷത വഹിച്ചു. ചടങ്ങിൽ കുന്നുമ്മൽ ബി പി സി , കെ പി ബിജു, പിടിഎ പ്രസിഡണ്ട് കെ സി രാജീവൻ, റഷീദ് കായക്കൊടി, ടി. രമേശൻ , ഷീന. ടി എം, സനൂപ് സി.എൻ, രമേശ് ബാബു കാക്കന്നൂർ തുടങ്ങിയവർ സംസാരിച്ചു. ചടങ്ങിൽ വടകര ബി ആർ സിയിലെ സുമിഷ കെ കുട്ടികളുമായി സംവദിച്ചു. തുടർന്ന് കുട്ടികൾ അവതരിപ്പിച്ച വിവിധ സ്കിറ്റുകളും കഥാമേളയും നടന്നു. പ്രവീണ ടി നന്ദി പറഞ്ഞു.

നാളികേര വിലയിടിവ്; തേങ്ങ കൂട്ടിയിട്ട് റീത്ത് വെച്ചു

Aswani — 2023-07-04 04:44:42

മേപ്പയ്യൂർ: നാളികേര വിലയിടിവ് തടയുക, കിലോവിന് 50 രൂപ നിരക്കിൽ തേങ്ങ സംഭരിക്കുക, നിത്യോപയോഗ സാധനങ്ങളുടെ വിലയിടിവ് തടയുക, കൃഷിഭവൻ മുഖേനനാളികേരം സംഭരിക്കുക തുടങ്ങിയ ആവശ്യങ്ങൾ ഉന്നയിച്ചു കിസാൻ ജനത നടത്തുന്ന സമരത്തിന്റ ഭാഗമായി മേപ്പയ്യൂർ കൃഷിഭവന്റെ മുന്നിൽ ധർണ നടത്തി. മഴയത്ത് ടൗണിൽ പ്രകടനം നടത്തിയ ശേഷം കൃഷിഭവനു മുന്നിൽ നാളികേരം കൂട്ടിയിട്ട് റീത്ത് വെച്ചു കൊണ്ട് നടത്തിയ സമരം ബഹുജന ശ്രദ്ധ ആകർഷിച്ചു. എൽ. ജെ.ഡി ജില്ലാ സെക്രട്ടരി ഭാസ്ക്കരൻ കൊഴുക്കല്ലൂർ ഉൽഘാടനം നിർവ്വഹിച്ചു. പ്രസിഡണ്ട് പി.ബാലകൃഷൻ കിടാവ് അദ്ധ്യക്ഷത വഹിച്ചു. എൽ.ജെ.ഡി.പഞ്ചായത്ത് പ്രസിഡണ്ട് പി.ബാലൻ ,സെക്രട്ടരി സുനിൽ ഓടയിൽ, പി.പി. ബാലൻ, വി.പി. മോഹനൻ, എ.കെ. നാരായണൻ, കെ.എം ബാലൻ, കെ.കെ. നിഷിത, മിനി അശോകൻ, സുരേഷ് ഓടയിൽ, വി.പി. ഷാജി ,എ എം കുഞ്ഞി കൃഷ്ണൻ എന്നിവർ സംസാരിച്ചു.

വേറിട്ട രൂപത്തിൽ വായനാ പക്ഷാചരണം

Aswani — 2023-07-04 04:38:34

പയ്യോളി: കുഞ്ഞുമക്കളുടെ ചോദ്യങ്ങളും അഭിപ്രായ പ്രകടനങ്ങളും കൊണ്ട് മധുരമയമാക്കി കണ്ണംകുളം എ.എൽ.പി സ്കൂളിൽ വായനാ പക്ഷാചരണം. കവി ഇബ്രാഹിം തിക്കോടി ഉദ്ഘാടനം ചെയ്തു. പ്രധാന അധ്യാപകൻ സുഭാഷ് മേപ്പയ്യൂർ അധ്യക്ഷത വഹിച്ചു. സുബൈർ, രതീഷ് ,ഫാസിൽ, ഷോണിമ, ബുഷറ എന്നിവർ സംസാരിച്ചു. കുട്ടികളുടെ താൽപര്യവും ആവേശം കണക്കിലെടുത്ത് ഇബ്രാഹിം തിക്കോടിയുടെ 'പ്രശ്നസങ്കീർണ്ണം ജീവിതം! തളരരുത് !! പതറരുത്!! വഴികളുണ്ട് !!"എന്ന മോട്ടിവേഷൻ പുസ്തകം വിദ്യാർത്ഥി സദസ്സിൽ വിദ്യാർഥികൾ കൈകാര്യം ചെയ്യുന്ന രൂപത്തിൽ പുസ്തക ചർച്ച നടത്താനും തീരുമാനമായി.

ആശുപത്രികളിൽ എല്ലാവിധ ചികിത്സകളും ഉറപ്പു വരുത്തണം; കെ.എസ്.എസ്.പി.യു

Aswani — 2023-07-04 04:35:21

തിക്കോടി: ആശുപത്രികളിൽ എല്ലാവിധ ചികിത്സകളും ഉറപ്പുവരുത്തണമെന്നും വർഷങ്ങളായി മുടങ്ങിക്കിടക്കുന്ന പെൻഷൻ കുടിശികയും, ക്ഷാമബത്തയും എത്രയും പെട്ടെന്ന് അനുവദിക്കണമെന്നും കേരള സ്റ്റേറ്റ് സർവീസ് പെൻഷനേഴ്സ് യൂണിയൻ തിക്കോടി യൂണിറ്റ് കൺവെൻഷൻ സർക്കാരിനോട് ആവശ്യപ്പെട്ടു. തൃക്കോട്ടൂർ എ.യു.പി.സ്കൂളിൽ വെച്ച് നടന്ന കൺവെൻഷൻ ബ്ലോക്ക് സെക്രട്ടറി കെ എം കുഞ്ഞിരാമൻ ഉദ്ഘാടനം ചെയ്തു. ചന്ദ്രൻ നമ്പ്യേരി അധ്യക്ഷത വഹിച്ചു. ബ്ലോക്ക് ട്രഷറർ എം എം കരുണാകരൻ സംഘടനാ റിപ്പോർട്ട് അവതരിപ്പിച്ചു. 75 പിന്നിട്ട മെമ്പർമാരെ തിക്കോടി നാരായണൻ ആദരിച്ചു നവാഗതർക്കുള്ള മെമ്പർഷിപ്പ് വിതരണം കെ. പത്മനാഭൻ നിർവഹിച്ചു. സാംസ്കാരിക വേദി കൺവീനർ ഇബ്രാഹിം തിക്കോടി സംസാരിച്ചു. കെ.എം അബൂബക്കർ പ്രമേയം അവതരിപ്പിച്ചു. സെക്രട്ടറി വി.ടി.ഗോപാലൻ സ്വാഗതവും പുൽപ്പാണ്ടി മോഹനൻ നന്ദിയും പറഞ്ഞു.

വിജയികളെ അനുമോദിച്ചു

Aswani — 2023-06-29 23:20:32

വടകര: ചോറോട് പഞ്ചായത്ത് വൈക്കിലശ്ശേരി തെരുവിലെ ഒരുമ കൂട്ടായ്മയുടെ നേതൃത്വത്തിൽ എസ്എസ്എൽസി പരീക്ഷയിൽ ഉന്നത വിജയം നേടിയ വിദ്യാർത്ഥികളെ അനുമോദിച്ചു. പഞ്ചായത്ത് മെമ്പർ വിലങ്ങിൽ പ്രസാദ് വിദ്യാർത്ഥികൾക്ക് മൊമെന്റോ നൽകി. ചടങ്ങിൽ എം. അശോകൻ ,എൻ. ടി ഷാജി , എം ടി കെ സുരേന്ദ്രൻ എന്നിവർ സംസാരിച്ചു.

മൈലാഞ്ചി മൊഞ്ചിൽ ബക്രീദിനെ വരവേറ്റ് കുരുന്നുകൾ

Aswani — 2023-06-27 22:56:50

ചോറോട് : ചോറോട് എൽ പി സ്കൂളിൽ ബക്രീദ് പ്രമാണിച്ച് മൈലാഞ്ചി ഇടൽ മത്സരവും കുട്ടികൾ അവതരിപ്പിച്ച ഒപ്പനയും അറബി ക്ലബ്ബിന്റെ അഭിമുഖ്യത്തിൽ അറബിക് പദ്യം ചൊല്ലൽ മത്സരവും സംഘടിപ്പിച്ചു. അറബി ടീച്ചറായ നസീറ വിദ്യാർഥികൾക്ക് ഒപ്പന പഠിപ്പിച്ചു നൽകി. വിവിധങ്ങളായ പരിപാടികൾ അരങ്ങേറി. പിടിഎ വൈസ് പ്രസിഡണ്ട് ശരണ്യ കെ പരിപാടി ഉദ്ഘാടനം ചെയ്തു. പ്രധാന അധ്യാപിക ടി.കെ ലീല, രജിഷ പി. എൻ, സുബിന രാജ്, രേഷ്മ, അതുൽ സുരേന്ദ്രൻ, നസീറ എന്നിവർ പരിപാടിക്ക് നേതൃത്വം നൽകി.

രഞ്ജിത്ത് കണ്ണോത്തിനെ തിരഞ്ഞെടുത്തു

Aswani — 2023-06-27 02:18:53

വടകര: ഓൾ കേരള ലോട്ടറി ഏജന്റ് & സെല്ലേഴ്‌സ് കോൺഗ്രസ് (ഐഎൻടി യുസി)യുടെ സംസ്ഥാന സെക്രട്ടറിയായി രഞ്ജിത്ത് കണ്ണോത്തിനെ തിരഞ്ഞെടുത്തു. നിലവിൽ ഐ.എൻ.ടി.യു.സിയുടെ ജില്ലാ ഓർഗനൈസിങ് സെക്രട്ടറി, ഐ.എൻ.ടി.യു.സി. അഖിലേന്ത്യ കൗൺസിൽ അംഗം, ഐ.എൻ. ടി.യു.സി സംസ്ഥാന കൗൺസിൽ അംഗം, കേരള മുൻസിപ്പൽ കോർപ്പറേഷൻ കണ്ടിജൻ എംപ്ലോയീസ് കോൺഗ്രസ്(ഐ എൻ ടി യു സി) വടകരയുടെ പ്രസിഡന്റ്, മോട്ടോർ തൊഴിലാളി ഫെഡറേഷൻ (ഐ എൻ ടി യു സി) ചെയർമാൻ, കേരള സ്റ്റേറ്റ് പ്രൈവറ്റ് ആൻഡ് കോ-ഓപ്പറേറ്റീവ് ഹോസ്പിറ്റൽ എംപ്ലോയിസ് അസോസിയേഷൻ ജില്ലാ ജനറൽ സെക്രട്ടറി, വടകരയുടെ സംയുക്ത സമരസമിതിയുടെ ചെയർമാൻ, വടകര ഓട്ടോറിക്ഷ കോർഡിനേഷൻ കമ്മിറ്റിയുടെ ചെയർമാൻ എന്നീ മേഖലയിൽ പ്രവർത്തിച്ചുവരുന്നു.

ലഹരി വിരുദ്ധ ബോധവൽക്കരണം നടത്തി

Aswani — 2023-06-27 02:13:57

ചാത്തങ്കോട്ടുനട: എ. ജെ. ജോൺ മെമ്മോറിയൽ ഹയർസെക്കൻഡറി സ്കൂളിൽ റോവർ ആന്റ് റേഞ്ചർ യൂണിറ്റിന്റെ ആഭിമുഖ്യത്തിൽ ലഹരി വിരുദ്ധ ദിനത്തോടനുബന്ധിച്ച് വടകര സർക്കിൾ എക്സൈസ് പ്രിവന്റീവ് ഓഫീസർ ശ്രീ.പി.പി. രാമചന്ദ്രൻ ബോധവൽക്കരണ ക്ലാസ്സ് നൽകി. ചടങ്ങിൽ സ്കൂൾ മാനേജർ ഫാദർ സിജോ എടക്കരോട്ട് അദ്ധ്യക്ഷത വഹിച്ചു. പ്രിൻസിപ്പാൾ ബിന്ദു മൈക്കിൾ, ടി.എം സഹദേവൻ, എയ്ഞ്ചൽ ജേക്കബ് എന്നിവർ ആശംസയർപ്പിച്ചു സംസാരിച്ചു. ക്രിസ്ബിൻ റോയ് സ്വാഗതവും റന്ന ജാസ്മിൻ നന്ദിയും പറഞ്ഞു. ഷാജി അരവിന്ദ്, ജിജി ജേക്കബ് എന്നിവർ നേതൃത്വം നൽകി.

ലഹരിക്കെതിരെ കൈയ്യൊപ്പുമായി വിദ്യാർത്ഥികൾ

Aswani — 2023-06-27 00:51:07

നാദാപുരം: ലോക ലഹരി വിരുദ്ധ ദിനത്തിൽ ലഹരിക്കെതിരെ കൈയ്യൊപ്പ് ശേഖരണവുമായി വിദ്യാർത്ഥികൾ. ചേലക്കാട് എം.എൽ.പി സ്കൂൾ വിദ്യാർത്ഥികളാണ് ഒപ്പ് ശേഖരണവുമായി ജനങ്ങൾക്കിടയിലേക്ക് ഇറങ്ങിയത്. ലഹരി വസ്തുക്കൾ പ്രതീകാത്മമകമായി കത്തിച്ച് കൊണ്ട് ലഹരി വിരുദ്ധ പ്രവർത്തനങ്ങൾക്ക് തുടക്കം കുറിച്ചു. സ്കൂളിലെ ലഹരി വിരുദ്ധ ക്ലബ്ബിന്റെ ആഭിമുഖ്യത്തിലാണ് പരിപാടികൾ നടന്നത്.

ലഹരി വിരുദ്ധ റാലി സംഘടിപ്പിച്ചു

Aswani — 2023-06-26 23:57:07

ആയഞ്ചേരി: എം.സി.എം.യു.പി.സ്കുളിൽ സീഡ് ക്ലബ്ബിന്റെ ആഭിമുഖ്യത്തിൽ ലഹരി വിരുദ്ധ റാലി സംഘടിപ്പിച്ചു. മയ്യന്നൂർ ടൗണിൽ നടത്തിയ റാലിയിൽ സീഡ്, സ്കൗട്ട്, ഗൈഡ്സ്, ജെ ആർ സി , ബുൾബുൾ എന്നിവരും പങ്കാളിയായി. ടൗണിലൂടെ സഞ്ചരിക്കുകയായിരുന്ന എക്സൈസ് സംഘം റാലി കാണുകയും സർക്കാരിന്റെ ലഹരി വിരുദ്ധ ബാഡ്ജ് റാലിയംഗങ്ങൾക്ക് നൽകുകയും ചെയ്യുകയും ചെയ്തു. സീഡ് കോഡിനേറ്റർ റജുല, അൻസീർ പനോളി, ഷംസീറ, ഷമീമ, ഫഹദ് എന്നിവർ റാലിക്ക് നേതൃത്വം നൽകി.

തിരുമന എൽ.പി. സ്കൂളിൽ ലഹരി വിരുദ്ധദിനം ആചരിച്ചു

Aswani — 2023-06-26 23:11:09

വില്ല്യാപ്പള്ളി: തിരുമന എൽ.പി. സ്കൂളിൽ വിവിധ പരിപാടികളോടെ ലഹരി വിരുദ്ധദിനം ആചരിച്ചു. സ്കൂളിൽ നടന്ന പ്രത്യേക അസംബ്ലിയിൽ നജീബ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. സോഷ്യൽ മീഡിയ പ്ലക്കാർഡുകൾ, പോസ്റ്ററുകൾ എന്നിവയുടെ നിർമ്മാണവും ലഹരി വിരുദ്ധ ബോധവൽക്കരണവും നടത്തും. പ്രസീത എം, സുമിത ആർ, ഷിനിൽ കുമാർ തുടങ്ങിയവർ സംബന്ധിച്ചു.

കുടുബ സഹായ കമ്മിറ്റി രൂപീകരിച്ചു

Aswani — 2023-06-25 23:37:34

കടമേരി: കുറ്റിവയലിലെ വലിയ വീട്ടിൽ മീത്തൽ ബാബുവിന്റെ കുടുബത്തെ സഹായിക്കുന്നതിന് വേണ്ടി നാട്ടുകാർ കുടുബ സഹായ കമ്മിറ്റി രൂപീകരിച്ചു. ബസ്സ് ജീവനക്കാരനായിരുന്ന ബാബുവിന്റെ പെട്ടന്നുള്ള മരണം കുടുബത്തെ അനാഥമാക്കിയിരിക്കയാണ്. കുറ്റി വയലിൽ ചേർന്ന കുടുബ സഹായ കമ്മിറ്റി രൂപീകരണ യോഗത്തിൽ ആയഞ്ചേരി ഗ്രാമ പഞ്ചായത്ത് സ്ഥിരം സമിതി അധ്യക്ഷൻ ടി.വി.കുഞ്ഞിരാമൻ അധ്യക്ഷം വഹിച്ചു. കണ്ണോത്ത് ദാമോദരൻ, ഹാരിസ് മുറിച്ചാണ്ടി, യു വി കുമാരൻ ,കെ കെ രാജീവൻ , സി വി കുഞ്ഞിരാമൻ, എടക്കണ്ടി വിജയൻ ,എം ഇബ്രായി , കരിം പിലാക്കി, കെ മോഹനൻ , സതീശൻ ആലാറ്റിൽ, ഏ.പി. ഹരിദാസൻ , വി.കെ ഹമീദ് , രനീഷ് ടി.കെ എന്നിവർ സംസാരിച്ചു. ഭാരവാഹികളായി കെ കെ രാജീവൻ (ചെയർമാൻ), രനീഷ് ടി.കെ (കൺവീനർ), തറമൽ കരുണൻ (ഖജാൻജി) എന്നിവരെ തിരഞ്ഞെടുത്തു.

എസ് എസ് എൽ സി - പ്ലസ് ടു വിജയികളെ അനുമോദിച്ചു

Aswani — 2023-06-25 23:31:58

നന്തി ബസാർ: മൂടാടി പഞ്ചായത്ത് രണ്ടാം വാർഡ് മുസ്ലിം ലീഗ് കമ്മറ്റി എസ്.എസ്.എൽ.സി. പ്ലസ്സ്ടു വിജയികളെ അനുമോദിച്ചു. നന്തി സ്റ്റാർ ഓഡിറ്റോറിയത്തിൽ ടി.കെ.നാസറിന്റെ അദ്ധ്യക്ഷതയിൽ നടന്ന ചടങ്ങ് മുൻ കോഴിക്കോട് ജില്ലാ മുസ്ലിം ലീഗ് സിക്രട്ടറി വെങ്ങളം റഷീദ് ഉത്ഘാടനം ചെയ്തു. ഷാനിയാസ് കുട്ടികൾക്ക് മോട്ടിവേഷൻ ക്ലാസ് എടുത്തു. ദുബൈ കെ.എം.സി സി കോഴിക്കോട് ജില്ലാ സിക്രട്ടറി വി.കെ.കെ.റിയാസ്, രണ്ടാം വാർഡ് മെമ്പർ ഏ വി. ഹുസ്ന, എസ് എസ് എച്ച് സി. പ്രസിഡണ്ട് മേയോൺ ഖാദർ ,വി.കെ.ഇസ്മായിൽ , കുതിരോടി അബൂബക്കർ ,മണ്ടോളി റഷീദ്, ബഷീർ പാലൂക്കുറ്റി , സുബൈർ വി.കെ, മുസ്തഫ അമാന , ഇസ്മയിൽ കൊവ്വുമ്മൽ ,അഷറഫ് മുക്കാട്, ഹനീഫ നിലയെടുത്ത് ,റാഫി ദാരിമി, സി.കെ.സുബൈർ തുടങ്ങിയ പങ്കെടുത്തു. കെ.പി.മൂസ്സ സ്വാഗതവും വി.കെ.കെ.ഉമ്മർ നന്ദിയും പറഞ്ഞു.

നൈറ്റ് മാർച്ച് സംഘടിപ്പിച്ചു

Aswani — 2023-06-25 23:24:49

വടകര: കെ പി സി സി പ്രസിഡണ്ട് കെ സുധാകരനെതിരെ കേസെടുത്തതിൽ പ്രതിഷേധിച്ചുകൊണ്ട് ചോറോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നൈറ്റ് മാർച്ചും പ്രതിഷേധ സംഗമവും നടത്തി. പ്രതിഷേധ സംഘമം ബ്ലോക്ക്കോൺഗ്രസ് കമ്മിറ്റി പ്രസിഡൻറ് സതീശൻ കുരിയാടി ഉദ്ഘാടനം ചെയ്തു. പ്രതിഷേധ നൈറ്റ് മാർച്ചിന് ആർ കെ പ്രവീൺകുമാർ, അഡ്വ.പി.ടി.കെ നജ്മൽ , കെ.കെ റിനീഷ്, കെ.ജി രാഗേഷ്, രാജേഷ് ചോറോട് , കിഴക്കയിൽ രമേശൻ , ബാബു ബാലവാടി, രജിത്ത് മലോൽ എന്നിവർ നേതൃത്വം നൽകി.

ലൈഫ് പദ്ധതി; ഗുണഭോക്ത്യസംഗമം നടത്തി

Aswani — 2023-06-23 23:31:49

വടകര: ചോറോട് ഗ്രാമപഞ്ചായത്ത് ലൈഫ് ഭവനപദ്ധതി ജനറൽ വിഭാഗത്തിൽ പെട്ടവരുടെ ഗുണഭോക്ത്യസംഗമവും കരാറിൽ ഏർപ്പെടുന്ന ചടങ്ങും ചോറോട് ഗ്രാമപഞ്ചായത്ത് പ്രസിഡൻറ് പി.പി ചന്ദ്രശേഖരൻ ഉദ്ഘാടനം ചെയ്തു. ചടങ്ങിൽ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ശ്യാമള പൂവേരി അധ്യക്ഷത വഹിച്ചു. സ്ഥിരം സമിതി അംഗങ്ങളായ കെ മധുസൂദനൻ ,നാരായണൻ സി ,മെമ്പർമാരായ പ്രസാദ് വിലങ്ങിൽ ,മനീഷ് കുമാർ ടി പി , പുഷ്പ മഠത്തിൽ , ലളിത എൻ ടി കെ , അബൂബക്കർ , സബിത കെ , ലിസി പി, ആബിദ എൻ സി, ബിന്ദു ടി, ഷിനിത സജിതകുമാരി , സെക്രട്ടറി നിഷ എൻ തയ്യിൽ, നിർവ്വഹണ ഉദ്യോഗസ്ഥരായ വിനീത പി , വിപിൻ കുമാർ ടി വി എന്നിവരും പങ്കെടുത്തു.

അഗ്രി തെറാപ്പി സംഘടിപ്പിച്ചു

Aswani — 2023-06-23 22:30:05

വടകര: ചോറോട് ഗ്രാമപഞ്ചായത്ത് കുടുംബശ്രീ സി ഡി എസ് സഞ്ജീവനി അഗ്രി തെറാപ്പി ചോറോട് ബഡ്സ് സ്കൂളിൽ കുടുംബശ്രീ സി ഡി എസ് ചെയർപേഴ്സൺ അനിത പ്രകാശൻ ഉത്ഘാടനം ചെയ്തു. പതിനാലാം വാർഡ് മെമ്പർ ജിഷ, വൈസ് ചെയർപേഴ്സൺ രജിന, ബ്ലോക്ക് കോഡിനേറ്റർ രാധിക, കമ്മ്യൂണിറ്റി കൗൺസിലർ സഫിത, ഉപസമിതി കൺവീനർ ഷംന, അക്കൗണ്ടന്റ് ശാരിക എന്നിവർ പങ്കെടുത്തു. കുട്ടികളുടെ മാനസിക ശാരീരിക വികസനം ജൈവ കൃഷിയിലൂടെ എന്നതായിരുന്നു അഗ്രി തെറാപ്പിയുടെ ഉദ്ദേശ ലക്ഷ്യം.